I'LL HOLD YOU TIGHT chapter 10

Episode kal lai dah luhna

Moderator: writers

Te-i Mrs Ambrose
Posts: 170
Joined: May 30th, 2022, 10:14 am
Location: Siaha

I'LL HOLD YOU TIGHT chapter 10

Unread post by Te-i Mrs Ambrose » October 1st, 2022, 10:43 pm

I'll Hold You Tight
(Our Unfinished Story S-2)
By; 🌼Te-i Mrs Ambrose🌼
Chapter 10






Perfect boy chuan ka kawngah chelhin thlawhna aṭang chuan kan chhuak a, Rini te chuan min lo hmuak ngei a, Perfect boy nena min hmuh dun chuan mak a tih hmel lutuk, a mit a khap fak fak a, chu mai duhtawk lovin a mit a nuai leh vak, ka thlen vang a a lawm hmel a hmelhah hmuh tur a awm hauh lo.






Amak a ti tih a hmelah a lang chiang hle a, chutah min lo pan hnaiin "Lalrempui, kei hi ding chungin ka muthlu em ni? Min lo beng teh" a rawn ti a, a over lutuk chuan ka nuih a tiza, min lo lawm chu sawiloh, hei engah mah min ngaihloh hmel khawp mai, Perfect boy pawh Rini awmdan avang chuan a nui tawp.






Rini lah chuan " Ka mumang em ni?" tiin ka ban a sawi a sawi a, ka ning deuh tawh bawk nen a chal ka kuk fawk, "Lalrempui, fing rawh" a rawn ti nghek, "I mumang a nilo tih ka hriattir mai che a ni" ka tih chuan a duhlo teh e, " Nang leh Matthew maw... a mak lulai emai" tiin min kawk dun a, Perfect boy chuan "Imm,, kei leh Cutie" a rawn ti a, Rini hmaah chuan ka kut ka lek a.







"Ngatan nge kha i kut nalloh zet kha ka hmaah I lek a, la thla teh...van rim leh vai rim a nam" a tih chuan ka beng vak, "Ka kut kha en lovin ka kutzungtanga zungbun kha en ta che" ka tih chuan ka kut chu a la kang a, kan inhualna zungbun chu a en reng, chutah Beiseia lam chu hawiin " An chet romance hmel zia hi, engtin tak purpose ang maw...nang ve lem" tiin Beiseia chu a melh rum khui khui.







Chutah ka lam lo hawiin " Rempui min pe daih la" tiin ka kuta zungbun chu a tuai heuh heuh, "Tuin nge inhualna zungbun te mi lo pe ngai" ka tih chuan " Elee, nangmah" tiin a nui sawng mai. "Nun over neih a hun tawhlo. Pasal nei tawh tur inih kha, puitling rawh" ka tih chuan min melh nghek.







"I polite loh zia hi i hria em? Kum tamtak hnuah ka lo thleng ve em em a, min kuah chu sawihloh, chibai takngail pawh min lo chibai lova" ka tih chuan a hrechhuak thut nge ni? Min lo kuah a, "Awii,,, Lalrempui, ka ngaih ṭhin zia che chu maw, Mizoram lam hawiin i kam pawh i ṭhuah duh silo a, ka ngaih a ka ngaih zia mai che chu" a rawn ti a "Min ngailo a ni ang chu, ka sawi hnuin i hriatchhuah ve chiah hi" la tih chuan min kuah reng pahin ka hnung a beng vak.







"Matthew nen ka hmudun che u sia, mak ka lo ti over ultra pro max alawm" tiin min thlah ve hram a, Perfect boy lam chu hawi ve lehin "Nangpa hi maw.. ka ngei deuh tlat che, mi pawh biak i tum ngailo reng reng, changêl hmanga i ruang lem siama phum che ka tum thawt thawt ṭhin a, mahse mihring damlai phum thu a awm silo. I induh thei khawp mai.... mahse khawi insakkak ang" tiin a ban a lek chhuak a, Perfect boy pawn nui chungin a ban a vuan ve a.







Lengpui Airport aṭang chuan chhuakin Aizawl lam kan pan a, Rini leh Beiseia a hmaa thuin kei leh Perfect boy a hnungah kan thu bawk, thlawhnaah khati khawp khan ka mu a, mahse ka mut ala chhuak tho nia mawle! Perfect boy chu ka ngheng a, ka chhing siar siar, Perfect boy chuan la chal a fawp zeuh a, Rini'n a lo hmu fuh leh pek "Back to HIGHER LIFE" a rawn ti a, ka nui ringawt. A sawi kha a dik ve reuh em a, kei leh Perfect boy chu kan higher nunah khan kan let leh a ni ringawt.






