PROFESSOR ZIRSANGPUIA BY MAWITEI BAWITLUNG (Completed)

Moderator: writers

mawitei bawihtlung
Posts: 754
Joined: November 18th, 2020, 12:53 pm

PROFESSOR ZIRSANGPUIA BY MAWITEI BAWITLUNG (Completed)

Unread post by mawitei bawihtlung » May 24th, 2023, 9:10 pm

20cuveu8.jpg


:x PROFESSOR ZIRSANGPUIA






CHAPTER 1 BY MAWITEI BAWITLUNG



A hnuai lamah leh page 2 ,3,4 ,5,6 ah chapter dang



“ Nu ka neih kher angai em ni ?" tiin ka nu leh pa chu ka en a ,ka lung a awi lo viau nangin an thu ka hnial ngai lo nen tun pawh hi chungin ka hnial hauh lo,ka pasal tur lah chu Mizoram lam daihah an awm a ,ka thaw hak . Ka nu hi thlah pawlh ang chi a niin ka pa te nen hian London ah an in tawng a ,ka pu te hian hotel neiin a lar pawh an lar ve hle bawk . Tun pawh hi Mizoram lama hotel neisa nen a thawhdun an duh vangin inneihna pawh hi awm a ni dawn reng a .
.








“ Bawihte,i tih ngei a ngai sia lawm,i pu hian i pa a rin tawk loh zia i hriat kha i pa hi rintlak a ni tih a hriat theih nan kan ram ngeia hotel neih a thawhpui kan neih hi a tul a lawm . Mi hian a thlawnin min pui theilo a,inneihna hian an mahni pawh a pui ve dawn a chu chu an hrechiang viau ang . Tin i pasal tur te hi mi fel tak chhungkua an ni a ,in innei phawt anga in inhmangaih theih ngang loh leh kum hnih hnu ah in inthen thei ang tih kan sawi tawh a lawm " ka chuan ka sam chul hliau hliau in a ti a.








Kei hi Zohlimpuii ka ni a , Mizoram ah hian ka awm tam viau nang in chawlh ka neih chuan London lamah ka haw ngei ngei zel ,tun pawh ka chawlh hmangin ka haw a ,pasal nei tur ka ni tih ka hriat hlim khan ka thin a rim hle a nihkha. Mahsela an sawi fiah hnu kha chuan ka hrethiam lutuk tlat,ka pu hian ka pa hi a mil ngai hauh lo va ,ka pa hrehawm ti hmel hi hmuh reng ka duh biklo . Mizoram lam panin kan chhungkua in kan kal a.









Ka pasal tur hi ka la hmu hauh lo va ,engang mi nge a nih ka hre heklo,keiai a upa tih erawh ka hre chiang hle thung . An in lam panin kan tlang a ,ka khur deuh der der a chhungte fel mahse amah a fel ve kher angem tih ka hre miah lo a,mahse ka nu leh pa tan ka tih ngei a ngai bawk si . In lian leh nalh zet kawtah chuan kan ding ta chat a ,ka thaw ham ham ka nu kut chu ka vuan tai bawk .






Tual an nei zauin pangpar a tam hle a ,a mawi ka tibawk nen ka hawikual nasa hle ” In lo thleng thei maw thianpa" pa upa lam ka pa rual zet tur chuan a rawn ti a ,ka pa nen chuan an inkuah nghal thuak thuak . Inhre tha tak an nih hmel “ Lo lut rawh u,hei maw kan fanu thar tur chu a hmeltha hle mai,a mitmeng te lah chu a zahawm khup mai a " tiin anui huah huah a ,pa nelawm tak a nih ka ring nghal . “ Tiru inchhungah lut ang u,an ni pawhin an lo nghak reng tawh cheu a nia " a tihchuan kan inzui lut dial a








An inchhung pawh pawnlam ang chiahin a mawiin a ropui, London a kan inpui ang em em chu nilo mahse an chei dan chu a mawi lutuk tlat ,mi awmthei tawk tak an ni tih a hriat “ Bawiha hei kan lo thleng a nia,lo chibai ve ula" a tihna lam ka hawi chuan sofa a mipa dar hlai hlap min hnungchhawn zawnga thu chu ka hmu nghal,muangchangin a tho nghal ruai ruai a ,awi leh a va han len hmel em em ve . A rawn inher ruai ruai a,a hmel ka hmu thei ta ,min lawm hmel tehchiam lo hle .







A ka a chip hmak a ,a hmeltha leh pa tak chu a tum deuh hmuk mai “ Hello Zirsangpuia ka ni e " tiin ka nu leh pa chu a chibai a ,ka bula a rawn din chuan a lenzia ka hriat belh,ft 5'7 lai ka ni ve a ,a nghawng pawh ka tawng phalo . Hetiang hian mizo mipa an len theih ka ring lo hrim hrim a ,mahse ka lo ringsual hle a ni tih ka chiang nghal pang mai “ Zohlimpuii" tiin ka kut chu ka phar a ,min melh zawkin ka kut chu a rawn vuan a . A kut lum vung vung chuan ka kut chu a hum bo thei vek nia .








Ka zam lutuk te chu ka inhrethiamlo,mipa hmaah hetiang hian ka awm ngailo,ka lung te chu a phu dawt dawt “ Lo thu ula,sawi ho ang u " tiin sofa ah chuan kan thu thap a ,kan inneih dan tur vel an sawi chuan ka lo in pet fan fan “ Kum hnih chhung inneih a ,fa kan neilo anihchuan a ai rei pawh a ni thei a ,kan nei hman a nih erawh chuan kan in hmangaih hman lo a nihchuan inthen an rem ti dawn chauh a nihchu! Mak tiin ka nu leh pa chu ka en a ,mahse an ni chauhin an sawi silo “ Chutiang thil ka pawm lo " tihrawk tu chu kan en thap .







U Zirsanga chu a thinrim hmel hle “ In hmangaihna neilo ,in hre ngailo inneih tir in tum hi a dik lo sa hrim hrim,tin naupang kan ni tawh lo in thu hi zawm vek ka tum lo tihkha hre phawt rawh u,nau neih phei chu ngaihtuah suh u " tihrawkin thawh a tum a“ Zirsangpui ngawi reng khan thu rawh,i duh lo a nihchuan i hna bansanin hotel hi i enkawl ang . Kan thusawi hi inpawm lo anihchuan chu chu a thleng khawp ang, i naupang tawh lo tu hmel hmuh vat kan inbeisei .







In then vat in duh chuan chu chu in tih ngei angai bawk ang ,Bawihi pawh lungngai lo la in fa chu in pahnihin in enkawl thei reng a nia . Laksak luih che kan tum lo va ,engkim ngaihtuahsa a hetiang thutlukna hi siam kan ni ,in nu leh pa te hi kan upa tawh a ,kan dampui reng dawn lo cheu chuvang chuan kan damlai ngeia kan tu hmel hmuh kan duh a ni . In ngaihdan chu a dik tho ve mahse ngaihtuah chiang ula he thil hi kan chhungkaw hnih in puih tawn theihna tur a nih hi " an tileh dap dap a .








Keichu ka ngawi reng a,an fapa chu lawm lo tih hriat zet hian a tum hmuk. A puitlin hmel tehreng nen angaihtuahna a tawi hmel ,inneihna chu sawi felin kan inneih ni pawhin mi tlemte bak anh awm lo ,ka mipa hmangaih tak nena kan inneihna ka lo suangtuah thin ang chu a nilo chiang hle,mi tam tak hma a thu tiam dun ka suangtuahna zawng zawng chu he kan in neihna phuah chawp zet hian a hnawt tiau vek . Zan kan mu tur chu min thawhsanin a chhuak nal nal a ,ka be duh bik lo . Ka neih chak viau a ring emaw ni?









Mipa in duh tawk lutuk,vawiina hmeichhe rawn tel ve nen a an inzui chhuak chu ka hmu reng,a bialnu a ni ngei ngei ang . Kan innei chauh a ,chutianga a awm nghal mai chuan min tilawm hauh lo,in hre sa a lo mah ila nupa kan ni tawha tlem tala min hmaizah ve ka beisei ve a sin le . Khumah chuan keimahin ka mu a ,kan inneihna kan contract zawng zawng te chu ngaihtuahin ka rilru hah lutuk chu ka thaw leh hak thin . Inthen ka duh chuan nau ka pai phawt angai a,mahse a ni nena mutdun ka duh teuh silo .








A tuklam ka tho chu ka lu a rit lukin ka hria,inhnuai lama hmeichhe nui har har ka hriat avang chuan tho in ka chhuk thla a ,u Zirsanga leh khanu bawk kha ka hmu leh ,a nu ka nu nita ho chuan an lo nui dar dar a . Ka chhuk an hmuh chuan an reh nghal thap “ Ehe mo thar chu ava tho tlai ve ,i pasal lah nizan a buai avangin a rawn haw thei silo va ,i nghak deuh a nimaw " a rawn tinghal zat . Chhang lo in fridge lam ka pan a “ Nu i fapa hi nupui in neih tir thawt thawt a ,ka lawm miah lo a nia aw .







Min nghak dawn emaw tia" a tihleh chuan “ A bawihi khatiang lam sawi suh u,i pa in a hre hlauh a nge" ka pasal nu chuan a lo tinghal zat . Ka nu leh pa awm ve se ka ti,an ni lah veng dangah an awm daih bawk si,ka pasal leh a nu hian min lawm vak lo tih ka hre mai . Ngawi rengin an zingah chuan ka awm a ,ka nute ka ngai takzet chaw ei dawnah bak an lo lang dawn bawk silo “ Ehe ilo tho tawh a nimaw ,bawihi lo kal teh "ka pasal pa (hei a pa tiin a ko tawh ang aw ) lam chu rang zetin ka pan a .








Ani hi chuan a fanu tak tak ang chiahin min en tih ka hria ,chuvang chuan ka pa tak tak angah ka ngai nghal hmiah “ I tho nuam em pa " ka tihchuan nui chungin a bu nghat a . A bula thutna awm chu a beng nghal thuk thuk,he inchhungah hian lam tang pakhat ka nei dawn a ang hle mai ,u Zirsanga te chu an ngawi ta thap a “ Enge Judith hetah i rawn tih a ,mi nupa inkar i tibuai a nih vaih chuan ka en liam dawn hauh lo cheu a nia,Zirsangpuia nen khan hre reng ang che u " ka pa chuan nelawm loh zeta tiin u Zirsanga bialnu chu a melh run a .







Judith-i maw a hming lo ni a ,ka nu chuan an thlavang hauh tak hian “ A lo leng mai mai a lawm,bawiha nen a an in kawm nasat zia leh an in zui nasat zia i hriat kha ,bawiha nupui neih a rawn lawmpui ve a nih hi a sualna a awm hleinem " ka nu chuan a rawn ti a . Ka pa chuan a chhang tawh lem lo,keimah nena inkawm in ka zirna lam min zawt a BA Third year ka zir thu ka hrilh chuan a ngawi deuh vung vung a “ A nihchuan Zirsanga thawhna PUC ah hian kal la a tha ang . Engkim ka lo tifel dawn a nia,i tan a har lutuk angem" a tihchuan ka inthlahrung.








Lehkha hi chu kum laklawh deuha ka luh pawhin ka zir peih avang hian harsatna ka nei ngai lo va ,tun pawh hi a harsa em em pawhin ka ring lo . Ka pa in min puih a ,ka pasal professor hna chelh mek a ni bawk nen a har hauh lo ang tih ka hria ,mahse ka inthlahrung a ni . Ka thiannu pawh a lut ngei a ,mahse ka duhzawng sawi nghal zut zut chu ka duh hauh lo “ Ka hrelo le in thu thu a nimai" tihbakin ka chhang lo,mahse ka pasal pa awmdanah hian a ti ngei ang tih ka hria .








Ka kut chu ka tuai neuh neuh ringawt,pawnlam atanga ka nu leh pa aw ka hriat avang chuan rang zetin kawngka lam ka pan a . Ka nu chu ka kuah nghal thlawp ,an ni pawhin min lo kuah let a “ I va lungleng hma ve bawihte ,khawi maw i naupang chhia thei emai,inchhung lamah lut teh ang u" tiin kan inzui lut a ,ka pa leh u Zirsanga pa chu an tihdan bawkin an inkawm lehnghal. Kan nute ve ve pawh chu inbia in ka nu chuan u Judith-i chu a en duh hle . Engkim a hrethiam nghal tih a mitmeng atangin ka hre thei .










Keipawhin hetiang pasal neih ka duh bik lo a sin le ,mi inkar tichhe tu ka ni hi ka duhdan a ni hauh lo. Chaw eilai te chuan kei leh u Zirsanga chu kan tawng hauh lo a ,kan nu leh pa te erawh an in be bawrh bawrh “ Hlimpuii hi PUC ah luh tir ka duh a,enge in ngaihdan " ka pasal pa in a tihchuan ka nu leh pa chuan min rawn vat “ Aaa ....a laklawh viau lo maw kum thum chiah a ngai tawh tho va " ka pa in a tihchuan a laklawh loh thu leh kan tan pawh a that zawk tur thu a sawi lehnghal zat a .








Ka nu leh pa pawh chuan an hnial duh ta lo,tun ang laiah chuan sum a awm chuan hmelhriat tu kan ngah a ,sum nen chuan engkim a tih theih tluk tih deuh thawh a ni a ,sawi puitu tha neih bawk chuan hna pawh hmuh a awlsam reng lah taka . Mi hausa te dinchanna a ni miau alawm le ,ka college luhna tur u Zirsanga an hrilh chuan a lawm lo hmel chu ka hmu reng,ka nute erawh chuan an hmu lem lo thung a.








