LAZARUS (21M) S2 - 2 BY 27 SENORIA

Episode kal lai dah luhna

Moderator: writers

27 SENORIA
Posts: 230
Joined: September 1st, 2020, 10:24 am

LAZARUS (21M) S2 - 2 BY 27 SENORIA

Unread post by 27 SENORIA » October 5th, 2022, 7:06 pm

Chapter - 2

"I hman em? Ka hman tawh ania, "tiin Latei toilet atanga rawn chhuak chu ka lo zawt vata,ala in peih chiah lo tih alang reng mai.

" Minute 1 chiah aw, chuan ka hman ani mai, "ti lehin darthlalang hma ah chuan ain thlek leh te te a, atheih tawp tak meuhin a in uluk ve tih a hai theih loh. " Leh lawk ka kawr hi kan thlak leh lawk, ka lang senior mah mah", tia a kalsawn leh tur chu ka dang vata, "tikhan atha daih zawk, a thleng hnuhnung pawl nih azahthlak, lo kal rawh" Tiin ka pawt chhuak luia.

Pa Lawmkima office kal tur nen chhuak rualin haw harlo tur leh zu lam reng reng tive lo turin min chah mawlh mawlha, Latei hian ative zeuh thin tih a hria tih ka hre mai.

Taxi la in Pa lawmkima kan pen sana,khawi lamah nge kan kal dawn ka hre hauh lo, ", Late khawi vengah nge lawm an tih reng renga, group kha ka hai let peih tawh si lova, kan kalna tur hi tu in ber nge? " Tiin a phone camera a lo la in thlek ngawn ngawn chu ka melh kura, " In neitu hming tak hi ka hre chiah biklo, kapu tlan zel rawh, " A ti awlsam eta, ka zawhna chu min chhang famkim hlawl lo.

"Ee Op zawh che ka tum ka theihnghilh ka hrechhuak chiah khawnge i bialpa kha a awm tak daih? In in then tawh nge ? '", arawn ti leh daiha, Lawmsanga ka hrechhuak thar nghal zat, a thinlung nà taka ka siam sak hnu ah bawlhhawlh ka paih ang mai maia ka kalsan tak pa ngei kha..

Ariesa vanga Inthen mai ka duhthu ka hrilh lai khan mittui tla zawih zawihin kalsan lo turin min ngen a, atihsual pakhatmah awmlo chung khan ngaihdam min dil a bang lova, 'in siam that ka tum ang, khawngaihin Op min kalsan lo hram rawh, ka hmangaih lutuk che, 'min ti lawm lawm chung pawha ka beng ka chhut ngawn tlat na te kha Ariesa vang vek hi ani, mahse kan thlen thui tak tak hmaa khatia ka tih ngei kha angai si a.

"Op, hey tinge vung vung ache, maw sawi teh in inthen fel tawh tihna ami? " Min nghawk phahin arawn ti leha, ka lu ka bu deuh tawp, khawvel lam taka thlir chuan Ariesa ai pawhin Lawmsanga kha thlan ngei tur chi ani, mahse ka thinlung hian mi pahnih tan hmun asiam sak silo, ka thinlung duhthlanna lam ka zawha, atawpah enge ka tawn dawn ka hresa lo, mahse ka inchhir tur anilo tih erawh chiang takin ka hria ani.

Kan tlan rei tawh lutuk chu ka phurna abo zo vek dawn in ka hria, Aizawl khawpui kan lo pel fel vek tawh lehnghal khawi veng lamah nge kan tlan pawh ka hrelo reng reng, kawngpui pangai atangin kawng peng lo awmah min pen puia, kan awmna hmun chu hriat tumin ka thlek deuh vu vu renga, ka hre thei chuang lo..

"Helai hi khawilai nge?" Tiin Latei chu ka melh haw a, ani lah chuan nui vur vurin, "aw kan re-union na hmun tur chu... " A tih lai mekin kan hnunglam atangin horn arawn ri deuh tuara, bike pali rawn in zui dul dul in min rawn lehpel vek a, re-union a tel ve turte an nih ngei ka ring..

"Avan hla em em Aizawl veng ala ni pha em? " Ka ti leh a, a lu abu liam vel mai mai, a phone camera chu hmang tangkai lehin a make-up chu a han thuam tha leh ang te te a, tih ngaihna ka hriat loh luatah ka en ngawih ngawih tawp. Nula damrei hi chu kan heti tlat tawh thin.

