EVERLAND Chapter 5

Episode kal lai dah luhna

Moderator: writers

Euricka
Posts: 183
Joined: July 23rd, 2022, 12:23 am

EVERLAND Chapter 5

Unread post by Euricka » October 5th, 2022, 8:00 pm

Everland🍁


Chapter 5:






Angeli Pov:





Thinrim takin ka hnungah a rawn kal ve a.Inchhunga Rinawma hmel a hmuh rual chuan pan nghal in,a kai haw ta ringawt."Sakei pûk chhûngah i lût anihkha"tiin thingpui sem chung chuan ka khi var var a.





Ka nutei leh ka nu hrawn te pahnih pawh,kil khatah ṭhu in,in leng te bia in,ka nau boral an tawrh zia an lo sawi phuan leh buah tawh mai.





Ngaihsak duh lovin,fatu ho rawngbawlnaah chuan kal in,lei belh ngai a awm leh awm loh te chu ka zawt ve bawk a.Kei tak hi chu ka haw khat avang hian min hretu an awm mang lova.Mahse ka nau erawh,hnatlanna ah leh mitthi lu men naah te a kal nasaa.Mi biang biak a thiamin,veng chhungah pawh amah hrelo mang an awm lo hial ang.






In nei tu ten nu leh pa chan changin,ka rem hriat lohna zawng zawng min hliah khuh sak a.Khawhar in riak te thleng chuan hawihhawm takin min en kawl sak vek a.Ni thum chhung chu khawhar leh mal taka ka awm loh nan chaw te min ei puiin,zânah pawh an fa ten min riah pui bawk a.A hminga ka chhûng neih ve chhun te ai chuan an in pe zovin,ka thlamuanpui zawk mah.





"U Angel, postmortem kha kan ti lo ringawta.F.I.R tal te chu theh lût ve ila"in kan tih fel lai chuan Tlansanga'n a rawn ti hlawl mai.





In nei tu nu Nu Chhani pawh chuan lo tuihnih ve in,"Angel,a rang lama theh luh kha a ṭha,i duh chuan ka kalpui dâwn che ania"hmun phiat chung chuan alo ti ve bawk a.






Khawhar in riah pui hun a zo tawh a.In leng a khât tak deuh avangin in pawh an nufain min tih fel pui leh a.Ka nu hrawn leh ka nutei te hmel hmuh tur a awm tawh lova thaw a veng huai thei.







"Ni e,naktukah buaipui ka tum dawn ania,vawiin chu in tih fel kan ngai sia.Han ti fel fai phawt ila,tha tharin,naktukah buaipui ngai zawng zawng ka buaipui mai ang"ka lo ti ve bawk a.Nu Chhani chuan a hmun phiah lai chawl meuha min en in,"Tûnah khan han kal zâwk rawh.Tlana a awm bawka,kan lo ti fel thei alawm.A sàr hu lai hian bawh zui vat a ṭha zawk"tiin kal tur chuan min tur ta daih a.






Bawh zui vat ngaia ka hriat ve avang chuan hnial duh lovin ka thil tih lai kalsanin ka in bual fai ta a.Bathroom aṭanga ka chhuah chuan Nu Chhani'n chhuat alo nâwt mek a.Tlansanga'n t.v stand alo nâwt fai mek bawk a."Nu Chhan,lo ti duh su,haw hunah pawh ka ti thei alawm.Min pui nasa tawh si,in chau dâwn lutuk"ka room lam pan chuan ka ti a.Anni lah chuan min ngaihsak lêk lovin an thil tih lai ngawt chu an buaipui a.






Ka insiam zawh meuh chuan,anni pawh ṭhutthlengah lo chawl hahdam in,fridge a thei tui ka dah chu ka thlit sak nghal a."Kal pui i duh lo tak tak em ni?"Nu Chhani'n lo tiin ka theitui pek chu a in mek bawk a.







