MISUALPA (THE BEAST) BY MAWITEI BAWITLUNG (Completed)

Moderator: writers

mawitei bawihtlung
Posts: 753
Joined: November 18th, 2020, 12:53 pm

MISUALPA (THE BEAST) BY MAWITEI BAWITLUNG (Completed)

Unread post by mawitei bawihtlung » April 13th, 2023, 1:49 pm

7rxhlzxd.jpg

MISUALPA(THE BEAST)




CHAPTER 1



BY MAWITEI BAWITLUNG







Ka pa hna avangin thingtlang tih maiah in sangkhat chuang awmnaah kan insawn dawn a , Aizawl atang chuan a hla ve thawkhat hle . Pastor a nihna avang in hmun hrang hrangah kan insawn kual a ,a chang chuan ka ning ve thin. Tuna kan awmna tur hmun hi Champhai district lam niin Lentlang khua a ni a (Tlang hming khua hi ka phuah nilo tlang awm a ni a ,a khua angin ka kaltir dawn aw ) thingtlang khuaah chuan lian tak an niin ka hria .





BA ka zo tawh a ,tunah hian ka pa thawhna khuaah hian zirtirtu hna min hmuh sak bawk nen ka thawk nghal dawn a ,ka lawm hle bawk . A khua kan thlen chuan a boruak chu ka hip vang vang . A boruak fresh var chuan hah a tidam sawng sawng thei,hmun hran ah kan awm kual nasa viau nangin khawpui chhungah zel kan awm a ,tun hi thingtlang a kan awm vawikhatna tur a ni a ,ka phur ru viau boruak a vawt lutuk lo va ,a lum lutuk hek lo thawnthu a ka chhiar thin ang chiah chiah a ni.









In an tlem chhelo bawk a ,hmuh chin chu a eng ut a ,lirthei a insul pel nauh nauh . Quarter lamah kan awm avangin tlang atang chuan khawchhung a hmuh theih vek a ,a mawi viau bawk . Kan awmna hmun tlang pawng chu a lang sar hle in ka ring,phul a awm dap a ,thingpar chi Tlaizawng leh Chhawkhlei vel a tam hle bawk , chaw kan ei fel meuh chuan khua a thim chhah tawh hle . Kohhran upa ho rawn lengkhawm chu ka pa kawmin an nui leh dar dar thin . Ka pa hi chu pastor tih takah hian a mizia a dam dup a ,chu chu ka chhun lo chiang hle .









Mi tam tak chuan pastor fanu ka nihna angin engkima famkim tur in min beisei a ,mahse chung chu nihkher ka tum lo,ka tui zawng leh nuam ka tih zawngin ka awm tawp a ,mahse ruihtheih thil leh huau huau lam chu ka buaipui ngai hauh lo thung. Inkhawm pawh ka taima hle bawk,mahsela englai pawha mi duh dan anga awm thlap thap tur chuan mihring ve bawk ka nihna angin ka nundan pawh a holam ve viau,infiamna ka ngaina hle a ,lehkhabu chhiar ka tui hle bawk . A then chuan football vel ka khelh changa min relin Pastor fanu ve si ti a min rel tawk an awm fo va.









Mahse engah mah ka ngai duh ngailo,pastor fanu ni mah ila keimah ka pastor ve miau lo va ,ka nu te lam panin ka phei a “ Nu thil lei ka duh a ,dawr awmna i hria em?" tiin ka nu chu ka zawt a,khaw nu rawn leng ho nen an inkawm lai chu an rawn hawi thap “ Ehe mami chu i va hmeltha ve ,kan khaw tlangval ten an hel reng dawn che a nih hi,dawr chu in in atang hian chhuk la ,kawngpui i zuk pawh hunah dinglamah peng la kawngpui pheiah khan inhawng an la awm in ka ring . Mazari te pawh kha an la inhawng ang " a tihchuan lawmthu hrilhin ka chhuak zui nghal .









Tlang atang chuan chhukin ka sira thingkung ding te chu ka thlir kual a ,kawngpui ka pawh thlak rual chuan min hrilh angin ding lamah chuan ka phei a ,in vel chu ka en kual pah bawk . Thingtlang nimahse in tam na na na chu concrete a ding thluaha . Mi rethei zawk zawk an nilo tih a hriat ,a tawpah hmun fal deuh kawng chhak lamah dawr inhawng ka hmu hlauh a ,ka pan nghal vat . Mut dawn hian hmawmsawm ei ka hrat a ,leilo chuan ka awm thiam meuh lo .








Chubakah kan awmna veng chhung hriatnan pawh ka duh ve hrim hrim bawk . Lays leh chocolate bakah spicy tih vel ka lei teuh a ,thei tui intur ka lei pah bawk . Ka haw chuan ka inkhai bawr hle ,peng ka thleng chho tep tihah chuan thawm ka hria a ,ka hawi tang nghal hra. Inkhawm ve thin mah ila ka la pianthar tawk loh vang nge thlahrang tih vel hi ka hlau bur ,chutah thil rum chhur chhur leh nui uar uar ri inpawlh avang chuan chak zetin inlam panin ka tlan chho .







Ka au tuar bawk , ka hah em avang chuan ka ding leh rih,kawngpui lam chu ka hawi thla a . Chutah ka sir atanga mipa nui kur kur ri ka hriat rualin“ Tunge ?" ka ti that a. Thawm chu a reh leh nghal ,ka hlauh em avang chuan chak zetin ka kal leh hlawk hlawk, YouTube a thlahrang thawnthu an chhiar leh a taka an lak fuh an dah thin ka en lai ka ngaihtuah pah a ,ka tim sung sung thei . Ka kalchak zual sauh “ Hey pastor fanu ve si i va dawih hmel ve ,kan khuaah kan lo lawm a che " ka hnung lam atanga an rawn tihchuan ka hawi let vat .








Min hlat deuh fe ah mipa paruk hi an ding a ,panga chu an nui thaw a ,pakhat a ruangam lian lurh chu a nui ve hauh lo . Min melh ngur mai,a hmel ka hmu chiang thei lo nangin keima lam a hawi ngei tih ka hria ,mipanga te chu an nui uar uar a ,ka vahan ngei tak. Pem thar lakah pawh hetiang an nihchuan a khaw mite tan phei chuan an ngeiawm viau in ka ring ,engtin nge pastor fanu ka ni tih an hriat,taka helai kawngah hi chuan in dang awm miau hek lo . Khaw lian lo chu an pastor neih tur an hre vek ang chu mawle .









“ Nang ni ho kha tute nge in nih?" hlau viau mah ila kan in hlat ve deuh bawk nen ka aw chu a pawr hlar “ Nangni ho kan ni e" pakhat chuan a rawn ti leh lung lung “ Ila hriat belh duh takin The Hmeltha family kan nih hi " pakhat in a rawn tih belh leh hram,huh! an mawl a nih loh vek pawhin an â hle a niang. Be zawm tawh lo in ka kalsan hlawk hlawk “ Rawn thlah te i ngai em? Mikhual nula zui hmasa ber kan nimai" min rawn auh zuina pawh chhang lo in in lam pan chuan ka tlan hlawk hlawk.









He khua hi misual an tam hmel riau, Aizawl kan awm pawh khan thiante tello chuan ka vak chhuak ngai meuh lo. Zan reh lam tawhah phei chuan,a chhan pawh khawlaia rui sual an tam theih em avangin ka chhuak ngai lo tih tluk a ni . In ka thlen takah chuan ka thaw huai,ka nute chu ka pan hlawk hlawk “ I va hah hmel ve " nu pakhat chuan a rawn ti a ,ka en nghal ha “ Ih...khulai kawng kawi ah khuan mipa paruk sual hmel tawk tawk ka hmu" ka tihchuan ka nu chuan min melh hrawk .






“ Awi Zothanmawi thil awih awm loh loh a nihchu,hetah i awm ve dawn chauh a. Mi hrechiang lo in sual ti nghal ngawt suh" a tihchuan ka ngei hle,ka chhan hma chuan nu pakhat chuan “ Sammy leh a thiante an nih dawn chu,helai vel hi in rawn kal hma atanga an chet tlat tamna a nia ,hnaih vak suh u . Ruihhlo an duh bawk nen ,hetah pawh an buaipui ber an nia ,nula ho lah hian an duh phian lehnghal ,kan nula te hi an ti dukdak lo zo ang tih pawh a hlauhawm.








