Precious

Episode kal lai dah luhna

Moderator: writers

Amelia Dinpuii
Posts: 19
Joined: May 15th, 2023, 3:07 pm

Precious

Unread post by Amelia Dinpuii » May 28th, 2023, 7:53 pm

Apuii POV

Tunlai chu Kanu nen kan inbe ngun viau mai a, kan inkar chu eng emaw ti tak hian a hla riauin ka hria. Hmingthanzuala chanchin min zawt chipchiar thei em em a, mak ka ti lek lek.


Kapa nen chuan kan inbe vak lo a, ka u te 2 pawh pasal leh fanau neih tawh an nih vangin inbe lo a kan awm chu ka hrethiam ve viau. Johan erawh mipa a nia, call leh message tih vel hi chu ṭul tawp lo ah chuan a hmang ngai lo tih ka hria.



Zan khat chu Eli in min rawn be ve teh mial a, eng vak mah a rawn sawi lo.


*U Ahminga chu lo ngaihtuah lutuk suh..ka lo vensak thlap che nia*

A thu rawn sawi dan chu ngaih kawi a thinrim a lak chi ni chiah si lo mahse a thikawm lawi si a, chhan lo tawo chu tiin ka reply ve a.


*Nia I awm a, ka ring che* Ka ti ve ringawt, dik tak chuan Ahminga bialnu a lo ni tawh ṭhinna ang chuan ka thik tho. Hmingthanzuala bulah pawh ka sawi tawl tawh bawk.



Zawh hran pa ngai lo hian Eli chuan a rawn sawi vek zel a, ngaihtuah thui duh lo in bul deuh deuh chuan ka reply ve mai zel.



Ka chhungte ang lo takin Ahminga nu, nu Ziki chuan min rawn ngaihtuah em em a, Bawiha school chawlh ni ta a nih phei chuan video call ngatin an inbe ṭhin a, Bawiha thusawi lehsak zel a lo ngai bawk nen an inbiak chhung zawng chuan ka lo awm ve tawp zel. Ahminga pa paw'n a tupa chu call aṭang mah ni se a rawn lawm nghal em em a, Kapa ve chu 'politics' tiin a ling ṭha lo ngaihtuah lek lovin a khawsa a, a tupa rawn biak chu a hlat viau.



Zanah chuan mut hmunah Ahminga nen kan inbia a, doctor thar an neih thute a rawn sawi a, thawk thar a nih vangin engmah a la hrechiang bik lo nen Ahminga chuan a buaipui thute thleng min hrilh a, thik chi ah pawh ka ngai lo. An buai theih em vangin a rawn zin lawk thei lo thu te a sawi a, a pawi lo thuin lo chhang mawi ve mah ila ka rilru chuan lo zin thuai se ka ti takzet.


"Ka ngai che u" Ril ruih hian a rawn ti a, kei a hmeichhe rilru chu lo tuiral leh zawih zawih tawh.


"Keini paw'n kan ngai che Apa" A hminga koh hi keima aṭang chuan a duh lo a, a fapa in a a koh dan 'apa' tih chu phut ngat ngat.




"Takah kar leh hian Kanu leh pa an rawn zin dawn a"


"Maw? Engtin nge? A zahthlak e" An zahawm si, Ahminga tel lo lehnghal.


"Bawiha kha an ngai lutuk a, in checkup fawmin an rawn kal dawn nih hi"


"Ahming hotel ah thlen tir mai la?" Ka huphurh em a ni.


"Bawihi an duh dawn lo tih chu kan hrechiang dun viauin ka hria"


"A ni leh tho bawk sia, lo zin ve mai la?" A rawn nui ta hawk hawk a, phone aṭang chuan ka melh vak ringawt.


"I sual emai aw" A la nui ruh ruh tho.



"Min ngai a nih chuan ka lo zin ang mahse Kanu l"


"Aw ka ngai che, ka ngai lutuk che"


"Tunah khan kan fapa kum rual ang lekin I khawsa tih I hria em?"


Kar tawp nuam ka tih ṭhin tehreng nen nuam ka ti hlei thei tawh der lo. Ahminga lo zin thei dawn lo chiang a, nu Ziki leh pa Saia an ni dawn a, thlen hma aṭang ka lo zam em em ringawt.



