KA ṬHIANNU PA CHAPTER 5 (Zawmna )

Episode kal lai dah luhna

Moderator: writers

Lalruatfeli kawlni
Posts: 168
Joined: March 11th, 2022, 11:52 pm

KA ṬHIANNU PA CHAPTER 5 (Zawmna )

Unread post by Lalruatfeli kawlni » March 23rd, 2023, 6:32 pm

Ka thiannu pa



Chapter 5 .



Exam zo tawh bawk a regular tum ang aw .






"Ka lawm lutuk aw Zo " min rawn kuah ani ang hi ṭhian ka tawng lo ang ti ka hlau khawp mai ,roomah kan luh chuan kawrfual hi min rawn pe a ,a hak tur a la chhuak vel leh an inang chiah anih a ,'Ka lo design tir a ,i hriat loh laiin rin aiin i inhmeh phian zui ' a nui a ,keipawh hian ka inhmeh ka ti takzet ,a pheikhawk sang ka bun tawp a , inhnuai ah kan chhuk chuan min rawn en ṭhup hlawm a .



"Mawii " mipa pakhat hian Mawii alo koh tak vang chuan 'Ka rei lovang ' ti sep in chupa awmna lam chu a pan ta daih ,tumah hriat ka neih loh vang chuan ṭhutthlêngsei ah chuan ka thu a ,midang ho chu an lam hlawm a ,an lam lai chu ka en reng lai chuan ka bul lawkah hian mipa pakhat hi alo thu a .



"I va mal ve a " atih sup chuan 'Nia ' ka ti ringawt ,kan ngawih dun reng lai chuan 'Tu nge i hminga ' ka hming chu ka sawi ve mai ,'Ruatdika ' atih sup chuan lu ka bu nghat ,a hmel ka han en chiang a rin aiin alo hmeltha phian ,tlangval fresh tak chu anih ka ring ,fanta a keng chu a in leh zeuh thin sawi tur lah chu a vang bawk si chutia kan ngawih dun reng lai chuan ,'I number min pe thei em ' ka va melh rang chiang tak .


"Ka number maw ..." mak ti zet in ka en ,anih lah chu a nui suk zui ,'Aw number ka hre duh a ' nui reng chung chuan ati a ,ka number chu ka sawi ve mai ,'Nakinah ka lo bia thin ang che ' a ṭhut na aṭang chuan a tho chhuak in a ṭhiante awmna lam chu a pan a ,Mawii lah chu a rei phian zui .






Boruak ka ning lutuk vang chuan corridor ah chuan ka chhuak a , boruak chu ka hip vang vang ,ka taksa chu a dai sawng sawng in ka hria ,chuta ka awm reng lai chuan 'Zo ' Mawii chuan min rawn kuah a ,'Zo ka rilru a na lutuk ' ṭap feih feih in min rawn kuah hnunglam ka hawi chuan Mawii awmdan chu a dik lo ti ka hre nghal ,'Natinge i thawmhnaw-te chu ' a kawrfual chu a thlêr hnuâng a min rawn melh in 'Tu emaw in min pawngsual a tum ' a mittui chu a luang tla leh ka kuah vat ,'Tu nge ' ka aw chu thunun ka tum viau .



'Mawii min hrilh rawh tu nge chu chu sawi vat rawh " ka ti tak sek ah chuan min rawn melh in ' Zo a hming chu ka hre lo mahse a hmel chu ka la hria thei ang ' inchhûng ah chuan kan kai lut a mipa pathum leh hmeichhia pahnih vel chauh an awm tawh a ,'Tu ber nge ' a kawh na lam ka en chuan mipa leather jacket a ha leh sang zet hi ani a,a lam chu kal mawp mawp in a hmai ah chuan ka beng ṭhuai ,midang ho te chu a thil tih lai chu an tawp hmak nghal a ,a reh hian a reh tawh hle .



"Engvangin nge ka thiannu ilo pawngsual i tum a maw police ka phone dawn khawp mai " tiin phone chu ka bag aṭang chuan ka la chhuak , a thil sawi vang chuan ka thil tih lai chu ka tawp ,amah chu ka en 'Engmaw i sawi ' thinrim zet chuan ka ti .


