LAST CHAPTER(27)
by_MrsBabe Khawlhring
*Fiona Lalhlumawii POV*
Chaw eikhamah chuan room-ah lut talo chuan sofa room lamah chuan Johana nen chuan kan ṭhu reng a,ka pa nen chuan thingpui hàng an in a,,,an titi tui leh viau tawh,kei erawh ka pa thusawi tur chuan min kap ve deuh tlat a,an ti ti laite chuan ngawi reng hian kalo ngaithla kar ringawt...
Ka nu inbual zo room aṭanga alo chhuah hnu chuan ka pa chuan ka nu nghak deuh ni awm tak hian ka nu chu a bula ṭhu turin a ti vat a,ka nu ka pa bula a ṭhu thla chiah chu ka pa chuan...
A kuta a sana bun melh zeuh pahin,"Anlo thleng ṭep tawh ang chu a"tiin ka nu chu a biaa,kawngkapui lam a thlir vung vung nghal bawk,ka nu in a chhan hma chuan,"Tute maw?"kalo ti hmanhmawh
Ka nu zawk chuan,"I pa(Johana nu leh pa) te mawle,an nupa in leng turin kan sawm a?"alo tih chuan,ka meng buai nak,Johana pawh chuan a ṭhutdan siamremin a nghawng tepawh a han kàn deuh àk a,ani pawn a hre lawk biklo a nih ka ring...
Chutah kan doorbell alo rì chiah chu ka nu leh pa chu anṭhutna aṭang chuan an thochhuak vat a,kan nula in kawngkhar ava hawn chuan ka nu leh pa(Johana nu leh pa)te hmel ka hmu nghal zat...
Kan inhmuh lohna alo reive ta hlè mai,keipawh chu ka awm hmun aṭang chuan kalo dingzûm ût ringawt,ka nu leh pate chu chiang zet hian kalo en hlawm a,ka pa chu amah a èngin a thau belh deuh bawkin ka hria,,,ka nu erawh tunlai a buai lutuk vangin a in uluk vaklo nge ni a hmai te alo dûk deuh a,mahse nu hmelchhia anih loh avangin a hmai dùk mai mai chuan a hmelṭhatna a hliah chuanglo...
Ka nu leh pa tenen chuan an in chibai hlawma,sofa room lama anlo kal hnu chuan keipawh chuan kalo chibai hlawm a,ka nu chuan ka damṭhat leh ṭhatloh minlo zawt vat a,"I cher deuh tlatin ka hria"min tih chuan,ka nui sen sen ringawt...
Ka pa nen chuan sofa pakhatah an ṭhu ve a,ka hma takah ka nu leh pa te zawk an ṭhu bawk,ka pa(Johana pa) chuan Johana en vang vang pahin,,,"Hana chu a hmel a èng sar mai kati annu bula awm angaih a nimaw?"alo tih chuan,keimah tih loh chu an nui deuh dar dar,,,Johana pawh a khi ve suk mai...
"Nia hei Bawihtei pawh a ni tho alawm anpa lo awm chho chu a chaw ei tepawh a tui khawp asin"ka pa in alo tihve chuan awihlo lutukin za lo lutuk chuan ka nuilui ve suk ringawt...
Johana nen chuan min fiam min fiam a,a changin an nui leh dar dar ṭhin a,reifé chutian an ti ti hnu chuan...
"Ni e tak tak an hetia chhungkua kan inhmuh khawm chhan ber hi han sawi tawp mai ila,kan fate pahnih vang hian a ni deuh ber a...Kan chhungkaw hnih pawh hun reive tawk tak chu kan buai a,tihian Hana kan in lamah alo awm chho hial bawk a,keini nupa chuan a zialo kan tiin Bawihi awmdan hi kan hrethiamlo ve hlé a,a zahthlak pawh kanti khawp mai"ka pa'n alo tih takah chuan,,,
"Aaa,pu David chutiangin ti mah ta che,hetia in fanu,,nilo FionaBawihi a awm ringawt chhan hi chhan ṭha tak a nei ngei ang,,,keini chuan kan dem reng reng hleinem...Kan chungah lawm lohna a neih avangin em ni dawn àw,,,,kanlo ti rilru zawk a,keini chuan mo ang pawh nilo fanu ang tak tak a kan en a ni a...an nupa inkara buaina a awm avanga alo haw duhloh avangin Hana alo awm chho pawh hi kan hrethiam viau asin,chutiang zahah la reng reng suh u"Ka pa(Johana pa)chuan alo tinghal vat...
"Ni e a dik chiah alawm,Fionabawihi pawh kan demlo,nangni pawh kan demlo hrim hrim che u ania,hetianga lo haw duhlo tur khawp khawpa FionaBawihi a awm chhan hi kan fapa vang a ni a,keini hi lawm inthlahrung ngawih ngawih tur chu"ka nu(Johana nu)pawh chuan alo ti ve a,a bula ṭhu ka pa chuan a thusawi chu pawmpui em emin alo bu nghat nghat...
"Eee,chutiang rilru te kan chungah in pu chu thinlung tak pawn ka lawm hlè mai"ka pa chuan alo ti a,,,"Ni ngawt mai,keini chhung hnih inkarah hichuan engmah buaina a awmlo,kan fate ber hian an buaina an chinfel theih chuan engkim hi anih dan tur dik takin a awm thei tawh ang,a zialo emai tiang ringawt zawng"ka nu pawhin alo tive a,Johana nen chuan kan ṭhu ngawi kar mai...
"Niang chu mawle,a tu zawk zawk mah hian hetia an awm chhan hi an sawi duhlo ve ve si a,,,nge ni a anni pahnih hi anlo ṭha reng tawh zawk ni?"ka pa(keima pa)in alo tih chuan,an nui leh dar dar hlawm...
Johana ka en zeuh chu,mitmeng hriatthiam har zet hian minlo enve reng a,en rei duh lovin ka mit ka lasawn daih...
"Anih bawihi inṭhen chu ila duh reng em ni?"ti a ka pa in minlo zawt thut chu a thu min rawn zawh dan teh tawp chuan min ti phuzawk chiang kher mai,"Maw!"ka tichhuak sap ringawt...
"Inṭhen chu ila duh reng a mi kati anih chu"a ai ring deuh zawk chuan alo ti leh ngata,an mit chu keimahah a fù ṭhup hlawm tawh,'Aw'tiin ka chhang a nih chuan dawt chiang takin ka sawi a ni ngei ang,ngun taka ka ngaihtuah dauh dauh chang pawh hian Johana hichu ka ṭhen theih tak tak pawh ka ring zo meuhlo ...
Ka ngawi reng a,an mahni hochu ka en kual dùk dùk ringawt,Johana ka va en chuan ka chhan hun nghak ni awm tak hian uluk tak hian minlo en ve reng a,ka pa ka va en leh chuan a mitmengah chuan hlauhthawnna pawh ka hmu tel...
"Ka hrelo"zawi lutuk chuan ka ti a,ka chhungteho chu anlo nui chhuak ringawt lehnghal,ka ṭawng zawi viau emaw ka ti ania,"Chu i duhdan pawh i hrelo ania Johana nena inṭhen chu i duh chiahlo a ni maw?"ka pa bawk chuan alo ti leh a,ka zak lutuk chu ka hmai a sa hat hat tawh,,,tunah tak hichuan ka zak lutuk hi ṭawng pawh tum ila ka aw pawh a chhuak theintawhlo hial ang,,,hmaichhan lutuk tak mai a hetianga han in zawh deuh tawp techuan engtinnge dawt ka sawi ngam tehlul ang...
