I'LL HOLD YOU TIGHT chapter 11

Episode kal lai dah luhna

Moderator: writers

Te-i Mrs Ambrose
Posts: 173
Joined: May 30th, 2022, 10:14 am
Location: Siaha

I'LL HOLD YOU TIGHT chapter 11

Unread post by Te-i Mrs Ambrose » October 4th, 2022, 9:10 pm

I'll Hold You Tight
(Our Unfinished Story S-2)
By ; 🌼Te-i Mrs Ambrose🌼
Chapter 11







Perfect boy chuan mit sen ram hian min melh a, a ruih hmel viau bawk "Nang hi ka duhin ka la hmangaih viau ang che maw....Teuhlo" tiin a bula zu bottle chu a vai thla vek, ka ke a khur a, ka ṭah a chhuak takzet bawk, "Kalsan che kha ka duh biklo. i tawrh ai nasa ks tuar ve tho asin" ka ti a, ka biangah mittui a luang nghal.







Perfect boy chu a rawn nuichhuak a, "Min kalsan kha duhlo la chuan min thlah lovang a, min chelh reng zawk ang chu, nang hian fahrah ka nih vang leh ka retheih vangin min kalsan a ni lawm ni?" tiin a nui ro halh a, a mitmengah natna a rawn lang zawk a, mahse a bo lehnghal. "Aiih... nang kaltir che nat zia kha i hrerhiam lo anih kha, tunah chuan thlah che ka tum tawhlo" ka tih chuan min pan vut a.







Ka nghawngah rekin min melh a, "Dawt kha sawi tawh suh" tiin ka nghawng a rek na zual sauh a, a mitmeng a thim khup a, ka thaw hleithei lova, ka khawhmuh a rawn phe ṭan a, ka thaw lak a buai vek, ka thi ngei dawn emaw ka ti hman tawh.A rawn thim tial tial a a hnu chuan ka memgchhuak kawk a, Rini'n a ke chu ka nghawngah a lo hlang a, a letlingin a la mu zui.







Amah vangin ka thi thelh anih kha. ka melh nghek a, a ke chu ka beng vak, "Thosi thlawk bo teh, min seh suh. ka mu duh" tiin a hmai chu puanin a khuh tha sat sat anih chu. Ka va ngei e. Ka thochhuak a, ka phone ka en chuan Perfect boy morning wish-na a lo awm vang a, reply let nghalin bathroom lamah ka lut a, ka rawn chhuah leh hnuin inhnuai lamah ka chhuk a, ka nu pawh a lo tho tawh a, thingpui min lo pe nghal a, "Nu vawiin chu ka chhuak dawn asin" ka tih chuan min en vang vang a.







"Ka ngaih ve che nen aw,.... mahse i chhuah vah ve pawh kha i tan a ṭha mai, Rini nen em ni in chhuah dawn" a tih chuan ka lu ka thing a, "Matthew nen zawk chhuah kan tum a" ka tih chuan a rawn nui a, "in in hne theilo ani maw... Inneih te in tum hnai ang a" a tih chuan phur lutukin ka kutzungṭanga zungbun chu ka hmuh a. "Nu, kan inhual asin, Delhi-ah khan a nia, in awm silo a, awm ve ula ka tih nen aw" ka ti vang vang.







"Bawihte, Pasal nei rual i ni ve ta reng mai a.... Ka ngaih che pawh a reh hmanin ka ring lo" a tih chuan ka nu chu ka en a, a mitmengah chuan min ngaih zia leh min hmangaih zia ka hmu. Ka nu chu ka kuah a, "Nu tihpalh aw, khang kum chhung zawng khan ka lo thlawh ngailo che a" ka ti a, ka mittui a parawl kuang mai.







"Nu, Matthew khan maw, kan pahnih hming chawiin Damdawiin a din a, Delhi ah sawn a nia, chuan tunah Mizoram lama damdawiin din a tum leh mek bawk a, kan inneih chuan Mizoramah kan awm ang... Mahse tun ṭum hi chu kan cham rei vak lovang, Delhi lamah Damdawiin enkawl lai nei a ni sia, kei lah an Damdawiina thawk thar mai ka ni bawk a" ka tih chuan ka nu in min kuah vang vang.







"Ka fanu pawh i lo puitling ve ta reng mai chu a nia. Kan ramah pawh lo haw lovin i rawn mikhual der ania" a tih chuan kan pahnihin kan nui a, Rini a lo chhuk chuan "Nu Ramte, min lo kuah ve teh u" tiin amah zawk chuan min lo kuah a, kan zaivai chuan kan nui ho ta vek.






Eirawng kan bawl ho a, kan ti ti ho nasa viau bawk, Rini'n Perfect boy nena kan chhuah tur thu a hriat chuan "Ka kal ve dawn" a ti tlat pek a, "A ngai mai mai lo, kan pahniha kal dun kan tum, lo tel phet tum suh, Beiseia nen chuan THSS chu in hmu ziah, kei leh Perfect boy chuan kum riat lai kan hmu tawhlo" ka tih chuan a tum hmuk.






