KA PASAL LALHMINGMAWIA

Episode kal lai dah luhna

Moderator: writers

Lalnunngheti
Posts: 132
Joined: September 4th, 2022, 7:14 pm

KA PASAL LALHMINGMAWIA

Unread post by Lalnunngheti » October 5th, 2022, 9:59 pm

Chapter-26


Taxi chu phar in kan in lam pan chuan kan tlan chhuak nghal a, ka ngaihtuah na zawng zawng hi an bo vek nimai hian ka hria, heti em em a in bumna rapthlak hi engtin nge ka chungah athlen theih bik ni, ka pum chu dawm in ka thaw hak 'Bawihte ilo pian ve hma hauh in ipa chuan min hlat ta si, mahse lungngai suh aw i nu hian tha takin ka enkawl ang che' tiin keimah chuan ka phun sep sep a, Driver chuan front mirror atang chuan minlo thlek leh zeuh thin ani tihpawh chu ka hmuh hmaih hauhlo,













Mak pawh minti viau ta ve ang, mahse chu erawh chu ka ngaihtuah buai peihlo, ka hringnun a thil thleng te ka ngaihtuah hian ka thin zawn hi a tawt ut ut mai, 'ka pa leh athianpa thuthlunna avang in pasal ka nei a, ani nen chuan in haw tak chungin hmangaihna khurah kan tlu dun a, mahse khang a hmangaihna kha dawt vek alo ni leh si, keiin rose par pangpar a zawnga mawi ber ka pek laiin ani ve thung chuan pangpar hling ngah tak mai min pe a,










a hling chuan ka taksa leh ka thinlung hi min tai thler sak vek a' ka ngaihtuahna te chuan ka kaw chhung a ti sa but but thawk aharsa tak zet, Taxi chu a ding dat takah chuan ka hawi chhuak vat a, ka in ding tak kawttah chuan kan lo ding vung tawh chu niin, chuan man te pe fel in ka chhuk nghal a, kawngkhar zawnah chuan ngawi rengin minute 5 vel ka ding a, ka nu leh ka pa te'n eng zawhna nge min zawh ang tih ngawt chu ngaihtuah in ka lut mai lova.











Engpawh chu ni se thudik chu engtik ah emaw anla hrechhuak dawn tho a, chuvang chuan tun a hrilh hi tha zawk in ka hria, door bell chu ka hmet ri tleng tleng a, reilo ah ka nu ngei mai chuan kawngkhar chu hmel hlim sarh hian arawn hawng a, "Mamte, engti zia nge"? ka bag ken chu melh zawk pahin a rawn ti a, chutia thil awmzia min zawh tak ah chuan ka rilru ah UHminga min bum dan bawk chu alo lang leh uarh tawh,














"Nu" chu thu chauh chu ka sawi thei ka nu chu kuah thlawpin ka theih ang tawk chuan ka tap ta vak a, "Engti zia nge maw ni le, thil awm zia han sawifiah teh" tihpah chuan ka hnungah min beng thek thek a, kei erawh chu ka tap uar sauh thung a, "Lo lut phawt teh " tihpah chuan min kai lut a, "thu rawh le" dam dap a atih chuan keipawh chu ka thu thla ve nghal a, kala in hnit faih faih chu ka nu chuan ka hungah min chul hliau hliau a.










Reife chutia ka awm hnu chuan ka zia ve ta deuh, "Tikhan lo thu i eitur kalo lak ang che, i ril te a tam ang, i pa pawh ka han phone nghal a nge" ka nu in alo tih chuan chhang pawh ka chhang theilo, choka lamah chuan a ni pawh chu a phei nghal a, reilo ah eitur nen arawnin chawiphei leh nghal, "Heihi ei la i ei zawh ah in chungah i hahdam dawnnia, i pa pawh alo thleng har lo vang" alo tih sep sep chuan ka bu nghat nghat a,









Ka raino vang hi ani ngei ang ka ril hi atam reng mai, ka nu eitur min pek pawh chu ka ei zo vek a, ka eizawh rual chuan inchungah chuan min hruai chho leh in khumah chuan min mut tir a, "tikhan hahdam takin lo mu rawh, i inpeih hunah i pa nen engkim min hrilh vek ang che, in pa pawh kalo phone ang" atih dap dap chuan ka lu kalo thing vat, "koh angailo, alo call pawn hetah ka awm thu hi sawi suh" ti hmukin ka sir lam hawi chuan kain let thawk a.