"Keimahin ka han buaipui zâwk ang.Chanchin ka rawn hrilh leh zawk dâwn che u ania"ka tih tak tlat avang chuan min hnial duh lovin,chanchin an lo ngaih chân reng tur thu a sawi ve ta a.







An in zawhah kan pathum chuan chhuak ho in,"In hnuai luah tu tur te pawh vawiinah an lo an lo in suan lût dawnin ka hria.Engzatnge cheng dâwn pawh ka lo zawt ta lem lova"stepa chhoh pah chuan Nu Chhani'n a ti chho bawrh bawrh a.Politea nau te an nih mai ring in,engamah hma chuan ka lo huphurh lawk ve em em ringawt."Angel,zanriah kan bâwl kep leh dawn che ania.Rawn tlang nghal mai rawh aw"an kawt pêng kan thlen chuan a ti leh a.Lo nui var var in,ka ei tur thu chuan ka chhang ve bawk a.Ka nau boral aṭangin ka khawhar hlauin min thlahthlam duh miah lova,in nei tu te mahnise,ka chhungkua angin ka ngai hmak tawh.







Kan veng aṭanga hnai ber Vaivakawn Police stationah chuan ka kal ve tawp a.Mi sual man an nei nge ni an lo buai mup mup khawp lehnghal.






Kawngka bulah chuan ka ding reng a.Tuna ka thiltih tur hi ka ti duh kher angem ka hrethiam lo.F.I.R theh lût ta pawh ni ila,engmah chhui chhuah nei lo ta se,beiseina ka siam thlawn mai mai law'ng maw.Keimah ngei hian chhui zawk ila,phuba pawh keimah ngeiin lâk ka duh,ti a ka in ngaihtuah laiin,ka hnung lam aṭang hian mipa naupang kum 5/6 bawr vel,hmelṭha deuh hi a rawn tlân lut a.







"Dom"tiin office chhunga Police lo ṭhu chu a pan nghal a.Hmeichhe pakhat,hmelṭha leh sang zet hian "Martin"tiin naupang te awmna lam chu a pan ve nghal hlawk hlawk bawk a.





Engtinnge ka tih ang,keimahin ka zawng chhuak ang nge,ka report dawn?Ka pa pawh kha,hêng Police ho hian an man thei a.Ka nu thih dân pawh min chhuichhuah sak vek tâk kha mawle.Ka nau case pawh hi min chin fel sak thei em em ang ti rilru chungin office chhûngah chuan ke ka pen lût ve ta rawih mai.






A buai lo bera ka rin, dawhkân bawha lo muthlu mek hmaah chuan ka ding a."Ka pu"kan ti hmasa te te a.A chau viau nge ni,a hre thei miah lo mai.Dawhkân chu ka chum ri ta bura,a phu chiang teh asin,a thlawk chhuak lo chauh.





"Eng,engnge nita?"a ti bah nak mai.Ka kut hum ruh chungin,"ka pu,ka nau thihna chungchangah FIR theh luh ka duha"ka ti nghal thawr mai.Mut chhuah hmel tak hian a ham leh bui bui a."Awle,tah hian lo ziak chhuak mai ta che"tiin dawhkân chunga paper chu min pe a.Ka vawikhatna ani bawka,ka khawr riau lehnghala.






Ka thiam ang ang chuan ka ziak chhuak ve hmiah a.Ka pêk leh hnu chuan,a pen khal chung hian a chhiar nuap nuap a.Chutah chik zeta min en lehin,"Nula,hetiang lo deuh hian I ziak thei angem.In chhungkaw chungchâng ziak tel lovin,i nau thihnaa rinhlelh i neih thu emaw,a thih chhan zawng chhuak tura min duh na lam ziak zawk ta che aw"muang ban charha a tih chuan ka zak ru ve hle.Mahse, Angela ka nih hi,a hun leh a hmun hriat tur ti rilru chungin paper dang min pêk ah chuan in ring tâwk takin ka ziak leh ta a.







