Chapter - 2
"Awi awi awi....ka ei thlawtttt lo, most nih tak avang mai a khatiang a han in chelek vel te chu, ka engah mah a thawk thlawttt lo e" anchhuak chiah tih ah chuan Mimite-i chuan ti pahin ngaihsam hmel zet in khumah chuan a thu thlawrh pah a.
"Hahh...tun a Tanga khatiang annih chuan anva tawrhhlelh awm dawn ve le" khisuk in Lawmi chu a khumah a thu ve pah.
"Most vek maw tuna mite kha" zawhna ngah tih hriat zetin Mimite-i chu ka melh a.
"Nilo senior chu pathum an telve kha, Sam sen leh thaulam thil sawitu ber kha SU hruaitute zinga mi annia, days scholar ho an tawrhhlelh awm zawk mai thei" Lawmi zawk chuan kuttin khawih neuh neuh pahin alo tifel at mai, Mimite-i nen chuan Alam kan hawi phei nghal a.
"Engtin nge i hriat a..!! I hre tawh thin a mi?" Mimite-i chuan alo ti nghal thuai a.
"Ka u senior thin te annihkha" in sehchilh deuha a tih chuan a hmel te chu thinrimna in a khat a, kan zawh belh a hlau ani chek ang chu a puan chu siamtha sawk sawkin a mu nghal daih, zawh belh leh chi ni tawh heklo le Mimite-i nen chuan ngaihna hriatloh hmel deuhin kan in en dun ran mai.
"Mu ve mai ang, naktuk thawh hma a ngaih kha" a mitko ti San ak pahin Mimite-i chuan alo ti a, kalu chu ka buk khum ve nghal mai bawk.
Ka mu theilo chu ka tal kual sek reng mai, ka phone a Sana ka en chuan dar 11 chauh alo la ni. A reh tlawk tlawk mai bawk sia ka phone chu ka khawih leh zeuh zeuh thin a ka mu theilo chuan in, ka lu chung chiah a tukverh awm chu a in hawnsa deuh avangin thu chhuak pahin ka Dak chhuak a, boruak chu a thiang tha khawp mai thli tlem in a thaw deuh bawk a, arsi pawh an eng uar mai thla tlem a lang tel pah bawk a. Ka lu chu nghatin boruak te chu ka hip deuh vang vang a.
Ka thlang deuh ah chuan light eng deuh zawk zawk chu ka hmu a, mihring kal anih mai hmel a la tlai chhe viau lo na in tun anga pawnlam a chhuak annih hrim hrim chuan thil tha lam chu anih ka ringlo sa nghal pang mai. Ka awmna lam chu alo hnaih tawhlo ka dinglam ah chuan a inher leh ta zawk a, mithil tih a ruk emaw ruklo pawh nise min hrilh hre tawp te anih loh chuan hriat chakna emaw hriat ve tumna ka nei ngailo, mahse tun tum chu enruk chakna chuan min tuam tlat nia, khum atang chuan dimtea tho in ka kawrlum khum bula ka dah chu ka ha tha sauh sauh a tukverh ah chuan ka lawnkai nghal, a San zawng pawh hrelo chuan ka zuangthla thawih mai, alo sanglo hlauha dim thei ang ber chuan eng awmna lam chu ka pan a.
Ka hnaih deuh hnu chuan an thawm pawh ka hre pha tan ta, hnaih deuha awm ka duhloh avangin thinkungte awmna ah chuan ka biru nghala, anlam ka zu hawi chu anlo in fawp lai hi alo ni..! tunge annih tih pawh ka hre theilo an hmel chu alang Chiang thei bawk silo. Thildang daih emaw tih laia mi infawp lai en tur ringot a ka kal chu zialo ka ti khawp mai. Dim thei ang berin room awmna lam chu ka pan leh nghal daih a.
Tukverh bul ka thlen chuan ka lawn chho leh thei ta hauhlo mai a thim bawksi light engmah ka keng silo nen. Ka bul vela thil awm ang ang chu ka dap ruk ruk mai a, lungtum Lian lampang ka khawih fuh chuan rahchhan tur chuan ka dah rem nghal a mahse, kala lawn thei chuanglo chhuklam a awlsam in a San loh tehreng nen. "Enge i tih" zawite a lo phun sepin alo tih ri ka hriat chuan ka hawi chho nghal vat a.
"Mimite" ka tinghal alo ei ve nghal bawk a. "Minlo pui lawk teh ka chho theilo a" ka tih chuan a kut chu lo dahthla nghalin vuan Turin minti a, kalo vuan ve nghal mai bawk a tha theih tawpin min pawt chho a.
