AMAZING LOVE CHAPTER -2 BY REBEC COLNEY

Episode kal lai dah luhna

Moderator: writers

Rebec Felix
Posts: 55
Joined: December 16th, 2021, 5:11 pm

AMAZING LOVE CHAPTER -2 BY REBEC COLNEY

Unread post by Rebec Felix » October 5th, 2022, 8:25 pm

AMAZING LOVE








CHAPTER. -2











An dawr a ka awm chhung zawng Ramdina chanchin ngawt min sawi pui ,a chang in a fel zia a sawi hlut a ,a chang leh "a hmel hi chu a keu puak lo ve chiang a lawm,mahse a zun a uăi a na zek ang a han dan vel hi a tawk tiu teu sia ,a ruk hian a lo zei hrawt hrawt viau maithei bawk a ni " tih vel mai mai sawi in a nui ar ar reng a .










A thil sawi duh dan vel chu nuih pui loh chu har tak a ni, ka chezia ațang hian ka duh ve tih chu a ring thiam tih ka hre mai a.Mahse hman ațang ka lo vei ruk em em țhin a ni tih chu a hre lo thung.Tu man an hriat pawh ka ring hek lo ka thu ruk kawl duhawm zet mi hnen a ka sawi chhuah ngai loh kha ni miau a.








"An in i kal pelh dawn khan tlan ti tih in kal kher lo la " nghal deuh a min chhaih zuk zuk ang ngei in Ramdina te in kawt zawn ah chuan rang zet zet in ka kal a.








Kohhran inkhawm pangngai awm loh zan a nih avang in kțp ho in hla kan zir a , kan la sak ngai zen zen loh hla anih avang in a har zek ,a hla thu leh thluk te erawh a nalh phian thung.









Thingpui inchawlh kan nei a ,biak in sir thlang làm a tlak dal atan a lũng an rem ah chuan keini kum rual khat ho chu kan thu khawm laih laih hlawm a







"A har e ,kan hla zir kha ka hrawk te hi thip vek tawh ,kan sa sang bawk si " Rinfeli chu a hrawk zawn dawm vang vang pah chuan a ti niah niah a.A thusawi chu midang ho pawh chuan an lo pawmpui hlawm khawp mai.








Ka kiang a rawn ding an awm rual in nui ri in a zawm nghal ,,bualin kawt ah light an chhit fer fur vang in an hmel chu kan en hlawm a an lo țhen țhaw hlawm mai.Ka ngei reuh hlawm tak tak a ni.







"E,, Thlamuana chu kan hmuh ve teh nawlh che a ,I piangthar mi " an tih sap sap hlawm chuan ,min rawn melh zawk in "a pawttu lam a na riau a " ti a a chhan chuan ,ka lo ner nang nang ringawt .






"Hman zan khan eng nge in tlan nul nul a " a rawn tih bul bul chuan za vak lo in ka ta țhen chiam , hman zan Rinfeli nen a vengchhak lam a kan han kal in kan haw leh lam kha ,Thlamuana te țhian ho hi vengchhak ho tuikhur thim lai deuh a an lo awm a , min lo hmufuh nen thlah phét min tum a kan duh bik si loh kha kan tlanchhiat san ta ringawt kha nia.








Ka chhan hma chuan Ramdina leh a thianpa Chhana te chu rawn lang hlawl in thuthleng an rawn zawn a ,kan thutna hma lam ah hung in an țhu a.An țhut fel rual in Hlutei chu țhu thla ve nghal zat in Ramdina chu ngheng deuh ti tih in a be pah mawlh mawlh a ,Lalnunpuiin nui suk suk chung a min rawn mitmei leh zeuh zeuh țhin chu en rei duh lo in Thlamuana zawhna chu ka chhang daih a.







"Ti khan ni mai ru aw ,in inhmeh reuh tawp " Hlutein a rawn tih chuan midang ho pawn nia an lo ti deuh sap sap hlawm a .









"Kan la ni daih lo ang tih pawh sawi theih loh " ka chhan hma hma in Thlamuan an min rawn chhang khalh , rum deuh hlek a ka melh na chu hre lo der. hmak in a nui ang put put a.Thlamuanan ka melh na lak ată mit ka la sawn chiah chu Ramdina mit meng hriat thiam harzet a min lo melh kur chu ka en let ve ta ran .