Bawiha lah chu ka awmdan min hriatthiampui chu khawi lam, a pi leh pu lo zin tur chu a phur em em a, a pa te lam a nel hma lutuk chu mak ka ti zawk. Kan chanchin an hriat aṭang an tlum ber Teremi thlengin min rawn bia a, Bawiha tana an thil lei te hi min rawn thawn ziah bawk a, an chhungkua ah chuan mo nih a hreawmin ka ring lo.



Nu Ziki leh pa Saia te hmuak turin airport lamah kan nufa chuan kan kal a, eng ang pawhin huphurh mah ila 'lo thleng suh u' tih chi ni hek lo. Kan thlen aṭang reilote ah an rawn thleng ve nghal a, kum upa lam ni tawh mahse an rilru leh taksa a hahdam tih hriat takin an hmel leh vun te a nung sar a, pa Saia phei chu a tlangval lai chuan pa te lam a ni dawn lo tih tuna a taksa aṭang hian a chiang mai.



"In chau viau ang a?" 'Nutling fa neih tawh ka nia lawm' tia infuih chawpin ka be ve ta a, a lo harsa a nih hi.


"Chau lo e, nangni hmu hlan hi kan nghakhlelh lutuk a...Bawiha hi lo nin kan hlau lutuk zawk a" Nu Ziki pawh Bawiha sam chul hiau hiau in a rawn ṭawng ve luam a. Pa Saia a hma seat ah a ṭhu a, nu Ziki'n Bawiha a pawm duh tlat vangin kan 3 in a hnung seat ah kan chuang bawk a, kan nufa 2 tlawnga awm ai chuan a zia zawk.



"He lai hi chu tlawhtu an awl lo a nih hi, a nuam asin aw..I pa hna vanga kan zin apiang hian hmun hrang hrang fan ka lo tum a, hun a nei si lo, min fan kualpui chak tho si, kan buai ṭhin a nia aw" Taj hotel leh gateway of India kan tlan pelh zawng te chuan nu Ziki'n a thlir deuh vawng vawng a, pasal te nena zin chu a nuam dangdai viau ang.


"I nu chu maw ka buai leh buai lo a ngaihtuah lo reng reng,titauh a hrat si, a ṭawng thiamin a lo daih ve zel bawk nen mahni a chhuah te a tum thul" Pa Saia paw'n hma lam aṭang nu Ziki chanchin a rawn sawiin kan hlnui ta hak hak a, rin ai daihin an nelawm a, nuam ka ti takzet.


"Ka chhelo em a maw mahni ka chhuah hi a phal lo a, kan chhuah dun paw'n min hauh ṭung zel" a tih chuan atthlak lutukin kan tleirawl chhuah a Hmingthanzuala awmdan ṭhin ka hrechhuak lehpek.


In kan thleng a, Max a pawh dan hlei thei a ni leh ta lo. Puitling takin nu Ziki leh pa Saia te chu ka lo lawm ve a, fiamthu duh tak an nih vangin kan nui huah huah reng mai.



Zanriah te kan eikham a, sitting room ah Bawiha chu a pi leh pu te rualin a awm ve nak nak a, choka lam ka tihfel zawh chuan ka va fin ve thuai a.


"Apui Bawiha nen in inbe tawh em?" Kan thusawi ngaichangin Pa Saia pawh a news ngaihthlak ngaithahin a lo hawi ve vat a.



"Be miah lo, kan inbiak hnuhnun ber khan zai tur a neih thu a sawi a"



"A ṭhat hlauh chu, a buai ve thei lutuk a, hrethiam hram hram r'u aw, a ngaihtuah ve lutuk che u nia"



"Nia.. nangni in awm bawk a, kan ngaihtuah awm lo"


"Api ice cream i ei ve chak em?Ei ang aw?" Api malchungah inhmatawnin an ṭhu a, api ice cream eitir a tum chu ka nuih a tiza viau.


"Bawihpui Api te chuan ice cream an ei tawh hlei nem takah nu Zik thingpui hang ka va lum ang aw?"


"A ngai kher lo, I chau ang ṭhu mai mai rawh" An inthlahrun ka hlau ang bawkin ka duh lo, min ngaihtuah lutuk te hi lang lo lamah nuam ka lo ti ve em em.