Sammy ber hi an hotu a nia,a u deuh ber bawk a. A ni erawh saw chu kan khaw mi dik tak a nilo va , Aizawl lam mi a nih hmel " a tileh zat zat,an thusawi chu ngun zetin ka ngaithla a . A tu ber chu nge Sammy a chu ni ang,chutiang ka ngaihtuah a tullo ,ka room tur lam chu pan vatin tukverh ka hawng a,thal lai a ni bawk a . Van a thiang kuk mai,khau chher hram te chu ngaithla in khaw lam bawk chu ka thlir leh . Ka lung a leng ve veng veng thei nia ,he khuaah hian kum eng emaw ti chhung chu kan awm leh ngei anga,engang tak ni chho ang maw .










Ka duh chuan Aizawl ah ka pite bulah awm thei ka ni a ,mahse ka pa in zui tura min duh miau avangin ka hnial ta lo ,khumah chuan mu in ka ngaihtuah neuh neuh . Nichina ka tlangval hmuh te bawk kha ka ngaihtuah let ,rui tih hriat reng rengin an ding mai mai pawh kha an bu luk luk a nihkha ,mahse tlangval sual zawk zawk an nih ka ring lo . A chhan pawh min khawih duh nise ka hmuh hma in min hmu tawh a ,min hruai bo thei reng ,chu ai chuan min tih thaih kha nuam an tih hmel zawk .







Ka in ngaihtuah thui zel a ,a tawpah chuan ka mut a chhuah tak em avangin ka muhil zui thuai a ,zinga ka harh chuan ka pa erawh kohhran ho in tlawh kualin a lo chhuak leh daih tawh . Ka nu chuan rawng a lo bawl mawlh mawlh “ Nu exer ka la dawn a nia" ka tihchuan kal hla lutuk lo turin min ti a ,a chhan pawh khua ka la hre lo nen ka ho a hlauh vang tih ka hria . Kawngah chuan tlan in kawmgpui lam kha ka pan thla zel a ,nizana min lo tih thaihna bul ka thlen chuan ka ding dat .








Ka hawi kual deuh chuan a piaha inchhe ve deuh tawh tak pakhat awm chu ka hmu a ,ka ner nang. Kawngpui chu pawhthla leh in ka tlan zel a ,ka tlanna chu ka en uluk hle ,chutia ka tlan zel lai chuan kawng sir deuh a naupang pahnih lo insual leh mipa pakhat in a lo en reng chu ka hmu a , chu mite chu ka pan nghal vat “ Hey enga tinge in insual a ,inthlah rawh u " tiin ka pawt sawn vat “ Insual tir mai mai rawh " rawn ti tu chu ka melh nghal vat,chutah mipa mitmeng dum ngak leh mengrum lam mah chu ka hmu nghal .








A hmui a chip hmak a ,muangchangin a rawn tho ruai ruai “ Engvangin maw ? Nangpawhin thelh ta che ,khatianga ennawm thlir a i thlir,arpa tak ngial pawh an insual duh tawh loh lai a " ka tihchuan a rum deuh nghat “ Arpa an niin i hmu em ni? Arpa nise tunah khan an khuang tawh ang " a tihchuan ka ngei hle. A vahan tawng thei tak “ Arpa an ni ka ti em ni? Nge nang khan ar emaw iti zawk " tingatin naupang pahnih chu ka en “ Haw rawh u,tun chinah insual tawh su aw " ka tihchuan an bu nghauh nghauh a .









“ U Sammy khawi kan pawisa tur chu,min pek i intiam tawh kha " tiin chupa chu an pan a ,maw? Hepa hi maw nizana ka hmuh kha . Khaw mite sawi kha a lo dik ngei a nih ka ring ,nui sukin pawisa phawrhin a pe a ,naupang pahnih chu an kalsawn nghal “ Engvanga pawisa hmanga naupang inhaw miah lo insual tir nge i nih a " tihlarin ka en chho ha. A mit san ukin a nui suk,ala nui mawi viau lehnghal .








“ I duh ve deuh em ni ,kalsawn rawh tih tur ka nei tawh lo " tiin min kal pel vut “ Hey nangpa hmui hmul nei pa " ka ti nghek “ Enge hmuineihlai nu " a rawn tihchuan ka thinrim lutuk chu ka ke ka per dawt dawt ,ka va khawih dawn lahin ka pa hming ka tih chhiat dawn bakah ka pa in min hau leh ngei ang . Ka insum hram hram a ngai a ni “ Nangpa kha zu ngawl vei mai mai i nihkha " ka tihchuan ding datin a rawn inher leh a ,chuta a mitmeng chu a rum tha hle .







“ Ngawi hmak rawh,ka zu in chu i sawi tur a nilo,pastor fanu hi ka zah ve vak lo ania" tiin a kalsawn nghal . A hmelthat tehreng nen a tawngkam chu a ngeiawm mah mah a ni; a kalliam chu ka en zui vung vung,in lam ka pan lai te chuan khapa ringawt kha ka ngaihtuah,ka ngaihtuah zawnga ka lung phu dup dup chu engvang nge tih ka hre hauhlo,a mitmeng phi chiai kha a mawi ru takzet . Khatiang anga mipa pa kha ka la hmu ngai hauh lo,an khaw miten ruihhlo duh lutuk an ti chunga a taksa la tha vuah ka hmuh khan an sawi uar mah mah em ni aw tih te chu ka ngaihtuah neuh neuh.










Zanlama kan inkhawm chuan chibai tu ka ngah hle,a bikin tlangval rual . Zanlama rawn len an chak thu an sawi chuan ka nui hak,ka pa an zah a ni ngei ang . Mahse ka pa ngeiin rawn leng thin tur a a tih takah chuan an lawm hmel hlawm hle .



( DAH LEH VAT TUR AW )



Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » April 13th, 2023, 8:17 pm

MISUALPA (THE BEAST)






CHAPTER 2






Ka tihdan ngai bawkin thil leiin ka chhuak leh a ,ka haw lam chuan eng emaw hmui chem chem rim hi kan inthlen hma daih inte zawn vel atang khan a rawn chhuak a ,sa rawh rim te a nam deuh in ka hria. Khang ho kha ka hre chhuak zawk,helai velah hian an awm leh a nih ka ring bur ,kawng atang chuan pengin kawng tetakte awmna chu zawhin thim karah in ding lam kha ka pan a ,chutah ka thil hmuh chuan min ti ding chawt,kha mite paruk bawk khan ui an lo rawh a . Zu um leh no an inchhawp thap bawk .









An thawm lutuk lo a ,ui chu an buaipui mawlh mawlh,khawchhung atanga kan awmna hi a fal deuh avangin engmah an hmu phalo a ni ngei ang . Ui chu an ta nge ni anga mi ui tihchu ka ngaihtuah,an sawi danin an sual lutuk an tibawk nen ngawi reng chuan ka en kar ,ui chu an hem hmin a . An nui leh dar dar thin,khapa zinglama naupang insual tir tupa pawh kha a tel ve bawk,a ni erawhin zu chu a in mawlh mawlh tawh . “ U Sam,a tui dawn a sin aw ,hetiang anga ui thau hi keichu ka la ei ngai miahlo,kan ui ei tawh zawng zawngah ala thau ber " te chu an ti tak deuh deuh.










Ka au vak dawn nge ka va hau dawn tih ka ngaihtuah buai viau mai,“ Hey tu ui nge in phil ruk a " ka tihchuan an phu zawk,kha Sammy tihloh kha chu. Ka lam an rawn hawi thap ka hlau leh hnuhnawh si chu tlan chhiat dan tur ka dap nghal ruai ” Eh pastor fanu kha maw ? Rawn ei ve rawh,tichuan inkhawm ngailo te chiah hian thil an tisual ngai bik lo tih midangte hian an awih mai thei a sin " pakhat in a rawn tih chuan ka melh kar ,an la nui hak zui . Min hlau ang pawhin an awm lo,chutah Sammy an tihkha rawn tho chhuakin ka lam a rawn pan a .