"Enge tun angah te i tih a?"
"Ka mu theilo a, ka chhuak mai mai, engtin nge ka chhuak tih i hriat a" a chhan pawh ka hrilh lo hawkdak minti lutuk palh ang tih ka hlau.
"I thawm kha a hriat em a lawm" ka theih tawp a zawiin ka che in ka hre ve sia.
"I thawm chu a ring hranlo mahse ka ri hriatna hi a tha ve hrim hrim a" ka rilru a zawhna chu a hre thei emawni.
"Aniang ka thawm pawh ka zawih khawp kha, i hriatna atha hrim hrim anih chu" thildang min zawt hranpa tawhlo bawk a, tiin a vawihnih Nan in mangtha in kan mu nghal a.
"Get up..get up" kan kawngkhar chu alo insawi dawt dawt mai, harh loh theih pawh anilo Sana ka en nghal a, dar 5:30 chauh alo la ri zan ka mu thalo bawk nen ka Luna bur mai kawngkhar lah chu alo la sawi reng lehnghal ham Bai Bai a tho chhuakin kawngkhar chu ka hawng a.
"Inva tho theilo bik ve, inthiante chu an tho vek tawh inphihfai vat ula dinning hall ah inlo kal donnia" nizan a most te zinga lo tel ve tho chuan alo tia, tu a te mah hi an nelawm loh hlawm hle mai.
"Enge kan tih dawn ala hmat tehreng nen" Mimite-i chu phak tawka lo thu chhuakin a Sam chu a tuai neuh neuh pah a.
"Ka hrelo dining hall ah kal Turin mintia" ka puansin chu ka thlep tha nghal sawk sawk a. Lawmi pawh chu a tho chhuak ve nghal a kan inphih fai nghal sawk sawk kan room a bathroom a awm nghal avangin a zia phian mai.
A dining hall sawi pawh chu a awmna kan hrelo, midang ho lah chu anlo awm tawh bawk silo, "enge inla tih kal vat ta che u" kan hnunglam ami chuan alo ti kan bul chu alo thleng ve nghal thuai bawk a, mizotawng i thiamlo mi minti tupa kha alo ni.
"Hall awmna kan hrelo alawm" Lawmi chuan alo tive nghal a.
"Minlo zui ru" a hmalam chu a pan nghal a, a hnungah chuan kan zui ve nghal mai bawk kan chhak chiah in awm chu dining hall lo ni renga kan hrelo mak khawp mai. A chhung kan lut chu anlo hawi phei thap mai, inhmu ngailo kanni hlawm bawk a hmelthar hlir chu anlo ni rin aiin kan tam reuh phian bawk. Thutna awl awm ah chuan kan thu nghal a.
"Le tuna kan in kauh khawmna chhan chu, thil pawimawh tak sawi tur a awm vangin a ni. Inngaizawng te in awm tan dawn tih kan hria chu chu khap bur a nilo, mahse zanah te in hmuh falloh tur tiang chuan zir chhuak lo in inrai chhuak nghal pawp pawp mai dawn a sin" samkira kha ani.
"Eee,..zan a inhmu fal an awm hman maw..! Zawn chhuah mai chi" tih ang reng te chu anlo sawi nghal an bengchheng chul mai.
"Lo ngawi lawk Ula, in ngaihzawn hi khap ani a mahse khap bur theih pawh anilo, in ven sen pawh a ni chuanglo mahse hostel ti hmingchhe zawnga Chetloh tur a ni, nizan lama lo inhmu fal tekha inpuanna hun ka siamsak ang che u. Mahse in inpuang duhlo anih erawh chuan kan chhuichhuak dawn tho che u a, a hremna a na viau thung ang" inti thu fahran chuan a ti a, a hmelte nen zawng zawng pawn a thutak hmel ngang mai.
"Ni e, inpuang nghal Ula a tha ang day scholars hoin anlo hre leh anga hostel a hmingchhe dawn tlat, chuan hostel chhunga thu leng vak reng reng hostel pawnlam hrim hrim ah a chhuak tur anilo" Sam seni chuan alo tive nghal bawk a.
"Calling vawin a neih hunah pawh hostel ho chu thuawih taka awm theuh tur, chuan hmeichhia ho kha in pawnfen kha mal a pel thui tur anilo ang mal no kha pelh tir loh tur ani ang, a bak chu calling ah kan sawi chhunzawm donnia" an chhuak darh chiah chu kan thaw nghal hluai mai.