A hmun kan thleng chu mi an lo awm ve nual tawha, tumah lem chuan min ngaihsak lo, ka hma in lian tha ve pangai tak ding luah mai chu ka thlir dauh dauhva, chhawng hnih chauh niin a lian lutuk lem hran lo,mahse a sak dan erawh an uluk tih ahriat.

"hawh va lut ve ila, awi ka zam tlat anih chu", tiin Latei chuan ka bana min rawn vawn aruala,ka lo nuih vur vur thung, zamna tur chhan a awm ka hrelo em ani. "A ho e kan school kalpui hluite vek alawm an nih... Zan party lam vel kha chu awm ve lo ang aw, haw na lam a buaithlak dawn sia, " Tiin inchhungah kan lut a, pawn ai mahin inchhungah an lo tam zawk. Hmelhriatte pawh ka hmu nghal nual mai.

Hla an play ri dup dupa,ring fe a inbiak loh chuan tawng pawh kan in hre mumal theilo, pawn atang khan thawm engmah ahriat si lova amak hle mai.

Thutna awl ka hmuhna lamah chuan Latei chu kalpui vatin ka thutpuia, "awi ka duh ai an play ring e" Ka beng bul setah a auin arawn au va, "nia keipawn a ring ka ti lutuk, " Tiin ring theih tawpin ka lo chhang let nghal. Buaii te, Megie te pawhin min rawn zawm zata, mahse a in biak hleih theih meuh lo...

Pawnlam boruak a thawven zawk miau avangin kan in zui chhuak sap spa, ka mit chu ka len kual renga mahse Ariesa hmel reng hmuh tur a awm lo, ka beidawn sa nen min ti beidawng zual ngawih ngawih.

"Awi Op i hna ngai kha ami ila thawh ve ngar ngar, nangni chu thlatin hlawh neiin in awma in awh awm bik e" Megie chuan pawn kan chhuah rual chuan arawn ti a, Buaii pawh chuan rawm zawm ve nghal zatin, "a dikchiah, sawrkar zemzen theia in awm hi ka thik tlat cheu, " Arawn ti nui vur vur a, kan titi a kal tlanga hmeichhe awm khawm tih takah sawi tur kan ngah ngang mai.. "Ee lal Op i hreve tawh em Ramdina khan nupui te pawh aneive tawh asin fanu pakhat an nei tawh leh nghalin ka hria, " Megie chuan arawn ti leh zat a, Ka lu ka lo thing mai, Ramdina chanchin ka hre ngai miau lo, ka lo star thin em avang khan fiam takah hian min neia ngaiah ka nei tawh tih theih ani.


"Ihh englo thu dang daih Hmingmawia chanchin hi in hre ngai em? " Latei thu rawn sawi avang chuan ka melh zawka, hahdam turin min lo mitmei let nghal. "Awi ka van hre mailo, nia i sawi takah chuan hepa pui hi a reh rei khawp mai, re-union kan neih te hi ahria angem le... Kalo ngaihtuah miah lova" Megie chuan arawn chhang let zata, ahrelo lutuk tih ka hmuh phei chuan ka hnual rawih rawih tawh. Buaii phei chu sawi lo law law zawk teh ang, a hre lo hulhual dawn tihhi ka chiang.

"Hey nangni ho kha , " Rawn ti lang lang tu lam chu kan hawi rual thapa, kan tè chul nghal. Hnemi leh Ramdina te lo ni rengin, Hnemi pawh min rawn hmu chu alawm ve hmel takzet, kan han in kuah deuh nawk nawka, re-union diktak ani. Kan thu bial luiha, tumah reng tawng in sum kar emaw in nghak khawtawi kan awm eihlo, tawng hmasak kan in chuh hlawma, sawitur a tam ngang mai.


