In The End 17+ - (〃゚2°〃)

Episode kal lai dah luhna

Moderator: writers

Vtei Jahau
Posts: 250
Joined: February 28th, 2021, 8:18 pm

In The End 17+ - (〃゚2°〃)

Unread post by Vtei Jahau » October 4th, 2022, 6:01 pm

In The End - 2






Ka tih dan tur hi mumangah pawh an mang phak kher lovang.







Malsawmtluangi's P.O.V







"Nu i tha leh mai ang, pawisa kan ngaihtuah char char a nia aw" kanu engmah hrelo a mu zawi reng chu ka melh tlawk tlawk a, Mala erawh kapu te biak tumin a buai a, anni lah in a phone a la duh der silo, "Nu, kha ila hria em, ka kut ka tih kan tum kha, min hauh hrep kha eirawngbawl pawh i phal tawh lo a nih kha, in hlauhthawn lutuk vang khan min vin hrep a, ka hua che, ka in tina ve palh a ni mai a, min vin hrep a, ka tih tum kha, nu ka haw miahlo che a nia, min ngaihtuah lutuk vang kha a ni reng sia, min kalsan daih chuan nu Mala nen chauh kan ni dawn a sin" kanu engmah hrelo chu ka be mawlh mawlh a, kan unau khawngaihthlak zia ka ngaihtuah a, ka hnuk a ulh teuh, ka hriat ve dan chuan kapa hi kapi leh pu te hian an duhlo a, mahse khati chung khan an in ru lui a, chuan kapi leh kapu te hian kanu chu an tui thlar a, kapa chuan kan unau kanu min hrin hnuah kanu rethei ta lutuk chu a khawngaih a, kanu chu anu leh paten an pawn leh theih nan tiin a kalsan a, mahse kanu hi ka pi leh pute bulah a let duh tawh lo a, kapi leh pu te hian keini unau chu hmuh pawh min hmu duhlo a, dik tak chuan an hmel pawh hi kan hre tawk a ni.










Chutia ka lo in ngaihtuah lai chuan kanu chu a rawn thaw kawk kawk a, a awm chu a rawn in sep dawrh dawrh bawk, ka ding sawn dawrh a, kanu chu ka zuk buaipui leh vat, doctor leh nurse te chu an rawn tlan lut a, room atang chuan min nam chhuak rawk rawk a, kanu chu an buaipui nghal zung zung a, ka tha chu a khur vek, a, engmah ka ti theilo, chhuat ah chuan ka thu tawp a, engmah ka ngaihtuah theilo, ka biangah chuan ka mittui a tla zawih zawih reng bawk a.










"I in chhir ta em" ka khur nasa lutuk min rawn kuah beh pah a ti tu aw chu ka hriat hnu ngei a ni, engmah ka sawi thei lo a, min kuah beh na paih thla thei pawh ka ni heklo, reilo teah Doctor leh Nurse te chu an rawn chhuak a, "Sawmte, inu hi zai vat a ngai dawn a ni" a rawn ti leh a, eng dang sawi tawh lo in Doctor chu a kal ta daih a, ka mittui chu ka la dang theilo a la tla zawih zawih reng.












"Uuu" Mala aw chu ka hre zui leh a, mahse en thei ka nilo, "Tunge i nih a, kapu" Mala chuan hawihawm takin a bia a, "I u hian a sawi ngai lovem ni" chupa chuan a ti a, an thusawi lo zawm emaw lo pawtchat thei ka nih loh vangin ka lo ngaithla tawp ringawt, "Sawi pawh ka hrelo" Mala chuan a ti leh mai a, "I u bialpa hi ka nia, Hudson" a tih chuan ka meng deuh kawk, ka bialpa chu a nilo chiang a lawm tunah khan a hming pawh ka hre chiah a nia, engtinnge ka bialpa chu a nih theih teh lul ang.