A inthuam dan atang chuan mi that thin hi a ang hluah hluah,a mitmeng rum lam mah chuan min en reng tih ka hmu thei,mei eng in a chhun phak loh chin a rawn thlen takah chuan phu zawkin tlanchhiat ka tum a,mahse ka tlai hman tlat . Ka kawngah rawn man nawlhin a thiante awmna lamah chuan min pawm phei nawl nawl “ Hey min dahthla rawh,ka au vak dawn a nia ,ka nu leh pa te an lo kal in duhloh chuan min dahthla nghal rawh " tiin ka theih tawpin ka tal .







A chak bawk nen kei hmeichhia mai tan chuan hneh ngaihna a awm lo ,an thianho thutna inkarah chuan min thut thlak tirin min veng run a ,ka tan tlan ngaihna a awm tawhlo hrim hrim . Min en thap a “ Lianding a meikha kan ei tir dawn a nia " pakhat in a tihchuan ka mengphawk vak “ Engmah kha ka ei dawn miahlo a nia ,in chak lo khawp ang" ka ti hlak hlak. An la nui mai mai zui,an vai chuan ka bulah an rawn thu a ,uisa chu an ei nghal mial mial,zu chu inthlitin an in pap pap a .








Kei erawh ka tim sung sung thei,misual rual thil tihsualna karah ka thu ve ran chu a nisia,keimah in sawi ka tum a ,ka sawi loh nan a ei ve anga ka lanna turin video in an la la thlap zui,hetiang hi chuan a nei tu hnenah pawh ka hrilh ngamin ka ring lo . Sammy an tih chu ka en ,meilam a melh ngur a ,a hmel a that tehlul nen tinge hetianga nun holam taka a awm le . Mi sawi ka hriat dan kha chuan Aizawl mihausa an la tilehnghal “ U Sammy " ka tihchuan min rawn melh vat ” Ka haw duh,ka sawi miah lo ang" ka tihchuan midang zawk chuan min lo nuih.









“ Sawi tur pawhin kan zingah i tel ve tawh tlat ,chuvangin i sawi rualin nang mah bakah i pa pawhin a tuar ve dawn a nih hmel" pakhatin a tihchuan ka inseh ruh fan fan ,engang misual nge maw ka tawn tak le,an zingah chuan zu in ve ang mai chuan ka thu tawm khar a ,ka tha a khur der der . Ka mutlah a chhuak tawh si ” Ehe hei sprite a nih hi,inpawlh ang u" tiin ka thil lei chu pakhat chuan a rawn la lawk a ,an in sem nghal . Ka hmawmsawm lei te chu an vaiin an ei vek “ Rawn la rawh u,ka eitur a nihkha" tiin ka ban a ,mahse an thetsawm vek tawh .









Ka mittui a tla mai dawnin ka hria “ Misual tak in ni" ka tihchuan min rawn en thap,ka mittui tla an hmuh rualin rang mangkhengin ka eitur lei an la eibang chu ka hma ah rawn dahin ,a thenin min barh an tum bawk “ Hey hei kan ei zo lo,ei rawh kha tap miah suh aw " an rawn tisawk sawk a , kei erawh ka eitur an sawisak sawm nuaih tawh chu ka en ,ka lung a awi theilo tah tumin ka kâ ka ang chiah tihah ka ka rawn hnawih tu a vang chuan ka tawp chawt ,chutah Sammy chuan a rawmawla ka ka chu la tuamin ,hmun dang a hawi hmak a nih chu .








“ I eitur kha ei la la haw rawh kha hei hi la rawh" tiin cheng za hi min rawn pe a ,ka thinrim lutuk chuan a pawisa min pek pawh chu la duh lo in engmah keng lo chuan ka tlansawn nghal,inlam pan chuan chak zetin ka tlan chho a ,ka phun mawlh mawlh bawk . Ka tilui let khawp ang,ka tibuai dawn hi a ni tawp,tun atang chuan an zu in na velah ka awm lui phet ang . Khumah chuan mu in ka thinrim chu ka inhum ruh fan fan, tun atang chuan kha an hotupa suala kha ka chhaih buai tawh ang .







Zing ka tho chu ka room tukverah dak chhuakin boruak ka hip a ,ka tukverh hnuai ka en chu nizana ka thil lei ang kha a lo awm kim vek,a him thap lehnghal . Ka la vat,ka hawikual a ,tumah ka hmu lo,khang ho dah kha a ni ngei ngei ang,ka lungawi chuang lo ka tihbuai chu ka chhunzawm dawn tho tho ,exer la turin ka chhuak a ,kha Sammy kha a awm leh ka ring bur ,ka tlan thla a ,ka rin ang ngeuin kawngpui ah a lo awm,tumah vei vak an la awm lo va ,meizial zu in chunglam a lo hawi vauh vauh chu a hnung lam atang ngawi renga panin ka zuang kang a ,ka tlawh tlu tawp ..








“ Phuba a nihkha " tihmakin inlamah ka tlan letsan nal nal,a rawn tho chhuak chuan min en vung vung tih tlan pahin ka hmu thei,tuna ka mamawh ber chu an mahni hrechiang deuhtu tur hmeichhe thian neih a ni,in ka let leh chuan ka nu rawngbawl chu ka pui mawlh mawlh . Vawiin lamah school ah ka kal ve tan tawh dawn a ,ka zirlai turte pawh hmuh ka chak viau “ In awm maw " tiin nu pakhat a rawn lut a “ E pi Hming lo leng rawh " ka nu chuan a lo tivat vat. Pi Hmingi a tihchu thutthlengah chuan thu in a hawi kual thuak thuak a .







“ Englo a nia,kan ui ka rawn zawng a ,in inawmna lamah hian a che tla thin sia,nimin tlai atangin a rawn haw miah lova " a tihchuan nizan lam thil ka ngaihtuah chhuak a ,ka ip chawih chawih mai . Ka rindan a dik chiah mi ui kidnap in a sa an eisak chiang lutuk “ Mi bauh leh mi um a hrat lutuk a ,miin min thahsak nge maw ni dawn le ,a chanchin tal hria ila ka duh" a tihchuan ka nu chuan “ Ava pawi ve aw ,ui kan hmu miahlo Bawihi nizan i chhuak te khan ui hmuh i nei reng reng em " a tihchuan rang zetin ka lu ka thing.







Ka sawi chuan an bulah ka awm ve bawk si keimah chawpin kan hmingchhe vek a nimai ,ka ngei hle khang ho kha ka la tibuai ve dawn khawp alawm,khatiang tlangval awm duhdah kha chu ka runluih thiam ve tho .

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » April 16th, 2023, 9:32 pm

MISUALPA ( THE BEAST)







CHAPTER 3








School ka kal chu ka rualpui tur awm vel teacher an lo nei ve hlauh a ,chu nen chuan kan inkawm nghal chat. Naupang ho pawh an felin an class ka lut te chu min lo lawm thiam hle ,class ka lak mawlh mawlh lai chuan “ Miss u Sammy an in miss thar khan mi ui a talh a ti a nia ,i talh em ni?" a rawn tihchuan ka phu zawk . Chupa mai mai chuh “ Talh reng reng lo,a hriat sual a nihchu engtin nge ui te ka man ngam anga,ka hlau alawm" nuisanga ka tihchuan an awih ve leh mai .









Kha pa mai mai chuh a va chak dawn lo tak em ,ka thian thar Nunui nen chuan office ah tiffin kan ei dun a “ En teh Sammy an tih te thian ho hi i hrechiang em" ka tihchuan rang zetin a rawn hawi,a hmelah chuan phurna a lang thei “ Awi tehreng e ,amah hi he khaw nula ho chuan an sawi tam ber a nia,mahse hmeichhia engah mah a ngailo,a hmaah va inphelh ruak mahse ngaihsakna a neilo an ti,a then chuan mipa tilreh aniang an tia,ka awih vak lo . Ruih theih thil an duh hle a ,mahse buaina an nei em em lo nangin an buai vek vek chuan an rapthlak thei lutuk..