"Ilo telve theia, iva fel ve" Tia Ramdinan min rawn biak sur sur chuan ka nuih let tawpa, nupui anei tih ka hre tawha, a lakah ka zak tut tawh lo bawk. "Nia , inngaihawm hlawm em alawm.. Nupui fanau i nei tawh tihte ka lo hria a, ka lawmpui lutuk che, " Tiin ka kut chu ka lek chhuaka nui ver verin alo vuan ve mai. "Ka lawm lutuk e, ngah chhuah theih inih hmel si lova, beiseibo beisei ai chuan ka tia ka nei deuh tawp, " Fiamthu thutak deuh bawk si a min rawn chhanlet chuan za lo zetin ka nui let leh tawpa, thiante titi zawm tumin ka in siam rem nghal daih bawk.


"Tu maw , tu chanchin nge in sawi in sawi a" Hnemi tawng mawlh mawlh lai chuan Ramdina chuan arawn ti deuh thuta, kan melh zawk nghal. "Aw Sangtei Pasal Hmingmawia chanchin maw le... A chanchin hriat tur awm miah lova a reh hmak hi amak em a" , Latei zawk chuan arawn ti vata, min rawn nui ver ver phah bawk..


"Ee nia tiraw u... A rei khawp mai.. Hmana ka hriat dan kha chuan Jail-ah a tang te an ti.. Mahse ka chiang biklo ania... " A thu rawn sawi avang chuan phawk lutukin ka en tlawk tlawka thian dangte pawh an ni vek tho..

"Engtin maw i tih", harsa ti zetin ka sawi chhuak thei hram, Ramdina chuan min melh zeuh phaha thaw halhin, "A tak tak ani em phei chu ka hrelo,a chhanchu ka mit ngeiin ka hmu loh vang ani... Sangtei thih kum kum tawplam khan Hmingmawia kha pawngsual thubuai ah an man ni awm tak ani, an chhui na ah amah bak rinhlelh tur dang an awm siloh avangin a tang zui an tia, pawngsual tawk tu hmeichhia lah chu a boral zui ta daih bawk nen, Hmingmawia tih anih leh nih loh pawh fiahna fumfe tak a awm chuanglo, mahse amah berin engmah insawifiahna aneih miau loh avangin a tang zuita an ti a, mahse a dik ngei em tih ka chianglo ka tih kha...

"Ka causin thianpa lehchhawng kà atanga ka hriat ania, jail tang ve thin ania chupa chu , Hmingmawia nen chuan an lo in tawng fuh ni awm tak ani a sawi danah Mahse ahriat dan apawnlawi lutuk a, chutiang em chu Hmingmawia hian atih ka ringlo hrim hrim hmeichhe mi tak ni mahse chutiang em chu ati duh ka ring lova, mahse kum hnih vel liam ta khan fiah ngei ka duh avangin a tanna nia khapa sawina Jail-ah chuan ka kala,ka mit ngei chuan ka va hmu theilo mahse tang ho list ah leh a case awrhna chungchang vel ka zawh khan Hmingmawia hming alo awm ve reng tih ka hmu a,hreawm ka tih em avangin ka sawichhuak ngailo, tunah pawh hian ala tang zel nge arawn chhuak tawh tih pawh ka ngaihven zui duh tawh lo, a hreawm hi ka ti lutuk a.",a tawplam chu ka ngaithla zo ngam lo , ka tah mai loh nana insum ru fan fan in ka ding chhuak thuta, ka kalsawn nghal.


Latei min auhna leh min rawn um zuina pawh chu ka bengkhawn theilo, ka thinzawn thip vawng vawng chu dawm chungin hmalam ka pan zela,thu khà leh dengkhawng tak tak ka lo hriat tawh te ai mahin ami vuak ana zawk. "Op ding teh... " Tia Lateiin min rawn din khalh rual chuan ka mittui arawn luang chhuak ngiai ngiaia, ka ke tha te chu zawp ral zovin leiah chuan ka thu thla hnawk nghal.

Latei pawh chuan engmah asawi lo min kuah beta, tah hawm hawm ka chak takzet, mahse min hnawhtu anasat em avangin tah chu sawi loh ka mittui a luang chhuak thei tawk ani, ka thaw lak asak talha, ka taksa ah tha zam reng a awm tawh lo..

"Op.. Ani lovang chutiang ani dawn lo, Ramdina khan ahresual mai mai ani ang, " Tiin min hnem mawlh mawlha, in sum tur chuang a awm biklo, Latei atah chhuah theih laiin keive thung chu tap tur pawhin tha ka nei zo silo..

