My Husband by Amanda khawlhring

Episode kal lai dah luhna

Moderator: writers

Amanda khawlhring
Posts: 5
Joined: August 13th, 2022, 2:31 pm

My Husband by Amanda khawlhring

Unread post by Amanda khawlhring » October 6th, 2022, 1:13 pm

Chapter - 5



Ni leng a in a tawm reng mai chu ka ning ve ta deuh, hawi harh ve te pawh a chak awm a lawm maw le.



Shower ka neih zawh hnu chuan ka thawmhnaw hak tur chu ka thlang nghal mawlh mawlh a, hah dam leh hmuh nuam tak thuamhnaw ka in bel zawh chuan, ka hmai ah make-up tlem ka hmang tel bawk a.



In hnuai ah chhuk in Nu Thangi chu ka chhuah lawk tur thu hrilh nghal in, in a tang chuan ka kal chhuak nghal a, kal na tur ber pawh ka hre chuang lo...ka tei kual ve mai mai a ni.



Mall ah chuan lut in ka kal kual vel a, ADORABLE KIDS tih ka hmuh rual chuan chu dawr chhung ah chuan ka lut nghal vat a, an van duhawm hlawm tak...duh thlan tur pawh ka hre lo...an thil neih te chu lei vek mai a ni ka duh ni.



Hmeichhe naupang pheikhawk nalh zet mai chuan ka mit a la ta ber mai, kan naute tan han ti dawn ila mipa nge hmeichhia tih pawh la hriat loh a ni bawk si.


A eng a pawh chu nise, fanu neih min ti chak zual sauh nia, ka hnar theilo chu pheikhawk te reuh te chu ka lei ta nge nge a.



Dawr hrang hrang ah chuan lut kual zel in ka mamawh tur a ka hriat ho chu ka lei nual bawk a, bazar tak ro ro ah chuan ti in nu Thangi tan pawh thil ka lei sak ve nghal a, a ngainat zawng a ni a ngem tih phei chu ka hrelo.




Ka piah lawk a restaurant atang thil rim tui tak lo chhuak chuan ka ril a ti tam nghal ngawih ngawih, ka vak kual ka vak kual a ril tam pawh a hun ve tawh reng a ni.



Restaurant chhung ah chuan lut in, dawh kan awl ka hmuh hmasak ber na ah chuan ka thu nghal vat a, menu chu en in ka ka duh ka hmuh hnu chuan Ka chah nghal a.



Ka ei tur chah min rawn pek chu tui ti tak chuan ka ei nghal mawlh mawlh a, " hello" rawn ti tu vang chuan ka thil ei chu ka hak hman thelh a, " Daniel teh hlawl che chuan, he tah e nge i tih a " ka ti nghal vat a.



" Thil e nge maw lei tur in ka chhuak a, chuan ka hmu fuh che a " a tih pah chuan a nui sak a, khawi ah e maw kal ila kan in hmu fuh thei lutuk hi a mak e.



" Ka lo thu ve thei a ngem ? Pawi i tih loh chuan " hetiang tawngkam hi lawm hnar har thin chu, ka rem ti tih lan tir nan ka lu chu ka bu zauh a.



Daniel-a pawn ei tur chu a chah ve nghal a, kan vel a awm te ngaihtuah lek lo chuan kan in kawm a, thil pawimawh em em pawh kan sawi chuang lo Daniel -a kawm a nawm em em na chhan pawh hmeichhia ang mai in eng kim a sawi pui theih vek vang a ni.



A ngaihdan a lo sawi zung zung ngai lo a, uluk tak in min lo ngaihthlak sak te hian nuam ka ti midang in ka ngaih dan leh ka duh dan min zah sak a ka rilru put hmang min hriatthiam pui te hian ka tan chu mi chu thian tha ber an ni, ka thil tih leh ka ngaihnan zawng ah pawh min support tlat tu ang thian neih hi a hlu a ni tawp mai .