Ka nu pawh chuan engmah a sawi tawh biklo, ka rilru tawt lutuk avang chuan mut that paw'n ka mu hlei theilo ka in let sek mai, ka phone sana en tum a phone ka hmet eng chu U Hminga missed call 20 chuang alo tlar thla dual mai, eng tin nge minlo la call ngam zawk ni, phone chu dah in ka mit chu ka chhing nghal hmak, " ka kut lo vuantu an awm a vang chuan ka meng chhuak diar diar a, ka nu hmel ngui zet leh ka pa in ngaihtuah muk hmel taka ding chu ka hmu nghal zat,









ka nu chuan ka kut chu a hum vang vang a, ka harh tih ahriat chuan "Mamte ilo harh tawh maw, tui iduh em" alo ti nghal zung zung a, kei kalo bu nghat tui chu min pe in ka in nghal khawlh khawlh a, "i pang a sa vur mai bawk sia minti hlauthawng lutuk a lawm, i lu te a na em" alo tih leh chuan ka bu leh nghat nghat, ka nu in damdawi min pek chuan ei nghal mai ka tum a, nau ka pai tih ka hriat chuan ka dahthla leh vat, U Hminga lehkhabu ah vawikhat chu ka chhiar fuh tawh,









Rai lai reng reng chuan mahni thu in eng damdawi mah eiloh tur, Doctor chawh chauh tihloh chu, tih kha ani a ka hlauthawng hman viau mai, chutih rual erawh chuan ka ei hmanlo chu ka lawm hle bawk, "Tinge a? I lu na a zia deuh dawn a lawm eirawh" ka nu in alo tih leh chuan ka lu ka thing vat, ka nu pawh chuan min tilui tawh biklo, "Engti zia nge i thawm hnaw nen i rawn kal tak mai le mamte? Thu awm zia diktak chu han sawi teh le" kan ngawih deuh vang vang hnu chuan Ka pa chuan alo ti dap dap a.











Keipawh chuan thil awm dan vel zawng zawng chu ka hrilh vek a, ka nu leh ka pa chuan ngun tak hian ka thusawi chu an lo ngaithla ve bawk a, ka sawi zawh chuan ka tap leh nghal hawk, "Mamte, avan zialo thin ve aw.....lungngai reng reng suh aw, i pa nen hian tih dan kanlo ngaihtuah ang" kanu in atih chuan ka mittui chu ka hru nghal thuak thuak a,










"Tihdan ngaihtuah vak ngaihna pawh a awmlo, tihian kan in then a nimai tawk tawh rawh se ka tuar hnem tawh lutuk ka thei tawhlo" in hnit faih faih chuan ka ti chhuak tiau a, "chutiang ngawt tur a ni ngai lo mamte, in then chu awlsam tak in an sawi ngailo, Hminga pawh chu kan lo zawt ve hrim hrim a nge" ka pa in alo tih chuan ka thaw hawk, "Eng nge zawh tur awm tawh chuang, engkim ka hrilh vek tawh che u kha, ka naute hian a mahin pa bik anei theilo anih dawn ai chuan kei mahin ka enkawl thei,











midang nena pa in tawm tur in ka phallo" katih nghek chuan min chhang tawh lo in ka bulah chuan an thu ngawi kar a, "i pa Rohlu-a ka han bia a nge, i bungrua vel pawh a rang thei ang ber in kan la dawn nia" kapa in atih tak ah chuan ka bu leh nghat, "Thian-a chutiang thawt thawt chuan atih chi dawn a mi? hetianga in then tir ringawt mai chu, Hminga pawh chu be ve phawt i la, a ka atang ngeia thu awm zia vel hriat pawh a tha a lawm"?