Engtia rei nge chutia kan awm pawh ka hre lo, lutkhawm tura rawn au thawmah Latei chuan min kai tho va, tha thona leh phurna reng ka nei tawhlo, min hnem mawl mawlh reng tih ka hria, haw mai te chu ka duh rum ruma mahse chutianga han hawsan ngawt chi lah ani silo..

"Ehe enteh saw Bike saw nimina rawn tai tupa che bike kha anih saw", inchhung kan lut tep tihin Latei chuan min rawn hrilh ru sur sura, ahawina lam chu ka hawi ve mai. " Ani ami, engtin nge i hriat a? "Ka lo ti leta, Buaii leh Megie te kan lam pana rawn kalphei chu pangai theih tawp chhuahin ka lo nuih suk bawk.


" A Bike number saw ka chhin chiah alawm, bakah a bike saw ka hailo hrim hrim, hetah a awm ve tihna ani maw.. Tunge ni ang le", atih niap niap chhungin Buaii te pawn min rawn zawm zata, an mitmengah nichian ka awmdan avanga mak tihna leh danglam engmah ka hmuh loh avangin ka thaw aveng ve deuh thei, achhan min zawt anih chuan chhan ngaihna ka hre dawn silo atin ni..


Inchhungah chuan programme tenau ang reng deuh awmin kan class teacher Sir Rohminga chuan thu sawina te aneia, engthu nge asawi pawh ka hre lo a khat tawkin kut beng ri leh nui dar dar ri a awm tih erawh ka hria...

"Hei tikhan awm lo teh, eng ang dinhmunah pawh lo awm se i thinlung tichak tura min tiam tawh kha hre reng rawh, tikhan awm suh Op" Latei chuan min rawn nghawk zeuhin min tih phur atum ruh hle.. Mahse maw ka tha neih chhun ho te kha an thawk bo zo ani ngei ang nui tur tak ngial pawhin chakna ka nei zo lo..


Buaii leh Megie te tan hmuh hreawm leh rinhlelh awma awm ka hreh ve bawk si avangin ka theih tawp tak meuh chhuahin ka han nui lui tak tak a,ka chau vek thei.

_______

Zanriah kan eikham chuan Latei nen haw mai tumin kan in tingtuaha, zanlam party na a telve zel erawh kan peihlo dun ngang mai. "Late kan haw hma in toileta kal law law ka duh,min lo kalpui teh, " Tiin Latei hawi vual vual chu ka kuai bu deuh lawpa, "maw ee.. Engtin maw itih? " Arawn ti bah nawk nawk anih chu..henu hian ka thusawi kha alo bengkhawn miahlo tih ka hre nghal. "Toiletah min kalpui teh ka ti.. Ka zun a chhuak tawh lutuk, " Ka sawi zawng ringawt pawh chuan min tham er er thei tawh.

"Awle lo kal rawh zawng ang, keipawh ka kal ve duh alawm.. " Tiin toilet awmna lam ni a kan rinah kan kal tlang pawp pawpa, inhnuai toilet chu kan chang lo chiang asin aw.. "Ti hian ti ang inchungah han zawng la, keiin hmun dang ka lo melh ang, toilet pakhat chauh a awm ka ring lo.. A hmu hmasa sa kan in call dawn nia, " Tiin a kalsawn ta daiha, kan kal tawhna lamah bawk ava let leh ngeia, henu hian tu emaw ahmu ani ngei ang..

Ka zun chhuak tawh bawk si chu i chung lamah ka tlan chho vat a, kil khata lo in kawm fal an awm leh nawlh nawlh thin nen nuam pawh ka tilo.. Room ka hmuh hmasak berah chuan lut tlang deuh pawpin ka thil hmuh a vang erawh chuan ka té deuh thata laklawh lutukin ka hawikual ruai nghal. "Awi tenawm lutuk hetianga mi tam bengchheng thawm karah lehnghal, " Ka ti ru mawlh mawlh .

