Viva La Vida chapter-1

Episode kal lai dah luhna

Moderator: writers

Hluhlutei
Posts: 430
Joined: January 12th, 2017, 8:44 pm

Viva La Vida chapter-1

Unread post by Hluhlutei » May 29th, 2023, 9:51 pm

VIVA LA VIDA
by
Hlutei Pachuau
InShot_20221110_230653507.jpg
InShot_20221110_230653507.jpg (23.36 KiB) Viewed 2037 times
"Kan thleng ania"
tih rî ah chuan ka harh zawk, nizân ka lehkhabu chhiar tui lutuk vâng vek, mut pawh ka kham thei meuh lo, "Bawiha, ka sawi kha hre reng la, Pathian rawngbawl tur hian mi chunga lêng nih kher a ngai lo, i rah chin apiang hi i rawngbawl na ah ngai tawp ang che" ka pa in a tih chuan nui sakin ka lo bu nghauh a, "Ka kal ang'e" tih leh car aṭanga chhuah ka rual nghâl, Ram danga ka pa hna vânga rei tak kan awm hnu in ka pa hna vâng bawkin ka ram, Mizoram ngei ah laklawh deuhin College ka zawm ta chu a nia, ka hlim in ka phûr hle a, ka zâm bawk, têt tê aṭanga Vai rama awm ka ni a, Mizo nunphung pawh ka hmuh phâk chin bâk hriat vak ka nei lo, ka pa hi Pastor niin tunah hian natna khirh tak a vei mêk a, Cancer a ni, kan in enkawl nasa bawk a, ala tlangvâl viau mai, mahse a hna vanga hmun hran hrana a kal châng hi chuan arawn chau haw ngei ngei ṭhin, ka nu erawh chu zirtirtu a ni a, ka pa vangin ahna ah pawh aikal chhawrin inchhûng sek rek khawih pahin ka pa a enkawl deuh chawt a, Ka nu leh ka pa zirtirna te hre reng chungin ka seilian a, ka pa hian min zilhin thu ṭha min hrilh tam em em ngai lo, ama nun ka en a, ka zah êm vângin a thu awih loh hi ka hlau hlê ṭhin, ka phâk tawkah chuan an thû hi chu ka awih ve chuan ka hria, Ka hming chu Vannunzira a ni a, Nuna min ti mai zel, Mizo mipa ah chuan a sâng pâwl chu ka nih ve ka ring, ka nu leh ka pa an lo tê zawk zawk lo nawk nen, mihlim thei tak niin ṭawng duh hle mahila mipa e tilo chuan chhuak vâk lo chi ka ni lo leh daih thung,
"Nuna" ka hnunglama rawn ti tu âw ka hriat rual ka hnunglam ka hawi nghâl vut a, Lalruatmawia Ruata ka tih mai ṭhin Ka pa cousin fapa Delhi a kan awm lai pawha min rawn tlawh ve ziah ṭhin tu chuan min lo nuih sûng mai, kei aiin a û hret a, fel pawh a fel viau e, a ṭawng duh a, kan in hmuh phat aṭanga in nêl nghâl kha kan nia,
"Vawiin aṭangin I kal dawn tih min rawn hrilh tûr che nia, ka rawn sâwm mai tur che" tih bui bui pah hian min rawn pan a, a dâr ah ka lo kuah nghâl, "Naktuk aṭang chuan min rawn sâwm ziah angai ang" ka lo ti mai a, thu tam sawi tawh lo in Gate lian ve angreng tak chhûng lamah chuan kan lût dun nghâl, College kawt velah chuan mi an lo tam ngang mai, hmelhriat loh vek ni mahse Mizo an nih vâng hrim hrim pawh chuan ka hlim em em ringawt mai ni, "Chicks an tam thei lutuk" nui ṭhû hian arawn ti a, a sawi dik ka lo ti khawp mai, nula khal tak tak an in pêl suau suau mai, Vai saliwar ha hmuh reng ai chuan a zia deuh, kei hi ka lerh ve viau e ti lo chuan ngaihzawng ti a sawi tûr erawh ka la nei miah lo, phone aṭanga min rawn be tu techu ka nei ve nawk zêl a, mahse han chhuah pui a, han awm fâl pui sawi tur ka la nei miah lo, ka peih lo chu thu hran ni se, ka ngam lo niin ka hre ta ber.


