My fault

[AngeliLalmawizuali]

My fault



Chapter - 2



Nileng chuan awm nuam lo runin ka awm a engmah pawh chu ka enjoy ve tak tak pawn ka hre lo . In lamah pawh Daniel-a chu a awm tam ve deuh tawh mahse a hma ai khan ka hlat sawt thung .



Melh pawh ka melh ngai lo a ani pawhin ka awm ve tih pawh hre awmin a awm ngai hek lo a ka awmdan danin ka awm tawp anga , ani pawh a duh danin awm mai mai teh se. Mahse a chhe lo ve tho a..... ka ngaihtuahna ka duh lo lutuk chu mahni in lu ka thing nar nar ringawt .



Ka Nu leh Pa chu ka Pa hna thil vangin US - ah kar 3 vel chamin an kal dawn a . In ah Daniel-a nen chauh a lo awm chu ka huphurh ru viau mahse in ah a awm tam dawn lo ni a ka hriatna chuan tlemin ka awm a ti nuam deuh thung .




College pawh ka kal ve mawp mawp reng a thian siam tum lo mah ila a neih loh theih loh thung . Lucy- i a rawn insawn tawh bawk nen tlemin nuam ka tih phah ve deuh . Thian thar Msi leh Sawmtluanga kan nei bawk a kan hlim ve hlawm viau . Kan mipa kawl ber hi hmeichhia ai pawn a no zawk leh nghal a ka hlimpui ber thin .


Week pawh a zo tep a nuam han tih viau tur ka tawng miah lo thung . Ka number min dil tawk an awm reng a , thian awmkhawm a tanga min au fiam pawh ka tawng fo ka bengkhawn ngai lo a nimai .



Ka Pa ( pa dik tak ) vang khan mipa hi ka hnaih ngam ngai lo a , keimah ah hlauhna a awm tlat vangin luck viau e ti lo chuan bialpa pawh pakhat chiah kala nei . Insiam that ka ngai tih chu ka hria mahse chawp leh chilh chuan a har ve bawk em ani .



In lam pawh a reh ruih a , ka rin ang ngeiin Daniela pawh inah a awm khat viau . Inbe lo mah ila pawi tihna ka nei hran lo mahse tun ai chuan innel ve deuh mah ila pawi ka ti hauh lo thung .



Khumah mu in lehkhabu ka chhiar mai mai a khawngkhar invaw thawm ka hriat chuan min ti phu chiang hle . Rang deuhin ka tho nghal a inhnuai ah chuan ka tlan thla nghal vat . Misual emaw rukru emaw an nih ka rin vangin tar mawi pakhat chu in rin nan ka keng ve ringawt a engtin nge ka hman ang tih chu a tlachawp a ngaihtuah ah ka ti tawp .




Thawm dim te in ka chhuk thla a sofa a Daniel-a thi deuh phung nen a lo thu ka hmuh chuan ka thil ken lai dah thlain ka tlan thla nghal vat . An insual nge tawhsual a tawk pawh ka hre tawh bik lo a mit , biang leh hmui vel chu a lo thi phung a , na ti awm pawhin ala awm miah lo leh nghal , ngil ngel reuh hian .




A intih natna chhan chu tha deuhin ka zawt a , a ngawi reng mai min chhang dawn lo emaw tih hnuah " Enge maw vang mai mai mawle ," ti in tha deuhin min chhang a mak ka ti tep . Tiang a pangngai hian kan la inbe ngai miau lo ani .




First aid box chu la in a hliam vel chu ka tihfai sak a , na a ti deuh nge a ner ve nang nang thin , ka en chian poh leh hmeltha ka ti telh telh . Kei hi ka dik dawn lo . " Thildang ngaihtuah lo in itih lai chiah hi ngaihtuah rawh ," a rawn tih sup takah chuan ka harhchhuak nghal zawk a , ka nuih tlawn ringawt .




A mah buaipui lai a thildang ngaihtuah chu a duh lo ve hle mai . Damdawi te ka hnawih sak zawh chuan a phone a rawn ri a " Ka lo kal ang ," tih zawng a sawi a , a dah leh nghal daih . Chhuah a tum nghal ringawt leh nghal , a tukhum ah sawn ka nam sawk chak lutuk .



