Mr.Uncle Chapter-2

Episode kal lai dah luhna

Moderator: writers

Nung Nungi
Posts: 37
Joined: February 9th, 2021, 10:51 pm

Mr.Uncle Chapter-2

Unread post by Nung Nungi » October 5th, 2022, 7:10 pm

Mr. Uncle 🎍


Chapter -2 🎍


Kapa nena chaw kan ei lai chuan "pa karkhat kher nghah a ngai a mi, naktuk ah hrilh mai la" ka ti leh ta ngei ngei a, kapa hi a hmanhmawh lo riau in ka hria kei chuan sawipui vat vat se min lo hnar a nih pawn engtin emaw tak hmalak dan a awm a nga, sawi fel vat vat ka duh a ni.


"Bawihte i hmanhmawh mah mah a nih kha, i hnena ka sawi tih sakloh che ka nei ngailo tih i hriat kha" antui hang hawp kurh a a tih chuan ka chaw ei lai pawh ngaihsak tawk lemlo a, a mah melh in "ka hria a maw, mahse an inko ve leh thei i tih kha" ka ti ve leh khauh takah chuan min loh melh ve in "nia, chuvang a nia karkhat nghak ang ka tih ni, karhat a liam a an la in koh loh chuan ka be dawn lawm, nilo a kan lo tih thawt thawt chuan, an tan leh kan tan a mawilo a" a tih leh chuan ner nang hian "buaithlak eeee.... An inthen tawh ber te chuan neih theih ve nghal mai tur hi nia" ka ti chu nui deuh huk hian "i hmanhmawh lutuk a nih kha, lungngai mah ta che" tiin a kham zui a.



Thleng te seng fel zung zung in kan pahnih bawk chuan tv hma ah kan thu dun a, a mal chu kham in ka mu rem sauh sauh a "pa, a chang hi chuan ka ti deuh mah mah em ka ti thin, i tan hian phurrit hi ka lo ni ve viau thin em" ka ti phawng a "mai mai a, chutiang in thil an ngaituah ngailo, nu leh pa te tan chuan an fate hi phurrit nilo in malsawmna kan dawn te in nia, chuvang chuan phurrit in ni ngai reng reng lo aw" nu sang a a tih chuan ka nui ver ver a, ka kuah sat sat a.
A chang hi chuan ka ti ve deuh mah mah em aw ka ti ve thin, ka dil engkim min tih sak thin a, a lak ah pawh ka pangchang reng bawk a ka dil min tihsak dawnlo a ka hriat chuan ka titauh loh leh ka nuar chiam thin a hei vang hi a ni pakhat ve a ka dil engpawh min tihsak ngei ngei thin chhan chu.


Min sawi det det tu an awm avang chuan peihlo deuh hian ka meng a "Bawihte i harh chiang maw" kapa in a tih chuan ka bu zeuh ringawt ka mut ala chhuak lutuk ka chhang peihlo "nih chuan tirawh i mu ang, a tlai tawh a nia dar 10 ri tep tawh" ti in min tung tho zui nghal a "pa zanin chu i bul ah ka lo mu ve mai, ka chho peihlo" tia phun sap in an room lam pan in ka phei nghal zat a. Ka room hi inchung lam ah a awm a kapa room chu inhnuai ah, ka room a ka mut peihlo chuan a bul ah ka riak ve mai zel a ka room a ka mut ai hian kapa bula ka mut hi a tam zawk, thlasik leh fur ah phei chuan a bulah hlir ka mu thin pangti lum a ngah bik sia min kuah hle hle zel a, mutthil hi a nuam thei bik lutuk.






A dan ngaite in zing fahran ah min kaitho a, zing tawngtai kal tur in min ti leh nghal zat hei zet hi chu peihlo engang mah ila ka hnial hneh ngailo a, zingtin kan damthat chuan kan kal ve ziah zel. mite ang in ka piangthar uchuak lemlova mah se Pathian hnaih pawimawhna leh Pathian thu min hrilh awl loh avang hian keipawh ka phak tawk ah chuan tawngtai leh kohhran ah ka in hmang ve a, ka nun ka uluk em em bawk Pathian leh kapa duhloh zawng in ka awm ang tih hi ka hlau ber thin mahse tlem hian ka zaktheilo mai chauh a ni.











