ELEOS CHAPTER - 11 BY NUNUI HNIALUM

Episode kal lai dah luhna

Moderator: writers

Nunui Hnialum
Posts: 115
Joined: June 13th, 2021, 9:07 pm

ELEOS CHAPTER - 11 BY NUNUI HNIALUM

Unread post by Nunui Hnialum » October 4th, 2022, 8:09 pm

Eleos


Chapter - 11




Dawr ah ka kal ve takna a engmah ka tilo, ka dawhkàn ah Laptop dah in ahma ah ka ṭhu a Bta lam pawh rilru ah an lang rih meuh lo.



Nanui pawh zing Doctor ward fangin an chhuahtheih thusawiin a chhuahpui thu report arawn pe thlap a, chûng thu ho te anga langsi min ngaih pawimawhna atilang te hlei hlei chuan ka awm anti nuamlo zual.




Kan pawh duh viau mah ila ka rilru chhûngril a hlimlo nen ka hmel hmuh anawmloh ka ringa ka kal ta lo.




Chawhnu dar 2:00pm vélah ka pa'n Pa Zuia min rawn hruai turin arawn tir a, nidang azawnga chutuang ti hleilo Joris-a chaw rawn eidawn vâng mai a min ko haw chuan minti thinrim.




Zingah Scooty ka kengchhuaklo bawk a azia ah ngai mai ang, haw tlai ka tum ve kha ania ka pa zet hi chuan min tlàn khalh hneh mange.




Motor ah lûtin Pa Zuia rualin ka haw a, ka pa Kàmdari ni mahse ka pa rualzet anih vâng in zahlo takin kan be ngailo; tin, amah anungchang aṭha viau a, zàn lam ah lemsek achîng ve ṭhìn na in kan inchhûngah zu rui in a awm ngailo thung.




Haw kawng ah pangngai takin kan ti ti a thudangvak kan sawilo, a nupui nen a an in ngaihzàwn chungchâng leh an in neih hunlai vel asawi mual mual, keilah hetianglam ngaihthlâk nuam timi ka ni bawk a ka mood dahṭha in ka zãwt zui char char, anin sawinuam ati bawk a a nupui angai hle tih ka hriat thar phah.





In kan thlenga Pa Zuia eirawngbawl ka puih nghàl char char, ka phûr teh hûr vang pawh anilo, ka ngaihtuahna kalding tîr ka duhlo zâwk ani mah.




Ka pa leh ka nu pawh tlai dar 4:00 pm velah an rawn haw a, ka nu chawhmeh lei ka dahluh mawlh mawlh laiin Joris-a pawh arawn thleng.




"Naute, han inthlâk la," ka pa'n ati a, common room ah Joris-a nen an in kàwmzui. Inthlâk buai tihvèl kha ka peihlo asin.




Ka U rawn haw hnu reilote ah Zanriah kan ei nghàl a, ka pa leh Joris-a in ṭawngchháwk chu kan ngaithla ani ber ka nu'n athusawi alo zàwm ve zauh zauh bawk.




"Naktuk chu i dâwr ah lo lèn ka tum a, i phal em?"


Balcony ah Joris-a nen ṭhu in ka nu leh pa erawh an room ah an awm thung, "i thu thu alawm," ka ti deuh nghat.



"I hlimlo tiraw?" Veithlap tak chuan.



"Aw,"




Zêpbuai lovin ka ti tlang hmiah. "A chhan min hrilh ve i phal em?" A tih chuan ka ner sak ani hmèl ka hmuh aṭanga hlimlo ṭan ka ni tihhi ka hrilh mai dawn em ni?





"Ka hnaiha i awm hian ka hlimlo," engtiangin nge alo dawnsawn ang tih pawh ka ngaihtuah duhlo. A ngáwi ta vung vûng.




"Tlang takin sawidùn ang, nang nen a inneih hi ka duhlo ani, i nu leh ka pa hnen ah hian sawila anthu delhkilh chu sût leh rawhse," ka ti ta hmak, neih ka hlauh luat ah a ngainat tur anga awm ka tumlo bur.




Ka rinloh deuhin nui hawk, a aw athàm deuh nen a nuiri ni deuh hak chuan Biakthansanga min hriatchhuah tir.