" Khawnge i kal dawn ?" ka lo ti ve ngawt a , ka hre chak miau a tin ni . " Ka thiante puih an ngai bakah ala hma em hi ," hniam deuh ruih hian a ti a . " Mahse hliam i neih kha ," ka ti ve vat a , a care lem lo anih hmel a chhuak lui ta tho . A tih than ania kal lo tur pawn ka ti peih tawh lo mahse hliam neih lai a nih vangin tlem chuan ka ngaihtuah ve deuh .




A tuk ah pawh chuan a rawn haw chuang lo , kan chhungte awm lo hi nuam a ti berin ka hria . College chu hma deuhah ka thleng a , kan thian ho awmna bikah chuan thu in midang te pawh chu ka lo nghak ve a , an tlai hlawm em em leh nghal .




An rawn thlen chuan Sawmtluangan Daniel-a a star thu a rawn sawi nghal sur sur a kan lo nuihpui ringawt thung . A rawn sawichhuah takah chuan Daniela college ah ala awm miah lo tih ka hre ve leh chiah a ngaihtuah ana leh nghal viau tawh .




Classroom kan thlen chuan midang ho thilsawi chuan ka beng a verh nghal zar a . ' Nizan ah Daniela te an insual , team leh team ang in . Motor intlan siak an neihna ah khan Daniel-a a chak zawk a Michael khan a pawmthiam duh lo a , an insual phah ' tih vel ani nawk mai .




Kut inthlak lam ka ngaihtuah chuan ka tim nghal sawk thei ka tetlai a ka Pa in min sawisak dan vel bawk a rawn lang leh nghal uar uar a , hlauhna in ka thau ah a man deuh tlat bawk .




Class kan tan mawlh mawlh a ngaihtuah erawh a har talh thung . Daniel-a ka ngaihtuah a , a tha a ngem? a inhliam na viau a ngem ? tih vel bak ka ngaihtuah hlei thei lo . Political science class kan neih lai chuan ' execuse me ' tih thawm chuan min ti harh nghal vat a , a chhan pawh engdang vang a ni lo . Daniela aw a ni miau a .




" Jenny khan a damdawi a theihnghilh a , ka rawn pe lawk thei a ngem ," tih pahin ka inhaler chu a rawn lek kang va va a , ka bag chu ka hai nghal vat a ka lo theihnghilh tak tak anih hi . Chutiang ka keng lo tih engtin nge maw a hriat ni ka tih rilruk lai chuan ka bul a rawn thleng fel der tawh .



Lo en chho ha in ' Ka lawm e ' ka lo ti tawp a , min nuih sukin a chhuak leh nghal tawp ringawt . Thenkhat an rawn phun leh mur mur leh nghal , tiang hi ka ning tlat thin . A tam zawk hian unau kan ni tih an hre lo a , a hria chu ka thiante leh Daniela thian thenkhat te an nimai , kan tilang lo bawk nen an hre lo chu a awm viau




Hmeichhe thenkhat chhan awm lo a min ngei ka tih te ho min ngei chhan ka hrethiam chiah , hmeichhia te duh rawn nen kan in hnimhnaih deuh nghal vang ania , mipa thenkhat in min lo zar buai ve cheng bawk nen . An tan chuan ka awm mai mai pawh ngeiawm a lo tling viau anih hmel .





Daniel-a chu ka rin ang em em in hliam a nei lo a ka awm a ti nuam huai bawk . Lunch time ah chuan canteen lam panin kan inzui diah diah a , ka thiante nen hian kan subject lak a in ang deuh vek hlawm a a tih zia phian .



Thil kan ei lai chuan ka thutna bulah mi pakhat hi a rawn thu ve ringawt a ngei ru viau mah ila engtin mah ka ti lo ka tawlrem a ka ei zawm nghal mai bawk . Min hmuh tirh a tang a min duh tawh thu vel a sawi nghal ringawt a , ka thiante nen chuan kan inmelh hrek hrek ringawt .