College thleng kapa in min thlah leh thlap a, kan nitin tih dan ve a nia tlai lam ah a hman hram chuan min lo lam leh ziah bawk a, in atanga kan chhuah hma in ka lu chungah kut nghat in kan pahnih tan a tawngtai thlap phawt a kan chhuak chauh zel.



"Tlai lam chu ka lo lam hmanlo mai thei che a, bus in i lo haw mai dawn nia aw" a tih chuan bu deuh nghut in "mm.. Diki in tlaiah min bazar pui rawh a tia, ka kalpui a nga ka lo haw nghal ang" ka tih ve chuan "awle, nihman nuam leh ka fanu duat te" tiin motor lock chu a hawng ri khep a nui ver ver a chhuak in ka bye bye lauh lauh a.




"Apa princess " lo ti lang lang tu chu melh vak in "tikhan min au ve ziah suh" ti deuh hlak hlak in a, a awmna lam pan chuan ka phei vat a, "kan pathlawi tharlam chu enge chanchin" ti sep chuan a nui sawng a "chanchin pawh a neilo" ka ti deuh hap chu ngaithatloh hmel zet a min en in "i pa chuan a phal talo a mi, a phalloh pawn keiman ka tih pui mai ang che" min khawngaih hmel deuh hian a ti leh a ka nui deuh hak.
Diki hi ka kawm ve ber a nia, thian ka ngah in ka kawm ve deh duah ngailo a, ani nen hian class 3 kan nih atang in kan inkawm tan a, tun thleng hian kanla in thlah leh lo kan inzui deuh chawt mai a ni.



"Ka ti mai mai a nih kha, kapa chuan karkhat vel liam se kan be chhin dawn nia a tia" ka tih tak ah chuan rawn thaw deuh huai in "a tha hmalak hmat hi tlai ai chuan a tha" tia nui deuh sang in "chu pasal min neih san tep a ni maw" nui hak hak a tih chuan melh vak in "i chhe lutuk" tih leh kalsan kan rual a, la nui reng chung in "Apa princess min lo nghak" tiin min lo la au lung lung zui.




" Apa princess, ih maw kan college ah hian star tur tha deuh ka hria sin" kan classroom kan lut kan thu fel chiah chu a lo ti nghal su su a.

"Tu maw" ka tih chuan nui ver ver in "Pathlawi chu a nivelo a maw, but he is perfect for me" a ti chu melh rawm chung hian " college ah Pathlawi zirlai awm ve thu va awm suh, sawi tha mai mai teh" ka ti hlak hlak chu nui hak hak in "chu tak reng pathlawi a nive lo ka tih reng, amah chu maw kan class ah hian a awm ve, a lo lut tep ang ka hmuh ve dawn che nia" a tih chuan ka bu ve nghut a.



Rei vaklo ah min lo kheuh ta zeuh zeuh a ka va melh chuan kan thutna zawn chu a melh deuh zuk zuk a zawite in " amah saw nia kawr dum ha saw, a hming chu maw Mafela chuan mihausa fapa duat sual tgeihloh an ti, a chhelo em" khi vur vur hian a ti a.


Nui deuh hak in "chhelo khawp mai but,ka pasal hual a tluklo" ka ti chu min chum deuh awk in "i zak em, i pa pawn a la biak tawp loh kha, zak rawh lo duhlo che se ka ti ngawt mai" a ti leh nghal zat zat chu ka nuih vur vur ringawt henu hi chu ka hnial hneh ngai lo reng reng.






Kan ti nek nek a ban a lo hun ve leh der, class banah bazar ah kan pahnih in kan inzui rak rak a, lei tur em em a nei pawn ka hrelo engmah pawh a en lemlo kan kal kual ve mai mai a ni.