Chaw eikham chuan inkawm khawmin ka nute inkarah ka thu a ,fiamthu an thawh chu kan nuihpui leh dar dar thin. Ka pasal erawh a chhuak bo leh daih tawh ,ka tawrh hram hram a ngai tih ka hria ,ka suangtuahna ka tihpuitlin a ,ka pa hi ka pu in a rin ngam theih hunah engkim ala pangngai ve thei mahna ,keini pawh kan innei rengin ka ring hek lo






“ He hmun atang hian chhuak la ,kal bo rawh" room a ka awm thawmhnaw ka thleh mawlh mawlh lai chuan hnunglam atangin a rawn tihrawk a ,ka phu zawk mai . Ka thawmhnaw thleh lai ka kut a ka ken chu ka thlauh nghal ” Ka sawi chu i hrelo em ni kal bo rawh" a rawn tihleh chuan ka thaw ta hak “ Keichuan i nu leh pa remtihna tello chuan chhuah ka tum lo,min ngai theilo viau a nihchuan room dang zawng mai rawh " ka tive ngat.







A enga mah hma a min rawn vin chuan min tilawm bik hauh lo . ” Hrep chuan,hmeichhe zaktheilo lutuk" tiin bathroom lamah a lut a ,kawngka chu a khar ringhal bur . Mi thinchhe tak chu a ni dawn tih a lang chiang bal ,a bulah hian kumkhat pawh ka awm tling thei ange maw chu .



(HMAKAR LAMAH EMAW KA RAWN REGU CHHO CHAUH ANG AW ,ZANIN CHU DAHZUI TLAKA IN NGAIH LEH NGAIH LOH HRIAT NAN KA LO DAH ZUAI AW,DAH ZUI IN TIH CHUAN LIKE LEH COMMENT FB LAMAH PE IN COMMENT AH IN LO SAWI DAWN NIA )



Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » May 26th, 2023, 8:44 pm

ZAWMNA





Ka college luhna tur lam pan chuan kan inzui a ,ka nu leh pa te an inbiak mawlh mawlh reng laiin keini pahnih erawh pawnlam enin kan hawi vauh vauh . A hnungah kan pahnih in min thut tir a ,a kawmah ve ve kan thu a ,innghen chial chu khawilamah ,puc kan thlenga . Muangchangin ka chhuak a ,ka hawi kual ruai . Ka zam em em lehnghal“ Kal ang u le " ka pa in a rawn tihchuan ka zui vat,ka pasal nu leh pa zawkin min hruai a .







Ka nu te erawh London lamah an let leh daih tawh bawk nen a ruk tak chuan hrehawm ka ti . An college tuala lungphun vel te , phul te chu enin ka hawi kual ruai,thingkung hnuaia thutna an siam vel te chu ka college kalna hmasa nen chuan a hrang hlak “ Tikhan lo awm la ,bawiha khan a lo admit thei mai ang che " an tihchuan ka bu nghat . An kal liam fel rualin ka phone ka phawrh a ,ka thiannu Nubawihi ka phone nghal vat “ Aw Nan" a rawn tinghal lang lang







London lamah chuan “ Nancy ti hlirin min ko va ,chu chu hria in hetah pawh a mah chiah hian Nan tiin min ko thin “ Ka rawn thleng tawh a ,khawnge i awm " ka tihchuan phur lutukin a rawn rak chul mai . Kan subject a inang a ,chuvang chuan class khatah kan awm thei dawn bawk nen ka hrilh hlim pawh khan a phur hle a nihkha,ka awmna lai ka sawi chuan a rawn kal nghal thu sawiin phone kan dah a .








Reilo te hnuah ka hminga min rawn au lawng lawngin min kuah nghal chawt “ Awi i lo lut tur chu ava han nuam dawn em,thian kawm tur ka nei ve dawn ta a nih hi tirawh class lam pan ang ,midangte pawh i hmelhriat ve angai alawm,i hmeltha bawk a . I lar nghal viau ang ,ka van vannei dawn he college miss hi nih tum ngei ngei rawh" tiin min kaiin building lam chu min pan pui nghal zat a .







A hnungah chuan ka zui ve zel ,kan class tur zawnah min dinpui in a a au lut a,a tlangnel hle tih a hriat . Midang chuan min rawn en thapin an phun sep sep a ,mipa ho lo kuk rawih rawih te chu a bengchheng lek lek ” Mithar maw " tiin min chibai nak nak hlawm a . Mipa uang deuh ho lahin “ Ka bem hual " min ti bawk ,nikhatna mah nise nuam ka ti ta phian mai . Class kan tan a ,a hmasa bera kan class a rawn lut chu ka melh ngar ,a ni subject hi a nimaw kan zir dawn ni , min rawn melh ngurin min ko chhuak a .








Lut thar ka nih thu leh midangte lakah chuan min kawm tur ten a hrilh ve a ,ka lo en dauh dauh ringawt. A rawn luh ruala hmeichhe ho insik nawk nawk atang khan he college students ah hian duhtu an awm fur tih ka hre nghal mai ,ka thutna a ka let chuan ka thiannu chuan “ Mahlim kan professor hi a chhelo i ti ve em? Zirsangpuia hi ,keichu ka duh bur a nia " ka thiannu tawng chu ka nuih ringawt,tumahin he college students ho in a an duh rawn hi ka pasal tih an hrelo,a chhan chu in duhna awm miah lo a innei kan ni miau a lawm .







Chubakah lut thar chiah ka nih bakah kan inneih hria kha mi tlem te chiah an ni a ,he college a mite hian va hriat thu awm suh




Nu leh pa te avangin kan innei a ,nupui min nei reng chungin bialnu a nei reng tho,duh bik lo mah ila ka pasal a nih chhung tala hmeichhe dang a hnaih loh ka rinna chu kan inneih atanga a tukah ka hre nghal pang a nihkha . A hmeltha a ,amah mi rethei zawk zawk a nilo nen hmeichhia te tana duhthusam ni tur khawp amah ah a kim vek ,mizo mipa ah chuan a lian pawl a ni a ,a mize ngeng ngalh te hi hmeichhe duh lutuk tur a ni tlat . Ka ngaihtuahna avang chuan ka ner nak ,ka pasal tur duhthlang thei ila chuan a ni hi chu ka thlang miah lo ang.









A hmel leh a san zawng a pian tih velah chuan ka thlang ngei ang,mahse a mizia hi chu ka duh chi a nilo hrim hrim . Keichuan min ngaihsak a ,ka lungngaih hlau em em mipa ka duh ,chutiang chu tawn ringin ka zawng ru fo va ,mahse mipa min hnaih tute chu min zarbuai reng ,lerh tak an ni tlangpui . Bialpa ka nei ngai lova ,neih ka tum chhin ngai lo,hmeltha tih leh vei deuh chu ka nei ve thin a ,mahse ka dawih zep em avangin ka hrilh ngam ngai lo .









Class chu a la mawlh mawlh a ,zawhna an zawt sek reng bawk . Tha takin a chhang ve zel mai,hmeichhe ho lah chuan an thiamloh em em vang pawh nilo in a chhan an duh hrim hrim avangin zirlai te chu an hre lo der a ,ka nuih an tiza zawk e a “ Hetiang reng hi,kan class mai nilo section dangah pawh duh tu angah lutuk,mahse miss Judith-i nen an inzui avangin an bem ngam lo mai mai,miss Judith-i hian a hauh hlur a ,lo duh deuh a lo be tu a hriat chu a subject bikah an mark a chhe vek a nimai " Nubawihin a tihchuan ka thaw hak .




(Nitin hnathawh ngai ve tho ka ni a,chuvang chuan zantin ka dah ve thei dawn lo tih kha min lo hriatpui dawn nia aw ,hlo thlawh hun lai a ni a ,awl hun a awm thei meuh lo aw ,zankhat danah dah zel kan tum Anga,chutih rualin update lai YouTube a kan dah dawn a vangin ka ziah pakhat zawk hi ka regu rih a ngai aw )




Kha nu kha hetah a thawk ve tho maw? Mak pawh ka tihran lo,khavang a nihkha ka pasal te inah pawh a tlangnel em em ,thaw ham hamin u Zirsanga lam chu ka melh a ,lehkhabu chu enin a sawi fiah mawlh mawlh . A hmeltha takzet ka zep lo,mahse ka lakah erawh huatna bak a tilang ngai hauh si lo,a class a zo a . A chhuak nghal nal nal ,ka thiannu chuan eng emaw min hrilh reng nangin engmah ka hre theilo,ka duh nimiahlo in pasal ka nei a ,chupawh tuma hriatpui lohin.










Chuta karah min la haw em em zui a ,mi in ngaizawng inkara tlazep ka ni bawk nen ka inthlahrung ngawih ngawih,kei nen in nei lo ila chuan a bialnu judith-i nen khan an innei ngei bawkin ka ring . Mahse tunah chuan a nih tur ang a ni vek tawh a ,ka pawm thiam mai a ngai a ni . Break lai chuan Nubawihi nen tiffin phawrhin thingkung hnuaiah kan ei a ,mipa ho rawn pheiin min be bawrh bawrh .










Fiamthu an duh bawk nen kan nui uar uar a ,kan bengchheng viau in ka ring. An hmel a chhelo a ,an mahni an fel bawk nen kawm an nuam phian mai,a tira ka huphurh ang em em in a hrehawm miah lo ,a nuam ka ti lutuk zawk. A hma kha chuan lut thar ka nih avangin thian ka nei sa lutuk lo nen ka huphurh viau a nihkha “ Hmakar lamah annual sports kan nei dawn a ,tel ve ngei ngei rawh aw " an tihchuan ka nuih ringawt . Infiamna lam hi chu ka peih ve zawng tak a nia ,a bikin volleyball.








London ka haw chang pawhin ka thiante nen kan beng ziah zel ,tlai tin deuh thaw khan kan beng thin a ,ka thiam ve viau mai . “ College queen thlan a ni nghal dawn bawk a ,i tel ngei ngei tur a ni " an tihzawm a ,chuti fako a min nel tu chu ka tan pawh nelloh an har ,ka hmelthat thu a min rawn au lawng lawng tawk lah bolo,thlah pawlh ka nih avang hian ka zeplo,hmeltha titu leh ka pian nalh thu min hrilh tu hi an awm nual zel . Nubawihi lahin kan bula an awm duh anihchuan min treat angai a lo tizung zung zel bawk nen..









Haw lama restaurant hnai ber a chawlh an rawt thlu nghal hmiah,keipawhin ka rem tilo em em chuang lo . U Zirsanga hian min phurh haw duh ka ring lo hrim hrim,ka nute khan car kan dah timahse u Zirsanga nen chauh a awmdun ka duh teuh lo,a sual ropui si . A nui hmel vawikhat mah kan inneih atang ka la hmulo,class lam panin mipa ho nen chuan kan inzui a ,hmeichhe thenkhat erawhin min eiloh hmel zet hian kan phei chu an lo ner nawk hlawm a ,phun ser ser tawk lah bo lo.









Haw dawn chuan kan inzui thap thap a ,mipa ho bike a lawn ka tum chu ka kutah rawn vuan tu an awm avang chuan ka tawp chiang hle “ Haw a hun tawh enge tih in tum?" u Zirsanga chuan a rawn ti a,mi karah hetianga a rawn awm hi ka ring lo hrim hrim,kan thiante lah chuan mak tizetin min en a “ Ih an inah hian ka awm a ,chuvang a nia " amah en lo chuan ka thiante lam chu ka en a ,mak an tih hmel chuan ka nuih a tiza ru hle . Nubawihi phei chu a khabe a tla lo chauh








“ An ni hian min rawn thlah mai ang ,nang chuan..." Ka sawi zawh hma in miss Judith-i rawn langin u Zirsanga banah chuan a vuan nghal chat “ Kal ila ka nu leh pa in lo leng rawh se an ti che a nia " no zet chuan a rawn ti a ,keipawh chu rangzetin Davida hnungah chuan ka thu kai a ,kan tlan chhuah dawn a ka hawi let leh chu u Zirsanga chuan min lo la melh reng . Ip chawihin hmalam ka hawi nghal daih a .








Restaurant kan chawl lut chu kan tam ve bawk a ,dawhkan pathum hauhin mipa ho chu an au nghal lar lar a ,an tlangnel thawkhat tih a hriat . Davida chu ka bulah thu in ka duhzawng min zawt mawlh mawlh a ,beef noodle soup chiah ka duh thu ka hrilh chuan nui hawk hawkin a nipawhin ka chah ang chiah chu a chah a ,Nubawihi pawhin chicken fried rice a chah ve bawk a . Midang pawh chuan an duh zawng sawiin kan nghak ta thap “ A hma in khawiah maw i luh a " Davidan a tih chuan ka en zawk .







Min lo en chiang bawk nen ka hawisawn nghal vat,he college mipa ah a chhelo leh hmeltha ber an tih ka hre fuh a ,chuvang nge mawni ka lai viau mai . Keipawhin hmeltha ka ti ve tho “ Hrangbana college ah " ka tihchuan a bu nghat . Kan thil chah chu a rawn thleng a,ka ei nghal vat ,a tui phian lehnghal “ Khawimaw i duh lo mi " an thlai hring telh a then nghauh nghauh avang chuan ka zawt a ,bu nghutin ka thlengah chuan a rawn dah nghal zung zung..








“ Avan tui tak,chawl ziah ang u aw " Nubawihin a tihchuan “ Hlimhlimi a tel chauhin ,nang nen chuan kan duh lo " Chhandama chuan a lo tinghal chu Nubawihin a melh rum viau mai, thei tui kan chah tel a . Midang ho lah chu a khat tawkin eitur an lam belh a ,an va ei thei tak. Davida chuan min thlah haw a ,kan in zawn kan thlen chuan chiang zet hian a en a “ Lo len i phal angem?" a tihchuan ka en vat,a chiloh lutuk ka pasal te ina tlangval ka inrim tir chuan min ngaihdan a dik lo vek dawn .









