THE GOVERNOR CHAPTER - 23(ZAWMBELH E) BY MAWITEI BAWITLUNG

Episode kal lai dah luhna

Moderator: writers

mawitei bawihtlung
Posts: 754
Joined: November 18th, 2020, 12:53 pm

THE GOVERNOR CHAPTER - 23(ZAWMBELH E) BY MAWITEI BAWITLUNG

Unread post by mawitei bawihtlung » October 2nd, 2022, 10:08 pm

THE GOVERNOR



CHAPTER 23





PIC HNUAIAH ZAWMNA


“ U" car atanga ka chhuk chiah chu Chamchami chuan min lo pawm chuk chuk “ Dim rawh nangkha " Nick an rum zeta a tih avang chuan min thlah rang hle ,hlauh hmel zetin Nick chu a en “ Ka tha a lawm tikhan mi ti thin suh. An hlauh zel che hi " ka tihlak hlak,ka bulah rawn kalin ka thusawi hrelo ang mai chuan ka kaih za leh ka hnungah a kut dahin min pawm kang nawlh,inchhungah midang pawh ngaihsak hman leklo in min luhpui nul nul .











Hepa che over thei lutuk hi engtia tih chi nge mawni? “ Bawihte in lo thleng tluang maw " tiin ka nu chuan Nick a min dahthlak rualin min lo kuah vang vang,ka samah a chul bawk . Nu hmangaihna ka dawng leh thei chu ka lawm takzet “ Naute chu a tha em" a tihchuan ka bu nghat,ka pai tih kan hriat khan thlakhat dang kan cham belh a ,thingtlang lamah thlahnih lai kan awm tihna a nihchu.Ka naupai pawhin thlahnihna hmel a hmu ta bawk “ K- in lo dam tha maw " Kyle room atanga lo chhuak chu ka bia.












A bu nghat mai , Mizo tawng a zir ve tana ,a tawng thei ve naw naw tawh . A hnam tawng nilo na na na leh tawng zir har ber pawl a ni bawk nen a tawngdanah erawh a hnam dang nihna a lang leh thin . “ Nangkha ka nupui kha en reng suh "tiin Nick chuan ka mit a rawn hup “ Zochhuanmawi a mak emai aw ,i thikthu tichhe lutuk midangte pawh ka bia in ka hmu ve bawk ang chu" tiin a kut chu ka vai thla hlak “ Naupai lai hian nu in hmel an hmuh ngun deuh hmel hi an naupai hian an pu duh an tia,chuvang chuan ka fa hi chuan hmeldang ka hmel bak a pu dawn lo hi a ni tawp mai .




a tawp note chhiar ru aw








Chuvang chuan tumah hi en suh " a thusawi chu mit khap fuk fukin ka en,ka bula bottle chu la in ka chhu pawp “ Chutiang ngaihdan maksak lutuk chu tunge hrilh che ,apa inia i hmel a chhun loh leh kei min chhun anga min chhun loh ve ve leh a dang a nimai ,a enga mah hma in lo sapa tal chiam suh " ka ti kha kha ,ka nu a lo nui hak hak a,Rochampuii lah a lo nui uar uar bawk “ Bawihi a dik ve tho a lawm,hmel hmuh ngun deuhte hmel hi fate hian an pu tak tak thei a nia,in pa kha hau reng reng suh. Ka makpa te chu a fel em " a tihchuan Zochhuanmawia chu inti thei zetin a lo hawi larh larh .













A mit min kan khum uk uk bawk ,ngeiawma hi a “ Nih nu kei ve " Kyle chuan alo ti ,he mite pahnih hi an naupang chhia thut hi ka hrethiam lo . In ngeihlo viau siin an thil lawmzawng lah a inang ziah lehnghal . Nick lah a upa zawk tihpawh hriat loh khawpin Kyle a thik chang lah a tam, Kyle lah chuti bawk ,eng emaw hlekah an in khak fek fek reng bawk a . “ Ka tan chuan in fel ve ve,in ngeih deuha awm in he inchhunga mipa awm chhun in ni tih hria ula,in kutah hmeichhia te hi kan in nghat tih theih nghilh suh u,mipa sual inchhung chu anuam ngai lo a .













Nupui in neih pawhin in nupui te hmangaih tak in enkawl ula ruih theih thil lakah in thiar fihlim ang cheu, Nick nangpawh ka fanu hi nakinah chuan i enkawl tak tak a ngai tawh ang. Ka dam pui reng dawn lo va ,kei ka awm loh hunah pawh tha takin lo enkawl ang che " a tihchuan ka nu chu ka pan vat “ Nu enge i sawi awmzia,dam reilo tih ang te i sawi a ,chutiang sawi suh" tiin ka kuah “ Bawihi ka ti mai mai a nihkha ka tu hmel te hi i pa in a hmu hman ve dawn ta silo va ,kei talin ka hmuh hman a ngai a lawm.












Thu ka hrilh mai mai a nihkha ,ngaihtha takin awm la i naupai kha fimkhur takin enkawl ang che " a tihchuan ka bu nghat keipawhin chhiat leh mai ka hlau hluah hluah tawh a ,a theih ang anga fimkhur leh inven ka tum bawk . “ Jas" Malsawmi aw ka hriat rualin a fanu pawm chungin a rawn tlan lut ,a tluk pui lo chauh lehnghal . “ Amak e bawihi Aruati kha i tina ange,kan fanu hian a nu thawveng lutuk leh thinchhe lutuk hi chhun lo se atha viau ang. Khawi ka lo pawm ange" Dereck chuan a lo ti hluk “ Kha pawm rawh,i sawi har ka ti reng a ni . A nu hi amah vangin ka duh ang pawhin ka tal theilo " tiin ka bulah a rawn thu a .














