ERROR 404 CHAPTER _ 18

[Maveni hmar]

CHAPTER _ 18


**REBEL SIMMONS POV**

Darkar chuang fe kan bazar hnu chuan ka chau tawh tak zet. Vawiin hian ka zawi ngawih ngawih a, thatchhe awm tak pawh ka ni reng a ni. Italy-a street racer tha ber dawttu nihna ka hauh a, silaia inkahnaah ka tel a, mi thah hmang ka that a, min kap hliam a, chutah chatthla khawpin ka rui leh a, nang pawh chutiang chu ni ve la i zawi ngawih ngawih ve tho ang.

Natalia remti lo chung chungin min kah chu chhuanlamah hmangin joggers dum, sneakers leh hoodie var chu mall-ah ka ha chhuak a. Min en liam ve ta mai chu lawmawm ka ti phian.

He hmunah kan bazar leh ta bawk a mi dang masi present tur leisak ka rilruk ta a. Ka thil leisak pakhat zawk an lo duhloh palh takin gifts pahnih zel leisak thain ka hria a. Giana tan Tiffany ngun leh bengbeh ka leisak a, Florence chu lunghlu thi leh kawr sen duk lam nalh zet hi Ted Baker atangin ka leisak a, ka nu tan iPad leh a case, fiamthu pah fawmin Angelo tan Medical Measurements lam lehkhabu leh PS4, Damon tan hard drive thar leh screen protectors leh screen cleaners ( a mamawh zia chu Pathian pawhin a hria), Harry tan a lehkhabu ngainat em em Wuthering Heights limited edition version leh sweater vest ( a ngai ngawr ngawr a hak thin vangin) ka leisak hlawm bawk a. Phirte chuan an gifts tur chu an mahnia thlan an remtih vangin Isa chuan Louboutin pheikhawk dum nalh zet hi a thlang a, Natalia chuan Valentino pheikhawk a thlang thung. A rukin Louis Vuitton scraf ka leisak ve ve a: Natalia tan a senno leh vutbuak rawng, Isa tan a dum leh vutbuak rawng.

"Dante khan mansion chhuahsan hlek lo turin min ti a ni lo'm ni kha?" Darkar nga ngawt kan thangbo tawh a ni tih ka hriatchhuah hnu chuan ka zawt ta a.

"A ruka min veng rengtu kan nei tho alawm." Tiin Natalia chuan mipa coat ha min rawn zuitu lamah chuan lu a bu nghat a. Iptea kut zen lut tut chungin bench-ah a thu a, kan lam a rawn hawi reng a, a hmelah chuan ning hmel hi a pu ngawih ngawih a.

"A va'n hriat loh em em." Tiin ka meng ralh ralh a.

"Dante sawi takah chuan, eng emaw tal i leisak ve dawn lo em ni?" Isa chuan chik zet hian min zawt a.

"Ka leisak ang maw? Eng nge a duh ang?" Dilchhut zet hian ka ti vat a. Gifts lam hi ka hre lo chhah lutuk a.

"Inthahna nena inhnamhnawih thil tawh phawt chu a ni mai." Natalia chuan mithmul san ak hian a ti a, an pahnih chuan an nui chhuak rual hawk a.

"Kan hre chiang chiah bik lo. Christmas holiday tih vel hi a ngaihven lutuk lo a. 'Nungdama kan awm ngawt pawh hi thil thlawnpek a tling a ni' a ti fo thin . Kan rualin chaw a ei a, a office lamah a chhuak leh daih thin." Isa chuan dar a lo san ak a.

"Gifts kan pek pawh hian a pawm tak tak ngai miah lo. Kum eng emaw zat kalta atang khan gifts pek pawh kan bansan ta reng a ni. Amah pawh hian gifts min pe ngai lo, kan chhungkua venghim chu himdamna thilthlawnpek min pek chu a ni tih thu a sawi fo." Natalia chuan tiin a meng ralh ralh a.

Ralthuam zawrhna dawrah kan lut a, kan han en kual vel a. Silai dangdai deuh hlek ka melh a, ka mit la zar mai ka hmuh chuan ka ding chawt a: pistol dum hnum hlarh mai chu. An dahna bawm chhungah chuan chu silai chu eng hnuaiah chuan a lang tle var mai a. A bul maiah chuan silai nena inrem tak pocket knife a awm bawk a. Dante min hriatchhuahtir zawk a. A piah maia tlereuh dawra phirte an luh hlan chuan ka lei ta vat a.