"Kan college chu incheina a sang ania, chuan ragging a awm veleh zauh ṭhin bawk" a tih chuan Makti zeta en in "Mizo leh Mizo maw? Ava mak awm" ka lo ti hû a, "Nia, Kristian ram pawh kan ang tawh lo, mihausa fate Lalna ram a ni mai" awlsam zet hian alo ti a, mak ka ti ngang mai, han sawi belh vak ngaihna pawh ka hre lo.


Ka tih tur te ti felin class room ah chuan ka ṭhu ve rân a, Mahni tê in a hnung ber ah chuan ka ṭhu ngawi kar reng a, mi zak zum mî ka lo ni bawk nen, tumah han biak lûm lâm vak pawh ka tum hran lo, kan kim ta maw Tih in Proffessor a rawn lût a, tu tu te nge ka bula ṭhu tepawh chu ka hre chuang lo, Proffessor thusawi chu uluk takin ka ngai thla na a, mahse ka bul ami techuan an ngaithla ve em em pawn ka hre lo, min ti tui lo zo vek in ka hria, Kan Proffessor a chhuah hnu chuan Class ka neih rih tawh loh vângin ka chhuak a, college sîr lama thingbuk hnuai ah chuan ṭhu in ka ear phone bawk chu ka vuah leh a, the Beatles hla Hey Jude tih hla chu play in thli vawt ver in a min rawn chhêm heuh heuh na chu ka han dawng a, ka maimitchhîn vang vang hnu rei vak lo ah ka bulah chuan mi awm tlata ka hriat vângin ka meng nghal a, hmeichhe pakhat lian lo tak mai hmelṭha reuh deuh mai hian min lo nuih ver ver chu niin, nuam ti zân lo chuan ka lo nuih lêt ve a,
"Ka la hmu ngai miah lo che lût thar ini maw?" Arawn tih chuan ka lo bu nghauh a, a âw te zawng zawng nên chuan a duhawm reuh ngei mai, "First year i nih chuan i senior ka nia" duhawm zet hian arawn ti a, ka lo nui hak, "Ni lo e, Third year zawk" ka lo tih chuan âng phiau chung hian a thaw deuh hak a, "Keipawh ka nia lawm" tihpah chuan a nui deuh har har a, "Nuna ka nia" tiin ka han be chhunzawm a, "Aw..a ni maw...Kiki min ti mai rawh" alo ti ve vat a, kan inchi bai lawp lawp lai chuan , "Hey....rawn kal ta che" rawn ti tu lam chu kan hawi rual chiang kher mai, Hmeichhe pakhat rawng dum veka inthuam mitmeng dum ham mai, a sam dum hlap awmze nei taka kir kâwi kâr aṭang chuan rawng dang a tel tlat, a pâwl niin ka hria, a pian chu nalh tak a ni, A nghâwngah chuan eng engemaw chain a awrh chhuai bawk a, hnar beh ala beh zui, a inchei dan zet chu inhmeh viau e tilo chuan ka ngainat zawng a ni hauh lo, ka ngainat lohna ti zual tûrin a meng thîp deuh hlar a, a nui eih lo bawk, ka lo en vung vung reng vâng nge rum âl hian min rawn en ve takah chuan harh chhuak thutin ka lo hawisawn vat a, "E...ani saw Ka ṭhiannu a nih saw, Mali a nia, a hlauhawm deuh hlek a ka kal mai aw" tih pahin min bye bye lauh lauh a, nui vur vurin ka lo bye bye ve mai, a ṭhiannu erawh chuan min melh no lo kher mai, an hnunglam aṭang chuan ka lo thlîr zui vung vung a, hmeichhia ro ro pawh hi an lo insân hleih ve thei tho a nih hi ti rilru in ka nui sûk ringawt.


