HIGHER LIFE Chapter 19

Episode kal lai dah luhna

Moderator: writers

Te-i Mrs Ambrose
Posts: 173
Joined: May 30th, 2022, 10:14 am
Location: Siaha

HIGHER LIFE Chapter 19

Unread post by Te-i Mrs Ambrose » October 4th, 2022, 9:07 pm

Higher Life
By; 🌼Te-i Mrs Ambrose🌼
Chapter 19







In ka thlen chuan ka nu a lo ang hluk hluk "Vansangpui, i lo haw tlai thei lutuk mai, pawnah sawn ar bawm, ar no nei lai a an khungna ṭhin kha ka dah ang a, tlaiah i lo haw hunin a mawng lam zawngin i tawlh lut tawh thin dawn nia, khawthim hnuah ka rawn chhin ṭhin ang, lengrei thei lutuk mai chaw pawh i chip tawh ṭhin tawh ang, Ar ang mai, vak dawk dawk zel mai. Hmeichhia inih kha, hmei ah pawh a chhia, chhuak leh teh, i khup ruh ka la khawng ang" a ti hluk hluk.







"Nu i hmui kha armawng a ang, a phu hleuh hleuh mai, ar mawng hi a che a che a, nangpawh I hmui kha armawng ang chiah a ni. Hruiin kan tawn dawn em ni?" ka tih chuan ka pa a rawn nuichhuak a, ka nu in ka pa a melh hrep "Lo nui suh, ka zilh a nih hi" tiin ka pa chu a hmunphiah kenlaiin a kawk a, ka pa lah chuan "Maminu, insum ṭhin rawh, hmunphiah chu bal leh bawlhhlawh phiahnan, i pasal hi chu ka fai, phiah ka ngailo.... Hmelṭha mit ṭhalo i ni duh em ni? Mahni pasal te bawlhhlawh anga phiah i tum tum mai" a rawn ti a, ka nui put put.







Ka nu chuan "Lo ngawi rawh. I fanu hi zilh ve dawnin i lo ṭan hlur zel mai, hei a khawlo vek dawn, ka zilh lai chuan lo nui tawh suh, lo ṭan tawhlo bawk ang che, mahni fate pawh zilhna chang hrelo" a ti hlak hlak. "Nu min zilh em ni? Ar ang a nung turin min hrilh a nih kha, ar an dahna bawmrang a te min thun i tum mai mai a" ka tih chuan ka pa nen kan in set zeuh. Ka nu chuan beidawng lutukin a chal a dawm a.







"Mawl pafa leh lutuk mai" tiin hmunphiah nen a chhuak daih. Ka pa nen chuan kan nuidun ringawt, "Mami, zanin chu i nu kan thlem leh fe angai dawn anih hi...A chauh thlak leh ang chu aw, kan titau liani hi zawng" a tih chuan pawn lam aṭang ka nu in "Titau liani min lo ti suh, ka hre thei vek ania" a rawn ti a ka pa chuan a hmui a hup vat.







"A beng a ṭha lutuk, kan ingaihzawn lai phei chuan ka thiante thuruk ka hrilh ngam ngailo, a lo hre vek zel, nangpawn ri hriatna lamah chuan i nu i chhun, hmel lamah erawh keimah" a tih chuan ka nu a lo lut a, "hmelah pawh min chhun, Kel tar i an an nen, ka fanu chuan keimah min chhun" a rawn ti a, kapa in ka nu en chungin "He keltar itih hi min duh thei em kha aw, min chanloh hlauin i phu hleuh hleuh thin anih kha" a tih chuan ka nu a ner nawng nawng.







"Mami, i pa hian maw college kan kallai chuan min chanloh a hlau thei lutuk kha ka mei ang maiin min zui reng a, bathroom ka luh dawn thleng khan min zui a tum ṭhin sia, a ngawngah ui chain lian deuhin ka thlung tawp zel" a tih chuan ka pa chu ka en a, ka nui vak vak.







"Nu pa, naktip aṭangin tlai tin ka thianpa nen lehkha kan zir ṭhin dawn ania, Ambrose cafe ah kan zir ṭhin dawn a" ka tih chuan ka nu leh pain mak tih hmel lutukin min melh dun a "i lehkha zirna tur a nih phawt chuan tlaah pawh kan kaltir mai ang che" kapa in a tih chuan ka nu in a kuk fawk, "ṭha deuhin thil hi sawi ṭhin rawh, i fanu hi ṭha taka biak pawh a awmlo, a â zawng hlir hian i bia a, nanga thu chu a thi emaw,a ṭawih a ni ziah" a ti hluk hluk.