"Tunge inih a? Hmeichhe àw in arawn tih chuan turverh lama hmeichhe ding fel than lam chu ka en vata, " Ih toilet ka zawng a, tihpalh lutuk, " tiin khum lam chu ka thlek deuh thuaka, ka thim ur ur thei, a mipa zawk chu bawkkhup zawngin amu a, ahnungah tatoo a nei kulh bawk. A hmeichhe pawh chu a puansin thawleng takah chuan saruak ngal nganin a awm tih ka hailo nasa mai si, meizial a pak khu luih luih leh nghal, chung zawng zawng chu ka melh zeuh chhung khan ka hmu hman vek.

" Room ami hi va hmang rawh.. I duh chuan min lo zawm ve thei bawk ania, " Saruak ngal ngana khuma thu nu i chuan arawn ti zata , tukerh bula dingi arawn nui hak nghal.. An hmel en in keini ai thlawt chuan an la naupang tih a hriat renga kan re-union na a tleve hauh lo tur an ni ngei ngei ang, ka zunchhuak tawh bawk si nen insum ngaihna ka hre tawhlo toilet lamah chuan atlanin ka tlan luta, ka chhuah leh hunah engmah sawi lovin ka kal tlang nal nal ang ka tiru mawlh mawlh.

...............
Ka chhuah phei chuan tumah reng hmuh tur an lo awm tawhlo, ka thaw veng sawt chu ka nui chhuak thei hial.

Hmanhmawh zeta chhuah ka tum chu kawngkhara mipa rawn lut nen kan in su thelha, kawr ala ha lo zui nichin ami pa kha ani chiang mai, "aa tihpalh" Tia chhuansan mai ka tum chu a thusawi avang chuan ka ding leh rih..

"Nang maw,, hetah te enge itih a? " Min rawn ti anih chu, ka hriat ngai mi nilo in hmelhriat biaka min biak avang chuan ka melh deuh ha a, "min hria ami tunge i niha? " Ka ti let ve mai.. A kiai suka, asam tuai nauh nauh phahin, "nimin ah nangmah avangin police ten min man tep tih kha chu ila theihnghilh bik nang" Arawn ti chuan ka kà hau a , ka let dawr thei, ..

"Awi nangmah lek hi maw, hetah enge itih zawk a? " Kà aw chu a ring lam mah mah, mahse min ti phu chiang em ani. ", mahni In ah enge ka tih vak ang, " Min tham lo zet chuan arawn ti leha, akalsawn chu en zui deuhin a hnunglam fai hunah chuan nichin ami pa kha anilo tih ka hre mai.

Pawn ka chhuak chiah chu Latei leh Mipa pakhat hi an rawn inzui duna chupa chu ahmel ka hre thawi deuh , "kan lo nghak che a, kan haw mai dawn ami hei Rintea rual hian kan haw thei dawna, " Tiin Latei chuan nui sun sunin Rintea chu a thlek deuh salha, ka hrechhuak veleh hnuhnawh.. Rintea nen pawh school lo kal tlang tawh tih takah kan in kawm thei viau nghal.

In lam panin kan tlan chhuaka Latei atawng duh ta ngiang mai, chutiang bawkin Rintea pawh mipa ze diktak pu ni hmiang a tawk ahre thei fu lehnghal.. In kawt kan thleng chu ka phone a awm lo tih ka hre chiah, awi kha in ah khan ka theihnghilh tur anilo asin..

"Muttui mangtha phawt u, keichu ka va let zuai ange", tia Rintea arawn au lang lang chuan ka phone ka theihnghilh tih ka hrilh ve nghala " Aw ka lo ngaihven dawn nia, i no lo sawi la, call loh chuan hmuh ahar awm sia, "arawn ti chuan ka lo pe ve mai a, kha In a ka kalna hmun ang ang ka hrilh hnu ah awm khawmuang lovin a tlan let leh nghal.

________

Zing ni chhuakin room arawn kaltlang chuan peihlo zetin ka thu chhuaka, Latei pawh ala tho bik lo, in phih harhin latei chu ka kai thova, nizan khan Rintea arawn let ta miah silo, ka phone pawh chu ava hmu ta em tih pawh chanchin min rawn hrilh siloh avangin Latei phone chuan call turin ka ti a, " Kha be rawh, ka mut ala chhuak lutuk, "tih leh khuma leh thlak arual zata, nui hak hakin phone chu ka bengah ka chuk tuah nghal.