Hnai set sawta min enin “ In va siam rang em em ve " a rawn tichiam chu ka phu nasa ngei mai “ Khawimaw kan chi chak a chu,in inneih that ni la la khan insiam tih hriat reng reng ,thla em pawh in a kaipui lo cheu nangmah ni zawkin thla in kai pui daih a lawm " tiin Nick chu a en ,sawi zah a nei bawk silo ka lo ip tawng tawng “ Mipa chi chak chi i nei a a vanneih thlak rualin ka huphurh e a ,kum zawn in in pai zut zut lo ang tihpawh a hriat loh,kan pa hi a lo tha zawk a nih hi. Keini chu kan fate kum a inchhang tawk viau ang " a tihleh ngat phei chuan ka lo ang zuau zuau mai .













A thawveng bawk si sawi hreh a nei ngai miahlo hi a chang chuan buaina kan neih phah ziah “ A pawi hleinem ,kan fate an tam pauh leh min chawm let tu tur an tam tihna a nimai ,nang chu fa pawh nei la tawngtheih leh thingkung lawn chi ah vek bak an chhuak lo ang" Nick an a tihchuan kan lo nui nasa hoe ,Malsawmi chuan a haw ngei mai “ Enga Zochhuanmawi ka harh i ti em ni? In nu i neih hmaa min tlawn nasat theih em kha aw,nitin a ruka thil min pek ruk zawng zawng kha in nu hi ka hrilh nghal loh" a tihchu Dereck zawk a lo tawng chhuak “ In lo inhmu ru vel amaw? Jasmine nen kan hre ve lo a ,Ava tha lo ve " a tihchuan Malsawmi zawkin pawi a tih hmel.











“ Hihi Jasmine vang mai mai alawm,engmah a awm lo " a tihchuan runluih ka chak tlat pek,Dereck nen chuan kan in signal zauh “ Chu nangni pahnih hian keini hi min lo bum reng em ni?" Nick enchunga ka tihchuan a hawihai teh e “ In lo inhmuh ruk danah kan hriatloh thuruk chu a awm chiang alawm tiraw Dereck titeh va inbe lawk teh ang " ka nute ho lo nui tu tet tet chu Nick te hmuhloh lamah ka khap pah ,Kyle pawh a lo ngawi ve reng Nick leh Malsawmi hawihai hmellah chuan nuih an tiza khattlat “ Dereck min zui ta che keipawhin hrilh tur che ka nei a nia,kan ex te pawh kan inhrilh ve ang chu tiraw " ka tihchuan min rawn zui.












“ Liandingpui a ngailo " Malsawmi chuan alo tichul,a pasal banah a uai a ,a fanu chu a pawt pah bawk Nick pawhin ka banah kaiin room lamah min hnuk dawr dawr mai. Ka mit kân akin ka hnaih deuh ,dingdihlip ak ak chunga a nghawnga ka kuah chuan mak a tih hmel hle ,nuihsen sen in “ Ka hriat lohin ka thiannu ilo tham vel a ,i va naupang chhia tak " ka tihchuan “ Min tlansan zel lo la chuan ka tham angai hauhlo ang" tiin ka kawngah a kut pahnihin a kuah ve nghal zat ,a awmah beiin ka thaw siai siai,kan inhmuh tirh leh tun hi chu dang tawh tak a ni .










Kan inhmuh tirh kha chuan ani in min hnar a ,a hnuah keiin ka hnar ve leh a ,a tawpah inneihah kan tlak daih lehnghal “ I chau em" a tihchuan ka zep peih lo kalkawng thui nen ka ke te hi a kham thum “ Ka ke in a zawngin a mur er er ,motor chuan pawh hian ke hian a lo tuar ber tho tho a nih hi " ka tihchuan khumah chuan min thut tirin chhuatah chuan a thing thi a,ka ke chu a hmet nghal mial mial. Ka tan a thawmhnaw bal tur pawh a pawisa lo tih a hriat,kun hniamin a chalah ka fawhsak chu ka ke hmet chung chuan a nui suk tih ka hmu thei.










“ Ka pasal hi a lo tha ber ,min duat zel dawn bawk si" tiin ka insawi khalh zat zat,ka thusawi chuan nidangah pawh min malish tura ka duh zia a hre ngei ang le “ Awle ka duatte i thu vek a lawm " tiin ka biangah a piai zauh,kan chhungte ho pawh choka lamah an bengchheng leh nak nak,chhungkaw hung lutuk leh thenrual ngah tak chu nilo mah ila heti pawh hian ka hlim tawk a ni. Chaw eikhawm leh titi vawrha infiamte hi keichuan ka duh tawk viau,ka bulah min venghim tu tur leh thlazar hnuaia awm thlamuanpui tham ka pasal a awm a .









Ka khawhar lohna tur khawpa thiantha leh piang hmun nisilo a min ngaina tu unau pek ka ni a ,ka thisen zawmpui ngei ka nu leh ka unaute pawh an la dam a ,kan vaiin awmkhawm thei tawh lo mah ila an la dam ve tih hriat pawh hi ka tan chuan a tawk em em si “ Nick he lama awm hi hrehawm iti thin em? A chhan chu i seilenna khua nen chuan thenrual te i in ngah hleihin i khaw chhuak leh i laina nangmah hretu te awmna bula awm kha nuam iti tih ka hria ania,thingtlanga awm i duh anih pawhin ka hnial miahlo che a nia aw .









I hmela ngui rukna hi ka hmu thin,i lung a leng tih ka hmu bawk a,hnathawk mi mai mai pawh nila keichuan ka kalsan dawn miahlo che a nia " ka tih chuan nui chungin ka khupa ka kut pahnih dah chelh chung chuan min rawn melh chho a “ I bula ka awm hian ka hlim a lawm,ka nupui leh ka fate awmna chu ka awmna tur a ni . I pasal ilo chik ve tih ka hriat hian nupui fing leh fel tak ka nei tih ka hriat belh thin. Ni e ,ka pian leh murna a nihna angin ngaihchang ka ngah a lawm,mahse a khat tawkin kan la tlawh thei a .









