Dr. Racer Chapter 24

Episode kal lai dah luhna

Moderator: writers

Little___loverss
Posts: 94
Joined: December 5th, 2021, 1:10 am

Dr. Racer Chapter 24

Unread post by Little___loverss » October 5th, 2022, 12:20 am

Dr. Racer
Chapter 24
By,




Sangsangi Chawngthu







Andro chuan a bike ngheng run chung chuan min lo en reng a ,a mit meng rum lutuk vang chuan ka hlau lek lek.





"Congrat" ka hnung bawn beng thek tu chu enin ka ner nang a "I..." engmah dang ka sawi hman tawh lo Jeremy chu a thal nghal thuai ,Andro chuan bawh betin a hnek nghal chu ka bike atang a chhuakin Andro-an Jeremy a hnek leh tur chu dangin ka thei tawpin ka pawn vawi leh khatah ka lam rawn hawi thutin a bike lam pan chuan min pawt phei dawr dawr.






"Duatpa,"ngam leh ngam lo chuan ka ko a a lo rum nghut "Racing-ah tel tawh suh ka ti. A dik em?" a tih chuan ka bu nghat "chuan eng e i tih hi?" a tih leh chuan "racing-ah ka tel," tiin ka thaw hap "i tel leh dawn em?" ka in ngaihtuah vang vang hnuin "aw tel leh dawn," ka tih chuan "eng a?" tih pahin min melh deuh hrawk.







"I tel tawh lo vang," "tel ang," a bek pawng tawlh tawlh khawpin a in sehruh tawh "thuawih hi a har viau ami?" sehchilh zet a a tih chuan "hetah kher hi chuan ka thei lo," tunah tak hian ka hlau tawp.





"Helai hmun a i kal hi ka duh lo mipain an duh duhin a khawih che a zu nen thil tha lo tak tak leh thian sua..." thinrim tak a a tih lai chuan ka kut chu phar chhuakin tawp turin ka ti nghal ,ka thiante kher chu ni lo e "ka thiante sawi tel ve hlek suh," ka tih chuan za lo tih hriat fahranin a nui hak.






Thil dang sawi tumin a ka a ang zuai tawh chu a phone Rik vangin a tawp leh rih "hello," a tih chuan loud speaker a a dah vangin lehlam a mi aw chu ka hre thei hmeichhia a ni "babe, min lo lam teh" lehlam a mi chuan tap aw deuh hian a lo ti ka sa nghal zak ,tunah khan engtin nge a koh kha 'babe' maw?ha.






"Linda, eng nge thleng ?khawiah nge i awm?" Andro-an a tih chuan ka kut ka lo hum ruh tawh hle "hlimen park-ah ka awm, a thim si min lo hruai khawngaihin," a tih chuan ka hriat tham lekin "mahni a haw ve mai tur," ka ti chu ka lo sawi ring deuh a niang Andro chuan min rawn melh leh hrawk tawh.






"Eng nge chulai daih daihah?" Andro-an a tih chuan ,tap hlawp hlawp pahin "nakinah ka hrilh ang che ,min lo hruai phawt rawh" a tih chuan Andro chu a kal hlauhna ka nei nghal a nupui hual a ni a ka thikin a laka chan ka hlauh vang pawh a ni mahna.






Phone a dah ruala a bike a lawn kai mai a tum chuan a kutah lo vuan vatin min rawn en nghal a mitah tak en chung chuan "kal suh," ka ti sep "ka kal a ngai," a tih chuan ,lu thing nar nar pahin "aih, kal suh," ka la ti "ka bulah awm la race naah pawh ka kal tawh ngai lovang," ka tih chuan "ka kal a ngai" tiin ka kut chu dah thlain bike-ah chuan a thu kai nghal zat a.






"Kal suh!" ka au chhuak that "i kal a nih chuan kan inthen ang" ka tih chuan min en vang vang phawtin "ka kal a ngai," tiin a bike chu a ti nung nghal vut vut a "a tha alawm ,kan tawp min rawn hmu tum tawh ngai suh ,i nupui hual nen chuan hlim takin in awm dawn nia" tia au khum ngheka ka bike lam panin ,ka bike bula lo ding Jeremy chu eng sawi set set lovin ka fawn tawn tawn a tirah chuan min chan let nachang pawh a hre lo mah se rei vak loah ka kawngah vuanin min fawp let ve tawn tawn a ,bike tlan ri ka hriat rual chuan ka muttui a luang nghal ngiai ngiai.







A kal ,min kalsan ,midang min pan san ,Jeremy chu nam sawn dawrhin ka bike-ah ka lawn kai nghal helmet khum nawk nawkin chak tawkin ka tlan chhuak nghal.





