Mr.Uncle Chapter-1

Episode kal lai dah luhna

Moderator: writers

Nung Nungi
Posts: 37
Joined: February 9th, 2021, 10:51 pm

Mr.Uncle Chapter-1

Unread post by Nung Nungi » October 4th, 2022, 5:40 pm

Mr. Uncle 🎍

Chapter -1


DINPUII pov



"Paaa.. An inthen a nia" ring lenglawng a au in kapa awmna lam pan chuan hmanhmawh deuh in ka tlan zui a.


Hriat thiamloh hmel deuh a min lo melh chung hian " tute maw inthen a" a lo ti deuh hau chu, melh let khu hian " tute vak nge niang, Hruaisanga te.." Ka ti vak chu rawn nui deuh hawk in in " a lo nih chu, tirawh haw phawt ang" tiin a motor awmna lam pan chuan kan inzui phei dat dat a.


Motor chhung ah kan lut chiah chu kapa lam hawi nghal in "pa, khawngaih in mawhh.. Ka duh, i fanu duat hian ka duh a nia" inla khawngaihthlak fe chuan ka ti leh a "Bawihte nupui nei lai a nih hi" thaw halh in a ti chhuak sup "Pa...." ti vak a melh in "nupui nei lai a nilo, an inthen ka tih chu nizan ah, a nupui a tlan a lawm"

"Bawihte tlan ringawt a nih chu, tlan chu a in koh leh theih" a tih leh phei chu ka thinrim lutuk in ka hawi sawn hmak a.

"I fanu duh zawng pawh i tih sak duhlo a" ti sep in hmalam chu ka en ran a.


Kei hi Pc.Lalsanglura leh Hmangaihsangi fanu duatlai Pc.Laldinpuii ka ni a, college kal lai, kum 20 a upa, thawveng leh thinchhe ve tak duhzawng chu neih ngei ngei tum leh luhlul uchuak lutuk mai ka ni.


Kanu hi ka pian atanga thla 2 velah a boral a, kapa sawi dan chuan 'a tan naupai kha a hlauhawm em em a doctor ten a thih phah thei tih an hrilh pawh khan a ti tla phal silo che a, a pai lui che a pangai tak in a nei bawk che mah se thlahnih i tlin khan a boral ta ani' a ti, kanu hi a ngai thei em em a nupui dang nei leh tura ka tih pawn a duhlo 'i nu awmna a ka kal ve hunah, kawpui dang ka neih chuan min lo hre tohlo palh ang' a ti tlat zel a, tuman kan sawi pui tawh ngailo.


Fanu mal ka nih vang hian, min duat uchuak ka ti mai, min ngaituah in, min ngaihsak em em a ka duh leh ngen apiang chu min tih sak loh a nei ngailo Mah se tun tum hi chu a dan a dang ve tlat.






In kan thlen rual chuan a car park fel pawh nghak lo in hmanhmawh lutuk in ka luhsan hmak a ka room ah chho tlang nghal in ka mu zui ngat a.


Ka room kawngkhar in hawng ri pawh chu ka hre reng, mah se ka la hawi chuak duh chuanglo. Kapa a ni tih ka hre kar a ka titau char char hrih dawn.


Ka thil dil hi a lian tham tih chu ka hria mah se ka duh chu neih ngei ngei ka tum thin ka tih kha tuna ka duh pawh hi pawl 11 kan nih lai atanga ka duh tawh a ni, khatih lai kha chuan nupui nei lai, mipasal kha a la nia tunah chuan a ni tawhlo nizan ah annu a tlana an inthen tih ka hre ve bawk , pathlawi a ni tawh a sava thlawk lai a ni ve tlat.



"Bawihte" zawi te a ti dut in, min lo sawi det det a ka la chhang duh chuanglo ve ngit nget a, ka la thinrim dawn hi ni tawp.


"Bawihte, ka lam lo hawi la chuan kan sawi dun dawn nia" a tih pawh chuan ka la che duh chuanglo.


"Awle nih lo ngaithla la, ka fanu neihchhun i ni a, i thil min dil hi a liantham hle tih i hria tiraw, chuan lo tihsak ta che ila mah se rilru na tak in lo let leh ta sila, i pa hi ka lungngai dawn a sin, mi ten 'a fanu neihchhun sum avang in pathlawi a neih luih tir' min ti anga ipa rilru hi a na dawn lutuk a sin" a tih takah chuan thu chhuak in ka melh ve kar a "mite chuan engpawh lo sawi se enge pawi keiman ka duh a, ka duh chu min tih sak mai la, ka lo na a nih tak leh ka chawh tihna a ni ve mai a" ka ti chu min kuk fawk mai "khatiang in sawi suh, i nat ka phalloh vang a lawm ka tih sak loh che, bakah mi pasal a ni tih i hriat kha"

"Mi pasal a ni ve ziah lo, nizan ah an inthen ka tih mawlh mawlh chu" tum bar hian ka ti leh hram a.