Tin ka nupui enkawl tur chuan rim taka ka thawh a ngai reng a ni " tiin rawn tho kangin ka hmuiah a fawp zauh,“ I ke chu enge a an?" tiin zawhna min zawh chhunzawm “ A dam huai mai ,chhuak ve tawh ang chaw ei vat ang u,ka mut a chhuak lutuk " tiin ka lama a kut rawn dah chu ka vuan,dik tak chuan Nick tan pawh a unau leh a nu leh pa bullo a awm hi a hrehawm ve ngawtin ka ring . Mahni seilenna hmun nge nge chu,ram dang nuam leh changkang takah pawh awm mah ila ngaih zawkna a awm lo theilo .








Room atanga kan chhuak chiah chu Aruati ring zet a tap ri kan hre nghal ,a nu in hnute a pek pawhin a tap a bang duh lo reng reng “ Khawi keiman kan lo pawm a nge ka duati chu " tiin ka laksak,ka kuta ka pawm rual chuan atap al al chu tawpin min en kar ,thla nga hmel a hmu ve tawh bawk a ,a fingin a duhawm hle “ Anu leh apa in an ngaihsak lo a nimaw,keimah nen in awm daih ang aw " ka tihchuan a nui hek hek reuh . “ Naute hi chuan mi fel leh hmeltha an hria a nih hi" ka tileh chu Malsawmi ngei lutuk hmel ka hmu nghal.








Pawnlamah ka chhuak a ,Aruati chu ka awi hliau hliau,ka awmah beiin a kutzungpui a fawp dawk dawk a ,ka nuih sen sen mai. Gate bula mi lo ding run ka hmuh chuan ka phu nasa ngei mai,ka mit ka khap a ka en that leh chuan a lo bo daih,cap a khum tlat avangin a hmel ka hmu theilo a . Min lo en reng bawk nen ka ngaih a tha vaklo,mahse ka hmuhsual pawh a nimai thei tiin Aruati pawm tha chung chuan gate bul chu ka pan phei ,ka en kual a ,kawngpui te chu ka bih thul . Mahse engmah rinhlelh awm ka hmu lo ,mipui bazar leh couple leng chhuak ke a kal ho bak an awm lo .










“ Ka mit vai a niang " tiin ka phun sep ,“ Duatte" Nick aw ka hriat avang chuan inlam chu ka pan leh ,chutih lai chuan bike pakhat hian chak zeta rawn tlanin min rawn su thawi thuak,ka au that Nick pawh chak zetin a rawn tlan phei “ I tha em ? " tiin bike tlanliam lam chu a melh “ Tunlai tleirawl ho hi chu,an duhtawk hian bike hi khalh tur emaw an ti a ,a nei ber emaw in tihian tlan chak leh a ring thei ang bera ri siam hi an in tih hmuh a nih hi" tiin ka phun hlak, Nick erawhin ngawi reng leh ngaihtuah nei tih hriat takin a en .









Chutah inbul vel chu a en kual leh vang vang “ Nick kal ila " ka tihchuan thaw huaiin min kuah vang vang“ Khawlai hi ka tello chuan chhuak lo la ka duh ka tih kha ,tuna mi ang te kha thleng nawn leh turin ka duh heklo " tiin Aruati a tah a vang chuan min kuahna chu thlahin ka kut pakhatah kuahin inchhung lamah min luh pui “ Kyle in velah chuan CCTV chu in dah tawh em ?" inchhung kan luh rual chuan Kyle chu a zawt “ Kan dah e,enge thil thleng a awm em ni ?" tiin Nick chu azawt “ Awm em em love ,nakinah ka en duh ang.










Rukru an tam bawk nen in hi venthat chu angai viau ang " tiin a sana a en zauh,eng emaw chu he mite pathum hian an hre chiang a ni. Chamchamin chaw a ei theih thu a rawn sawi takah chuan Aruati chu a nu in la in chaw eina lamah kan inzui phei a ,in pawh kan awm lo rei nen naktuk lamah chuan tihfai a ngai ngei ang“ Bawihi Chamchami hi awmpui ula,nau i pai tawh nen i inenkawl that a ngai dawn a nia,keichu Kyle nen kan awm dawn tho a ,nangmahni zawk hi in buai dawn a nia.









I naupai a rih hunah phei chuan i tan chet a har dawn a nia,chuvang chuan Chamchami hi awm pui rawh u,keichu ka la chak tha tho a Kyle nen kan ei tur chu kan siam thei mai ang" a tihchuan Chamchami zawk chuan kan bula awm a huphurh loh thu a sawi bawk nen Nick an a phal takah phei chuan ka hnial duh ta lem lo . Chaw eikhamah chuan ka chau bawk nen an zingah pawh tel tawh lo in room lamah mu turin ka luhsan a ,khum ka mu thla chiah chu ka phone a rawn ri nghal zat .









Number hriatloh anih avang chuan mak ka ti hle “Hello " ka tihrualin lehlama mipa tawng avang chuan ka thaw huai “ Pathau nangmaw!?" ka tihchuan Hmingthana chu a rawn nui hawk hawk “ Inzin chu min hre tawh meuhlo a nimaw? In pa in a enkawl tha hle che a ni ngei ang" a tihchuan ka nuih ve mai “ Helamah i la awm reng em ni? Nangpawh nupui nei vat rawh i leng tar mai tur a sin " ka tihchuan a nui leh vak,kan naupan lai a tangin nuih duh tak kha a ni hrim hrim a .