“ Ih a rem chiah lo ang,a chhan chu teacher a awm ve bawk sia min ngai diklo vek palh ang . Chubakah inleng neih an rem ti vak lo a " ka tinghal zung zung,ka tawng rang bawk nen min en in a nui vak a “ Ok,a nihchuan nitin ka thlah thei ang che tiraw " a tihchuan ka bu ta ringawt . Ka chhungte ka hrilh mai ang ,inchhungah chuan muangchangin ka lut a ,u Zirsanga chu a la haw lo a nih hmel garage ah a car a la awm loh danah .

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » May 28th, 2023, 9:04 pm

PROFESSOR ZIRSANGPUIA .







CHAPTER 2



BY MAWITEI BAWITLUNG








“ E bawihi ilo haw tawh maw ,tunge lo thlah tu che kha " ka nu chuan a rawn tinghal zung zung a ,ka pa zawk erawh hna atangin a la haw lo a nih ka ring,an awmpuite pahnih chuan rawng an lo bawl mawlh mawlh a ,ka nu chu enin ka bu nghat “ Ka thian thar a nihkha ,a fel lutuk " ka tihchuan a nipawhin min zawh zawm tawh biklo,ka college kalna te chu nuam ka ti nge tilo min zawh zawm a ,keipawh chuan chanchin ka hrilh ve mai bawk a .








Kan room a ka intihfai hnu lawkah thawm ka hria a,kawngka lam chu ka melh nghal vat. Kut kuangkuah chunga ka chip hmaka min lo en tu chu ka melh let ve kar “ Tunge khapa kha ,zui tam hauh suh ang che . Ka nu leh pa in an hmuh tam chuan buaina i tawk dawn tih hre reng ang che " a tihchuan ka ner nawk ,a thu lo emai ka thian ania . Ka hrilhfiah ve thei reng,a nu in a hre daih tawh tih a hre lo te pawh a niang “ I nu chuan a hre tawh phawt a ,chubakah ka nikhatna a ni bawk nen thian ka nei nghal chu i lawm vak na nge ?.









Nangpawhin hmeichhe dang i zui a ,an hau kher lo che . Keini chu thian satliah mai mai lehnghal " ka ti ve kher ,hmeichhe zaidam leh mize tha lutuk ka ni bik lo nen ka tawng tur ka insum duh bik der lo . Chubakah he mihring chapo lutuk hi ka haw hrim hrim ,min melh run run a ,a mi melhna avanga puak thei ni ila chuan ka puak darh durin a nia ka rin ni " Ngawi hmak rawh,khatiang khan naupang lehnghalin min chhang suh" a rawn ti deuh hrawk a . Ka darah a rawn hmer nghal chawt .









Na ti viau mah ila na ti ang in ka awm duh bik der lo ,ka melh let ve ngar . Ngawi reng chuan kan in entawn ngar a ,a mi hip na zet leh a rim te nen lam chuan ka hre thei,a taksa lumna chuan min ur pha hial . Tinge hepa bulah hian ka zam em em reng le “Min thlah rawh,nangpawh miss Judith-i nen in in ngaizawng tih an sawi luai luai a ,engtin mah ka tinghal lo che. Ka nikhatna a nia ,an fel zawk a ,min kawm chu a pawi viau a mi ? Thian ka neih chu sual a nihna ka hrelo " ka ti leh ngat .









Min hmer na chu thlah in min nawr deuh nawk a ,ka pai dat dat. A thawmhnaw chu a phelh mawlh mawlh a ,en pawh ka en tha duhlo a pian nalh zet chu ka hmu hman tho,exer la ngun tih a hriat . A awm chu a pharh darh a ,a ngheh hmel tlet tlawt hle bawk ,bathroom ah a lut nghal vut a. Darthlalang hmaah chuan thu in ka in en vang vang,ka hmel ka en a . Miin min fak ang em em chuan tha ka inti ve lem lo ,ka sam chu hru mawlh mawlhin ka khuih a . Ka dar a hmerna lah chu ala na et et lehnghal .









Bathroom a rawn inhawng a ,towel nen chauh chuan rawn chhuakin a lu chu a hru pah mawlh mawlh ,a dul inphiar fat te a kawng fek rat nen chuan mipa pian nalh tak a ni tih a hriat hluah hluah . Heng hi chu London velah pawh ka hmu fo va ,mahse hepa bula ka awm hi chuan ka danglam bik tlat zel “ Ka hmeltha in ka pian a nalh tihchu ka hria a lawm " ngeiawm zeta nuichunga a rawn tihchuan darthlalang chhan atang chuan melh rawm rawmin sam khuih chu dahin room chu ka chhuahsan nghal vang vang .








Mipa chimawm lutuk ,chaw ei an lo siam mawlh mawlh ka hmuh chuan ka pui nghal vat,ka nu in awm mai mai rawh timahse ka duh bik lo,u Zirsanga stepa rawn chhuk thla khauh khauh an hmuh chuan awmpui pahnih chu an inhrilh ru sar sar a ,ngaihven anga awm duhlo in chaw chu ka khawrh mawlh mawlh. “ Bawiha i pa va ko teh roomah a awm kha ,chaw ei hma ang u zanin chu inah hian meeting an nei dawn a tihkha " ka nu in a tihchuan u Zirsanga chu a kalsawn nghal zat a . Ka nu hian biak chu min be ve thin mahse ka nute laka a inthlahrun vang bak a nih ka ring lo .









A nipawh hian Judith-i an tihnu kha a ngaihnat zia ka hmuh hmaih lo ,a fapa te inkara inrawlh a . An inneihna daltu hialah min ngai thei ,mahse he inneihna hi ka duh bik loh zia hi an hre der silo,chaw eilai chuan ka pa nen chuan kan ti ti mawlh mawlh a ,u Zirsanga leh ka nu erawh an ngawi leh kar tawh . Chaw eikham rualin room lam ka pan a ,lehkha ka zir nghal mawlh mawlh “ Kan inthen vat theih nan i nu leh pa lo sawipui ang che ,nang ni nena thawk lo pawh hian kan hotel hmun hrang hrang ami hian min chawm zo lutuk,damchhung daihin mawle " rawn titu chu ka ngaihsak duh lo .









Chapo si engmah ni leh silo,lehkha chu ka en zui reng . Khumah a mu a ,a mit a chhing duar duar zui a ,mut dawn chuan sam chu ka buaipui leh mawlh mawlh ,ka nu sam rawng ka chhun a ,ka sam hi ka pian tirh te atangin a buang reng a . Ka tidanglam ngai hauh lo,keimah ka ngo bawk nen mizo ka nih ring lo pawh an awm deuh hial thin ,ka hming ka sawi a mizo tawnga ka tawng te a nihloh chuan chu chu mi tam tak min hmuh dan a ni .







Khumah ka va mut ve dawn chuan puan chu a lo pawt sawn daih a nihchu,ngawi rengin ka muthla a ,ka pawt ve ngat . Tawng miah lo chuan kan in pawt tawn ngat ngat a ,a tawpah ka ning chu rizai chungah chuan mu in ka invial a ,chuveleh ka tih ang chuan a rawn ti ve nghal,a laiah puan a awm tawh loh chinah kan in tauh chawrh “ Ana lutuk " ka ti that . Ka lu chu a ri mur mur in ka hria ,a lu a chang bawk si ana takzet. Ka kuta in buaipui tur lahin rizai nen kan in vial tawm vek bawk si .








“ Khumah hian mu lo in sawtah va mu rawh,sofa ah sawn " nelawm loh zet chuan a rawn ti a. Ka ngaithla duk bik thak lo,ka mit chhing hmakin a awmlohna lamah inher ka tum a,ka invial tih ka hrechhuak leh bawk si. Inphelh vaih ila puan ka chang awm silo,hepa hi a upat tawh tawh nen a vahan chimawm tak,hmeichhe care nachang pawh a hre miah lo a nih hmel ” Nangmah kha tho la va mu rawh,hmeichhia zawk ka nih hi,i upat tawh nen i va sual ve ,nang ang rual te chuan hmeichhia hetiang hian an ti ngailo " tiin en kar .








Kan invial tawm vang nge a lum lutuk chu ka inphelh ta tawp ,a ni pawh chuti tho ,kan vahan naupang chhia dun tak. Mahse he mihringpa bulah hi chuan puitling takin engmah a sawi theih dawn loh, a chhan chu mi a haw miau a ,engpawh sawi ila a haw vek dawn tho tho . “ Hre rawh,i pasal chu ka ni thei e ,mahse ka nupuiah ka pawm ve hauh lo che tih hre rawh " a tihchuan ka ner nawk ,ka hre ve renga. A bialnu leh a hmeichhe hmangaih nen lam mawle .



khawngaihin fb lam comment taima hram ang aw ,in comment tam tak hian min fuih phur thin a nia



“ Anihchuan fa nei vat ila kan inthen vat anga tinia " ka ti chu a thinrim hmel ngei mai “ Ngawi hmak rawh. Nang a laka fa neih hi ka duh lo tih hria ang che ,Judithi nen kan inkar hi sawi pawh i sawi chhuah a ngai lovang ,nang avanga innei theilo kan ni tih hi hre rawh " seh chilh nawk nawk hian a rawn ti a. Ka nuih hak “ Anihchuan kan contract ah khan fa kan neih hma chu inneih tih a nisia,min neih reng a ngai dawn tihna a nihchu tiraw ,a pawi hleinem keipawhin i fa pai ai chuan ka duh zawk ve tho a nia .








I bialnu chu lungngai suh,ka hmuh lohah chuan i duh duhin i awm pui thei a lawm,keipawhin ka duh duh ka bia in ka kawm thei,mimal nunah inrawlh loh ve ve ti ila a tha mai lo em ni" ka ti ve ngat,ka nghawngah min rek thutin khumah chuan min delh bet a . Thinrim lutuk tih hriat tak hian a mi rehna chu a na lutuk tlat,a kutah chuan ka beng tak nangin a ni ang mipa tha chu ka hnehlo lutuk tlat ,ka mittui tla tur chu duh lo viau mah ila ka dang theilo .







Hetiang khawpa thinrim hian tumahin min la tingailo ,a rapthlak ka ti takzet. He ka pasal hi mihring pawh a nilo ramhuai a nih hi; ka mittui tla a hmuh rual chuan thinrim in bengdaih tum tih hriat tak hian a thaw hrawk hrawk a ,a hmai a tha hrui rawn lang te chu zawi muanga rehin min thlah nghal zat . Ka nghawng chu ka dawm a ,ka khuh bawrh bawrh “ Ka thinrimna fiah tum hauh suh,ka tana pawimawhna neilo lakah dawh theih chiam ka tum lo tih hria ang che " nernawk chunga tiin a tho chhuak a .








Sofa ah chuan a va mu nghal zuar bawk,a ke a lawr ut a . A hma ang chu nise ka nuih ngei ang,mahse ka haw hluah hluah,hmeichhe chungah lehzel pawh kutthlak a duh a nia ,tuna chinah ka hnaihin ka be tawh tur a nilo tiin keimah leh keimah chu ka infuih mawlh mawlh . Puan chu sin tha sauh sauhin ka nute ka ngaihtuah daih a ,tuna ka awmna ai chuan a hma a keimah chauha inluaha ka awm lai khan nuam ka ti daih zawk . Ka duh vang nilo in ka nei a ,chu pawh ka nu leh pa tan,a ni an chuan an hlawkna turin min neia.








Engmah ti chuang silo in a inla hausa em em ringawt a,ka mil thak lo . A tuk lam pawh a ruala kal lo in inah ka awm a ,ka pa ber in a hriat loh chuan ka nu chuan kan kal tlan kher tul a tih ka ring lo” Hey Hlimhlim " Davida te thian ho chu ka lamah an rawn phei a ,ball a rawn zakzeh tat mai ,ka class neih hun a tlai a vangin ka kal hma duh lo kha a nia ,chawhnu lamah class ka nei chauh dawn a ,dar 11:30 ah ka kal chiah kha a nia . Football an lo khel a nih hmel .








“ I tel ve duh em" an tihchuan ka phur zawng tak a ni bawk nen ka lo aw vat,Nubawihi pawhin min rawn panin a ni pawh a rawn tel ve nghal,lehlam ve ve ah kan tang a ,kan pahnih chiah hmeichhe tel kan awm a ,midang erawh a then class ah an awm a nih hmel. Inkhel rawn en tawk an awm bawk a ,ka defence ve ran a . Ka nuih te pawh a za lek lek,mipa inkara infiam chu patil kan ang rum rum,kan zirlaipui thenkhat chuan min en thap . Davidan a pet goal chuan ring zetin ka lo au a ,a ni pawh a nui ve vur vur mai .









Jacoban pet goal ve ngei tuma na zeta a rawn pet phei fua chu ka hmu a ,min pel phei in thawk leh khatah thawm a reh duk . Min en tu te bakah midang ka hnung lama an rawn tlan tak sup sup ah chuan hnunglam ka en a ,kan professor ho bakah tute nge tih pawh hriat loh chuan kan zirtirtu Duhawma chu an lo buaipui mawlh mawlh . Kan va thleng phei a ,hlauthawng hlawm viau si kha sir Duhawma hmel kan hmuh chuan kan nui tet tet hlawm . A hnar a thi a ,a tarmit glass lehlam chu keh tih hriat takin a kaw tlang ruah mai ..









“ Sir kan tihpalh lutuk,kan pet sual palh a " Jacoba chuan a timawlh mawlh . U Zirsanga te an awm ve bawk nen keipawhin engmah ka sawi duh biklo ,inthiamloh hmel zetin kan ding thap ringawt “ In infiam a nih pawhin midang awmlohna ah infiam hram tum tawh rawh u . Hei thisen a chhuak lehnghal,tun chinah a thleng tawh tur a nilo " u Zirsanga chuan tiin sir Duhawma chu an kalsawn pui nghal a ,an hnung lam atang chuan kan en thap ringawt .