A pa hi Aizawl hotel neitu a nia,an hausa lutuk an tia " a tihchuan ka nui deuh hak “ Phone in i be ve tawh reng reng em?" ka tihchuan a lu a thing nak,khapa ka hmuh a piang khan phone a khawih ngai miahlo,a nihkha “ Phone chu a nei a ,a hmang ngai miah lo thung an tia,a ruih nan a hralh thin an ti nghe nghe"a tihchuan ka ner nawk “ Hmeichhia in an bem peih sia,a bemtute khaw mipa ho hian an duh chuan chung ho hnenah chuan pawisa nen a inthleng pui thin an ti,amah hi hmeichhe ngaihsak lo rum tur ang chi kha " a tihchuan a rukin ka nui vur vur










Hmeichhia a duhloh viau chuan Idea tha lutuk ka nei,keihian kan chhaih kual tak tak ange ,a nin hnawk tur khawpin ka bem ang . Zanah kan awmna lamah an rawn kal leh dawn tih ka hre chiang ,ka then thaw a Nunui chuan min rawn nghawk zauh “ Enge i hriata " a tihchuan ka lu thing nakin “ Engmah a nilo" tiin ka tiffin chu ka khup thak ,haw lamah te chuan lawm loh in ka nui leh vur vur thin,Nunui khan an thian ho chu miin misual takah ngai mahse midang puih an peihin an sual tak tak lo tih a sawi bawk nen,nizanah khan keipawhin ka hre bawk .










Min khawih hrep dawn emaw ka tihlai khan min fiam kual mai mai a nihkha maw ,chubakah Sammy kha ka mipa duh chi tak a ni bawk nen runluih ka chak hrim hrim ,ka haw pah te chuan an awmna thin inte chu ka en vang vang, quarter hi khua atanga a fal deuh bakah,tlangpawnga awm a nih avang reng hian an ni a ruka thil tiduh tan chuan a remchang miau a ,in ka thlen chuan ka nu in enge ka an tih min lo zawt a,a nawm thu ka hrilh chuan a ni pawh a thaw huai .









Kan awm dawn khan ka huphurh avangin ka ti tau hrep kha a nia,mahse tunah chuan he khua hi ka ngaina tan riau,rala romei awm te chu hmuh a nuamin Myanmar tlang dung chu a lang paw phak a ,lung a ti leng vawng vawng thei “ Pi Hmingi pawh an ui ni ngei tur ,a lu leh a sa thenkhat an in pawnah an lo dah a ,tlangval sual tak leh awm duhdah tak an ni ngei ang,keini pawh hi kan fimkhur angai ang . I pa in kel vulh a tileh nghal,hetiang tih hmang an awm chuan keini tan pawh in ven uluk angai hle ang, pastor tan mi huat vak a rem silo va .








Kel kan vulh a nih pawhin ven reng an ngai dawn a nih hmel " a tihchuan mak tiin ka ang phuau * Eng atan nge kel chu,keichuan ka enkawl dawn miah lo a nia ,an rimchhe si" ka tihchuan ka pa room atanga rawn chhuak chuan a rawn hre pha nge ” I venturin kan lei ang, school in chawlh apiangin tih tur i nei dawn chuang lova ,chuvang chuan a hnute a chak an ti lehnghal,kan vulh dawn hrim hrim . Tin a rim tak hian cancer lakah mi a vengthei an ti a ,kan tan pawh a tha ang,vawk vulh ai chuan a nuam zawk bawk ang" a rawn ti a .








Ka ngei hle “ Ka duh lo,miin kel pi min ti dawn asin,pastor fanu ka ni tihlah hi miin inhnial nikhua ah an sawi ziah a,ka ning ve ania mihring ve tho kan nia,engkimah kohhran leh khawtlanga kan nihna an sawi ve ziah te hi ka ning,i nihna nen i nungchang a inmil lo an ti thla zen a ,an mahni te hi ni ve chhin se ka en chak thin,chuvang chuan mi min koh belh loh nan kel vulh ka duhlo bur" ka tihchuan ka pa bawk chuan “ Ka thu hnial suh,a nihloh chuan vawk i vulh ang" a tileh kher ,vawk phei chu ka ngaina lo khat tlat .










Thinrim tunin room ah ka lut hmak ,ka insawh tau nghawng nghawng,ka room tukverh atang chuan khawlam bawk ka en leh,thingkung pakhat che laih laih ka hmuh chuan mihring an nih ka ring ringawt a ,tukverh atang chuan chhuakin lung ka chhar nghal . Kan awmna hi lei in ang a nih avangin duh duhin a chhuah theih a ,ka tan pawh a awlsam phian ,thingkung che leh laih chu lung chuan ka vawm pawp,mihring a ni awzawng lo mai . Eng sa emaw ni theihlei lian chi ka timai,a dum zuar a ,leiah chuan a hlawm thla tawp .









Mahse a thi lo,ka vawmna kha a lian lo bawk a ,keipawh chu inchhungah tlan lut in ka rak chul “ Enge ni leh vak vak,Zothanmawi a mak thin emai " ka nu in a rawn tihchuan “ Kan kawmthlang thingah khuan theihlei lian lutuk a awm " ka tihchuan ka nu in min tuk lawlh,“ Aiah enge a ni a lawm,ka malpui ai pawh hian a lian zawk ang " ka tih leh chuan ka pa zawk chuan “ Sazaw a nih dawn chu,ram kan hnaiha thingkung an la tha bawk nen an awm duhna tak a ni ang chu" tiin Bible a chhiar lai chu a en lehnghal zat .









Kei pawh chu roomah chuan lut leh in ka phone chu ka khawih a ,ka thiante ho ka bia a ,ka ngai viau mai ” Anuam em " an tihchuan bu nghatin kan awmna khua chu ka tilang a ,an rak deuh chul ” Chawlh hunah kan la rawn zin dawn ania,mipa hmeltha te an awm lo maw ,thingtlangah hian mipa hmeltha leh chhelo an inphum ru duh an tia ania" Dina-in a rawn tihchuan Sammy te thian ho ka mitthla ah an rawn lang a,ka lu ka thing nghal nawk nawk.







“ Mafia ang deuh deuh chiah an awm " ka tihchuan ka thiante pathum chu an nui hak “ An man dawn tihna a nihchu,hmih ve an chakawm ve,rawn zin vat kan tum dawn a nia,thingtlang hmuh ve phahna a ni nghal mai a " tiin an nui var var hlawm a ,reife kan inkawm hnuah kan dah thei hram ,zanah chuan ka nute hrilhin ka len rei deuh tur thu ka hrilh a,Nunui te ina leng tur anga ka insawi avang chuan a phal hram,Sammy te chu ka lo nghak ran ,reivak lo hnuah an rawn kal leh ta ngei “ Duata leh Valpuia chu an lo kal thei dawn lo a nihkha " ka theitui min in sak tupa khan a ti a .









Sammy chu a bu nghut,an thutna ngaiah theuh chuan thu in zu chu an in leh,heng ho in an rui chhe ngai hauhlo tih ka hria “ U Sam" phawk zetin min rawn en,a bulah chuan thu in a ban ka vawn sak chuan rang zeta laksawn a tum “ Ka duh tawp che a ,nizana i chet dan te kha pa ka tih zawng tak,ka duh tawp che " ka tihchuan min melh rum tawh viau mai,mahse keihian ka la tibuai dawn chauh.



ZAWMNA...






“ Mi pawhin he khaw mipa a luck ber leh pa ber an ti che a ,ka ring riau tawh . Nimina ka tukverh zawna eitur lo dah pawh kha nangmah tiraw? Min duh ve chiang mai " ka tihchuan min melh rum tha fia fia hle “ Min kalsan rawh,pastor fanu inih kha midangin an hmuh hma che hian kalsawn rawh " a ti deuh hrawk . Ka nuih tet tet,ka vawnna te chu duhlo tih hriat reng reng hian a melh ngur ngur .