A dik ve ta aniang,paper a en leh vung vung hnuah,"kan lo bawh zui vat dâwn ania.Thildang daih, signature Iva nei nalh ve"tiin a ṭhen sen sûng mai."Rina toothbrush"kan piah lawka,mipa naupang pawm mek tu Police pakhat chuan alo ti thum dut a.Chu veleh ka hmaa Police chu tho nghalin,"kan lo be leh dawn che ania"tiin rang mangkheng chuan a tlân chhuak nghal a.







A chezia aṭang rêng khan ka nau case a ching fel thei dâwn lo tih ka hre chiang.Dawhkâna ka thil ziah a dah chu la in,kan piah lawka Police hmaah chuan ka dah veleh hmiah."Ka pu,min pui hrâm ru"tiin khawngaih ka dil leh a.







A khabe a tuai nauh nauh a,lehkha chu uluk taka chhiarin,"Awle,i phone number i ziak tel bawka,kan lo be dâwn che ania.Lo mangang lo la,kan chingfel vat mai ang"in ring tâwk taka atih chuan,ka lo khi ve sak a.







"Min lo hrethiam lawk,Angeli i ni mial em?"a bula hmeichhe hmelṭha tak lo ding chuan rilru buai hmel tak hian alo ti a."Aw ni e"ka tih rual chuan a hmui a hup nghal a."Awi Lalpa,Angeli ini tak tak maw?Min hre tawh lo em ni?"lâwm hmel tak chuan ati a.A mittui a parawl pam bawk.







Ka'n en chiang ngiala,ka hriat tawh hnu a ang ka ti,mahse ka chiang ngam chiah lo."Ka hre ṭep che"hrelo tih tawp ai chuan a dawng sawng tu tan a nawm zawk ringin ka ti ve tawp a.








"Nu ka nih hnu hian ka danglam tawh viau animaw.I u Sangtei,in kawmthlanga awm ṭhin kha"a sawi lai te chuan a lungawi lo lek lekin ka hria.






Chutia a sawi takah chuan ka nu boral hnu a ka tlân luh fo ṭhinna kha ka hrechhuak uar uar a.Hun hi alo kal chak hle mai,hei hi a fa anih hmel si a,chuan he Police hi ka hmu tawh ṭhin,an inah a leng fo tak e.Min ngaihsak em em ṭhin tute ka lo hre lawk lo chu ka inthiamlo thar riau lehnghala.







"U Sangte,ka hai che alawm.Nu ini tawh tih pawh a hriat miah lo.Hei hi i fapa em ni?"naupangte chu a hmaiah ka piai sak zeuh a.






"Aw Martin anih hi,min chhun tiraw?"nui sanga a tih rual chuan,"a pa a chhun zawk alawm"Police chuan alo ti khauh mai.U Sangtei alo ner nghal nang nang a.A pasal chu a hmel en aiin a uang ve zêk dawn anih hi.






"Engmaw,ilo kal chhan?"U Sangtei'n thutak deuha a tih leh takah chuan,ka nau thih dân chungchangte chu ka hrilh nghal a.Ka nu boralna chungchânga min puih na te pawh ka hre chhuak kuar kuar mai.Ka thlenna tûr diktakah ka thlen niin ka hria,ka thla a muang ve deuh e.






"Ava zialo ve âw,pasal ka neih hnu khân,kan in lam ka rawn tlawh ngai lo lutuka.In chanchin pawh ka lo hre reng reng hleinem".A hmel aṭang chuan pawi min tih pui ve tak tak tih ka hria,hetiang chiah hian a hmaa ka buaina ka thlen ṭhin pawh khan min lo ngaihsak nghal ṭhin anih kha.






"Kan nau ilo ni reng anih chu, lungngai suh.I u te kan awma,a rang lamin kan bawh zui nghal dawn ania.Lehkhaah hian a ruang in hmuh dan chiang takin i ziak tel bawka.Han rinhlelh deuh te i nei em?"Police in a tih chuan,ka nau chin chang ka hrelo lutuk chu ka in zahpui ngawih ngawih.