Ka nau ni awma mawi alawm a nih le. "in nep emai, inṭhen ho zawng zingah in inṭhen na ber a, inngaizawng ho zingah in inngaizawng leh ber bawk a, in renew leh ho zingah pawh in new ber, in duh dun leh hluak hluak lutuk mai, ṭhiante pawh min thlauhthla a nia," tiin Rini a ang hlawk hlawk. "nge maw in pahniha fianrial teh ṭal pawh chu in duh ni. Min ngailo lutuk mai, 'Tu dang kan ngai tawh lo'ng' te kha in ti vel em ni.... Chance zawng reng mai, in inneih hunah phei chuan Room ah ngawt in tawm ka ring" a rawn ti leh a.







Ka nui ka nui ringawt, chutah khumlaizawlah a pakai leh a "In hne theilo reng reng mai, 'Up down' ramah te, 'Auh auh' ruamah leh vanramtlafual fan chang pawn in inhne theiloh avang hian in la chawh ngawt ang. Thlan ban chuap chung leh hmel pawr fap chung pawn in la inhne leh lo ang" a tih chuan duhtawk turin ka zaizir chuan ka hrilh a, "Rini, insum rawh, ai a upa an awm laia Auh Auh' ruam te i sawi tak mai, kha kha chu nang leh i pasalin in dai hmasa ang" ka ti a, ka nu chuan kan sawi chu hrelo der hmakin a hmai a zap hliau hliau.






"Aa,, Rin.. min sawipui rapthlak emai, i thil sawi hian van Mana ai pawha tui a pawh tlat, chuvang chuan duhtawk la, in lawiṭhat zanah van them te chu i tem dawn nia" ka tih chuan min beng vak, min ben chhan ngaihtuah ta se, a hre miah lovang, "Duh leh kan tem ang," a ti a, a ngawi vang vang, chutah "Rempui mawh, ka lo kal vel" a tih chuan ka chal ka dawm vang vang ringawt.







"Beiseia nen in leng ve dawn nia" ka tih chuan a maian hik lai a tawp chawt a, "Ni tak, nge maw in kiangah third wheel tura ka rawn kal ngawt ang ni. Beiseia ka va sawm teh ang" tiin a thochhuak a, a hlim hmel em em lehnghal.







Ka nu chuan "Bawihte, Rini nen chuan in sawi rapthlak ru emai, miin an lo hre reu reu ang e, in ṭawng ring dun thei si a" a tih chuan a dik ka ti viau mai, "Nia nu, mahse Rini kianga tlawm hi ka hreh tlat zel, ani lah hian Angel te fan phakloh ram ngawt a lo dream nge ni? Pasal neih dawn vang hian a phurthak a ni ang" ka tih chuan kan pahnihin kan nuidun, "Lalrempui, khatin min ti suh.... Pasal neih tur vang hian ka phurthak lo" a rawn ti a, "I chungchang sawi lah hian beng i nei lian thei si, lo hre hman ziah mai" ka ti a, kut min thlak a tum a, ka phone a rik vangin ka tlansan nal nal.







Ka phone screen a hming inziak ka hmuh chuan ka nui ver ver, "Aw, Perfect boy" ka tih chuan lehlam ami chuan engdang mah sawi hmasa lovin "Ka ngai che" a rawn ti nghal thawr, inngaizawng hlim ang maiin ka lo lai em em anih chu, zahthlak hian kum sawmhnih paruk lai ka ni ve tawh a sin le. "Keipawn" tiin ka hmui hnuai ka seh zeuh, Mizoram kan thleng chu, Higher life ah ka kir leh a ni ringawt, kha Lalrempuii mizia kha ka nei let leh a, chuan tunah hian ngaihzawng nei hlim ang maiin ka lai em em bawk anih hi.







"Cutie, dar sawm velah ka lo lam ang che, vawiin chu naupang hoin school an kal dawn sia, kal chu i duh tho em?" a tih chuan ka bu nghut nghut, min hmutheilo tih ka hriatchhuah chuan ka lu ka beng thek "Aw, kal tho ang, Miss Tumbui pawh ka hmu chak, lo la thawk se aw" ka ti vang vang. "Tumbui chu i ngaina vaklo emaw ka tia" a rawn tih chuan "Aw, school kallai chuan ngaina lo e, mahse tunah te chuan ka ngaina ve tawh alawm, mahni zirtirtu te hi chu...A hun laiin ngaina lo sateh mah ila, kan zir puitlin hnuah meuh hi chuan an laka lawmthu sawi kan bat nasat zia te, min zirtirna avanga hetiang dinhmun thleng thei kan nia, ngainat loh ngam pawh an ni tawh lo" ka ti duah.







"Ka Cutie pawh i lo puitling tak tak tawh e" a rawn ti a, a rawn nui ri suk bawk. Kan inbiakna kan tihtawp hnuin inhnuai lamah ka chhuk a, chaw ei an lo peih der tawh. Chaw chu kan ei nghal mial mial a, chaw ei khamin Rini nen kan seng leh a, Rini lah chuan ka thleng silna bulah min dinchilhin Perfect boy lo mak ziak a sawi a sawi mai, "i hmelchhe si, a ni a hmelṭha si, engtin nge a duh theih reng che le, a hma ai pawh khan a duh hmel zawk tawh che lehnghal" a tih chuan ka beng chak takzet, hmaichhanah ka hmelchhia te min ti mai mai.