Ka sana ka en zauh,ka awm rei tawh em avang chuan ka nuten min phone hma in ka haw a ngai tih ka hailo “ Muttui aw U Sam ,i mumangah min lo hmu dawn a nia,kei min hmuh theih nan tawngtai ngei ngei rawh ,Mi fel tawngtaina chu a chhang thin an tihkha " ka tihleh chuan min rawn beng thlu tawp tur hmel a pu “ I sawi tur a awm lo, haw vat mai teh,misual tak i tawn leh hlauh chuan pui tur chein kan rawn kal dawn hauhlo a nia " nuisawng chunga a tihchuan ka melh nghek “ I hre bawk lo,a nih aw ka bialpa hual,ka bialpa hian min rawn chhan dawn tih ka hria .








Muttui u ,ka kid te u" tikherin inherin ka kalsan nghal nal nal ,kan inlam pan chuan ramhnuai reh ruihah chuan ka chho chhat chhat, dik tak chuan ka hlau ve reng,thlahrang te hi ka hma ah an rawn lang ve thut ang tih ka hlau ,kawrfual var ha chungin sam tla hnuang maiin min rawn barakhaih thidang tawp ang tih te chenin ka ngaihtuah,ka tim ur ur thei . Chak zetin ka kal a ,ka hawi hrek hrek bawk ,ka tawngtai pah mawlh mawlh bawk ,ka thla a muang thei meuh lo .








A tawpah kan in chu ka thleng chho,rang zetin ka tlan nghal . Inchhung ka luh takah chuan ka thaw huai,engvanga Pastor nih avanga helam lama min awm tir nge an nih ni . Ka pa pastor niin ramhuai hlau lo mahse a fanu hian ka hlau a ni tih te ngaihtuah kai nachang an hrelo a ni ngei ang ,ka room lam panin khumah chuan ka mu thla hnak,Sammya ka tihdan ka ngaihtuah a ,keimah te in ka khi vur vur reng mai . A nuam dawn riau hian ka hria ,a awmdan zawng zawng nen keimah chuan ngaihtuahin ka nui vak vak .









A tawpah tawngtaiin mutthilh tumin ka insiam rem a ,ka mitthla ah a hmeltha zet leh thinrim hmel si kha a cham reng,ka mitthla zawng ringawt pawhin ka lungphu a tirang thei nia ,ka hmai chu khawihin a kut ka vawnna kha la ngaihtuah let a,ka sa ham hamin ka hria. Khatiangin mi fiam mai maiah feelings ka neih theih ka rin loh laia a laka feelings ka nei tlat chu a mak ka tilo theilo . Ka ngaihtuah na avang chuan ka nui chhuak tih reng ka hrelo,a veiawm riau tih ka hrechiang,a mize ngeng ngulh khan min hip riau bawk .








Ka inlukhuh a ,ka tihzel dan tur ka ngaihtuah pah bawk ,fiam mai mai lo in min duh let ngei ngei turin ka siam anga,a nungchang thalo te hi kalsan thei tur khawpin ka inhmangaih tir ngei tur a ni,ka chhuah hauh lo ang . Hetiang renga a nun chuan a taksa ah a thil tih te hian hna an thawk a nga,a tlachhe thuai dawn . Ka rawngbawlna ni ve turin Pathianin a hnenah min tir ka tilo theilo , missionary ram pawnah kan thawn chhuah ang bawkin kan ram chhung thalai tam tak te pawh hian Pathian thu hriat an mamawh ve tho si a .



(CHAPTER 4 DAH LEH VAT KAN TUM DAWN NIA )

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » April 21st, 2023, 9:45 pm

MISUALPA ( THE BEAST)






CHAPTER 4







Nitin school ka kal ziah a ,zanah u Sammya te awmnaah ka kal ziah bawk ,an bula ka awm tam tak vang nge miin misual rual an tih hi ka awih ta hauh lo,an mizia ka hrechiang telh telh a ,ka nel bawk a naute ho chu mipa fiamthu duh tak leh enghelh neilo,midang tihbuai aia an thian ho a awm nuam ti an ni tih ka hre chiang bawk . U Sammya erawh an thian zingah a upat fal vang nge a thinchhia in a in la thu thei hle thung,ka tihluih apiangin a hmai a sen vek zel.








Kut erawh min thlak duh ngai hauhlo thung,zanah chuan a ngai te bawkin inkhawm ban hnuah an bulah ka kal a ,Rinpuia chuan min lo nuih nghal vur vur “ U Mam i bialnu a lo kal " tiin Sammy chu a hrilh a ,chuveleh u Sammya chu ka awmlohna lamah inherin kalsawn a tum a,ka hmuh rualin ka tlan phei nghal “ U Sam ka lo thleng chiah min lo ngai tawh em" ka tihchuan a thaw hawk ” Kalbo rawh,min ti buai ziah suh" bung hmukin a rawn ti a ,ka kut a ka chelhna lai chu tal chhuah tumin a che nghal phat .









“ Engvanga min tibuai reng nge i nih " a rawn ti deuh thawt ,ka thlah rualin ka dar tawn tawnah rawn vuan in min thing deuh nawk a ,a thaw pui ala hulh bawk . “ U Sam thinrim ula,sual erawh chu sual suh u,in thinur chu niin tlak pui suh se tih a nihkha " ka tihchuan a lu a tuai pawk “ Ngawi hmak rawh ,khatiang thu kha sawi angai lo ,thinrim theiin mi a siam a,kan Lalpa ngei pawh a thinrim ve thin a nilawm ni" a rawn tihmuk . Ka nuih vur vur ,rinai mi hnial dan a hre phian lehnghal .









“ Aaa... Chutiang sawi tawh lo ang,pan lo ah tho a fu ngailo an tihkha " chu thu ka sawi lai lai chuan ka hmuiah tho a rawn fu a ,rang zetin ka vaisawn nghal,u Sammy chu a nui nghal suk “ Nui suh pânlo ah tho a fu ve thin tihna a nihkha" dak vaha ka tihlai chuan “ Uih lo ah tho a fu ngai lo tizawk la a dik zawk lo maw " mit kân uka a rawn tihchuan ka tum hmak “ Chu ka thaw a uih i tihna em ni" tiin ka kutah in hupin ka thaw chhin a,midang chu an lo nui hawk hawk thung . Duata an tih hi an zingah chuan a ngo berin ka ring,a ni chu a thau deuh a ,mahse a hmeltha hle thung.







Rinpuia hi a sam a kir a a buang thang a,a vun a uk deuh kharh bawk,Hmingthana hi a te ber a ,mahse te chhia a ni chuanglo,Valpuia erawh sam dum hlap a ni thunga Liandinga leh Hmingthana erawh an hmel a in ang viau. Rinpuia leh Duata nen an in chen tawk hle ang,thingtlang mi ah chuan pian nalh leh sang tak an ni . “ Khawi maw Rinpui lo hnim teh,i u hian dawt a sawi aniang " tiin ka pan a ,rang lutukin a lo tlan chhe nghal,chulai thing kar ah chuan mei eng rinchhanin kan inum kual a ,midang chu an lo nui dar dar .










An u nelawm viau lo mahse an ni erawh ka nel tawh viau thung ” U Sam dawt i sawi a nihkha,tirawh min lo thlah la " ti a pawh kal ka tum chu ka kut thingthla in a zu um chu a lakang a ,a in nghal pawp pawp . Ka laksak vat ” Amak e ,in ziah suh i taksa tan a tha lo,puitling ve uaih tawh si " tiin zu chu ka dahsawn sak,chuveleh ka nghawngah a rawn rek deuh chawt . Ka hamhaih nen inven na chang pawh ka hre lawk lo ,ka en kar thinrim mitmeng sen rumin min en .








“ Ka lak atang hian kalbo ang che ,min rawn tibuai leh tawh suh,nang ang hmeichhia hi ka ngaina lo cheu,pastor fanu i nih vangin ka dawh mai mai zawk che a nih hi . Kalbo rawh " tihrawkin min namsawn deuh nawk,a naute ho chuan min en thap “ Ka beidawng lovang,chuan kha i thil duh ber kha ila nghei khawp ang,i duh chuan min tina rawh . Mahse ka rawn kal ziah tho vang,ka thlarau chauh pawh nise ka tibuai reng thovang che " tiin kan inlam pan chuan ka kalsan nghal nal nal .