"Calling a sawi leh tur tho si chu, min kaitho loh mai tur hi a nia an over thei hlawm bawksia" Mimite-i chuan alo tinghal mawlh mawlh.
"Tiang bak tih theih an nei hleinem, class hour ah thu annei ve tawh bawk silo a, tute nge maw lo in tep ter leh hman tawh ni" hmui ti sawi zeuh in Lawmi chuan a kut alo kuangkuah than pah a. Mimite-i nen chuan kan in mitmei zeuh pah nizan ka hmuh dun tekha Anni tih chu ka hrethiam nghal mai a.
Hmeichhe pakhat hi kawngkhar bulah chuan 'chaw a ei theih tawh e' tiin alo au a, kan cook tur anih ka ring ve nghal mai bawk. Chaw leh chawhmeh te chu anlo hung lut nghal mai bawk a, midang anlo kal tam hma in tiin kan dawh nghal thuai a. Kan chaw eitur ka hmuh chuan ei a chakawm loh khawp mai dal hâng, alu chhum nge kang tih pawh hriat mangloh leh chaw hmin thatloh hmel deuh mai hi ani a, ka tah te chu a tichhuak hial zawk ani.
"Ei mai mai rawh u, peihlo eng ang mah ula ngaia inla neih tho tho angai dawn" Mimite-i nen chuan min entawn Zak Zak pah a, ni e ngaia kan neih ala ngai dawn tho sia tiin ka eilui a mahse, hnawh luih chu a har ngang mai a tuilo tih hian a sawi fiah zolo ni berin ka hre hial ani. Bar3 bak chu ka in tawlhlui thei nganglo Mimite-i pawh chutiang bawk Lawmi ve thung chu a hap bawrh bawrh mai.
"Killer saw a chhelo eee" e atih lai tak hian a thlúk vak pah khera kan hmalam chu hawiin a thlek ngawih ngawih pah a.
"A hminga tang reng renga mi mak" a chaw bar lai chu a chawl zeuha.
"I u khan engtin nge a duhloh theih zawk le, a chhiatloh tehreng nen tiro Zonun" Mimite-i in alo tih chuan ka hawi a heu mai, "tu maw chhelo" ka ti haw mai a.
"Aw saw sawlai chaw dawh mek saw" a dinna chu a kawk zeuh pah a.
"Beram a ang e, a Cher si a sang bawksi a Sam ala kir tel lehnghal, bêê atih duh hmel emai" Lawmi bawk chu a ni Mimite-i chuan a melh no lo khawp mai.
"Duhzawng a in ang vek hleinem, khatia sawi kher a ngailo, i u kha eng ang mi nge anih a duh zawng kani ve angemle" a sawi zo deuh chauh tih chuan Lawmi hmel chu a inthlak nghal thuaia, nuih zalo tih hriat takin a khisuk ringot.
"Ka u maw? Hmeltha fel leh zawiawi tak mai ani, mite pawisawi hreh em em mai ani a. Tichung khan mite chuan anla demin an sawi chhe fo tho zel" a sawi zawng chuan a inhnit leh feih thin a. A sawi awmzia chu ka hrethiamlo khawp mai alo kal ve tawh thin anih te ka ring ringot ka hriat ngai leh inzawmna nei thil hriat ka neih bawk siloh avangin hriatbelh tuma zawh belh chu ka tum buailo.
"Hei i emotional lehnghal ringot tawh a nia" Mimite-i nen hian an in man deuh riau, hriat a nei ani chek ang chu.
Class kal tur chuan kan insiam tana, Mimite-i leh Lawmi chu make-up pawh an inhnawih duhthawh khawp mai, mahse an inhmeh phian lehnghala. Anni angin make-up hmang uar ve ila chu ka inhmeh ve kherin ka ringlo, hil lutuk a ka lan bik loh Nan tiin make-up chu ka hmang ve a, ka inhnawih vak ngailo bawk nen mascara, lipstick sen lutuk lo leh BB cream chu ka inhnawih a ka zo der.
Kan insiam zawh hnu chuan dorm chu kan chhuahsana, kan department awmna tur lam chu kan zawng kuala Lawmi chu department hrana a awm avangin akal hrang nghal a, kan room tur kan thlen chuan mi anlo awm thup tawh anlo zi nuai nuai mai a then minlo en hrek hrek hlawm pawl anlo awm bawka, a hma ber dawttu lo awl ah chuan kan thu nghala thutna hi mipahnih leng tawk lekin a awma a zia phian mai.