Kanu in atih leh talh chuan ka thaw hak "zawh pawh angai tawhlo, a nei tu tur ber in aduh tawh miau silo a lawm, ka thiamloh vek a ni, ka hrechiang viau a maw kain ti a mahse hetiang hi athleng leh ta si" kapa in atih hmak chuan Ka nu pawh chuan achhang tawh biklo, room atang chuan an pahnih chuan anin zui chhuak nghal a, keimah chauh a ka awm tak ah chuan kain ngaihtuah leh ngut ngut tawh.












"Nu ka kal dawn" katih chuan ka nu chu choka atang alo chhuak vut, "kallo mah la a pawilo a sin le" atih chuan ka nuih seih a "Nu iti mak thei e, final exam anihhi apawi mawh lutuk, kei leh ka naute tan hian hna tha tak thawh ka ngai alawm, chuvang chuan tuntum exam pawhhi a pawimawh lutuk" katih chuan ka nu chuan min melh vung vung "anih leh va in dim ang che" a ti sup a keipawh chu ka bu nghat.










"Kalo thlah ang che"? ka hnunglam atang U Zuala'n alo tih chuan kanin zui chhuak nghal a, a car ah chuan thu lut in kan tlan chhuak nghal a, " ngaihtuah tawh suh aw, khatiang ang mihring a ten awm em mai" Alo tih hmuk chuan a lam chu ka hawi a, ahmel chu alo thutak run mai, U Hminga nen kanin kar ahriat pawh khan U Hminga kha sawisak atum tlat a, ka nu leh ka pa in dang tlat lo se chu U Hminga kha ava khawih hrep duh ang,










"ka ngaihtuah tawh lo, ka exam tur zawk hian ania ka rilru ti buai ni, ka zir tha mumal bawk silo a," kati sup a, "Lungngai suh iti tha leh em em ang, ka nau hi chu ka hrechiang ve tawk alawm, tun tum ah pawh iti tha leh ngei ngei ang" min fuih phur tum zeta atih chuan ka nuih nghal seih a, "Takin U, nupui te hi neih i tum hnai ve tawh em"? Katih chuan minlo melh nghal vut, ka u ka fak vang nilo se mipa hmeltha tak leh pa tak chu ani ve chiang lawm,









anuih zawnga a biangsum lang thin te hian a ti hmeltha zual takzet, duh tu pawhhi angah ve viau thin, mahse ngaihzawng lam hi a ngaihtuah ngailo ve thung, "i ho em mai, a hunnah chuan kan nei ve mai dawn a lawm" awlsam fe a arawn tih chuan ka nerkhum sak, "i senior tawh teh reng nen, nei vatla anih chu" katih deuh hmak chuan alo nui hawk hawk, reiloah kan college pawh chu kan thleng ve a "in dim deuh rawh aw" ka chhuk ruala ka u in atih chuan bu nghatin kanin vai liam nghal a.










Gate a ka luh rual chuan Sangpui'n kut alo vai lauh lauh na lam chu ka pan phei nghal a, "i U ami lo thlah tu che kha"? a bul ka thlen ruala atih chuan ka bu nghat, "lut ila" katih sup chuan kanin zui lut nghal a, bell ala rik lawk loh avang chuan class room ah chuan titi pahin kan thu a, "Kan Lalhmingmawia mi ler-a chuan alo la be lo che a mi"? a tih chuan ka bu nghat, " Thlahtu liana chu a va tenawm ve, lo biak che pawh a tumloh chuan a thiltih sual ah a in chhir ve te pawh a niang"







atih leh hmuk chuan ka chhang zui tawh lem lo, "Nangni pahnih kha" chu aw lo chhuahna lam chu Sangpuii nen chuan kan hawi nghal a, Ricky-a chu khi thaw hian a rawn pen lut a, "In duhnu in hmuh a va khat ve" tipah chuan ka sam chu a lo tuai thur nghal vek a, ka melh nghal nghek, "thu mai mai teh" Sangpuiin alo tih chuan a chhiat khum leh vak tawh, anni pahnih pawhhi anin nel ve viau tawh.









Reilo ah bell chu alo ri a, professor te an lo luh chuan question paper chu an sem nghal a, question ka en chuan alo har lo viau mai.