Ka mittui luang chu ka hru nghal nawk nawk,mi a hau vela ,nakinah chuan ka tello in a la awm theilo zawk ngei ang,chu chu ka chiang a ni. In ka thlen chuan ka pa a lo thu kur ” Khawnge i kal,zanah vak chhuak ziah suh ka tihkha ,hmeichhe tan a mawi lo ka ti fo a ni lawm ni,i pa ka mualpho theihna tur engmah tisuh ang che . Ka fanu i ni a ,midangten an enthla reng che tih theihnghilh suh,va mu rawh . Naktukah i kel enkawl tur a rawn thleng dawn a ,in lo nghak ang che.








Kan inbula ran in tur an sak ah sawn lo dah mai rawh,i nu nen khaw thenawmah rawngbawlin kan kal dawn a ,in tha takin lo nghak ang che " a tihchuan ka bu nghat. Ka room lam chu ka pan nghal hnak hnak ,ka nghawng chu ka khawih,min rek na hauh lo nangin min tihdan khan min tina zawk . Ka thaw hak a ,ka hmai chu phihin ka khumah chuan ka mu nghal zat ,ka in ngaihtuah neuh neuh,u Sammy hi kalsan tumna ka neilo,keihian ka tihbuaina lam ah hian ka hmangaih lovang tih ka hlau hlel love .








Zun a ngah hle si a ,ka intalawh hlau mah ila ka thinlung in titurin min nawr lui miau si a . Ka thinlung duhdan hi ka zawm dawn tih ka hre bawk,a mitmeng rum leh nalh phian si te ,a kut lian leh thahrui ngah hmel tak ka ngaihtuah zawng ringawt pawhin ka danglam thei ..






A tan tunah rih chuan hnawksak mai nimah ila nakinah chuan min la duh let ve ngei dawn tih ka hria a ni,he khaw mipa sual ber a an sawi hnaih ka duh tlat hi keipawhin ka hrethiam bik heklo,a engkim hian min hip te pawh a niang .

Story kan chhiar zawh rualin a hnuaia ads hi kan click theuh dawn nia aw, ads kan click hian writer ten hlawh an neih phah ve zel a nia

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » April 29th, 2023, 8:55 pm

MISUALPA ( THE BEAST)






CHAPTER 5






Ka nu te chu an sawi ang ngeiin khaw thenawmah rawngbawlin an kal a ,kei erawh inrin a ni bawka ina awm in kan Kel rawn thlen hun tur ka lo nghak ran,keimaha ka tih theih ka ring hauh lo . U Sammy te ho biak an tha in ka hria ,an niin tihdan tur an hre ngeiin ka ring bawk ,an awmna thin lam chu ka pan a ,Hmingthana leh Rinpuia,Duata nen chauh an lo awm a ,Liandinga leh Valpuia ka hmu miah lo . An awm ve rih loah ka ngai







“ Hmingthan,Rinpui min lo pui ula in vai khan " ka tihchuan an rawn hawi thap ,u Sammy erawh zial pet kawh vu chung hian chunglamah a khu chu a chhem chho leh thin,min ngaihsak awm pawhin a awm lo “ Enge puih i ngaih,i nu leh pa kan hmuh angai dawn a kan duh leu" an tinghal pang . Ka nuih an tiza ru viau “ Aw Kel ka vulh tur a lo thleng dawn a ,keimah chuan ka buaipui thiam dawn silo va ,min lo pui ula " ka tihchuan an in en hrek hrek “ Kan ei tur i vulh belh tihna a nihchu" u Sammy a rawn tawng chu zawi hle mahse ka hrechiang lutuk tlat .











Ka melh nghek,min en duh miahlo te chuan ka thin a tirim zual “ I thluakah khan mi ranvulh ei rawh tih chiah em ni awm? In fel chuan thil tui tawk ka lei ang cheu,min rawn pui ula " ka tihchuan Hmingthana te ho chu an phur hle tih an awmdan a tangin ka hre thei,tlangval ni tawh mahse an thil lawm erawh a la ho hlawm ve viau tih ka hre chiang miau va “ Spicy leh sprite kan duh tam tawk" an tihchuan ka bu nghat . “ Kan kal lovang" tibul hmuk tu avang chuan an rawn kal tur chu an tawp chat .







“ U Mam kal ang u,a tui dawn a sin keichu ka ei chak teh mai a nia " Duata chuan a ti a ,Sammy erawh a thut ngai rengin ala thu “ Lo kal ru,in u kha chu tikhan a mah te in lo awm mai mai rawh se ,Thangzawra ang maia lungleng a nihkha ,a duh duhin awm tir ru " ka tihchuan u Sammy chuan min rawn melh ta chat “ Nia kal ang u "tiin Rinpuia chu a rawn pen nghal thauh thauh a ,kan inlam pan chuan kan rak chho chul bawk ,an thawveng bawk nen kel buaipui chu an phur zia a lang reng .









U Sammy a erawh a thutna ngaiah a la thu reng,reivaklo kan nghah hnuah pickup rawn thlengin kan Kel rawn phurtu te tih ka hre nghal . Kan pan hnai vat a ,Kel nu pahnih leh a pa pahnih,a note pakhat a tel ve bawk,a in tur lamah chuan kan thlung zel a ,a pachal ber Hmingthanan kaih mai a tum chu a lo in la pa ve nge Hmingthana chu a lo si bur a ,a ni pawh in ring vaklo a ni nen a let nghal tawp ,driver pa in puih a tum chu a lo si veleh,a Kel a ber lah a ding kang ang lur lur a ,a lu chu a thing kual thul .









Rinpuia leh Duata nen chuan phei ve in va puih kan tum a ,kan buai hlawm hle . A kawlh bawk nen kan man thei mai bik lo,a tlan kual thul ,“ Man vat ang u,a tlan bo hlauh a nge " driver pa nen chuan kan tichul mai,kan Kelpa lah chu insik mi a la cho ngat ngat ,chutia a ngaihna hrelo taka kan en reng lai chuan u Sammy-a lo langin Kelpa chu a pumah a tlawh awk a ,Kelpa pawh sir zawngin a let tawp bawk . “ Enge khatia i rawn tih " ka lo ti that,Kelpa nghawngah chuan man betin a inlamah a hnuk phei a .








Kelpa kawlh zet chuan a mah hlau miahlo tu chu a ngam lo tih hriat takin thu awih takin a awm bawk . Kan en thap ringawt,a thlun fel rual chuan kan lamah a rawn phei a ,a kut a hnim vut vut “ Hrep hian a rimchhe lutuk " a tihluk,kan lo nuih tet tet,Kel rim hi a na in a hre thang lo tan phei chuan a rim hriat a hrehawm reng a ni . Driver pa chu a tlan chhuak tawh a ,keini pawh in lamah kan lut nghal “ Engmah kha khawih miah suh u,tv erawh in en thei ang,Rinpui Duata nen khan spicy chu zuk lei ta che u,bawmkhat 100 in nu Thanpuiin a zawrh kha .







Bawm nga in zuk lei ula, sprite pawh chu in rawn la nghal dawn a nia ,kha hmanhmawh ru" tiin ka pawisa 1000 chu pe in ka tir liam nghal zat ,phur em em in an kal chhuak nghal . U Sammy-a leh Hmingthana erawh tv enin an ngawi run mai “ Thingpui in duh em " ka tihchuan Hmingthana zawk chuan an duh thu min lo hrilh nghal vat,kan inchhung chu an enkual tih ka mit sirin ka hmu reng,ka nuih tet tet a ,pastor ina len an inring ngailo tih hriat reng reng,kan sitting room a kan tar “ Hlo bet chu a vuai a ,a par chu a chuai thin;kan Pathian thu erawh chu chatuanin a awm reng ang " tihchu an thlir vung vunga .








U Sammy-a ner deuh nawk chu ka hmu reng,thingpui chu ka pe phei a ,u Sammy-a bulah chuan ka thu thla nghal “ Kel i enkawl tawh em ni? Tihdan i va hre ve " ka tihchuan min chhang lo ,tv lam bawk chu a melh “ Durtlang ah a enkawl zuai tawh a lawm u Mama chuan" Hmingthanan a rawn tih rualin u Sammy chuan a melh khui khui mai “ Sawi kher a ngailo " tiin hmalam a melh a ,a kut chu ka vawnsak ,a phu deuh zawk . Keimah tak pawh a kut lianpui ka hum rual chuan ka dang lam ve tho .









