MISUALPA (THE BEAST) BY MAWITEI BAWITLUNG (Completed)

Moderator: writers

mawitei bawihtlung
Posts: 753
Joined: November 18th, 2020, 12:53 pm

Re: MISUALPA (THE BEAST) CHAPTER 1 BY MAWITEI BAWITLUNG

Unread post by mawitei bawihtlung » May 15th, 2023, 8:07 pm

MISUALPA ( THE BEAST)






CHAPTER 11







“ U Sam a mak e ,titau tawh lo la " a tum lian deuh deuh,in her hmakin melh pawh min melh duh tawh lo “ U Mam lungawi mai mai suh,bialnu lerh deuh neih chuan khatiang khan a nimai" rawn titu chu rum zetin ka melh “ Lo ngawi mai mai rawh u Lalduatpui ,ka lerhna a awm lo . Mi rawn leng hnar haw ngawt thu awm suh" tiin ka bula min hnung chhawna thu ngut chu a hnunga beiin ka kuah a ,min la khawih duh hlek lo .







“ Nula ka ni ve a ,rimtu ka nei lo theilo a lawm,ka duh vangin lo leng ru pawh ka tilo a ,engah nge i thinrim em em a " ka tihpawhin min chhang duh lo ” Tikhan i ti zuap zuap a ,I lerh lutuk a nihkha ,u Maman a thiam lo chungin movie enin mipa in hmeichhia tih hlim dan enin a zir ve em em a ,lerh her hawr lutuk " Lalduatpuia bawk . Ka tho chhuak a ,a lo tlan chhe nghal chu rang lutukin ka um nghal,Liandinga te ho in karah kan in um kual vak a “ Tawng tawh suh ka ti che a ni lawm ni,Nunui ka biak nghal loh che " tivakin a bengah ka pawh sak a .








A la then chawk chawk zui ” Ka sawi tawh dawn lo,ka beng kha thlah teh a na a nia " tiin ka kut chu a vuan a ,a rak tung bawk . Kei lahin thlah mai ka tum lo “ I sim dawn em" Valpuia te ho lo nui tha chu a melh a ,a au tuar tuar bawk ,midangin min hriat ka hlauh avangin ka thlah thuai. U Sammy lam bawk ka en “ I tan ka lo kir leh,ka lam lo hawi leh rawh ka thinlung dam nan " ka zai rual chuan rum nghutin ka awmlohna lam bawk chu hawiin a thu run a ,a lian si miin hmu thut se chuan ramhuai emaw an ti ang tih tur in a thim hmuk mai .









“ Min ngaidam rawh Sammy,thiamna reng neilo lanu hi " ka tihleh chuan Liandinga te ho chu an lo nui awr awr tawh,ka va han ngei mai mai tak ka melh rawm rawm tawh,tihngaihna ka hre tawh lo chuan “ Ana " tiin ka lung zawn chu dawmin ka thaw kawk kawk,hetianga lem ka chan mai loh chuan tihdan tur dang ka hre tawh lo,ka tlan hahna avanga ka thlan chhuak te chuan min pui bawk nen na ti ang tawk chuan ka rak chul,min ngaihsak miahlo a min hnungchhawn tu pawh chu rang zetin a rawn inher nghal,a naute pawhin min rawn hnaih nghal rawk rawk bawk.









“ U Sam ka lung hi ana lutuk ,ka tlan hah vang a niang" tiin harsa tih hmel zet chuan ka thaw kawk kawk a ,min rawn pawm in ka awm zawnah chuan a kut in a rawn nem a “ Ana viau em? Engtin mah i awm ka phallo " tisupin a awmah chuan min kuah bet a ,ka awm chu a chul a a naute ho chu bike la turin a hrilh nghal chuveleh ka lu kanin a biangah ka fawp a ,a nghawngah ka kuah bet nghal zat . A hamhaih tih hriat zetin a che mai lo “ Ka lakah thinrim tawh suh,i thinrim chuan helai hi a na zel " tiin ka awm zawn chu kawkin ka tisep ..










Rum nghut in min melh a “ Iti der amaw?" Tihmukin ka kawng chu a hmer vak a ,ka au chul mai . “ Tihpalh i thinrim tlat a nihkha " tiin a biang ah ka fawp zauh a “ Ehemmmmm" rawn ti vak tu te chu ka lei ka chhuah khum nghal tawk ,kan intualah mei aiin kan awm thap a,ka nu leh pa pawhin min hau lem lo,u Sammy te zia an hriat vang te pawh a niang,nitin kan Kel an lo veng a ,kan kelpa an lo insik tir ngei ngei bawk . Mahse ka nute pawhin an hau duh lem lo,an tangkai zia an hreve miau va .








Ka pa pawhin a fate ang maiin thu tha a hrilh mawlh mawlh zel a ,an ngaithla ve kur a,an zawm chuang hlei lo thung . Mahse a zawng zawng chuan an zawmlo lo chuang lo ,an theihna ang zawng chu an zawm ve zel tih ka hria “ Naktuk chu khawiah maw kan picnicsi dawn a" uang lutuka Rinpuian a rawn tihchuan kan nuih hak,an ni thianho leh Nunui nen lui lamah in tih hlim nan kal kan tum a,ka nu leh pa pawhin ka thian kawm berte an nih avangin an rem ti ve lutuk tlat .









“ Zai ang u " tiin guitar inchhung lama mi chu ka va la chhuak a,ka pa hian eng emaw changa hmanah tiin a lei a ,kan kawl reng zel “ Hmar hla nalh deuh kha sa ang u" ka tihchuan englam nge min zawt a ,nuihsakin Chungsawrthlapui tih ka sawi chuan an phur ngei mai,keichuan an tawng zawng zawng ka hrelo nangin an hla te hi nalh ka ti thei lutuk tlat ,an hla thu hi chu tawng chhuak theilo mah ila ka hrethiam vek thin thung. “ Chungsawrthlapui a hung en changin ,ka thlir vela i lenna vangkhawpui " kan kut beng in kan lo zawm ve bawk.









He hla hi chuan mi a hneh ngawih ngawih ,a hla thluk hian lung a kuai bik,rap lam ai chuan hetianga muang fan raih leh hla thu mawi bawk si hian mittui a ti tla in mi a hneh vek zawk in ka ring bawk,u Sammy-a dar chu ka ngheng a,fur a in tan tep tawh a. Chuvanga ruahtui tam hma a picnic rawt kan ni pakhat ,a kut chu humin ka mit ka chhinga ,kan chungchang hria a a naute vek an ni bawk nen ka zak duh em em lo. Chubakah ka bem laia awm ve reng an nia ,a ngai reng ka timai .







“ Joseph Zaihmingthanga sak Khawnge i awm ? tihkha sa leh teh u " ka tihchuan an zai lehnghal,an zaithiam phian lehnghal a ,mipa aw nalh tak an ni “ Tlai nitinin ka zawng thin che a ,tawnni reng i awm silo ,aw khawnge maw i awm le?" tih an sak lai chuan u Sammy chu ka en,ka nuihsak kan hmalam hun kan hrelo a ,tun ang hian kan awmtlang vek thei kher angem ka hre heklo,mahse tun hun hi ka ngaipawimawh a ,nuam ka ti bawk . An thianho hian kim reng sela ,in kawm reng thei sela ka duhthusam a ni .










An haw dawn chuan mangtha in an kal liam thleng chu ka thlir a ,tunah chuan call pangngaiin kan in be ve ta reng a,sawi tur a hre ngailo nangin ka titi a ngaithla reng thung,keimah ka titi zat zat a . Ngawi rengin a lo ngaithla ve tho zel,engmah a sawisel ngai lova ,mahse mipa ka hmu emaw ka bia a nih thung chuan hmuh theih khawpin a hmel a hlauhawmin a rum thin hle,ka thaw hak a . Inchhung lam pan chuan ka lut ve nghal, guitar chu dah felin ka room lam ka pan a ,ka phone a message rawn lut avang chuan ka then sak.








Kan piah mai tlang ah an awm tih ka hria ,tlang chhipah ve tho in an nei a ,a nawm thu min hrilh tu an awm nual a ,keimah tak chuan ka la hmu velo thung,ala thlen loh deuh thu sms hmang chuan a rawn sawi ve thlap,a nitelin hma ka sawn ve zel tih ka hailo,a hma a a tih ngai loh kha ka hnenah chuan atiziah thin a ,chu chuan min tihlim veng veng bawk . A ni hi ka lo tawng lo ang tih ka hlau hnuhnawh viau mai,a chetze dam raih leh a mize zawi ruih te,a tawng tlem dan chenin story boy kan lo dream thin tih ka hria,tawng tam lo,pa em em a hmeichhe duh leh vawn tawh thlah tum lo bur chi ang ngei kha.



ZAWMNA







Lui kal tur chuan kan in buatsaih a ,u Sam-an KTM a rawn khalh chhuak ka hmuh chuan ka ka hau mai. An hausa tihchu ka hria a ,mahse ka hmuh chinah a bike khalh emaw bike a nei tih ka hmu in ka hrelo hrim hrim,a dum a niin a sen tlem in a pawlh pheuh pheuh a ,a inhmeh phian lehnghal,a mah a lianin a sang bawk nen a in rah khalh pha hle ,sap ho bike nen a an thlalak ka save thin ang mai a ni . Ka zawnah a rawn ding a ,a helmet full face atanga a mit chuan min rawn en chat.








A mit bak a langlo va ,pa ka lo ti hluah hluah thung “ Aw mengmawi min en la " tiin ka bula a rawn din chuan ka lo zai khum leh pek chu ka biangah a piai vak “ U Sam i vahan Man rem rem tak,sap ho i iang e,ka vahan vannei tak em tiraw,ka bialpa ang hi ka la hmulo " tiin a nghawngah uaiin ka nuih ver ver ,tumah an awm loh vang a ni pakhat . Thiandang te an rawn thlenga ,Nunui chu Duata ka phurhluih tir a ,an pahnih chuan an tum hmak . Mahse a duh ber tih ka hre ve miau va ka inthlahrung duh lo.