"I thiannu khan maw min thlem hmasa zawk" a hmai ah chuan ka beng leh pawp 'I va zaktheilo ve ' aw khur der der chuan ka ti a ,Mawii hian mipa a thlêm ngai lo hepa hian dawt a sawi chiang lutuk tlat ' I ṭhiannu kha zawt la ' Mawii lam chu ka hawi chuan lu alo thing vak vak , 'Ka ṭhiannu hi ka hre chiang lutuk tlat nang hian dawt i sawi mipa hi e a thlem ngai lovang ,Pa Sanga alo thleng ṭep tawh ang ka hrilh dawn khawp mai ' ka ti ta tuar mi dang ho lah chu min en zak zak ,chupa lah chu a nui mai mai zui ,Mawii lam chu ka pan chuan min rawn kuah in lawmthu min hrilh mawlh mawlh nghal , reiloteah Pa Sanga pawh alo haw a .



"Pa " Mawii chu a pa chu a kuah ,a ṭap nghal a ,Pa Sanga chuan a fanu ṭap tih a hriat chuan 'Natinge ' ati sup ,Mawii chuan engkim chu a sawi a ,Pa Sanga chu a rum ngut thin ,chupa lam a hawi chuan 'Ka fanu pawngsual i tum amaw ' a hnek pawp a ,chupa lah chu leiah a mu reng Pa Sanga chuan police a ko nghal a ,midang ho a haw tir hlawm a ,Mawii chu a ṭap bang thei lo riak turin min tih tlat vang chuan ka nu leh pa thil awm dan chu ka hrilh nghal a ,'Ava pawi ve aw riak mai rawh ' ka pa in ati a ,khumah kan mut dun chuan 'Zo ka awmdan hi ka hrethiam lo ka thianghlim tawh lo in ka hria ,a kap ah khan pet lo ta ang ila min pawngsual hrim hrim ang ' tiin min rawn kuah , ' Engmah a thleng lo ila thianghlim reng alawm ' ka ṭawngkam thiam ang ber chuan ka thlamuang ve a ,thil dang sawi pui in kan nui dun leh thin .



Zing kan thoh chuan alo tlai tawh ang reng ,intifai in inhnuaiah chuan kan chhuk chuan Mawii pi in Mawii chu alo kauh vat ,' Kan awm loh avangin tihpalh aw ' a pi in ati mawlh mawlh a ,'Pi a ho lutuk ' Mawii chuan alo ti vat ,a pi eirawng bawl lai chu Mawii nen chuan kan pui dun a ,dar 9 velah chaw ei kan siam a ,Pa Sang hmaah tak chuan ka ṭhu bawk si chaw pawh ka ei ṭha thei lo ,natinge Pa Sang bul hnai ah ka awm apiang hian ka lo zak reng thin le ,a hmeltha leh a chhelo tih chu ka hria mahse ka ṭhiannu pa han duh chu ati dik thei bawk si lo .



Vawiin chu colloge kan kal lo chu Mawii nen chuan kan leng dun a ,rin aiin a nuam phian zui , thawmhnaw a lei leh pawisa ka keng loh vang chuan engmah ka lei ve lo ta mai ,dar 4 velah kan in chu ka thleng thei ve hram , inchhungah ka luh chuan ka nu in ' Mawii chu eng nge a ân tak ' a ṭhat thuin chhang in roomah ka lut a , intifai in ka nu eirawngbawl chu ka pui nghal ka pa office bang pawh alo tawh a ,chhung inkhawm kan hmang zawh ah chaw ei kan siam nghal a .




(A story kalhmang hi a muang inti em ? Comments pêk ṭheuh kan tum dawn nia )


Ads , Comments.






ZAWMNA .





Chaw ei kham chuan roomah ka awm ta daih a ,Mawii nen chuan kan intext reng a .Pa Sanga bawk chu ka lo ngaihtuah leh tawh tunlai phei hi chu ka vei leh zual a ,ni e ka lo duh tawh lutuk te ani ang mahse Mawii laka hian ka inthiam lo thin ani ,a pa ka lo duh tih hria se chuan min khawm duh tawh lo phah hial ang ,phone ka en reng lai chuan number hlang aṭang hian tu emaw hian message ka dawng nawlh a ,tu nge aw tiin ka va chhang chuan 'Ruatdika ' a nih thuin min rawn chhang a .