HMINGMAWIA POV:




Nunhlu in min chhuahsan atang thla 4 lai a liam leh tawh a, ka hrethiam lo tak zet anin ah vawitam ka kal chilh pawn vawikhat pawh min hmu duh bawk silo, ka rilru a buai takzet, min chhuahsan chhan lah a zawhfiah theih bawk siloh, "vawin chu hospital lam ah ngei ngei in kal ang che" ka pa in alo tih chuan chhang lo in ka ngawi ngul a, Nunhlui'n min chhuahsan ni atang hna ah pawh ka kal leh tawh lo hrim hrim engtih mah hi ka tuilo a ni tawp mai.











"ka sawi chu i hria maw, hetianga awm leh tur i nih si chuan eng tin nge Hlutei in atang i chhuah tir hial theih" atih chuan ka melh vut " ka chhuah tir a ni reng reng lo, keipawn a chhan ka hrelo a nihhi" katih deuh hmuk chuan ka pa chu alo rum nghut, tho kang in kan room ah chuan ka chho nghal a, room chhung ka luhrual chuan ka mitthla ah Nunhlui bawk a lo lang leh tawh, thaw hawk in closet ah chuan ka lut a, hetia in a awm reng chu keipawn a dik in ka hrelo,










ka pa min hrilh ang ngei chuan hospital-a kal tur chuan kain siam a, ka in siam zawh chuan in hnuai ah chhuk leh in pawn lam chu ka pan tlang nghal a, ka car ah chuan thu lutin kain khalh chhuak nghal, Hospital ka thlen chuan ka office ah ka lut tlang nghal a, Nunhlui thlalak ka dawhkana ka dah chu ka melh vang vang a, " kala nei let leh khawp ang che, hetiang a min chhuah san mai na chhan pawhhi ka hre chhuak thuai ang" a thlalak en chung chuan ka phun sup a.












Ka dawhkan hma a file awm ho chu ka en nghal zung zung a, "I la dam a ni maw"? Dr. Lucy-i chuan file min pe pah hian a lo ti nghal thaw a, ka buk khum nghut "pa nih dawn a vang a thla 4 lai chawlh lak kher chu a tullo em mai" nui kar kar a alo tih chuan a thusawi chu ka hrethiam lo tak zet, "eng nge i sawi awm zia"? Amah melh kar paha ka tih chuan a chek nghal hlak hlak.










"In nu a rai vang a ni lawm ni chawlh i lak" alo tih leh ngat phei chuan ka hrethiam lo leh zual "sawi chiang deuh la" katih hmuk chuan a thaw hak, "ivan hahthlak tak, in nu rai leh rai loh theihnghilh thak in eng hna nge ilo khawih" atih chuan ka ding nghal vut, "Nunhlui a rai a maw"? ka tih hu chuan a ni pawh chuan mak min tih hmel tak in min melh, "Aw, hmanni a i rawn hruai khan test kannei a chuan a rai a lawm, tunah thla li lai a liam leh tawh a engtin nge ila hriatloh theih"










Alo tih sup chuan chhan dan tur pawh ka thiamlo, 'heng hohi nangman lo en fel rawh" tih pah chuan ka office atang chuan ka chhuak nghal vut, car ah chuan thu lutin Nunhlui te in lam pan chuan ka in khalh chhuak nghal a. Engtin nge ka fa a pai reng chungin min chhuahsan theih, tih ngawt chuan ka rilru a luah, anin kawt ka thlen rual chuan ka chhuk nghal a,











an kawngkhar bulah chuan dingin door bell chu ka hmet nghal vak vak a, reilo ah Nunhlui ngei mai chuan kawngkhar chu a rawn hawng a, min hmu chiah chu a meng bial nghal kawk thei kei erawh chuan a pum ngawt chu kalo melh thunga, kawngkhar khar leh mai a tum chu kalo dang vat, "Eng nge i lo tih dawn,? Haw rawh" min melh khui khui paha alo tih chuan ka rum nghut.










