Page 1 of 1

VANLAL PERFECT-A

Posted: May 26th, 2023, 10:52 am
by May_ chhakchhuak
VANLAL PERFECT-A
Chapter 4



Kawngka atang chuan Perfect-a ngei mai chu basketball khel tur tih hriat tak chuan a rawn lut a a hnungah chuan a khelh pui tur te ni awm tak pawh an rawn lut nghal zat bawk.....




An lian hlawm bawka an langsar ngei mai mahse ka mitah chuan Ani tluk an awm lo
Ka thian te ho lah chuan min lo kheuh nghal char char. Anni pawh hian kei ang tho in hmuh tha an hmu tih hriat reng reng an ngawi nghal dak mai.....




Inkhel an tan chiah chu ka thut hmun ah ka lo tang ve em em a keimah tak pawh hi ka hah vek thei achang leh ka kut ka lo hum leh vak thul hahthlak hian a.......




Hmeichhe au thawm rawn ri leh hak thin lam chu ka va hawi a ka hmuh chak em em loh Changkangberi te pawh an lo thu ve reng chu ni in keini ai deih in an thawm a ring leh nghala ka thinrim mai dawn in ka hria.....




Victor an a shot dawn lai tak chuan lehlam ami chuan a lo nek thlu hmana ka thinrim lutuk chu ka lo au vaka chumi rual chuan inkhel en ve ho chuan min rawn en nghal thup mai......




Ka zak bawk si lai deuh bawk si chuan Victor-a lam chu ka va en leha min lo en ve reng chu ni in a la vei nuih suk zui a a ti tlu tu pa chuan a kai tho nghal zat bawk...



Game chu an start zawm leh nghal a kei erawh engtin emaw tak hian ka awm hahthlak hian a ....




" I au ring bawka i duhpa chuan a rawn hmu ve ta che lawm" Tetei chuan nuihza insum deuh chuan a rawn ti midang ho pawh chuan min lo nuih tet tet mai.....




Ka lai lutuk sawi tur hrelo chuan lei ka lo chhuah khum ringawta an la nui uar sawt leh nghal ve lutuk hian a.....




*********



College lama ka hun hman dan chu ka crush stalk reng reng in hun ka hmang hi a ni ringawt mahni tawk ah ka buai ve hle hi ni mai.....





Tete in library lamah Victor-a a kal thin thu a sawi avang ringawt in library ah pawh ka kal zin phah hle a min hmuh theih loh na tura ka rin ah thu in a thil chhiar lai chu mit tla lo lek in ka en thin, chu bak hlawkna dang engmah ka chhiar ve hman meuh lo....




Mi te tan chuan weekend hi an hahdamna ni leh an nghahhlelh em em ania kei atan erawh lung min len tu a ni thung ....




Ka thian te ho pawh in ka duh zia an hriaa min dem rawn tawh zawk , kei ai daih in a awmna hmun te hi an hre thei leh nghala kan in hruai phei leh nge nge zel.....




An basketball khelh en lah ka hmaih ngai lo tih theih vel a nia ka tan hi chuan nitin a tha tulh tulh ni mai in ka hria...




Ka duh lutuk vanga ka ngaih bel nge ka hrelo kan awmna lam hi a rawn en ve ziah in ka hria, nge ni a a hmaa ka au rin lutuk vang khan min lo la hre ve zawk....




Mak ka tih ve deuh leh ka lawm na ni bawk si chu hetiang khawpa mipa chhelo leh hausa bawk si hian hming chhiatna emaw han sawi zui hat tur hi a nei ngai lo re re....




Bialnu a nei lo tih kha chu ka thian te hnen atangin ka hre tawha chu mi ni lo thik awm khawpa hmeichhe han kawm pawh hi a nei chuang lo ....




Lehkha lam ah lah ni se mi pangngai chung lam a ni tho bawk si .. aaa Ani hi chu perfect man a ni tawp mai ni...




In ka thlen veleh chuan ka room ah ka lut tlang nghal a khumah thu in Ka phone chu ka la chhuaka vawiina ka thil lak chu ka en char char basketball khelh hi chu a thiam ve thlawt a ni.....




*********



Nunpuii a period avangin class a kal dawn lo a Nunmawia nen chiah chuan scooty ah inphur in college lam chu kan pan....




Nunpuii period la na thin lutuk hi chu a buaithlak ... thinchhe bawk si biak hi a huphurh awm ngawih ngawih zel hetiang em em hi chuan midang an awm ve ngai pawh ka hrelo....




Minute 5 dawn traffic jam avang chuan kan ding tawh hmanhmawh nen hi chuan a inrem lo thin a ni.....




Chutia kan din paha ka hawi kual lai chuan kan sir ding lam pangah hian bike dum ka hriat chian deuh mai hi a lo ding ve a a chunga chuang te ka en chiah chu ka down nghal vek thei...




Ka Perfect-a leh kha Changkangberi ngei mai kha an lo inphur chu ni in, lo hmu lo law law i la tha tur kal dawna ka phur teh reng nen...




A fel teh reng nen ngati nge hetiang hmeichhe chapo lutuk hi a a awmpui ziah le, nge ni a an lo in ngaizawng reng tawh zawk....




Naa.... Lalrinzual tinge ka rawn hmuh kher kher cheu ka star tawh lo tawp mai tur che sin...