"Ka ning, ka hah haw tawh ang" ner nang a ka tih chuan "ngailo, kan mi hmuh tur kan la hmulo" ti leh kan piah second hand dawr ah min luhpui nghal thurh a.

Henu ve hi chu fanu mal nive si hi, tunlai nula tam tak ang hi a nive lemlo a, dawr changkang deuh deuh a luh ai chuan secon hand dawr tih vela mi hi a lei tam in a ha tam zawk a, keipawh hian ka chhun zo ve vek tawh thawmhnaw manto tak kan inbel dun ngai meuhlo, pheikhawk pawh second hand vek ti ila ka sawi sual awmlo ve, kan inchei na a man to deuh hi chu kan chhungte min lei hi a ni tlangpui 'manto deuh deuh lei ai chuan second hand hi thing teuh ila, fai vekvawk in su ila, a nalh zawk daih a tlo bawk' a ti ve tlat zel.


"Enge kan tih dawn" ka tih chuan hawi kual thuak thuak chung hian "vawin ah bale thar an hawng dawn a" ti leh dawr nghak tu Nu Zami hnen ah "Nu Zam in va han hawng har tawh em em" a tih zawm nghal zat a.

Nu Zami chuan nui hak hak hian "kan hawng tep, ka fanu te kan nghak lawk a lawm mawle, lo thu ru lo thu ru" a ti nghal zung zung a.


"Chuan tumaw kan hmuh dawn"

"Tu vak nge nise i tih, hei Nu Zami hi" nui sawng a ti chu, ka ngei lutuk mi pawimawh deuh a maw kan hmuh dawn tih a.


" Sawi ve mai tur che lawm" lungawi vawklo a ka ti chu " sawilo mai teh, a thing peih peih kha i ni leh dawn chiang sa" a ti lang lang a.



Nu Zami fanu te lo thlen hnu lawk in second hand bale chu an hawng a, a tha hlom khawp mai mahse, kawrfual a nia keichuan ka ngaihnat ve vak lemloh avang in thin pawh ka thing tha ve peihlo Diki thin ho chu ka lo enpui ve mai mai chauh a.


Kan haw dawn meuh chuan khua a thim ruih tawh mai, kapa phone ka tum zuau a a la haw bik ka rinloh avang in mah se ka thiannu hian 'ngailo tihian haw tlang ve reng reng ang' a ti deuh tlat a phone talo chuan kan pahnih in kan inzui haw hnak hnak a.




Diki te hi kan in chhak lawk ah an awm a, ani pawh apa office ruala a kal thin avang hian kan kal tlang khat hle a mahse haw lam hi chu tihtur dang a neih loh chuan kapa rual in kan haw dun ziah a.



Ti ti mawlh mawlh a kan kal lai chuan a ding deuh chawt a " Apa princess enteh saw saw i pasal hual a ni em" a tih chuan a kawhna lam chu ka hawi vat a ka Mr.Uncle a ngei chu a ni mahse amah chauh in a nilo hmeichhe pakhat nen hian dawhkan pakhat kil hian an lo thu dun a.


"Tunge a thutpui saw" inhum ruh tung a ka tih chhuan "engtin nge ka hriat bik anga, i bulah ka awm hi" min melh lemlo chuan a ti ve bai bai a "lawks...enchiang teh A nupui hlui kha a nilo mi" a tih takah chuan kan en ve ngial a mahse ka hmu chhiang ve theilo, ka mit chhe lutuk hi chu a.


"I hre thei em" ka tih deuh hrawk chuan min lo melh deuh khui hian "hria, a nupui hlui, kal ang ipa chuan a biak loh ta hmel" ti a nui hak in min kai nghal dawr dawr a.



An in ko leh dawn a mi le tinge an chhuah dun ang, an in huat loh hmel bawksi an inkoh leh si chuan ka pasal hual ka tih ve chu mi pasal a ni leh mai dawn si.Ka lo nghah ve tang tang na te kha a thlawn vek dawn tihna mi ni lul suh se.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)