"Ka va lum ang thingpui lum chu a harsa hlei nem, Bawihpui ice cream chu lo la la?" Choka lamah chuan ka phei nghal a, Bawihpuia paw'n min rawn zui ve zat.


Fridge a ice cream ka dah chu lachhuakin Bawiha chu ka pe a, phur takin a pi te lamah chuan a let leh nghal a, ka phone a lo ri ve chiah bawk.


"Ka nupui" Video call in min lo call a, a aw te reu reu chu Nu Ziki te'n an rawn hriat phak ka hlau a, volume down ka tum na lamah phone te chu ka ṭhlauh ṭep.


"Tikhan ti ziah suh aw, hei thingpui ka lum a, nakinah ka lo be leh ang che"



"No dah miah suh, tikhan lum la chuan I phei hunah phone kha keng tel rawh" Kitchen island ah phone chu dahin thingpui chu ka mu zawm a, pe turin sitting room ah ka let a, phone chu Bawiha ka pe nghal zat.


"Apa hei api"


"I pa law?" Tiin a tupa nen chuan a fapa chu an thlir a, an sirah ka ṭhu ve nghal a.


"Nu I mo tur chuan a duat che em?" Han ti a mawle, ka zahzia chu ka sa hat hat mai.


"Duat tehreng e, chawhmeh te hlei hlei hi a siam thiam asin, I pa phei chu a ei ṭeuh mai, a in diet kha a theihnghilh ṭhak" Kan nui ta hak hak a, pa Saia pawh a bang bik lo. Helamah chuan Mizo chawhhmeh hi a vang ve lutuk a mahse u Tei hian an huan zau vak lovah chawhmeh tur hrang hrang a ching a, nu Ziki te an rawn zin dawn takah chuan tiin lei atan ka dil ve rawih a, lei chu a lo duh lo nasa mai, pawisa ka pek ngial paw'n a duh lo a, a thlawnin min pe ṭeuh.


Nu Ziki nge a fapa nghal zawk pawh ka hre tawh lo, min fiam char char a, ka sa vek thei.


"Bawihpui mu tawh ang le,Api te kha an chau awm sia, naktukah an bulah I awm leh char char dawn nia aw?"


"Ama,api leh apu bulah ka mu duh"


"Kan mu ang, apu thawnthu kan sawi tir bawk anga" Nu Ziki pawh a phur viau.


"A mang a chhe thei lutuk, a tibuai ang che u"


"A ho lutuk, kan chhawk ve che ni rawh se" pa Saia chuan rawn ti ta daih a, pi leh pu fel tak an van ni chiang tak. Kanu leh pa ka aṭang paw'n ka la hriat ngai loh an ka aṭang ka hria chu ka hnuk te ulh lek lek.



An mutna tur ka buaipui hnuah mangṭha zuiin kan room lamah ka phei ve nghal a,kan inphihfai zo cream ka inhnawih laiin Ahminga'n min rawn call ve chiah bawk.


"Bawiha a muhil tawh em ni?"


"A pi leh pu bulah a mu daih a, an mu ve chiah" Khumah chuan ka mu thla ve nghal a, Bawiha awm lo chu a reh ngawt mai.


"Awm ve chiah ila chu chet ka la nghal tur a nia"


"Hmingthanzual I hur lutuk" Phone aṭang mah ni se ka lai takzet.


"Chet ka la dawn ka ti ringawt alawm, kha lam chet ka tih kher loh kha Bawihi" A la nui zui, ka hnai ah awm ngat se la chuan ka ben lo takah a mak ang.


"I hur tho tho"


"Ugh zei min tihna ah ka ngai, hur hi in tia, khumah chuan a hur tho hi in duh leh a, hur tih hlawh apiang hi an zeiin ka hria, a dik em?" Room hi soundproof a ni bawk nen thawm dim a ngai lo hlauh.


"Zuah zuah a che, ka hre nang" Kan 2 chauh mah ni ila, thu khuh neih lo zeta chutiang a sawi chu ka zak tlat.


"Kam test ang ka bula I awm hunah, chumi tur chuan exer lo neih tlauh tlauh rawh" a la ti ta deuh deuh.


"Hmingthanzuala!!"


"Eiiii...eng nge ka nupui sexy em em te?"


"I uang peih emai, ka dah dawn muttui"


"Ka hmangaih che"Chhang let lem lovin ka muhil ve nghal a.