"Anih nang Hana Fionai rilru diktak i hre ta bawk a engtinnge i awm?"tiin ka pa(Johana pa)chuan ka bul a ṭhu pa chu a zawt a,Johana chu kan en deuh ṭhup,,,"Ka lungphu a rang hman lutuk alawm,pathlawi ka ni hman ṭep a,mahse Patling Johana ka ni leh thei hram dawn anihhi"nuipaha alo tih chuan an nui deuh dar dar hlawm ....Ka zak lutuk mawlh chu ka thlan fìmin min bual nghal...
"Zanin a ka thu hriat chuan min tilawm viau mai Hana pa,a nih chuan a hmaa kan thu lo neih tawh danin kan fate pahnih hi Biak In hawng ngeiin kan inneih ṭhat tir tawh a hun viau e i ti velo maw?,ahma kha chuan nau pian hunah khan kan ti tak na a,mahse kan chhiat tawh velleh neuh neuh kan neih tak avang hian kan thu kha a tlang thei talo kha a nia,kan thu mu hnu kaihthawh leh a hun tawh viaulo maw?"tiin ka pa chuan Johana pa chu a zawt a...
"Nia mawle,i rawtna chu aṭha kati khawp mai...Kan fate ve ve pawh hei tunah chuan an inkar aṭha leh ta anih hmel a,a rang lamin kohhran lamah pawh in report ila,inneihna chu kan theih ang tawka ropui thei ang berin kan buaisaih ang chu le,ka phur riau mai a"ka pa chuan nui huah huah chung hian alo ti a,ka nu te pahnih pawh an nui an nui mai...
Atir aṭang rengin tum loh ang ngawtin ka nu leh pa te lakah ka awm a,an duh loh dan deuhin pasal neih ka ngai a...Chhungkaw pangai tak leh mite entawn ṭhin tia sawi theih kan nih ve miau avangin kan mualpho nasa ve hlé bawk anih kha,ka nu leh pa te vang leh keimaha awm reng tawh tur Johana laka ka feelings vang hian ka thu ka duh leh lutuk pawh hi insiamṭhat ve ka ngai a ni tih ka inhriaa,,,chuvangin Johana laka ka thinrimna tekhan kian zai an rel ve zel ta deuh bawk a,ka hmangaih a ni tih ka chian ve viau tawh avang hian damchhunga nupa kawpchawi tak tak ni tawh turin ka pasal atan ka duh a ni...Ka rilru puthmang ka hriatthiam ṭhin loh kha ka hrethiam tawh viau bawk...
"Hana pawh thla thar lamah an result a chhuak tawh dawn bawk a,Lalpan kan ṭawngṭainate a chhang anga chanchin ṭha lam hichu han beisei phawt mai ila"ka pa(Johana pa)chuan alo ti a,ka pa pawhin a tlin ngei a rin thuin alo chhang vat...
Ka nu leh pa te chuan inneihna chungchang ngawt chu an sawi zui a,a chang leh an nui ho leh dar dar ṭhin,ka tui in hal ta deuh chu choka lamah ka phei a,ka phone lo rí chu ka kekawr ipte aṭang chuan ka la kàng a,caller id ka en chu Puia alo ni...
Alo haw tlai deuh tur thu alo sawi a,'naktuk zingah min hauh thut chuan minlo chhan rawh aw'alo la ti zui,va han zialo ṭhin tak,,,tlangval la naupang tak a ni a,rawl thar pawh a tih theih mai ang chu,a hawklak rual zan chhuah hrat rual a ni ve bawknen,a ṭhianpa birthday chu a hmang ṭangkai ṭhiam fû mai...
Tui ka in zo fridge ka khar tawh hnua ka in her chiah chu Johana hi alo ding reng,,,minlo en vang vang hnuah ka rin loh lutukin minlo kuah thut chu ka khawng ut thei...Nghet deuh hian khawiah mah ka kal phal tawh miahlo ni awm fahran hian min kuah a,a awm zawnah ka lu a awm avangin a lungphu rì zawng zawng pawh chu ka hrethei...
"U Johan,i ṭha chiah em?"ka ti sep chu,harhchhuak thut ni awm ziazàng hian a inla hrang tial tial a,chutah minlo en chhuk rún chung hian,,,,"Fiona ka duat,,,ka lawm e aw...Min ngaihdamna hi engtiang chiahin nge ka tan a hlut i hre kherlo ang,ka lawm e,ka lawm lutuk"rilruih hian alo ti a,a hmelah a hlim zia a lang bawk...
"Ka rin aiin i beidawng har a,,,ka thinrim reng thei biklo anihhi"ka tih chuan,"Ka beidawn san lovang che ka tih kha ka duat"a rawn ti sup chu,inla zei kati angreng...Amah lah chu inla mitak zet hian a nui duh miahlo leh zui...
Tunah tak hichuan ka thinlunga ka vei ṭùn ṭhin thil zawng zawng kha lak kianin a awm ta vek maiin ka hria,khawvela hlimna zawng zawng hi ka ta vek anni ta ber e...
"Min kuah leh rawh"ka tih chuan Johana chuan mak a ti deuh nge,ka dar ah alo chelh a,min en vang vang hnu chuan duat zet hian minlo kuah a,a mi duatna leh ngaihsak
ṭhinna hi ka ngai tawh em a ni... keipawhin ka kuah let ve vawng vawng,,,"Hetianga duat taka min kuah leh hun tur hi minva nghah rei tir ve"zawi sap chuan ka ti a,aṭangah beiin thlamuang takin mit ka chhing vang vanga,ka kim ta ngawih ngawihin ka in hre hial...
Ka chhipah rawn fawp vang vang pahin,,,"Duat tak leh lungchim tak hian ka kuah chàk ṭhin zia che i hrelo a lawm,khawvela hming mawi ber neitu ni mahla ka tan chuan ka 'Duati' ini tawh ang"alo tih thawp sup chuan,amah chu ka han en chho hà a...
"Khawmaw thingpui ka lum dawn inla zei vel lutuk mai teh"nuihza insum zet aka tih chuan,alamah min pawt hnaiin ka kawngah alo hmer deuh salh...
"Ka duh chuan hei ai pawh hian kala zei thei ania"ka beng bulah zawi sapa arawn tih chuan,"Ar inchhungah i zei ber"ka ti mai chu,rum nghut pahin a lo nuichhuak hak mai...
____________
*2weeks later*
Hun akal chàk em em a,naktip lawk kan inneih ni a ni der tawh,nimin piah khan Johana pawh an in lamah a haw tawh a,,,a awmlo chu kan in hi ruak ta huaiin ka hria,ni2 khat lek kan awmdun lo ringawt pawh ka ngai nghal vawng vawng mai...
Ka nu tenen mo kawr lam tur a kal kan ngaih avangin ka insiam mawlh mawlh a,khuma ka phone dah alo rìk avangin ka ṭhutna aṭang chuan tho vatin ka va la nghal a,Johana alo ni.
La vatin,"Aw hello"ka ti nghal chu,lehlam aṭang chuan,,,"Inkal tawh em?"alo ti nghal a,kan kal ṭep thu a ka chhan chuan,"Tarpilu la turin ramah ka kal lawk dawn a"alo tih chuan
"Maw!ava mak awm ve?"ka tih hluai chuan,"Buhfai ngawt anlo pe a,an cher lutuk alawm ka rei dawnlo Vena te ṭhianho pawn min zui dawn alawm"alo tih chuan,a thusawi chu mak ka la ti tho...
"Naktip lawk kan inneih ni a ni tawh a,vawiin anga ram a kal tum techu a"ka tih deuh nisi chuan,"Nia ni tho a,in a awm reng chu ka ning ve deuh alawm,,,mikhual kan ngah sia,kawmthlang lawkah ania kan rei dawn chuang lo a"alo tih leh ṭal chuan...