"Silaiah khan eng emaw ker i duh em?" Dawr nghaktu hmeichhia chuan min zawt a, "Minutes reilote chhung chauh a awh ang."

"Okay." Ka ti ta a. Lehkha them hi min rawn pe a, eng thil nge ka ziah ang tiin ka inngaihtuah vang vang a.

A lungkuai zawng em ni ang?

Ka ti mah mah deuh ang em?

A fawh pawh kan la infawp lova, a ai ril zawk kan ti thung si.

Kan inmal khalh loa, mahse a nunna thapin min venghim si.

Ka ding vang vang a, lehkhaa thu inziak chu ka melh vang vang a, eng thil ber nge ka ziah ang ti chuan ka inngaihtuah buai hle.

Ka han thaw kawk a, ka rilrua thu rawn lang hmasa ber chu ka ziak ta a:

Muanna leh meipui
Chu i ni
Min tingheta min sawi nghing thin
Tum khatah
-R

Ka thuziak avang chuan ka nui hak a, dar san akin ka ziah that leh hma chuan chu hmeichhia chu ka pe ta a.

Ka nghah chhung chuan phir unau riltam chu ralthuam dawrah an rawn tek lut leh a. Isa chuan silencer invuahsa silai chu hmanna a awm tak thutah tiin min pe ru zal zal a, thil ei turin an chhuak leh ta nghal a. Ka kekawr kawngah chuan silai chu ka thawlh lut mai a, silai vawt thlarin ka vun a rawn deh chuan ka siamrem thuai a.

Chu hmeichhiain a ker zawh chuan silai chu ka lek vat vat a, ka nui ta sak a. A thil ker chu silai dum hlarhah chuan a tle vet vet a, langsar hle e tilo chuan hmuh a har ang reng lawi. Dimtein silai bawmah chuan khungin phirte'n an hmuh loh nan bag dangah ka khungbo ta a.

Chaw dawr lamah chuan ka phei a, phir awmna zawngin ka phone chu ka phawrh a. Ka phone-a ka text mawlh mawlh lai chuan kut hian ka hmui rawn hupin hallways reh ruih lam pan chuan min hnuk thla ta a. Ka phone-a call button chu hmetin Natalia chu ka call nghal a.

Ka theih anga na chuan a kut chu ka seh thut a, a au chhuak thawt a, a awmah tak mai chuan ka kiu chuan ka nghawk zui bur a. Amah ai chuan ka na zawk daih, a awmbawr tihrawl sek tak mai ka nghawk zawng chuan ka kiu chu a na vawng vawng a. Ka silai chu phawrh chhuakin a lu-ah ka tin nghal rap a.

"Ka lakah hian eng nge duh i neih a?" Ka zawt a. Min rawn pan hnaih pah chuan min nuih sung a. A khupah chuan kap thuaiin chhuatah chuan a tlu nghal thlawrh.

"Ka lakah hian eng thil hrep nge i duh phiangsen ni?" Ka zawt nawn leh ngat, a mit leh mit inkarah tak chuan ka tin nawn leh ta ran bawk.

"Nangmah kha mawle, nang hi ka target chu i ni." Tiin min nuih khum uar uar a. Silai cheng chu kauin a mit leh mit inkarah chuan ka kap ta thuai a. A thisen chu ka hoodie varah chuan a per sen nguai a. A nghawng chu ka enfiah vat a, Russian hawrawp ka hmuh than tak kha ka hmu leh ta. A phone chu lain tracking devices a awm leh awm loh zawngin a phone hnung chu ka hawng a. Ka hmuh rual rual chuan ka phawi chhuak nghal a, phone chu ka ipte chhungah ka khung nghal hmiah. Hallway atang chuan ka tlan chhuak nghal a Natalia ka va su chawrh mai.

"Holy shit, eng thil nge thleng?" Isa chuan a aw chhuaka hmanhmawhna a khat hian min zawt a, ka hoodie thisen kai nuan chu chik zet hian a melh a.