----


Zing dar 6 velah ka tho a, rei vak lovah nu Ziki pawh lo tho ve nghal a.


"Nu Ziki chu ila mu mai lo a, a la hma nia"


"Ka mut pawh chhuak tawh lo, Apui kan awm lai hi chuan tam thei ang berin chawlh hahdam la ka duh" Tui lum pep pep chu a in atan ka pe ve nghal a, thingpui ai chuan a hrisel fe ang.


"Ka hahdam lutuk alawm, hahdam belh tur pawh a awm tawh lo..nu Zik vawiinah mi in check up tur?"


"Aw vawiin hi a tia I pa khan, Apui nangman pawi I tih loh chuan 'Kanu' tiin min koh zawk la mahse I thu a nia aw" Inthlahrung tih hriat tak hian min hrilh a, a kiai suk bawk. A inthlahrung hmel ka hmu chuan keimah zawk chu ka lo inthiamlo lehpek.


"A..aw nia, ka lo ngaihtuah lo lawm le,check up na ah chuan ka lo kalpui ve ang che u aw Ka..Kanu"


"Tehreng mai, hetia min koh hian nuam ka ti tih hria la, inla innei lo vang khan ilo inthlahrung ang e, tu hmel hmuh tur min pek avang hian I pa nen chuan kan lawm lutuk a nia" Anni ai ṭha chhungkua hi chu an vang tawh viau ang.


Bawiha leh Kapa pawh an rawn inpawm chhuak a, Kanu nen eirawng kan bawl a, a chet danah nutling inchhung khur vawng hneh mi a ni tih hai rual a ni lo.



Chaw eikham chuan chhuak turin kan insiam a, kan chhuah dawnah chuan Ahminga pawh message in chanchin ka va hrilh ve thlap bawk.


A hma a an lo pan ṭhin doctor tho chu kan pan a, anni bakah an fapa a theu neu lo bawk nen chulai a thawk anmahni hretu te chuan an zah hlawm khawp mai. Kapa chuan doctor bulah min inhmelhriat tir a, 'ka fapa nupui a nih hi' a ti hmak mai. La innei lo mah ila an mo piah lamah an fanu ang tak fakin min enkawl a, nuam ka ti.



Doctor chuan a ṭhat thu te a sawi a, vitamins an taksa in a mamawh te chu ziakin nurse hnenah a laktir leh thlap a, ka ngaihtuahna ah lo lang chu sawrkar hna zahawm chelh bakah fa rintlak, fel tak te hi nu leh pa tan hian nun hi an va tinuam dawn em. Tunah pawh Kapa chu IAS retired tawh mah ni se zah a la kai a, chutah a fapa India rama cardiologist hming thang a lo ni leh zel a, Kanu leh pa tan chuan a nuam dawn lutuk.



Zanah pawh chuan Bawiha chu a pi leh pu bulah tho a mu a, nuam hi ka ti em asin. Kanu leh pa chanchin Ahminga bulah ka hrilh a, ka va zui ve vang chuan a lawm thiam khawp mai.


"Ka nupui ni tur reng I ni tih hi I nu leh pa'n an siam lai che khan ka hre tawh alawm" lo tih nih chu, he pa han nghal dan em em hi.



"Nausen thil melh zuk zuk ching I ni maw?" Ka tih chuan a phun hluk a, ka lo nui pat pat.



"Christmas ah chuan naute thar siam turin ka lo kal dawn"


"Sawi awm leh awm lo pawh hi I hre lo"



A tukah chuan Kapa rawt angin kan vaiin nature adventure park ah kan kal a, Kanu leh pa pawh kum upa e ti lo chuan an tupa sawi apiang chu an tihpui a, thla latu ah ka ṭang nileng ṭhak.



Tui ah te kan cheng a, thlasik pawh sawi thei tawh lo. Dinner kan ei nghal a, zan kan haw chu ka chau tlang a niang e, inbual zawh chuan zan dang ang thoin kan mu leh ta bawrh bawrh a.




A tuk lamah chuan Kanu leh Pa kan va thlah a, kal an hreh lutuk chu ka khawngaih. Bawiha pawh an kal tur chu a ui ve khawp mai mahse kar leh lamah apa lo kal tur thu kan sawi chuan fel takin a awm leh ta daih. Kanu leh Pa chu hreh takin an kal a, thlen hunah chanchin te inhrilh leh turin kan inchah lawm lawm bawk.