Rinhlelh tur tak ngial pawh ka hriat loh thu chuan ka chhang ve a."Mmm,bawh zui dan a awm mai ang.Police kan nih hi, engkim kan chhui chhuak vek dawn ania"a tih chuan ka thaw huai thei.






"Dom,in lo ṭha maw?"mipa pakhat hmel sar veng vawng tak hian rawn tiin,a rawn khi sung lehnghala.A mitmeng a paw râm a,a tawk chiahin khabe hmul a zuah bawka,a lang pa em em bawk.






"Kan detective chu,Iva vâng ve"Police pawh chuan lo tiin,an in chibai nghal a.Ka dinna bula chair ah chuan rawn ṭhu thla in,a bawp a khawkherh nghal at mai.






"Zara,in fanu chu engnge a an?tunlai chu chawlh ka la rih a.Damdawiin hmel ka hmu khat khawp mai"U Sangtei pawh chuan alo ti ve a.Ka kal tawh dawn nge dâwn lo tiin ka rilru a in sual buai nasa mai.






"A ṭha tawh e,naktukah kan chhuak ve thei tawh ang"ka bula ṭhu chuan a phone phawrh chhuak chungin a ti a.A phone ah chuan call a rawn lut nghal zata.A hming lah chu phêngphehlep lemin a save sak lehnghala.A nupui emaw,a hmelhriat hnaivai tak anih ka ring ta ngawt a."Phone ka'n chhang lawk ange"tiin pawn lamah a chhuak nghal a.







Keipawh thudang sawi tur a awm tawh rih lova ka hriat avangin,U Sangtei te chu mangṭha in ka chhuak ve nghal bawk a.








Station piaha taxi lo ding chu bia in ka chuang nghal zat a.Kan tlan chhuah rual chuan side glass aṭangin detective ti a an koh pa phone hmang chu ka hmu thei a.Kan tlân liam dâwn thleng chuan ka thlîr zui renga,a biak urh sun hmel em avâng chuan a nupui anih ka ring ta ngawt.







In ka thlen hnu chuan in thlak hmasa in,inchungah chuan chaw ei turin ka chho leh ta a.Pa Thana pawh a office alo bang tawh a.Min hmuh rual chuan chanchin min lo zawt nghal a.







Sitting roomah ṭhu pheiin,an chhûngkua chuan ka thusawi chu an lo ngaithla ṭhap a.An fanu Madiki,min riah pui ṭhin tu chuan"U Puia chu ka lainat ê,case file vat theih turin Police chuan hma la vat se ka ti"alo ti ve nghal a.Ni e,F.I.R ka theh lût tawha, investigation ti vat se,ka nau thihnaa in hnamhnawih ho zawng zawng hi man sela,damchhunga tang turin hma la se ka duh ber.







"An chhui chhuah ngei theih nân,kan zavai hian ṭawngṭaina nei ila a ṭha tak ang.Angel, lungngai miah suh aw,phuba chu Pathian lak tur ani a.A kuta engkim kan nghah ngam angai dâwn ania"Pa Thana chuan lo ti ve in,Bible a chhiar zawh hnuah kan zavaia ṭawngṭai chu a rawt ta a.Ka nu boral aṭangin vawikhatmah Pathian hi ka be leh tawh lova.Tunah pawh hian biak ka tum hek lo,ka neih zawng zawng min lak sak tu hian min hmangaih ka ring ve tlat lo ani.Ka dîlna pawh a chhâng dâwn lo tih ka hria.A chhan chu he Pathian an sawi ve ziah hi a awm miau lo ani.








An ṭawngṭai zawh hnu chuan chaw ei kan siam nghal a.Madiki chuan alo riah leh tur thu sawiin,mut dawna hmai kan chiahna tur a lei thu a sawi pah siam siam a.Ka khawhar hnem tu ve ber ani a,a peih chhûng chu min riah pui mahse pawi ka tilo.