"ka fa pai reng chungin nanghian min hrilh lo amaw? Engtin nge i theih zawk,?nang leh i chhungte hian eng nge in hriat"? Katih vin that chuan Nunhlui chuan min melh rum nghal vak "min vin reng reng suh, i fa pawh a nihloh hi, ka fa chauh a nihhi i fa anga chhal theih na dan i neilo" min tih khum ve nghal hmak a, " ka fa chu a ni ngei a lawm, engvanga min chhuahsana ka fa i pai tihpawh min hrilh lo nge i nih"











a hma ai a dam deuh zawk chuan ka ti thum dut a, Nunhlui chu a nui hul hak " i hriatsa chu maw min zawh a chhuak vat maiteh" a tih chuan ka thaw hawk, "Nunhlu eng vang...." "Nang mi tenawm khan eng nge hetah i lo tih" ka thusawi pawh ka sawi zawh hma chuan ka hnunglam a tang tu emaw hian alo ti fiak that a, ka hawi phei nghal vut, Zual-a Nunhlui U chu lo niin, "Nunhlui leh ka fa hi kalo hruai let leh dawn, chuan ka tenawm na ka hrelo" katih let ve nghut chuan ka kawr nghawngah chuan minlo tham nghal.














"I zaktheilo hle mai, thilsual lian tak itih hnuah ithiamlohna pawh ila pawm ngam na nge? Dawi zep lutuk" mintih khum khur khur chuan a kut chu ka peih thlak sak vat, "ka thilsual tih in sawi chu eng nge sawi chiang ta che u, khatia min vin khur khur lo khan" katih ve hmak chuan Zuala chuan min melh nghek pahin min din hnaih sauh a, "Ka nau nen in inneih lai mawlh mawlh in hmeichhe dang ilo rai a, i tenawm tak zet, engtin nge zawh pawh min zawh nawn ngam zawk a"











In seh ruh tun a a lo tih chuan ka thaw hak,"tu hmeichhia mah ka railo" ka tih ve that chuan Nunhlui chu ka hmaah lo Dingin ka hmaiah chuan minlo beng nghal sawk a, "Tenawmpa, zep buai duh tawh suh engkim ka hre vek tawh, Daisyi ngeiin i fa a pai thu min hrilh a sin, chuan in nun atang a in thiarfihlim tura min duh thute pawh kha min hrilh vek, engthil nge ila duh cheu va ka lak atang hian eng nge i la duh? Heti khawp hian minti na tawh a ila duhtawklo fo em ni"











Tap tiaua Nunhluin alo tih chuan sawi ve tur pawh ka hre tawhlo, "lut ang hetiang mi tenawm lutuk bulah hi chuan i hun kha khawhral duh suh, i naute tan pawh khan hahdam taka awm a tha ania" a U chuan ti dam dap in Nunhlui chu a kai a, an luh dawn chuan Nunhlui mitah chuan ka melh a, a beidawng hmel ngawih ngawih, min huatzia pawh chu chiang tak in ka hmu thei, "helai hmunah hian lo in lan tawh suh" Zualan alo tih hmuk chuan ka melh ngai chu kala melh tlawk tlawk, kawngkhar khar ri ka hriat chuan keipawh chu beidawng zetin ka car lamah chuan ka phei chhet chhet a.











Nunhlui thusawi ngawt chu ka rilru ah a awm, Daisyi chuan engtin nge a rai ang a alo hrilh ngawt theih, tih chu ka rilru ah a awm, lo rai tak tak ta ang se minlo pan tawh ngei awm si a, mahse Nunhluin min chhuahsan a tang vawikhat pawh min hmu turin alo kal silo, thil awm zia zawh fiah ngei tula ka hriat a vang chuan Daisyi te in lam pan chuan thinrim in sehruh tun chung chuan ka tlan chhuak nghal a,










Daisyi te in ka thlen chuan hman hmawh lutuk in Car atang chuan ka chhuk nghal a, a lo awm hram ka beisei, door bell chu ka hmet ri nghal tleng tleng a reilo ah Daisyi ngei mai chuan minlo hawn a, min hmu thut chu mak ati a ni ngei ang tawng na chang pawh a hrelo, "Hminga...nang...nang maw"? Atih bah nawk chuan ka melh kur a, "lo lut la" a tih chuan sawi buailo in keipawh chu ka lut nghal a, "Eng nge i lo tih dawn a"? alo tih leh chuan a hma ah tak chuan dingin ka melh chhuk ran a,










"Nang hian ka fa i pai a maw"? A duh thep kak mai melh pah chuan ka tih elh khum sak a, "Hming...ih...eng lo...." atih lai mek chuan ka kut chuan tawng tawh lo turin ka ti nghal vat, "Engtin nge dawt lian lutuk ka nupui hnenah i sawi theih, nangmah vangin min chhuah san a sin, i dawtsawi a vang khan" ka tih khum tuar chuan a phu nghek, tunah tak hi chuan kut hial thlak ka chak mahse chu em chu a thalo a ka hriat a vangin kala in sum hram hram zawk a ni.