Ruata'n min rawn call takah chuan hla pawh ngaithla chhunzawm tawh lo in Canteen awmna lam chu ka pan nghâl a, canteen ah chuan an lo tam kher mai, Ruata bân lo vai lauh lauh na lam chu pan in ka va fin ve vat a, a ṭhian te ni awm tak pahnih pawh an lo awm ve nghe nghe a, kan vawikhat inhmuh na aṭangin kan ti ti nghâl bawrh bawrh mai, college dân leh hrai an hriat techu min hrilh uluk khawp a,Mawia ṭhian techu Hriata leh Rpa te an ni, ka ṭhiante ah ka pawm nghet nghal hmiah bawk, Naktuk tûk leh ah khian college week a awm dawn a, an sport dâwn a ni awm e, zan lamah erawh Miss leh Mister thlanna te a awm dâwn bawk, Football ka tui ve êm vângin Hriata leh Rpa techuan an team ah chuan min ziak lût ve nghâl a, ka ni hmasa ber aṭangin nuam ka ti nghâl kher mai,

"Rice hi a dâi lutuk, tinge thil dâi deuh deuh min pêk ziah" ring zeta ti tu âw vâng chuan canteen a awm techu ka ngawi nghâl ṭhuap mai, ka mit ka lên ruai lai chuan Kiki i leh a ṭhiannu techuan ka mit an la nghâl chat mai, a ṭhiannu zâwk chuan Dawr a thawk hmeichhe pakhat chu alo hau mêk ni ngei tûr a ni, "Nikum aṭang tawh khan a ni, Sawisel in duh loh chuan sawisêl ngai lo in awm mai rawh u" a ti ta zêk a, an buaina bul bâl hre lo mahila mi zawng zawng hma a a chêt dan vâng chuan ka lo ngei ru ve em em ringawt, Kiki i chu inthlahrun hmêl takin alo kûn chal a, a ṭhiannu nêlawm loh lutuk nasat hmêl bawk si chu alo khap ve ni ngei tûr a ni, "Ani saw tunge a?" Tiin ka ṭhian techu ka zawt nghâl a, an in en deuh zak zak hlawm mai, min chhân pawh an tum hmêl loh, chutah reifê an ngawih hnu chuan Rpa chuan, "Kan college Principal fanu hi ania, Sual rapthlâk, Midang ati duh dahin tumah hi a ngai pawimawh lo, ṭawngkam ngeiawm tak tak bâk a chhak chhuak ngai lo, Hmeichhia si bike a khalh thiam a, car pawh a rawn keng ṭhin, a hmel leh pian erawh duhthusam a ni, pangngai takin han awm phei se chu..." Rpa'n a tih zat zat lai chuan "I â mi? Setanic an ti nia aw, bon lutuk, apa pawh a hlau lo" Hriata chuan Rpa khap deuh ti tih chuan alo ti a, mak ka tiin a hmêl rum âl reng chu ka va en ṭhin, engemaw kim lo awm tlata hriatna ka nei, biak ka châk leh tlat tawh, "Bialpa a nei em?" Ka tih chuan Hriata zâwk chuan a tui in lai chu arawn hâk khurh khurh mai, "Nang hi i â ta mi?" Ruata chuan phâwk fê a min rawn en chung hian a ti a, "A bialpa pawh drugs Addict alâwm, amah pawh saw a niang, hmeichhe tih mawh ve tak a ni, bemthlûk a har lutuk, bakah in bem ngam lo ang, keichu ka hlau" Hriata chuan arawn ti a, ka lo nui tawp, "Mawla nui ngawt suh, a sawi hi A dik alâwm,tuman an bem ngam lo, an hlau a" Ruata'n a tih chuan ka nuih aza tial tial mai, bem tumna ka nei lo, ka duhzawng pawh a ni hek lo.

Rei vak lo hnu ah chuan canteen ah chuan pawisa pe tûr hian an rawn kal phei a, a bul lawka ṭhu kan nih vângin a ṭhiannu tê chuan min rawn hmu nghâl chat , "aaaa...Mitharpa kha" tih pahin min rawn pan nghâl a, ka bân ka lo vei khum zauh, nui ver ver a min rawn pan lai chuan Mali zâwk chuan mengkual ralh pah hian pawisa chu alo pe ve mai a, "Rpa tepawh, sport hun chu aw, ka lo ṭan ngawt ang che u" ati nghâl siam siam a, a duhawm reuh ka van ti tak, a lian lo mai pawh a, "Kal ang" rawn ti tu lam ka va hawi chuan, min lo en kar nia, a hawisan leh nghâl daih, nichin khân ka enchiang viau tawh a, mahse tun ṭum zet zawng A hmâ aiin a chiang bawk a, hmelṭha ka ti kher mai, a hmui a nalhin a hnâr a zum deuh vât a, a mit meng erawh nêlawm viau loh mahse a hmelṭhatna a tih bo phah chuang eih lo, ka ngaihtuahna vâng chuan ka nui sûk ringawt, "Ka kal ang'e, bye bye u" tih pahin Kiki i chuan a ṭhiannu awmna lam chu a pan zui vat a, "A duhawm ka ti nia" Hriata pawh chuan alo ti ve vat a, kan lo pawm tlâng khawp mai, "Keichu Mali hi ṭha ka ti, a sexy bawk si" Rpa'n alo tih chuan Hriata chu alo nûr nasa ngang mai, kei erawh chuan engmah ka sawi ve lêm lo.