" Kha eng thil te nge ni a i in lei nasa ang reng sia" ka bula ka thil lei ho ka dah kawk pah chuan a ti a, " eng eng e maw ka lei a" ka tih zawh rual chiah chiah chuan ka pheikhawk lei kha ka hre chhuak thut a.



Hmeichhe naupang pheikhawk ka lei chu phawrh chhuak in Daniel-a chu ka en tir a, a ngaihna hriat loh hmel zet chuan min en a.


" E nga tan nge i tih " hrilh hai hmel zet a min zawh chuan nui sak in ka dul chu ka khawih a, " i ti tak tak em...i fiamthu lo ti raw " a tih chuan mak ti bawk hlim bawk si chu ka hmu thei nia.


Ngati nge sawma hmel ah khan eng mah ka hmu ve miah loh le, ngati nge ? Tih zawh na chu ka rilru ah a rawn lang nghal a.




" Hun hlim hlawm tak a ni, ka lawm lutuk" Daniel-a car bul a kan din lai chuan ka ti a, a ni reng bawk a Daniel-a ang thian ka tawng hi ka vannei tak zet a ni.



" Kei pawn nuam ka ti khawp mai, chuan ka lawmpui nawn leh a che...Nu i ni mai tur chu ka lawmpui tak zet che " tih pah a min kuah in ka dar ah chuan a beng thak thak a.



" Mi chak tak i nih kha aw...theih ngilh lo a" ka beng bul a a tih chuan ka lung te pawh a ti chhe rum rum dawn a lawm mawle.



A thil theih ngilh hre chhuak ni awm tak in min kuah na atang chuan inla hrang vat in a,car kawngka chu a hawng nghal thuai a bawm te reuh te chu rawn la chhuak in ka kut ah chuan min pe a.


" I hnar thei lovang" chu bawm te reuh te ka hawn rual chuan a ti nghal zat a, " mahse hetiang.."

Ka thil sawi tum pawh ka sawi zawh hma hauh chuan ka thu sawi lai chu rawn pawt chat in " i unau pa thil pek ang ah ngai hmiah rawh " a ti nghal zat a.


Hnar ka tum zet na in, a rem tih tak miau si loh ah chuan chu bawm chhung a emerald thi nalh tak mai chu lawm tak in ka pawm ta mai a ni.


Ban in vai liam in mah ni car ah ve ve lut in kawng hrang zawh dun ve ve in kan tlan chhuak a.



Minutes reilo te hnu ah chuan in ka thleng ve ta hram a, ka car chu garage ah dah in ka thil lei te nen a in khai bawr luah chuan kawngka pui lam chu ka pan nghal a.



Door bell ka hmeh hnu rei vak lo ah chuan Nu Thangi chuan kawnga a rawn hawng a, ka thil khai lai chu la nghal vat in in chhung lam ah chuan min khai luh sak a.



" In chung lam ah ka han dah nghal dawn em ni " Nu Thangi'n a tih chuan living room a dah tawp mai tur chuan ka ti a.



" Hei hi i tan, i ngainat zawng a ni dawn em phei chu ka hrelo nang in...ka lo lei sak ve tawp che a, i ngainat zawng a nih ngei ka beisei" tih pah chuan shawl leh wool atanga siam kawrlum ka lei chu ka pe a.


( Irene-i hming pum Lawmsangzuali)



" Awi leh sangbawih hetiang tih a ngai lo a sin mawle..." In thlahrung tak a ti in ka thil lei sak chu lawmthu min hrilh pah chuan a pindan lam ah ka khai lut a.



Kei pawn kan room lam ah chho in ka in thlak ve nghal a, ka in sil fai zawh hnu chuan ka thil lei te chu bawm dang ah suan in ka rem diat diat a.



Daniel-a thi min pek chu ka la chhuak leh a, darthlalang hma ah chuan ding in kan awrh chhin a, ka rin ai daih in a nalh a te fel at a a rawn te hi ka vun rawng ten a in rem takzet.