"Mala kanu bulah lo va kal rawh" din chu ka tum a, Hudson chuan min lo pui vat, Mala pawh chu thu awih deuh chuan a kal sawn ve mai bawk a, "Engnge i hriat le" kaa ti hluai a, min melh reng ringawt, a hmel chiang taka ka vawikhat hmuhna a ni, a vun chu ngo lam pang no sen suah kan tih ang kha a ni a, a hnar ngul a sang vah bawk, a hmui pawh a senno chek mai bawk a, "I in chhir tawh em" nichina a thusawi ngai chiah kha a sawi leh.









"Mahse" ka tih lai chuan, "Aw nge Aih, chhuanlam ka ngaina lo" a ti hmuk a, "In neihna hi in fiamna a nilo" ka ti leh , "Ka tih ngai miah loh in vawi hnih ka rawn pan tawh che a, a vawi thumna beisei tawh suh, min mamawh chuan ka awmna tur i hre mai ang" a ti bung nghut nghut a, ka kutah chuan paper laminate thlap hi a rawn hmehbel a, biak zui hman loh chuan a kal nghal daih bawk.









"U" kanu Cabina ka va luh leh lai chuan Mala chu thutthlengah a lo mu duai tawh, "Kanu a buai tih in sawi miahlo a" lawmlo aw zet chuan a ti a, "Tihpalh lutuk, ka lo ngaihtuah lo a, ka mangang lutuk khan" ka tih chuan, "I bialpa a ni tak tak em" a rawn ti leh daih a, "A ho lutuk" ka ti ta daih, "A hausak hmel khawp mai, i neih chuan i nun a nuam ngawt ang" a rawn ti leh hram a, "Mala a tawk, ka sawi peih tawh lo" ka tih chuan a ngawi nghal hmak a, a mutna ah chuan a in let thawk a, tawngzawm miahlo chuan a mu nghal daih a.









~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~








??? P.O.V









"I toys chu i rawn hruai tawh em lo tiraw, a la rawn kal ngam kha a huaisen ka ti dawn nge a aa ka ti ang" kanu chuan min beng sawk , "Kapa tia ko tur i ni" a tih chuan ka dawhkan a zu bottle chu chhuatah chuan ka vawm keh nghal thuai, "Kha mihring kha kapa ka ti lovang, Min hring tunu i lo ni ka zah zia hi i hria em, theih nise la chuan ka thisen zam a i thisen lo tling ve te hi paih vek a sin ka duh" ka au thawt a, kan ramhuainu pawh chu a phu dawrh thei.









"I thinchhe hle mai, ipa i chhunna lai tak a ni" a ti leh a ka ngaihdan chu a ni ta lo hle, "Kha i ka bawlhhlawh tak khan a chungchang sawi ve ngam tur i ni ah i in ngai elo, ka rin ai i zaktheilo daih" ka ti a, ka hnungchhawn zui hmak bawk.









"Ipu hian engtinnge a lo fuih thin che le" a ti a, a aw ri hriat ringawt pawh chu ka hne tawh, "I rawn sawi duh ang ang chu i sawi zo tawh em?" ka tih chuan a ngaihdan a nih loh leh hmel tawh kher mai, "Aw" a ti hmuk a, a pen sawn zui nghal bawk.








Ka message tone rawn ri chu ka en nghal vat a, *Khawngaihin min pui rawh* ka message dawn vang chuan ka nui sak .








"Kar leh ah Party ka siam dawn a, i toys nen khan in rawn kal dawn nia, keipawh hian thil tha tak hmuh tur che u ka nei maithei a nia" ka ti a, a rawn hawi nghal zawk, "Thlamuanawm, i ngam chuan min tih mualpho i tum dawn nia, i nu ka nih hi theihnghilh in ka ti chhe vek ang che" a ti ve khar khar a, ka nui chhuak deuh hawk, "I la theihnghilh na nge, kei chuan a hminga kanu ang bakin ka ngai hleinem che" ka ti a, towel chu lain bathroom ah ka luh san ta daih.