Bike chuan an khaw lui lam pan chuan kan chhuak nghal diah diah,Km 5 vel lek a ni a bike phei chuan kan thleng hma viau ang ,u Sam-a kawngah chuan kuahin a hnungah ka bei hlan mai . A hnungzang pharh darh leh a pangtilum chu ka nek talh talh,a ni erawhin hmalam ding takin a melh a ,a helmet khum chu inhmeh ka ti hluah hluah . Kan thiante an dim avang chuan ke a kal a ngai tawh tih ka hre thei,bike din rualin ka chhuk vat a,Nunui pawh a nui deuh var var reng mai . Liandinga leh Rinpuian nghakuai chiahna tur hmanrua vel an keng a .








Valpuia leh Hmingthanan bungraw thenkhat an kenga,keini pali in eitur vel kan keng bawk a ,mahni tawkah kan bawr ve hle . Kawngpui atang chuan pengin u Sama nen hnung kan dawl a ,ka hnungah kal in mi a chhawm ve hnak hnak ,keiin thil zawt kualin ka be reng a ,he khua ah a awm rei ve tawh a . Hriat a ngah phian ,lui kan thlen chuan Nunui nen kan au chul mai,a dai dap a,khawlum avanga kan thlan te chu tuiah chuan in chiahin ka dai nghal sawng sawngin ka hria .









Thawmhnaw phelhin kekawrbul nen chuan kan cheng a,a nuam viau ni a sa bawk nen tui chhung a awm a tinuam zual,a hmunhma a thawvengin a zawl deuh dup a ,a kamah rawngbawlna tur vel siamin mipa ho erawh an la buai viau “ Nu nuam i tibawk em" Nunui en a ka tihchuan a bu nghat “ Ih a bike khalha chuan ka inbeisei pha ngailo va ,mahse a lo nuam takzet min be ve char char a ,tunah chuan a hma ai ka duh leh zual" a tihchuan ka sawipui zui a ,kan pahnih chuan kan mipa duh ve ve chu kan en reng .










An in peih a ni ngei ang Kuaite nen chuan rawn pheiin lui hnar lam kan pan a ,kan chiah chho zel ,rinai Sangha an lo tam a ,kan man hnem phian lehnghal . Kei phei chu ka au chul reng mai “ U Sam a van nuam em em ,Chengkawl leh chakai min manpui la,ka nu leh pa in min chah a " ka tihchuan a rawn bu nghut ,lung chu phawkin chakai chu kan khawrh a ,an tam lutuk lo nangin kan eikhawp tur chu kan man tho . Puana dahna tur bika kan thui phui vekah chuan khung zelin keiin ka keng a .








Ka man ngam ve lo a ,a thu in ka lo sawi zuah zuah zel chu u Saman min hau leh hluk thin . Engah mah ka ngai duh lem hlei lova,an lian tha bawk nen ka rak teng tung mai,an cheh ka hlau lutuk chu fimkhur turin ka chah ve mawlh mawlh reng a ,kan man zawh meuh chuan a ni pawh hah in a thaw ve hle hle ,lung a chawi deuh reng bawk nen ka khawngaih viau,midang chu rawngbawl turin kan in nghahna lamah an chhuk vek tawh . Kan pahnih chuan luikam thing daihlim hnuaiah chuan thu dunin a kapkarah ka thu thana .








Thli rawn thaw heuh heuh chu kan inchhem tira,ka nui leh ver ver thin. A kut lian leh a kuttang sei sang ah chuan ka kut tetakte chu ka hum hnan tir a,ka nghawngah a rawn fawh chuan ka phu zawk . Phawk hra a ka en chu nuisuk hian alam hawizawng in min kuai her a ,min fawp nghal buan buan . Kekawr bul leh kawr ko bah pan te chiah ka hak avangin ka taksa leh a ni kawr ha lo taksa lum chu a innawk a ,ka sa deuh pup pupin ka hria,ka mal chu a tham salh a,a lamah min pawt hnaih leh sauh pah chuan min delh tlu nghal riai riai .








Ka hmui a fawhna lah a thlah heklo,ka kawr hak chhanah chuan ka hnute chu a hrawm bawrh bawrh a ,ka thluak a tinu bulh mai. Ka kekawr a a zen lut tur chu ka dang vat,min fawhna ata awmsawn pah chuan a hmel chu chiang takin ka en a ,a ni pawh a mitmeng chu a pangngai lo hle “ U Sam heiai thui chu kal lo ang,he thil hi chu i nupui ka nih hunah aw ,ka taksa hi chu i tan ka phal lutuk mahse a la hun rih lo " tisepin a biang tawn tawnah chuan ka vuan a .








Thaw hawkin a awmsawn nghal vat ” Ka tihpalh" a tihsup chuan ka hnaih vat “ Nilo e ,keimah alawm ka insum theilo zawk a nihkha ,ka hrethiam lutuk che a nia ,mahse tunah lo hmang ta ila Pathian lakah thil kan tisual dawn tihna a ni,a rawngbawltu ka ni a ,mihring chu kan bum thei mai thei . Mahse Pathian erawh kan bum theilo,mipa i ni a insum a har tur zia ka hriatpui tho che ,mahse thianghlim taka kan awm hian kan pahnih tan a tha zawk tih i hria tiraw " ka tihchuan a ngawi vang vang “ Ka bialnu i ni a ,insum a har thin,i bulah ngat phei chuan" a tihchuan ka nuih seih.









“ Kha tak kha sual i hneh na tur alawm,sual hi a chak lutuk a chu chu kan do chak ve a ngai a sin,ka hmangaih che tih i hria e ,ka hmangaih avang tak reng che chuan zahawm taka i nupui ka nih theih nan kan insum rih a ngai. I nupui ka nih zanah ngei ka hlan che chuan i hlim na pawh heiai a sang zawk ang . Chuvang chuan insum hram hram ang aw ,keipawh i tan ka inserh reng anga,nangpawh chutiang bawkin " tiin a awmah chuan ka bei a . A nipawh a thaw ta huai “ Keilo mipa dang hnaih suh ang che ,ka nupui i nih vat theih nan i tana pasal tlak ka nih vat a ngai a nihchu" a tihchuan ka kuah nghet sauh











“ Ka hmangaih lutuk che " tiin ka mit chhingin a awmah chuan ka bei ta reng a,min hmangaih thu a sawi let ve kher ka duh chuanglo,dawhtheihna ka neih a ka nghah reng phawt chuan engtikah emaw chuan min hmangaih thu min la hrilh ngei ka ring tlat a ni. A ni pawh chuan min kuah ve hlu hlu a ,reivak lo kan awm hnu ah kan thiante lam panin kan chhuk thla a ,ka kutah kaiin lung kar velah chuan ka tluk sual loh nan min veng reng bawk . Midang bul kan zuk thlen chuan rawng an lo bawl zo ti tih tawh .







An tihdan ngai te in min lo fiam zuk zuk lehnghal


ZANIN CHU A THUI THEILO AW,RUAH A SUR HLEK LEH CURRENT A THIM ZEL SIA NIMIN ATANGIN ENG KAN NEILO A , BATTERY KA NEI NGANG LO A NI E ,DAH LOH AIAH TLEM KA LO VAWM LUT



Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » May 20th, 2023, 8:46 pm

MISUALPA( THE BEAST)





CHAPTER 12






Luikamah chuan chhunchaw fakin kan ei zawhah intihlimin kan rak chul mai . Mipa ho chuan tui chhungah min um kual a ,Nunui nen kan rak nasa lutuk chu min nuih leh thin ,u Sam chuan ka kawngah manin min chawi vawk a . Ka rak chul mai,kan awmna lai ah chuan kan aw a khawk rum rum lehnghal ,a vawh tak em avang chuan chhuakin thawmhnaw ro kan in bel sawk sawk a . Ka khur beuh beuh chu u Sam chuan ni rawn luhna laiah min thutpuiin min kuah nghal zat.








Ka lu chu towel kan ken chuan a hru pah mawlh mawlh,Nunui leh Duata pawh Liandinga te ho awmlohna lamah an lo in duat ve nasa mai,nui hak hakin u Sam chu ka kawh hmuh a ,a nipawh a khi ve suk mai . Ka ngheng hnai talh talh a “ U Sam,kan inneih hun tur ka nghakhlel " ka tihchuan engmah sawilo in ka hmuiah a fawp zauh a ,hmalam melhin “ Engkim ka siam that hun min nghak thei ang tiraw Duati" a tihchuan ka bu nghat nghat.






“ Heng thil te ka kalsan a ,ka chhungte nang ka neih duh che chuan ka rem hmasak phawt an ngai tih hria la,chhungkaw in ngeih lo tak a i lawiluh ka rem tilo ,inrem theih ngang loh leh ka in dan pui mai ang che " a tihchuan nui seihin a kut tang chu ka khalh neuh neuh,mihring hi chu kan mak a ni,kan rila rah kan fate ngawih ngawih bawk nun beidawng khawp leh na khawpin kan siam duh a nia ,nu leh pa pawh hi kan fate awmdan tha lo tam takah hian mawhphurtu kan niin ka hria.







Fate ngaihsak lo duh duh dana awm tir a ,pawisa a engkim chin fel tumin tam tak chuan kan fate pawisa hmang a thlemin an duh duh an tih kan phalsak a ,hmeichhia phei chu kan at a vang hian ngaihsak zual kan ngai em em bawk si . Aizawl a kan thenawm te ka ngaihtuaha,an fanu tleirawl kha a duh duha awm tirin amamawh pawisa an pe tawp a ,mipa a lenpui reng a ,a nu leh pa lahin hnathawkin thu tha pawh hrilh hman lo khawpin in an awm khat a ,a tawpah sawn a pai a ,an zak leh si .








Ka nu leh pa in an hnem in thu an hrilh nual hnuah an inrem leh thei chuan a nihkha,NAUPANG CHU A KALNA ÂWM KAWNGAH CHUAN ZIRTIR ULA,A UPAT HUN PAWHIN A THLAH LOVANG tih a ni a ,kan fate hi Pathianin kan enkawl a ,kan rawngbawlna tur a min pek te an ni a ,naupan lai atanga ngaihsak an nih loh chuan an nun a kalsual a ,chu chuan nu leh pa tan phur rit a ni leh thin . A tlai tawh hnu a siam that tum ai chuan an inzir hun lai ngei naupang te an nih atanga kan zirtir that a ngai reng a ni .