An kal liam rualin” Awi ka nuih a za bawk sia,ka nui ngam bawk silo ka insumna lamah ka pum ana vek " pakhat in a rawn tihchuan keini pawh insum theih tawh hekloh,kan nui hawk hawk hlawm a . Inkhel zawm tawh biklo in class lamah kan inzui lut diak a ,Davida lah ka bula thut a chuh nghal thurh,hmeichhe awm ve ho mit chu kan lamah a fu thup hian ka hria “ David kha ,i lo kherh bet leh der elo? " tlar hnung lam atang chuan mipa pakhat a rawn au lang lang a .






Davida pawh chuan ka dara min rawn kuah pahin ” Ka la hlawhtling theilo,kumin kumtluana ka bem tlut tlut chuan ka hlawhtling hrim hrim ang " a tilet ve zat a,midang chu an lo nui dar dar . Class kan la chho a ,u Zirsanga rawn lut chuan Davida nen a kan thu dun chu min en nghal ngur . A hmelah chuan lungawilohna ka hmu theiin ka hria ,nizan avang khan a la thinrim reng emaw ni? A class lak chhunga a thinchhe lutuk chu midang pawh chuan an en leh haw haw zel .







“ Tinge sir hi vawiin hi a thinchhiat em em a " kan bula thute chuan an ti sar sar a ,a dik reng bawk . Misual hotu a ang mah zawk ,amah a lianin a hmel a hlauhawm bawk nen tumahin an ti lui ngam meuh lo “ Zohlimpuii kha ding rawh " a rawn tih avang chuan phu zawkin ka ding nghal “ Chhuak rawh ,ka class ah vawikhat mah thil ei tawh suh " a tinghal hmuk . A vahan sual tak em ,min tihzah a tum hrim hrim tih hrelo tur khawpin naupang chhia ka ni tawh bik hauh lo .







Muangchang chuan ka chhuak a ,midangin min nuih tet tet avang chuan ka zak zual . Pawnah chuan dingin ka thaw hak “ Hetiang em em a misual hi engvanga ka nu leh pa hian min neih tir nge an nih? An ni chuan an fanu hrehawm tih hi min hmu pha lo in an awm bo nghal daih bawk si,class atanga a rawn chhuah chuan min en lo in a kaltlang a ,muangchangin ka lut ve nghal . Davida chuan min lo nuih vur vur a ,hepa pawh hi tunah tak hi chuan vin hrep mai ka duh.








Haw lamah pawh inthlah tir duh lo in taxi in ka haw leh ngat a ,mahse vanduaithlak lutuk in ka pa inah a lo awm “ Bawihte ,khawiah nge i pasal " a rawn ti a . Chiang zet chuan min en bawk nen ka zam takzet ,miss Judith-i nen an inzui kha ka hmu chiang bawk si “ Thudik min hrilh rawh " a rawn tih tak fakah chuan thaw hakin “ Ih Miss Judith-i nen an inzui a ,khawnge an kal ka hrelo " ka tihchuan ka nu zawk chuan min rawn enin a nersawk ” Mama pa i hriat ve reng kha , Judith-i nen hian high school an kal lai atangin an in ngaizawng tawh a .








Chutin an inthlah thei bik nang,inneih phalsak phei la chuan an innei daih tawh ang. Mahse tunah hei i thu awihin nupui dang a nei a ,an ni pawhin thil thalo an ti dawn em ni? An leng vak ve mai mai a niang chu " ka nu chuan a tizat zat a ,ka pa erawh chuan chhang lo in a melh hrawk ringawt “ Rawn haw rawh se ,vawitam then turin ka hrilh tawh ,ka thu hi a zawmlo a nihchuan ka fapa a nihna ka theihnghilh ang " ka pa thinrim lutuk chu ka inthiamlo,lo hrilh lo tur ka ni a sin mawle .







“ Chutiang in tingawt thin suh,i fapa a nih hi duhzawng leh hmangaih zawng te chu tupawhin kan nei a lawm" ka nu chuan a lo tileh a ,ka pa chuan kut vai hlukin “ Lo ngawi rawh,i fapa hi vawitam hrilh turin ka ti che ,mahse i duat luatah a pa ngei pawh min dodal tawh chu a nih hi,hengte hi i thiam loh vek a nih hi" thinrim zet chuan a ti chhuak chhak a,ka nu lahin a lo chhan ve zel bawk nen an inhau chu a ni der mai . Ka inthiamlo lutuk chu ka ngawi ta reng a .







An bulah chuan awmpui te pahnih nen ti dakin kan awm ve tawp a. Chutia an lo inhauh lai chuan u Zirsanga chu a rawn lut hlawl a ,room lam pan mai a tum chu ka pa chuan vin zet hian a hming pumin a ko tuar a ,a nipawh a ding nghal chat . ” Zirsangpui i pa hi min va ngaipawimawh lo em em ve ,kha hmeichhia zaktheilo zet kha vawi engzat nge hnaih tawh suh ka tih che" a hma a va ding chuan a tikhur hlawk hlawk .








“ A tawk ka pa ,kha hmeichhia zaktheilo leh nun thalo zet nei i tih thin kha ka hmangaih a nihkha ,a chiang tawk em . Tin sawnu saw ka duhlo chung i thu awihin ka nei tawh a ,a bak ka lakah beisei hauh suh,saw hmeichhia pawh saw Judith-i i hmuh theihloh ang chiah khan ka hmu thei biklo,a ni pawh saw enge a nih bik . Hmeichhe lerh leh lep chiah tak a nilo i ti thei em ,keichuan ka hmeichhe kawp tur duh ka thlang thiang. Saw tiang hmeichhia pawisa vang a min neih pawh hniallo tu ai chuan englai pawha min kalsan ngailo tu hi ka duh zawk .








Engvanga Judith-i hi sawisel reng nge i nih" a ti ve tuar . A mi tihdan chuan min tih thinrim bakah chutiang khawpa min hmusit chuan min tina lo theilo ,a hmeichhe hmangaih thlavang a hauh avanga kei min sawi tel kher chuan min ngaihpawimawh loh zia a tilang niber in ka hria . Ka pa chuan a beng sawk a ,ka nu nen chuan kan lo au that ,ka nu chuan ava dang vat . U Zirsanga erawh a nui ro hawk a ,ka pa chu melhin“ I hmingthatna tihzual nana i fapa hlimna ngaihtuah lek lo a i chet na chuan a tilawm bawk che em ka pa?" chiang zeta a tihlai chuan min rawn enin min thah mai duh hmel zet mitmeng chu ka hmuh hmaih lo .








Inchhung a awm nuam ka tihloh em avang chuan pawnlamah ka chhuak leh daih,tunah hian keimah avangin chhungkua an inhau mek chu a ni si a . Keipawh hian tinge he inneihna hi ka lo pawm mai le ? Min haw em em tu leh min ngaihsakna chhete mah neilo pasalah engtin nge neih ka lo duh theih ni . Pawnah chuan ka awm reng a ,inchhung ka luh leh meuh chuan thawm a reh in a reh vek tawh ,rooma ka luh pawhin a lo awm lo va ,ka thaw huai thung .








Ka ril tam viau mahse eichakna ka nei tawhlo,ka bag a chhang vel chu ka ei ta ringawt. Ka pa leh ka nu hmel pawh ka hmu ngam tawh dawn em ni,keimah avangin nupa meuh an inhau a ,keimah avang bawkin ka pa in a fapa mal neihchhun a beng a nia . Rilru hah zet chuan tukverh bulah chuan thu in vanlam chu ka en vang vang a “ Ka duhthlan a nilo a ,misual tak ka nilo tih in hria tirawh u " arsi thlir chung chuan ka tisep . Ka duh thlan nilo in pasal ka nei a ,ka duh vang nimiahlo in min haw em em tu bulah ka cheng reng tawh chu a ni sia le .

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » May 30th, 2023, 9:21 pm

PROFESSOR ZIRSANGPUIA






CHAPTER 3




BY MAWITEI BAWITLUNG







Pawna ka awm reng vang nge khua a thim meuh chuan ka pa chuan min rawn ko va ,ka inthlahrung zo vek “ Chaw ei ang u,engah mah ngai suh ka fapa hian ka duhloh chu a nei ngai chuang lovang,i nu pawh nise ; ka fapa hi hmeichhe tha lo kawp a,a nu leh pa a dodal hi ka duh lo,chuvang chuan nangpawhin tan la rawh . Ka fapa hi i hmangaih lo a nihpawhin nang tal chuan ka rinna che hi ti chhe suh aw ,i pa in i chanchin a sawi khan ka fapa tan hian i tha dawn tih ka hria a .








Nang chuan ka inneih luih tir cheu hi min haw mai thei ,mahse ka fapa hi ka hrechiang,amah hlaulo a hnial ngam tu ,englai pawha pui thei tu tur bulah a hlim ber . Judith-i hi a hmangaih lo chu ka ti theilo,mahse a bulah ka fapa hi a hlim lo ,chu chu pa ka nihna ang in ka hmu in ka hrechiang viau,nang hi ka innghahna i ni . Ka fapa hi dawh hram hram la ,i chunga a lo nunrawng viau a nihpawhin khawngaihin kalsan mai lovang che .








Judithi bula a awm reng a nihchuan a nu leh pa hi min hlat tawlh tawlh dawn,tunah pawh hian min do mek reng chu a nih hi. Hmeichhe fing phakar zet a ni a ,ka fapa hi a kawp lovan tih pawh ka sawi theilo,an veng miten an sawidan hi a dik ngei ka ring bawk . Chuvang chuan nang hi a hmangaih ngei theih nan che i pawimawh" a tihchuan ka thaw hak “ Mahse pa ,min huat em hi min hmangaih thei lovang,keichuan mi inkar tichhe tu nih hi hrehawm ka ti " ka tihchuan a nui ringawt.








“ I ti chhe hleinem,i rawn lan hma khan a chhe tawh zawk,ka fapa hi ka hrechiang . Min runluih nan a hnaih leh mai mai tih hre lo tur khawpin ka mawl hleinem,a hriat miahloh ka neih tir che avang khan a thinrim mai mai a nih hi,a rei anga a pawm thiam leh vat mai ang " a tihchuan ka nui ringawt . Inchhung lama kan inzui luh lai chuan ka nu nen chuan chaw ei dawhkan an lo kil dun ran a ,an ngawi hmak bawk . Nuamlo ka ti takzet ,ka pa chuan min be bawrh bawrh nangin ka chhang tawh lem lo .









Ka phone a rawn rik chuan thaw huaiin ka en a “ Nu" ka tinghal sep “ Bawihte ,i dam tha em ? An duat che em" a rawn tinghal mawlh mawlh a ,chutia ka nu aw ka hria chuan min ti hnukulh “ Min duat lutuk a lawm " ka aw a lan chhuah hlau tak chuan ka ti a . Ka chaw thleng chu ka la melh lo hrim hrim ,an ni erawh chuan an lo ei mawlh mawlh “ Ka pa nen khan ka ngai lutuk cheu " tiin pawnlam chu ka thlir a . U Zirsanga chu a lo rum nghut “ I pa kha kan dil sa a ,thlaleh hian karhnih vel ilo zin theih tur thu a sawi a .








I rawn haw hmasak khan i pu i hmulo nen i pu in a ngai che a,hei tun phei chu kan chungah a la thinrim reng nen i rawn haw veleh i rawn thlem mai a ngai dawn a nih hi" a tihchuan ka nui hak . Ka bula awmte pawh chuan kan thusawi chu an hre vek nangin engmah an lo sawi lem lo “ Ka pu chu ka lo be dawn a nia ,a thinrim rei leh teuhlo,nu ka dah phawt aw chaw kan ei dawn a " ka tihchuan a nipawh chuan a lo aw vat a . Phone ka dah rual chuan tawngtaiin ka ei nghal mawlh mawlh .








“ I nu te hnena haw chu i duh em ni?" ka nu in a rawn tihchuan ka pa zawk chuan a lo chhang vat “ A ngai ve ang chu,a nu sawi kha i hriat kha . Pu Wilsona hi mi tha tak a nih bakah a khirh em em bawk a ,an upa tawh bawk nen an tunu chu an hmu chak ve ang chu,keini lah helama inneih kan tih avang khan an rawn tel ve thei lo kha a nia " a lo tizung zung a . U Zirsanga erawh a la ngawi reng,tho vutin room lam a pan nghal nul nul a.









Chaw eikham chuan keipawh ka chho ve nghal mai ,room chhung ka luh chuan khumah lo thu in laptop ah thil a lo type mual mual a ,ngawi renga ka lehkhabu ka phawrh lai chuan “ Engvanga ka pa bula min hek nge inih?" min en chuang lo va a rawn tihchuan ka chhang leh duh ta lo ,ka lamah a rawn phei a . Ka darah a rawn hmer leh chawt “ Enge thudik hrilh chu a pawi em ni,i lenpui reng a lawm . I duh duhin min khawih suh,i hria em ? Keimahni avanga in hotel lar phah na hi ka hrelo bikah i ngai em ni.







Nang ni chauh hi thil ti thei in ni bik hleinem,chuvang chuan sumdawnna inpuih tawn avanga innei kan nihna ang ngeiin i duh duha min tih theihna dan i neilo,ka thu in ka awm ve thei. A chhan chu nangmah ni chauhin in kal theihloh avanga min neih rem ti ve tho ini,keini chu keimah ni pawhin kan kal thei. Keichuan ka pa vang chiahin ka nei che tih hre rawh " ka tihchuan a huat hmel takzet .







Kut min thlak dawn emaw ka tihlai chuan a nui suk a “ Anihchuan ka nupui i nihna angin ka khum min tawmpui dawn lo'm ni" a tihchuan ka kut ka hum ruh vak “ I nupui ka nihloh thu kha i sawi fo a ni lawm ni,nge i bialnu leh i hmeichhe hmangaih ni bawk khan i duhkhawp a pe lo che " ngeiawm zeta ka tihchuan min chawi nawlhin ,min thing deuh nawk nawk . Ka lu a hai nghal muai muai,tlawm duh bik lo in a kawngah ka inkherh beta . A samah chuan ka keh sak nghal vak,kan insual chu a ni der .