Ka ni hmasa ber aṭangin ṭhian ka nei nghal a, ka hlim haw veng veng mai, Ruata chuan a bike in min thlah a, "I mak ve ngawt mai, engemaw tûn ang laiah Motor khalh thiam lo a i awm reng le? Tûn ang laiah chuan hmelṭhat vur ringawt a ni lo, Bike nei hi an luck zawk ania" a tih chuan ka lo nui liam ringawt, Ka hlau ti ila a dik ber ang, high School ka kal laiin ka ṭhianpa Rajesh-a nen keima bike ah ngei kan lo in phur kual ve zak zak tawh ṭhin a, mahse vanduai thlâk takin ka chesual hlauh mai a, tah chuan ka ṭhianṭha tak Rajesh chu ka chân phah tawh a, A thih chhan kha ka thiamloh ah ka ngai a, tun thleng hian motor khalh hi ka ngam loh phah ta reng a ni, ka khalh thiamlo a ni lo, ka ngam loh vâng zawk a ni reng a, mahse midang bulah erawh ka sawi ngai lêm lo, khâ thil ka sawi chhuah apiang khân keimah hi ka hrehawm ngawih ngawih zêl.



Ka haw chu inthar luah tih takah kan la in rem fel hlei thei lo, ka pa a buai nghâl êm vângin in ti fai sawk sawkin ka nu chu ka pui leh a, Ka sawi theihnghilh ṭêp ka nu hi A hriselna a pan ve êm vângin keimah chiah hi fa min nei a, an phâk tâwkah min duat ve viau bawk, ka nu chu fiamthu eng engemaw thawh khumin ka ti ti pah reng a, a khât tawkin a nui leh har har ṭhin, ka tih ṭhin dan a ni, ka nu tih buai a, tih nuih tehi nuam ka ti thei hle, chutah kawngkhâr chu rawn riin ka ṭawng lai chu ka tawp deuh hmak a, ka nu in kawngkhar a hawn chuan, Hmeichhe pakhat lian vak lo hmel pangngai deuh mai hi alo ding rân mai, "Nu Mawite, A nu in va pui ve rawh min tia" aw dam diai hian arawn ti a, "Aw...puih vak kan ngai lo asin, hawh lo kal la" tih pahin ka nu in arawn hruai lût chu ka thil tih lai ṭhulh meuh a ka lo en vâng nge min hmu chu zah hmêl zet hian a tim deuh dai mai, "Puipuii nih hi, kan ṭhenawm ah sawn an awm a, Upa Rina fanu a nih hi" ka nu chuan a han ti zung zung a, polite tak chuan ka lo chibai thuai a, a che vel aṭang chuan a lai deuhin ka hria, "Thingpui ka'n lum ang'e lehkhabu rem pah khan lo inkawm rawh u" tihpahin ka nu chuan min inthiar fihlim sân ta daih a, ka ngei ru kher mai, hmeichhe bulah hi chuan sawi tûr ka hriat loh theih tehrêng nen.