Engtin nge a thau tehlul nen pian tha taka a rawn than len theih ni ?“Kan la nei ve ang chu"tiin muttui tih sawiin keipawh ka muhil ta vag.







“ Duatte " ka pasal aw chu ka hre ruai ruai chauh a ni “ Min lo mutthilh san a nimaw" a tihpawh chu ka hre reng,ka motor chuang ka chau bawk nen ka meng peih tawh thlawt lo ,ka chalah a fawp vang vang,a ri sut sut ri ka hria a ,abak erawh ka hriat zawm tawh lo “ Ok ka nupui hi han ngaichang phawt ila tunah rih chuan kalsan ka la duhlo,mahse arang lama rawn chhuh chu ka tum ang , thil thalo a thlen loh ngei ka beisei " ka pasal in English a mi a biak ri chuan min ti harh.











“ Um khalamah pawh khan inrawlh an awm ngei ka ring,tin ram hruaitu ge hial pawh kha an inrawlh thei ,ka ngaihtuah zawk tak erawh chu tunge ka nupui thah tum tu chu tih hi a ni" a tihchuan thlawhna a ka accident chungchang ka sawi kha a ni tih ka hria,ka pasal hian a lo chhui zui ang tih ngaihna reng ka lo hrelo va ,hei vang hian animaw Delhi lam chhuk leh a tum “ Nick " mit nuai chung leh ham bai bai chunga ka auhna a vang chuan a phone biaklai chu dahin min rawn pan vat,zan a lo tlai tawh hle tih ka hre thei










“ Ilo harh a nimaw? Duh ai ka lo tawng ring em ni?" a tihchuan ka lu ka thing nak nak “ Nick ramhruaitu i sawi kha keipawhin inrawlh na an neih ngei chu ka ring,a chhan chu fa atana min la tu te khan mi thil tithei tak an nih hmel an tih atang khan ka ringhlel tawh a ,chubakah ram in phalna apek loh chu duh duhin an rawn kal hauhlo ang ,mahse finfiahna kan nei bawk silo va ,engtin nge kan tih ang " tiin ka en ha ,ka rilru a buai ve takzet . Tunah pawh hian hlauhthawnna ka nei a ,mi hian min enthla renga hriatna ka nei a ,engvanga Nick nen kan inkara inrawlh tlat nge an nih tih hi ka ngaihtuah na tibuai tu ber ani.









Mi pawi kan sawi awm ka hre silo va ,tin Indian mi an ni a nihpawhin engvanga tinge an nih. Tumah hmelma kan neih awm ka hrelo va ,kan Mizo puite chu rinhlelhna ka nei lem lo,tunge in rawlh chiah hi ni ta ang . Nick sawi ang hian Grace Lalnunhlimi chiah pawh hi a nilo thei,tu emaw chuan tunah pawh hian min thah tumin min zui reng thei tih ka ngaihtuah chhuahna chuan hlauhthawnna min pe nghal,ka pasal chu ka kuah vat “ Nick tinge buaina hi a tam em em le ,mite hian engvanga min thah tuma min veh reng nge an nih ang








Vawiin tlaiah pawh khan pawna ka chhuah khan gate bulah mipa pakhat ka hmu a , Nick ka hlau tu emaw hian kan chhungkua hi min tihchhiat an tum leh ang tih hi ka hlau hluah hluah" tiin ka pasal min kuah bet tu chu ka melh kar “ Hlauthawng suh ka venghim dawn cheu alawm,tu nge a hmel i hmu em " a tihchuan ka lu ka thing nak “ Lukhum a khum avang leh a kun deuh bawk nen ka hmu theilo,chubakah reilote chiah ka hmu hman a ,chuvang ania gate pawnah khan ka va chhuah " ka tihchuan min en reng . A hmelah enge a ngaihtuah ka hrethiamlo nangin ka thil sawi chungchang chu a nih ka ring deuh.








Tukverh lam chu melhin “ Naktukah Kyle leh Dereck ka hmuh angai dawn a nih chu,tin ka sawi ang khan inchhungah hian awm tlat ang che . He tual thattu hi tunge tih kan hriat hma chu ka tello in vah chhuah tum suh ang che i hrethiam em?" A tihchuan ka bu nghat . “ Tual thattu hi min hnaih tak tu pawh an ni thei chuvang chuan tumah ring suh. I nu leh kei kan nihloh chuan tumah ringin zui chhuak suh ang che ,Chamchami pawh tiamin" a tihchuan mak tiin ka en ha .








“ An ni chu an tel lovang,ka rawn hruai haw chawp leh Mizoram ah pawh rawn haw huphurh ber tu a nia,chubakah ka tan a tangkai hle bawk . Kyle nen hi chuan min phatsan zawngin engmah an tilo vang " ka tihchuan a bu ta nghut “ Fimkhurna kan hlauh loh hi a tha ber,mu leh tawh rawh eng mah hlauh tur a awm lo. I kiangah ka awm reng dawn a ,chuvang chuan hahdam takin awm rawh. Kan naute hi hrisel taka alo pian ka duh ania,a pa hmeltha tak a chhun dawn tihlah chiang reng " a tihchuan ka nui ta hak.









Reilo te chhunga ka hlauhthawnna leh ka thil ngaihtuah tha lo min lak kiansak vat thin tu ka pasal hi a lawm ka hmangaih ni . Englai pawhin min thlamuan thei reng a ,amah hi awm lo se kei hi ka hlim theih pawh ka ring lo . Min mut that pui a ,a ban min khan tirin ka samah a chul hliau hliau min awi a ni ber . Ka ham leh bai bai thin, Nick chuan ka chalah a fawp leh thin a , Chu chuan ka ngaihtuah phakbaka thlamuanna min pe ,ka nuisak mutthilh tum chuan ka mit ka chhing leh riai riai.