Khumah kan tlu dun rawk a ,a chunga thu in ka chum vak vak chu ngeiawm lutuka lo nuisawngin a lo indang zel a nihchu . Chu chuan min ti thinrim zual ,ka chum leh tur chu ka kut a lo vaisawn a ,ka inringlo nen ka bawh rawk . Ka hmui in a hmui chu ka fawp nghal chawt a ,ka meng kawk. Kawngka a rawn inhawng a ,rang zet chuan ka awmsawn nghal ,ka nu in mak tih hmel zeta min lo enchuan ka zak takzet . Pakhat lah chu a hmui tuai zauhin a rawn thu chhuak ve a .







Ka nu chu a be nghal sup “ Enge pawimawh i nei em ni " ka nu lam hawia a tihchuan ka nu lahin sawi tur hre mai lo hian min endun “ Engmah nilo e,naktuk Judith-i birthday a nihkha ,kan nufa in min sawm a nihkha aw theihnghilh lo la " kei min en chunga a rawn tih kher chuan ka lo hawisawn vat . Ka nu hian hetiang em em hian min duhlo a ni tih ka hre chiah ,ka lehkhabu awmna lam chu panin ka chhiar mawlh mawlh .







U Zirsanga pawh chu meizial tanin tukverh bulah a ding run a ,pawnlam thim mup chu a melh vung vung . Ka phone ri chu enin ka nui hak,ka thiante ho chuan min rawn video call a nih hmel,ka la nghal vai “ Hi Nancy " Katerina chuan a rawn ti a ,Rosyi leh Vallery pawh chuan min rawn tive nghal . An ni hi London lama ka thiante an ni a ,ka thiantha ber te an ni . An hmel a tha hlawm viau bawk “ Hello,in dam maw " ka tihchuan an dam thu leh min ngaih thu an rawn sawi a ,kan titi nghal mawlh mawlh .








Sawi tur an ngah leh hlawm hle ,an bialpa te nen a an awm dan an sawi te chu ka lo nuihpui leh ver ver zel “ Nancy nang,i mipa duhzawng ang chu i tawng ta em " an tihchuan ka nuih ringawt ” Mipa cool ruih,tawng tam lo nangmah hmangaih tak tu che tiraw i duhkha ,enteh hetah hian chutiang chiah chu kan hmu a sin,a chhelo va ,a hmeltha lutuk ania . Kan lo biak ang che ,a duh viau bawk che in kan ring ,i hmelthatna khan i aikaih nghal thei ang " Vallery'n a rawn tihchuan ka nuih ringawt








“ Chutiang chu a chiloh,keimah ngeiin ka zawng ang chu,ka la theihnghilh reng reng hleinem mawle,kan lehkhabu lei pawh kha ka la kawl a ,khatiang chiah kha ka zawn vang a lawm ka la single "ka tihchuan an nernawng hlawm . Kan inbe tui bawk nen ka harsatna dahtha in ka nui vak vak reng a ,ka mittui a tla phung thei. Ka thiante aibaka hlu hi chu an awm tawh kher lovang,ka lungngaihin ka kiangah an awm a ,min tih hlim an tum char char thin .







Ka hlimin min tawmpui a ,ka tahin min tahpui ve bawk . Thiantha nihna an hrechiangin an hlen hneh ka tilo theilo,thian tam tak hi chu kan tana hlauhawm tak tak an ni thei tlat . Mahni thiante rel rel hi chu thian ka ti ve thei hauh lo ,Ka hnung lam atanga min rawn kuah a ,ka nghawng rawn nul tu avang chuan ka khawng awt ,ka thian telahin chiang lutuk in camera lam an rawn melh a “ Eng...engthil nge i tih?" ka ti bah nawk nawk . Zirsangpuia lah chu pa lutuk a kiai sukin mitmeng dam leh cool ruih chuan min en a “ Be zo vat la aw duhnu " tiin a kalsawn nghal,ka thiante hmuh phak loha a awm rualin min nuihsawngin a chhuak nghal daih.









Ka vahan haw tak em,ka thiante bulah ka insawi fiahna tur min rawn siamsak lehnghal,ka haw hluah hluah “ Nan ,khapa kha tunge,awi a hmelthat zia kha,a cool bawk si awi ka duhve khawi a mi nge i hmuh bik a ,awi kan lehkhabu chhiara changtupa ang chiah chiah a nimaiin ka hria ,ka thik che e " Rosy-i chuan a rawn tinghal zat zat. Ka ner nawk thung,ka thiante ka bia tih a hriat vanga khatianga a rawn awm kha ka ngei lutuk “ Tumah helaia ka awmna pa a nihkha ,min rawn biak khan a rawn uang vak mai mai a nihkha " ka tinghal zung zung..









Awihlo tih hriat tak hian an eee vak a ,engmah an awih leh duh dawn lo tih ka hriat avang chuan ka sawi chhunzawm duh tawh bik lo . Phone ka dah rualin bathroom lamah intifai turin ka lut a ,ka chhuah leh chuan khumah a lo awm leh hman tawh. A sirah chuan ka va ding a ,rum zetin ka melh “ Engvanga khatianga rawn awm kha nge i nih,vawiin tlaia i thusawi kha ka theihnghilh i ring em ni ? Keihi hreawm taka min siam duh viau mahla chu thil chu ka thlen tir ngai lovang" ti thatin khumah chuan ka mu thla hnawk .








“ Ka thinrimna tur thil tisuh ka tih che kha ,ka dawhthei vak lem lo a nia . Tin ka thil tihah buai suh,ka nupui ini tih kan hrilh law law dawn nge " a rawn tihchuan ka chhang duh tawh lo,ka thinrim mai mai dawn ,mitchhing hmakin a hlat thei ang ber chuan ka mu a , a nipawhin min be tawh lo in a ngawi ve mai bawk. Zing ka harh chu ka phu zawk,u Zirsanga nen chuan inkuah chialin kan lo mu a nih chu,a awmah min kuah bet a ,a muhil hmel chu a tha em em mai lehnghal . A mithmul buk zet chu ka khawihsak zauh a ,min haw viau lo se chuan keipawh hian ka vei viau in ka ring . A harh hma chuan ka thawhsan ta thuai a .







“ Awi Hlim,nizanah ka duh deuh thin a lo leng a " Nubawihi chuan hlim tih hriat tak hian a tisiam siam ,tutak chu ni ang maw. College corridor ah kan awm a ,chutia thu a sawi lai chuan Davida te thian ho an rawn phei a ,kan bulah an rawn ding a . Chhandama chuan Nubawihi chu a en nghal ran,a nilah lai tih hriat tak hian a hmai te chu a sen tawn tawn,nichina a thil sawi kha ka hrethiam ta mai ,chutia kan din thap lai chuan mipa toilet lam atang chuan au ri a rawn chhuak a .








Chutah kawngka rawn inhawngin Zothana chu chak zet hian a rawn tlan chhuak a ,kan bul a rawn thlen rual chuan a rawn thaw hlawp hlawp “ Thlahrang....thlahrang thawm ka hmu " a tihchuan kan lo nui hak hlawm a “ Thlahrang thawm hre lo in i hmu thei bik elo?" Ruatpuia chuan a lo tinghal haw “ A ni alawm, tumah an awm ve lo,ka zunna piahah khan tui a rawn inherh haw a lawm " Zothana chuan ati leh bul bul a . Davida chuan a lo tihluih chhunzawm lehnghal.







“ I inkhawm khat lutuk a chuvang a nihchu,inkhawm khat lutuk ho hian thlahrang an hmu thei lutuk an ti,tin zu in peih deuh leh mi awmtha duh lo ho hian thla chu sawi tur an hre thei lutuk,mi inkhawm peih pangngai ,Pathian ringtu te chuan thlahrang ,thlarau tih vel an hmuh thu leh an hlauh thu hriat tur a awm ngai lohhi,kristian ram inti zawk zawk te hian ramhuai hi kan hmu thei a ,dik tak chuan thlarau leh thlahrang sawi tur hre deuh hi chu Pathian an ring tak tak lo a nih ka ring.







Pathian ring tak tak chuan hlauh an neilo ,Pathian nen engkim an ti tlat a " Chhandama chuan a lo tih zawm zat,a sawi dik viau mai . Thil mak leh mi ngaihthlak tam kan duh luatah hian dawt thu hi kan phuah tel nual thinin ka ring ” Ee ka hria ,youtuber ho angin tihian ka ti ve ang ,PUC boys toilet a thil mak tak in phum chu emaw PUC a hrang em ni? Tih te ,PUC toilet a thawm mak tak an hriat thin chu. PUC hi a lo hrang em ni? Tih te awi a tam mai ,subscriber an pung ve sup sup mai ang " amah a hlau ber ber chuan a rawn tichhuak hlawl a .







Kan nui ta dar dar ,a sawi thiam lutuk chuan nuih a tiza zual,thlahrang thawnthu tam tak hi chu a awihawm loh lutuk thin,miin an tawng lo ka ti hauh lo . Mahse pawisa duh luatah hian dawt phuah chawp mai hi a awl ve em a ,mi ngaihthlak chak tur leh mi ngaihven tur kan duh luatah hian tunlai mi tam tak hi chuan mi phalna la hmasa miah lo in mi chanchin rawn lar deuh hi a tawngtu ang hrim hian YouTube a kan dah chhuahsak zung zung te hi a tha lem lo ve tlat .








Thil dik a nih leh nihloh ngaihtuah chiang lo a min an sawisel leh eng emaw a rawn lar hluai ,channel tih len kan duh luata kan lo sawi ve vak zel hi a tha vak lo ka ti ve thin. “ I chhuah ngei dawn a nia ,a tha viau ang . I hlawhtlin hunah i hlawh in thil min lei ve dawn nia" kan lo tihchuan a duh loh thu a sawi nghal pang,chutia infiama kan lo nuih dar dar lai chuan u Zirsanga te chu miss Judithi nen an rawn kal phei a . Midang chuan morning wish an lo pe thap thap a .








An ni pahnih pawhin nuisangin an lo chhang let ve teh khiah,class lamah kan lut a . Miss Judithin kan class ho bik a birthday ah min sawm tih ka hriat chuan mak ka ti lem lo,a bialpa nupui ka ni tih a hrechiang a . Eng emaw tak a tih ka ring nghal ringawt “ Kal ve ang aw ,ka lo sawm ang che " Davidan a tihchuan hnial ka tum a ,mahse Nubawihi chuan min lo sawi khalh zung zung . Ka hnial leh ta lo,ni e ka kal ve ngei tur a ni ,engtin nge an awmte pawh hriat a chakawm tawh a lawm.








Kar leh lama infiamna kan neih dawn avangin lehkha zir lo in college leh a chheh vel tifaiin infiamna a hmanrua tur kan buaipui hlawm a ,* Hey Zohlimpui,i huang chin hre rawh aw " hmeichhe panga leh mipa pali hian ka hma ah rawn ding in an rawn ti a . Bawhhlawh paiha college hnung lama ka awm lai a ni bawk nen tumah ka bulah an awm loh lai tak a ni lehnghal“ Enge ka huang chin ka hriat ang " ka ti ve ngat “ I hrelo a maw ,Davida hi ka ta a nih hi i hria em,nang in a ilo zarbuai ve sek hi a ngailo " a tihchuan ka nuih ringawt.








“ Davidan ka ta a ti ve silo che a ,tin chubakah ka bula awm duh tu ka hnar ve ngai lo a ,a pawi khawp mai" tiin ka nuih sak,min rawn khawih a tum chu a kut manin ka theh tlu hnawk . Hmeichhe nu zawk zawk ka nilo tih a hrelo emaw ni,midangin min rawn khawih rawn an tum chu “ Ramthantluang khawih hauh suh u " Davida aw ka hriat rualin ka bulah an pariatin an rawn ding nghal thap . Kut an kuangkuah at bawk,Nubawihi lah chu an hnungah dingin a hawi ve ar reuh a ,ka nuih an tiza lutuk chu ka nui chhuak hak hak a .









Mak tiin min melh haw hlawm lehnghal “ Engmah a nilo " tiin ka insum thuaia “ David henu hi a rawn lan veleh tinge min hlat tak tlat a" a tihchuan Davida chu a nui ringawt “ Jessi ka duh ngai reng reng lo che ,ka hlat bawk lo che . A hma atang rengin nangmah in a ni lawm ni min hnaih tang tang zel kha " a tihchuan Jessi chuan thinrim zet hian min en hlawm “ Het in ngam ngM kan ngam,insual in tih leh kan ngam,hmeichhe insual in tih leh kan ngam tho,in mawngkawm siak in tih pawhin kan ngam . Dopui mihrat khawkheng te hi kan tlawm ngailo" Zothana chuan nuisawngin a lo ti a .








He pa hi chuh! A thutak thei thlawt lo,kan hming a phuah dan kher kher lah chu a , Chung ho chu min chhang tawh lo in an kalsawn hlawm a ,ka thaw huai mai . Mi tihbuai hmasak ka duh lo va ,mahse min tibuai hmasa a nih erawh chuan phuba ka la ngei ngei thin ,chu chu ka mizia a ni . Ka tetlai atang rengin ka dikna ah chuan mipa pawh ka sual mai zel ,ka kawlh an tih phah reng a . Mahse keichuan ka kawlh ka inti hlawl lo thung “ Kha kha a nimai ,Chhinga te thian ho hi ngam mai mai chi kan nilo ,kan pa ve êm .