Kum tam tak hnuah ka in tih a ka chhal ve ṭhin chu ka thleng leh ta, Perfect boy pawh a rawn lut kawi ve a, ka nu chuan min pan a, min kuah vang vang "Bawihte, I nu hi min ngailo thei lutuk" tiin a mittui a tla nghal a. Khang kum tamtak chhung khan ka nu pawh thlahlel zo lovin ka thinlung hliam leh rilru na lutuk avang khan ram dangah ka kal daih kha a nia. "Nu tihpalh, ka ngai thei lutuk che alawm" tiin ka nu chu ka kuah let ve a.






Ka nu chuan rei tak min kuah hnuin min thlah ve ta hram a, ka nu in Perfect boy a hmuh ve chuan mak tih hmel khawp mai, "Ehee,, Matthew-a ni reng che chuan" tiin a rawn chibai a, Rini chuan ka beng bulah "Rempui, engtin nge bul in ṭan ṭhatleh thei zawk a" a rawn ti ru sar sar. "Amak lutuk, thil kha a rawn thleng mawp mawp mai a, hmachhawn dan pawh ka thiam meuh hleinem" ka tih chuan min en vang vang a, "Zaninah ka rawn riak dawn a, thilthleng kha chipchiar takin min hrilh ang che" a tih chuan ka bu zeuh a.







Rini chuan ka nu melh pahin " Nu Ramte, ka rawn riak dawn ania" a ti a, ka nu pawn riak ngei tur chuan a lo hrilh a, ka bungrua chu ka room hlui lamah kan dah a, Perfect boy chuan ka nu chu en zeuh pahin "Nu, Cutie hi lo thleng hlim hlawl mahse, ka hruaichhuak leh lawk ang chu, " a tih chuan ka nuin nui chugin "Nu min tih nachang te ila hria a, I fel khawp mai" a ti a, Perfect boy pawh a rawn nui ve a, a nuimawi a, a nuihin ala hmelṭha reng bawk ahma ai mah khan a hmelṭha zawk, Perfect boy chuan "Ka thlenna tur te buaipui ka la ngai sia, Cutie chu ka hruaichhuak leh mai dawn asin" a tih chuan ka nu in mak tih hmel lutukin Perfect boy chu a en a, "Aa,, hetah i thleng ve dawn emaw tia?" a rawn ti a, Perfect boy chuan lu a thing zeuh a.






"Hotel ka book fel vek tawh si a, ka rawn leng fo zawk dawn nia" a ti a, ka nu in kan ina a thlen mai loh avang chuan a a hau titih deuh a, Perfect boy pawh a nui ringawt. Kan chhuah hmain ka intifai lawk a, ka intihfai zawh chuan Rini te nen chuan kan zavaiin kan chhuak leh vek, Perfect boy chu hotel thleng kan thlah a, a room tur lamah min pawt pheiin min kuah vang vang a, "Mizoram ngei kan thleng leh ta. Chuan kan kar tlemin a hla leh sawt ang a, ka ngai leh khawp ang che, nang tawk reng lo che chuan ka awm thiam tawh meuh lo" a rawn ti a.







"Naktuk chu i chauh viau loh chuan kan chhuak dawn nia" a rawn ti a, "Engmaw kan tih dawn?" ka lo ti ha. "Mizoram kan thlen veleh kan school hluiah kal ang i ti a ni lawm ni?" a tih chuan ka chal ka beng thak ringawt. "Ni tak e...Kan leng dawn nia... Sir Tarmiatbiala pawh ala thawk maithei a, ka hmu chak emai" keimah leh keimah ka insawiphur vek dawn.







Pawn aṭang Rini chuan ring leng lawng hian " In di na hun a tawp, fianrial hun a zo. In zutna hun a bo. Inkaihna hun a ral. Khumlaizawla kai nan hun a awmlo. 'Auh auh' ruam in feel dawn tlat lo chhuak ru" a tih chuan kan nuidun a, Perfect boy banah chuan kaiin ka chhuahpui a, Rini chuan min melh no lo khawp mai.







"Higher kallai mah nin ṭhin che u nen, tunah chuan Higher kallai ai khan in ninawm dawn tlat..Induh dun leh hluak hluak lutuk mai. In lo thleng hi ka lawm viau rualin heti reng hi in nih dawn chuan ka zolo sa che u..Sim hmak ang che u" tiin Rini a ang hluk hluk a, nuih a tiza khawp mai.







Reilote Perfect boy thlena hotel-ah chuan awm lehin haw kan tum a, Perfect boy chuan ka beng bulah "Naktuk chuan ka lo lam ang che aw" a rawn ti sup a, ka lo bu nghat a, a din mar dawn lai chuan ka beng a seh zeuh a, a za bawk si nen a awmah ka lo beng vak. Rini lahin min melh sir tawh hle a.. A mitsir bakin min melh peih rawh ṭhaklo.