Malsawmtluangi's P.O.V









Kanu chu zan tir a a awmdan ngai chiah a a rawn awm leh vang chuan Mala nen chuan kan mangang tawh hle, pawisa lah chu kan la nei thei silo, Doctor te chu an rawn tlan khawm leh a, an rawn buaipui lehnghal vat vat bawk.









"A rang thei ang ber a kan zai nghal chu a ngai a, Sawmte, ka pawisa chu" Doctor in a tih lai chuan, "Awle, Doctor zai tur chuan khawngaihin buatsaih rawh u, pawisa chu ka nei thei ang" ka ti a, kanu thiannu pawh nise ka hre v miau lova, a pawisa lo bat sak ngawt kha tha ka tilo a ni, ka phone nen chuan pawn lamah ka chhuak nghal a, Hudson-a paper min pek a no. chu ka phone ah ka save nghal a, Message ka thawn nghal bawk.








*Ka rawn kal ang* min rawn chhan na vang chuan ka thla chu a muang hle, pawnah chuan Hudson nghah pah chuan ka thu ngawi reng a, ka awmzel dan tur chu ka ngaihtuah a ni, diktak chuan Doctor Engi pawisa puk ka duh loh chhan chu kanu haw em em tu te a lo ni thei a, engmah ka hre ve silo nen kanu hreawmna thlen tu mai mai ka nih ka hlauh vang a ni, tun a ka kawng thlan pawh hi a dik dawn chiah em ka hre chuanglo na a, mahse a pawisa faia pek let ngai lo tur hi a ni tha ber chu, rul tur chuan Mala nen hian kum tam tak hah taka kan thawh ngei a ngai dawn si a.









"Hey" a tawng bul hmuk atang chuan tunge a nih ka ring thiam deuh mai a, ka hawi chhoh chuan ka bulah min hnaih zet chuan a lo ding leh khup reng tawh chu niin, "Lut ang" engmah pawh ka sawi ve hma chuan a ti leh hmuk a, "Lawkin, kan awmdan tur chu sawi chiang phawt teh" ka tih chuan a ngawi vung vung a, rei fee hnuah, "Ka nupui i ni a nga, ka tan a i tangkai na awm chu i hrethiam chho mai ang" a ti a, Hospital ah chuan a lut a, a hnungah chuan ka zui ve hnak hnak ringawt, a thusawi pawh kha ka ngaihtuah chiang hman lo.









Kan pahnih in doctor chu kan hmu a, doctor chuan a lo hre nang mai, "Chuan engtin maw awm zel in tum" doctor in a tih chuan awlsam fe mai hian, "Kan in nei dawn, Nu Engte, in zai chu a rang lam in ti ang che u, Doctor leh in enkawl na pawh a tha ber vek kan duh ang" a ti zung zung a, doctor chu a meng phawk hle, "In, in in nei dawn a maw" a ti bah nawk nawk a, nia, kei a mi hnuaihnung tak a neih duh tuman an ring pha reng nang.









"Aw mahse tuman hrelo se kan duh a nia, Kar leh hian kan in neihna party kan buatsaih dawn a, i hman chuan i lo kal ve dawn nia" sawm na pawh a nilo, thupek ang in a sawi a ni mah, a sawi duh ang ang a sawi zawh hnu chuan a chhuak leh daih a, zui ve mai loh chu tih theih dang nei heklo.









"Pawisa chu Nu Engtei kha ka pe fel vek tawh a, tih ngai ang ang chu an ti mai ang, tunah rih chuan nang hian min zui a ngai dawn a ni" thupe aw tak chuan a ti leh a, "Engnge kan tih dawn" ka tih ve lah chuan min en vung vung a, chhan pawh min chhang lem lo chuan a kal daih a, a carah a lut a, kawngka chu ka luh ve na tur chuan a hawng huau bawk, tim ru tak chuan muanchangin ka pan a, ka va luh chuan dawhthei lo tak leh en pawh min en lem lo hian, "Hun hi pawisa a ni, hlut nachang hre rawh" a lo ti hmuk a, awm a ti nuamlo vek thei.