Dopui pasaltha hmingthangte kan nih hi " Zothana bawk ” I â emai nang chu Churchuha kha nizawk rawh " Gideon chuan a lo ti hluk,nuih chungin kan kalsan a ,min rawn zui ve leh nghal “ Het! Chutiang dopui mihrat khawkhengte ah an tello " Zothana chuan a lo ti bul bul a ,Davida chu enin “ College king lo ni thin meuh chu nangmah vangin haw tu ka va ngah dawn ve ,ka hlau riau mai " ka tihchuan lawm loh hmel lutuka min en in a tum bur a ,kalsawn a tum chu a banah ka vuan bet vat .








“ Ka tifiam a nihkha ,a mak thin e tiru volleyball court lamah kal ve tawh ang u ,house khatah awm thei ila ka ti ngawt mai " tiin ka sawi zawm zat a , Friday a ni tawh a . Vawiin hian kan inruat fel vek ka ring ,rin ang ngeiin chawhnu lam chu house kan inruat a ,Blue,White ,Green ,Red ,Purple lam thlengin . Davida,kei,Nubawihi,Chhandama,Zothana chu hmun khatah blue house ah kan tang dawn a nih hmel . Kan awmtlang tih an hriat chuan lawm lutukin an zuang vak vak a .








Ruatpuia,Gideona,Kimkima,Jonathan leh Hlua te erawh red leh green lamah an awm thung . Haw lamah chuan restaurant ah chawlh an rawt leh a ,kan inphur chhuak leh thliah thliah a,arbawp kan vaia chahin kan ei nghal mial mial,an siam tui phian. Davida chuan ka kamsir vela kai chu a rawn hru a “ Ehhh inla zei dun ve ,zak rawh u" midangin an rawn tihchuan kan nui ringawt . Davida chuan min thlah haw leh a “ Zanin chu ka lo sawm dawn che a nia ,lo in siam la " a tihchuan ka bu nghat .







Ka chungah a fel bawk nen a mah a hmeltha in a chhelo tel cheu a ,hei vang te pawh hian a niang a bula awm nuam ka tih em em ni . Ka biangah a rawn fawp zauh a ,ka phu chiang ngei mai,ka mengphawk hru chu min nuih hakin ka lu ah a rawn tuai zauh a ,a tlanchhuak nghal vang vang. “ Kha thil kha enge Hlimi " ka nu aw ka hriat rualin ka inher nghal,rum taka min lo en in a nernawk a “ Ka fapa chiah hi a lo dik lo biklo a nimaw? A dik em ,i pa bula i insawi ang chu a va nih hmel loh ve








Judith-i nen an la inthlah lo hlauh chu a lawmawm a nih hi,nangang pasal nei reng chunga uire duh ai chuan"a rawn tihchuan ka ngawi thei tawh bik lo “ Ka nu,engvanga min haw em em nge i nihchu ka hrelo , chuan Davida kha ka ngaihzawng a ni hauhlo,ka thian mai a ni . Tin ka bianga a fawh ringawt avang khan ka uire tihna a nilo " ka tihchuan a nui hak “ Hmeichhe rapthlak lutuk,i nu ang chiah ini. Hnam tih tur neilo,thisen chanve ,inla ve bawk si " a rawn tihchuan ka kut ka hum ruh tang tang a ni









U Zirsanga a rawn chhuah avang chuan a ngawi hmak a “ Hei Judithi te inah chaw kan einghal dawn a ,i pa nen khan lo ei mai ru aw ,zanah kan lo haw chauh dawn tih kha i lo hrilh mai dawn a nia " awlsam lutuk a a awmdan a thlak thei chuan mak min tih tir zawk hial mai,a aw dam dap chu ka awih lo lek lek . Nichina a mibiak dan nen kha chuan dang tak a ni ,u Zirsanga chuan kal ang tiin car chu a hawng a ,an tlan chhuak chu ka thlir zui reng ringawt. Ka pasal nu hi ka mil dawn hauh lo mai .








A fapa lah chuti bawk ,ka pa rawn haw pawh a lawm chiah lo tih ka hria. Zanlama ka kal ve tur thu ka sawi chuan a bengdai thei chauh zawk a. Ka kawrfual taksa phuar tang,a dum la malte thleng khuh chu ka ha a ,ka vun chu a tingo zual. Pheikhawk erawh sneaker var ka bun tawp a ,high heel lam hi ka bun thei vak lo ,ka ke a tina thuai zel . Inhnuai ka chhuh thlak chuan Davida pawh a lo awm tawh a ,ka pa nen chuan an lo titi a nih hmel,ka thian a nihthu ka hrilh a vangin a pawm thiam viau bawk .









Kan inzui chhuak a “ I nalh lutuk " a rawn tihchuan ka nuihsak “ Nangpawh" tiin ka enkual dan dan a ,a nui ve hawk hawk mai. Coat suit a ha a ,a pian a nalh bawk nen a inhmeh lehpek viau “ Zanin atan ka partner i ni thei ,kawppui neilo bik ka ni duh miah lo a nia " a tihchuan ka nuih hak hak “ Awle awle ,zanin chu car ilo keng elo?" ka tihchuan a bu nghat “ Kawrfual nen khan bike a phurh chu i ni nang" nuihza aw zeta a tihchuan ka chum taih taih a ,a car min hawnsakah chuan ka thu lut nghal zat .









Miss Judithi te in kan thlen chuan an lo tam tawh viau mai,pawnah chuan mi tlem an lo awm a . Inchhung lamah Davida bana vuanin kan lut a ,kawngka kan luh rual chuan inchhung thawm chu a reh nghal duk . Kan lam chu zirlai bakah midang hriat pawh ka hriat loh chuan min en thup,ka nu pawh nupa pahnih bulah ka hmu a ,nernawkin min lo en lehnghal . Thawm reh duk chu phun ser ser ri in a zawm a ,ka hawi kual leh deuh chu miss Judithi leh u Zirsang chu ka hmy nghal . U Zirsanga chuan min lo melh reng tawh zawk,ka incheina chu a melh kual a . A mitmeng chu a rum nghal sauh ..









Engah mah ngailo ang maiin Davida min hruaina lamah chuan ka zui ve ta tawp a .

Link:
BBcode:
HTML:
Hide post links
Show post links

mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » June 1st, 2023, 9:02 pm

PROFESSOR ZIRSANGPUIA






CHAPTER 4


THUHMA: STORY HI KEIMAH KA HRISEL LOH AVANGIN ZANTIN KA DAH VE THEI LOVA ,CHUBAKAH HNATHAWH HAH NEN MOOD A CHENLOH HUN HIAN STORY DANG TYPE A LO NUAM VELEH THIN BAWK NEN PAHNIH KA KALPUI THINA ,TUN PAWH KEIMAH KA INENKAWL RENGA ,ZANKHAT DANAH KA LO DAH ZIAH THIN DAWN A ,KA DAH HMAN DAWN LOH CHUAN COMMENT LAMAH IN LO EN THIN DAWN ANIA AW )



“ Zohlimpui i pasal nu leh i pasal hma ah mipa dang i zui ngam a maw?" keimaha ka awmlai chu chuhin ka nu a rawn lang nghal a ,a chhia zawng zawng min puh leh dawn e “ Ka nu mipa dang nilo in ka thian mai a ni e,enge pawi vak ka pasal angin ngaihzawng dang ka nei ve chuang em ni? I fapa zawk saw keiai buaipui la ,i fapa thil tih support hle si in tinge i mo zawk chu khap i tum reng le ,tin he thil hi ka pa phalna ngei a ti ka ni bawk aw . Chubakah mi hriat kha i duh lo a ni lawm ni?









I duh chuan i fapa nupui ka ni tih chu heng mite hma ah hian puang la ,keichuan pawi ka ti vak hleinem" tiin ka nuihsak a ,a thinrim hmel chu a rapthlak tih piah lam a ni . A enga mah hma a a chhia zawng zawng min puh reng hi ka ngai thei bik der lo “ Hre rawh ,hetianga i awm reng a nihchuan i nu leh pa engkim ka hrilh khawp ang,in company tello hian kan awm thei tih hre bawk la . Ka pasal sum neih belh duh luata a thil tih hi tha ka ti bik hleinem,i ngam chuan min han do lui zel teh .








I nu leh pa beng a thlen rualin inthen,chuan i pa hian engtikah mah in hotel leh sumdawnna a nei thei ngai lovang" a tihchuan ka kut ka hum ruh vak . Ka chhan leh hma chuan Davida a rawn kal a ,ka nu pawh chu a kalsawn nghal nal nal “ Kha intur ka rawn ken che " tiin a thil rawn ken chu ka kutah a hmeh bel nghal chawt . “ Hlimpuii leh Davida chu in rawn kal thei a nimaw ,in ti lawmawm hle mai " miss Judith-i chu kan hma ah rawn dingin a rawn nui sang a ,Davida chuan a lo be mawlh mawlh a .









Kei erawhin hmun dang ka lo melh daih thung “ In inkawp thu college ah an sawi hi tak tak a nimaw?" a tih leh chuan ka melh chat “ I hresual a nih hmel,keini chu thian kan nia . Tu emaw te ang lo takin" ka lo ti vat . A nui hmel reh riai riai chu ka hmuh hmaih lo,u Zirsanga chu kan lam panin a rawn phei a ,miss Judithi bul a rawn thlen rualin a kawngah a rawn kuah chat a “ Hetah ilo awm a nimaw ,saw lamah an mamawh che a nih hmel ,rawn ngaihven zawk la a tha ang . I zirlai naupang te i vil run reng chuan an hmang nuam thei nang " dam dup a a rawn tihchuan mak ka tilo theilo.









Ka bulah kha chuan thinrim in peihsa atin a awm thin a nihkha ,a bialnu bulah chuan a lo nem thei hle mai . “ Nuam deuhin hmang ru " kei min rawn enchunga a rawn tihchuan ka lo ner sak “Tehreng e,nangni te hi innei vat teh u ,in zirlaite hian kan nghakhlel teh a nia " Davidan a tihchuan miss Judithi chu a nui har har a ,kei erawh ka lo chhing sawk thung “Ala hmanhmawh thlak loh kan tia,lungngai suh u kan inneih hunah chuan in rawn tel vek dawn nia,ropui thei ang berin kan buatsaih ang.







Mi zawng zawng hriat turin" a rawn tihchuan mi rawn kap tih ka hre thei,en duhlo lui ngatin ka intur a min rawn kensak chu ka tem zauh a,ka ner nghal nawng ,a tuilo lutuk chu Davida chu ka en nghal “ Eng thil nge " ka tihchuan “ Vanrama a nihkha " a tihchuan ka awih lo lutuk chuan ka chum chawrh ,nui hawk hawkin min laksak a ,thei tui zawk chu min pe leh nghal. Lam an tan a ,kei pawh Davida nen chuan kan lam dun ve ngei a ,ka zeilo lutuk chu kan nui dun leh hak hak thin . Min zirtir pah mawlh mawlh .









U Zirsanga te pawh kan bul maiah an rawn lam ve a ,min en reng chu nuam tilo in a awmlohna lamah ka hmai ka dah daih a ,ka thaw huai bawk . Cake an zai laite chuan miss Judith-i chuan over zet hian u Zirsanga chu a pawt cheng a,an pahniha an zai dun vel chu ka eilo viau mai . Ka lo ner sak sak thin,boruak ka nin em avang chuan pawnah ka chhuak lawk a . Ka luh leh chuan a lo reh duak tawh “ Ee kha Hlimhlim ila awm elo ? " miss Judithi chuan min rawn panin nuisang hian a rawn ti a .









Ka bu nghat ringawt “ Lo awm rawh in tur ka lo lak ang che ,i chauh hmel riau" a tihchuan hnial tumin ka ka ka ang zuau a ,mahse u Zirsanga a rawn lan avang chuan engmah ka sawi leh ta lo . Miss Judith-i chu theitui nen a rawn let a ,lawmthu hrilhin ka tem zauh a . Davida pawh hi khawiah nge a awm ni ,ka lu hai chiai chiai avang chuan ka inthing nawk ,ka taksa lah chu a sa huam huam lehnghal . Ka hma a mipa rawn ding chu tunge a nih tih ka hre hauh lo .






Ka taksa chu a zawi takzet “ Engthil...nge..ka..chungah thleng?" ka lu chu ka dawm a ,intih harh hram hram tumin ka inthing nawk nawk ,miss Judithi bakah midang an rawn ding a “ Damdawi a rui thin a nianga " an tihchu ka hre reng ,mahse ka chhang theilo “ I tha em Hlim,engthil nge miss i pek a " tihrawkin miss lam chu a en a “ Engmah ka pelo,engvang nge i rawn sawi ringawt " miss in a ti ri chu ka hre ruai ruai “ Ka hmu vek che alawm le ,Hlimi hi theitui bak a inlo,chupawh i pek kha. I pek hnu lawkah a nih hi hetianga a awm ?" David chuan a tileh thawt .








Ka nui har har a ,mak ti a min en thup tu te chu kut bengin ka nuih vak vak “ David en teh,ka za chiai chiai mai" tiin ka nui har har a ,ka nu leh u Zirsanga rawn phei chu ka hmu nghal “ Engthil nge thleng? " u Zirsanga chuan a rawn ti a , thil awmzia an sawi chuan miss Judith-i chu a lo insawi fiah nghal zawt zawt,mahse tumah in an ring lo a nih hmel “ Engthil, Judith i timah mah a ni " ka nu pawh chuan a lo ti ve bawk . David an min pawm mai a tum chu u Zirsanga a lo inrawlh vat..








“ Kan inah a awm a ,keimahin ka hruai haw thei " tiin min pawm kang nghal lawp ,ka nu pawh chuan min rawn zui ve bawk a,cara min dah luh dawn chuan ka tang vak a ,kan pai deuh nawk “ Awm tha mai mai rawh " a rawn tihluk a ,a hma seat ah chuan min dah lutin a ni pawh a rawn thu lut ve nghal zat . “ Hrep chuan eng damdawi nge a lo pek khang lan che ni" tihrawkin ka nu rawn thut luh rual chuan a tlan chhuak a . Ka taksa awmdan chu ka hrethiam biklo,ka sa pup pup a ,mipa mamawh huam huam ang hian ka awm.