Chaw kan eikham hnuah Madiki bulah chuan ka lo zui chhuk tur thu sawiin ka chhuak zui nghal a.Inchung nula senior pawh a hna aṭang a rawn bang ve chiah aniang,a rawn in khai bawr nasa mai.







Kan in neitu Nu Chhani te hi inchung bera awm duh lovin midang an luah tira.Anni nen hi chuan kan in pawh ve vak lo.Ka nau boral lai pawhin a vuinaah an pa ber ka hmu ve zuaia,chubak chu ka hmu leh ta miah lo kha ania.







"Angel,in hnuai luah turte chu an rawn in suan lût tawh maw?"nui var var hian a rawn ti a.A hmelṭhat tehlul nen,engtinnge pasal ala neih loh theih zawk le!!!!!






Ka hriat loh thu a kalo chhan chuan,chek hlakin,"ka feel thei,mipa rim a nam lehnghal"nui var var chuan tiin a chho zui daih a.Engtin tak feel ang maw ti rilru chungin step-ah chuan ka chhuk ve ta a.







Inchhung ka lut fel chiah tih ah,ka kawngka rawn kik tu an awm nghal a."Lo lût rawh"ngaihsak vak lem lo chuan tiin,sofaah chuan ka ṭhu thla nghal a.







Kawngka in hawng thâwm ka hriat rual chuan ka hawi chhuak nghal a.Politea nau,ṭawng mak deuh pa kha alo lang hlawl mai.






Min hmuh rual chuan a lai leh ringawt tawh a."Lalngo"tiin a kut chuan min rawn hui zauh a."Engnge?"ka tih pawh chuan a sawi thiam tawh lo nge,a kut chuan zaizirin chhuak tur chuan min la rawn hui fan a.Chek hlakin ka pan phei ve a,inhnuaiah chuan ka zui thla ve ta ringawta.







Light alo thim vek a,"bulb a awm lo em ni?"tiin ka phone light ka on nghal a.Tlangval pakhat hmai zâwnah ka chhun fuh palh lehnghala."Nangmah hi maw lalngo-i,light kan on a,a eng thei miah lova"chu tlangval chuan phone light chu a kuta lo in hliahin ati nghal a.Ani pawh a aw phawiah chuan Mizo diktak anilo tih a hriat nghal.






"Bulb kha a chat ani maithei,a thar in nei lo em ni?"tiin phone light chuan inchhung ka chhun kual pah bawka."Nei lo,lei angai dâwn anih chu.Ava sad ve"chu tlangval bawk chuan lo ti lehin,pawn lama thawm rawn awmna lam chu ka chhun leh nghal zat a.Ka phone light chuan Politea hmel ka chhun fuh leh sak mai.A kuta in hliah ve lovin,rum tak hian min rawn melh nghal a.

















Sawmsanga pov:



Light eng taka min lo chhun tu chu tudang nilovin Lalngo-i bawk kha ani.Henu nen hian engngatinge kan intawn fo lem le.Engnge hetah hian a tih ve reng reng.






"Jack,bulb thar lei angai"Joe chuan alo ti nghal vat a.Chu nu lah chuan a phone light a off duh reng reng lo lehnghal.





"Lalngo,min chhun thluk i tum em ni?"ka ti chang fak a.Chu veleh rang lutukin hmun dang a chhun nghal a.In thiam loh hmêl pawh a pu lo.Engahnge a in thiam loh ve ngawt ang,mihring pangngai ni miau hek lo.






An ngawih ṭhap takah chuan,"han lei vat ta che u"ka ti vin ṭhawta.Luhan phu nasa lutuk chu alo au ṭhawt mai.Chek leh hlukin,"Joe,a êng ber chi han lei rawh"tiin thu ka pe nghala.A kal ve nghal mai bawka.Lalngo-i che sawn duh miah lo chu be leh in,"ennawm kan chhuah em ni?"ka tih leh hluk takah chuan,rum taka min melhin a chhuak tau nghawng nghawng mai.Naupang chhia nghal loh chuan.