Beiseia bawk chuan a car-in min rawn thlah a, Rini chuan chaw ei nghal a tum a ni awm e. In kan thlen chuan ka nu in min kuah leh vang vang. Beiseia chu rei awm lovin a haw a, kan pathum chuan eirawng kan bawl a, kan ti ti pah a a nuam khawp mai. Chaw kan ei nghal a, Ka nu bulah han awm leh zawng a nuamin a thlamuanthlak khawp mai.







Rini chuan "Jerome chiah kimlo a awm ta" a rawn ti a, Jerome a sawi takah chuan ka ngai thar veng veng, min lo be khat si, "Tun ṭum hian a lo haw ve ang em le?" ka tih chu Rini'n a lu a thing a, "Tun,um chu chawlh lak an phal chiah tawhlo a" a rawn ti a, ka nu chuan "Jerome chu aw.. Sipai nih a chak ber kha a nia,, mahse kei zawng ka thla hi a muang thei lo, beih tawk thei reng leh ral do tur te an ni si a" a rawn ti vawng vawng a.






Chaw kan ei khamin ka nu te nen TV en pahin kan ṭhu a , ka phone ka bih ka bih mai. Perfect boy message emaw, call ka chang a ni ber. Ka thinrim lek lek tawh mahse Perfect boy message chu a lo lut ta hram a *Sorry Cutie, ka zal mai mai kha ka lo muhil daih a, Zanin chu ka rawn lang lo mai ang. Ka ngai lutuk che* tih a rawn thawn a, ka ngaihtuah neuh neuh a. A chau viau tak ang. Kei chu ka mu ka mu a, ani erawh a mu ve hauh lo.







*Lo chawl hahdam la, mu hma rawh aw.. keipawn ka ngai lutuk che* tih ka thawn let a,
*A nuam* tih zawng hi a lo thawm a, ka hrethiam lo lutuk
*Engmaw nuam a? 🤨*
ka tih chuan a seen nghal a, Typing tihin a zui nghal
*min ngaihtuahna vanga i thusawi hmuh kha a nuam lutuk...* a rawn tih chuan ka nuichhuak huk. Ka nu leh Rini chuan mak min tih hmel lutuk.







"Lalrempui, i â em ni? Nge i rawn nuichhuah thut a" Rini chuan a lo ti a, "A za sia, ka nui mai alawm" ka ti let a, hmui a petsawi vak ringawt s, ka phone bawk chu ka en leh a, Perfect boy message dang a lo awm vang a ka open nghal vat
*Cutie, mu hma rawh aw... i chau lutuk palh ang..* tih hi a ni a, ka type ve nghal a
*Awle, nangpawh mu hma rawh aw...* ka ti a, a seen a, *Good night Cutie" tih a rawn thawn a, keipawm thawn let ve nghalin ka phone chu ka dah a.







Rini nen chuan reilote kan ṭhut leh hnuin mu turin ka room lam kan pan a, ka intleuh thuak thuak a, Rini chuan ka kumah ṭhuin ka intleuh zo ka chhuak chu min lo en char char. "Eng nge a khatia min en char char?" ka ti a, "Nang leh Matthew chungchang ka hre duh tawh alawm, chipchiar takin min hrilh rawh aw" a tih chuan ka nu ringawt a.







Cream vel ka inhnawih leh a, chumi hnu chuan khum lam ka pan ve ta hram. Rini chuan Kei leh Perfect boy chungchang chu min zawt sek a. A tir te atanga ka hrilh vek hnu chuan "Aawii,, chutiang mipa chu alawm ka lo zawn fo ni,, ka va duh tak em..a che romance em?" a rawn ti nghal zat a.







"Romance ang chu...Matthew te chu Perfect boy ania, a Perfect lo thei nang.... Perfect boy ang zawng lovin Beiseia ah sawn i rinna zawng zawng nghat la, midang i duhzawng te kha sawi sawi suh. I beiseina kawltu chu Beiseia ni sela, chuan i mi duhthusam pawh Beiseia ang saw ni rawh se... A Romance emaw a zei emaw a ngailo. A hmangaih che chuan a tawk" ka ti duah a, min melh a







"Nia,,, a dik.. mahse Romance chu tha ka la ti tho mai" a rawn ti leh tal a, henu hi chu eng thu ṭha pawh fah ila, a thu hi a dah sang ber ziah. A ngaihna awm hlawl lo. Khumah chuan ka inthawlh ṭha sat sat a, ka mu daih, Rini pawh chuan min rawn kuah a, kan pahnih chuan kan ti ti dun a, a hnu chuan ka lo chau deuh nge ni? Ka lo muthilh san daih



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)