U Sammy awmdan pawh hi ka dem hauhlo,a nu leh pa hian ngaihsak se hetiang hi a ni kher lovang,an fapa a ni a . Eng ang mi pawh nise an hmangaih a ,an tuamhlawm tur zawk a ni si a “ Ka nghak reng ang che ,chuan i nupui ka nih hunah chuan hei ai min ngaihsak zual sauh ka phut ania" ka tihchuan a nui hawk hawk . Ka zakah a rawn dek avang chuan ka tal nghal nawk nawk,haw turin kan insiam sap sap a ,Sangha leh chakai chu ka bag ah chuan ka ak ve thlap a









Keima tawkah ka hlim ve em em ringawt ,haw lamah chuan hrui zam chi par senno kan hmuh chu u Sammy ka in lak tir a ,ka kutah chuan kengin ka pen ve thauh thauh a ,Hmingthana leh Valpuia inhnial chho chu kan nuih pui leh thin . Tlangval naupang zawk zawk ni tawh lo mahse an mizia erawh la naupang chhia tak an ni,kawngpui kan thleng chho va ,bike chu tinungin midang chu kan tlan hmasak tir leh vek a .







Keiniin muangchangin hnung kan dawl thung,ka kuah leh tai a ,a dul thep leh phiar fat chu kuah a nuam takzet,mipa piannalh hi chuan hmeichhia hi a hip ve em lah tak a . A darah chuan ka khabe nghatin zawhna ka zawt zeuh zeuh a ,a ni erawhin aw leh aih bakin min chhang meuh lo,a helmet chhanah chuan ka melh rum vak zel ringawt ,hetiang em em a tawng harsat mai bawrhsaibe ei tir teuh ka duh rum rum . “ Hmingmuanpui tih hi chu i inhmeh lo







Thlak hmak rawh ,Sammy Lalsamuanga inti tawh rawh,biak che piangin min vin hluk hlum reng mai" tichiamin a kawngah chuan ka tham vak,thaw hawkin a kut leh lam chuan min rawn hmersak salh a ” Awm mai mai rawh sihsen ang mai,kawng thlangah ka liam pui mai ang che " nuihza aw zeta a rawn tihchuan lei ka chhuah vak,ngawi karin a hnungah chuan ka chuang a ,khawchhung kan luhchuan min lo hmutu ho chuan min en duh leh pek .








Thingtlangah hi chuan in zui deuh emaw hi chu kan lar chhuak zung zung zel tih ka hria ,tunah pawh hian u Sammy nen kan in zui hi engtiang chiahin nge min sawi tawh ang tih ka ring thiam pha hauhlo nangin min sawi that vak chu ka ringlo,a chhan chu he khawmi ten mipa sual an tihkha ka bialpa ani miau alawm . Keichuan an sualna ka hmulo,zu an in a a nimai an ni ai sual leh in tihbuai hrat tak tak ka hmu tam viau bawk . U Sammy te hi an fel ka ti hauh lo ,mahse misual kan tih tur ang chi an ni chuang hauh lo .








Tumah an tihbuai ka hre ngai lova ,khawtlang tana hnawksaka an awm ka hre hek lo,tual an that tih lah sawi tur a awm lova ,mahse an zu in reng erawh in min tihrehawm ve viau thung. Tuna ruilo a an awm ang chiah hian awm reng thei se duhthusam a ni,kan in ah min thlah chho a ,tualah bike chu a dintir rualin ka nu leh pa pawh an rawn chhuak a . U Sammy chu an lo be bawrh bawrh ,kan inkar an hria a ,min hau hauhlo ,min pawm pui em em zawk ani .








Nu leh pa tam tak chu nise he khaw miten an selna avang ringawt pawh hian kan inkawp an phallo ngei ang,ka pa nihna avang ngawt pawh hian mahse ka pa chuan a hrethiam lutuk tlat “ Ram pawnah missionary kan tir chhuak a ,chungte chu Pathian hrelo hlak an ni a ,mahse hetah erawh Pathian a awm tih chu an hria a ,chuvang reng chuan he i kuta tla hi i missionary na a niin mahni hnampui kar maha chanchin tha an hril theih chuan i hnampui kar ngeia i hril hi a hlu zawk .







Chutih rual erawh in sual hi chak deuh a ni a ,an bula awm tam chuan an tih ang tih ve daih a awl a ,chuthilah chuan in veng thung ang che . Mi tam tak chuan midangte siamthat an tumna lamah an bulah an chetla tam a ,mahse an mahni zawk an hruai that tumte zawkin an tihang chiah ti turin an thlem thlu fo va ,hei vang hi a nia ngawlvei tam tak te pawhin ringtu inti si engmah nileh silo,kohhranah an in hmanga an nun a tawp ru leh hle si an tihfo thin ni . I hmangaih tih kan hailo a .







Mahse chu i hmangaihna chu Pathian i hmangaihna ai a chak tur a nilo,mihring hmangaihna chuan a tha lama min hruai theih rualin a chhe lamah pawh min hruai thei tih hre reng ang che . Thianghlim takin inkawp ula,nawr lui ngai suh,mipa chuan thu min pe nghal pawng pawng tu hmeichhia chu eng atan mah kan ti ngailo,chuai chuan ngawi reng leh dawhthei taka min nghak a ,min thlahthlam miah lo tu kan zahin kan ngaisang thin,tin kan duh duha kawihphar theih hmeichhia hi kan ngainep ru thin tih hre reng ang che .






I hmangaihna avangin a alakah nem ngai hauh suh,sual lam zawng a nihchuan inthen pawh huama dan mai tur " tiin min hrilh thlap a nih kha. Inchhung lamah kan pali chuan kan inzui lut a ,u Sammy nen chuan kan chakai hawn vel chu kan chhuah a ,sangha erawh ka nu in chhum turin a lo siam mawlh mawlh thung. Kan man tam zia chu an phul pui ve hlut a ,lui sangha hi kan ei ngai manglo a , Aizawl angah kha chuan dil sangha kan ei leh kan ei tawp a . Hetianga lui Sangha hi chu eikhat tak kan ni .








A tui dan a in ang lo hle bawk ,kei erawhin ka ngaina lutuk lem lova ,mahse a hrisel avangin ka ei ve mai chauh zawk . U Sammy chu ka nu leh pa in chaw ei tura an tihluih tlat avangin a awm ve reng a ,ka pa nen chuan titi in an tuizawng an sawi dun mawlh mawlh . Chaw eilaia ka pa thusawi avang chuan u Sammy nen kan in enkar a “ Nupui a i nei duh anihchuan kan remti lo hauh lo,mahse i hriat angin kan fanu a ni a ,a hlimna tur leh a hmalam hun thlengin kan ngaihtuah lo theilo va ,i chawm zolo ang chu kan ti hauhlo . Mahse tun anga in awm a in in enliam tawp chuan engtikah mah chhungkaw hlim in ni thei dawn lo .








Zu in suh kan tingawt theilo che a ,mahse kan fanu hi i hmangaih takzet a nihchuan engtikah emaw chuan a innghahna tlak mipa i nih theih kan beisei reng thung . Ngaihngam taka a awmna tur hi kan duh ber a ,nangpawhin ngun takin lo ngaihtuahla ,mipui tling tak i ni tih kan hria a . Mite sawidan kan ngai pawimawh lo tih erawh hria la ,in inneih hnu chuan kan fanu hian a belh tur ber leh a in nghahna ,a in i ni dawn tih hria la . Fa inneih hun tur thlengin kan ngaihtuah lo theilo,kan fanu hi i hmangaih ve tho in ka ring a .








In pahnih pawhin ngun takin lo ngaihtuah ula,chhungkua din thei khawpa in puitlin tawk hunah chauh inneihna chu tihchauh tur a ni ngai,fimkhur tak leh thianghlim taka in in ngaihzawn phawt chuan in awmdun pawh kan phal tih hria ula,i nu nen hian kan hming tichhe tu nilo hram ang cheu " kei min rawn en a a tih leh chuan ka bu nghat,inneih an remti tih ka hriatna chuan min tihlim lutuk tlat “ Ka hria e ,keipawhin in fanu hi innghahna tlak nilo laka a tluk luh ka phal bik hauh lo ,tuna ka awmdan hi a thalo tih ka hriat avang rengin engkim ka siam tha mek reng a .








Mipa tha tak in fanu tan hian nihtumin ka bei mek a ni . A hma hun ka tihchhiatsak vek thei tih ka hria,mahse chung chu ka tum ngai hauh lo . Atana mipa tha ber ka ni ang chu ka ti theilo va ,mahse min rin ngam phawt chuan in fanu hi ka thlauhthla ngai lovang " a tihchuan ka chhung lam a lo hlim,a thusawi awmzia ka hre chiang lutuk tlat,keimah vangin a thil tih thalo a sim mek zia chu ka hmu chiang ve viau a ni .



(TUNLAI CHU KA DAM LOH AVANGIN KA TYPE THEI LO A ,ZANIN PAWH KHAWHAR DALAH KA DAH MAI MAI AW )

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » May 22nd, 2023, 9:12 pm

MISUALPA ( THE BEAST)






CHAPTER 13






Lentlang ah kum hnih chuang chu kan awm ve ta reng mai ,u Sammy nen pawh kan in zui tam tial tial a . Khawpumin an hre tawh a ,min sawisel tawk an awm a ,kan hriat phak tura tawngkam mawilo hmang pawh an awm nual mai . Mahse ka nu leh pa berin kan in ngaihzawn an phal miau a ,ka nu leh pa thlenga hmer kawp lah an bang lo . Mahse chungte avanga ka nu leh pa in min hau ngailo te hian ka nu leh pa rinna lo ngheh zia leh mi hriatthiamna an ngah zia a tilang ni berin ka hria.








Tunah phei chuan u Sammy pawh a inkhawm ve fo tawh a ,mahse mi kara awm erawh ala inthlahrung em em zel . Zu a nghei tial tial a ,a ruihhlo dang khawih thin phei chu a sim hial tawh,ka hriat ruala ka hlimzia kha tumahin min hriatpui hauh lo ang. Nunui leh Duata pawh an inkawp ve tawh a ,zantin deuh thaw an in rim ve tluk tluk zel . An la inkawm ho reng nangin zan lamah chuan an awmtlang thei tawh meuh lo . Liandinga leh Hmingthana,Valpuia te erawhin u Sammy an la rawn zui ziah a .