Thaw hak in " a tha e, mah se kar te liam ve phawt se, anla inhruai loh chuan kan be dawn nia" a tih tak sap ah chuan ka lawm lutuk hi ka zuang lo chuah kapa chu ka kuah nghal chuk chuk a "khawvel pa zawng zawng ah i tha ber, ka hmangaih em em bawk che" ti pah in a biang ah ka chuk vak vak a, nui hawk hawk in "tho la, inthlak la, eirawng zu bawl ang le hmanhmawh la aw" tiin ka room atang chuan a chhuak a.


Kapa hi chu a fel ve thlawt a lawm, nu tello a min chawi seilen avang hian ka tan chuan ka engkim a ni a, nu ka neilo tih pawh hre chang leklo hian min duat a, ka tan a inpe em em kapa hi ka hmangaih ve em, khawvel a ka neih hlu ber a ni miau a.

Ka inthlak te chu phur sur sur tak ka ni, kapa sawipui leh mawlh ka nghakhlel hmanhmawh tak chuan ka inthlak nghal zung zung a.


Tuna ka pa hnen a ka dil hi maw Hruaisanga J.C dawr lian lutuk neitupa hi a ni a, pawl 11 kan zir lai in an dawr a kapa nen kan kal a, kapa in 'ka hmelhriat te dawr a nia lut lawk ang' a tih vang in peihlo deuh in kan lut a mahse he ka Mr.Uncle hi ka hmu ta a ka lut kha ka inchhir lo teh a sin.Mipa tih hian a sawifiah zo lo a ni ber mai atirah phei chuan mizo anilo emaw ka tia mahse kapa in 'Hruaia' tia a koh takah chuan ngaihnam tak in ka thil zui ta mai a chuta tang chuan kan star nghal em em a, mah se ka la naupan em avang khan ka ralkhat star ve tawp hi nimai star satliah a ngai in a reh ve mai kha ka ring a mah se a ni miahlo pawl 12 kan zir a hostel ka awm pawh khan ka ngaituahna a luah reng a, lehkha zir peihlo ve thei tak kha amah avang in ka zir tang tang a, ka tum chu a nupui ka ni dawn tih hi a ni tawp nupui zahpui awmlo nih ka duh vang a ni ber ang chu peih leh peihlo a ka zir ve tang tang ni.

ka exam zo hostel atanga kan chhuah ni in Mc kawt ah ka hmu a ding meuh in mit la lo lek in ka tlir ngawih ngawih a nih kha, min hmutu tan khan chuan ka a ta emaw tih a awl ve ngawt ang.


Tum khat kan bazar na a ka hmuh chuan zah pawh sawilo chuan khaw lai lai ah ka bem ve hmak a, zahloh thei ngei mai midang kawng kal te chuan min thlir duh viau ang mah se ka ngaihven duhlo ve ngat.


"Mr.Uncle ka duh che" kan ti thawr a, mak tih hmel fe hian min melg ngur mai, a melh lah chu a na phian a.


"Kum engzat nge ka nih i hria em" ti sup a min melh ngur tu chu melh let ve kar in "kum 36" dak vah chung in ka chang a.


"Nang kum 20 i tling awr a" ner suk a ti tu chu ka ngei teh e. Engtin nge ka kum a hriat le.

"ka nilo bawk" ka ti vak chu ner sak in, "dawt sawi, suh ipa ka hria" a ti leh sup chu mak ka ti lutuk hi ka melh haw ringawt a, insiam tha vat in "kum te chu number mai mai lawm, nge ni vak" melh hrawk in ka ti ve leh hmak.



"Mami"


"Mami pawh ka nilo" treuh hlar a ka tih chuan hahthlak tih hmel fe a min melh in "i pa nen kan inrual vel ang tih i hria tiraw" a tih leh phei chuan ka ngei lutuk hi kuk fawk mai a nia ka duh.


"Rual lo, rual lo ka pa te chu nang ai in a upa fe.. Kum 60 a tling trep a tan chuan nopang ang lek i ni" ner nawng a ka ti chu rawn nui hawk in "ka tan pawh chutiang vel chu i ni" ti sup a kal mai a tum chu a ban ah chel leh ngat in "ka duh tho che" ka ti leh hram a, min nin hmel fe a min melh ngur in "nupui nei lai ka ni, MI PASAL KA NI TIHNA A NIH CHU" ti deuh hmuk in a kal sawn zui nghal hmak a.


Ka awilo lutuk chuan kan chhui ve ngial a a lo dik tak tak a nupui hmeltha zet mai a lo nei tawh a kum hial an lo innei tawh nghe nghe mah se kei mi luhlul uchuak tih a ka chhungte pawh in a min chhinchhiah hian bansan mai mai ka tum biklo , nupui neilai a nih vangin ka duhna kha ka tilang ngamlo mai mai a ni.


Tunah chuan pathlawi tharhlam a ni tawh.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)