Phone in inbe ngun viau e ti lo hian midang nen a kan awm khawm ho chang te leh ,a țhian te an awm ve chang hian min be ngai lo tih theih tluk a ni a, ka ngaihtuahna a kal sual chang phei chuan min zah pui deuh emaw tih chang ka nei leh zeuh thin ,min biak pawn phone a a țawngkam hman nen chuan dang lam tak a ni ringawt.Hmel hriat satliah biak in min be ve mai zel .








Ka ngaihtuahna rawn vir zawk avang chuan Ramdina chu nuih lui suk in ka hawi sawn ta daih ,tawi te chuan min nuih ve chuan ka hria.Eng tin nge maw khang ngaihtuahna atthlak kha ka put theih ni .







Hmelhriat satliah !!ni e hmel hriat satliah kan ni a lawm maw le ,khaw khat nih ve man ah in biak ve zeuh te chu a awm ve leh zeuh ang chu . Eng tiang a min en vak tur in nge ka lo beisei chiam le ,phone kaltlanga min rawn biak tam vang mai a inzawmna pangngai kan nei emaw kan tih ringawt chu le.Atthlak lutuk .Mipa te chuan an duh vak loh pawh an be peih reng tho a lawm maw le...









Ka cousin mipa pawn phone ațang ringawt pawn bialnu pathum a nei a lawm ,chu ta chhap ah kan khaw țhen awm mi nen ualau tak in an la inngaizawng ta cheu bawk a nia.








"Lut khawm țan leh tawh dawn ila ,kan chawlh rei lutuk zawng in zirna hun kan ngah lo palh hlauh a nge " kan leader a rawn au kual lung lung tak ah chuan biakin bul mai a awm hall ah chuan kan lut khawm leh ta sap sap a.








Dar sawm bawr vel ah kan hla zir chu kan bang ta chauh a , biakin tual chhung kan pel fel chiah tih a ka phone bag te a ka ah chu a lo ri a ,







"Min lo nghak rawh , pastor quarter kawt ah khan " ka lak rual rual chuan Ramdina chuan a rawn ti nghal vut a .






Chhan mai dan tur ka hriat loh avang in ka ngawi ta tawp .Phone hmang a ka ding chu ka țhiante ho chuan kal vat tur in min lo tur sen hlawm bawk a.








"Emma ,I hria em min lo nghak rawh ka lo chhuk ve țep" a rawn tih leh tak ah chuan rilru nuam zan lo chuan ka lo aw ve mai a.







Haw rual pui tur a min nghak ka țhian te ho chu en in "lo va kal ru ,mi nghah lawk tur ka nei a " ka tih chuan Felli chuan awiloh hmel pu deuh hian min han thlek ang vung vung a ,midang ho erawh chu an kal zawm leh mai bawk.








Rinfeli tih loh hi chu a chang zeuh zeuh a ka kawm ,țhian bul fuk tak ang kha an ni lo a ,chuvang chuan eng mah min zawt zui lem lo .







He nu ve thung erawh hi chu a ,kal ve nghal ta mai mai lo chuan "tu nge i nghah dawn " ti a min zawh chuan "umm,ih ,,aaa nakin ah ka hrilh ang che" ka ti ta ringawt , ka nghah tur pa hming ka hrilh chuan a eng a mah hma in min dem fiam leh ringawt a nga ,ngaihdan awm ang lo lutuk a pu leh a nga ,midang in an hriat leh chuan a zahthlak dawn lutuk tlat.









Rinfeli a kal liam hnu vel ah chuan Ramdina pawh chu a lo chhuk a,amah chauh in a ni bawk .Ka bul a a lo din rual in "kal ila " ti sup in a kal nghal nul nul chu en ka hmui ka pet sawi zeuh .Eng vang a lo nghak ngawt nge maw ka nih le .








"Khawi ah nge kal I tum a ,zan zan ah " ka tih chuan min rawn en zawk in hma lam bawk chu a en zawm leh nghal a.






"Ka hre bik lo " min chhan na avang chuan a hmel chu ka han thlek deuh ha a ,zan a nih avang in chiang deuh in a ka hmu thei lo thung .Rawn hawi ve chuang lo chuan tak ngur in hma lam en in a kal zawm zel a.