Rinpuia erawh a insiam that hnu khan a chhungten lehkha zir zawm tur a an tihna pawmin khawpui lamah a awm ta thung a . U Sammy te panga bak an awm tawh lo ,ka nu leh pa lahin an rawn len chuan an lo kawm bawrh bawrh a,nuam an ti viau tawh . Vawikhat ruah leh thlipui a rawn thawk a ,chhun a ni navangin khua a thim deuh khup a ,ka nute an zin chhuah avangin u Sammy te an rawn leng a ,kan panga chuan kan tlan chhuak a . Thawmhnaw zar chu kan seng nghal mawlh mawlh .







“ Awi Zonun i kekawrte a thlawk a nia " Valpuia rawn tihna lam chu kan en thap,a ni tak tak lehnghal “ Awi engtin nge kan tih dawn,i va thing tak ,ka lei thar deuh chiah a nih saw aw " tiin ka kekawrte thlawk luah luah chu kan en a ,a tawpah kan kawmthlang thingkung ah a tang chat “ Ruahsur banah a la awm chuan kan la dawn a nia ,lut phawt ang u" u Sammy an a rawn tih takah chuan kan inzui lut dial ,ka room lamah lut in thawmhnaw chu ka thlep mawlh mawlh a . U Sammy chuan ngawi rengin min pui ve mual mual .








Zan reiah ka bula rawn riah a hmang a,a tirah chuan ka duh lo lutuk,mahse karhnih deuh thaw a tih tauh avang in a khat tawka a rawn riah chu ka phal sak hram . Chu pawh chhuatah ka mut tir thin,lungawi takin a mu ve mai zel ,nupa nih hma a sex hman ka duh lo va ,a ni pawhin min tilui ngai lo . Hei tak hi ka hmangaih zual nachhan a niin ka hria ,ka duh loh thilah chuan min nawr lui ngai miah lo va ,a insum theihna tak hi amah hmangaih lo theilo leh vei lo theilo a min siam tu a ni .









Room atanga kan chhuah chuan Liandinga te ho chuan an tihdan ngai te in min lo fiam leh bawrh bawrh a ,ngaiah ka neih tawh . Naute an awh tawh thu an sawi ve ziah lehnghal “ U Mama fa chu a hmelchhe theilo hrim hrim,a hmelchhiat vaih chuan afa a nilo tihna a ni dawn a ,in inneih pawhin in inthen ang" an ti thin erawh kan in sawisa ngun khawp mai . Ruah a han a ,khua erawh ala thim khup dar 4 a ri thuak tawh a ,haw an tum chu ka kekawrte la phawt turin ka hrilh a . Kan panga chuan kawmthlang lamah kan inzui dial.









Vanneih thlak lutuk in alo la awm hlauh, thing zar tliakah a lo in bat a nih hmel “ Hmingthan nang thingkung thei deuhah lawn rawh,a nal si keini chu kan lawn theilo " Valpuia leh Liandinga chuan an ti nghal zat,Hmingthana chuan u Sammy a rawn melh a ,a nilah kut kuangkuahin a lo awm hmak bawk nen peihlo zetin a lawn a ,a tawlh leh thin chu nuihza viau mah ila mi thingkung lawnlaia nuihza lo siam chu an lawn theilo tih ka hre ve tlat . Nui chunga thing lawn chu a har em a .








A bul a han thlen rualin a kut hmawr te in a khai a ,a ner hmel ka hmuh rualin “ Hmingthanzau khati khan ner vel suh " lo tihlakin a rawn theh thlak chu u Sammy chuan a lo man chat a,a rawn chhuh rual chuan an pathumin an haw dial. U Sammy erawh ka nute zin chhung ka bulah awm a tum tlat a ,ka pa a lo dil hmanhmawh a ,enge an in biakna hrelo mah ila. Eng emaw tak chu ka pa a hrilh a nih ka ring,ka pa pawhin a rem tih mai danah ” Karkhat vel kan cham dawn si a ,nangmah chauha awm ai chuan a tha zawk a lawm.







Kan ring cheu kan tihkha ,ka fanu hian a nu leh pa rilru natna tur a ti ngailo ang tih kan hria a lawm . Mahse mi mitmei veng reng ang cheu" tiin min zinsan a nihkha ,u Sammy nen chuan rawngbawl dunin a niin ka bula dingin ka che lai chu min lo veng ve run a . Thla a timuang viau mai,dik tak chuan thlipui leh ruah tih vel hi ka ngaina hlawl lo,tek tla leh khawpui rik phei hi chuan ka hlau zual ,maian leh sakhi sa rep chu ka chhum pawlh a . A rim chu ka hip vang vang,helaiah chuan an la ramvak nasa a ,sa pawh an la tam viau.









A khat tawkin eng eng emaw an kap leh nawlh zel ,rawng ka bawl zawh chuan tv enin sofa ah kan thu dun a ,ka hnung lam atanga min kuahin puan kan in zawn a ,ka ngheng ar ar mai . “ Ka ta ni reng ang che " tiin ka nghawngah chuan a fawp zauh,tunlai a mizia hi a mak. Ka kalsan dawnah a ngai emaw tih tur khawpin a awm a ,a thikthu a chhia in ka hlatah a awm rei ngai hauh lo . School ah chenin min enthla a ,ban hun thleng thak te min nghak thei nia ,engmah ka zawt duh lo nang in enge a chungah thleng tih ka ngaihtuah fo thin .









“ I ta ka ni reng a lawm,nangmah zawk hi hmeichhe dang i bia emaw a nih vaih chuan na tawkin ka khawih ang che " ka tihchuan nuisukin ka hmuiah a rawn fawp a ,sofa ah chuan min delh tlu nghal awk . ” Khawi tho rawh,kan tawt si . I ke mah a leng lo a nihkha " tiin ka nam dat dat,a nilah thawh tum hmel a pu lo,ka awmzawnah chuan beiin a thaw sak sak mai . “ Chaw ei tawh ang i nutei in a ngaihtuah ve tawh viau ang che " ka tihchuan min chhang lo ,a hrilh chu ring ve tho mah ila amah te chauhin a awm dawn bawk nen a khua a har ve viau ang.









“ U Sam ,chaw ei ang kan chawhmeh a dai zo ang " tiin ka nam leh vak. Thawh chhuah pah chuan a la phun bul bul zui a ,chaw ei chu siam zung zungin chaw hmeh ka buaipui leh mawlh mawlh a ,a ni erawh chaira thu in in ti thu zet hian chaw leh chawhmeh awm ang ang chu a lo in ti ei a . Ka ngei tak tak,ka hman rualin tawngtaiin ka bar ve nghal zung zung,sati chiah ka ei thei tih a hriat vang nge a thlengah a suak vek a nihchu. Rum zetin ka melh “ Hmingmuanpui" ti thatin a thleng chu ka va ban a ,a lo khai sawn daih ..










Ka fian chu dahin ka tho chhuak a ,ka room lam ka pan nghal nal nal . A sual thiam lutuk chuan ka mittui a titla thei hial ,khumah chuan thu in tukverh lam chu enin ka mittui luang zung zung chu ka hru a ,ka room kawngka inhawng chu hre reng mah ila en pawh ka tum lo . “ Duati" ka chhang lo hrim hrim “ Bawihte" ka bulah a rawn thu a ,melh pawh ka melh duh lo . Ka insut faih faih a “ I tap em ni? Ka fiam che a nihkha ,kha le hei ei rawh" tiin chaw thleng chu ka hma ah a rawn keng a .









A sati suah zawng zawng pawh chu a rawn dah tel vek ” Ka duh lo,i duh leh nangmahin va ei rawh " tap aw nen chuan ka tichhuak tiau a ,a awmlohna lamah chuan ka inher san leh nghal . Thleng chu dawhkanah dahin min rawn kuah a ,ka tal nghal nawk nawk . A chak bawk nen ka tal chhuak theilo “ Thinrim tawh suh le ,i tana ka suah alawm,ka fiam mai che a nihkha,i mittui hi ka hmu duhlo a nia " tiin ka mittui chu a hru nghal zat “ Dawt,nang hian ka duhzawng hi min ngaihtuahpui ngailo " tiin a awmah chuan ka chum vak vak a .








Engtin mah min tilet lo in a dawh tawp,tap khur dar darin ka chumna kut chu ka dahthla riai riai ” Ka tihpalh,ka hmangaihnu tap tawh suh le ,khawi keiman ka eitir ang che " tiin min pawm kang nawlhin ,a kut chuan thleng chu a keng tel a ,kan bawr chhuak viau,dawhkanah chuan dahin chair ah chuan min thut pui a . Ka mittui chu a hru leh zauh “ Khale a daih hma hian ei vat vat rawh " tiin chaw chu min bar tir a tum a ,ka lo ang ve mai. Duhlo viau mah ila min fiam man a mahin min barh vek rawh se .







Chaw hmeh chu ka ka ah a rawn hnawh mawlh mawlh a ,antui nen chawp chuan min hawp tir vek. Pafa chaw in pe kan ang lutuk chuan ka nuih a tiza ru viau a ,mahse ka thinrim laia nuih ka tum hauh lo . Ka puar tih ka hrilh rualin tui awmna lamah min pawm phei leh in ka hmui kam ka thuah a ,min din mar puiin “ Ka naute hi kan awi mu ange,a tah leh hma in " nui put put chunga a tihchuan a awmah sik vakin ka chhuk thla nghal daih .







“ Chaw saw ei rawh thleng sil vat ka duh ania " tihlakin ka kut ka kuangkuah hmak . Thuawih tak chuan a ei ve mai bawk ,a eikham rualin thleng chu seng felin ka sil a ,ani erawh tv alo va en daih thung. Ka zawh rualin roomah ka luhsan a ,phone chu enin ka thiante ho ka be leh nghal zat . “ Duati innei mai ang hmiang " ka bula rawn thu chung chuan thu tak zet hian a rawn ti a ,ka melh nghal vat ” Ala hma lutuk chu lo ah Biak inhawng ngeia inneih ka duh ka tihkha " tiin phone chu dahin ka mit ka kan ak a .