''Eee ' tih ringawt in ka va chhang chuan 'I va induh reuh ' tiin min rawn chhang let leh 'Ka induh ami ' a online tawh lova , youtube ah movie recape ka en ta daih a ,ka movie recape en mai mai chuh a thiannu pa nen an lo inngaizawng ru a ,a ṭhiannu chuan a hria ru bawk nen Pa Sanga ka hria chhuak leh ' Zohmangaihsang i ṭhiannu pa ngaihtuah reng suh ' ka inhai mawlh mawlh a mahse awmzia ava awm lo tak ka ngaihtuah telh telh zawk a ,Pa Sanga hi chu a pa ve em ani alo hmeltha tel bawk nen 'Huizzz mu ang ' ti sep in muthilh tumin mit ka chhing ta tawp .



Ni lo chhuak chuan ni chuan ka hmai chu alo chhun a ,harh lo chi pawh ani lo khum aṭang chuan tho chhuak in intifai turin bathroomah chuan ka lut ta vat , inhnuaiah chhuk in ka nu chu alo che mual mual tawh 'Nu vawiin chu Mawii nen bazar kan tum a i phal em ' inrinni ani a Mawii in bazar ang ati tlat pek a ,'Phal lohna tur a awm hleinem ' alu vel pah chuan ati sep ka nu alu vel chu lak sakin ka vel a ,ka nau te pahnih lo tho chhuak in ka nu in 'In pahnih khan pangpar tui va pe lawk teh u ' Para a ner nasa mai ka nu in alo hmu ani ang 'Zorampar ner kual lo khan va pe mai teh u ' vin miah si lo hian ka nu chuan ati a ,pakhat lah chuan 'Naupang ka nih hi au Hminga nan va pe mai rawh se 'kan chhang a khat ka ti kha kan tete ber hi chu tar lam fa deuh ani va nge ka nu leh pa ten an duat hle a ,pakhat lah hian an duat tih alo hria ve kur bawk nen an tir apiang hian a hnial ziah zel ,'U Hminga tih ziah suh min hnial lo khan va pe ula ani mai ' ka nu chuan ati ram hmak ,Para lah chu a tum hmuk in an chhuak dun a ka nui ver ver Para hi chu a duhawm ve em a ,a titau phei hi chuan amah hi alo thau ve bawk nen a biang hi puar vek zel thin .




Mawii chu sawm turin an vengah chuan sctooy in ka va kal a ,an in ka va thleng chuan api in min rawn be vat 'Zo ṭhin chu aw i fel ṭhin ngawt mai ' ka nui tawp heitiang min fak ṭhin ka awm thiam lo thin 'Fel vak hleinem pi ' kan nui dun kut kur a ,'Ka nu vawiin chu Mawii leh Zo ka va bazar pui ang e ' ka hnunglam aṭang chuan ati thum dut a ,tu nge sawi ngai lo hrim hrim Pa Sang ngei mai anih 'Nia va bazar pui ve teh tunlai phei chu i buai ṭhin bawk nen i fanu tan pawn hun i nei hleinem ' ka pi alo ti vat ka hmaah tak chuan alo ṭhu zui ka en ṭha ngam lo ,ka lai zo vek in ka hria .



Mawii lah chu a insiam rei phian zui ka pi lah chu a kalsawn daih bawk nen Pa Sanga uap a na si lum miah si lo hian ka thlan te a tla vel in ka hria ,'I nuam sam lo ami ' pa Sanga chuan ati sup chuan ka va melh vat a mahse ka va hawisawn rang tak min rawn en kur anih chu 'Nei love ' ka la irhfiak zui ka laih apiang hi chuan ka irhfiak ngei ngei thin ka hmui chu ka hup vat ala nui suk zui .



Bazar ah kan kal chuan mipui an tam hle a ,Mawii nen chuan secondhand awmna lam kan pan vat pa Sanga chuan min zui zel a ,rin aiin a nuam phian mahse pa Sanga bula ka awm apiang hian ka lungphu rang leh lutuk hi ka in ngei ṭhin 'Zo a nalh tawp ' Mawii kawr pakhat hi min rawn pe a ka va en chuan alo nalh phian a ,'La rawh i inhmeh dawn lutuk colloge ah ha la bialpa pawh i neih phah ang ' Mawii chuan atih chuan 'Nangpawh bialpa i neih bik lo kha bialpa te chu ka mawmawh ve hleinem ' ka chhang let chuan 'Nang te chu leng tar lawm i nih ' a nui vur vur a ,pa Sanga ka va melh chuan min rawn melh kur a ka hawisawn nghal vat .



(Ava thui em 🤣an inngaizawng vat tawh dawn aw ,chuan nizan kha script ka ziah a ngaih avang in ka lo dah hman tawh ta lo anih kha comments kha theinghilh lo hram ula aw ).



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)