"Mami nu hetia i an hian alawm i hmelthat em em" a tih chuan ka nu in a beng leh vak ringawt, " i mawl sia, engtin nge ka neih duh che le" ka nu chuan a ti ringawt, ka pa lahin "he ka mizia vang hian alawm ka lakah i luanliam ṭhin em em" a rawn ti a, ka nu in "Mami, va inthlak rawh, i pa bula i awm reng chuan mifingah i chhuak lovang" a rawn ti a, ka room lam pan chuan ka chho ve mai.







Ka room ka luh chuan ka inthlak nghal mawlh mawlh, ka inthlak zawhin inhnuai lamah ka chhuk a, ka nu eisiam lai ka suak chhuak a, ka nu in ka kut a khawng fawk "Chawhhmeh hi lo suak ve ziah suh" a tih chuan ka nui heu mai, ka pa lo kalin ka chawhmeh suah chu min rawn eipui a, ka nu chuan min melh dun nasa mai. Keini pafa lah chuan nui heu chungin chawhhmeh kan ei a, ka nu kan melh dun leh ṭhin bawk.







Chaw kan ei a, kan eikham chuan ka room-ah ka ṭhu reng, ka hmaah chuan lehkhabu ka rem tlar dual, class 4 ka zir lai aṭanga lehkhabu ka la neih ho zawng zawng ka hmaah ka dah vek. Ka zirlai bu pakhat chu ka keu a, lehkha ka zir hmain ka inbual te te a, ka lo chhuah leh hnuin ka room ka tifai leh vek, ka allergy a chhuak mak si a, ka lo inveng lawk a ni ber.







Ka room ka tihfai zawhin ka dawhkan hmaah chuan ka ṭhu ta ran, "nge maw ka zir loh ngawt ang che ni. Ka la thiam dawn khawp che" tiin lehkhabu chu ka kawk a, ka chhiar chiah chu, ka hai nghal muai muai mai, darkar chanve ka chhiar meuh chuan ka thak leh sep sep a, ka mit lah chu Super glue in an char ta emaw rih turin ka meng thei hauh lo.







Ka tihngaihna hrelo lutuk chuan a tawp nan tiin a zavai zankhat zir atana ka hisap ho chu ka chhiarchhuak a, ka record bawk. Ka record zawh chuan khumah ka bawk a, ka voice record chu ka play nawn tluk tluk ka thiam lai lai ka zawm ve bawk. Hla pawh kan ngaithla a, kan thiam chuan tinge ka zirlai hi ngaihthla char char chunga ka thiamloh bik ang ni?







Zing ka harh chuan ka beng chu na tak a ni. Ka phone battery ka en a, a lo low ṭep, ka voice record pawh kha a lo la in play reng bawk. Ka thiam hnem tawh ngawt ang a? Nimin zan aṭang khan ka ngaithla char char kha ania, ka thiam vek tawh hrim hrim ang... Aa ava atthlak e,, thiam vek chu ni ila, ka thiam tih ka hre mai tur. Huizzz.... Ka nun hi a hahthlak a ni.







School ka thlen chuan Hrangvari te ṭhiandun kha an lo awm a, ka ṭhian dangte erawh an lo la thleng lo anih hmel. Hrangvari te ṭhiandun chuan min lo pan a, "Elly, morning" an rawn ti a, an fel reuh zek hi "Hrangvar te u, morning ule" ka tih chuan min melh dun heu mai, "Enga, hrangvar a?" pakhat zawk chuan a rawn ti a, ka bu nghut, "in hming hre hek lo i" ka tih chuan pakhat a sang zawk chuan "Muani ka nia, chuan hei hi Zo-i" a rawn ti a "Awle, Hrangmuani leh Hrangzo-i in nimai" ka tih chuan min kawk dun a.






"i ngo ber, kan hran tir bik che ami?" an rawn ti a, ka nui mai mai ringawt "Keichu.... Natural in ka ngo" ka tih chuan an hmui an petsawi a, Hrangzo-i zawk chuan "Keini chu chemical glow, white leh engtin nge ni ang aw?? aa ka hre tawhlo" a rawn ti chiam, amah bawk chuan "Zo aieng te kan hmang alawm, kan ngo tiraw.." a rawn ti a, ka bu nghat.







