KA ṬHIANNU PA CHAPTER 10 (Zawmna)

Episode kal lai dah luhna

Moderator: writers

Lalruatfeli kawlni
Posts: 150
Joined: March 11th, 2022, 11:52 pm

KA ṬHIANNU PA CHAPTER 10 (Zawmna)

Unread post by Lalruatfeli kawlni » May 27th, 2023, 11:10 pm

KA ṬHIANNU PA .


CHAPTER 10 .




Delhi kal tur chuan kan in ruahman a ,zan ka mut chuan pa Sanga ka ngai lutuk vang chuan ka ṭap tawp a .Ka chhuak tih ala hre alo ani ang min phone lo em mai kan pahnih a thlalak chu ka en leh vawng vawng ṭhin .


Heitiang tak hian ani maw mihring rilru hi alo danglam theih ani ka muhil thei lo chu ka in let kual reng a ,ka phone rik chuan ka thinphu a rang hle ,tu tak ni ang maw tiin phone screen chu ka en a ,Mawii hi alo ni a ka va la hreh tak em .




"Ka thil sawi kha a dik i ti em" alo ti a kut ka hum ruh vak ,"A dik khawp mai " ka ti let ve sak ,a nui ri har har a Mawii hi a mizia ka hria chiang lo lutuk hi mawl ka ti takzet ,min deh sawh hlir in a ṭawng reng a ,a ṭhen phei chu hriat a nuam lo ṭhin ,"Eee chuan ka pa bialnu ka neih tir phal lo chhan i hre duh em " atih chuan ka lo aw vat .


"Ka pa hi maw ka pa tak ani lo chuan ka hmangaih bawk ka pa bul hnai awm apiang chu ka that vek ang " sawi tur rêng ka hre lo phone chu a dah hmak a chuvang ani maw pa Sanga hian bialnu a neih ṭhin hian a ṭap ziah zel nachhan kha muthilh ka duh si ka muhil thei bawk si lo .




Zing ka thawh chuan dar 9 alo ri ṭep tawh tho chhuak in ka hmai te ka phih leh te te a inhnuaiah ka chhuk chuan ka nu in ,"I muhil thei em " min ngaihtuah zet hian alo ti vat ka mut theih thu in ka chhang a .Chaw te kan eikham chuan ka nu nen bazar turin kan chhuk dun a .



"Lovely" pa Sanga hian ka kut chu alo chelh vat , midang ho lah chuan min en ṭhap bawk si ka nu lah khawi ah nge alo kal hman ṭhin le ,"Min thlah vat rawh " ka ti hriam hrak a ,min ngai pawimawh lo zet hian ,"Engvangin nge in aṭang in lo chhuah a ,chhuak lo tur che in ka ti bawk che " min melhrum hle a ,ka nui ro hak mai .


"I bulah hian ka awm peih tawh lo ani mai ni" ka ti a ,"Bawihi kan kal tawh mai dawn ami " ka nu lo phei chuan alo ti a ,pa Sanga nen min hmuh dun vang chuan a mengphawk hle a .Pa Sanga lah chuan ka kut a vuan reng bawk si lak sawn ka tum chuan min vuan hneh ropui si .



"Min thlah vat rawh kan haw tawh a ngai nia" ka tih pawn min thlah duh chuang lo ka ning lek lek tawh ani ,mipa pakhat hian alo ko hlauh a hreh zet hian ka kut vuan na chu a thlah ve hram ,"Zanah ka lo hruai ang che " ka chhang lo hrim hrim ,"Nu haw vat ang kan tlai palh ang nge " in lam chu kan pan vat a .



Lengpui airport kan thleng chuan ka nu a ṭap feih feih a ,"Nu ṭap suh " ka nu ka va kuah a ka hnuk a ulh ve takzet pa Sanga khan zanah ka lo kal ang ati kha nia ka awm dawn si lo ka lo let hun chuan maw pa Sang keichu ka lo danglam tawh ang ,mit chhing vang vang in "Bawihte anu hi mi. ngaidam dawn nia " ka dul chu a chul a , thlawhna a thlawh chhuah chuan ka mittui pawh alo luang thla a .Pa Sang ka ngai lutuk che .....