"Kan kal a ngai. Tunah." Chhuata ka bag tla chhara car lam pan pah chuan ka ti sawk sawk a. Shopping center lun tak mai chu tlan tlangin ka Dodge Demon kan va thleng ta hlawl a, mall chhungah chuan silai a puak nghal thawr thawr bawk.

Parking lot atang chuan kan in khalh chhuak nghal a. Car inhung kara ka leu chhuah puat puat lai chuan Natalia chuan ka phone-in Dante chu a call nghal a. A vawi khat ring-naah chuan a pick up nghal var a.

"Hey, eng nge i an tawh a?" Aw zaidam tak hian a rawn ti a.

Ka rear view mirror chu ka han melh a, car dum pali: Escalades pahnih leh Mercedes AMG 63 pahnih hian min rawn umzui tih ka hmu ta a.

"I thinrim lo ang tih min tiam phawt rawh aw?" A kil lama ka tleng phei lai chuan zam tak hian Natalia chuan a zawt a. Car palite chuan min rawn hnaihchilh hle tawh.

"Natalia? Khawiah nge Rebel-i a awm hrep ni?" Dante chuan a rawn ti khur khur a. A awa zaidamna kha a reh chawpchilh nghal vek.

"Mall-ah kan kal a, chuan _" Isa-i'n a tih mek lai chuan traffic karah chuan ka tlan kir a.

"Khawiah nge a awm hrep? A sam zai pakhat pawh a tla a nih chuan ka_" Aw ril tak hian Dante chu a inhrosa a.

"Dante! Ka tha e!" Ka tih rual chuan ka leu puat puat a. Escalades pakhat zawk chu kan bul maiah rawn leu pheiin an tukverh darthlalang chu an herh hniam a. Shadow hi backseat-ah thuin a silai chuan mi rawn tin zawn ngar mai.

Brake chu rap thutin freeway-ah chuan hnung zawngin ka tlan ta, silai mu chu ka pumpelh thei hram nachungin ka windshield chu a rawn kap fuh ta tho.

"Silai ri ka hria elaw?" Dante chuan a ti rum rut a.

"A tawi zawngin sawi mai ila, mall-ah kan kal a, Shadow chuan min thah emaw kidnap emaw min tum a, ka that a, a phone ka laksak a, a chhunga tracker chu ka tichhia a ni." Tiin ka hrilhfiah zung zung a.

"Ka nula ni awm reng i ni." Dante chuan chhuang takin a ti a. A thusawi vang chuan ka lungphu chu a phu dut dut mai.

"Awww." An silai load pah mawlh mawlhin phirte chuan an ti rual rai a.

"Tunah hian Russian misualho car pali laiin min um a, min rawn kap mek a ni a. Thu min rawn tur i nei em?" Dam raiha tiin ka car chu freeway chhuahsan turin ka inher a, kawng pangngai lam chu ka hmachhawn ta a.

"Silai mu kan hmang zo tep tawh a nia." Isa chuan hnung lam atang chuan a rawn ti lang lang a. Kawng zim taka ka leu ziak ziak lai chuan Russian-ho pawh chuan min rawn hnaih sawt ta hle mai.

"Bikbosan dan ngaihtuah ula, warehouse pahnihna lam pan khan inkhalh rawh u. Invenna'n tiin passenger seat hnuaiah leh centre console-ah( Centre Console= Car seat hma lam inkara thil dahna) khan silai ka dahthat kha. Kei pawh ka rawn kal mek a, warehouse kawng chanveah kan intawk dawn nia." Dante chuan thutak zet hian a ti a. Center console chu ka han hawng a, ka car-a silai tetakte a lo dahthat ka hmuh chuan ka khi sak a. Isa chuan passenger seat hnuai chu a han dap a, nui sang hian semi automatic hi a rawn phawrh ta nghal a.

"Ka hrethiam e." Tiin a sir chep lamah chuan ka tleng phei a. Escalade chuan a sir lam chu a rawn thleng rang lutuka a thunun zo ta lo, bus a va su ta bur mai a nih chu.

"Chuan...Rebel," Dante chuan a ngawih vang vang hnu chuan a rawn ti leh a.

"Aw?" Rear view mirror melh ran chung chuan ka ti a.

"Khawngaih takin him hram ang che." Zaidam taka tiin phone chu a dah ta a.