A tawp tawh ,a tawp vek tawh ka dang nasa tawk lo ami ,nge ka hmangaihna hian dang zo tur khawpin theihna leh chakna a nei lo zawk ,nge nia min hmangaih lo?Bike chu ka khalh chak sauh a ni e min hmangaih lo zawk a ni ,a hmangaih tak zawk nen chuan hlim takin awm rawh se.







Kan garage a bike dahin mittui la luang zawih zawih chung chuan kawngka chu ka hawng a ,kawngka bula min lo nghak ni awm tak a ding ka nu chu tap chhuak hawk pah chuan ka kuah nghal thlawp ,ka hnung chu beng thak thakin "thap tawh suh, thu phawt ang aw" a tih chuan bu nghatin sitting room lam kan pan nghal.







"Le eng e thleng min han hrilh teh," ka hnung chul hauh hauh paha a tih chuan tap hlawp hlawp chungin thil thleng chu ka hrilh vek a "kan inthen tawh ,a tawp vek tawh" tih pah chuan ka mittui vanga ka biang huh nuaih chu ka nuai tawk tawk a ,ka nu chuan "Puii, mu phawt rawn i chau lutuk ang naktukah kan sawi leh dawn nia ,mipa pakhat vangin in ti na duh suh" tiin ka room lamah min hruai a.







Khumah chuan bawkin ka mittui tla leh thin chu ka hru ka hru bawk ,ti nge ka tah vak? Mipa pakhat vangin ,he khawvelah hian mipa pakhat chiah a awm em ni? teuh lo an tam lutuk ,mipa pakhat vangin ka tap tur a ni lo ;mahse, mipa tam tak zingah chuan hmangaih pakhat chiah ka nei thung si ,ka tah chhan ngei hi.






"Puii, tho tawh rawh chaw rawn ei rawh a tlai tawh si i ril a tam ang" tih paha min rawn sawi dat dat chuan "um," tiin meng mang lo chuan ka thu chhuak a "lo chhuk vat rawh aw," a tih chuan "Tania, Rema te kha lo phone la kan inah lo kal rawh se" tiin ka mit chu ka nuai nak nak a a la na phian zui "awle," a tih rual chuan kawngka inkhar thawm ka hre nghal.








Tho chhuakin bathroom lam chu ka pan nghal a ,darthlalanga kan in en chiah chu uiii a ni mai ,ka mit a bui vek a ,ka sam chuan kawh theih lai zawng zawng a kaek kim vek a ni thawthang ,phung chiah chiah ka ni mai.






Inbualin ka insiam nghal sawk sawk a ,dar 3 a ni tawh ,Tania lah chu ka chhuk hmain a lo chhuak daih tawh bawk si ,engmah pawh ka ei peih lo ,sofa-ah thuin phone ka khawi vel mai mai ,fb-ah notification ka dawn avang chuan ka lut a 'dr. hmeltha group' an thil post chuan min deng dawt thei ,Lindai leh Andro in fawp lai.





Caption ka chhiar chu ka mittui a tling leh nghal pam tawh ,Dr. Andro Lalrinhlua leh Linda Lalthlamuani te chu an inhual tih hriat chhuah a ni ,rei lo teah an in neih vat beisei a ni bawk.






Ha! sawi tur pawh ka hre lo ,ka na lutuk hi ka taksa pawh hian engmah a hre thei tawh lo an thu ziah ai mah chuan thlalak mawlh hi ,min hmangaih a nih chuan engtin nge midang a la fawh theih?





'I mawl lutuk ,a hmangaih che a nih chuan nizan khan a kalsan miah lo ang che ,nang kal sanin hmeichhe dang a pan tawh ,min hmangaih tih lam kha ngaihtuah tawh suh' ka ngaihtuahna chanve chuan ti mah se a chanve dang chuan 'a hmangaih lutuk che' a la ti fan a chu chuan min ti na takzet.







Phone bih ngur a ka lo thut lai chuan kawngka lamah thawm a lo awm a ka hawi phei chuan Rempuia te ho chu insual ti tih hian an rawn lut a, rilru na e ti lo chuan ka lo nui hak hak ,he mi te hi chu aw.






"Puiiiiii," tih pah chuan Rempuia chu a rawn tlan hawr hawr a ,tuai chiah chiah ,ka bula a rawn thut rual chuan min rawn kuah nghal chul chuk a "kal teh," tih pahin ka nem sawn dawrh.






"Ui thaw ,kan ngai ve em em che a ngai mai i awm thlawt lo," tih paha a hawi sawn deuh ngel chuan "tikhan awm tawh Suh i tenawm," tiin Prakash chuan a nam bu lawp ,ka lo nui hak he mi te bula awm ai bak a nuam a lo awm lo a nih hi ,an rawn thlen tirh atang in min ti nui nghal a nia.





(comment-na tur link👇)
https://m.facebook.com/groups/991354610 ... 900557729/



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)