Zingah tho vin ka bula ka pasal tui titaka awm chu ka melh reng,a va han hmeltha chiang tak. A upat pauh leh a tha zual nimaiin ka hria ,a hmuiah ka fawp zauh. A hmai chu ka chul riak riak,ka kut a rawn man thu avang chuan ka phu nasa hle “ I kut tetakte hian min ti muhil theilo,hmangaihna chenpui lo tur che in ka insum nasa hle tih hria la ,i kut kha thunun rawh" nuisuka a tihchuan lei chhuah tetin ka tho chhuak a ,biang dawm meuhvin min lo en ,bathroom lamah ha nawt turin ka lut a ,a nipawh reilo teah boxer nen arawn ding.










A sek bawk si chutia kawr ha lo va a rawn chhuak ka hmuh chuan ka nuih atiza hle ,ka nuih hak hak . A mithmul chuar nungin a ha chu a nawt ve a ,nupa a thil tih dun hi a lo nawm zia ka hre bawk . Kan kawppui te nuam tihzawng hi kan tivelo anih pawhin lawmpui ang takin tihpui thin ila chu chuan inpawhna tha a siam leh zual thin. Rawngbawl turin kan inzui chhuah lai chuan Nick phone chu a ri leh a“ I nu anih hi " tiin phone chu a la a “ Aw pi" tiin phone chu chhangin a ngaithla ..









Ka nu thusawi avang chuan min rawn melh zawkin a thaw leh hawk thin “ Aw kan lo kal dawn ania,Ava mak teh thut ve mahni inthat tih an chiang a maw?" atihchuan phawk zetin ka melh “ Awle kan lo kal nghal ange" tiin keichu min rawn en “ Enge thleng mitthi an awm em ni " a tihchuan min kuah vang vangin “ Nunhlimi a thi a nihchu,a inluahah in awkhluma hmuh a ni" a tihchuan ka phu zawk . Ka haw ngei a ,mahse a thih thu ka hria chuan min ti hrilhhai lo theilo,ka thisen zawmpui ve tho a niin ka phirpui ngei a ni bawk.








Engvanga in awk hlum nge a nih ang,bail in a chhuak deuh chauh a ni si a “ Kan kal vat a ngai a nihchu " tiin room lam ka pan a ,insiamin kan tlanchhuak nghal . Ka nu ka ngaihtuah a ,a tuar leh hle ang le ,a fanu ngei thih thu a hre leh chu a nisia,engvanga kan chhungkua hi vanduaina hian um reng nge a nih ang . Tin mahni in awk hlum a ni chiah angem.
be548054140f077c41652a8d85d61b98.jpg
ZAWMBELHNA

Ka nute in kan thlen chuan mi an lo zi nuaih nuaih tawh, Nick chuan min kai lut hnak hnak,ka nu chu a tap a ,abulah Kyle leh Chamchami thu in an lo kuah a ,ka nu chu ka kuah vat,vengchhung mipui a hre hmasa apiang an rawn kal a ,Mizo nih hi chhiat tawh nikhua hian a lo nawmzia ka hriat phah,mi an tawrhpuina pawh hian a khawhar chhungte tan thlamuanna mi a pek phah thin . Inchhung chu mi an len tam theih nan bungraw thenkhat chu nula leh tlangvalin an thiar sawn zung zung a,a thenin thutthleng an lo rem bawk .









Ka nu chu ka kuah a ,ka unaunu ruang chu ka en reng,ka haw thin ngei a mahse hetiang a thih thu in min den meuh chuan ka na lo thei biklo,engvanga a nunna lak duh nge a nih ang. A hmel chu a dang lap a ,nunna nei tawhlo tih hriat takin a hmui a duk char bawk . “ Bawihi a mak emai ,engtin nge hetiang vanduaina hi kan chungah a lo thlen le ? A naupan tet atanga lo enkawl ni ila chu hetiang hian a nun ahmang lo vang mawle ,a pawi emai Lalnunhlim i nu hi min ngaidam ang che . Ka fate pawh ka enkawl thei silo " tiin a tap hawm hawm










Ka demlo ,ti hrehawm tu nimahse nu tan chuan fate hi an lo pawimawh em a ,mahni ril a rah ngei hi chu eng ang pawhin sual mahse nu hmangaihna chu a kiam phah ngai silo ,ka ute ho pawh 12 velah an rawn thleng a ,an ni pawh a thawng tih a hriat,an fate ho pawm chungin an rawn lut hlawk hlawk . In nei tu lam a tang leh kohhran lam leh YMA lam atanga thusawina a awm a ,heng nikhuaah hian damlaia nun hman that pawimawh zia ka hre leh thin . Kan thih hnu ah kan damlai chanchin an rawn sawi a ,mi min ngaihdan dik tak a rawn langchhuak thin si a .











Thlanmual atanga kan let rualin ka lu rawn hai thut avang chuan ka pai nak , Nick chuan rang zetin min rawn vuan,Malsawmi te pawhin min rawn buaipui vat “ Duatte i tha em " a tihchuan ka nuih sak “Ka chau deuh mai mai a lawm Nick ka tha ngaihtuah ka ngailo a nia" ka tihpawhin a awih hmel loh,min pawm kang nawlhin car lam min panpui pawk pawk ,midang min lo en tute chu Dereckte nupa chuan thil awmzia an lo hrilh zung zung bawk . Damdawiin lam min panpui tih ka hria,ka nu in min mamawh a sin le .








“ Nick ka tha a nia ka nu bulah awm zawk ang " ka tihchuan a lu a thing vut “ Dereck te leh Chamchami te an awm alawm,an lo buaipui mai ang . I tha tih ka hriat hma chu damdawi in kan chhuahsan lovang" a tihchuan ka thaw hak . A mi ngaihtuah vang tihchu hre mah ila tunah tak hi chuan ka nu ka ngaihtuah zawk ,damdawi in kan thlenga keimaha ka kal phallo in min pawm lut leh ,min ngaihtuah lutuk chuan min tilawm let ling, doctor ho chu a be mawlh mawlh ,hmelhriat angah bawk nen reilo ah appointment siam lo in kan lut tawp .