Thaw hawk hian khumah chuan a zangthal zawngin a rawn let tawp a ,inchung lam a melh reng bawk . “ Duati ka let tawh dawn a " a tihchuan zawhna mitmengin ka en ,za lo taka thensukin “ Thla a liam leh meuh chuan Aizawl ah ka let leh tawh dawn,ka nu leh pa in engkim siam that a nun thar hman an ti a ,ka haw ngei a ngai tih i hria tiraw ? Tuna inneih i duh loh pawhin ka haw hunah engkim ka zuk siam tha anga,min nei duh angem? Palai ka rawn tir anga " a tihchuan nuih ver verin ka bu nghat .








Ni e he thil hi chu a thlen ka ring reng a,mahse a rang teh thut lutuk chuan min ti lungngai lo theilo. “ Lo tir vat rawh aw ,i zuk reh vang vang chuan ka hrilh hai dawn teh a nia " ka tihchuan ka chala fawp vang vangin a bu nghat . A mutna tur lama a kal hnu ah chuan ka in let ka in let a ,pawn lama ruah tla cherh cherh te chu ka ngaihtuah theilo,a haw huna ka awmdan tur ngawt ka ngaihtuah a ni .



(ZANIN CHU KA THIANTE KHAWDANG ATANG AN RAWN LENG THUT SIA KA DAH TLAI AW )

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » May 25th, 2023, 8:55 pm

MISUALPA ( THE BEAST)






CHAPTER 14








Ngui nghiaiin u Sammy an kal tur a min tihna lam pan chuan ka pen chhet chhet a ,a bul ka thlen chuan hla a lo ngaithla a ,hmalam a melh ngur bawk . A haw a hun tep tawh a ,chu chuan min tilungngai zo vek . Pawh mai lo in a hla ngaihthlak chu ka ngaithla ve kar “ A heh sen mawi no ri riai,ka vannei amah ang hi ka chhai thei hi vannei nih bik a ngai ,thenrual hmaah kan indi rial " a sak pui ve sup sup a ,ka rilru hahna dahtha in nui sen senin ka pan a .








A hma a ka va din rualin min lo pawt thu vat a ,ka biang piai pah chuan “ A changin a fawp nawn fo ka biangah ,a changin ka kut thawhin ka piai thin" a tihpah chuan ka biang chu a piai na sauh,ka ner nawng nawng . Ka dan dawn leh a piai na zual zel bawk si ,ka ngei hle “ Ka awm chuan a hlim thin a ka kiangah ,a hlim theih nan engkim ka tiam " a phun pui zawh rualin ka hmuiah a rawn fawp nghal chat . Ka kuah a ,a awmah chuan ka bei kak “ Min ngai dawn em" a tihsup chuan ka chhang theilo .







Ka ngai dawn lutuk tih ka hria “ Min va chhang duhlo ve " a rawn tileh,ka la tawng chuang lo . Ka khabeah rawn vuanin min kuai dak a ,mittui tling piau in ka en thung “ Hey i tah vaih chuan thuruk ka hrilh dawn miah lo che a nia " tiin a nui vur vur a ,a awmah chuan chum vakin ka hawi tauh san hmak . Ka tah chhuah em em laia alo nui khi thaw reng chuan min ti thinrim “ I lo hawi duh loh chuan ka haw san dawn che ania,ilo hawi chuan Aizawl ah ka chhuk dawn lo " a tihchuan rang zetin ka in her .







A fiamthu nge fiamthulo hriat tumin a mitah chuan ka melh kar ,mahse a fiamthu hmel hauh lo . “ I ti tak tak em? Dawt a nilo tiraw " ka tihchuan a bu nghut ,ka bawh tlu nghal rawk ,ka lawm lutuk chu ka mittui a tla thei hial . Hetiang khawp hian ka lo hmangaihin ka lo thlahlel ang tih ka ring pha miah lo ;a kut chu humin a kawngah ka inkherh bet a ,a darah ka bei than bawk . “ Kan inneih hun a hla leh dawn erawh ka lawm chiah lo,nge ni a kan innei tho dawn ,helaiah pawh a tih theih a lawm " a tihchuan ka nuih hak .








“ Nghak leh rih ang aw ,kan la nau tho a kum a liam leh te a nih chuan hei ai ka puitling zawk dawn a lawm" ka tihchuan a ni pawhin engmah a sawi tawhlo,kan kel ho chu ka a bulah rawn kalin hnim an pet a ,a note chuan u Sammy kawr ban a rawn pet zeih zeih a . Ka lo nuih hak,a vengtu leh a neitu an hre ve reuh a ,mi an pet reng zel ,an be ri in kan zawng a . An lo tlat hlat deuh pawhin an hram dana koh chuan min lo chhawn ve vat zel,u Sammy te thianho hian an veng tam bawk a .










Keini ai mahin an awmna tur an hre zawk ,ka hnung chu a chul hauh hauh a ,a kawrban pet tu chu hauh pawh tum lo in a awm ang ang chuan a en tawp “ Hetah hian awm reng thei ila tiraw? Kan thiante ho nen hian awm reng thei ila ka ti,i ti ve em ? An ni hetah an awm reng dawn a ,Rinpuia pawh a zirna a zawh hunah a rawn let anga.In kim leh thuai dawn a " tiin ka phun sep sep,ka phone phawrhin WhatsApp ka en kual zawk a . Nunui status ka hmuh chuan ka en vat,Duata nen an in ti thiam lo nge a lo broke nasa mai .







A tawp a a status chuan min ti nui hak hak “ Ka tan hian khuanu hian ruat chu a nei ve ngei a ,ka duhzawng mipa leh ka tana ruat chu an awm ,mahse tunah chuan KA TANA KHUANU RUAT A TLANCHHIA " tih a hman chuan min ti nui hak hak ,engtin tak lo in ti thiamlo ang maw ,ka tana khuanu ruat a ka tawng lo a tidawn emaw tia a tlanchhia tihzawnga a sawi chuan ka nuih a tiza zual .“ Phone ringawt en lo in keimah min ngaihsak rawh " ka kawnga rawn hmer salh a a tih avang chuan ka insiam tha thuai .








“ Nunui leh Duata an in ti thiamlo a nih hmel" ka tihchuan a mit ko a san uk duh chauh . “ Ngaihtuah suh an tha veleh mai ang,kan pahnih bak kan inkarah lang tawh rih suh se " tiin inlam panin min chhohpui a ,ka nu leh pa tuala lo awm chuan an lo be nghal mawlh mawlh . Thing tuah tur kan fawm sa chu u Sammy chuan a ek a ,ruah a sur ngun bawk nen thingro a hek hem hem hle . Ka nu leh pa pawhin an fa tak tak ang maiin an en a ,kan inzui pawhin min khap ngailo ,min rinna chuan sual lam min ngaihtuah tir lova . Engthawl tak leh thianghlim takin min awmtir thei zawk .







Min ring lo in min hau reng chu nise kan thinrim leh runluih chak avangin u Sammy hian min khawih chhe tawh mai thei,mahse ka nu leh pa rinna avang hian a ni pawh nasa takin a insum a ,tunah phei chuan a inkhawm ngun ta viau mai . Mite pawhin a mize inthlak chak lutuk chu an hmuh hmaihlo,a tira kan inkawp min sawichhe tu te ngei ngei pawh khan an fak tawh zawk . Inchhung lamah ka nu leh pa ho in kan infiam a ,kan nui leh dar dar zel .








A nutei nen pawh kan inhmu tawh a ,min lo lawm thiam viau a nihkha “ Lo inkawm rawh u,rawng kan bawl tawh ange " ka nu chuan tihpahin choka lam a pan a ,keini erawh tv enin kan thu thap . Football enin an tan lo inang bawk nen an tawng tawh lo hrim hrim,ka ngainat loh bakah ka en peih loh chi a ni bawk nen ka ning lutuk chuan roomah ka luhsan daih a . Ham bai bai in khumah chuan ka bawk thla thlawp a ,ka muhil zui nghal zat ,mutthilh hi chu ka awlsam ve hrim hrim a .







“ Bawihi tho teh chaw ei a hun,i va murei em em ve " ka nu chuan min rawn sawi nawk nawk chungin a ti a,mit nuai chat chatin ka thu chhuak “ Dar engzat nge ni tawh " ka tihchuan dar 5 a rik thu a sawi a ,ka meng phawk vak . U Sammy a a haw tawh anga,ka va inthiam lo tak,zanah lo leng leh dawn tho mahse ka inthiam lo ngawih ngawih “ Hmanhmawh rawh inkhawm hun an sawn hma kha ,dar 6 ah biak in thlen hman ngei ngei tur " a tileh hlak hlak .







Ka zui chhuak ve mai bawk ,thleng sil zawh rualin ka insiam nghal mawlh mawlh . U Sammy-a a lo thleng leh tep tawhin ka ring,inkhawm zan apiangin min rawn sawm ziah a ,a inkhawm peihna tur a nih phawt chuan kal rual pawi ka tilo. Midang min sawiselna ka ngaipawimawh heklo,Pathianin engkim a hria a ,midangte duhdan vekin kan awm theilo tih hrechiang tu ka ni miau a lawm . Ka insiam zawh dawnah a lo thleng ta ngei a ,ka sam chu hui mam thuak thuakin sitting room lamah chuan ka phei nghal.







Kamiz leh smart pant a hak chu a inhmeh hliah hliah bik hian ka hria ,nuih ver verin a hma ah ka va ding a . Ka puan bih vel chu ka en dik tir ,a kiai ve suk mai ,a rawn ding chhuak chu a banah kuahin “ Nu kan kal ania " tiin ka nu te chu ka au lang lang a ,kan inzuichhuak nghal zat . Tualah chuan insiam tha leh thuak thuakin kan chhuk thla zui a ,a ngawi leh ran tawh . A mizia a nih avangin ngaiah ka nei a ,keimah zawk ka tawng leh bawrh bawrh a .