Inchungah mitthi an awm avângin duh aiin kan luah tlai hreta.Kan ruahmanna anga kan kal theih loh avangin kan buai phah ṭhelh anih kha.Tunah chuan ka pa ro awmnaah ngei kan awm tawha.China ka kal leh hma ngeiin kan ching fel tur ani.







"Sawmsang,you see me??"Luhan chuan rawn tiin,thawm a awm nghal rak rak a.Engthil nge maw atih leh tawh ni.Hepa laktlak loh lutuk vang hian he in ṭawp takah hian ka awm angaih phaha.Amahin ka inah a awm ngam bawk silo.Joe nen chauh ka dah chuan engtikahmah hma a sawn dawn lo tih ka chiang.Papa Wang thu zâwmin Tahanah chuan ka thawn tak tak mai dâwn emawni.






Ka piah lawkah chuan bèl a tla ri leh rawk rawk a."Luhan,engthil nge itih?"ka ti vin leh ṭhawt mai.Min chhang lovin a ngawi tlat lehnghala.Eng thil pawi nge a khawih leh tak.






Thim zingah chuan engthilnge a tih,chian tumin ka pen phei pawk pawk a.Thil engemaw sak deuh ka la pal zui a,ka ke na lutuk ka kûn tlawk tlawk lai chuan Joe a rawn thleng ve chiaha.






"Jack,in awm em?"a hlau deuh nge ni,a aw a ṭi dui mai."Bulb kha vuah vat rawh"lo ti hlurin ka ke na chu ka dawm vawng vawng a.






Light a rawn ên hnuah chuan,ka thil chhir ka en chu cast iron 20kg ka ke bul lawkah chuan alo in hung reng mai.Kan Luhan mi mawla mai mai chu,engvanga heta dah ringawt nge maw anih le.







"Khawnge Luhan"Joe pawh chuan a rawn ti a.Nichina thil ri rawk ka hriatna lam chu ka melh nghala.Kan mi mawla chuan cooker chhûngah engtinnge a lu alo hnawh theih.






Joe chuan nui ruh ruh chungin phelh sak a tuma.Cooker chhung aṭang chuan a rawn aiah tuar tuar lehnghala.Ke na chung chuan phelh sak tumin ka pan ve a.Joe chuan a theihtâwpin cooker chu a pawt leh a.A pawh chhuah theih mai loh avangin Luhana darah chuan ka lo nem a,Joe chuan cooker bawk chu a pawt leh vak ṭhin.Awmzia a awm thei bawk silo,kan pahnih chuan nuih in sum ruh ṭeuh chungin kan bei nawn leh a.








Luhana na ti lutuk chu a ban a rawn vai vak vak a.A ke a leng chiama,cooker chhûngah chuan a rak teng tung bawk.Tih dân tur kan hre tawh lo lutuk chu cooker tlângah chuan tel kan hnawih chhuak tawpa.Tun ṭum chu keiin cooker chu ka pawt a,Joe chuan a darah a nem sak ve thung a.Patling tha meuha kan beih hnuah chuan kan pawt chhuak thei hram e.







"I just die"mittui tla phung chungin a rawn ti chhuak hluaia,thawk ala nghal kawk kawk bawk.






Cooker chu chhuatah paihin,"Tahanah ka thawn dâwn che"ka ti vin ṭhawt mai.Rang tak hian min rawn melh nghal a."Sâwmsang,you die,I die"tiin China aṭanga min zui dawna a thusawi ang bawk chuan ati leh a.






A hmela hlauhthawnna awm chu ka hmuh hmaih lo.He nau hian engvanga ka bula awm duh tlat nge maw anih le.A chunga ka chêt dan te hi hrehawm ati ve ṭhin lo em ni.







Chhang lova ka en reng lai chuan,"Sâwmsang,i die tomorrow"a rawn ti leh.A English te lah hi a bei awlsam thei si."Naktuk thleng lo ta se"tiin roomah ka luh san ta daih a.