"I duhloh viau chuan nangmah in sawi zâwk ta mai la," tiin ala nui cheu!




"Ka pa hnen ah ka sawi, chuan inu kha lo sawipui ve la," záwi fiahzet in ka ti changfak.




"Ka inthiar fihlim ni rawhse, keichuan nang nena inneih a chhungkaw din ngei hi ka duh," ka thinrimna aw hrelo der hmiah in ati dam thluam.




"I duh chuan nangmah kha innei rawh, kei hian ka nei dawn awkawng lo che," ka ti hriam hraih, a awka chhuaka min thamlohna chuan ka thin atirim lutuk chu ka aw akhûr dar dar thei, ka meng alh phat phat bawk.




"Nupui atan chuan nangmah ngei hi le," tiin ka sam chhàwl lêng chu ka beng ah arawn zep a, he mihringpa hian min chhaihkawlh atum deuh emaw ni.





"Zak ve deuh rawh, ka neih ai che chuan thih ka thlang zâwk,"




"Chuti, thi la ani mai lawm,"




Rapthlak ti zet in ka en a, ka haw lutuk leh min chhângdang thiam lutuk chu vuak thlûk tawp mai ka duh.





"Hawrawh, ka theh chhuah hma che hian," Ka theihtáwpa ruma amit a melh chungin ka ti hap, ka awki pawh a zàwi tawh lèmlo.




"Ka zirlai hi han zo ila kan innei nghàl ang, tunkum táwp hma chuan kan innei thei tihna," ṭhen ṭhú chungin atihzawm leh. Ka bêng na lutuk ang tih ka hlau.




"Nang ang Engeneer za ai chuan Chartìn tlãwn khat pawh ka duh zawk," ti ve hmak in ka in her nghat.




Hnehtu inti zet in dákvah in ka kal a; mahse, ka hnunglam aṭang ka veilam dâr ah na zeta min ṭhàm in min kuaiher sawk a ka inring hmanlo nen ka pai dawt dawt. Ka tlu tûr ka pai chu ka chhîp samah min ṭhàm in amah enthei tur in min kuai dâk hráwk a, ka ngháwng bep ṭhawt leh na nghàl zawk vangin ka mittui a tling nghal, chutah zaklo leh ngampa lutuk in ka chhîp aṭhàmna pawh thladul hlek lovin ka hmui ah na zet in min fawp ta ngawr ngawr anih chu!





Ka duhlo ka tal kual chu ka chhîp aṭhàmna kut tinghet sauh in, ka kut pahnih a hnung khirh nghàl a, ka lu takngial pawh ka her ngam tawhlo, ka ring na lutuk chu tawrh a hrehawm lek lek.





A chêtdàn rawn thlâk in alei nghalzet ka ka chhûnga hàwlluh tumin arawn bei a duh anga alût thei mai silo chuan ati thinrim nge ka kut a hnung khirhna chu thlah in ka hnute arawn ṭhàm nawk nawk a, ka che ve phat.





A biang dinglam ah ri ṭhak khawpin ka bêng a, ka lungáwiloh zia chu turu tak ani, tunah tak hi chuan thah hial duhna thinlung ka nei!





"I zia diktak chu alang chiang ta khawp e, chhuak la kan in ah hian rawn dâk leh tawh ngaisuh," ka ti vin ṭhak. Ka pa in ah mah zahlo takin ka chungah chêt ala ngam a, ka zahpah viau bîk nachhan tur ka hrelo.





Kan thàwm hria in ka nu leh pa an rawn chhuak a, pakhata erawh ka benna abiang dawmin chhuatlam abih ràn a, ka àwm che awk khawpin thaw ka la a, ka sa chhuakvek bawk.





"Enga ti nge inva ri nasa ve," ka pa arawn lang vat, ka chhûngril alh phat phat vângin khawdang ka hawi theilo, ka hma a mipa ding lâktlãkloh zet chu huatna mitmeng nen ka melh ngar.




Ka hmèl leh ka sam pawr phung te chuan ka laka Joris-a chêtdàn a hrethiam ani mahna, "Joris, ka fanu chungah tharum i thawh amaw?" ka pa'n ati fiak ṭhak.