“ U Sam,i thil tih hi ka thu a ni miahlo chungin nghei thei ula ka duh a ni,nangmah ni ang tam tak ka hmu tawh a ,ruihhlo hian nunna bak ala lo,kan ruih lai pawhin thil tha a thlen chuang lo tih hi rui ho tam tak sawi thin a ni a sin,ruihhlo hian mualphona leh nun tha lo zawk neihna chiah a thlen a ni " ka tihchuan min melh zawk “ Khatiang thu ka ngaithla peihlo" a ti deuh hluk . “ Kan Pathian thu chuan tihian a ti a sin Uaiin hi nuihzatbûr a mi siamtu a ni a ,zupui hi insual bung bungna a ni; chumi hmuna awm te chu an fing lo a ni a tihkha ,chu chu a dik reng bawk.









Rui chunga mikara i chenna hian nangmah a dah hniam che a ni " ka tihchuan chiang zetin min rawn melh “ Anihsi chuan engvanga Sacrament apianga uaiin chu insi nge in nih? Hei hi hre rawh,kohhran mite ngei pawhin in in chu engvanga sel leh si nge i nihle ,in chu a thianga sual kan tihloh chhung chu kan thil in chu sual a ni em? Ka insualin tual ka that em ni?" a tihchuan ka thaw hak,mi hnial dan lah chu a hrephian a “ Chutiang pawh nise ka bialpa i nih ka duh a ,nangmah nena inkhawmte ka chak a sin " ka tihchuan a kut ka humna chu a la sawn a .










Ka hlatah a thu nghal “ Vawikhat pawh kha thil kha sawi leh tawh suh,Biak in tih leh Pathian thu sawi fo thinte hi khawvela ka mi huat ber te an ni" a tihrawk a ,ka chhan leh hmain Rinpuia leh Duata an rawn thleng a ,spicy chu kan siama kan inkawm pah mawlh mawlh . Belh chian chuan thian kawm nuam tak an ni,hmeichhia ai chuan mipa hi kawng tam takah kawm an lo nuam zawk fo tih ka hre chiang hle bawk . Hmeichhia chu mi rel leh thiante phiarruk a thiante laka lungawi loh a pianga thiante hmelma lam tana,a thian thuruk leh a nihna phawrh sak ching leh si tam tak an awm a









Thufing tam takah pawh kan thiante lakah chuan fimkhur zual tur a lo ti reng bawk ,thian an ni a kan ringa ,engkim kan hrilh thin . Thian tha dik tak chu inhauh nikhuaah pawh a rinawm reng a ,thian tha lo erawh inhauh nikhua a thlenin kan nun tichhe thei tu ber an ni tlat,thian tam tak chu kawm tur mahse rinngam erawh ngah loh tur an lo tih thin kha ,khawvel mite chu in er reng renga nun leh midangte nalai hmuh nuam ti ber ber te kan ni miau a , spicy chu sprite nen chuan kan hmeh a ,kan hlim dar dar viau .









U Sammy-a pawhin si hluam hluam chungin a ei ve zel tho,an haw dawn meuh chuan a reh rawihin ka hria “ Zanah ilo kal leh angem " an tihchuan ka lu ka thing mai “ Inkhawm ka ngai a ,chubakah in nghah ka ngai bawk si a ,lo leng zawk ula" ka tihchuan an hawi vulh vulh a ,an u Mama lam chu an hawi thap . A ni lah min en duh tawh lek lo in kawngah chuan a chhuk thla nghauh nghauh mai si “ Kan hrelo le ,kan kal phawt ang " tiin an liam a ,ni e heng ho hi an nun an siam that theih nan chuan ka hnaih a ,an mahni ka nel leh ka kawm an ngai miau a .









Chu chu ka hnapui ber a ni reng bawk, missionary in ka kal chhuak ve thei lo a nimaithei,mahse he khua ngeia Biak in panna chang hrelo an lo awm hi ka missionary naah ka ngai nghet hmiah bawk ,kel ho chu an chaw duh zâwng zawngin ka vak kual a ,ka pek hnuah inchhung lamah ka lut leh nghal zat. Zanlamah inkhawm in ka haw lama ka thil tawn erawhin min ti hlau takzet ,mipa pathum in khawlaiah min lo tiding a ,zu an rui tih ka hre thei . Ka tha a khur thei hial “ Pastor fanu chhelo zet an tihkha i ni maw ? I chhelo tak hle mai a " tiin ka banah a rawn khawih a ,ka lo phu zawk










Ka kut chu ka la sawn nghal “ Uai ,khawpui nula tih takah a vun pawh a no nalh hle mai,leng ang hmiang zanin chu kan lo kawm hlim ang che " ti a min rawn khawih mai a tum chu “ Min khawih hauh suh" ka lo ti tuar ,kan awmna chu kan inpeng a ni a ,tumah an awm hnai hauh lo . Sammy te awmkhawmna thin lah a la hla deuh bawk si ,an nui huah huah a . Kalsan ka tum chu min pawt let dawrh mai;“In va zaktheilo ve ,min thlah nghal rawh u" tiin ka theih tawp in ka tal a ,mahse min man nghet mah mah chutia kan lo inpawh buai lai chuan thawk leh khatah pakhat chu a let tawp a .









U Sammy-a hmel ka hmuh rualin ka thla a muang huai bawk ,Liandinga te chuan midang pahnih te chu an khawih rawn ve nghal,ngaihdam an dil hnuah vawikhat mah ka hmaa inlan tawhlo turin an hrilh a ,an kaltir nghal zat . U Sammya ding ngawi run chu panin a awmah ka bei thlawp a ,ka mittui a luang ngiai ngiai bawk ,kha thil thleng kha ka rin phak bak a ni . Nidangah ka tawng ngai lova ,chuvang pawh chuan ka chi ai zual “ U Mam i zeilo thei e ,kuah let ve ta che . Phone te khawih ve la chuan nula laka awm dan tur pawh i hre ve deuh tur ,i zeilo emai" Rinpuia chuan a rawn ti hlak .









U Sammya erawh a ngawi reng “ Kal rawh,kan lo veng ang che " Valpuian a tihchuan ka thawk hak a ,muangchangin kan in panna kawngah chuan ka chho ,ka kal hlat fe hnuah an kalsawn tih ka hria ,ka hawi kual hrek hrek a. Kan inawmna a falin a hla bawk nen ka thla a muang lo takzet ,tlang pan chuan ka chho zel . Thawm ri hlek ah chuan ka hawi leh zawk zel ,ka hnung cheta rawn kal an awm tih ka hria ,ka khawng nghal awt . Au vak tumin ka inher a ,mahse ka ka rawn hup betin hneh zetin ka taksa chu a kuah bet nghal “ Keimah " tihmuk tu chu ka hrechiang mah mah .









Ka inthlah dul takah chuan min thlah ve mai bawk “ Kal rawh,in thleng ka hruai ang che " a tihchuan muangchangin hmalam ka pan a ,ka hnungah chuan muangchangin a rawn kal ve zel a ,ka lungte chu hlauhthawn vang ni hauhlo vina phu dup dup mai,in kan thlen hnu chuan min be tawh lo in a let nghal daih tih ka hria ,keipawh chahbi a inchu hawngin ka kalh nghal hmak . Ka room lam chu hmanhmawh zetin ka pan nghal ,ka awm chu dawmin ka mit ka chhing. Min haw lutuk bik lo tih a awmdan atang khan ka hria a ,hlauhthawnna karah ka hlim ru riau nia .