"Miin 'damdawi hmangin an in tingo' an tih che u hian in thinrim ngailo a mi? " ka tih chuan an sam an tawk zeuh a, Hrangzo-i bawk khan "kan thinrim ngamlo, a chhan chu kan hmang miau sia" a rawn ti a, an rilru a zau ka lo ti ru em em. "Nangmahni ang hi in ni Dreamer S ho in kan duh chu" ka tih chuan an nui sawng a "Chuthil kan hriat ruk kiau avang chuan lawm Dreamer S a lo tel kan tum" an ti a. Class lam pan chuan ka lut ho a.






Midang ho chuan chutia Hrangvari te ṭhiandun nena kan lut chu mak tih hmel lutukin min melh a, "in insual dawn emaw tia" hmeichhia pakhat chuan a rawn ti a, "Our new members" ka tih chuan Hrangmuani khan "A dik" a rawn ti ve nghal a, ka ṭhutna lam ka pan a, anni pawn an ṭhutna lamah an bag an va dah ve bawk.







Ka ṭhiante chu an pathum chuan an lo lut ho a, ka lo melh hrep. "Min va ngaipawimawh lo bik ve, in pathum chuan in lo kal dun a, kei hi min sawmlo ve ziah" ka tih chuan min nuih tlawn a, "Khatin min nuih thlawn vel suh u...." ka ti nghek, Rammuana a lo lut a, ka bulah lo thuin "Tûmliani" tiin min nuih ṭiah ṭiah. Ka ngei tak tak a ni.






"Rammuana, fiamthu thawh hmel ka pu lo a, fiamthu mood-ah ka cheng lova, fiamthu I thawh nuipui thei tur che mood-ah ka cheng lo bawk" ka ti hmak, "Heng ho hian min thlim ziah mai" ka ti a, Rammuana chuan ka sam a chul hliau hliau "Dear, I best Benjamin Rammuansanga ka awm hi, heng ho ai chuan ka tha fe zawk, ka hmangaih bawk che alawm" a tih rualin a bek a ri nghal.







Eric chuan Rammuana chu a lo hnek niin "Eric, eng thil nge i tih kha?" ka ti ṭhat, Eric chu a rawn nui a, Rammuana tho chiah chu a hnek leh nghal, "Duhtawk rawh" ka ti vin tuarh, "Nang hian hepa thlavang hi lo hauh reng reng suh, nge nangpawh hian i lo hmangaih ve zawk" tiin min melh run a "chutiang lam a ni lo, Rammuana nen kan inkarah engmah a awmlo" ka tih chuan Rammuana chu a rawn thochhuak a, "Eric, eng thil nge itih hi i hrechiang meuh maw?" tiin chil a chhak a, a ka chhung a thi a ni ngei ang. Rammuana chu tui ka pe a, "I tha em?" ka tih chuan tui chu a la a, "Tenawm" tih thu lo chhuahna lam chu ka hawi a.







"Eric, ngaihdam dil rawh" ka tih chuan a nui ringawt a, ngaihdam dil chu a tum loh hmel khawp mai, "Nang hi ka hua che" a rawn tih leh chuan Eric chu ka melh ngawt ngawt "Engthil maw i sawi kha!" ka tih chuan "I hriat zawh chiah kha" a rawn ti a, kalmai a tum chuan a banah pawtin class aṭang chuan ka chhuahpui a, mi awmlohna lamah ka kai phei a.







"Eric, i hresual a ni kha, kei leh Rammuana inkarah chuan engmah a awm lo, a awm ngailo a, a awm ngailo bawk ang" aw nem tak chuan ka ti a, Rammuana thilsawi kha a lo hre fuhlo ka ti dawn nge? Kei hi a zawldawh zawka ka tan a ngai rih. Tunah chuan a la thinrim si a, kei ka lo thinrim ve zel chuan kan inkar a chhe vek mai ang.







"Kei hian ka hresual a maw? Nangni hian min lo nuihzat thin viau zawk ang chu... in inngaizawng ngei a ni lawm ni? Elly, in inngaihzawn tak tak chuan ka lakah zep lovin min hrilh mai ta che u... Kei hian ka duh zia che hriain min lo fiam mai mai em ni? Inngaizawng lo ni ula, khati khan class ho hmaah Rammuana khan 'ka hmangaih che' a ti ngam dawn che em ni? " a rawn ti a, "Eric ngai kawi lo la ka duh. kei leh Rammuana chu best friend chauh kan ni" ka tih chuan a rawn nui a







"Mipa leh hmeichhia hi ṭhian a nih tak tak thei loh" a rawn ti leh a, ka chal ka dawm vang vang ringawt tawh. "Eric, i hresual...." ka tih lai chuan a kut a rawn vai a, "tenawm, engmah sawi tawh suh, ka lakah insawifiah a ngai lo, ka mit a ka hmuh leh ka benga ka hriat chinah khan ka chiang tawk e...Tun aṭang chuan kei hi i bialpa ka ni tawhlo min hnaih tawh miah suh ang che,," tiin a inher vut a, a pen dawn chiah tihah a hnung lam atang ka kuah a.