A changa zawhna ka zawh chu min chhang veleh mai bawka ,kawngpui kan thleng thla a . Inkhawm tur dang nen kan intawh avang chuan an rualin kan kal ve mai a,mahse nula thenkhat phun leh sar sar thin erawh a ninawm lam mah a ni . Kei leh u Sammy-a chanchin an sawi leh tih lah hai theih ni nghal lo chuan“ In lo thleng maw tiru lut ang u " Nunui leh Liandinga te ho chu an lo kim leh thap tawh .






An ni pawh an u inkhawm a chin chu an thian ho in an inkhawm leh thap a ,tunah phei chuan kohhran hnatlan nikhua ah pawh a tangkai ber ber an ni tawh. Kan hnungah an thu a ,kei leh Nunui chu hmeichhe pahnih bulah kan thu thung. Hla kan zai leh a ,Hmingthana lo sa hma fal thei lutuk chu an hau leh thin,a nilah a tum reng vang pawh nilo in mi lak hma in a lo la zel a . Nunui nen a rukin kan nui ngat ngat








“ I va han thiamlo e aw ,a thluk kha en la a thluk rei zawng nen lam uluk lutukin en ang che "tiin Valpuia leh Liandinga chuan an hrilh ru sar sar a . Hmui tuai zauhin u Sammy chu ka melh,a ni erawh a ngai te bawkin chair lam a melh a ,a ngawi kur mai





(ZAWM LEH TUR

Link:
BBcode:
HTML:
Hide post links
Show post links

mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » May 27th, 2023, 7:34 pm

ZAWMNA







Khawm ban rualin kan inzui chhuak diah diah a ,Hmingthana lah chu an rawn fiam nak nak a ,amah lah a la nui huk huk zui a . Khawvel hi chu a ngam ve alawm “ Tikhan hla hruaitu ka ni tihna a nihkha a dik vek " a tiham ham “ Duata nen chuan engtin nge in awm " Nunui bengbulah chuan ka hrilh ru sar sar,mipa ho melh zeuhin “ Nula zu heh lutuk nen an lo inkawm mawle" a sawi zawng te chuan a thinrim zia a hriat .








In lam panin kan inzui a ,Nunui leh Duata erawh an la in be lo hrim hrim,Nunuin a peh hel zel bawk nen Duata pawhin hahthlak a tih hmel viau mai . U Sammy te nen chuan kan infiam pah a ,Jessica te ho kan hnunga rawn kal lah chuan ngeiawm fe fe hian min rawn kap sek a ,ka insum hram hram a ni “ Zo ka haw nghal mai aw ,inah tumah an awm silo va ,ka nuten haw nghal turin min ti bawk sia " Nunuin a rawn tihchuan ka lo aw vat.







A pen hnu chuan Duata chuan rang zetin a zui a “ I va tilui chiam ange ,a phun ang ang khan dawh la ,i biak let tam pauh leh in inhau rei a nimai,hmeichhia chuan kan phun laklawh laia an lo tawng hi kan hua in kan phun nasa sauh zel ania " tiin a hriat phak tur chuan ka tizui a ,u Sammy an min hnuhsawn takah chuan ngawi rengin ka zui vat ,enge a hriat leh tawh ni? Mi hi a ti phu reng mai ” Min dim ve thin teh,min phih leng derh derh a ,kan taksa in len hleihzia te hi hre ve la ,sava ang maia min thlawh min thlawh le " tinghekin a hmaah chuan ka ding a .








Lei chu ka tum dat dat “ Lo va leng ru,zanin chu keimah chauh len ka duh" Liandinga te ho hnenah chuan en chuang lo in a ti bul hmuk a . An kalsawn nghal dial ” Enge i kalsawn tir kher a ,nangmaha lo leng tur pawhin ka duhlo che " tihlak in kan in panchhohna ah chuan ka kal nghal hlawk avang leh u Sammy an min zui thin a vang khan ka hlau ngai em em lo kha a nia ..










Tunah chuan min zui pawh tum lo in a dinna ngaiah a ding reng,tunlai hi enge a hriat hetianga a awm reng ni ,ka ning takzet . Ka kal leh deuh tihah chuan kawng chhak atanga ri rawn chhuak avang chuan chak lutukin u Sammy lamah chuan tlan thla in a bul ka thlen rual chuan ka puan bih phelh sawk sawkin a taksa ah ka pakai nghal nawlh . A nghawngah ka kut pahnih suihin a kawngah ka ke ka kherh bet a,ka au deuh that that bawk . Kekawrbul ka ha tho nen ka puan paih chu ka zak buai peih tawh lo .







A lo nui huk a “ Min va ngai leh hma si ve ,ka tel lo chuan i pen thui thiam vak tawh nange " ngeiawm zeta a rawn tihchuan a nghawngah ka seh sak vak ” Nangpawh i hlauhzawng i hmachhawn ngam bik em ni? "tihlarin ka chhuk dawn a ,phallo in min pawm tha a ka puan chu chharin inlam pan chuan min chhoh pui nghal zat “ Hlauh chu ka nei ve alawm,mahse chu ka hlauh chu nang chan che ka hlauhna ai chuan a nep zawk, khawvelah nang neih loh hi ka hlau ber ,i thinlung luah phakloh hi ka hlauh ber a ni " a tihchuan ka chhang tawh lo .







Ka lai leh tawh hahthlak hian,tawngkam ril lam an hman tawh hi chuan ka lai a ,chhandan tur ka hre ngai meuhlo . A nghawng atang chuan dak chhuakin kan kalsan tak lam chu ka melh vang vang a ,min kuahna a tih that zauh avang chuan harh chhuak thutin ka kuahna ka phelh a ,leiah chuan ka tum thla nghal tharh “ I chau a nihkha ,ka te na vang vanga ka rit ania ,chubakah kawng chho a nih hi min pawm tawh kher suh,ka bulah hian awm la a tawk . He khua pawh hi a hrang emaw tih tur hian chhum hi zing phui chuk reng mai " ti hlak hlakin ka hawi kual a .







” En teh u Sammy movie ang khan chhum zing te hi thla rawn inlar tur a nilo maw? Keichu ka ring riau,thlahrang film ah pawh chhum lei hrulin a rawn in zam a ,thlahrang a chet thin kha . Ka rap riau mai " ka tihchuan ka chalah a rawn pen fawk “ Piangthar i nihkha,pastor fanu hlauh i ngah lutuk chuan engtin nge ringtu i intih theih ang. Ramhuai hnawtchhuak thintu hnung zui a ,a hlauh loh zia hretu i ni lawm ni ? Khatiang zeldinna thu mai mai vanga hlauhna i inhneh tir chuan engtin nge kei hi min siam that ang" a tihchuan dik ka ti bawk si .








Mahse ringtu inti tam tak pawh hian hlauh hi chu kan ngah ve em a ,ka indem duh bik der lo . “ Isua pawhin hlauh chu a nei ve ang,thih pawh kha a hreh ve ngawih ngawih tih leh kha thihna khan pel hram tu in apa a ngen ve hial a nihkha aihah...." ka chal rifawk avang chuan ka au tuar . Ka mittui a tling nghal pam,ka arngeng neih lai tak a ni a ,ala pen fuh em em zui “ I tawng thei lutuk, Bible thu hian min hnial tei vet thin suh,a hremna i tawrhloh nan tawngtai ang che . A sual zawk hian thu hrilh ngai reng suh" a rawn ti hluk .








Mittui tling pamin ka chal chu ka nuai a “ Lo leng tawh bawk suh " tiin ka kalsan nghal hlawk hlawk,hlauh pawh rilru ah a awm theilo. Ka chal lah chu ala thip na vung vung leh nghal,a kuk na lamah a keh tih chiang reng reng ,ka phun chho mawlh mawlh a ,ka hnung lam atanga min rawn kuah avang chuan ka kal lai ka ding dat “ Min thlah nghal rawh " tiin a kut chu ka sik vak vak a,min thlah chu sawi loh na ti ang pawhin a awm duh miahlo lehnghal .






“ Min thlah rawh ka tihchu MISUALPA ,I duh leh lo leng tawh lo la ,i bula ka awm loh chuan ka fel a nimai " ka tihchuan a mi kuahna a thlah ruai ruai “ Nang hian midangte angin min en ve lo emaw ka lo ti thin a " nat hmel zet a a tihchuan ka phu zawk,ka thusawiin chuti khawp a a tidanglam nghal chu inthiamlohna keimahah a insiam nghal “ Ka tlinlohna leh fel lohna i en lo va ,ka nihna ang angin min hmangaih ve emaw ka ti a sin " beidawng aw zet a a tihchuan ka tawngtam lutuk chu keimah leh keimah ka inhau ru mawlh mawlh ..








Tunah chuan zu pawh a in tawh lova ,chupawh keimah vang liau liauin ,engvanga a natna tur thil sawi leh thin nge maw ka nih le ? Kei zawk hi Pathian rawngbawltu inti siin ka lo va han fello tak ” U Sammy ka tihpalh,kha kha ka sawi tum a nilo " ka tihchuan a nui ro halh ringawt. Kal mai a tum chu a hnungah ka bei vat ” Ka tihpalh um,khatiang a min ti thut kha ka arngeng i ti keh a,ka insum theilo a nihkha . Thinrim suh" tisepin a pumah chuan ka kut ka suih nghet sauh .







A dul thep leh phiar fat chu ka hrechiang viau mai . Ka lamah a rawn inher a ,ka en duh lo tlat . Pathian hian ka fel famkim bik lohzia te ,ka that tawk bik lohzia te min hriatfiah tir thin turin ka hmaah mi chi hrang hrang,mize inang lo tak tak a rawn tir a ,chung zinga mi pawimawh ber chu u Sammy hi ka tilo theilo . Inkhawm leh thil dangah kei ai a uchuakna tur ka hmulo,inkhawm phei chu inkhawm tlem tak a ni,tun hnu tihlohah chuan.