(ZANKHAT DANAH ZEL A AWM TAWH DAWN A , COMPLETE NGHAH ERAWH A CHI LOVANG,KA ZIAH LAI HIAN CHHIAR ZEL RU AW )

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » May 1st, 2023, 8:20 pm

MISUALPA (THE BEAST)







CHAPTER 6






“ Zo Sammya i ngaizawng em ni ?" Nunui chu enin ka nuih hak “ Enge ngaizawng chiah lo,min duh lova " ka tihchuan a nui ve hak . “ Miin an sawi a,ka hre ve duh ,i sawi takah chuan Sammy chu duhtu an tam a ,mahse hmeichhia a ngaihsak miahlo an ti alawm,ngaihzawng a nei ngai lo . A mak a sin,a mizia ang pu mipa tam tak chu lerh tak an ni tlangpui sia " a tihchuan ka bu nghat . Khawpui lamah pawh ani ang hi chu kawp lawr tak an ni ve a nia ,ruihhlo leh hmeichhia an kawp tawn a .









An peih ka lo ti viau thin,mahse u Sammy erawh a dang hlak thung a. Ruihhlo tireng chungin a nun erawh a hlim hmel chuang loh a ,englai pawha thinrim hmel a pu thin ,midang biak leh kawm ai chuan amaha awm nuam timi a ni tih ka hre chiang viau bawk “ Zanin chu min lo hmuh pui ve la " ka tihchuan a nui hak . A hmelah chuan a chak ve tih ka hre reng “ Dik tak chuan Duata kha ka duh lutuk a ,mahse tuma hnenah ka sawi ngai lo,a chhan pawh thingtlang lam chu hmanlai ang deuh,mi kan la tam lova ,khawpui anga mi chanchin in ngaihven pui miahlo ang kha kan ni silo va .








Chuvang ania ka zep tang tang zel,thil pakhat an hriat tawh chuan khawpumin an sawi nghal thin ,mahse lo kal ve tho chu ka duh" a tihchuan ka bu nghat . Duata ka ngaihtuah a,a nui peihin a hmeltha a ,an in hmeh viauin ka ring ,school ban rual in inlam pan lo in ka vak kual zawk a . In nalh zet zet leh a bul vel a pangpar an phun te ,kawngsira naupang in kawibah te thleng chuan ka en char char , Aizawl kha chu lirthei a tam em avang khan naupang pawn chhuak leh infiam dial dial hmuh tur an vangin zanlama pawn to hmuh tur an awm ngai lo va.










Thingtlang erawh zanlam thlengin naupang tualchai ri hriat tur a awm reng zel ,kan inlam peng ka thlen laia ka mi hmuh chuan min ti tum hmak a ,u Sammya chu hmeichhe pahnih hian an lo chhaih buai a,in ngaihtuah chiang hman lo in ka pan phei hmawk hmawk “ U Sam tute nge a " tiin u Sammya banah chuan ka vuan a ,mak tak maiin tun tum chu min lo hnar miah lo ve teh tlat . Chumi te chu a melh run a ,eng veng nge an nih ang pawh ka hrelo . He khua ah kan la awm reilo bawk nen hmelhriat vak ka neilo hrim hrim a ..









“ Hei hi ka bialnu chu a nih hi in hre tawh em ?" a tihchuan chumite pahnih chuan min melh rum hle “ Nang nu hi pastor fanu kha i ni lawm ni? I nihna leh i ngaihzawng chu a inhmeh lo hle mai " an tihchuan ka nuih hak,ka nuih a za takzet bawk “ Oh! A lo nimaw ,keichuan ka pastor fanu nihna hi ka chhuang ve lem silo va ,tin pastor fanu mah ni ila mihring ve tho,duh nei leh kawppui nei tura Pathianin a siam ve tho ka nia ,ka duhzawng chu tu fanu pawh ni ila ka nei ve bawk ang chu. Tin ,nangni pawh pastor fanu ni ve pha silo mipa bem bem te in va ngam zawk ve ,eng nihna mah nei ve lo chungin mipa bem ve tawh suh u .








A zahthlak,mipa in hmeichhia an bem thin a ni ngai,a hmeichhia zawkin in bem mai ,hmeichhia ve lem si in hmeichhiatpui in ti hming chhia " ka tihchuan an thinrim hmel ve ta hle . Nge mawni,pastor fanu tih hmachhuan reng reng hi chu tih let erh ka duh thin miau va ; u Sammy a chu kaiin ka kalsawn pui nal nal,chumi te hmuh phakloh kan thlen rual chuan ka kut chu a thlah nghal . He pa hi chuh! “ Ka pui ve em em che a ,hawihhawm ve deuh la,ngel ngul mai . Riakmaw ang mai,riahna tur zawn aiah nupui tur hmu zo lo in i leng tar mai tur a sin.









Chuvang chuan ka duh lai che hian ka thu awih hle hle la a tawk ,zaninah kan inhmu dawn a nia " tiin ka kalsan a . In lam pan chuan thawveng zetin ka zai chho hlarh hlarh,ka Kel vulh thar ho pawh in bulah an lo thlung thap a ,hnim vel chu an lo pet nauh nauh mai,an be ri chu ka nuih hak . Nun an tihlim riau vin ka hria ,a pa pui u Sammy a tlawh tluk tawp pawh kha a dam hmel khawp mai,ran te hi mihringte ai chuan an lo tuarchhel daih a nih hi. Inchhung ka luh chuan ka pa chu kohhran lam a miten an lo titi pui leh tawh.









Nitin an awm chuan inleng kan nei ngei ngei a ,a chang chuan ning ve thin mah ila kan rawngbawlna a nih angin ka pawm thiam viau tawh . Ka nu ei rawngbawl chu ka pui mawlh mawlh a ,ka mitthlaah erawh u Sammy-a tûm hmel ringawt zuk lang a ,keimah te chuan lawm lohin ka nui leh vur vur thin chu ka nu chuan mak tih hmel zet hian min en haw haw mai . Chaw eikham rualin ka room ah ka lut phawt a ,zan tlai lam a nih loh chuan u Sammy-a te an la awm dawn lo tih ka hria a .









Chubakah Nunui lo kal hun ka nghak a ni zawk mah ,a tawpah pawnlamah ka nu nena an inbe ri ka hria a ,ka bag la in ka chhuak nghal vat . “ Nu ka thawhpui Nunui a nih hi,kan vak chhuak lawk dawn aw ,tihdun tur kan nei a " ka tihchuan a chhan min zawt lo hlauh,haw hma tur a min chahin kan chhuahsan zui a ,u Sammy-a te awmna thin lam chu kan pan nghal . Rin ang ngeiin an lo awm leh thap tawh,zanin chu zu an lo in nasa zual,ka kal leh dawn tih an hriat vang a ni hrim hrim.








A bulah chuan ka va thu leh ta tho,a zu rim erawh a tui viau lo . Nunui pawh inthlahrung zetin a ding a ,midang chu melhin keichu min rawn signal leh zauh zel “ Duata ka thiannu kha lo kawm ve ta che u,a hrehawm a ti ang " ka tihchuan “ A duh leh ti ang hmiang,engvanga rawn hruai nge i nih?" u Sammy-a chuan a rawn ti a ,a mitmeng chu rui tih hriat takin a phelh phang tawh . Mahse ala rum em em tho ,a banah chuan ka vuan a “ Zantin ka lo hruai tawh mai thei,a chhan chu kan mawhphurhna in ni tlat .








U Sam ka sawi fo kha,keichuan ka nghak reng dawn che " tiin a darah ka lu ka nghat a ,a ruih lutuk tawh vang nge min dang thei tawh hauhlo,rei vaklo kan awm hnu chuan Nunui nuam tilo chuan haw a rawt ta thuai a ,keipawh ka chau deuh nen ka lo pawm ve mai . U Sammy-a chu mangtha in Nunui chu kawng pen thleng ka thlah a ,ka let leh lamah chuan an ni pawh haw tumin an lo ding thap . En duh tawh lovin ka hmanhmawh bawk nen in lam pan chuan chak zetin ka kal a,ka hnunglama min nuihsawh tu chu hre reng mah ila ka hawi let duh tawh der lo











In ka thlen rualin ka inbual fai sawk sawk a ,ka mut kawr ha in ka mu nghal vat . Ka mit ka chhing dawn tihah ka room tukverh chu a rawn ri kerh kerh a ,ka dawihsa nen ka phu zawk. Hlau chung chunga ka melh phei chuan ka mipa hmug avang chuan mak tiin ka kâ ho mai . U Sammya lek chu lo niin,enge a rawn tih dawn ni?



(ZAWM LEH TUR )

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)