"Aw le. Diktak chuan, kqn unaupa chungah hian eng thil nge i tih a?" Natalia chuan tiin hnung lam windshield rawn kap thuaitu silai mu lo bum nan a kun hniam zauh a.

"Kan nun kum 19 chhung hian tuma hnenah khawngaihin tih tawngkam a la hmang ngai lo a ni." Isa chuan tiin a thutna bul tukverh darthlalang chu a han herh hniam a, AMG pakhat zawk chu a kap ta a. A ke hmalam pahnih chu a kap fuh a, thunun theih rual lohin a vir let nawk a, a bula pangpar dawr chu a su ta a.

"Ka hmangaihna kawng chungchang hi chu hun bik deuha la sawiah kan khek thei ang em?" Men kal ralh ralh pah chuan ka ti a. Dante nena kan intawhna hmun tur chu mel thum chauh a ni ta.

Tlang kawng lam chu ka zawh a, Escalade leh AMG chuan min rawn umpha teuh tawh hle mai. Escalade chu kan vei lamah a rawn tlan a. Kawtthler chu a zimin kawng thlur hnih chiah hi a awm a. Kan hma lam ka han melh chuan min tawk zawnga khawnvartui phur truck rawn tlan chu ka hmu ta a. Ka rilru chuan ka han hisap te te a, semi automatic chu lain tukverh chu ka herh hniam ta a.

"Isa, motor hi lo khalh rawh." Ka seat belt phelh mawlh mawlh pah chuan ka ti a.

"Rebel, eng thil hrep nge i tih a?" Isa chuan tih thawt pahin steering wheel chu a dawm nghal. Truck-in min tlanpelh ka nghak phawt a, chutah tukverhah chuan ka taksa chu ka lawr chhuak ta a.

"I thi palh hlauh a nih chuan Dante-an eng tin nge min tih dawn i hria ang chu maw?" Ka ke lo vuan bet chungin Natalia chuan a lo ti that that a.

Truck-a fuel tank chu uluk takin ka tin zawn vang vang a. Russian-ho lahin an ralthuam chuan min rawn tin vang bawk. Ka kah tumna laiah tak chuan khawnvartui phur motor chu ka kap fuh chat a, car chhungah chuan ka tlum lut leh nghal zawk a. Khawnvartui phur motor chu a puak nghal dur mai, Escalade leh AMG chu a puahpui ta a.

"Dammmn, kan best friend hi mi hratkhawkheng a lo nih hrep hi!" Min rawn high-five pah hian Isa chuan a ti rai a.

"Takzet hian Rebel. Nang hi mi sual mak tak i lo ni hi a awihawm lo rum rum zawk alawm." Ka dar na lo lam rawn tham pah hian Natalia chuan a ti a.

Kan intawhna hmun tur chu kan hnaih ta hle mai, Dante chuan a sipai zawng zawng a rawn hruai ni mai hian a lang. Mipa leh hmeichhia za chuang teh meuh hian silai keng fur chungin min lo nghak thup a. Dante chu kut kuangkuah thun hian a sipaiho lai takah hian a ding luah a. Ka car a lo hmuh chuan ka din hma hmain ka lam pan chuan a rawn tlan nghal a.

Ka Dodge Demon chuan chhiat a tawk hi a ni hawt e. Car hmun tam zawkah chuan silai mu luhna hi a kaw heu huau a. Ka windshield leh tukverhte chu a khi kakin a keh darh nual bawk. Driver side kawngkhar lamah chuan rawn tlanin kawngkhar chu a rawn hawng nghal vat a. Ka darah vuanin ka lu chhip atanga ke ler thleng chuan ka nat leh nat loh min han endik a. Ka hoodie-a thisen kai a hmuh chuan ngaihtha lo tak hian a mitko chu a san ak a.

"I ngaih tithalo duh suh, heng thisen hi keima thisen a ni lo." Dar ka chhin ak a. Ka dar a vawnna chu thlahin passenger seat lam kawngkhar chu a hawng a, Isa chu back seat lamah a hnawt kiang a.