Zanin a awmdan hi a mak ka ti ,lungawi lo ang mai in a țawng hmuk hmuk a, hmel hlim hmuh tur a pu lo bawk.Eng emaw tak thil chuan a ti lungawi lo chiang a lawm .Chuan khawi a kal tum tak ni ang maw .








Inbe leh tawh lo chuan kan in thlen hma thleng chu kan inzui tluan parh a ,a kekawr ipte chhung ah a kut zen lut rut chung inn kan in leh țhen awm te in inkar thim lai deuh ah chuan a ding deuh run a .A din tak daih ah chuan kei pawh a hma zawn ah chuan kuangkuah deuh at in ka ding zum ve zut ringawt a .







Rawn țawng chhuak in "haw tawh rawh le ,muttui aw " ti sup in ,a lu chu a chet zeuh a .






Thil zawh tur tâm tak nei mah ila tun ang a a mood ang ah hi chuan zawh chi ni in ka hre leh chiah lo .







"Nang pawh mang țha muttui aw " ti in kan in lam chu ka pan chho hnak hnak a ,min koh ding a eng emaw tal a sawi kha ka ring ru deuh a nia ,a ngai ang bawk in a lak ah ka phut sang leh tawh tih ka inhre chawp chilh leh nghal.








A ni nen a kan inkar thil ka hriat fiah tawlh tawlh tak chu ,ani lak a beiseina sang tak ka neih hnu ah ani hnen ațang in beiseina thlawn pek ka ni ziah,a ni hnen atang a thil phut ve deuh ka neih ruk apiang in beiseina thlawn mai ni lo in beidawn na in min luah khat leh țhin.








Mahse maw ,chu beidawnna chu ka la inhneh tir lo tun thleng in ,a hma pawn ,tun ah ngei pawh beiseina lo la eng ve det det chu ka la chhawm nung reng a, ka hmahun ah ka la beidawn san mai a ngem tih erawh ka hre lo thung.








In chhung ka luh chuan an lo mu tawh hlawm hi a nia ,eng pawh an ti thim țhap tawh mai ,nitin deuh thaw ram ram lam a hnathawk a chhuak an nih avang hian zan lam hi chu an mengrei ngai lo tluk a ni .







Zing ka harh rual in ka nau te pahnih tv remote in chuh a in hnial leh hlak hlak thawm ka hre nghal a ,hei hi chu an zing tin dan a ni a ngai ah kan nei tlang tawh nimai in ka hria.







Zing thaw hma tih vel hi ka talent dawn loh te zing a mi a ni tlat ,mut hi hmel en ang ai hian ka duh ve zek a ,chutiang a nih rual chuan tlai chhe lutuk ang ah ka tho ngai lo thung.







Buh hmun thlawh hun lai a nih avang in feh hma an duh a ,tukthuan pawh kan ei hma leh viau mai .






Hnathawh thawmhnaw an inbel mawlh mawlh lai chuan "vawiin chu ka lo feh ve dawn em ni " ti a ka zawh chuan "nidang ah ,inlam ah eirel tur an awm loh chuan buaithlak ,feh haw hnu ah chet leh kha a hahthlak ,duh leh i naute chawlh hun ah kan vai in kan feh dawn nia " ka nu zawk in a rawn tih chuan ka sawi zui tawh biklo a .







Mipa chu an feh a an lo haw a eng ti zawm lo in an țhu hahdam mai a ,hmeichhia erawh in nghak tu țha an neih loh phei chuan chawlh hahdam na hman hi a awm lo reng reng tih theih a ni a, mawng pawh hung țha hman lo lek in an che zawm mawlh mawlh mai țhin.






Nunnem zawk ang a lang si hi kan tuar a chhel ru viau thung a ,harsatna kan tawh chang pawn kan tuar chhuak leh nge nge țhin ,mipa thenkhat te ang mai in kan hatsatna hmachhawn chhawk zangkhai nan ti in ruihhlo ah kan tuan ngai lo bawk .Kan thil paltlang zawng zawng te chu min ti chak tu ah kan hmang let leh thak țhin.