U Zirsanga kamiz hma kilh in phelh atanga a awm pharh darh mai lang te chu ka hmu sexy lutuk tlat ,chil lem dawkin a lamah ka awn phei a ,a awm lang lai chu ka chul zauh . Zah ka hre tawhlo a ni ber ,a rawn thaw hak mai “ I kut kha la sawn rawh, accident i duhloh chuan" a rawn ti leh hluk . A aw khur chuan min tingam pa sauh,a ai nasa chuan ka zut leh a ,ka kut chu a kut lehlama rawn manin min dahsawn sak hmak “ Hlimi lo tibuai lo teh? Kan accident ange ,ava buaithlak em , Judith-i pawh chu hmeichhe puitling tak emaw tihlaiin hetiang a case a sang lutuk tlat .








Eng pawh nise bawiha khalh chak phawt mai teh,in thleng vat teh ang u ,i pa a thinrim ngei ang le,engah nge an rawn kal ve kher kher ni aw " a ti zui hlak hlak,kei erawh engmah ka ngaihtuah theilo,ka kawrfual hak chu ka pawt chhing sauh sauh a ,ka mal pui a lang vek tawh . A lum ka ti bawk nen awm ngaihna ka hrelo a ni ber , motor chu a ding dawt a . U Zirsanga chu rang zeta chhuakin ka awmna lamah a rawn pen nghal pawk pawk ,car kawngkhar chu rawn hawngin min pawm leh nawlh .







Nui har harin a biang vel chu ka chulsak dan dan a ” I van hmeltha tak" tiin a nghawngah chuan ka kuah nghal chial,inchhung lamah min luhpui lai te chuan a beng vel chu ka lo khawihsak reng a “ Kha engthil nge nita,Hlimhlimi chu a rui elo?" ka pa chuan a rawn ti a ,ka nu zawk chuan alo be zung zung . Kei erawh u Zirsanga chuan room lam min panpui a,room kan thlen rualin min dahthla nghal zat “ Min pawm leh rawh ,min pawm leh rawh " tiin ka ban chung chung a ,a lo awmsawn daih a nihchu.








“ A lum lutuk" tiin ka thawmhnaw chu phelh ka tum a ,rang lutukin min rawn dang nghal ,chuveleh rang zet hian a taksa ah ka inkherh bet a ,a hmuiah ka fawp nghal chat.



ZIRSANGPUIA POV....(IN HRE CHAK SIA ZANIN CHU DAH ZUAI ANG,A LANG KHAT DAWN SIA)





Ka rum hawk,ka awm chu a kut sin leh sei sang chuan a zut ruai a ,mipa pangngai tan chuan insum theih na chu a ni heklo,ka namsawna ,khuma ka dahthlak rualin mitmeng phelh phang hian min rawn en chho a ,a hmui fawh chakawm lutuka kau tiar chu en loh hram hram ka tum,a har lam chu a ni e. Judithi khan damdawi tisa chakna kai tho thei a pe tih chiang takin ka hre bawk .







“ Tinge min duh lo em ni? Judithi ai khan ka nalh daih zawk,a sual si a hnar a sei si keite chu mi pawhin hmeltha min tiziah,khanu ve kha chu ramhuai an ti ,Ani ai chuan ka tha fe zawk . Tinge min hnar tang tang a,min haw viau em ni " tiin min en kiau,ka nui hawk mai . Hmeichhe thenkhat in an mize dik lan an hlauh em em laiin a ni erawh a mizia ang ang in alang phawng phawng a ,a huai lah a huai narawh . A ni ang hmeichhia hi an vang khawp ang .







Ni e a hmelchu ka hmuh tirh atang khan tha chu ka ti ngei e ,mahse ka pa avang hian ka haw lo theilo,fa te duh thlanna zawt lova thil kalpui ching hi khawvela ka mi huat ber an ni . Bathroom lamah ka kal a ,tih harh vat loh chuan ka insum zo lo tak ngial dawn . A inbualna tur ka siam zo ka chhuak leh chu ka thil hmuh avang chuan ka ding chawt ,a kawrfual chu lo hlimin thutthlengah a ke veilam a dah chho a ,a mitmeng nen zawng zawng chuan a sexy lutuk tlat .







A ngal rek atang chuan inzut chho in a mawng vel chu muang fan raih hian a sawi a ,a lei chuan a hmui chu a liak kual kher lehnghal . Ka kut ka hum ruh vak,insum ka tumna chu a harsa takzet tawh ,ka duh chuan ka khawih thei ka nupui a ni miau a ,mahse a harh fim loh laia khawih ka duh teuhlo . Hmeichhe dangdai zet a duhloh zawnga hlauh nei miahlo a ni lehnghal,a lama ka phei chu min lo nuih sen sen a ,engmah sawilo chuan ka pawm kang lawp a.








Bathroom ah chuan luhpuiin bathtub a tui vawt ka dah ah chuan ka mut nghal zat,phu dawrhin a rawn au that “ A vawt lutuk" tiin a kut chu kuangkuahin a khur nghal dar dar ” Tikhan i harh fim deuh tawh ang chu tiraw ,khawvar ruala i rilru natna tur leh i inchhirna tur ti hauh suh" tihmukin a thawmhnaw chu ka phelh sak a ,min lo fawh ve a la tum tang tang tho. A tawp a tawp ah a muhil ta hram e ,pawm chhuakin a thawmhnaw chu ka thlak sak a ,khumah ka mut nghal zat .







Ka mipatna che tual tual chu ka tihreh vat a ngai a ni . Bathroom ah lut lehin shower hnuaiah chuan ka ding vang vang ,Judithi nen kha chuan kan che sual fo va ,pawi tihna ka neilo . Ka tan a inphal miau va ,ka nupui erawh a ruih vang chauh a ni,chubakah a la naupanga a rilru kalsual tir thei zawng leh a mah a intihnat chakna tur tih ka tum hauh lo,tuna ka tih hrehawmna hi a tawk viau . Ka chhuah leh chuan khumah chuan duhdah zet hian a lo mu a .








Ka en vang vang,thlah pawlh tih takah a hmel leh a sam a dangdai hle a , amitmeng lian kalh a mi a en let ve ngar ngar thin te khan min tidanglam riau zel a nihkha . A biang chu ka khawihsak a ,zanina a rawn inchei dan kha a nalh lo ka ti phallo,khalaia mipa awm ve zawng zawng mit kha a mahah a fu thup a nihkha ,a nilah khan engmah hrelo ang maiin Davida banah a la vuan zui leh ta nghal . A hmui senno chek chu thlir vung vungin insum theilo chuan ka fawp ta nge nge a .








“ Misual lutuk mai " harh chuang lo a a rawn tihchuan ka nui hak ,a sam buang thang chu chulin ka en vang vang ,kei min nei lo hian mipa tha tak chu a nei thei dawn tih ka hailo.



End of Zirsanga pov...







“ A rit lutuk " tunge min delh tih hriat tuma ka meng chhuak chu ka au thawt . U Zirsanga chuan min lo pawm bet run a ,a ke chuan min lo khan bet bawk nen rit tilo chi pawh ka nilo,rang zetin ka dahsawn a . Ka lu ni muai muai avang chuan ka dawm vang vang ,nilo ka thawmhnaw te hi engtik laiin nge ka thlak? Chutah zanlama ka awmdan ka mitthlaah a rawn lang nghal uai uai ,ka zak lutuk chu rizai chu tham khawm vakin ka au vak .








U Zirsanga hma ah khan duhtawkin ka intheh kual a ,chumai nilo in ka la fawp leh tanghal . Ka hmui chu ka hup a ,rawn rum tuah tuah avang chuan ka ip chawih “ Zak leh tur chuan khatiang khan awm lo mai ta che " rawn titu chu ka melh vat,a kut a in nem kangin a rawn meng duar duar a ,ngeiawm zeta nui chung hian“ I duh chuan ilo lam sexy theih kha " a tizui chu na taka chum chawrh ka duh,miss Judith-i vang vek kha a ni . Ka ngawi mai mai hauh lovang.








Midang kha la awm lo phei se chuan tu emaw in min khawih hial mai thei a nihkha “ Min nuihsawh khang lang suh,i bialnu hi thubuai ka awrh tir khawp ang " ka tihrual chuan rawn tho chhuakin ka banrekah chuan nghet zet hian a rawn hmer a “ I tihrual chuan he i nunna hi ka la nghal ang hre rawh " tihrawkin a tho chhuak nghal . “ I ngam chuan ti ta che ,khalaia awm ho khan an puih che ring suh,eng finfiahna mah i neilo tlat,khang ho kha chu kan lam tang tur tih chiang sa" a rawn tizui leh kher a ,ka haw takzet “ Hmela thi rawh,engang mihring nge in nih? Nangni ang midang nun enga tan mah ngailo hi dam tlak in nilo " tiin ka au tuar tuar .









Ka tlawm la lutuk chu khum bula a laptop chu ka theh thla thuai,chuveleh rang zeta rawn pheiin khumah chuan min nam tlu hnawk “ Hre rawh,nang hmeichhia min ti thinrim leh a nihchuan i nun hian a tuar khawp ang,ka pawtsawm hreh dawn hauh lo che a nia " tiin mit sen rum hian min en a ,ka mittui tla tur chu ka dang hram hram a ni “ Ka haw lutuk che,ramhuai inih hi ramhuai dik tak,mi nunrawng lutuk" tiin ka en kar .







Nuisuk hian a khabe a tuai zauh a “ I ti dik,ramhuai ka ni,chuvang chuan min tilui tam lo la i him a nimai " tiin min chhuahsan zui a ,khum chu thinrim zet in ka chum vak vak ringawt . Engtin nge hetiang ang mihring hi an pian theih,tih theih ka neilo lutuk leh hmeichhia ka lo nikher kher chu ka inhuat ber tum a ni hial ang . Ka pa khan dawh a ,in hmangaih tir turin min ngen a ,mahse ka tum tawh dawn lo .







Keihian hrehawm ngawih ngawih turin ka la siam ve khawp ang,inhnuai lamah chuan muangchangin ka chhuk a ,inrin a nibawk nen ka pa pawh a hna ah a kal dawn lo a nih hmel . Min lo be mawlh mawlh a ,zanlama ka awmdan min zawt lo chu ka thaw huai mai,Zirsangpuia leh a bialnu thil tih hi sawi vaih ila chuan he chhungkua hi a keh darh thei hialin ka ring ,chuvang chuan ka ngawih mai a tha rih a ni .







Tualah chuan chhuakin pangpar chu ka enkual a ,vanlam hawi chuan ka mit ka chhing vang vang,ka pu engkim hrilh a . Ka pa pawm ve tawh tur a ngen a ,he mihring pa hi then vang vang hi ka chak ber a ni



(THU HMA KHI MIN CHHIAR SAK VEK RU AW )

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


mawitei bawihtlung
Posts: 754
Joined: November 18th, 2020, 12:53 pm

Unread post by mawitei bawihtlung » June 3rd, 2023, 9:24 pm

PROFESSOR ZIRSANGPUIA







CHAPTER 5



BY MAWITEI BAWITLUNG






Kan sports hmang chu a nuam hle ,keini thianho au ring thei lutuk erawh kan bula miten an beng an hup leh thin a . Nubawihi leh Zothana lahin chutia an beng an hup chu runluihin an beng bul te te ah an va au lui vak thin a,an in chum awk awk reng mai . Volleyball kan beng dawn a ,Nubawihi nen kan tel ve ngei a ,a ni lah a beng ngai lo nen a huphurh sa tung mai ,kan tan a . Nubawihi ball beng chuan midang nuih a tiza a ,pawnlam atang an lo au dur dur reng mai . A la dik dawn emaw tih pawhin hnung lamah a bin daih zel a










A tawp a tawpah hotu lamin an rawn thlak ta vat,ball ka ben ngun a vangin keipawh ka che tha chho viau a ,tan tu pawh ka ngah ta viau mai . Ka hlap ve pap pap a ,Davida lah a phur phurah a lo tang bawk nen Davida bialnu ti tawk lah bang lo,vanneihthlak takin kan chak tluan hlauh . Haw lamah chuan lenkawi ka duh avangin keimahin ka hawng a ,kawngpui atanga ka pen hnu ah in pakhat kawm kar atanga mipa pahnih an rawn chhuah avang chuan ka ding chawt “ Wow hnam dang nula a nih hi,a hmeltha viau lehnghal " an tawng ka hrethiam lo emaw tiin an in nuih vur vur a .



like leh comment kha min lo thahnem ngaihpui ula aw





“ Tute nge in nih" pakhatin min rawn khawih a tum chu ka lo awmsawn nghal vat “ Rawn kal rawh kan lo thlah ang che ,nula hmeltha zuite chu kan chak ve tho alawm " ti a min rawn ban leh chu pet pawp in ka bula street light banah chuan ka lawn nghal zawt zawt,an ban phak loh chin a eng han thlen hma chuan ka awm tlat“Min pui ru " tiin ka au pah bawk,Kan in ka hnaih tawh tho nen an lo hriat phak ka rin vang a ni pakhat “Kal mai ang ,midangin min rawn hmu ange" pakhatin a tihlaiin pakhat erawhin a duh lo a nih hmel.








Ka kut leh ke a kham tawh bawk si,ka chhuk duh bik silo “ Engthil nge in tih" u Zirsanga aw ka hriat rualin chu mite pahnih lam pan chuan a rawn kal nghal zat a ,ka en thla kar “ Tunge i nih? Foreigner a nihna angin kan be mai alawm,lo inrawlh suh" pakhat chuan pawr zet hian a ti a ,u Zirsanga chu a nui suk ringawt. Thawk leh khatah a nui hmel chu inthlakin a mah be tu chu a rek bet chawt . Pakhat chuan a rawn hnek ve nghal,ja awmna hmun atang chuan ka lo rak chul mai,u Zirsanga chu tho chhuakin amah hnek tu chu a back kick thuai mai .