Room chhûng lah chu,ka thlen hmaa lo ti fel vek turin thu ka pe si a.Hnawmhnawk chhêk khawm ang maiin thâwkna tur pawh a awm lo.






Thinrim takin room kawngka ka pet hawng a.Luhana bawk chuan hlauthawng takin min lo melh nghal vat.Sawtiang dawihzep mitmeng saw alawm ka huat em em ṭhin.






"Jack,zanin chu i inah hahdam phawt rawh.Luhana nen kan lo ti fel hmasa phawt anga,naktukah i rawn lut dawn ania"Joe chuan inthlahrung takin alo ti ve bawka.






Ka nun a rawng tih ka pha lo.Mahse,ka ngainat em em ten,min hlauin,ka bula inthlahrung taka an awm hian ka hlim ngai lo.Papa Wang chuan "i laina hnai apiang te hnaih ngaih suh,i chak lohna an la ni vat ang"tiin min hrilh ṭhin.Mahse,ka naute pahnih hi,ka hlat thei lo.Ka chakna an ni a,ka nun ti hlim tute an ni bawk.Hetia ka chunga inthlahrung taka an awm hian ka mal zia min hriat chhuah tir ṭhin.






"Ka haw lovang,chhungkua kan ni a,kan thawk ho vek ang"ka thinrimna dah bo in,ka nau te pahnih chu ka nuih var var a.






"Warning"Luhana'n alo ti leh khauh mai.Joe nen chuan ka en nghal hû a,"Sawmsanga you smile, warning"English bahlah tak chuan sawi fiah tumin a bei ve nasa.







"Warning anilo"tiin sofa rem lo taka an hun chu ka hung rem nghala.Joe chuan min rawn pui ve nghalin,kan pahnih chuan bungraw lian tham ho chu kan hung rem ta vek a.Luhana pawhin ka awmdan mak tih hmel taka min en chungin kan bul hnaiah hmun a rawn hawl ve sek bawk a.







Duhthusama faia kan chin fel hnu chuan dar pawh a tlai tawh viau.Kan buaina awm leh ta chu bathroom pakhat chauh a awm hi ani.lut hmasa ber tura min duh laiin,an inthlahrun leh ka hlau chuan kan pathuma inbual rual ka rawt ta hmiaha.Mak pawh min ti rêng bawk,hetiang hian vawikhatmah ka la awm ngai lo.Min hnial ngam bawk silo chu kan pathum chuan kan inbual rual ta ṭhuau a.Bathroom a zim si,Tlangval ṭhan kin zet tawh pathum lai mai,kan han lut rual chu kan chêpin,fai taka inbual a har khawp mai.







Inbual hma aṭang tawhin pawn lamah thawm ka hre fo a.Ka nau te pahnih hian an hre ve lo nge,an bengkhawn awm pawh ka hrelo.Inbual zawh hnuah pawh,zawi tê a pen thawm ka la hre fan a.Ka naute rooma an luh hlanin,towel veng chungin thawm nei lovin kawngkapui chu rang takin ka hawng a.Kawngka bula hmeichhe pakhat a sam in a hmel a khuh vek,kawrfual var haa lo ding reng ka hmuh rual chuan,kan pahnihin kan in au ring siak ta vak mai.







Joe leh Luhan rawn kal nghal vatin,ka hmuh ang an rawn hmu ve ani ngei ang,kei aia ringin an rawn au ve bawk a.Chu hmeichhia lah chu ramhuai a hmu ta emaw tih mai turin keini aia ringin ala au zuia.Luhan chuan hmunphiah rawn la lawkin,kawngka bula ding hmeichhia chu ṭe chel chulin a vaw ta pawp pawp mai.







"Mawla,Iva mawl ve"Luhana hmunphiah lo man beh sakin chu nu chuan a rawn ti vin ṭhawta."Ramhuai thinchhia maw"ka bana rawn kuah chungin Joe chuan alo ti ve bawk.







🍁



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)