Delhi ka thleng chuan ka ni chuan min rawn hmuak a ,"I pa khan i chanchin engkim min hrilh a pa Sanga i tih pa kha mi lerh tak ani mahse ka sawichhe chuang lo nia " ka ni in ati dap dap a ka ni thusawi kha chu ka pawm zawng tak ani .Ka ni te in kan thleng chuan a nuam reuh phian a ,ka ni hian pasal a nei lo a amah chauh hian Delhi ah hian a cheng .



Zanriah kan ei chuan ka ei tui hle a ,ka puar khawp mai . Thingpui ka in lai chuan ka phone alo ri ve chiah a screen aṭang chuan pa Sanga tih a in ziak kulh mai ka reject hmak thung ,ka sim card chu phawi in ka ti chhe nghal a ,sim card thar lei vat a ngai ang .




3 Months .



Ka nau pai pawn thla sarih hmel a hmu ve tawh ka rit tawh em vang chuan ka chhe zung zung thei lo ṭhin ka nu leh pa te pawn nitin min bia ziah a ,ka ni chuan eitur ṭha ṭha min lei sak nitin ṭhin min duat bawk a ka ei pawh a tui hle ṭhin .




Zan ka muhil chu ka pum nat vang chuan min ti harh hlawl mai ,a reh mai ka ring vang chuan ka muthilh tum in mit ka chhing leh chiah chu ai na in alo na ta mai ,ka thlan fim pawh alo chhuak thei hial thei leh thei lovin ka ni chu ka kaitho a .



"Ni ka pum a na tawh lutuk " ka ti ṭiau tawh ka ni chuan ,"Hospital ah kan kal vat a ngai " ka ni pawh a chhe sawk sawk mai keichu ka pum a nat tawh em vang ka ṭhu tawp tawh ka ni chuan taxi a ko nghal vat a.



Hospital kan thleng chuan nurse ho chuan min rawn buaipui vat a ,an sawi dan chuan nau ka vei tawh reng a mahse thla 7 chuah ala ni si ,nau vei nat dan em em chu thu hian ka sawi thiam lo ,pa Sanga hming ka lam mawlh mawlh mai ,min sang tir reng a naute lah a chhuak thei si lo ka chau tawh hle .



"Vawikhat chiah han sang hle teh " nurse hian alo ti a ,ka thei tawp in sang vak mai naute ṭap ring vang chuan ka mittui a hnam sawk mai ,"Mipa ani e " nurse hian ka fapa chu min hmuh tir a ,ava hmeltha tak em .



Ka hliam te min tih zo sak hun chuan ward ah min dah a ,ka fapa hmel ka hmuh chuan ka hlim lutuk chu ka ṭap tawp ,ka ni chuan "En reng lo khan i hnute pe vat rawh " ka va mawl tak ka hnute ka hnek tir chuan nu ka ni chiang zia ka hriat ta ani ,ka fapa in hnute a hnek dawk dawk lai chu ka en ning thei thlawt lo .Zep thu cheng lo pa Sanga en an in ang hle a ,a engkimah a pa a chhun fai vek .



"Aw lo kal vat ru ka u i tupa chu a hmeltha teh mai nia" ka ni ṭawng lawng lawng vang chuan ka harh a .









ZAWMNA .



"I pa in min rawn bia a naktuk ah i nu nen an lo kal dawn anih chu" naute chu pawm alo rual a ,min rawn melh in ,"A hmeltha ngawt mai apa a chhun ani ang " ati siam siam a ,pa Sanga bawk chu ka ngaihtuah chhuak leh .




A tuk alo ni chuan ka nu leh pa te pawh hospital ah an lo thlang nghal a .Ka pa in a tupa a hmuh meuh chuan a nui hawk hawk mai ,ka nu in pawm a dil pawn a phal tlat lo ka nu in ,"Ka pawm chak tawh nia i pawm reng a " ka ni nen kan nui tawp .