Bawiha paw'n thlasik chawlh a hmang ṭan a, nitin hian ipad ah video hrang hrang hi a en a, Max a nen couch ah an mu nileng hi a ni ber.


*Hei doctor thar ka tih kha nia, inla fel over chuan u Ahminga a beisei ziah zel a nia* tiin thlalak nen lam min rawn thawn a, thlalakah chuan inhaw lo tih hriat takin balcony ah doctor uniform ve ve ha a an nui dun lai hi a nia,tunlai tak phei chu Ahminga nen kan inbe khat a, a buai tur thu ka bulah khan a sawi si a, chutianga ka hmu leh mai chu ka thinrim ve det.



*Tunge a hming?*


*Dr. Sarah nia,an sawi dan chuan a nu nen chauh an khawsa a, ka rin zawng pawh a ni lo kei chu*



Mut hmunah chuan Hmingthanzuala chu ka call a, han pick up lo a mawle. Thinrim ru ṭunin khumah chuan ka mu meng kar a, dar 11 a pelh hnu paw'n min rawn call ta lo cheu a, kan inbiak leh hunah chuan a chak lo viau ang ti rilruin ka muhil a.



Zingah ka tho a, Bawiha erawh a la mu tui ngang mai. Khua a vawt si a, nilenga mut te chu a chakawm rum rum mai. Ei rawng ka bawl laiin Kanu(nu Ziki) hnen aṭang call ka dawng a, Ahminga chanchin zawh ka rum ran bawk.


"Apui in tho tawh em?"


"Aw tho tawh e,Bawiha erawh la mu a..in bawl tawh em?"


"Aw hei an bawl ve mek e, Bawiha chu a khua te har viau em?"


"Awmngaihna pawh hi a hre ṭhin lo, a ṭap ṭep zel"


"Ka va khawngaih tak e aw,a pa hi lo kal vat dan ngaihtuah se a ṭha ang"


"Nu..Ahminga'n eng nge a tih le?Call pawh a pick lo a"


"Hei pui hi nizan a duty a lo la haw lo, an rim deuh nge ni"


"A nih chu..Nu nakinah kan inbe leh dawn mi niang"


"Awle awle..inenkawl ṭha ula"



Bawiha'n breakfast a ei laiin Eli no. hmet chhuakin ka va call ta tawp a, a lo pick up thuai bawk.


"Eli I duty em?"


"Umm ka haw dawn chiah...tinge?"


"Ahminga haw tawh em?"


"Aw a haw chiah"


"A nih chu, ka lawm e" A sawi leh tur pawh ngaichang tawh lo in ka dah nghal a, Hmingthanzuala chu ka call tawh lo ang, duh leh min rawn call ve tawh mai rawh se.


"Ama Apa i bia ami?"


"Be lo e...I pa ve hi" Sawi ka tum ut a mahse naupang hma a tiang sawi chu ti lehin ka ngawi ta daih a.


"Apa chu engtikah nge a lo kal ang le?" A pa a thlahlelh lutuk hi chu ka khawngaih ngawt mai, a pa lah chuan tik pawh a rawn ti si lo.


"I pa chu ngaihtuah suh, a lo kal loh paw'n Ama nen kan leng char char dawn nia"


Chaw eikham thleng ka sil laiin ka phone a ri a, Daniela'n a pa a nih thu sawiin a pick up nghal a, sitting room a awm a nih vangi eng nge an sawi phei chu ka hre lo. Sil vat vatin ka phei ve a, Bawiha bulah chuan ka ṭhu thla a.


"Apa Ama chu lo be rawh aw"


"Awle" Phone min pek chu banin ka bengah ka nawr a.


"I va buai awm ve"


"Umm kan buai lutuk a, kan tihfel hnuah ka lo bia che nih hi"

'A nih chu,dr Sarah nen in nuih dun pawh khan inbuai tho ti rawh' tia tih vak chu ka chak khawp a.


"Nih chu" ka ti liam puat a.


"Bawihi I buai em ni?"


"Buai lo e"


"Lungawih lohna I neih ami?"



ADS CLICK,COMMENT LEH LIKE CHU IN HNA



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)