"Aw anih fimkhur viau ang che,intih palhna chu ho té a ni ṭhin ania,chuan kalpui g nei ngei² bawkla aw"ka tih chuan,"Awle,ka duat"alo ti ve maia...mahse ka awm chu a nuamlo ru hlé...Enge a hriat thut reng reng ni rama kalte a rilrua a awm ni...
"Mo kawr chu ka ha chhin anga,thlalak kalo thawn dawn che nia,phone keng rawh aw"ka ngaihtuah ruk deuh em avang chuan kati a,"Ka van hmu chàk tawh che"alo tih chuan,nui pahin,"Phone chu keng ang che"ka ti leh vat chu thuawih zetin a ken tur thu chu alo sawi a...
"Inu nen chauh chuan a mi in kal dawn"alo tih chuan,"Aih Zami pawh alo kal ang,chuan Puia'n motor a khalh anga"tiin ka chhang a,"Awle aṭhat chu"alo tive mai,Zami hi ṭhian atana ka hman tur a ni a,ka pa ṭhianpa ve ber Pa Roa fanu a ni a,kan veng ami tho a ni,tun hmain kan inkawm ṭhin em em pawh a nilo na chu a mah hi hmeichhe fel tak anih avangin ka nu leh pa ten hmang turin min ti a,ṭhianṭha tak tia sawi tur ka nei vak lo bawk nen, Zami nen chuan kan in nel phah ta viau bawk...
Johana chu fimkhur tura ka chah leh mawlh mawlh hnu chuan kan inbiakna chu kan ti tawpa,Puia'n minlo auh tawh avangin ka sam ka khuih thuak a,room aṭang ka chhuak nghal vat...
Zami kan lam pah a,kan kalna tur lam chu kan pan nghal vat bawk...Mo kawr kan order-na dawr kan thlen chuan Zami nen chuan kan ha chhin ve ve a,siamṭhat ngai miah lovin kan tawk chiah a,ka rinphak bakin anlo ṭhui nalh bawk...
Hmeichhia zawng zawng ka ti ngam chiahlo na chu,he khawvela hmeichhia 100 a 90 hichuan pasal neih huna mokawr tur hi anlo dream ve ṭhin ṭheuhin ka ring,kei ngei pawh hi ka ni...
Ka pasal neih ni ah chuan a mawi thei ang berin mi zawng zawng mit keimahah a fúk ṭhap theihna tur khawpa mawiin lan ka duh...
Dan khatna pha talo te,kum in a phàk loh avanga Biakin mai nilo Hall tak ngial pawh luah zolo tepawh hian pasal an neih ni chuan mokawr hak hi an chàk ve ṭheuhin ka ring...
A tam zawk hichuan 'damchhung tawitèah mo kawr ha lova pasal neih loh te chu a'pawh kanlo ti maithei,mahse a ṭhen tam tak mokawr ha ve thei talo te hichu an duhvang pawh a ni bik kherlo thei...
Nupui pasala kan inneih ni hi tu tan mai pawh ni ropui ber a ni ngei ang,,,Biakin hawng ngei a inneih hi kan ngaih ropui em lai hian, Biakin hawng ngeia innei tam tak hi thianghlim taka innei an ni vek bik chuanglo tih chu kan hre deuh fur awm e,rai loh avanga nula anga la awm thei tamtakin Biakin hawng ngeiin pasal a nei tih pawh sawitur an awm ṭeuh ang...
Johana leh kei ngei pawh hi kohhran dan thianghlima innei thei kan ni hauh biklo,kohhranin min phuar zawh tawh hnu fé ah tihian kohhran dan puitlingin kan innei dawn ta chu ania,mahse a hlutna hi a dang tawh bik takzet...
Chetsual palh avanga kum naupangté a innei ta te hi lehlam takah chuan an fakawm kalo ti ṭhin,a bikin hmeichhia te hi,,,an naupai kha tuma hriat lohva ti tla thei annih reng laiin an pai tlang ngam tlatte,huaisen takin an pumchhunga naute awm tan anlo mualpho ngam ṭhin mai tehi an chhuanawm kati takzet zawk...
Thla8 chhung ka pum chhunga awm ka fapa vang khan nu hmangaihna lo nasat tur zia hi ka tem uar uar thei...
Hmeichhe ṭhenkhat mipa lak tlak loh lutuk laka nau pai ta te,a mipa in a thlahthlam hmak pawhin titla duh lova miten 'nuthlawi' ti a an chuk rawn luai luai pawha paitlang ngamte dinhmun tur ka ngaihtuah hian...Hmeichhiate hi kanlo huaisen zia ka hriatchian phah a ni...
Zamin ka sam alo khawih avang chuan ka ngaihtuahna kal thui hman lutuk aṭang chuan harh chhuak thutin ka in thing harh a,veil minlo vuahsak hnu chuan darthlalang hmaah chuan ka va ding leh a,mawi ka intive takzet...
Ka nu lung chu alo chhe deuh nge ni,kit khat aṭang chuan a mittui alo hru keuh keuh a, pan hnaiin ka va nuilui deuh a,ka nu chu a insût hraih hraih mai...
"Nu"ti a adar a ka va khawih chuan,"Bawihte i mokawr ha ka hmu chu ka hlim bawksi ka lung hi a chhe deuh tlat a ni,min hrethiam rawh aw"alo tih chuan,ka nu mittui tla chuan ka rilru no a ko chhuak ve lehpek...kan nufa chuan kan inkuaha,ka nu rim nú chék chu ka hip lut vawng vawng...Ka naupan lai aṭang tawhin ka hnarah chuan ka nu rim hi a tui reng mai anihhi...
Nau ka pai vanga kan inhruai deuh tawp lai pawh khan ka nu leh pa te chu in danga ka awm tur kha an ngai thiam thlawt lova,an lung a chhe em em kha ania,tunah chuan kan innei ta tak tak dawn si a,veng khata awm reng chung pawhin min ngai reng mai dawn a nihhi...An fa mal ka nih vang nge,,,,nu leh pa zawng zawng hian an fanu ten pasal an neihin hetiang rilru hi an pu vek ṭhin zawk...
Zami chuan Johana ka thawn turin thla minlo laksak a,Johana chu ka thawn nghal vat bawk...
A last seen chu zinga kan inbiak zawh hnu lawk kha a ni a,phone chu a ken hram ka beisei...
Puia pawh chuan ka mokawr chu ka inhmeh atih thu ngawt a sawi ve a,nuam ka ti angreng...
Dawr aṭanga kan chhuah hnu chuan tihtur ṭul ang ang kan han ti leh a,kan vak kual nasa mai,kan mikhual turte ho pawh vawiin lamah anlo thleng kim dawn a,zanin chu mut pawh kan mu thei ngut a nge maw!
Dawra kan chawlh lai chuan Johana'n ka thlalak thawn a en tawh leh tawh loh hriat ka duh avangin wassap-ah chuan ka lut a,alo en tawh ngei bawk...(Khawvela mo hmelṭha ber nupuiah ka nei dawn che anihhi)tiin message alo hnutchhiah a,a message tawité mahse Johana sawi atana mawi ni hauhlo vang chuan lawm hauh lohvin ka nui ka nui mai...
(I haw ṭep tawh em?)tiin ka chhang a,mahse a last seen chu dar1pm daih a ni,tunah dar2pm a rí ṭep tawh a,a kalna areive tawh bawk a,a haw tawh chu ka ring,mahse haw tawh chu nise minlo hrilh ang,ka rilru tèchuan ka ti a...