Min check lai chuan alo kal kual vut vut,keimah ai mahin a mah chu damlo mangang a ang zawk mah . Doctor pa pawh a nui a nui ringawt “ Atha e ,hlauhthawn tur a awm lo,naupai lai hi chuan thil ei that leh mut hi a pawimawh a ,a taksa a chak lo mai mai a nih hi . A tha leh vat mai ang, eitur ei tha se chuan naupai lai hi chuan nu hi rilru hahdam takin awm se la a tha a nia,rilru hah hi naute lam pawhin an tuar ve zel avang hian naute hrisel tak neih in duh chuan a nu hi enkawl tha la animai,i tar tawh sia enkawl uluk hle rawh i faten apu an tipalh ang che " a tihchuan “ A tar bawk lo " ka lo ti hmuk.









Doctor leh Nick chu an nui hawk hawk a ,ka ngei hle “ A tawk tawh em? Ka nu bula awm ka duh a nia Nick " ka tihchuan a bu ta nghat ,kan inlam panin kan inkhalh chhuak leh a ,ka kut a vuan run bawk . Inchhung ka luh chuan ka nute chuan ka chanchin Nick chu an lo zawt,ka tha tih an hriat chuan an thaw huai hlawm . Inleng kan la nei nak nak a ,vawksa leh ar makpa lam in an siam bawk . Ka ute nen chuan kan inkawm khawm ,kan inhmulohna kum eng emaw zah a ni tawh bawk . Ka pasal tha an tihzia leh a fel thu an sawi chamchi bawk.









“ A puitling bawk si kan pa te hian an tluklo nasa a ni chubakah a lianin a hmellah chu a tha vuk lehnghal,I vannei ngawt mai a ngaihsak zia che kan hmu a kan thla a muang huai mai,ka pa pawh khan kan inbiak chang hian i pasal chungchang hi alo sawi fo thin a . Governor hna chu a bansan ta nge "an tih chuan ka bu nghat “ An la sawm renga mahse a ngaihsak duh lo,kei mah min enkawl hmanlo a ti tlat a,keipawh hian vannei ka inti Nick hi awm lo se tun dinhmun hi ka thlengin ka hlim theih pawh ka ring lo .








Ka thinrim chang leh ka huat chang pawhin dawh thei takin min nghak a ,a puitlinzia ka hriat belh thin . Ka thinrim tawh chuan a ngawih loh leh a nui tawp a ,tichung pawh chuan keimak zawk hi ka thinrim zual sauh zel sia min dawh thei lutuk hi a mak,u Nu engtik nge in haw leh dawn ? Hetah awm reng ula ka ti e " ka ti niah niah,ka ute pahnih chuan min kuah vang vang,unauah mipa kan nei ve lo va ,hmeichhe hlang vek kan nih avang hian a chhuak zawng hlir kan ni bawk nen a then phei chuan ka nu leh pa fa neih chhun emaw min ti ziah .










“ Duatte i mu dawn em ni? Doctor in chawlh hahdam i mamawh a tihkha . Ka awm hi inthlahrung lo la midang pawhin an hrethiam che tih hria la i hrisel hi ka duh ania " ka chalah a rawn fawp zauh . Hepa hi ka ute lah chu an lo in signal a “ Kan makpa chu ava romantic ve" tiin ka pasal chu an chibai ,an inhmuh vawikhatna a nibawk a . Nick pawhin a inhmelhriat tir leh ngat,a kawm thiamin a be tha bawk nen ka ute pahnih hmela Nick an ngaihsanna lang chhuak chu ka hmuh hmaih lo “ Muhil rawh le ! Chaw ei hunah ka lo kai tho ang che " tiin ka u te lam chu a en “ In nau i hian nau a pai si a ,ka lo chang rih lawk ange,hrisel taka ka fa nen hian an awm ka duh si a " tiin min kai tho .











Ka ute pawh chuan hrethiam takin an lo aw ve mai,ka kawngah dawmin min kalpui “ I mit hnuai a val kulh tawh ania,ka phal hma chu lo tho suh ang che . I pasal ka ni a ,i chhungte chu ka chhungte an ni bawk . Chuvang chuan i taksa chaknan mu la keiin i chhungte leh thil tul a awm a nihchuan ka lo timai ang "tiin khumah chuan min mut thlak tir in ka hmuiah a fawp zauh,room chu sound proof a ni bawk a pawnlama an thawm pawh ka hre pha tawh lo “ Nick ka lawm e " ka tihchuan nui sukin a chhuak zui ,ka chauh zia keipawhin ka in hria a ,chutih rual erawhin ka thisen zawmpui ngei thihlaia ka awmdan chuan min ti inthlahrung hle .











Reiloteah ka muhil leh nghal mai “ Duatte " ka hmaiah a rawn chul a ,ka hmui a tuai hauh hauh bawk . A thaw leh hak a,a nui riin a zui “ Ka sleeping beauty hi muhil hmeltha viau mahse chaw ei a hun si a ,lo tho rawh le " atihchuan peihlo zetin ka meng,ka zawi hle bawk . Min kuah tho in pawnlam min panpui,mi an lo haw rem tawh a nih hmel ,chhungkhat hnaivai ho chiah an lo awm tawh. A thenin chaw an lo ei mawlh mawlh tawh,ka nu chuan min lo pan vat “ I tha em? Naute te chu a tha em? " a rawn ti a ,ka lo bu nghat. A that leh thatloh ka zawh let chuan a that thu in min chhang .