College kan thleng deuh chiah tih ah anni pawh chu kan sir ah an rawn ding ve nghal zat bawk an hmel en atang re re pawn an in haw lo tih a hriat......





Scooty atanga ka chhuk pawh chu ka zawi vek thei hetiang khawpa ka lo atchilh hman anih chuan tun atang chuan ka inven ve deuh a ngai tawh dawn anih hi....




" Ka biak char char che kha mi mawl nu" Nunmawian ka dara a rawn ben chawrh chuan ka harh chhuak zawk...



" Enge ni vak vak " ka dar tuai nawk nawk pah chuan ka lo ti....




" Vawiin chu chawhma thleng bak ka kal dawn lo ka ti nih chu" ring deuh chuan a rawn ti leh....




" Ngati nge " ka lo ti deuh ha....




" Ka pi in check up turin ka hruai dawna nangmah in i haw thei ang chu tiraw" a rawn tih leh chuan ka haw theih thu in ka lo chhang vat....




Class lak lai te chuan ka lo ngaihtuah leh veng veng zel lecture lam pawh rilru ah a lang thei meuh lo....




" I lokal ve dawn em " Tetein a rawn tih chuan ka phu deuh zawk mai...




" Khawi ah maw " ka lo ti hu....




" Canteen ah maw le thil ei tur in " a lo ti deuh lawng lawng a sana ka en nghal vet lunch ei hun a lo ni der tawh nih hi.....




Kei pawh ka ril a tam ve deuh tho avang chuan phur lo deuh chuan ka kal ve mai...




Canteen lama kal tur chuan kan chhuak a mahse toilet a kal phawt ka duh avang chuan min lo va kalsan tur chuan ka ti...




Toilet ah lah ka hmuh duh loh ber a lo la awm zui kal leh daih ka duh rum rum a lawm mahse ka zun a chhuak tawh bawk si huizz....





" Ani hi chu ka zunah ka uai tir dawn khawp" lipstick inhnawih that mawlh mawlh pah chuan a ti a keiin ka beng ka lo chhi kar thung....




" Ani te chuan a duh dawn che tih ka hre sa nang aia tha a hmu teuh lo" a thian te chuan nui ar ar chung chuan an lo ti ...




Hmmm an duh tawkin lo sawi vel mai mai teh se ...



Thinrim deuh chuan kawngkhar chu ka khar ri bura an la phu chiang em em zui a min rawn en nghal tham mai....




" Che thing ve thei sia " a lo ti sup ri chu ka hriaa engtin maha chhang lo chuan ka kal nal nal....




Canteen lam pan chuan ka kal hmawk hmawk a kawngka bul ka thleng chiah chu thil enge maw hi ka su dawta chhuata ka tluk rualin lehkhabu pakhat hi ka bulah a rawn tla nghal bawk....




Thinrima han hauh ka tum chiah chu ka mi hmuh avang chuan ka ka chu ka chip leh rang kher mai ...




" I tha em " tih pah chuan a lo thu hniam vat...




"Ka.. ka.. ka tha " bah deuh nuai chuan ka lo ti ..



Lehkha a chhiar apianga a vuah thin a glass te nen lam chuan a inhmeh in a hmeltha hi a ni tawp ...




" I na lo tak tak maw " a rawn tih leh chuan ka lo bu nghut nghut...




Ka bul mai a lehkha bu chu chhar ka tuma anin a rawn ban ve chiah avang chuan kan kut chu a intawka chumi rual chuan engtin emaw hian ka awm ka sa pup pup ni mai hian ka hria...hetiang hi chu a tawng ve tawh te bawkin an hrethiam ang...




Mi an awm ve neuh neuh bawk nen lehkha bu a rawn lak rual chuan kei pawh chu ka tho nghal vat....




" Thil i ei ve dawn chiah mi" a rawn tih leh chuan ka lo bu leh nghut nghut...




Tinge maw kei hi ka tawng theih miah loh le mawl min ti em lo turah ngai ang ...




" Anih phawt aw" ti leh in a kal zui nghal zat
Ka kawchhung a kalpui daih emaw tih tur khawpin keimah chu ka ruak vek ni mai in ka hria hahthlak hian....



Zinglama ka mood fuh lo te kha chu phiah fai ang duak a ni tawh tunah chuan a ka ah pawh zen se a seh lo ang an tih dik tak kha ka ni rih tlat....




Ka thian te bul ka va thlen chuan ka rei thu sawi in min lo hau nghal char char nih chu mahse kei erawh ka lo nui mai mai thung ka rei chhan hi a duhawm em a ni....





Ka thil tawn ka sawi chiah chu kei ai ai in an lo phur zawk, ka rin sa reng kha ania ka hlim lutuk chu ka ka pawh ka chip hlei thei lo ...




Nunpuii hrilh ka chak tawh khawp mai mahse tunah tak chuan a thinchhiat lai a ni dawn bawk sia, pawi lo a thinchhia te mai mai hre ngai lo pawh ka ni hlei nem eng mah in min ti thinrim thei chuang lo ang....




******




( Ti zawng kha ni phawt se next ah chuan changtunu in changtupa a chhai tan tawh dawna hetiang lama experience nei kha chuan tih dan tur lo hrilh teh u 😄😄)