"Ka hmelṭha a ni ang chu. Perfect boy pawn min duh hliam hliam emai" ka tih chuan a fian ken laiin min khawng nawlh a, "I dawi â a ni ang, anih loh pawn Zawlaidi i tat a ni hrim hrim" a rawn ti a, ka lu a khawnna lah chu a na hrep lehnghal, "I â beng buang thei lutuk" ka ti vak ringawt a, thleng ka sil zawhin ka room lamah ka chho daih a, min lo zui ve zel lehnghal.







Ka room-ah pawh chuan Perfect boy nena bul kan ṭan leh theih mai dan makzia te chu a sawi a sawi a, chutah Rini chu chiang em em in ka en a, "Rin, Perfect boy sawn ka kalsan chhan a hre tur a nilo ania" ka tih chuan phawk lutukin min melh a, "A la hrelo a maw? In inkar a ṭhat hnuah i kalsan chhan i hrilh turah ka lo ngai asin" a tih chuan lu ka thing a.







"Rin, hei hi chu ka damchhung zawnga ka zep tawh tur thuruk a ni, khawngaihin nang pawhin i zep tur a ni" ka ti a, ka zep a ngaihchhan zawng zawng ka hrilh hnu chuan min melh reng a, "Rempui, tinge maw i hmangaihna kawng zawh hi a hetih reng mai ni? Mahse amah Matthew berin bul ṭan leh a duh anih chuan a ngaidam che tihna ania, tunah chuan in inkarah inṭhenna awm thawhlo se. Hlim reng tawh rawh u a bikin nang chuan tuar tawh suh aw. Khuanu khian tawrh tir tawh che suh se" tiin min kuah vang vang.







A hnu chuan ka insil fai a, Rini chuan ka kawr haktur vel min thlanpui a, ka kawrhak tur min duhsak vangin min thlaksak emaw tih laiin a hak tel tur a thlan duh vang lek chu niin. Ka melh vak a, "I thlan duh chuan thlang hle hle mai rawh" ka tih chuan a nui vur vur a, "Rempui i wardrobe a bracelet saw min pe daih la" tiin a nui vur vur.







Ka phalloh pawn min dil lui ngat ngat, a hnu chuan ning tawkin "Nei la, mahse bun ngai suh" ka tih chuan a hmui a ti pawrh tar a, "nei ve si a bunloh te chu a" a ti nang nang "hetiang thil manto lutuk hi chu i mut dawnah en la, zing i thawh hunah en leh la a tawk chiah" ka ti a, a phun bul bul a, Bracelet pawh chu a bag-ah a thun a, "Beiseia hnenah a bawm ka lo siamtir anga, I sawi ang ngei chuan zingah leh zanah ka en thin ang" a ti a, kan nui dun vak







Ka insiam a, Rini lah chuan ka hmai min chei char char bawk, a ngailo ka tih pawhin min chei lui ngat ngat, darthlalang hmaah ka in en chuan ka rak ṭhat, phungpuinu ka ang lutuk. "I va rapthlak ve" tiin Rini chu ka melh rum hrep. "ka mi chei hmasak ber inih kha, inchhuang hle ta che" min lo ti let zawk zamah a nih chu.







Ka hmai chu ka phih ṭha a, lip balm ka inhnawih a, ka sam ka bawk bawk a, ka confi em em, inhnuai lamah ka chhuk chuan Perfect boy a lo ṭhu ran a, ka nuih var var, min lo hmu ve a, a rawn nui suk. Ka nu te nen chuan reilote kan ṭhut leh hnuin Perfect boy nen chuan ka chhuak a, pawn kan thlen ve leh min kuah vang vang. "min van lo ngai hman em em" ka tih chuan a rawn bu zeuh a, ka chal a fawp zeuh bawk.







"school kan thlawh phawt ang a, chuan damdawiin sakna tur hmun kan va en dawn nia" a tih chuan ka bu nghut a, car khawngka min hawnsak a, ka luh hnuin a rawn lut ve a, kan school hlui lam pan chuan kan kal a, ka phur takzet, Perfect boy chuan ka kut chu a la a, a fawp zeuh, ka lo nuih sen sen "Cutie, Delhi lamah kan let leh ang a, chuan Mizoramah kan lo let tak tak tawh dawn nia, chumi hunah chuan inneih pawh ka duh tawh ang aw" a rawn ti a.







Kan school hlui Perfect boy nena kan intawnna hmun chu kan thleng a, ka hawikual a, school chu a la danglam vak lo, mahse a ṭhen chu an sa ṭha tawh a , a school erawh a nawm ngaiin a la nuam reng, ka hmaah chuan lian puiin *Te-i Higher Secondary School* tih chu a inziak a, Perfect boy chuan ka banah kaiin school chhungah chuan min luhpui a.




(story hi a tluangtlam lutuk mah* intih chuan comment lamah lo sawi ula, buaina pawh kan siamchho dawn nia😂🙈)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)