Chaw chu Nick nen kan eidun a ,amahin kan eitur a siam vek . Sathau ka ngaina lo tih hria in a sa a a thau chu amah in eiin a ti min thlansak mawlh mawlh “ Ka lawm e ka pasal duhtak " nui sen senin ka tih chuan mit kan ukin “ Tikhan min ko ziah tawh la a tha ang " a tihchuan ka nui hak . Duhtak min ti rawh a tih thin hi ka zak zel sia a nazawngin ka sawi duh lo,mi nupa ka hmuh a an inkoh duat dan ka hriat te hian keimah zawk ka lo lai chiam zel . “ Ka zak e a " tiin ka chaw chu ka ei leh a ,kan insingsak fel meuh chuan lengkhawm tur an rawn kal khawm leh sap sap tawh.










Mizo in a kan thil tih a tha ka tih chu khawhar kan neih changa kan in lenpui te ,damloh nikhua a kan tu kan neih te hian Mizo nih hi a tinuam ka ti thin,a lehlamah erawh kan khawvel changkang zel ah hian kan Mizo nun dik tak hi kan kalsan hlen mai hi ka hlau thin . Hnamdang ngaisang hnam kan ni si a ,kan Mizo tawng ngei pawh thiam tha thumlo in kan chhuak zo va ,,A paih in kan tawng tinah zei kan tum vang nge pawh hriat loh vin E kan hmang nasa tawh hle ,a bikin tunlai thang thar hian an uar zual. Kan Mizo tawngah hian e leh a hmanna tur kan hre tawh meuhlo .









Hei hi ka vei ve thin,zirlai ngei ngei nitina Mizo tawng zir thin te zawk zawk hian kan hmang diklo nasa hi ka ti thin “ I va in ngaihtuah muk leh tawh ve " ka pasal chu ka en ha “ Nia thil ngaihtuah vak hi ka ching lutuk tih i hre reng min zawt kher suh " ka tihchuan “Min ngaidam rawh Mapui,thiamna reng neilo Val hi " a rawn tikher“ Zochhuanmawi khatiang zu rui ho hla kha sa awt awt suh" pindanah kan awm avang chuan insum ngailo bawk nen ka melh kha kha ,nuichungin a beng a pawt zeuh “Tihpalh ka naute" tiin min kuah hlun.









“Nick Nunhlimi hi mahni in awk hlum a nih tak tak i ring em ? " ka tihchuan min pawm pahin “Ka hrelo le " a tisup ,a nipawhin a ring chiahlo a nih hmel “ Ka hlauthawng e ,kan chhungkua hi min tihchhiat duh an awm in ka hria,ka pa tunah Nunhlimi , Nick ka nu hi ka ngaihtuah a ni" tiin ka tawng chhuak ,nghet zetin min kuah “ Min kalsan ve leh mai ka hlau,nangpawh ka chan ang che tih ka hlau bawk . Nick tunge kan chhungkua hi min tih chhiat vek duh ang " tiin ka mittui hnam parin ka en,ka hmuiah fawpin khumah chuan min thutpui .









“ Engkim ka siam tha leh vek ang tih ka tiam a che . Duatte karleh mai khi ka chhuk hun kha a ni tawh tih i hria ang tiraw? He thil hi a bulpui ber atanga kan titawp lo a nihchuan a darh zel ang . Chu chu kan tan pawh a tha lo tih i hria tiraw? Ka kal anga,i tan ka rawn kir leh ang " atihchuan ka lu ka thing nak nak “ Kal lo mai rawh,nang leh zel ka chan che a nihchuan engtin nge kan naute nen hian kan awm theih ang . I lo kir tawh lo palh ang , Nick kal lo mai rawh " ka tihchuan a thaw hawk ,ka chalah a fawp vang vang “ He thil hian nang leh kan naute a kan kai hma ngeiin ka tih tawp a tul..









Ka lo kir leh ngei ang tih ka tiam a che. Chumi hunah chuan nang leh kei leh kan hmangaih te hi tumahin an tina leh tawh ngai lo vang" a tihchuan ka mittui a luang zung zung . Kan chhungkaw tih chhiat duhtu hi ka hua a ni,enge kan lakah hian a duh ni ang. Eng vang in nge hlim taka min awm tir mai mai theihlo,engvanga heng mihring zozai zingah hian kan chhungkua ah chiah hian vanduaina hi thleng nge a nih? Siamtu kan chhungkua hian i lakah tihsual kan nei em ni ka rilru chuan ka phun mawlh mawlh .










Nick Delhi lama a chhuh hnu chuan ka nute bulah ka awm a ,nitin min rawn be reng thin . Hmasawnna erawh hmuh tur avang hle ,ka ngai lutuk chu a hrehawm zawk . Kan naute tan tiin theih tawp erawhin ka insum,ka nu lah chu a ni telin a tla hniam telh telh,doctor te meuh pawh an beidawng tawh ,natna a lo nei reng tih hi ka awih theilo,chupawh cancer ber kher ,engvanga hetiang taka hrehawm hi tuar bik nge kan nih “ Nu min kalsan miah suh aw ,ka neihchhun inih tawh hi,i tu hi i hmu ve duh a nihchuan min kalsan suh " tiin ka nu chu mittui luang zung zung in ka en .










“Bawihte i mal ngai hleinem ,englai pawhin i pa in a veng che a ,a taka lanchhuah tir tu erawh i pasal a ni thung. I pasal hi vuan tlat la ,ani chuan a thlah thlam ngai lo vang che. Tin Chamchami leh Kyle pawh an awm a ,I mal hleinem i nau leh i pa bula ka kaltur hi min ngaihtuah reng reng suh,i pa ka hmuh hmat chuan ngaihdam pawh ka dil hma thei anga, hlim takin ka awm zawk dawn a sin,i pasal leh i fa hi tha takin enkawl la ,nu hmangaihna a mamawh tih hria in chak takin awm ang che . Chhungkua i rawn din dawnah chuan i nu leh i pa hi min hre reng la .