Ka bengkhawn vak lo a ti nge ka thil ei lai chu min rawn laksak a , a lam hawi tur chuan min kuai her nghal sawk bawk . Ka inring ve hman lo reng reng a mah chu ka melh nghal kar ringawt .



" Ka ta ni rawh ," tih pahin min fawh a tum nghal ringawt a , ka lo nam sawn dawrh thung . Chu chuan a ti thinrim zual nge ka hre lo ka thutna a tang chuan min pawtchhuak dawrh in dawhkan te a hnek thuai thuai a , midang ho pawh chuan an rawn en nghal thap mai .



Keimah ah chuan hlauhna bawk a rawn awm leh tawh , ka tetlai a ka Pa in dawhkan a thil awm vel a paihthlak chhuai chhuai lai te chu rawn lang zut zutin ka thawk a pangngai lo leh tawh .



Ka thiante chuan min buaipui ve bawk mahse tih ngaihna vak an hre lo anih hmel . " Engthil nge itih ," tih pah a hmanhmawh tak a rawn tlan phei chu chiang lo deuh hian ka hmu a , a aw a tang chuan Daniel-a ani tih ka hria a ka thla a muang nghal sawt a , a aw ah chuan thinrimna leh hlauhthawn na a awm tih ka hre thei thung .




Kan bul a rawn thlen chuan ka bul a ding reng pa chu a rawn hnek nghal tawp a , hmeichhe awm ho chu an lo te dual hlawm mai . Ka thawk lak a pangngai tawh miau loh a vangin thei leh thei lo in Daniel-a chu ka lo ban ve tawk tawk a .


Ka thiante bulah chuan " khawnge a inhaler ," a tih ri chu chiang lo deuhin ka hria a , a bak chu a thim mup a engmah ka hriat zawm tawh lo . Ka inhaler chu classroom a ka bag ah ka dah daih tih chu keimah bakin an hriat pawh ka ring lo .




Tawng ri chuan min ti harh a , an thil sawi vang chuan kala meng mai ngam lo thung . " Khatianga i hlauthawng kha vawikhat mah kala hmu miah lo ," ti tu chu Rinsanga ni in ka hria .



Daniel-a chuan a chhang lo , Rinsanga bawk chuan " Unau angin i en ve lo tak tak em ni ?" a ti leh a " ka hrethiam lo ," tih zawngin a lo chhang thung . A hma aiin min ngaina ve deuh tawh tih ka hriatna chuan tlemin ka awm ati nuam ve deuh .





Men ka tum ve leh chuan " unau angin en rawh , i unaunu anih saw ," a ti leh a . " Lo inrawlh suh ," tih chhanna ka hriat chuan minti tim sawk thei . Engvang a min mil lo a unau ang a min en ve duh miah lo nge anih pawh ka hrethiam tawh lo .


Kan in ngaina ve tan dawn a ka hriatna chu a reh leh nghal vek a ka hnual rawih bawk .



Damdawi in pan hran lo in ka room ah ka lo mu a . Daniel-a chuan " ka Nu leh Pa ka hrilh duh lo , an awmna a hla bawk nen an rawn phili chung ang tih ka hlau deuh a ," a ti sup a .



Pawi tihna ka nei lo , keipawhin ka Nu tih buai ka duh bik lo . Zanah chuan Daniel-a thiante an rawn leng a , tiang a awm khawm reng hi engtin nge maw an peih thin ni .




Keipawh ka pangngai tawh a vang chuan inhnuai lamah ka chhuk thla ve a , midang ho chuan min be nghal bawrh bawrh a Daniela nen erawh a hma aiin kan inhlat sawt thung .




Min ngaina duh lo tu chu ngainat ṭalh tumna ka nei bik lo . Theihtâwpin ka mize ṭha ka chhuah ve a , a hmu thiam duh lo anih chuan fel chhuah a ngai bikin ka hre lo . Ka mize ṭha lo lai hi hmu ve tawh rawh se , mi fel zawk zawk ka nih bik loh hi .