Kan thilchah alo thlen hnu chuan titi pahin muangchangin kan ei a,Puia hian Zami a star ve deuh nge ni,inla cool zet hian a ṭawng reng leh zui...Kan in khalh haw hnu chuan
Zami kan thlah leh hmasa te te a,tlai chaw eikhamah leng turin alo phei tur thu a sawi ve luam bawk,,,in lam kan pan hnu chuan Johana last seen chu ka en leh a,a la ngai reng,in ka thlen velleh ka call ang ti rilru in seat hnung hnengin mit ka chhing dar dar a,ka chau ve reuh takzet...
In kan thleng chu mikhualin minlo chiah piah ve tawh bawk nen,room-ah pawh ka lut lawk theilo...
A ṭhenin an bula ṭhu turin minlo au ve chhen a,ka cousin ṭhenkhat keiaia upa deuh leh naupang deuhte chuan ka mo kawr mawlh chu nalh an tih thu a khàt tawkin an sawi reng a,,,titi tur anla hre em em zui...
Keimah vang ber a hetia awm kan nih avangin han kalsawn daih nuamlo ka tive bawksi chu rilru nuam tawh zànlo chuan ka ṭhu ve reng a,a ṭhenin,,,"Zanah mopa tur alo kal dawn em?"te anlo ti thul...Inhruai ang tawp a kan tihlai kha chuan ṭhenawm khawveng hnai vai tak tak nen khan chaw eihona kan nei ringawt kha ania,a tam zawk hichuan Johana hi anla hmulo hrim a,hmuh an chàk lutuk pawh hi a awmlo hranlo...
Choka lamah thingpui lum pui tura ka va kal chuan ka naute ho chuan min zui leh dul dul tawh...
Johana lahhi ala haw emawni le?minlo call miah bawk silo...Ka rilru a kap ṭùn mai...
~~~~~~~~~~~~~~
A tawp a tawpah chuan hun thawl ka nei thei ta hram a,hmanhmawh lutukin room lamah ka chho vat,ka lu lah chu a la nà bur zui...
Ka in tihfai hma hauh chuan Johana chu ka call a,a ring kuit ṭhak,,,ka call nawn lehnghal chiah chu signal a neih loh thu a lo in sawi daih a,enge awmzia ni...Ka call nawn leh ngat pawh chuan signal a neih loh thu ngawt chu alo insawi...
Ka rilru anuam tawhlo takzet...Ka nu(Johana nu)chanchin zawh tumin ka call nghal a,vanneihthlak takin alo la nghal hlauh...
"Nu U Johana hi enge awmzia,alo haw tawh em?ka call a signal a neilo a intia"ka tih nghal zung zung chuan,"Keipawn lo call che ka tum chiah a,hei alo la haw reng reng hleinem,keipawn ka va call a signal a neilo a inti ve tho,,,i pa phei chu a awm hle hle thei tawhlo...Mikhual nen kanni nuai sia,ramah akal tih pawh kanlo hre lawklo zawk a,,,tlaiah khan Lalvena leh Sena'n tarpilu anlo dah a,'A pa Johana'n va dahru minti'anlo tia,'Khawnge amah'tiin ka zawt hlawm a,'Lui lamah ka chhuk leh lawk dawn atia,alo haw ṭep ang'an ti mai sia,ka rilru anuam tawhlo tak tak a ni"ka nu chuan alo ti a,ka awm ka dawm vang vang,,,a chungah hian thil ṭhalo a thleng a ni thei mai angem?ka duh theilo
"Vena techuan dar engzat velah nge tarpilu chu anlo dah a?"ka sawilai chuan ka aw pawh a khur deuh titih,"Sana kalo en miah lova Dar12:30pm chu a rí tawh ang"ka nu chuan alo ti vat...Khumah chuan ka ṭhu thla hnawk,ka nu chuan Jamesa leh a ṭhiante Vena leh Sena hruaiin vawiina an kalna lamah chuan an zuk chhuk dawn tih alo sawi leh a,chhan pawh ka chhang thei tawhlo...
Ka tiril thlengin ka khur chhuak nghal vek,khumah chuan ka ṭhu tawm vek a, Johana number dial chhuakin ka call leh a,signal a awmlo a lo inti leh a,mahse ka try char char tho...Ka ṭah achhuak tawh takzet...
Inhnuai lamah chhukin Puia bulah motor la chhuak turin ka hrilh a,mikhual kan ngah deuh bawknen kan nula awmpui hnenah chanchin ka nu te bula lo hrilh mai turin ka chah a...Puia nen chuan Johana te inlam panin kan in khalh chhuak vat,kawng lakah chuan a khàt tawkin ka call char char a,mahse signal a neilo tih chiah chuan minlo chhang leh
Ka hlauthawng tawh lutuk chu ka rilruin ka ṭawngṭai mawlh mawlha,Puia pawh chuan min hrethiam zetin motor chu chak deuh hian a khalh a,,,min thlamuan tumin thil a sawive ṭeuh bawk...
'U Johan engtinmah awm suh aw,khua pawh a thim vek tawh ania,khawnge maw i awm le?'ka rilru chuan ka ti mawlh mawlh...
(ZAWMNA-REAL LAST,VERY LAST
)Johana te in kan thleng chiah chu mikhual ṭhenkhat chuan minlo be khawtlai leh rih a,rilru fim put theih tawh loh nen chhan pawh ka chhang ṭha fumfe hlawmlo...Inchhungah Puia nen chuan kan inzui lut a...
Mi anlo tam khawp mai,ka nu emaw ka pa hmel ka zawng kual deuh a,mahse hmuh tur pawh an awmlo...
Vanneihthlak takin Janei ka hmu hlauhva,amah zawk chuan min rawn pan hnai a,"U Fiona,,,ilo thleng tawh maw,,,inchungah han chho nghal rawh, u chu alo haw tawh"alo tihnghal chuan ka hau in ka en,"Maw!alo haw maw?"mak ti deuhsi,hlim deuh tho bawksi thaw huai chung chuan kati a,Janei chu a bu nghat pahin
"U Jamesa ten kawn an thleng vel chiah tihah an intawk a,anlo haw nghal alawm,ka nu tepawh tunah in room lamah an awm mek"alo tih chuan,thawk la kawk pahin"Engtinnge u Johana chu a awm,a ṭha em"ka ti sep chu
"Aw,aṭha engtinmah a awmlo ,,,luiah a zuk kal leh kha lui chhak lawkah khan kan ṭhenawmte lo a awm a, buh alo seng pui daih hlawm alawm...'Signal awm lohna tak a ni sia,engmah chanchin kalo hrilh theilo che u alawm'atia"alo tih leh chuan,rilru nuam deuh huai chuan ka bu nghat ringawt...
"Ka nu in chanchin lo hrilh rawh atia,ilo kal hlauh chu a zia tak tak a ni,inchung lamah chuan han chho rawh u,i han hau hrep dawnnia,min ti hlauthlawng hlawm emai" nui pah deuhin Janei chuan a ti leh a,ka nuilui ve hak a,mahse ka lungawilo ru hlé...
Puia'n 'inhnuai lamah hian kalo nghak mai ang che'a tih avangin keimahin inchungah chuan ka chho va,step-a ka chho chiah chu Jamesa leh mipa pahnih hi anlo chhuk ve mek a,minlo hmuh chuan chanchin te minlo hrilh ve hlawm a,lawmthu ka hrilh ve luam bawk...
Kan room(Johana room)zawn ka thlen chuan lut tlang mai lovin ka ding deuh a,ka nu leh pa in an hauhna thawm pawh chu ka hre thei...
Kawngkhar chu ka kik a chhunglam aṭang chuan ka nu in minlo chhawn a,ka lut chiah chu Johana khum bula couch-a ṭhu chu rum zet hian ka melh nghala,alo la nui var zui...A la bal reuh em em lehnghal...