Kan thut hnu deuh lawk chuan in mipakhat hmel fai vengvawng hmuhnuam tak mai, Mimite-i sawi atan chuan a chhelo hle mai tih tur hi ani a. "Awiii Ava chhelo tiuh teuh ve" ka rin ang ngeiin alo ti. Kan piak chiah thutna awl ah chuan a thu ve nghala, hosteller leh day scholars pawh kala hre hranglo Mimite-i lah chuan 'awii a chhiatloh zia saw' a ti leh sek tawh mai.
Hmeichhe pakhat hi lehkhabu kengin alo luta kanlo ngawi thap mai, 'kei hi in physics teacher tur ka ni a Miss Ellie tiin minko thei ang, vawin chu introduction neih Nan kan hmang phawt anga, a hmasa in attendance kan lam phawt ange' a lehkhabu ken chu a keu zeuh pah a.
Kan hming alo lam ve hun tur nghakin kan Beng kan chhi kar hlawm mai, rin aiin Mimite-i nen kan hming Alam har phian mai hming zawng zawng Alam Kim deuhthaw tawh a Zohlupuia tih hming Alam chuan kan piah chiaha thu hmelfai veng vawnga chuan alo present a, a dawt leh chiah chuan ka hming alo lam ve ta nge nge a, Mimite-i chu a tawp berah alo lam a.
'My name is' a tang chuan bul kan tan a, a tawp khar nan 'Where do you see yourself after 5 years' chu kan hmang leh a, chhanna nuihzatthlak tak tak pawh a awm nawk mai rin aiin anuam reuh phian bawk a, kan Miss chuan boruak Siam a thiam reuh zek mai bawk.
Chawhma lam chu introduction neih Nan kan hmang Tluang thak mai, afternoon hi enge a an ve dawn ni Lunch break kan neih avangin kan institution canteen ah chuan kan inhnawih tawng tun a, Mimite-i nen chuan a thlanglam tukverh bulah chuan kan thu a, eitur chu kan order pah nghal a, kan senior, Most lo lut ve te chuan min en hrek hrek hlawm mai, an pawi kan sawi ta emaw tih mai Turin min en hlawm a. Kawngkhar lam chu Anlo Ri hluk maia Mimite-i nen chuan kan hawi phei nghal Kan most Killer leh kan class ami Zohlupuia tihpa kha anlo lut Duna, Killer zawk chuan a dar ah alo kuah luta kanlam chu lo hawi phei zawk pahin kan awmna lam chu anlo pan pah bawk.
"Awi minlo pan hnai ania" a phur leh hlut tawh, Lawmi te chu anla ban veloh avangin Mimite-i nen chauh kan thu a. "Kanlo thu ve mai" Killer chu ani, kan chhanna pawh nghak lemlo chuan kan dawhkan chu minlo tawmpui ve nghala. Mimite-i lah chuan ka mal alo sik peka ana ka ti chuan ka chhuak zawk mai, kan bula mite pawh chu a thawng ani ang chu anphu deuh zawka.
"Manner inva hrelo ve" hmeichhe pakhat hi kan thutna bulah chuan lo kalin vin deuh takin alo ti ringawt a, kan hawihai khawp mai. "Heilai hi inthutna hmun tur pawh anilo, sawlai kawngkhar bulah sawn va thu rawh u aw" a rawn sawi dan chu engah mah min ngaihloh hmel ngang mai.
"Canteen ah thutna bik a awm ngai ka hrelo tlat" Mimite-i chuan alo tih let khum ve a, chunu lah chu a thinrim hmel Mai sia.
"Manner inva hrelo ve senior te min chhan ngam a..!" A pawr mai sia, kan bula mipa pahnih thu te pawh chu inrawlh buai antum loh hmel.
"Manner lam anih ka hrelo, canteen ah hian thutna bik a awm ngailo ka ti mai ani" atih leh lai mek chuan midang chuan kan awmna lam chu anlo pan ve nghala, "Daphne enge thleng?" Hmeichhe lo kalte chuan anlo tinghal.
"Hei junior mai mai hian min chhanglet ve ngam mawle" a sawi dan chu min thamlo kher mai ka thin chu a khei ve zawk bawk, mahse buaina tam zawk athlen ka hlauh avangin insum thei zawk nih chu a finthlak zawk ani. Mimite-i chuan chhanglet leh tuma a kà a an lai chuan " chhang buai duh tawh Suh" tiin zawi sapin ka tia.
"Enga..!! Engmaw i sawi kha?" Ka hmai chu a ri thlawrh nghal bawk a.