"Takzet hian maw, Don? He hmeichhia chhan tur hian min hruai vek a maw?" Hmeichhe pakhat hi car lam pan chuan a rawn phei a, mit vun chuar nang hian min melh chhuk chho a. A nalh tak zet a. Sam buang sei tak hi a nei a, a hnungzang chanve a thleng hial a, mitmeng dumpawl dal lam hi a nei bawk. A hmui lian leh puam nalh taka lipstick duk a hnawih chu a vun hang lam nen chuan a inchawih tak zet a ni. A hmaifang chu a hriam hle nain a nu zam thung. A sang hle a, kei aiin a sang zawk daih, a pian pawh chu a dikin a pawng tur lai pawngin a fek tur lai a fek nalh hle bawk. A bula awm ve hmeichhe dangte nuam tihlohna rum rum khawp ang hmeichhia hi a ni.

"Thlawkbo rawh, Sofia." Tiin Isa chuan car atanga rawn chhuah pah hian a rawn nam sawn dawrh mai a.

Sofia chuan amah chhan beisei awm tak hian Dante chu a melh a. Ani lah chuan eng rilru nge a put hriat hauh loh hian a melh vung vung a, hnungchhawn zawnga inheri?))?(??l)?)?l?(ll?)???????m))l))l))?l))k pah chuan a ti a, Isa chuan a mitko a lo san ak a.

"I sawi awmzia ka man love." A pindan kawngkhar zawn ka thlen chuan ka ti vat a.

"Takzet, unaupa. Nangmah leh nangmah kha inbum zel rawh." Isa chuan a ti a. Pindan kawngkhar chu thawm dim taka hawn pahin ka kuta silai hmang chuan unauvite chu ka hnawt bo thei ta a. A khum bul dawhkanah chuan tray chu ka nghat a, a biangah chuan ka fawh nawn leh hnu chuan a pindan chu ka chhuahsan ta a.

Warehouse ka hnaih tual tual a ka mood hlimawm tak chu a kiam tual tual hi a ni mai. Ka pa khan khawngaihna nei lo leh nelawmlo tak ni turin leh tu lakah mah ka chaklohna lantir ngai lo turin min zirtir thin a ni.

Agenda pakhatna chu ka tih tur hlauh zawng tak assassin-ho training pek a ni a. Training-na hmun warehouse thlang lam pang depah ka pen luh chuan ka suit jacket chu bench-ah ka thehthla tawp a. Kei chu kal hmasa ber ka ni a, punching bag hmanga lo intihlum ka rilruk ta a. Ka kawrban chu ka kiu thleng thlep chhoin ka kut chu ka tuam ta a.

Chutia ka kut ka buaipui mawlh mawlh lai chuan ka hriat than tak kut zungtang ria thlarh hian ka hnung chu a rawn massage a. Ka han inher chuan Sofia Rossini chu a workout thuam sexy tak inbel chung hian ka dar vel a lo chul tih ka hmu ta a. Sofia chu remchang a pianga ka mutpui thin hmeichhia a ni a. Mafia hmeichhe zinga zei ber a ni. Mutpui pawh a manhla thei khawp mai, min zarbuai peih em leh a ninawm ching cheng lutuk vang chuan ka thlah ta hmak a, hmeichhe mitmeng sen uk khakin hmeichhe dang ka ngaihvenna zawng zawng a lakpen tak vang bawkin.

"Hey, hmeltha." Ka beng bulah chuan a rawn ti sa sa a. "Tumah an la rawn kal rih lova, hun reilote chhung chu awmfalna hun kan nei niin a lang. Eng vangin nge nuam kan lo chen mai loh ang?" Tiin a kut chuan ka awm chu zut thlain ka kawnghren chu a man chat a.

"Sofia, min kalsan hrep teh, i hmun hre bawk ang che." Tih khum chhur chhur pahin a kut chu ka nam sawn lawp a, ka ding chhuak ta nghal.

"Mahse, Dant _" a han ti tan dek dek a, ka hminga min ko tur a ni lo tih hriain rum lutuk tak hian ka melh ngur a. Assassin ve maiin a Don a hming hmasaa koh chu inzahloh entirna a ni.

"Don." Tiin a rawn intidik ta a. "Thla chuang zet min mutpui tawh lo a nia."

"Chuti a nih leh, i mamawh phuhruksaktu tur che midang zawng mai rawh." Punching bag lam pana kal pah chuan ka ti a.

"Oh, come on. I hmeichhe mutpui tawh zinga zei ber ka ni tih i hriat kha." Tih pahin min rawn pana, ka mipatna chu a rawn tham ta nawk mai.