I fa kha kawngsual a zawh loh nan tha takin enkawl ang che. I nau chantur ka ngaihtuah erawhin hrehawm ka ti ,a naupan lai atangin zirtir in lo kaihruai thei ila chu ka thi tur pawh hi ka vui lo vang,chak takin awm la ,I tette atangin hmeichhe tuarchhel tak leh chak tak ini tih i pa nen khan kan hre chiang a ,ka lo kal ta a nihpawhin min ngaihtuah reng reng suh. I pa bula ka awm thei tur hi ka lawm zawk asin " a tihchuan a kut chu ka hmer ngawt ngawt ,Kyle leh Chamchami pawh kan bulah an awm ve reng . Nick lah biak theih anih dawn loh thu min hrilh sa avangin ka call a tlang theilo chuan a tichiang zual.










Ka ute pawh zanlamah min thlak turin an rawn kal “ Hahdam rawh,nau i pai kha indim i ngai a nia ,i ute kan awm hi ,ka nu chu ngaihtuah suh chanchin kan rawn hrilh ang che " an tihchuan ka hnial duh ta lo,Hmingthanpuia pawhin ka nu chu a rawn kan ve a,fiamthu a duh bawk nen tlem chuan thla pawh a muang deuh . Kyle leh Chamchami nen chuan kan haw ,kalkawngah te chuan ka tawngtai mawlh mawlh “ Ka pa leh ka nau ila tawh a ,ka fa hial pawh i kiangah a awm tawh kha ,ka nu lehzel hi chu min laksak suh " tiin ka tawngtai mawlh mawlh.










In kan thleng khumah ka mu thlawp ,ka nun chu a chau ngawih ngawih ,he khawvel mite hi chuan tih theih kan nei tlem si,pawisa nei mahila kan sumte hian nunna chu engtianga tam pawh nei mah ila a chhan zo chuang silo,atawp khawkah meuh chuan doctor te ngei pawh an beidawng thin a ni si a . Ka pasal thlalak chu ka thlir vawng vawng,a ni tal chu awm se ka thla a muang deuh tur “ Nick min lo call vat rawh ,ka mamawh che ania,ka ngai lutuk che " tichhuak tiauin mutthilh tumin ka che sat sat.









Tinge buaina hian a ûm a min ûm mai le ,engtikah nge a duh tawk angah ang ni .






UNKNOWN POV.....









“ I pa khan engmah a ti thei lovem ni? Hrep hian Zochhuanmawia pawh kha dahthat mai angai ang" ka tihchuan lehlam a mi chu a rawn vin that “ Ka kawng daltu a piang chu ka dahtha hrehlo , Jasmine ka neih theihna tur a kawng awlsam ber a ni bawk . Dah tha vek ila ani chu awlsam takin ka nei thei tawh ang " ka tihchuan a rawn au tuar “ Nick hi ka hmangaih ani tih theihnghilh suh,apa i that a ,a unaunu pawh mi tirin i that leh a nilawm ni ? Nick hi itina a nih vaih chuan kan thuruk hi mi zawng zawng hmaah ka puang ang " a rawn tihchuan ka nui hak.










“ Sawi la,i him bik lovang Jasmine thah tum tu ini tih an hre ve dawn tho va ,kan in ang reng dawn tih chu i hria alawm,tin Mizoramah kan haw hunah tunge chan tha zawk en turin kan kal dawn em niang,kan mi duh te avang ve ve in tual kan that ve ve ,keimah chauhin ruahmanna ka siam ngailo tih i hriat kha . Tualthattu chu amah mai bakah a thurualpui te chenin an tuar thin tih i hris alawm,kan tan ve ve chuan kan hmangaih te kan neilo ve ve bawk ang. I duh thlang rawh " ka tihchuan a ngawi vang vang ,henu hi chu ka hre chiang thaw khat .









Ani in Zochhuanmawia neih tumin a bei ngar ngar a ,keiin Jasmine neih ka tum thung . Ka nei ngei bawk ang,henu pawh hi a tul chuan ka thuruk a sawi chhuahloh nan ka thah angai hial mai thei . Tin min puitu ber ka unaupa pawh mawle , Jasmine hi ka duhna a rei tawh nei tur chuan misual tak ka nih ngai pawh nise ka nimai ang. Ka ni tan reng bawk a,ka ta a ni a ka ta a ni reng bawk ang. Zochhuanmawia hian min la hrechiang lo a ni . Tunge a beih mek hi ka hriat tir dawn khawp . Warning ka pe ngun tawh a ,a luhlulna hian ala tichhe ngei ang.









Jasmine thlalak ka tar chu enin ka fawp vang vang “ Hmeltha in i nungchang tha zet leh rilru tha zet hi neilo la chuan ka lak atang hian i him ngei ang,ka duh tur a ilo piang kher kher hi chu i tan vanduaina nimahse ka tan erawh vanneihna a ni tih i hria em?" tiin ka be mawlh mawlh,zantin ka siam nuam anga suangtuah in ka inhritla mai thin . A thlalak chauh pawh hian a tawp min thlen tir thei a ,ka bula a awm hunah nawmna vawrtawp thlengin ka hming ala lam ngei bawk ang . Arei tawh dawn lo,ka ta ini ngei dawn e .







(ZANIN IN FB COMMENTS LEH ADS CLICK TAM DAN A ZIRIN NAKTUK ZANAH CHAPTER 24 KAN DAH ANG AW❤️❤️,MIN HAN PUI VE LEH VEK TEH U, COMMENT LEH LIKE A TAM TE HIAN KA PHUR THIN ANIA)



Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » October 5th, 2022, 9:21 pm

ZAWMNA A CHUNGAH

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)