"Bawihte, i room ah han chho rawh, Joris-a hi ka'n bia ange," ka pa'n atih chuan alam hawiin ka inher nghat. "He mihring midang zahna neilo lutuk hi engti kawng mahin pasal atan ka nei dawnlo, thihphah dàwn mah ila ka nei lovang, pa, enge biak khawtlai ala ngaih fona thehchhuak rawh," ka ti vak.






Ka thinrimna leh ka chhûnga khãkna te hi an in sual tawp tawp ani ber.





Ka rokm ah chho in Tuilum sa var in ka inbual a, ka ring ka tihchêt a ka hawi zâwng apianglah in ka ring ana a, ka luchhîp ana nget nget bawk, kha mi tlâktlailo Joris-a ka huatna anasa zual sauh.





Nachhâwkna ka ei hnuah ka nu'n inzûtna in ka nghâwng vel min zutsak a, tlèm chuan azia deuh.




A tûk ah dawr pawh ka kal peih talo, ka nuamsamlo nen zîngpawh ka tho hma lèmlo, ka thawh hma in ka pa'n min ngaihtuah zêt in ka room ah min rawn ngaihven leh a, ka lu a chùl hliau hliau chungin, "Joris-a chu ka hau hrep ania, a che mawilo khawpmai," a ti chuar chuar a ka lo zãng ve sawt.





"Pa, khatiang kut thlâk chîng mipa ka hlauh ṭhin zia i hria tiraw? Damchhûnga kawppui atàn ka duh teuhlo ania," ka tih chuan min en vang vang a a thaw hawk, "engpawh nise hemi chungchâng hi chu keima thu a thutâwp siam ngawt theih ani bik lova, Sangi te nen a sawiho tur ani," a tih chuan ka nersak.




Tupa mahin an duhloh thu áu chhuahpui turin an duhloh ate chhungkua an ràwn thlip thleplo, ka pa hi alo danglam ta hle ani.





Ṭawngka in ka sawi chhuaklo na a ka rilru chhûngril erawh ka pa khawsa zia ka hmuhin ka beidawng ṭan hle.



"Pa, hmangaih ka nei, ani nen chuan tunah hian kan in ngaihzâwng mêk bawk," ka ti chhuak tawl, hetia ka sawilo anih chuan Bta tàn a fair dawnlo lutuk.




A ngawih vung vung hnu ah, "chuvâng in maw Joris-a chu i neih duhloh?"



"Aw,"



"Anih chuan i bialpa chu ka hmuhve ngei angai anihchu, vawiin tlai ah zanriah eiturin lo sawm ta che,"



A ti leh thluam a, ka hamhaih lek lek.




Ka pa chhuk hnu lawk ah Rody'n minlo call a ka biak khât zia ka hre chiah ka chhàn rual rual in "Babes, ka tello in i tlei hle mai," arawn ti nghàl, "Bta hi i hrechiang em?" a rawn tihleh chuan ka bangbo deuh.




"Nizan ah, nula chhelo fe nen hotel regency ah ka hmu a, ngaihloh lam ah ngai lo la ka mi rinzâwng anilo ani, i hmakhua ka vènsak che a ka hrilh mai mai che aw," a rawn tih chuan ka nghîng deuh lawih.





"Ani dawn emni? A nau a damlo mek asin nizan hmasa ah damdawiin ah an awm nghe nghe nimin ah an chhuak ve chiah a engtin nge azàn ah la la achhuah theih ang i hmusual ani lo maw?"





Ka la ti ve fan, "i bialpa hmel commonlo zet kha ka hai hauhlo, fimkhur thu hla ah ka hrilh che anihchu, ih maw i awihlo maithei ahma pawn KS a khàwm ṭhìn," a rawn tih lehzel avâng chuan awihloh ngawt theihpawh anilo; mahse, an khawsak dinhmun ka en in KS èm kawp tur chuan ka ring chiahlo.




Ka tunlai boruak tawn hahthlak zet laia Bta lehzel dem theih tûr leh ka pan theih tura a awmlo anih chuan...ka chhungte bulah hmai ava uang dawnlo ve, ka pa kiangah engkim ka sawi tawh si, tinge khawsak pangngailo taka a awmfo chhan hi le.







End Of Chapter - 11



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)