Rintea lah chuan call ala thei hauhlo zui, ala tho biklo anih ngei ringin ka call nawn duhta lova, mahse ka phone erawh in rilru a ti nuam lo, a hmuh lova abo hlen vaih chuan a pawi dawn e mai.

Tukthuan kan eikham hnuah pawh Rintea hnen atanga call kan dawn theih loh avangin Latei chuan an in a kal arawt tawpa, ka vah chhuah peih loh em avangin reilo te nghah leh lawk ka rawt thung, alo pawm fel ve thlap zui a.

Ka phone chu kan han call ve thina, a ring ral thak thak zel bawk nen rilru ahah duh takzet..

"Op, mi in an ru te hi ani lo maw, call apickup duh si lo" A phone melh tlawk tlawl phah chuan Latei chuan arawn ti hui pap papa, ka phone ngal ngan kha chu lo ru mahse pawi ka tilo mahse memory card ber kha ka tan chuan lunghlu ang tluk zeta hlu ani tlat si ani. Ka Aizawl kal chhan ber leh re-union ka nghahhlelhna te egmah lova na chan zawh tak vek avangte hian ka lunghnur ngawih ngawih, nizan zankhua pawh khan Ramdina thusawi ngaihtuahin mutmu pawh ka tuah thei hlek lo anih kha, ka laka in sum thei em em kha, engvangin nge hmeichhe dang bulah a insum theihna ahlauh tlat bik ang...


Ka ngaihtuahna ang hi chu ni lul suh se, chutiang thil chu Ariesa hian a tih ka ring theilo, mahse a thil lo tawn tawh nen ka hmeh bel chhin chuan ani theilo tia ka ngaihtuah hi a nive thei tho bawk si.

"Kha.. Enge i ngaihtuah vung vunga", Latei min rawn nghawkna vanga harh chhuak phutin a phone min rawn pek chu ka ban zata, Rintea alo ni.. " Hello rinte tinge call i pickup theihloh, ka phone chu .. "Ka ti nghal zat zata, ka phone bak ka ngaihtuahna ah a awm theilo. " Op ka hmu lo, kan in sual phah hrep lehnghal , "arawn tih chuan mak ti lutukin ka àng phiau ringawt, " Timaw...tinge in insuala? "Ka tih lai mek chuan Latei pawhin mak ti lutukin min rawn en nghal.

"Ka hre biklo, eng buaina nge an neih dawn ni... I phone ka zawn thu ka sawi ringawta min khawih nghal ringawt .. A rawn ti leha, Lateiin speaker on turin min rawn hrilh avangin ka on ve nghal zat.. " Tinge chutia an lo tihve ngawt che, tu te nge ni a? Bakah midang ho khan an hmu lo cheu ami? " Ka tih rual chuan Rintea chu thawk deuh kawkin, "inchung room i sawiah khan ania,ka hrelo khapa kha tunge anih ?? An thusawi danah khan a hmel hriat inih hmel khawp mai.. An duhtawka min khawih rawn hnu ah min paih chhuak a, i phone chu nangmah ngeiin la turin an duh che, " A sawi zo chu hlauhna in min tuam nghal, Latei pawh a meng phawk kawk kawka, ka sawm hma hauhin min kalpui a hreh hmel takzet, mahse ka tan chuan kha ka phone kha ahlu em em bawk si, engtin nge ka tih dawn??.

"Awi Rinte engtin nge ka kal theih ang, ka hlau ania, a hrim hrimin ka phone chu i hmu em? " Ka ti leha, Rintea chuan, "aw hmu ang chu khapa kut atanga laksak ka tum kha a phal silo kan in sual zui ta alawm, kalpui che chu ka duh lutuk mahse ka taksa hi ana hrih lutuka, chet a awlsam zung zung silo, min hrethiam dawn nia, " Tiin àw hriatnuam leh hahdam thlak zet chuan thupha arawn chawia, dam fel vek pawh nise ka sawm nawn ngam kherin ka in ring chuang lo.

"Awi tunge le? Chutia i phone la tur mai mai an lo khawihve nawt na chhan" Latei chuan min zawt pawh nichiah lo hian a ngaihtuahna arawn sawi chhuak a ang zawk mah, ka ngaihtuah ngial pawhin tu tih nge ni thei tur ka hrelo, mahse khami room ah khan anih chuan khapa bike a min tai tu kha ani thei maiin ka ring a in ani nghe nghe lehnghal.. Ka hui papa, khapa ani hrim hrim mak takin hlauhna ka nei ta miah lo, ka sual let ngam tihna ni lovin ka zahloh chitak mipa anive tlat..