Mahse kei hian ka tluklo,ka tluk miahlo . A ni chuan keiai in he khawvel hi a lo dai thuiin a lo hmu hmasa a ,keiai chuan a lo hrechiang daih zawk a ni . Ka tawngtai na a malsawmna leh ama lam ka hnaih zual zel theihna tur ka lo dil thin chhanna kha min pe ngailo emaw ka lo ti a ,mahse ka hriat loh ruamah he mipa atang hian a lo lantir zawk a lo ni . He mipa bula awm hi ka tan chuan amah hriatrengna leh ama hnena min tawngtai tir fo tu a ni a ,amah hnaih zual zel tura ka dilna pawh he Sammy Hmingmuanpuia ka tawn avangin ahma ai ka hnaih zual a








Chupawh he mipa vek chhandam a nih theih nan mawle ,malsawmna ka dil chhanna pawh u Sammya a tang bawkin ka hmu,a mah zawk hian ringtu nun awmzia leh ringtu dik nundan tur min kawh hmuh zawk a,kohhran upa tam tak ai pawha Pathian thu a hre zawk hi mak ka ti fo ,mahse hengte hi ka malsawmna dawn chu a lo ni zawk reng si . Amah seltu te a tilet ve ngailo va ,chu chu inkhawm mi tam tak te tih theih miah loh tur a ni .







A nihna a zahpui ngai lova ,a zep ve hek lo chu chu ringtu nghet inti te zawk in an theih veloh a ni leh chiah. Kohhran mi tam tak,pawnlanga kohhran leh khawtlanga inhmang viau,Mahse a ruka khawvel mi leh hle si,eiruk hmang leh hle si,Pathian thu sawi a nunpui leh silo te ai chuan he mipa a tihsual pawm a ,a nihna ang anga nung tawp hi keichuan tha leh fel ka tizawk . “ U Sammy ka lawm e aw ,kei hi a rawngbawl tur hian ka la tling tawk lo hle tih ka hria a ni " tiin ka mittui chu ka hru zauh a .







Ka nuih ta ver ver ” Chuan i rilru ka tihnat avangin min ngaidam thei angem?" a mita en chungin ka ti a ,bu nghutin ka chalah a fawp vang vang . In lam pan in kan inzui chho a ,ka nu te thawm kan hriat avang chuan kan kal chak zual sauh,an hma daihah kan haw a . Min rawn um phak chuan ngaihdan diklo an neih palh a hlauhawm ,in chu hawngin kan lut thuai a . Roomah ka inthlak nghal sawk sawk,thingpui ka chhuanlaiin an rawn lut a .







Mi pathum velin an rawn zui haw leh a nih hmel . U Sammy-a an hmuh chuan an be ve luam hlawm a,a nipawhin a awm tawkin a lo chhang ve mai bawk a . Thingpui chu an vaia indaih tur thli in tray ah ka chawi phei a ,pa ho an ni bawk a mi chhaihin an nui leh dar dar thin. U Sammy nen chuan kan thu ngawi kar ,puitling zawk an awm laia lo tawng ve vak kha a mawi lo tih kan hre ve kur sia “ Bawihi nuam in tilo ang ,choka lamah va inkawm mai rawh u " ka nu in a rawn tih tak hlauhah chuan kan phei nghal vat .









Dawhkan bawihin kan thu a ,ka kut chu dawhkan chungah chuan a hum run bawk “ Naktuk class i kal leh dawn em " a tihchuan ka lo aw vat a ” Kallo mai ta che ,thil tihpui tur che ka nei a " a tihchuan ka ngawi rauh rauh,kallo dawn ila ka chawl ngun ropui sia ka thawhpuite lakah pawh a inthlahrunawm bawk si “ U Sam,ka chawl ngun tawh sia a inthlahrun awm a lawm,a tuk lehlam ah tizawk ila sawrkar chawlh ani tho va " ka tihchuan min chhang lawk lo .








“ A pawi lo i hman loh chuan" tiin a phone chu a en zauh a ,eng emaw tak vei nei a ang ka ti bawk si . A haw hnu thlengin ka awm a tinuam lo zo vek , school ka kal te chu nidang ka ang theilo . U Sammy hmel awmdan ringawt kha ka ngaihtuah , chaw hnu lamah Hmingthana te ka phone a ,u Sammy ka be theilo bawk nen ka rilru a buai zo vek “ In bulah u Sammy a awm em?" ka tihchuan a awm loh thu in min chhang a “ I bulah a awm zawk lo em ni,e taka vawiin hi u Mama birthday a ni tih i hria em" a tihchuan ka phu zawk.








Ka hre miah lo ,chuvang a nimaw nizan khan school kallo a hruaina tur min neih thu a sawi,keilahin engmah hrelo in ka lo hnial a . Ka vahan mawl tak em “ Hre miah lo , a awmna tur awm ang i hria em" ka tihchuan a ngawih vang vang hnu ah khawpawna lungphun na hmuna a awm a rin thu a sawi chuan ka dah nghal vat “ Nunu ka kal angai ,buaina a awm a " tiin midang chu ka en kual a ,min lo hrethiam hlauh








Hmanhmawh zetin ka scooty nen ka tlanchhuak a ,khawpawn lam chu ka pan nghal . Kalkawng laka dawrah lutin mipa tshirt leh pheikhawk chu ka enkual leh pah a ,ka pack tir leh hnuah hmanhmawh zetin ka tlanchhuak leh nghal . Khawpawn a lung an phunna hmun ka thlen chuan ka hawi kual ruai,far hmun a ni a ,a hnuai chu a thelh han bawk . Picnic nan vel pawha duhthusam a ni,ka hawi kual leh deuh a . Ka piah lawk lungphun pakhat phena u Sammy bike ka hmuh chuan thaw huaiin ka chhuk nghal vat.









Chulam pan chuan ka pen phei chhet chhet a ,a hnuai lam chu kham vek niin a thengthaw nuam hle ,u Sammy chu kham chunga lungpui chungah a lo thu a . Ngawi rengin chuta tanga lang thei ral leh lam Myanmar ram chu a thlir vung vung ,a hnung atanga kuahin “ Happy birthday u Sammy " ka tihchuan phu zukin min rawn melh nghal vut . Nuih var varin a bulah ka thu thla a “ Sorry,i birthday tih ka lo hrelo a ,i duh chuan min hrem thei ang . Mahse nangpawhin engmah min hrilh lova,ka hriat ve leh bak lengin ka rawn tlan nghal vang vang a nia aw" tiin a darah chuan ka bei nghal hnap .









” Engtin nge hetah ka awm tih i hriat " a ni erawhin a rawn ti thum bul a,a la lungawi chiahlo emaw ni “ Aw ka hre ve tawp ,khale birthday present a nihkha ,ih i duhzawng ka hre silo va ,ka duhzawng ka lei ve tawp a " tiin ka insawi khalh nghal zung zung,bawm chu enin hawng lo chuan a sirah a dah a “ Thil pek ka duh lo,ka bulah awm la ka duh zawk " tiin ka hmuiah a rawn fawp nghal chat. Tumah an awm lo bawk nen ka dang duh lo,mahse a rei a a duhthawh tak em avang chuan ka namsawn vat .








” Tinge mahni te chauha hetiangah te ilo va kal,mahse a nuam ka ti . A hmun hi a thengthaw nuam bawk si,ka la kal ngai miahlo " tiin hnuai lam atanga thli rawn tleh chu ka inchhem tir heuh heuh,ka sam thli in a chhem avanga phe siau siau chu a kut a huiin ka bengah alo zep ve mual muala ,ka malah a lu rawn nghatin a mu nghal than . A sam chu tham sakin a hmel chu ka en vang vang ,a hmel tha lutuk hi kei ngei pawhin ka phulo tihchang ka ngah mai,kum 34 na a hmang ve dawn ta reng chu a nisia










A mit a chhing chial a ,tuizeta mu ang mai hian a thaw sek sek bawk ,zanlamah eng emaw tak tihsak ngei ka tum bawk . A birthday hi nuam thei ang berin hmang se ka duh .

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


mawitei bawihtlung
Posts: 753
Joined: November 18th, 2020, 12:53 pm

Unread post by mawitei bawihtlung » May 29th, 2023, 8:28 pm

MISUALPA (THE BEAST)






CHAPTER 15







A tlai a tlaiin cake ka zawng kual a ,siamsa an lo nei hlauh,a thiante pali leh Nunui ka sawm bawk a . Kan inah chuan engkim kan buatsaih mawlh mawlh,ka nu leh pa pawhin min phurpui viau bawk a . Intur leh zanlam ei tur an lo buaipui ve mawlh mawlh,u Sammy erawh inlamah engmah hre lo in a haw a ,zan a rawn len hunah chuan a phu ve ngei ang le . Midang pawh haw lo in kan inah chaw an ei vek a,chaw eikham rualin kan che leh nghal sawk sawk hlawm a ,u Sammy chu keiin ka lo phone bawk .









“ Ilo leng dawn em?" ka tihchuan a rawn kal mek thu a rawn sawi sup a ,midang chuan loudspeaker a ka dah avangin an hre pha vek a ,chuveleh hmanhmawh lutuk in thil la fello ho chu an rem mawlh mawlh . An zawh rualin cake ka keng a ,a rawn thlen har ka ring lo ,a bike a rawn ken leh phei chuan a rawn thleng har miah lo ang “ Rawn fimkhur rawh aw ,ka lo nghak ang che " tiin phone chu ka dah a ,bike khalh chunga a hman reng chuan a accident ka hlau .








Current chu kan ti thim vek a ,bike ri kan hriat rualin ka nui var var mai . Kawtah a rawn ding tih hriat takin a ri a tawp hmak a ,kan in thim vek chu a rawn hmu ngei bawkin ka ring ,kawngka lama thawm ri kan hria a . A nilah in a rawn hawng mai lo lehnghal ,Hmingthana chu light on turin a inring ran tawh ,a thawm a reh vung vung mai,thawklehkhatah rawn hawng thutin “ Surprise "a rawn ti thut chu kan au deuh tuar,a surprise tum tu zawk te min ti phu let daih lehnghal








“ Awi Hmingmuanpui engah nge khatianga i rawn tih chiam " ka ti vak ,light a eng tawh a . Rum zetin kan melh hlawm chu a inthlahrung nge “ Ih min tih thaih in tum emaw ka tia nu Sawmpui" tiin ka nu leh pa lam chu inthlahrung dek hian a melh,chutah kan ngawi thap hlawm a ,ka pa a rawn nuih huah huah takah chuan kan nui leh fai vek ” Kha a birthday in surprise tur berin nangmah ni zawk a surprise cheu sia cake kha zai phawt ang u " ka pa chuan a rawn ti a . Dawhkan kan cheiah chuan cake chu dahin u Sammy chu kan thuttir a .