"Eee,hei FionaBawihtei pawh alo thleng alawm Matei'n chanchin alo hrilh tawh che em?"ka nu chuan alo ti a,min hrilh tawh thu ka sawi chuan,ka pa'n,,,"Kan Lalmawizuala chetdan mak theihzia hichu e hei kanlo hau mek alawm,ti awm anglo lutuk mai"alo ti hlak hlak
"A kal tur kha hriat pawh kan hre reng reng hleinem mi a tih mangan zia hi amah lah hian a hre der silo a e"a tih leh chuan,"Niang chu mawle,eng rilru pu in nge ramah te a kal reng reng ni,a thu hrimah ṭhenawmte buhseng lo puih daih tekha kan hma lawka kan thil tih tur nen a inmillo lutuk ringawt,,,kha i hmai tekha nì in a em út vek che alawm"ka nu in alo ti ve,Johana chuan keimah ngawt chu minlo en...
"A buaithlak ṭhin tehzawng anihhi"thaw chhuak hak pahin ka pa chuan alo ti sup ringawt tawh,"Zing aṭangin in buai em a,engmah ka sawi hmanlo a nih kha...Vena te rual pawh khan lo haw ka tum reng a,kut sil tura lui a ka zuk kal kha Pa Sawma khan minlo hmu tasia,a mitmengah khan puih a phût zia ka hmuve kar sia,nuamlo kati alawm"Johana chuan alo ti sup...
Chutah ka pa chuan chék hlak hlak pahin,"Enge anuamlo chu itih,tun hma zawng zawngin tumah i puih peih ngai loh kha...'Ka zún a thi ang'te ti leh mai mai ta che"a tih chuan,Johana chuan a lu a hiat a hiat ringawt,"Tun hma lam thil techu tunhma a mi ania"zawi sup chuan alo tive leh sepa,ka nu alo nui deuhsuk...
"Chanchin tal minlo hrilh tur che lawm,hei Fionai pawn a ngaihtuah lutuk che alo chhuk vang vang hi,,,anni pawh in lamah mikhual nen an buaive dawn tehlul nen"ka pa chuan a ti leh a,Johana chuan minlo en leh ringawt tawh...
"Huiha,engmah sawi sawi hian a sàwt thlawtlo anihhi,tihian FionaBawihi hian hau ve tawh che rawhse,,,khawmaw pi Malsawm inhnuai lamah chhuksan hlawm teh ang,inleng neuh neuh kan nei bawksi"ka pa chuan a ti ta ringawt,,,"Ni e pu Chhandam chhuk teh ang"ka nu chuan alo ti ve a,,,nupa awhawm tak hichu anni ve mawle,upat lamah pawh an infiam reng zel tehi nupa tamtak hian an tihve ṭhin pawh ka ringlo...
Ka nu te an chhuak chiah chu Johana chu a ṭhutna aṭang chuan alo thochhuak nghal a,minlo pan lai chuan,,,"Tah khan ding rawh"ka tih hmuk chuan a kallai chu a tawp chiang hle...
"Min tih mangan zia leh ka rilru hah hman zia i hria em?lungphu chawlin ka thilo chauh a ni"ka tih nghal tan tan chuan,Johana chuan..."Lo hrilh che chu ka tum reng a,mahse signal kha a awm thei silova"inthlahrung zet chuan alo ti a,,,amah chu ka melh ngut ngut...
"Ka tihpalh,rilru haha ka dah che avangin"alo tih leh chuan,"I chungah thil ṭhalo a thleng ta emaw ka ti hman alawm,ka ngaihtuah zia che kha ihrethiam phalo hial ang"ka tih leh hap chuan,ka mittui a rawn tla leh mai dawn titih tawh...
"Ka tihpalh ka duat"a rawn ti thawp leh sup,"Him dam takin in kalo thleng tawh alawm,rilru nuam deuhin awm tawh rawh"ti leh paha minlo kuah mai atum chu kalo awm hla vat,,,"Hnathawh thawmhnaw nen anih kha ila awm,inbual phawt rawh"ka tih chuan alo nuichhuak hawk mai...
"Ka kuah chàk tawh che asin mawle,anih ka va inbual vat ange"alo tih chuan,thinlung takin ka nuive thei tawh...
"Inbual vatla,kalo nghak ang che...Puia nen kanni sia chaw pawh kanla ei bawk silo,,,hmanhmawh deuh ang che"ka tih chuan,"Minlo bual maila"fiamthu zeta a lo ti sup chu kalo ner nang mai..."Ka fiamthu nihkha,minlo nghak reng rawh aw ka reilo ang"tih pahin ka biangah a rawn chuk hram...Ka nuihliam san ta ringawt
Johana inbual zawh hnu chuan inhnuai lamah kan chhuk a,ka nu leh pa ten chaw ei lovin kan kal tih an hriat avangin chaw eive nghal turin minti tlat a,ka hnial deuh ngiala Puia alo rilṭam ve tawh deuh bawknen chaw chu kan eive ta ringawt...Ka nu leh pa tih loh mikhual ho leh midangte chuan an ei tawh a...Dawhkan kan kil tawh hnu chuan ka pa in Johana chu a hauh chhunzawm leh a,Johana chuan thiamthu sawitur a neilo tih a inhriat vang nge ni,nidang anglo takin ka pa chu a chhang lem lova...ngawi rengin ka pa hauhna chu a ngaithla tawp ringawt...
Chaw eikhamah chuan Johana chuan min han thlah chho va,alo leng pah nghal bawk,,,Zami alo phei tawh bawka,Johana'n ṭhiana a hman tur Ricky-a pawh Zemabawk lam aṭang alo kalve vang vang bawk...Kan mikhual te pawh chuan Johana chu a ngainatawm an tih thu ngawt chu an sawi hlawm a,nuam kanti tlang hlawm hlé bawk...
__________________
Hun leh ni te aliam zel a,Johana nen kan inneih aṭang karkhat aliam hman chauh tihah an training result a chhuak a,Pathian leh kan chhungkhat lenrual ṭha ten min ṭawngṭaipuina zarah a tling ve hlauh a,,,Delhi lamah daih an post avangin karleh lamah hian kan kal tawh dawn bawk...
Kan inneih tak tak na ala rei vak bawk silo nen kan chhungte chu lawm viau mahse,,,an lung a leng lawk em em ringawt,kum2 dawn kan zuk awm angaih dawn avangin keipawhin ka peihlo ru hle...
Ka nu leh pa ten he lama ka hna chu chawlhsan rih tawp turin min ti a,Johana bula ka awm theihna tur anih miau avangin ka hniallo nasa,ka pa(Keima pa)pawhin phal takin ka chawlh a phal bawk a,,,kan nupa chauhva Delhi-a kan awm tur erawh a huphurhawm kati takzet...
A tling ve tih kan hriat ni khan ka pa(Johana Pa)phei chu a lawm lutuk kha a mittui a tla hial,Johana pawn a tlin kha alo inring vak biklo bawknen,kan ṭhenawmte vawkin sa alo va pui daih a,,,khami ni a kan hlim tlan zia kha chu ka theihnghilh thei tawh lovang...
Chaw eikham hnu lawk chuan inbual ka duh avangin room lamah ka lut nghal a,,,ka inthlakna tur pantie leh bra ka lak hnuah bathroom lamah ka lut nghal vat...
Vawiin chhun lamah khan thawhpuite nen inthlahnan tiin karokae lamah hun kan hmang ve a,engmah tive set set chuanglo hian ka chau ve em em tho mai...