"Chuvang tak renga khang kar chhung zawng khan min rawn pan nawn tlut tlut i ni lo'm ni?" Tih pahin ka kekawr chhanah chuan ka z*** chu chulin a rawn hrawm ta a. A mi hrawm velna chuan min tilawm thin hle a, tunah erawh ka ten tlat tawh.

Ka nam sawn dawrh a, chhuatah chuan mawng sawh dawtin a tluk phah nghe nghe. Mak ti lutuk chuan min rawn melh chho tlawk tlawk a.

"Ka mutpui thin chhan che kha chu maw mi tu tan pawh khan i inphal thei teh hawrh em vang a ni. Tunah chuan i hmun hre tawh ang che. Ka that hreh dawn hauh lo che a nia." Ka ti a, a lak atang chuan ka kal sawn ta a.

Darkar eng emaw zat chhung chu assassin-ho hnenah kut hmanga insual zirtirnan hun ka hmang a. Kha Sofia misual kha chu Angelo-an a zirtir thung, amah nen kan interek hran lohnan.

Meeting room ka lut chiah tih chuan ka phone chu a rawn ri a. Ka sihal nu tetaktein min rawn call tih ka hmuh chuan ka lung chu a phu nghal zawt zawt a. Kan member-hoin min hual vek pawh chu pawisalo chuan ka chhang nghal thuai a. Chil tiput thei hial khawpa a aw mawi chu hriat ka mamawh a ni.

"Hey, eng nge i an a?" Awka zaidam duam chuan ka ti a.

"I thinrim lo ang tih min tiam phawt rawh aw?" Tiin zam zet hian Natalia chuan phone atang chuan a rawn ti ta mai. Rebel-i aw a ni lo tih ka hriat chuan ka hlimlo sawt a.

"Natalia? Khawiah hrep nge Rebel-i a awm a?" Ka ti thawt a.

Khawngaihin lo tha rawh aw. Khawngaihin lo tha ang che.

"Mall-ah kan kal a, chuan _" Isa chuan a han ti a, mahse a aw chu ka hriat duh ber a ni lo. Ka Sihal nu tetakte kha a tha em tih ka hre duh a ni.

"Khawiah hrep nge a awm? A sam zai khat pawh a tla a nih vaih chuan ka _" ka farnu chu ka vau a.

"Dante! Ka tha e!" Rebel-i aw chuan a rawn tih lauh lauh takah chuan hlauhthawnna a khat ka taksa chu thawvenna tuifawn chuan a rawn tlengfai ta. Thawvenna rilru ka neih chu motor ke han tawlh ri leh silai mu ri ka hriat takah chuan thinrimna hian a rawn thlak leh nghal a.

"Silai ri em ni ka thil hriat phiangsen chu?" Nelawmlo lutuk hian ka ti a, rang taka thoin pindan atang chuan ka chhuak ta a.

"Ka'n kai tawi mai ang e, mall-ah kan kal a, Shadow chuan min thah emaw rukbo emaw min tum a, ka that ta zawk a, a phone laksakin a chhunga mi chhuina tracker chu ka tichhe ta a ni." A ti a. Training tam tak paltlang tawh Assassin thata a phone a laksak thu a sawi chuan ka hmel hmaiah chuan nui hmel ka pu lo thei lo. Mi mak tak a lo nih hi.

"Ka nula ni awm reng i ni." La nui reng chung chuan chhuang takin ka ti a.

"Awww." Phirte chuan an lo ti rual raih a, hla tak atang chuan an silai load ri chu ka hre thei a. An naupangchhe tawngkam vang chuan ka meng kal rawlh a.

"Tunah hian Russian misual rual car pali ngawt chuan freeway-ah min umzuiin min kap mek a ni. Thu min rawn tur i nei em?" Chiai hauh loa a tih lai chuan motor ke han tawlh chik ri tuarh chu ka hre nghal.

"Ralthuam kan nei dawn tawh lo a nia." Isa chuan a ti lar lar a.