"Op , engtin nge kan tih ang i phone chu police kan hrilh mai dawn ami? " Latei hlauthawng lutuk chu za vak lovin ka nuih suka, mak min tih hmel khawp mai. "Ai angailo ka va lam mai ang, ihria em bike a min tai tupa kha ain neitu kha alawm nizanah khan kan in hmu a, khapa bak kha ani dawn lo, ka hlau vak lem lo ", kati awlsam eta, ka rilru chu a zang hawk mai hian ka hria.. " Awi khapa lek kha maw.. Naa mahse.. Ee lawk aw Naua hi va in kalpui tir rawh", a ti a,ka hnial lem lo. A nau Mapuia chu a au zui lauh lauha, in siamin kan tlan chhuak zui ve nghal.


______

"U Op tunkar chu cham ve la, "bike a tlan kan nih vang nge a tawng chu ka hre chang chang, kan tlan chak ve bawk nen a thaw vuk vuk mai. " A chakawm viau nan, mahse hna nei ka nive sia, "tiin ring pangai tak chuan ka chhang leta, bike tihkual chu hneh tak hi ani ringawt. Ariesa te pawh min ti hrechhuak thar leh thei hial.

" Aw karkhat lek te chu a rei lo e, ila cham ve hram hram ang chu, "arawn ti let leh lang langa, ka ngaihtuahna rawn luah tupa vang chuan chan pawh ka chhang let tawh lem lo, Racer hial kha ani ve thin asin... Mahse tunah erawh... Chiang leh chianglo inkarah min awm tir a, hrechiang tur pawhin ka ngam lo.. Alo ni tak tak anih phei chuan ... Ai nilo chutiang ka ngaihtuah ngam lo..

Traffic zam karah kan tawlh det deta, heitak hi Aizawl khawpui ka hne na em em thin chu. Car pakhat in kawngpui rawn pawh tuma arawn tlan chho chu ka lo en renga, Driver seat athu saw ka hmelhriat a ang lutuk..

Nilo..kha kha Ariesa ani chiang lutuk.. "Mapui, mapui um rawh, tlanvat teh saw car saw zui vat rawh, Saw a var saw "tiin Mapuia chu ka sawi nawk nawka, " Maw maw .. Enga tinge.. Engmaw car maw .. Khawi lai mi maw.. ", arawn ti let ve nawk nawk zui, traffic police in ding tura min tihna pawh ka tlan tlang tir tawp a, ka hlauh theilo Ariesa ngei aniin ka hre tlat ani..

" Hmanhmawh deuh teh Mapui, " Kan hlauh palh ka hlauh em avang chuan ka tur seka accident hlauhna pawh ka ngaihtuah thleng pha tawh lo..

"Min vuan nghet rawh a speed ava sang reuh ve le.. I hmelhriat te ami? " Tiin a tlan chhak zual sauhva traffic a jam tawhlo bawk nen kan um car pawh chu a liam puat puat mai hian ka hria. Rilru- ah thil tamtak arawn lut zat zata, jail atang arawn chhuak nge alo tang lo hrim hrim zawk tih te..

Nge keihian ka hmusual zawk nge..??Nilo chu erawh ni lul suh se a hmel kha Ariesa hmel nen a in ang mah mah.. Ka rilru in ka tawngtai mawlh mawlha amah ngei ni hram turin ka dil mawlh mawlh mai ani.

Kan um zel a, Aizawl khawpui kan tlanpel zel tih ka hriat chuan ka hawi harh vata, helai hmun hi nimin maia kan re-union neihna kha ani, mak tihna hlirin min tuam mup mup a, a tawpah car chu nimina kan re-union neihna in hma ah ngei chuan ading anih chu..!!!

Enge thil awmzia hi.. "Tu te nge ni a?, Aizawl khaw pawn daih anihhi" Mapuia min rawn biakna chu ka hre vek mahse chhang let turin ka rilru abuai lutuk, ka chawmawlh vek tawh.