Birthday lukhum chu ka khum tir nghal vat “ U Mam,i uang ve theilo emaw kan tia i uang ve thei tho a nihkha " anaute ho in an tihchuan a melh kur a ,Duata chu a ngawi nghal daih . Nui hakin bati chu chhem hlum turin kan ti a , birthday song chu kan sa rual thap thap bawk ,a hnuk a ulh hialin ka hria . A chhem hlum rualin kut kan beng dar dar ,nui chhuak lo mahse a hlim tih ka hmu in chhungril lamah hian ka hre thei a ni ,heiai hma ah lo hria ila chuan tunai hian kan inbuatsaih nasa thei zawk ang mawle .









Cake vel kan ei zawh chuan thilpek an pe sap sap a ,a hnial viau nangin tumahin an ngaihthlak sak duhlo . Ka nu leh pa pawhin an pe ve a ,ka lawm takzet ,an fanu mipa hmangaih tih hria a heti khawpa min pawmpui mai leh min ngaihpawimawh sak hi khawvela nu leh pa tha ber ka tilo theilo . Midang an haw vek a,chelh viau mah ila chance kan pe ve tawh ang cheu a birthday te a nih hi an ti tlat bawk nen kan dang seng talo . An haw hnu lawkah ka nu leh pa te pawh an mu lut thuai a .








U Sammy dar chu nghengin ka phun sep sep “ Ka lawm e " a rawn tihchuan hmalam melhin ka nuih seih ringawt “ Ka birthday min lawmpuitu hmasa ber in ni " a tihchuan ka en nghal vat . Min en lo in a hmazawn chu a melh run a ,a mittui a tling bawk . Chu chuan min tina ve zawk mai,ni e mahni hmangaihte na hmel hmuh tluka hrehawm hi a awm bik dawn em ni “ Ka hriat tirh atangin ka birthday lawmsak ka ni ngai lo va " thaw hawk leh sawi harsa tih hmel zet hian a tichhuak hulh a .








A mittui tla tur chu a dang hram hram tih hriat takin a mit chu a khap leh thin a “ Ka birthday min hriatpui lo emaw ka ti hial thin,naupang te niin miin an birthday an lawm tur thu an sawi te khan ka chak ve thei em em a ,mahse a han thleng ta cheng a ,an fapa birthday ai chuan an sumdawnna ringawt kha a lo pawimawh a " tiin ka kut a vawnna chu a hmer na sauh . “ Keimahin awmpuite nen ka birthday ni tak ngial pawhin cake tello in min awmtu nu khan min lawm sak ve tawh a ,chu pawh reilo te tak tak.








Ka han puitling deuh deuh va ka birthday takngial pawh ka ngaihsak duh loh phah a ,keimaha tawrh mai kha ka thlang thin . Mahse vawiin tlaia ka bula i rawn kal a,i awm chiah khan a vawikhat nan tak tak piancham awmzia leh hlimawm zia ka hriat ve phah " tiin min rawn nuih suk ,ka insiam rem a . A mal chungah thu in ka kuah nghal vat,a insut ri ka hriat rualin nghet zetin min kuah nghal zat a ,tunah hian a tap a ni . U Sammy a mipa tha lutuk pawh hetiang khawpa tina duh tu te hi ka hua








A nu leh pa chu an ni ve si a maw ,an fapa hlimna ai an mahni nawmna chauh ngaihtuah mi chu nu leh pa nih an phu em ni . A vawikhat nan huat ka nei ve ta hial mai,ka kuah a keipawh chu ka mittui a tling pam ,“ I tan ka awm reng dawn ,kumtin i birthday a thlen apiangin ka lawmsak ziah ang che " tiin ka kuah nghet sauh “ I kiangah awmin keichuan nangaia ngaihpawimawh ka nei ngai hauh lovang u Sammy " tiin a biangah chuan ka fawh sak vang vang .







A kum 34 na ah a birthday a hmang ve chauh a ni si a ,nun beidawnga ruihhlo a a tlak pawh hi ka dem em em ta lo . Nu leh pa in uap in ngaihsakna leh hmangaihna nen enkawl se chuan hetiang em em hian a nun hi a nguai lo ang,an hmangaihlo chu ka tingam hauh lo . Mahse tunah hi chuan an fapa hi a na in a beidawng a ,an hmangaihna an lan tir hun a ni ve tawh a sin le . Ka kawngah chuan a hmer na sauh va “ Pathian hian he khua ah hian a lo tir lovang cheu tih ka hlau,in chhungkua hi nun nawmna min hmuh tir tu in ni.









A hma kha chuan nupui nei a fa nei tur khan ka induh ngai lo,a chhan chu ka nu leh pa avang khan chhungkaw din ka chak ngai lo . Mahse i nu leh pa in an hmangaihzia che te ,nang thlengin engkim ka hmufiah chho va ,ka nu leh pa chiah lo dik lo in an ni chuan an fapa hi hmangaih an thiamlo tih ka hmu fiah ta chiah,tunah chuan nang chauh hi ka neihchhun ini ka ta liau liau " tiin min pawm hlu hlu a. A hnungah ka beng thek thek ringawt,sawi tur ka hre thlawt lo .







A tuk lam school ka kal chu,tleirawl pahnih lo inhnial avang chuan ka pan vat “ Chhuante enga tinge in inhnial" tiin an pahnih hmaah chuan ka ding a “ Miss ka thil ziah leh ka pic dah vel thlengin a ru zel a ,tha deuha ka hrilh pawhin a awih duh silo . Keima thawh rah ve liau liau leh ka zawn hmuh ve liau liau a nia ,ka project neih a nibawk si a ,a inan zel chuan min hau dawn a sin " a tihchuan Feli chu a lo ngawi kar “ Feli,midang thil tih sa leh an thawhrimna avanga an thil tih te copy sak hi chin miah loh tur .







Mahni zawn hmuh leh mahni ngaihtuah chhuah nilo chu a hunlaiin tha in lar pui viau mah ula,a kumhlun ngai lo . Mi thil copy ching reng reng an hlawhtling rei ngai lo ,chu chu hre reng rawh u,mi thawhrimna keini in kan lo sawp danglam kual a ,kan lo tih chingpen sak chuan a hunlaiin hlawhtlinna chang mah ila a rei hnu ah midik zawk chu miin an hre leh tho thin. Chuvang chuan mahni remhriatna leh mahni theihna ngei kha zahpui lo a tih zawk tur aw .







In vaiin ngaithla rawh u,midangte thil copy ching mi tha tak leh mi hlawhtling tak an awm ngai lo . Thil hote pawh nise a tichhuak tu leh a ti hmasa tu tan chuan a ho ve lo thei,mi thil tih entawn in thil tingai suh u ,tunah thawnthu in inziah siak a ,chu chu nangmahni ziak leh chhiar lama hma in sawn theihnan kan tih a ni . Mi ngaihdan leh ziahdan ,an ngaihtuahna a an din leh an siam lo entawn a tha ngai love ,in thiam lo a nih pawhin zah loh tur. Mi ropui tak tak chanchin in zir hi ngaihtuah ula .








Vawilehkhatah an hlawh tling ngai lo tiru,chuvang chuan vawikhat in tihna ah in hlawhtling lo a nihpawhin beidawng suh u ,hun tha dangin a nghak zawk ang ah cheu ngai rawh u,mi hlawhtling te hi an hlawh tling reng bik lo va . Hlawh tlinna chang ve dek dek a chapo nana hmang mi phei chu khuareiah an tlachhe rawk rawk mai ,diklo taka thil timi chu lan chhuah hun a nei a ,a lanchhuah rualin a chhe nghal vek thin ..






Chuvang chuan englam pawh tiin kal ula ,ziaktu in ni emaw , teacher,IAS ,doctor a dang tam tak pawh ni ula midangte entawnin kal ngai suh u . Tun atanga mahni ngaihdan a in kal hi a pawimawh ,thiam silo va entawna pass te hi tum suh u. In pawl a sang zel a nga in entawn reng thei dawn lo,chu ai chuan tha takin zir ula,inthiamna ngeiin in pawl insawn zawk dawn a nia ' ka ti dap dap a . Feli pawhin ngaihdam min dilin Chhantei pawh chu a dil a ,ka nuih ta var var .








Kei ngei pawh hian mi thil tihlar sa sawi danglam deuh a ,lo tikual thinte hi ka mil thei lova. Ka mihring huat ber an ni . Engthil pawh nise mi in hah taka an zawn sa leh an ngaihtuahsa lo hman sak a ,lo thlak ching hi chu mihring hlauhawm tawp khawk ah ka ngai . Lemchan an hnehsawh phian zel bawk si,hetiang chiah hi ka lo tawng tawh . A thiante nen min sawisel rawn luai luai a ,a ni an tih rawn meuh chuan a rilru na in mi hnenah a insawi khawngaihthlak kual a . Khatiang na na na kha chu an lo tan ve tum hrang bawk a ,mi an dik nge dik lo hre lo in kan ngaihsan zawng an nih avanga lo tan ve hi awm thei tak an ni.








Keichuan dik taka thil tih hi ka duh a ,buaina neih a pianga midan tlawn kual a lam tanga siam nan eng emaw a va that hmel tak,miin khawngaih se an thlavang hauh se tih duh lutuk a mi thil ti thei ve deuh tlawn kual chiam mi hi ka ngeih theilo,mimal buaina chu mimal a chinfel mai tur tih hi ka ngaihdan . Midang phen atanga thil tih ching hi chu mi dawihzepah ka ngai . Class ka lak chhung zawng chuan thu an awih ta viau mai







Nidanga bengchheng em em thin kha an ngawi thap a ,nuih te lam lam an tiza . Haw dawnah u Ssmmy an gate pawnah min lo nghak leh ran, scooty hi ka keng zeuh zeuh chauh a ,a hman lai a nih hi chuan a bike nen min rawn hruai thlap zel . A thik thu chhiat vang a nipakhat,kawng laka mipa in min biak deuh te hian ka lakah a tuan vak zel a ,ngaiah ka neih hial tawh .

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)