Darthlalang hma ah chuan ka in thlek ka in thlek ri ngawt mai, zan riah ei nan a la hma deuh bawk a rei lo te chawl hahdam
tur chuan khum lam ka pan a.



Ka harh leh meuh chuan dar 6 a lo ri reng tawh, in hnuai lam ah chhuk thla nghal vat in chauka lam chu ka pan nghal a.



Nu Thangi chuan chaw ei a lo siam mek chu ni in " sawma a lo haw tawh mi " ka va ti deuh hu a..." aw haw tawh e i muttui hmel ang reng sia, kai tho lo tur che in min tia " chawhmeh suah mawlh mawlh pah chuan a ti a.



" Khawi ka lo pui ang che " ti leh Bowl chu chawi kang in chawei dawhkan ah chuan ka hung nghal a, kan in peih fel chiah tih chuan sawma pawh a rawn lang hlawl mai.



A inbual zo chiah a ni ngei ang, shower gel rim pawh tlem in a la nam deuh.




Zanriah ei kham hnu chuan sawma chuan Nu Thangi a va thlah a, chu mi chhungin kei in kan zanriah ei na thleng ka lo sil ve mek bawk a.




Thleng ka sil zawh hnu chuan inchung lam ah chho in room ah chuan ka lut nghal a, lehkhabu chhiar tur zawng chuan ka lo buai ve em em ri ngawt a.




Lehkhabu chu la a ka in her chiah chu kawngka biang ngheng a sawma lo ding ka hmu thut chu ka phu nasa ngei mai.



" In sawifiah i ngai lo maw" ka lam pan a rawn pen pah chuan a ti a, " in sawifiah a!! Eng in sawi fiahna maw..." hrethiam lo zet chuan ka ti a.



" I chiang a maw... Eng vang in nge thil hi a harsa zawng a kal tir i tum tlat zel aw" a tih pawh chuan ka la hrethiam thei chuanglo.



" A mawi hle mai " nui sak a tiin ka thi awrh lai chu a rawn khawi a, ka in rin loh lai tak chuan ka thi awrh chu a pawt thla hrawk a, ka nghawng pawh a thik vawng vawng mai.



" Eng thil nge i tih hi " thinrim zet chuan ka ti a, " tun atang chuan pawn i chhuah hi phal sak i ni tawh lovang tih i lo hre nghal dawn nia" tih leh kawnga lam chu pan in kawngkhar chu a khar ri thuai a.



Ka nun hi hremhmun te nau ah a siam a ni ri ngawt tawh, ka mit hmun lai ngei in thil ten awm tak a ti a chu tah in thiam loh na leh thil sual ti lo ni awm fahran in a la khawsa thei hi a mak mai a nilo...mihring a ni hlawl lo ramsa nen danglam na chhe te mah an nei lo hrim hrim.



Eng thil sual nge maw ka tih a hetiang thil hi ka chung ah a thlen bik ni, ka in haw ngawih ngawih kei lo hmeichhe dang duh a nei a nih chuan chu nu chu eng vang in nge a neih mai loh ni.


E ngah nge min tawrh tir tlat zel ni, ngati nge bungrua ang mai a min ngaih nge ni a in fiamna hmanrua ang lek ah min ngai zawk.






Daniel-a pov



Hei hi chu a bul tan na chauh a nih hi, nang leh i chhungkua hi ka ti chhe vek dawn, ka chunga i tih ang chiah khan thingthi a ngaihdam min dil ngawih ngawih tur hian ka siam dawn che ni, i thil neih zawng zawng nen lam hian ka chhuh sak vek dawn che.



Hmangaihna leh indona ah chuan eng kim a thiang vek a ni lawm ni.



Thihna chu thihna vek in ni rawh se,nang leh kei hian hringnun kim lo tak in kan hmang tawh ang.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)