"Khawi ah nge college i kal a?" Arawn tih chuan, "PUC ah, nang?" Ka tih chuan, "Keipawh ka nia lawm, second year ka nia " a tih chuan an senior ka nih thu techu ka lo sawi ve a, kan ti ti duhzawng a in angin a aw dam diai chuan engemaw ti tak hian min hneh riau lehnghâl, mahse ka duh aiin a khal lo, lehkhabu pakhat la awm ka ban lai chuan alo ban ve chiah a, a kut vawt thler ka khawih chiah chu a zâm hlê tih ka hre mai, a lai deuh nge a nui lui sak a, ka lo nuih ve tawp, "Cheese cake chiah kan lo nei tawh a, hmeh mai mai rawh u" ka nu in arawn tih veleh chuan a tho ta tharh a, keipawh ka nu chawi pui tuma ka tho chu Puipuii chuan ka nu chu min lo puih khalh daih nia, kan in tur chu alo chhawp zung zung a, a che vêl chu ka en ṭhin, ka mit a tlung viau mai, ka nu chuan "A hmêlṭha tiraw? A fel reuh ngawt ang" a rawn ti sur sur nia, "I ho e a" ka lo ti hluk, min rawn nghawk zui zauh, bialnu nei tûr hian min duh thei hlê a, a awm lo hran lo, ka piantirh aṭangin ka la single char char ania...


MALSAWMI POV




"Sawi chiang rawh, kei nge henu hi i thlan dawn?" Tiin Ramluahpuia kawr awmah chuan ka ṭhâm tawn tawn a, ka rilru ana lo, ka thin pawh a rim hek lo, mahse tlâwm thlâk ka ti tlat, kawp nih ka duh loh zia chu amah pawh hian a hre chiang, mahse min kawp a, ka chapo na zawng zawng kha khûtah min dah sak a ni, chuvâng chauh chuan ka thinrim, "Henu hi ka thlang" a tih chuan ka thinrim lutuk chu chunu samah chuan ka kêk kûn nghâl lawp a, Beer cane khat ka in zo vek bawk nen, ka rui lutuk hran lo na in a thinchhe zual tawk chauhin ka rui ti ila a dik zâwk ang, "Thlah vat rawh" tihpah a min rawn pawm hrang nawlhin leiah chuan min dah thla ṭhuai a, "Hmeichhia angin awm ve rawh, i bialpa angin min en ngai em? I duh duh min tih tîr a, i thu thu in min dah i tum a? nang ang hmeichhia hi ka ngaihzawn rei peih che i ring reng reng amawni" tiin mi dawr kawtah chuan min ânkhum hrep a, nui hawk pahin ka tho nghâl nalh, "Ni e, mipa angin ka en ngai lo che, nang ang mi mawl, in inhmeh lutuk, i bialnu lah hmelchhe si, in in hmeh tawk chauh, Tuai inih kha" a aia ringa ka tih takah chuan min rawn khawih a tum nghâl uaih nia, ka kawr âwmah ṭhâm lawpa min tin ûr ûr lai chuan mipa khat hian a kutah chuan alo man chawt, mak ti zetin kan en ṭhap a, khâ pa kha ni, Mithar mawl hmêl deuh pa kha, "Tunge i nih?" Ramluahpuia'n a tih chuan, "Tuai chu ini tak tak ami? Hmeichhia kut an thlâk ngai lo" awki hniam raih hian a ti a, thinrim hmêl pawh a pu chuang lo, alo in rawlh ve ngawt chu mawl ka tiin ka tlâwm la takzet, "I bialnu kekawrte kha va hnîm leh la nih mai chu, kal bo rawh Zawnga" ka lo tih zêk vâng chuan min rawn en deuh hû a, "Chuan nang hi, i ṭanpuina ka mamawh lo aw..." Tihpahin ka car awmna lam chu ka pan nghâl nal nal, khâpa kha inkhawih tîr ka tum asin, ka plan a ti flop vek, Kha mi Mi mawl lutuk pa vâng vek kha, Car ah chuan ṭhu in Ramluahpuia leh a bialnu in phur ka hmuh chuan ka sa pup pup thei, sut pawp mai ka duh rum rum hial a ni, mahse ka tihnat leh chuan ka tan a tlâwm thlâk zual dâwn hian ka hre bawk si, min kawp erawh ka la thinrim reng tho, Mitharpa kal tûr chu ka en leh vang vang a, ice cream ei pahin eitur eng engemaw ala khai ṭun zui, Ka chek zui hlak, "Mawl lutuk" tiin keimah chuan ka phun sap a, ka en reng lai chuan min rawn en ve kar a, min en vang vang hnu chuan nui deuh suk chung hian a bân arawn vei zauh, ka huat tawk a tling em em a nih chu, ka kut zunglai chu ka lo hmuh khum vâ a, horn ka hmet ri nghâl tuar, phut zuk pah hian min rawn en hû a, a kal nghâl nul nul mai, a kal dan thleng chuan ka ngei vek thei nia, ka thinrim lai chuan tiang hi ka ni ve ziah.