Ka inbual zo ka chhuak chu Johana pawh alo lut der tawh,khumah ṭhuin lehkhabu hi alo bih a,ka thawm a hria chu minlo en vat...A hmui ti sawi sukin minlo pan hnai a...
Ka kawngah a rawn chelh ringawt chu,bathrobe takngial pawh ha lovin towel chauhva ka intuam avang chuan,"Khawmaw ka inthlak dawn"ka tinghal,,,chutah Johana chuan,"Inthlak lo mai rawh tihian i mawi"nuisuk pah hia a rawn ti a...
Ka lai lutuk chu ka biang a sa hat hat mai,chutah ka biangah rawn fawp pahin,"Sexy lutuk mai"a rawn ti thawp sup chu ka namsawn vat
Kalsawn mai ka tum chu ka kawngah bawk chuan alo chelh leh a,ka talchhuah hma hauh chuan min rawn fawp ta hmiah,a hmui chu a ti che kual nghal a,chhan let pawh ka chhan let hma hauh chuan a lei lum thar thar chuan ka kà chhung chu a rawn hawl kual a,chutah zet zawng chhan let theihloh pawh a ni tawhlo,,,zei thei ang ber chuan ka chhang let ve a,Johana chu ka tiphur ta sawt emaw tih mai tur a ni,a mi fawhna chu a rawn ti uar tial tial a,ka thiam ang tawk chuan ka chhanglét ve bawk...
A kut chu a rawn hlei chho a,ka mawngbawr chu duhtawk hian a rawn ṭham kual a,a kut chu sawn chho lehin ka hn*te chu a rawn ṭham leh a,towel chu hnawk a ti deuh nge a la thla ta daih,pantie leh bra nen chauh chuan ka awm tawh,,,min fawhna thlah chuanglo chuan ka hn*te chu a hr*wm kual vel a,kan pahnih chuan kan thawk pawh a dik chiah tawhlo...
Johana chuan a shirt hak chu a phelh a,min rawn fawp leh zeuhvin ka nghawngah chuan a hmui chu a sawn thlaa,ka bra a phelh hnu chuan ka nghawngah lo fawp lehin ka hn*te chu duh tawk chuan a khawih kual leh a,,,engtik laiin nge khum kan thlen hman pawh ka hrelo...
Johana chuan muangchang hian min mutpui a,ka chungah a mut avangin a hnuailam khawng ut pawh chu ka feel thei,"Ka duat ka mamawh che"zawi sup hian a rawn ti a,ka pantie chu a phelh nghal vek bawk,,,keipawh chuan ka mamawh thu chu kalo hrilh ve a,chutichuan a tih tur ang zawng zawng chu a rawn ti ṭan ta a,,,(a bak chu lo ngaihtuah chhunzawm tawhmai ru,hei baka sexy hichuan ka thiam tawhlo
)________________
1/½years Later
*Johan Lalmawizuala POV*
Ka nupui pum puar lah tawh damdawiin khum a mu chu a biangah fawpin,ka hmangaih thu ka hrilh chuan a rawn nui sen sen a,a pumah ka kut ka dah chuan a kut in a rawn hum hnan ve vat...
"Hlau miah suh aw,i bulah ka awm reng dawn ania"ka tih chuan,a rawn bu nghat,,,nizan khan a pum a nat deuh thut avangin nau nei turin damdawiinah kan lut a,damdawiin kan thlen hnu khan a pum na kha a reh leh ta daih a,tunah hian nau veina in an chiu a,a pum nat hun tur kan nghak mek a ni...
Delhi kan awm hnu thla9-naah Fionai hian nau a pai a,kan inneih ṭhat hnu thla11 tlin dawn ṭepah tihna a nih chu,,,kan fa hmasa a boral hnu khan a chhul an ziah tawh avangin Dr.Ramtei khan atan rai leh a harsat tawh tur thu kha a sawi a,mahse Pathian zarah nau a pai leh a,ka lawmna hi ka sawichhuak thiamlo hial zawk...
Tunah hian ka nu,Janei leh,ka pizawn te Delhi lam panin an rawn flyte mek a,chawhnuah chuan an rawn thlen mai chu ka ring...
"Ka pum hi a nà et et ṭan mai"Fionai chuan alo ti sep chu,"Maw!nurse kan hrilh ange aw"tinghalin cabin aṭang chuan ka chhuak nghak nghala,nurse duty ho ka hrilh chuan mi pahnihin min rawn zui nghal vat...
Cabin chhung kan thlen chuan Fionai chu thlan tuiin alo bual ṭiam ṭiam tawh a,a pum chu a dawm vawng vawng bawk,kan mi hmangaihte nà tuar lai hmuh hi alo van hrehawm tak em!
Ka nu te anlo thleng hmanlo tur chu a pawi kati takzet,nau neihna room-a an nawr luh dawn lai chuan Fionai chuan ka kut chu alo vuan char char a,"Zam miah suh aw ka duat,,,pawnah hian naute nen kalo nghak ang che u,Lalpan a pui ang che"tiin thiam leh thiamlo chuan ka ṭawng thlamuan ve luam a
"Ka pum hi a nà tawh lutuk"a aw pawh a khur dar dar,"Nangmah vang vek anihhi"thinrim deuh hlar hian sehchilh zet chuan alo ti leh a,chhan ngaihna pawh ka hrelo,ka thiam loh chu nive deuh thoin ka hria..."Nangmah zaqk hian tuar theilo ṭha tur nia"alo tih leh chuan a mah nawrtu nurse pahnih pawh chu annuive tawp,anà tih a zia deuhna anih dawn chuan tiin nau neihna room-a an nawr luh hmaa min an khumna chu ka ngaithla liam tawp...
A lut chiah emaw tih laiin minute10 pawh a ral hman lovang tihah,room chhung aṭang chuan naute ṭap rì alo chhuak a,kei pawn lam a zam em em a awm chu ka hmai ka tuai puat,ka thlan pawhin ka shirt hak a ti huh vek hial tawh...
Naute ṭap rì ka hre chiah chu kawngkhar bulah chuan ka va ding nghal a,nurse pakhat hi alo chhuak chiah bawk..."Nurse enge chan...."ka sawitum pawh ka sawi zo hmanlo
"Ka pu fanu i nei e"a rawn ti mai chu,ka lawm lutuk leh ka hlim lutuk chu ka thlarau a thlawk chhuaklo chauh a ni,ka biang a rawn lum pup nghal bawk...Ngawi teh kei hi ka ṭap em ni?
Tunah chuan Patling Johana hian fanu a neive ta,thaibawih Johana pawh nidawn mah ila pawi tihna ka nei tawhlo,he khawvel hlimna zawng zawng hi ka ta anni ta berin ka hria...
Ka hlim lutuk chu sawitur pawh ka hamhaih vek,,,"Naute leh a nu chu an ṭha maw"ka tih sup chuan,"Aw ṭha e,naute hi a len deuh vangin a nu hi a inhliam ve nual a,chumi tih loh chu an ṭha ve ve e"alo tih leh phei chuan nurse chu lawmthu ka hrilh mawlh mawlh...
Reivaklo pawn a ka nghah leh hnu chuan Fionai chu anlo nawr chhuak a,mutthilhna damdawia an chiu avangin a mutui viau bawk,naute awmna ka zawh hlawm chuan an bual thu leh an bûk zawh hnuah an rawn dah tur thu min hrilh a....
Cabin-a kan luh hnu chuan Fionai chu khumah kan muttir nghal a, a bulah chuan ṭhu thlain a kutah chuan ka chelh a,ka fawp vang vang..."Fanu min hrin sak avangin ka lawm e aw ka duat"ka tichhuak sup...