" Tih theih dang ka neilo alawm, kha nu kha i nun a tang kal bo vang vang se ka duh a, chuan nang leh kei chauh kanni leh thei dawn a lawm, Hminga nanghian thu min tiam tak zawng zawng te kha i theihnghilh tawh maw a ni mahna mahse, kei chuan ka theihnghilh ve thei tlatlo" tap pur a a tih chuan ka melh ngur a, "Khang hun kha chu a liam tawh, nangpawn theihnghilh tawh rawh, kei pawn hmalam ka pan tawh a nangpawn hmalam pan ve tawh rawh,










i ruala kal tur a i duh em em in a kalpui duh tlat siloh che chuan nghak mahta che, hmalam pan san zawk rawh, chu chu i tan pawh a tha ber" a hma ai mah a dam deuh zawk chuan ka ti leh a, ka thusawi hi hrethiam se ka duh tak zet, "Nang ka hmangaihna che hi chuti mai chuan a reh thei tlat silo a lawm," alo tih leh chuan minti beidawng tawh tak zet, mahse dem thei erawh ka ni silo,










"in ngaihtuah chiang rawh, hetiang ringawt hi chuan kan awm theilo, Nunhlui hi ka hmangaih tak zet a sin, fa pawh kan nei thuai dawn a, mahse ka fa ngei pawh chu kei hian ka pawm ve thei dawn silo, dawt i hrilh a vang khan Nunhlui nun mai nilo ka nun pawh mintih chhiatsak vek a ni" katih zawi ruih chuan Dasyi chuan mittui tlingpam hian min melh a, "Katina viau che em ni"? Alo tih chuan a hmel chu ka en a, a ni ve thung chuan hnuai lam chu a bih ngur a.









"Hminga ka tihpalh, keipawh ka in thiam thei biklo, ka tum dan tak kha chuan Nunhlui kha dawt hrilh a nang neih let leh che kha ka tum ber a nia, mahse Nunhlui na tuar hmel ka hmuh khan keimahah ka in chana a nat dan ka hrethiam vek a, chuti chung chuan ka tawrh ang kha midang ka tawrh tir ve a, khami ni khan duh ni ila chu nang ngei pawh kha dawt sawiin kalo luh khung ang che, mahse ka ti talo a nih kha,









ka chunga thleng tura ka duh miahloh midang chunga ka thlen tir tak a vang khan ka in thiamlo tak zet, Nang leh kei hi awmdun tura ruat kan nilo tihhi lo pawm thiam hma deuh ila a tha tur, min ngaidam rawh aw, i nun tichhe tu nihhi ka duh ngailo a sin" Daisyi thusawi tinte chuan min thawngin mak mintih tir, kei ngei pawhhi ka thiam biklo,










Keimah ngeiin ka hmangaih thu hrilh in a kut ka vuan a, ka kalsan ngaih loh tur thu te nen ka tiam thlap a, mahse ka thutiam ah ka ding nghet zo silo, ka thutiam ka hlen loh a vang in Daisyi ka tih chhiat sak a, ka in thiamlo tak zet, tih theih ka nei tawh silo "Min ngaidam rawh aw, i hnena thu ka tiam tak te ka hlenloh a vang in" katih let ve sup chuan Daisyi chuan a mittui chu a hru hul thuak thuak a, "Imm, tihian kanin ngaidam tawn thei bawk a, thiantha tak kannih ka beisei"









alo tih tiau chuan ka nuih suk a, kan buaina ber kan sawifel tak ah chuan Nunhlui chu thudik hrilh turin ka in khalh chhuak leh nghal a.





Ava tawp teuh tawh tak em🤧😂😄 lo commment vek ru aw💗



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)