In ka thleng chu alo reh ṭhuap mai, ka room ah tlang nghâl in khumah chuan ka mu thlawp a, zangthala mut ar pahin inchung chu ka melh rân mai, ka nu in kum 15 ka nih lai khan min chhuahsan tawh a, kum 20 ka hmang ve chiah tih in ka ṭhianṭha ber, ka engkima engkim ni bawk Rinpuii'n hmangaihna vângin a nunna min lâk san tawh bawk a, ka nuna ka hmangaih te pahnih ka chân tawh, ramhuai nih hi ka duh ngai bik reng reng lo, he khawvel hi nuam ka ti lo a, ka mal ngawih ngawih a, ngaihsak tu leh duat tu ka nei ngai lo, ka khua a har a, chu chuan midang lakah misual min nih tîr ni maiin ka hria, ka nu akal bo khán ka ṭap lo a, Ka ṭhiannu a thih lahin ka ṭap hek lo, ka ṭap thei lo, ka âwmah min hnawh a, a harsa a ni, ṭhenkhat chuan nun hi a tawi an ti a, kei erawh ka nun hi hrehawm ka tih ṭhin êm vângin a sei ka ti takzet a ni, thih ka hlau a, mahse chutiang zat chiah chuan dam pawh hi ka hlau tho, ka bul vêl a mi te ka ring zo lo in ka hua a, party te, bike racing a tel te, zu in vak vak te, a sual zawng zawng chu ka khawih kim vek ti ila a dik ber ang, ka pa in ngaihzawng a neih vâng pawh hian ka na tawh lutuk, kan in aiin a bialnu te in ah a awm tam zawk bawk, An innei a nih chuan mahni inthah ah ka vo vâng chauha nupui dang la nei lo a ni, a chhan chu ka nu kha ka khawngaih êm a ni, unaupa chu ka nei ve, a hming chuan, mahse ka unaupa nupui nen kan in mil thlàwt loh vàngin an in dang ta kha nia, ni e, ka sual, engkim hi ka thiamloh vek tih ka hria, mahse thih aiin he nun hi ka thlang a, Duhthlan tur pahnih chiah ka neih vangin midang tana hnawksak tur tal pawn ka la dam hrâm a ni, fel hi a ṭangkaina ka hre lova, Tunge ka nih pawh ka in hre chiang tawh lo.

Darthlalanga kan in en apiang hian tunge ka nih ka in hre thei ngai lova, enge ka duh a, enge ka tih chak? Engmah ka hre lo, a chang chuan ka nun hi tupui lai taka lawngleng pakhat , a khalh kal tu awm lova tuipui fawn in a duh na lam lama a lenkual hi ang ka in ti ṭhin, engtikah emaw chuan ngaihsak ka la ni ve anga, an sawi hmangaihna hi ka hriatthiam theih nan hmangaih leh duat taka enkawltu ka la nei ve ang tiin duhthu ka sam ru ve fo ṭhin, mahse ṭangkaina nei lo leh mi chuangtlai mai ka nih zia hi alo lang leh ṭhin, ka beiseina chhete chu chhêm mih sak ka ni fo a, hlimna aia lungngaihna leh khawharna in a hual vel he nun hi, duhthlang thei ni ila tumah hian an thlan ka ring bik hauh lo, Pathian hi a awm tak tak a nih chuan ka nun a ruat dan fair loh bik zia hi chhuah chhal ka duh a, engvanga min lo piantir ve kher nge a nih hi zawh ka duh ṭhin, thinrimin ka au a, ka chhuahchhal fova, mahse chhangtu ka nei ngai lo, chuvang chuan alawm Pathian hi ka ring tawh ngai lo, ka ṭawngṭai ngai lova, ka inkhawm lohna chin pawh ka hre tawh lo, mahse thiamloh ka inchan ngai lo, He nun duhawm lo tak min neih tir tu hi ka hua a, hlat ka thlang ta zawk a ni.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)