Ka pa in ka fapa hming atan chuan 'Lalruathlua' tiin a sa ta a ,kan pawm khawp mai .



Damdawi in aṭang in kan chhuak ni aṭang chuan bawihpuia chu zan ṭah a ching reuh a ,ka ni nen kan hah dun khawp mai keilah ka hliam vel ala dam fel bawk si lo ka ni chu a hah bik zual a mahse engtin mah in a sawisel ngai lo .






1 year later (cut duai ang ) .



Bawihpuia pawh kum khat alo tling ta der mai keipawh hna ka nei ve tawh a ,ka ni khan 'Keichu bawihpuia hi ka lo awmpui ang a ka hnathawh aiin kal la ' ati tlat vang chuan ka ni hna chu ka thawk sak ta ani .Bawihpuia pawn pa Sanga a ang zual hle a ,a chang hi chuan ka nei lek lek zel😂.



Office ka bang haw te hian ka fapa Hmangaih em em hian 'Ama' ati chul ṭhin hian ka thinlung tak hian ka lo ve hle ṭhin ,hma ka sawn hle bawk ka hnathawh mek pawh a nuam hle a ,ṭhian pawh ka nei tam tawh hle .



Ka nu leh pa ten Mizoramah haw turin min ti chhen reng bawk mahse let tur chuan ka la inpeih famkim lo ,ka inpeih hun chuan hmeichhia chak tak ka ni tawh ang chuan pa Sanga lam hawi in ka let tawh ngai lovang .



Tun lai chu bawihpuia a khua a sik ve deuh a ,ala na reuh phian ka ni a hah ṭhin khawp mai ,a tir kual ve reng bawk nen ka ni hian nuam ati phian a , nufa pawh ani ang zawk e a .Ka chawl thei bawk si lo bawihpuia ka ngaihtuah a na ve khawp mai ,a dam lo khan reng a mahse a dam lo vek vek hi chuan ala na reuh phian a ,a ṭap belh zual thin bawk office aṭang a ka chhuah dawn chuan ,"Zo " ka thawhpui Amit hian min rawn koh vang chuan a lam chu ka pan vat ,min rawn nuih vur vur a .



"Zanin kha i theinghilh ang nge aw " zanin hian kan company in party an buatsaih a chuta kal tur chuan min sawm ve tlat a ,"Ka va kal theih hmel love ka fapa a dam lo bawk si a " inthiam lo zet hian ka ti a ,"Awle mahse i lo kal hloh chuan min rawn bia la" a kalsawn nghal a ,keipawh hmanhmawh zet hian Company aṭang chuan ka chhuak a .




In ka thleng chuan bawihpuia chu alo ṭap nasa hle a min rawn hmuh chuan min rawn ban vat keipawh inthlak chuan ka lo pawm ve vat a ,hnute ka pe nghal a .Ka ni bulah chuan party kan neih dawn thu ka sawi chuan kal ngei ngei rawh min ti bawk si ka kal peih vak lo asin le .




Amit ka phone chuan alo phur hle a ,kawr hak tur chu ka zawng a hak tur ka nei lo lutuk chu kal min ti peih lo zual ,kawr fual dum leh pheikhawk a senno ka bun leh tawp a , makeup tlem ka hmang bawk darthlalangah ka in en vang vang a ,ka nui sak mai .




"Anu chu i va chhelo ve " ka ni in ati hluai a bawihpuia pawh a nui ve sen sen mai ,Amita pawh alo thleng ve thuai a ,"Api lo ti buai vak suh aw " bawihpuia biangah chuan ka fawp a .



Party na tur kan thleng chuan an lo tam tawh hle a , music cool zet hi an play a ,a hmun awm dan chuan ka lung te ati leng e a . Inchhung kan luh chuan midang ho chu an nalh hlawm khawp mai .