Wow pa rem rem ve le,a thinchhiat ang bawkin insual pawh a lo thiam a nih khu ,muangchangin ka tawlh thla hret hret a ,thawk leh khatah ka kut chu zawi thutin ka tla thla a ,ka hnuaia pakhat zawk thawh chhuah tum mek chu ka zuk delh bet thlawrh . A mu zawi ta der ,ka mawng leh ke ka sawh a ,ka che thei tawh der lo “ I tha em?" a rawn tihchuan ka bu nghat. Haw viau mah ila min rawn pui chu ka lawm takzet ,thawh mai ka tum chu ka tho thei mailo nen a hnung a rawn dawh a .









Ka en ha mai “ Rawn lawn rawh " min en chuang lo chuan a rawn ti a ,hnial duh biklo in a hnungah chuan muangchangin ka bawk a ,ka mawnga rawn dawmin min din pui a,in lam pan chuan min kalpui nghal nal nal,a lian bawk a rit min tih hmel loh hle mai “ Taxi la mai ta che ,i bialpa chuan a va thlah rei peih lo che ve" a rawn tihchuan ka hmui ka pet zauh“ Keimah a haw ka duh vang alawm,khatiang khan min tiziah suh" tiin sir lam chu ka melh daih a .









In chhung kan lut a ,tumah an awmlo a nih hmel,sofa ah min thut tirin ka ke chu a en a ,a lo vung al mai “ Ke i nei a tlanchhe mai ta che ,khatiangah tunge lawn ngai hmeichhia lehnghal " a rawn ti hluk a . A ni pawh mangang rilru buai nuaihin awmse eng a ni bik awm lo emai “ Min dem reng suh,min puih i hreh viau chuan min puih loh mai tur che a lawm " tihmakin a kut chu ka dahsawn a ,a thaw leh hawk mai . A dawhthei lo ve chiang a nia “ Ngawi reng hian i awm ve thiam em" tihmukin ka ke vunglai chu a rawn hmet vak a ..









Ka au nghal tuarh “ Ana dim ve ta che " ka ti deuh tuar ,nui chungin a tho chhuak a choka lamah a lut zui nghal vut ,tuisa nen a rawn let zui leh a . Ka hma ah bawk chuan a rawn thu thla leh a,ka ke chu la kangin a rawmawl chu tuisa ah chuan chiahin ka ke vung lai chu a zut a,ka hmui ka pet fan fan . Hetiangin ka tina ang tih ka ring lo hrim hrim,ka infiam thei tawh lo ngei ang,a van pawi tak,kha mipa pahnih kha ka haw hluah hluah “ Dim rawh" mittui tling pam chuan ka ti sep .







Ana bawk si a sa bawk nen ka ke chu a sen hlar tawh “ Lo che suh" ka tal ve sek chu a rawn ti tawi tuk a . “ Ana ve tho a lawm le" tiin ka si hlarh hlarh,nui hukin ka ke chu a chhem heuh heuh a ,tunah hi chuan mipa midangte ngaihsak thiam deuh a ang . Ka ke lah chu tuisa a a deh vangin ala sa ham ham thei “ Hlimi enga tinge " kawngka lam atanga rawn luh pah chuan ka nu chuan a rawn ti a . A rawn luh lai ka lo hre miahlo,u Zirsanga pawhin a hmuh bik ka ring lo “ Ka tlu sual palh a " tihchauh sawiin ka ke chu laksawn ka tum a .









Pakhatpa lah chuan a lo dawm bet tlat bawk si ,ava han ngeiawm tak. A rawn dep tha leh a ,ka si hlarh hlarh mai,ka nu pawhin min ngaihven tawh lem lo in choka lamah a chawhmeh lei ho nen a lut a ,ka thaw deuh huai . A fapa tan min duh lo bawk nen hetianga kan awm a hmuh chuan a awm a nuam in ka ring lo “ Che tam lo la a dam hma a nimai" tiin u Zirsanga pawh chu a tho chhuak a ,ka ke na pawh chu a zia deuh huai mai .








“ Ka lawm e " tiin muangchangin ka tho chhuak a ,room lam pan chuan ka bai chho auh auh, sports kan tan chiah bawk nen ka lo intina chu ka in ngei hle ,taxi in haw mai ila hetiang hian ka awm lo tur . Chubakah khatiang kha ka tawk dawn tih ka hrelo kha ka vanduaina tur a ni ve hrim hrim a nih hi . Bathroom lamah inbual turin ka lut zui a ,ka zai pah hlarh hlarh bawk “ Nunna lehkhabuah chuan,ka hming a chuang tawh em?" tihlai chu ka sa rat rat a “ Chuang tawh lo " pawnlam atanga rawn ti tu avang chuan ka tawp chawt









“ Nunna lehkhabu nilo in thihna lehkha buah in en la a tawk,nang ang tan vanram beiseipha tur inilo" a rawn tihchuan ka kut ka hum ruh vak “ E a nihchu,kei hremhmuna ka tlak chuan nang leh i bialnu phei chu chiang sa ,mi nun tihchhiat pawh pawi tilo te chu" tihmakin bathrobe chuan ka intuam mawlh mawlh,ka chhuah leh chuan a lo awm tawh lova . A leng leh dawn te pawh a niang,zanlamah chuan inhnuaiah tv enin ka awm a ,ka pa erawh a hna avangin a lo zinchhuak daih a nih hmel .









Kawngka a rawn inhawng a ,u Zirsanga leh miss Judithi chu an rawn inzui luta ,ka ding nghal zawk “ Nu zanin chu ka lo riak dawn a " a rawn tinghal zawt zawt a “ Enga " ka nu nen chuan kan tirual thawt . Ka nu pawh chuan a rawn riah chu a rem ti vak lo a nih hmel “ Miss i ti mah mahin ka hria ,ka pa a lawm hauh lo vang" ka ti fak ,ka pasal ngawi run leh a bialnu tan runtu chu melh pawh ka melh duhlo “ Enga ,i pasal hian hmangaih vangin a neilo che aw ,hre rawh a nupui tak emaw lo in ti reng reng suh.







Nang hi rawn lang lo in,i nu leh pa nen khan sum duh lutuk lo ula chuan kan innei daih tawh ang " nersak chung chuan a rawn ti a . Ka nuih hak “ Oh! Keichauh ka ni hleinem,i bialpa pawh khan a pawm ve kha maw ,a ni pawh khan sum vang tho vin a lawm min neih,tunah hian kan hotel pakhat ah chuan share an ngah hle tih ka hrelo bik hleinem " ka ti ve sak a. Min rawn khawih a tum chu duh bik lo in ka lo namsawk “ Hre rawh,i damdawi min pek avang khan ka khing mai tur che a nia.








I duh duha i khawih tur ka nilo,hmeichhe dang i tih ang mai mai ka ni dawn lo a nia " ka tihfak chuan a tap tuau tawh ,chuveleh u Zirsanga chuan min rawn pan pawk pawk in ” Duhtawk rawh vawi engzat nge ka tihche ,kha thil kha sawi chhuak lo tur che in ka ti che a ni lawm ni" a rawn tihrawk a ,tawng leh ka tum chu min namsawkin bangah chuan min nawr bet a ,mitmeng sen rum hian min melh run a ,a kut tha te chu a rawn phiar tawlh tawlh bawk .








“ Vawikhat pawh he i kut bawlhhlawh hian Judith-i hi khawih leh tawh suh ang che " tiin min nawr leh dawt a ,bangah chuan ka tukkhum ka sawh dawt bawk . Ka lu a hai nghal chhawlh thei “ A tawk bawih a ,chhuah pui rawh he in chhungah em em hi chuan Judith rawn riah tum suh u . Mi hmuhah pawh a mawilo lutuk tawh ,in lam ka tan thin a vanga in huangtau ta mah mah hi ka hmu kham ta ,Zirsang i bialnu kha chhuah pui vat rawh . I pa in a hriat chuan in tan a pawi tawh khawp ang.







Ka chhan thei tawh hauh lo ang che " tihlakin keichu min rawn pan a ,min kaih thawh pah chuan ka lu chu a en nghal mawlh mawlh “ Chhuak vat rawh u,vawikhat mah i nupui hi i bialnu vang khan kutthlak leh tawh suh. Mipa tih atan a mawilo,i pa awm lohlai a nihlauh a ,in vannei tirawh Hlimi chho ang ,i lu hi en ka duh " a tihchuan ka hmui ka pet zauh “ Ka tha e keimahin ka inbuaipui thei mai ang,in duh duh chuan in awm dawn a nia ka pawisa teh hrep love " tiin inchunglamah chuan ka chho zui a .








He inneihna hi tihtawp mai ka duh rum rum tawh ,hetiang reng min la that lovang tihpawh a sawi theih loh . A duh duh hunah a mizia a inthlak lehnghal ,ka tukkhum chu ka khawih a ,a pawng lo hlauh e . Khumah chuan muthla in puan ka sin a ,ka mit ka chhing nghal hmak . Naktuk atang chuan hetiang mai mai hian ka awm tawh tur a nilo,tunge ka nih tih ka hmuh tir ve khawp ang . Ka mittui a tla hlek tawh tur a nilo bawk ,room kawngkhar chu a rawn inhawng a .








Ka nu emaw ka tihlaiin “ Ka tihpalh" rawn tisup tu avang chuan rang zetin ka inher a ” Ka hria e " tihzawng sawiin ka inher lehnghal hmak . A bialnu kha engtin nge a tih tak ni,ka bulah a rawn mu a ,ka melh peih der lo,in haw viau mah ila kan inneih tirh atangin khum khatah kan la mu char char a ,ngaiah kan neih ve ve tawh te pawh a nimahna,dai hlau zet chuan ka tawlh hla a “ Lungngai suh,ka seh lovang che " ka la chhang chuang lo .







A duh hun hun a a mood a thlak thei te hi a fakawm reng reng e ,zingah thovin exer ka la a . Chaw ei hunah pawh ka awm hek lo,a college kal hnuah ka lut chauh a . Ka thawmhnaw tur chu ka thlang mawlh mawlh,a hma chuan thawmhnaw thawl hnek hnawk leh lian lam hlir ka ha thin a ,tun chu ka inthlak ve deuh a ngai a ni . Ka sam chu thlahin ka hmai ka chei a ,kawr leh kekawr ka taksa phuar tang ka hak chuan ka pian chu a tilang chiang hle .






Ka mit vel ka line chiah chuan sap thlah ka nihna a lang chiang hle ,make up ka inbel tam vang nge ka landan a dang hlawkin ka hria,college lam panin ka chhuak a . Zing chaw eilo in tiffin ah ka pai tawp a , college ka thlen chuan min lo en thap ,an la tan lo a nih hmel “Wow i hmeltha lutuk" Ruatpuia te ho chuan an rawn ti a ,mipa thenkhat lah chuan thla min lo lak bawk . “ Hey i piangthar em ni,infiam vete hi i tum em " Nubawihi chuan a rawn ti a .







Ka lo nuih hak “ Tum chiang e " tiin David te lam chu ka panpui a ,a nipawhin khawdang hawi lek lo in min lo en reng. Kar tluan chuan thawmhnaw sexy lam ka ha ta ziah a ,u Zirsanga ka runluih vang in ,a thawk tha hle bawk . Min en reng zel tih ka hria , Chu chuan min tinui sak zel, college Queen thlanna ah min nawr luih tlat avangin ka tel ve a ,rinloh lutukin pakhatna ka la nizui . Davida pawh a hma ang chiahin king ah an thlang leh ta.







Ka bulah hlim lutukin a awm reng a ,a phur lutuk chuan min tinui lo theilo,zanlamah college hall ah kan party a ,Davida nen chuan kan inkawp deuh chawt . Ka hawi chhuah chang apianga u Zirsanga min lo en thin chuan mak tak maiin min tidanglam ziah lehnghal, Davida nen kan lamdun a ,a awmah ka bei deuh chial,dik tak chuan ka chau takzet “ Ka lo lampui ve dawn em ni" rawn titu avang chuan ka ding khawng awt . U Zirsanga chu kan bulah a rawn ding a .







Davida lah chuan engmah hre lek lo vin fiamthu nen a rem tih thu a lo la hrilh leh ta nghal a ,phur lo zet chuan ka lam pui a ,ka kawngah a rawn hmer salh chuan ka phu zawk “ I inchei duh chuan ilo nalh hle mai,i bialpa tan chuan i mizia i kalsan ngam a nimaw " ngeiawm lutuka rawn tiin a thim lamah chuan min tawlh pui zel a . Lam kan nih miau avangin hnial theih hekloh “ Min thlah rawh" min hnaih lutuk chuan min ti thaw tha theilo hialin ka hria .






“ Duhlo ta ila" tiin ka bengbulah chuan a rawn kun hniam a ,a rawn thawk khum lum ham ham mai “ Duhtawk rawh" ti a awmsawn ka tum chuan min chelh nghet bawk si ka tal thei der lo ,midang lah chuan min ngaihven hlawm der silo,ka ning takzet tawh . A tawpah min thlah thut in a kalsawn ta hram,Davida nen bawk chuan kan awmdun a ,pawna kan chhuah hnu chuan Davida zia pawh a dang riau.






Athaw leh hak thin“I tha em?" ka tihchuan a bu nghat ,ka ngaih a ti tha chuang lo “David" ka tihleh ruala a thusawi avang chuan ham haih zet hian ka ding ta reng a .

(Awi zanin chu ka type tuilo a ,a ngaihnawm loh viau ang,chapter dawt leh atangin ka lo ngaihtuah deuh Anga,a story a dang tanin a ngaihnawm chho tan turah ngai ang aw )

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)