"Rawn thin thlak tum ula warehouse pahnihna lam pan khan rawn tlan rawh u. In mamawh chuan, passenger seat hnuaiah leh center console-ah khwn silai thenkhat ka thukru a nia. Kei pawh ka rawn chhuak nghal a, warehouse kawng zahveah kan intawk dawn nia." Thupui fun zet chuan ka ti a. A Dodge Demon car a neih tirh zan khan mamawh hun a neih takin tiin a car-ah chuan ralthuam ka lo dahtha tawh a ni.

"Ka hrethiam e." A tih rual chuan a car ke han chik leh tuarh leh hla taka motor insu ri bur chu ka hre thei a. Dinhmun hlauhawmah a ding a ni tih ka ngaihtuah ngawt pawh chuan ka lungphu chu a tiphu dawt dawt thei. Khang Russian-ho khan an um a nih chu..ka sihal nu tetakte...ka nula kha.

"Chuan.. Rebel," ka han ti leh a.

"Aw?" A angel aw ri tluka nalh chuan a rawn ti a. Mi a fan hneh hle mai.

"Him hram rawh aw khawngaihin." Aw dam taka tiin phone chu ka dah ta a.

"Aw le, min lo ngaithla teh u." Tiin ka mite chu ka au khum a.

"Russian mafia Shadow-ho a khat car pali chuan min rawn pan mek a. In vai khan in thuam inbel ula min rawn zui nghal rawh u." Tih thawt pah chuan ka silai chu ka load tete a Escalade dum lam pan chuan ka chhuak ta thuai a.

Ka inkhalh chhuak ta a, ka mite chuan khah thapna car za chuangin min zui bawk a. A chuangtlai mai mai tih chu ka hre tho nain Rebel chungchang a nih tawh phawt chuan, kha sihal nu tetakte duhawm tak humhim tur chuan eng pawh ka ti ang.

Kan intawhna hmun tur kan thlen chuan ka car atangin ka chhuak nghal a. Nghakhlel taka hun eng emaw chen kan nghah hnu chuan a Dodge Demon dum rawn tlan chu ka hmu thei ta a. Silai kahna hian a chik hrup a. Tukverh leh windshield chu a keh nuaih hlawm a, chuti chung chuan a la tlan thei par par hle.

Rang takin driver side kawngkhar lam chu ka pan thuai a, chu car chik hrup chu a din rual rualin kawngkhar chu ka hawng hrawk a. Rebel darah vuanin a hoodie thisenin a phuh sen nuai ka hmuh chuan ka mit deuh sulh a.

"Keima thisen a ni lo, lungngai suh." Ka rilru hria ni awm hrim hian a dar chhin ak pahin a ti a. A dar ka vawnna chu thlahin passenger seat lam kawngkhar chu ka hawng a, Isa chu hnung lamah ka thut pheitir a. Ngaihthat lohna rilru ka neih kha tunah chuan thinrimnain a khat tawh zawk a, heng hmeichheho hian ka thusawi an zawm loh vangin.

"Takzet che hian, Don. Hmeichhe thenkhat chhan tur lekin maw keini zozai hi min hruai a?" Sofia chuan tih pahin Rebel chu a melh a, hmuhsit hmel takin a han nuihsawh hak a. Ka sihal nu tetakte a melh dan vel avang chuan ka that mai duh dawn sia ngawih ka chuh ta rih a.

"Tawlh sawn rawh, Sofia." Tiin Isa chuan car atanga rawn chhuah pahin a nam sawn dawrh a, car hnung lamah chuan a lut ta a. Min rawn melh paha Sofia hmela ngeina leh rapna rawn lang avang chuan ka nui chhuak thelh a.

A phut ngawih ngawih ngaihsakna chu engmah pe lo chuan hnung ka chhawnsan a passenger seat-ah ka luhsan ta hmak a.

"Oh, takana, ni dang ang bawkin tukin pawh khan i bulah khan nuamti takin hun ka hmang asin." Lerh hmel zeta tih pahin ka dar chu muangchang hian a rawn chul riak riak a, a kal sawn ta a. A mi tawhna chu ka lo ten khawpa, a nghawng thuai chhum lo tur chuan ka insum hram. Rebel lamah ka rilru a awm zawk a, a laka thil thleng hi a pawimawh zawk si.

"Mansion lamah. Khalh rawh." Ka ti hluk a. A mitko san akin kawtthler ruak huaiah chuan a khalh chhuak ta a.

@@@

Khawngaihin ads kha min lo click sak hram zel rawh u aw..