"I bialnu ami " mipa pakhat hian Amita hi an lo bia a ,"Ni ṭep zawk " Amit chuan uang zet hian ati a za lo zet hian ka nui lui ve hram hram ani ,ka ning lek lek tawh bawihpuia ka ngaihtuah tawh bawk si ka rilru pawh ka pe hleitheilo.In thawveng turin pawn ah chuan ka chhuak a , thla eng zet chu ka thlir vang vang mai ka hun kal tawhte chu ka ngaihtuah kir leh a .Pa Sanga kha tawng lo ila chuan heitiang hian ka awm miah lo ang a ,bawihpuia pawh ka hring lo ang ,a chang hi chuan pa Sanga ka ngai ṭhin mahse min tih nat vang hian bawk hian ka hua leh ṭhin .




"Ka lo zawng char char asin " Amit hian alo ti a ,"Nia a boruak hi ka zo lo lek lek a " ka nui a ka kut chu lo vuan in ka mit ah tak hian min en a ," Zo kei hian ka duh che " a thil sawi vang chuan ka va hamhaih chiang tak Amit ber kher alo ni bawk nen ," Amit " a mit ah tak a ka melh a ka thaw chhuak hak mai .



"Amit keichu Christain ka nia nang chu Hindu i ni bawk keini te chu kan rem lo hrim hrim a chhan chu ka hnam pui i ni lo tlat chuvang in i hnampui ngaizawng zawk rawh " ka thiam ang tawk chuan ka sawi a,"Min duh theih nan Christain ah ka in let mai ang " ati leh hram .


"Mahse Christain ah in let pawh ni la a der chauh i ni dawn asin kan Pathian chuan maw a der lo amah thinlung tak a pawm duh leh amah hnu zui duh mi cheuh a duh , a der ni lovin " ka ti ve nghat a ,"A der ani dawn lo " ti mahse ka ring ngam lo ani , thildang ka sawi pui a ,kan nui dun leh ṭhin .


Inchhung ah kan luh chuan Amit ṭhian ho chuan min chheih hlawm a ,rin aiin an fel hlawm khawp mai ,"Keichu nuam pawh ka ti lo " Amit ṭhiannu hian ati nang nang a nia keipawh hian rin aiin a nuam lo ,ka thawmhnaw hak hi a hrehawm tawh hle .



"Awii!saw pa saw Hotel Flower neitupa kha ani em ava chhelo em em " ka bul lawk ami chuan ati chul a ,tu tak ni ang maw tiin a hawi na lam chu ka hawi chiah chu ka khawng awt mai ,amah pawh min hmu chu a mengphawk hle a mahse a insiam ṭha vat ,keichu ka la pangngai thei lo engtin alo kal ve theih kum 1 chuang ka hmuh tawh lo huna engatinge alo inlan thut .



Min rawn pan hnai zel a ka thinphu a rang tleh tleh a ,ka hmaah tak alo ding ta mai ka va melh chho a ,"Lovely " ati sup mai pa Sanga aw ka hriat chuan bawihpuia ka hria chhuak a fapa a neih tih te a hria em le ?



"Pa Sang" ka ti ve sep min kuah a tum chuan ,"Babe" hmeichhia pakhat hian pa Sanga chu alo kuah a keichu ka tlawh hnung rawk rawk mai bialnu alo nei reng a maw chupawh kha nu bawk kha sex an hmang dun lai reng mi kha ka va mawl tak em .



"Zo kan haw tawh mai dawn ami " Amit chuan ka kut vuan pah chuan alo ti a ,"Nia haw chu ka duh tawh reng " pa Sanga chu rum ri hrawih mai ,a thinrim hmel khawp mai .




AVA THUI EM 🤣CHUAN MAW STORY NI KHAT DAN ZEL AH KA LO DAH ANG AW RILRU HMANG VE A NGAI SI A ,LO SAWISEL LO ULA THUI TAWK IN KA LO DAH TAWH ṬHIN ANG .


COMMENTS KHA THEINGHILH LO HRAM ULA ADS CLICK MAWLH KHA AW HLAWH KAN NEI VE THEIH NA ANI VE SI A .


ADS , COMMENTS.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)