"Aii,, Eric kal suh...I hresual ka tih chu" ka tih chuan ka kut a thing thla hnawk a, "Awle, ka hresual, mahse nang leh kei chu kan hrang tawh.... min hnaih tawh suh ang che" tiin a kal nghal daih a. Ka biang a lum thla pap. Eric khan 'ka ring ber tawh ang che' min ti a, mahse kha kha maw a mi rindan chu.







Rammuana nen chuan ṭhian chauh ka ni, chu chu hrechiang viau tur a ni. Ani khan min ringlo a, chuan kan inkar pawh a tawp tawh a ti bawk a maw! Amak in a rang lulai emai khathil kha,,, a thleng tak tak lo. a thleng lo a thleng miah lo. Class ka luh chuan ka hai chhulh mai, Any chuan "Ell, i tha em?" tiin ka kut a chelh a, "Any, tuna khan engthil mah a thleng lo tiraw? Eric nen kan inkar pawh a la ṭha vek tiraw" tiin ka mittui chu ka hru a, "Mawh,, min chhang teh u, kei leh Eric inkar kha a la ṭha vek tiraw" ka tih laiin Eric chu ka lam panin a lo kal a.







"Khati khan lemchan kual vel a ngai lovang, ka sawi kha a hrechiang ber tu inih kha" a rawn ti a, "aaii,, Eric Nang hian 'ka ring ber tawh ang che' min ti a, tunah ka ṭhianpa vang mai maiin ka buai a maw, a lem emai... min fiam lo teh" tiin a kut ka chelh a, a lo thing thla hnawk.







"Anih chuan Rammuana nen chuan in inkharah engmah a awmlo angah ka ngai ang" a rawn tih chuan ka kuah nghal a, "ka lawm e... min ring rawh kei leh Rammuana inkarah engmah a awmlo" ka tih chuan min nawr hla a. "Khawngaihin min khawih tawh suh, kan inkar erawh a hrang tawh, ka hne tawh che" a tih chuan phawk lutukin Eric chu ka melh a. A rawn kiai suk a.








"Nang hi ka duh tawhlo che, hei hi chiang takin hria la ka duh... Ka toys pakhat ve mai ini, ka hne tawh che... chuvang chuan min hnaih tawh ngai suh ang che" tiin a bag nen a chhuak nghal daih a, ka biangah mittui a luang a, Rammuana chuan min kuah a "Ell, mipa pakhat lek vang khan hmeichhe chaklo lutuk ang maiin i mittui kha titla mah ta che, ani khan i mittui a phulo" a rawn ti a, nghet lutukin Rammuana chu ka kuah a







"Enteh Rammuan, Eric khan min prank mai mai tiraw" ka ti a, Max te lam ka hawi a, "Max, Victor Eric khan min prank mai mai a ni tiraw, a lo lut leh ang a, min prank thu min rawn hrilh dawn a dik em? Eric kha hrilh ula, min prank a nih chuan minṭthawngin min prank chiang lutuk lo luh tir tawh ula, min prank mai mai anih thu lo sawi tawh rawh se" ka tih chuan min melh ngawt ngawt hlawm a, an mitmengah chuan min khawngaihna bak ka hmulo.







Rammuana chuan min chhuahpui a. Pawna Eric bike chunga chuang ka hmuh chuan ka um nghal, "Eric lo ding rawh" la tih chuan a rawn hawi zawk a, mahse a tlanchhuak daih, ka um nghal thuai a, "Eric lo ding teh, ding rawh ka tih chu" ka tih lawm lawm pawn a ding duh miah lo, a bike chu ka um ngat ngat a, ka hmuh tawhloh thleng chuan ka um a, lungah inchhuihin leiah ka tlu tawp, ka ṭapchhuak vak ringawt.








Rammuana a lo thlen chuan "Elly, hmeichhe chak tak inih kha,ṭtap duh mah ta che" a rawn ti a, "Rammuana, Eric kha ka ko zui mawlh mawlh a, mahse ka kohna kha hrelo ang hmakin a tlanliam daih" tiin Eric tlanliamna chu ka kawk a, Rammuana chuan min kuah hle hle ringawt. Ka tah a chhuak tawh lo reng reng , Eric khan min prank mai mai angin ka ngai tawp





(Khawngaihin Comment kha aw🤗)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)