Nurse pahnihin room chhunga kan naute an rawn pawm lut chiah chu ka lo ding nghal vat a,ka va pan hnai vat bawk,,,"Kg 4.100g lai ania,fanu innei lian hlé mai"nuisàngin nurse pakhat zawk chuan alo ti a,minlo pawm tir chu ka che khawr viau lehnghal,,lungchhe zet in hlim bawksi chuan ka fanu chu ka en a,khawvel naute ka hmuh tawh azawnga naute hmelṭha ber a ni hial ang,a mitmeng a fiah reuh em em a,min hmuve thei nghal emaw tih mai tur a ni...
A hmui chu a nu hmui ang chiah a ni a,a hnar erawh keimah min chhun zawkin ka hria,"Keima fanu,ka neihchhunte"tiin a biang te taktéah chuan ka chuk zeuh...
Alo rak deuh hraih chuan tihngaihna ka hre bawk silo chu crib-ah chuan ka muttir ta ringawt,ala ngawi hmak zui ,a nu ala mutui bawksi a a ril aṭam tawh angem?tih ngawt chuan ka ngaihtuahna a ti buai...
Dar1pm velah ka nu te anlo thleng a,bawihtei chu a muhil ve daih chu mittla lo chauh chuan an nufa muhil chu ka en tawn sek,ka nu teho lah chu chanchin hrilh nachang ka hriat loh avang chuan min hau min hau hlawm a,ka lawm lutuk kha ka hamhaih ve bawk em a ni...
Ral aṭangin ka pa leh ka pu zawn tepawh anlo lawm ve em em a,Jamesa takngial pawn a status-ah alo hmang ve bawk...
Fionai pawh alo harh hnu chuan kan fanu hmel a hmu chu a hnuk te a ulh ve hial...
Fanu kan nei chu kan fapa boral ta kha ka hrechhuak lo theilo,,,ka rilruah he thu chiah hi alo awm,'Lalpan alak chuan a ai ṭha a pe leh ṭhin'tih mawlh mai hi...
Kan fanu chu a hming atan 'Esme Lalhluzuali'tiin kan nupa hming la kawpin kan phuah a,a sap hming erawh a ní Janei'n a phuah a ni
(KUM TAM A VEI HNU CHUAN TI DUAI TAWH MAI ANG AW-Mizoram)
*Fiona Lalhlumawii POV*
"Lalhluzual i nau khatin ti ziah suh"ka tih chuan,Esme chuan lei minlo chhuah leh chiam tawh,hahthlak hian aw...
"Erica kha pe rawh hmeichhia inih kha,nang chu nautelem kha khalh rawh"ka tih chuan,"Erica JCB hi ka duh lawm"a la rawn ti tan tan reuh,"Aṭah leh hma khan pe mai mai rawh,sawinawn ngai tawh suhse"ka tih leh chuan,,,"Erica techu barbie khalh rawhse pawnfen ka fen tir leh anga,ka lam tir leh dawn"alo ti ve leh,nghal em em lutuk engtinnge maw tiang fanu hi ka hrin theih ni...
Tunah hian fa pahnih lai Esme Lalhmumawii leh Eric Lalrinawma kan neive tawh a,kan fa pathumna tur thla4 mi ka pai leh mek bawk,Pathianin mal min sawm a inhrang changin chhungkua kan in bengbel ve tawh bawk...
Kan fanu Esme hian a pa a chhunin hnial khan a hre reuh em em a,aṭawngthei lutuk hi kan chelh mawlh lo a ni,kum5 lek ni mahse kum5 miin a tih theih loh tur pui pui hi a ti thei a,a ṭawng a fiahin ṭawngkam lah a thiam em em bawk,kan sawitir chawp tehi a àng mah ṭhin...
"Ka fate u,apa kalo haw eee"rawn ti lut tu chu tudang an nilo Johana leh bawk a ni,a hna kal tehi chhun chawlhah alo haw thul,chawlh apiangin alo haw a ni ber e...
Esme chuan a pa chu ava pan nghal a,min hek nasa leh tawh ngang mai...Hmeichhe naupang mah nise a harh dan hi ropui tak a ni a nau Erica hichu zezawi tak anih avangin an infiam dun apiangin a nau hnar a tih thi lo leh a ti ṭap ziah lehnghal,,,a pa bulah lah hian a fel thei em em a,a ní Janei hian a ṭan em em bawk...
Kg-1 a zir ve mek a,zirna lamah chuan aṭawng theih em avang hian a ngaihtuahawm loh khawp mai,pencil a heh deuh tih mai loh chu,,,nitin pencil thar a keng ziah a,ava zûm zo vek zel a ni chawk ang a chang phei chuan a zúm na chiah alo hawn ṭhin...Api leh pute ho lah hian an tu hmuh hmasak ber anih avang hian an duat em em mai si a,hauh pawh hi kan hau ngam meuhlo,an duatsual a ni ber e...
"Apa anu'n hetah ka lu ah hian min beng"a pa bulah chuan a ti leh ta nge nge,Erica hmai hruk pahin,"Lalhluzual khatin i pa bulah dawt dawtin min hek ziah suh"ka tih chuan Johana chu alo nuisuk..."Aaa i la thutak thei emai,bawihtei techuan a tive mai mai alawm"tih pahin a fanu chu a hnarah akhawihsak zeuh...a ṭan ṭhin sia e
"Kha lem,,, ka bag-ah hian i thil duh deuh a awm ania i nau nen va ei rawh u"tiin Johana chuan Esme chu a bag chu a pe a,,,"Erica chu tlem te chauh ka pe ang"Esme chuan ala ti hram zui...
Choka lama an pafa hova ka pheisan daih hlawm chuan,reilotéah Johana chu alo pheive a,"I fanu hi i tisual vek tawh,engkimah hian ṭan ṭhin suh"ka tih nghal chuan ka kawngah minlo kuah pahin,"Thinrimna tur hi zawng reng ṭhinlo la Bawihtei nu"dam zet hian alo ti a..."A thinrim loh theih loh anihhi,vawiinah pawh 'kan ṭhenawmte zawhte ball atan ka hmang' atia,alo vawm thi ṭhak alawm azahthlak zozai lutuk"ka tih chuan Johana chu a nuih a zà ngang mai...
"Ka fanu duat ṭhin hichu aw,tinge maw zawhte te ball-ah alo hman àwww,,,"a ti vung vung ringawt...Hmani deuh khan ar note ho pawh chawhtawlhah varak emaw tiin tui alo chen tir hlawm a,an ti thi vek...Hmeichhe naupang mah nise rapthlak tak a ni
"Pi Rini lah hi engtikah nge hna alo zawm dawn ni karleh lam aṭang chuan damdawiin kal leh ka ngai dawn tawh ania"(Pi Rini hi kan awmpuinu a ni)ka tih chuan,,,"An chhungkua an buai ve rih em a nih kha,chutia damdawiin lamah an mamawh tawh viau che chuan chawlh ka la anga keiman naupangho techu pi Rini lo kal theih hma chu ka awmpui thei reng alawm"alo tih chuan,,,thaw hak pahin,"Chutiang pawh chuan kan tih angai maithei a ni"ka ti sap...
Tlaia chaw kan eilai chuan Erica chu ka barh mawlh mawlh a,Esme leh a pa chu an ti ti leh nasa tawh,"Apa Miriami nu in i pa chu i nu thu a awih bawksi,a thaibawih emai a ti che"ti a a pa a hrilh deuh ser ser chuan kei kalo nui tut tut,Johana chu angaihdan a ni vaklo nge ni...
"Miriami nu in i pa chu a thaibawih emai a ti maw"Johana chuan a ti a,Esme chu alo bu nghat nghat,"A tih leh hunah chuan,'Nia apa chu thaihbawihJohana alawm anih'ti tawh rawh aw"tih chuan a fanu té chu a hrilh leh a,Esme lah chu phur em em hian alo bu nghat nghat...