Car chuan khaw pawn lam min pan pui a, engnge kan tih dawn hre chak viau mah ila zawt pawh ni ila chhan ka hlawh dawn chuang lova, ka zawt buai peih ta lo.










"Ka in kan pan a nih hi" rei feee kan ngawih hnu chuan a rawn ti ve hlawl a, ka zawh pawh ni miah lo in, "A nih chuan kan in neihna chu a lem a ni dawn tho si a, i bula ka chen a ngai lovang tiraw" ka tih chuan rum zet hian min rawn en, "Tunge in neihna lem a ni ti" a ti hmuk, "a ni lovem ni" ka ti vat.









"Pawisa ka pe a, ka lei che tih na a ni mai a lawm, tu in nge in neihna lem a ni ti, ka nupui tak tak i ni dawn a lawm, chuan chu chuan tu te nun emaw chu a ti hreawm khawp ang" a ti a, a nui suk bawk, kei chuan a thusawi chu ka hrethiam lo hle.









"Engnge a awmzia, i bialnu hlui thik tir i tum em ni?" ka ti haaa a, min chhang tha leh duh tawh lo, "I hriat tur chin chu hrilh in i awm ang, a hun hma a i hriat chuan i na hma mai mai" a ti hmuk a, Car chu a ding a, car atang chuan a chhuak zui hmak a, inchhungah chuan a lut a, zui luh ve mai nachang ka hrelo, Driver chuan "Kapi, lo kal rawh leh inchhung lamah sawn pu in a nghak che" a rawn ti a, car atanga chhuah nachang chu ka hre ve chiah, ka chhuak nghal a, inchhung ah chuan ka lut ve vat, a pawn lam atang kha chuan thing in la thar ve tak ang chauh in a lang a, mahse a chhung lam erawh class tak a ni, a nuam em em bawk.










"Kapa in ka tan liau liau a a sak a nih hi" Choka lam ni awm tak atang chuan coffee no pahnih keng chuan a rawn chhuak a, pakhat zawk chu min rawn pe ve bawk.








"Enteh, i thil tih tum hi pangai deuh in min hrilh thei a ngem" ka ti a, a hmel chu a rum nghal ul, a ngawi vung vung a, engmah ka sawi belh ngam tawh lo, "Kar leh ah Ka in ah hian Party huaihawt a ni ang, chu mi hma ngei chuan rawn in sawn lut ang che" a ti leh tawp, "Mahse chu te chu kan hnam tih dan a ni hleinem" ti chuan ka hnial vat a, a ni erawh chuan, "Dan anga ti thlap tur hmel ka pu in min hria em ni" a ti leh hmuk.









"Dan chunga leng tumah an awm lo, Party pawh chu kan dan a ni miahlo bawk, Mizo kan ni a, Mizo tih dan dik takin kan ti tur a ni, in neihna lem a nilo i ti bawk a, ropui tak pawn a ngailo, a tul leh Hall ah pawh kan in kut suih mai a nga, pawisa sen teuh teuh a tul ber lo" ka tih mawlh mawlh lai chuan min lo en reng a, a tir ah chuan engah mah ka ngailo na in ka thusawi a tawp dawn lam erawh chuan ka lai thar takzet, a hmel ka en ngam tawh lo.









"I tawng khan inu i ang hle mai" a rawn ti nawlh a, mak ti zet chuan ka en reng, "Kanu kha i hre tawh ngai em ni? " ka ti a, a bu zauh ringawt a, Choka lam chu a pan lehnghal daih.









to be continue.








(Zan kar thlak in ka dah ang ka tih kha aw😌)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)