Car atang chuan mipa sa pian mawi tak, hmana ataksa ka hmuh thin ngei mai chu tawnzau var leh kekawr bul dum ha in arawn chhuaka, a ngaite bawkin a sam chuan style mumal ala nei chuang lo, ka dang kir hman lo ka mit atang mittui arawn luang chhuak ngiai ngiai a, ka hmu ta che Zohmingmawi' tiru mawlh mawlha bike atanga ka chhuk chiah chu ka ke pen tur ti tawp dawt thei thil ka hmu zat nghal.


Ariesa chuan car chu kal hualin passenger seat atang chuan hmeichhe pakhat raipuar teuh tawh chu dim tak hian arawn kai chhuaka, muang changa pen puiin raipuari dul puar lah chu a dawm pui leh thin.. Engtin nge ka awm tak ka sawi thiam lo , ka thin chu thil sakhat lian tak in ahnawh ang maiin ana in athip vawng vawnga thaw lak asak em em bawk.

"U op i tha em,? " Mapuian ka dara min rawn vawn rual chuan ka mittui chu ka khap per saka, 'anà, ka thinlung hi ana ngawih ngawih.. "U op nga tinge, tunge khapa kha... " Tiin Mapuia chuan min kuai hera, ka chhang let dawn thin mahse ka lungchhiat luatah ka thaw thei tawk si..

"Tinge aw.. Lo kal rawh i phone awmna lamah chuan kal tawh mai ang.. " Tia min kalsawn pui atum chuan thei leh thei lovin, "hetah.. " Ka ti tham tiaka, a hre lo nge min kai ta tho , "Mapui helaiah hian alawm.. " Pawh din phah chuan ka ti let a, ka hnungchhawn In awmna lam melh deuh ha in "hetah hian maw.. " Arawn ti nawn leh a, ka lu ka lo bu lap nghal.

"Anih chuan hetah lo awm rawh ka va lam sak ang che, " Tia a kalsawn chu ka um vata, luh ve ngei ka duh tlat ani, na leh tur chuang ka awm tawh lo bawk a.. Bakah tuna ka thil hmuh kha ka ringsual thei tho bawk asin, 'tiin mahni in hrilh ru leh beiseina ti sang ve leh chawpchilhin Mapuia chu ka zui a, Mapuia pawn engmah min zawh chhunzawm lem lo. Kawngkhar akik ri te chuan min ti tim thei hial, "lo lut ru, " Tia hmeichhe pakhatin kawng arawn hawn chuan adul chu ka en hmasa bera apuar miah lo , henu hi chu anilo tih achiang mai.

"Aa hei ka thian nu phone hi nimin khan hetah atheihnghilha kan rawn lam dawna", tia Mapuia atawng lai mek chuan kil khat atangin khapa bike a min tai tupa ngei kha tawnzau var leh kekawr bul dum chiah chiah ha in arawn lang thuta, ka meng deuh ha nghal, keihi Ariesa emaw ka tih kha hepa lek hi lo niin ka lo hmusual mai mai em ni dawn??

", Remi ka thiante an nih kha , rinai iva rawn lang har ve, " Ka dinna lam rawn panin min rawn nuih suka, Remi atih hmeichhia pawh chu kalsawn ve zatin chupa in min rawn hnaih zel danna turin Mapuia a rawn tawlh hnai zeuh nghal.

Ka rilru te te chuan azak lo ka tiru takzet a, Ariesa anga ka lo hmu ve te kha ka in awilo hial zawk. "A phone chu khawnge in dah, kan hmanhmawh ania" Mapuia chuan thip hrak hian chupa chu azawt leha, chupa lah chuan tham lo zeta nuih sukin.. "Nangmah niin zawng mai rawh u, " A kut phar duaia atih rual chuan Mapuia thin thawk thut chuan a tawnzau awma tham sakin a nem let dawra, ka lo dang vat thung.

"Hmela, " Rawn ti vin tuarin chupa chuan Mapuia chu arawn hneka, ka te tuar nghal. Mipa insual hmaichhan a ka vawi khat hmuhna anih avangin tih ngaihna pawh ka hrelo..

"A tawk, " Rawn ti vin that ri-ah chuan ka hawi vata, Ariesa nen chuan kan in hmachhawn ta ran mai.. . .



Eheu.. 🐱🐱🐱



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)