"Nupui te chhiahhlawh emaw ti a an chunga lal hrawt tlat tum pasal,inchhungsekrek khawih avanga pa lo ta viau a inngai,inchhungkhura chet vel chu hmeichhe tihtura dah tawp leh kutthàk hiah nana mahni nupuite hmang ṭhin mi ka nih loh avanga thaibawih minti anih chuan pawi ka ti reng renglo,'thaibawih Johana'ka ni mai ang"minlo en paha alo tih chuan a thusawi chu ka ngaihtuah zui vawng vawng mai...
Chaw eikhamah chuan an pafa in anlo inhnial leh char char tawh,an inṭan ṭhin viau e tilo hian an inhnial peih ber lawi a,tu amah hi tlawm an tum ṭhin silo an buaithlak ṭhin teh ania
"...'Bible-ah pawh naupang te u,Lalpa ah chuan in nu leh pa te thu zawm rawh u,chu chu thil dik a ni si a',tih anih kha chuvang chuan thu i awih loh chuan Pathianin a hrem dawn che"U Johana'n a tih chuan Esme chu angawi deuh vang vang,,,chutah a ṭawng tawh dawnlo emaw tih hnuah,,,"...'Tin nangni pate u,in fate tithinur suh u'tih pawh a awm ve tho kha"alo ti sep reuh a nih chu...
U Johana chu a dang chiang hlé,keipawh chu ka nui tawp,"Chutiangte engtinnge i hriat"ka tih chuan,"Apu'n min hrilh vek alawm"alo ti sam ét leh nghal,ka pa(Johana pa)hian a awm nasa ṭhin a,a pu thil hrilh lah hi a hre rei thei em em lehnghal,"I pu lahhi thil nilo pui pui hi alo hrilh ṭhin che a"Johana chuan a tita ringawt...
Kan fate hi a ṭhen chu hmun tihnawk reng tu,ṭawngthei tak,ṭhiante thuhnuaia dah tum tlat,in hauh nikhuaa a tlawm zawka ṭan tum miahlo lunglian tak pawh an ni thei...Mahse,engtikah emaw chuan heng an mizia tehi an mahni tan huai taka an din ngamna pawh a ni thei,mahni tana aw nei ngamlo tan 'Àw'an neihna tur pawh a ni thei...
Nu leh pa ṭha nihna hi kan fate tan khawvel nuam lutuk sawiselbo kan siamsak lam a nilo, he khawvel famkimlo tak an mahni ngaihlu chunga,hmangaihna,dawmkanna nen a him taka awm thei tura kan enkawl hi a ni...
Fanau enkawl ṭhat tehna hi naupang nungchang chiah a ni lova,nu leh pa nungchang pawh hi a ni tel bawk a ni...
Nu ka nih hnua ka thil hriatchhuah leh ka hriatchian tak em em pakhat chu,'Nu nihhi rawngbawlna field a ni'...Pathianin i rawngbawlna kha angai pawimawh a,Pathian rawngbawlna remchang ṭha ber chu i fate i enkawl ṭhat kha a ni...
Dar9pm velah chua lehkha pawimawh ka en fel chhungin Johana naupang ho an room lamah a mutthilh tir a,,,ka enfel zawh hnu pawh chuan alo la pheilo...
Ka nghak deuh reng a,mut ka tum ut ut tawh chu Johana chu alo lut chiah,"An muhil ta mi?"ka tih chuan,"Bawihpuia zawk chu a mutna rei tawh,Bawihtei mu duh lawk leh tlatlo va"alo ti mai a,khuma ka mut hnu reilotéah ava inphih faia,alo muve vat...Hetia fa pahnih ngawt neih hnu phei hichuan nupa in hunthawl neih a har ṭalh tawh...
Johana chuan minlo kuah chial a,a rimtui inhnawih chu ka hip lut vang vang,ka pum chu a rawn khawih a,"Mipa nge hmeichhia anih irin?"alo tih sup chuan,"Ka hrelo le,mipa nge hmeichhia i duh"tiin ka zawt let a,"Pathianin min pek ang ang a ni mai,a rorelna tehi sawisel thei kan ni hleinem"tih pahin ka chhipah a rawn fawp zeuh..."Pathian hichu a ṭha a ni tiraw"ka tih sep chuan...
"Ṭha rehreng e,chhungkaw duhawm ber mai min pe a...ka lawm e tih bak a hnenah hian sawitur ka hrelo"Johana chuan alo ti vat...
Harsatna tam tak pawh kan tawk ve a,mahse khang kan harsatna tawh zawng zawng tekhan kan pahnih inkara hmangaihna awm kha a sawinghing pha lova tun dinhmun hial hi min hruai thlen phah ta zawk a ni...Ka ngaihtuah ṭhin a Johana nena bul kan ṭanna kha chu ho té a ni,mahse kan kara hmangaihna erawh a thûk lutuk tlat
'Hmangaihna diktak chu engvang pawhin in hmangaih ila,a chhan chu ho viau mah sela,chu hmangaihna chuan damchhung a daih dawn phawt chuan chu chu hmangaihna diktak a ni...'
"Ka hmangaih che Bawihtei nu"ka hmuiah rawn fawpin alo tih leh sup chuan,kuah let vawng vawng pahin,"Keipawn ka hmangaih che bawihtei Pa"ka ti letve vat...
*~A TAWP TA~*
Awi sawitur hi ka van ngah tak,a tir aṭang a tawp thlengin he story hichu ka regu thei mawlh lo a ni e,,,sei thei ang ber a ziah chàkin duh viau mah ila ka hun neih danin a zir miau silo va,nangni pawn a awm anglo intive viau ang,keipawh hian ka ti,,,board exam tur ka nih avangin hostel-ah ka awmlo bawknen lehkha zir lama insawrbing ve tak tak ka ngai tawh a,tihian tum loh deuhin ka kai tawi ta tawp anihhi,tunah rih chuan ka chawl vang vang tawh dawn a,board exam zawh lamah story thar nen ka rawn let veleh chauh tawh ang,minlo la hreve reng ula aw...Tihian ho deuhin ka titawp ta tawp a,in mi ngaihdamna pawh ka dil tak meuh meuh e...Nghah ka ngaihin minlo nghak ṭang ṭang ṭhin a,a changin inthinrim comment lama inlo hrithla ṭhin tehi ka story in ngaihhlut vezia ka hriatna pakhat a ni a,ka lawm takzet sawingaihna pawh ka hrelo hial zawk,,,heti em em hian Johana hi inlo duh hlawm hi ka ringlo hrim hrim...
Engpawh chu nise Board exam tur ka ni bawknen,story ziah pah nen chuan a inrem lo lutuk a,hun ka nei tawh thlawtlo a ni...In vaia chungah dawhtheihna nen minlo nghah ṭang ṭang ṭhinna avangin ka lawm a,kei ngei pawh hian ka hun neihdan hian han zir deuhse chu he story kher kher hichu sei thei ang ber tura han twist kual vel ka chàk lutuk takzet...Mahse engkim tan hun ruat a awm ṭhin ang hian tihian hlim takin tawp mai ang u aw...
A tawpna tak tak a ni ta bawk a,comment ngailo tepawn minlo comment sak ve ṭheuh dawnnia,in kawng hruaitu Lalpa lo ni zel hlawmse,hriselna ṭha leh damna ṭha lo nei zel ula nakinah kalo kir leh hunah ka story ziah minlo chhiarsak leh ṭheuh dawnnia...
Comment-na tur link
https://www.facebook.com/groups/9913546 ... 116257641/