Nileng in phone khawih miah lo in ka awm a ,ka nu te feh liam hnu lawk ah tuikhurah in su in ,ka insuk zawh ah tukverh darthlalang ka nawt fai leh vek a ,inchhung ti fel in ka hmanhlel a nih deuh ber chu phone khawih zawk pawh ka nei lo reng reng .








Ka tih tur ang ang ka tifel zawh hnu ah phone chu ka khawih ve ta chauh a , Ramdina message hi a lo awm vang a ,kan en nak chuan ka hna tlang dawn nge dawn lo min lo zawhna hi a nia, zing chaw eikham hun lai vel a min lo thawn daih tawh a nih avang in ka chhhanglet ta lo a .Tun ah tlai rawng bawl a hun hnai leh der tawh dawn sia.







Status ho chu ka en kual leh thuak thuak a ,Hlutei status chu ka en ve thuak thuak tho na chung in ,ka thil hmuh avang chuan ka en chiang țha leh ngat a .








Mi tan chuan a ho viau mai thei mahse ka tan erawh ka ngaihtuahna ti kal thui tu a ni leh daih thung. Ramdina leh hlutei țhuthleng a an inpawm lai thla hi ani a ,an bul ah pawh midang ho chu an awm ve tho hlawm a ,tuman thu tak khuk in an khuk pui hlawm vak hmel loh.







A thu hman dan ah pawh han ngaihbel leh tur a awm chuang lo *kțp hnatlang na lam , ka duh lo chung min pawm a tum phet a "ti in nui vak vak lai milem a dah tel bawk.








Ka ennawn ka en nawn hnu ah phei chuan tiang tak a nasa hian kan taksa pawh a la indek chhhin miah lo tih ka hre chhuak a ,a hma a ka ngaihdan atthlak zet min lo duh ru ve reng pawh a ni lo maw " ka lo tih ruk țhin na pawh kha ,thil thleng ngai lo tur mai mai ka ngaihtuah kual ziah tih ka hre chhuak.







Ka bansan a hun tawh viau chuan ka hria ,a nin țhian ang mai a min en lai in kei in ka thei thung si lo ,tlem a ngaihbel theih deuh tur a min biak deuh hlek chuan kei in ka lo thu tak khuk pui chiam zel a ,ka ngaihtuahna thleng in leh ka ni hman thleng in a nawm phah țhin .






Ngaihtuah zawm zel ka duh loh avang in ei ka rel chhunzawm ta daih a ,buai na na chuan rilru hahna tur thil ngaihtuah zawm na hun kan nei vak lo a ,tih tur ,thawh tur hlir a ni mai .







Mahse ,a zia phian zawk mahni in ngaihtuah lungpuam chawp zel chuan mahni insit bik ngawih ngawih na a lo lang leh țhin.








Ni a tla fel vel chiah ,khua pawh thim lam lek lek ah ka nute feh an lo haw a ,nidang ai a an lo haw tlai avang chuan "vawiin chu hna a laklawh a mi ,in va rawn thleng tlai ve " an phur a chawhmeh la chhuak mawlh mawlh pah chuan ka ti a .







Thingpui an in tur a ka siam chu in in "i nu hi a kal hlei thei vak lo a ,ka khel a na zawk zawk mai a ti leh țhin sia ,muangchang in ka rawn kal pui bek bek a lawm " ka pa chuan ti in ,thingpui chu a in leh khalh a .Ka nu ka va en chu chhuat ah bang ngheng in hah hmel zet hian a lo thaw kawk kawk a ,ka lainat tak tak a ni .








Tiang ngawt chuan hna pawh an thawk țha thei lo thuai a nga ,tun ah an thawk hram hram na chung pawh in kan ei khawp an thawk chhuak țawk țawk chauh a nia ,nakin hun lam ngaihtuah phei chuan bei a dawng ,kan mipa neihchhhun lah khawlai a in fiam rual lek a la ni bawk si .






Nakum lam chu peih emaw peih lo emaw phai lam ah hna thawh na ka zawn ngei chu a ngai tawh ngei ang ,class 12 thleng ka pass țawk țawk chauh a ni si a , ka thil training chhuah chauh chu hna hmu tur a ka innghahna awmchhun a ni ta mai.
















###### Ads min click sak hram ru aw ,,hmelțha ho 💜💜💜
















































































"



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)