Real Love (Chapter-12)

[Rebec Nunziri]

Chapter-12


Zohlimpuii POV


Tu min rawn thawn nge ka hrelo, amhse thlalak ah chuan Alex-a leh Sawmpuii chu chiang takin an lang a, an awmdanah chuan an inhaw lo tih a hriat hle bawk, ka thin chu a phu rang em em a, keihi min bum tihna em ni, a kal hma khan hna vanga kal tur a nihthu a sawi si a, thil awmdan teh nuaih hi ka hrethiam lo a niber, amah lah chua reh hmak bawk si nen ka awmdan chu hreawm tih piah lam ani.


Alex-a chu ka call nghal a, mahse a la theilo, ka ti nawn leh a, rei fe ka nghah hnuah a la a, mahse amah a ni hauh lo Sawmpuii ngei ani, "Alex-a ka lo bia" pangngai thei ang ber chuan ka ti a, a rawn nui hak ringawt "A hmanlo bathroom lamah a awm" a ti a, a nui leh hak bawk ka inhnmum ruh nghek a, "A hman hunah min rawn be turin I hrilh dawn nia" ka ti a, "Alex-a hi lo hnaih ve tawh suh, ka ta a nihhi tunah pawh khan hun nuam tak kan hmang dun zo chiah a, nang hi chu a infiamna mai mai I ni tih hria la lo inthiar fihlim angche" a ti fak a, phone chu a dah zui nghal daih bawk.



Mut pawh ka mu lo ti ila ka awi sual lovang, hna kal tur chuan phur lo deuhin ka insiam a, nizan ka mu lo bawk ne ka mit a bui deuh luk a, ka lu a na ngut ngut bawk, Alex-a chuan min la rawn be miah lova, thil awmzia chu a chiang thawkhatin ka hria, min ngai ang deuhin a rawn sawi a, hun nuam tak a lo hmang reng chu a nisia, tenawm lutuk keilahin a thusawi ka lo awih a nia ka ta zia ka hrefiah thar nimai in ka hre bawk.


"Tunge vawin chu I va ngui ber bur cmve, I tum liam bawk si" Sanga chuan a rawn ti a, "Nizan ka mu thalo deuh a, chuvang mai mai chu mawle" ka ti sep a "Boss I ngai lutuk a I mu tha theilo zawk a nilo maw?" min nuih tet tet chungin a ti a, ka lo ner sawk ani kha ka ngai hre love ka rilru chuan ka ti a, "Chutiang lam pawh a nilo" ka ti hmuk a, a nui ang hawk hawk lehnghal a.


Hna ban hnu chuan ka nu thlawh ka duh vangin damdawiin lam chu ka pan a, ke in muangchangin ka kal a, thil ka ngaihtuah neuh neuh bawk, ka phone a rawn ri a, ka en chuan Alex-a a ni, la lovin ka en reng ringawt a, a tawp a, a raw ri chhunzawm lehnghal a ka la la chuanglo, a rawn rik nawn sek avang chuan ka silent a ka ak tha ta hmak a, a dawt sawi ka ngaithla peihlo a ni ber.


"Nu ih ka pa in hmuh che a duh a" ka ti a, a ngawih vang vang hnuah "A tha alawm" a ti a, ka thawveng huai mai, nupa an lo ni tawh thin a, ka nu hian tun thleng in a la hmangaih tih ka hailo bawk, thil thleng tawh kha chu kan siamtha thei tawh lova mahse tha taka an inbiak leh hi ka duh ani.


"Ka kal phawt ang aw, a tlai tawh sia" ka ti a, kan in mangtha hnu chuan damdawiin chu chhuahsanin kan inlam pan chuan ka kal a, ka phone pawh ka la en leh miah lova, tunah tak hi chuan ka be peih hrih thlawt lo ani, in ka thleng a, ka bag chu dahin ka thawmhnaw bawm lam ka pan a, ka thawmhnaw hak tur ka lakchhuah hnuah bathroom lam panin ka inbual fai a, thawmhnaw ha sawk sawkin tukin lama ka thil eibang ho chuan ka inhnawh puar a, a la hma ve deuh bawk nen tv ka en leh a, mahse engmah ka titui thei tak tak lo, ka rilru kaptu a awm miau a.


Kawngka te kalh thain room lam chu ka pan a, ka bag atang phone la chhuakin ka en chu miss call 50 chuang a lo awm a, chupawh Alex-a hnen atang vekin callbeck lem hlei lo chuan YouTube ah lutin video te chu ka en vel ta mai maia , ka nui leh hak thin, ka phone chu a rawn ri a, Alex-a hnen atang bawkin ka la leh chuanglo, amhse a rawn tih nawn leh tak tluk tluk ah chuan ka la ta hram a.


"Engvanga phone la theilo nge I nih?" a rawn ti ṭhawt a, phone chu ka bang atang dah hlain ka melh deuh hrep a, "Ka buai a ka la hmanlo a nihkha" ka ti a, a thaw chhuak hawlh thawmchu ka hriat hmaihlo, "Min ti mangang hman alawm" a ti a, ka nui hak ringawt, min ngaihtuah awm taka a rawn tawng chu ka thinrim a ni zawk mah ang chu, Sawmpuii nen an awm dun hrih lo a ni chek angchu min rawn biak danah hian....


"Enge nita?" ka ti a, biak ka peih vaklo ani "Enge ni ang, ka phone I la thei lova, chutah hetiang zawhna hi min zawt amaw?" lungawi loh hmel tak chuan a ti a, ka inhum ruh ngawt ngawt a, "Ka la hmo ka tihkha ka buai alawm" ka ti a, a rum nghut, "Nimin lamah khan k buai deuh bawk nen ka lo be hman lo che a nihkha, chuan ka tum ai rei helamah ka awm a ngai dawn a, karleh lamah chiah ka lo let thei ang" a ti a, a aw chu a zuai hle in ka hria a, ka hriatsual zawk pawh a ni maithei ani.


"A nihchu" ka ti ringawt a, a rum hrawk chu ka hre chiang kher mai, "I thinrim em ni?" a ti a, "Teuh nang, enge thinrim chhan tur a awm em ni?" ka ti let a, "Anihchuan nanghian min ngai ve miah lo animaw?" a. ti a, 'Ngai e ka ngai lutuk che, mahse min bum alawm' ka rilru chuan ka ti nghek a, "Chutiang pawh a nilo" ak ti leh ringawt, "Ka sawi kha mipa dang tumah lo hnaih Suh angche" a rawn ti a, ka inrin hma in ka nui hak a.


Aniin hmeichhe dang a awmpui laiin keiin ka theilo ang maw "I thu vek alawm" ka ti a, "Thil diklo chu a awm ani, min hrilh rawh tunah" a ti khauh fur a, "Eng thil dik lo mah a awmlo, kriye chu I ta a lawm ka nih I thu hnial theihna dan ka neilo, kan inremsiamna kha ka theihnghilh reng reng hleinem" ka ti a, "Engthu lawilo nge I sawi?" a ti hrawk a chhang lovin ka ngawi ran a, ni e... ani nen hian chuan inngaizawng thei kan nilo, eng inzawmna pawh nei ila, kan inremsiamna vang chauha ni tur ani, mipa leh hmeichhia inkara inngaihzawn a ang kha chu a theihloh but tih ka hrechiang, ka tan chuan a sang mah mah ani.


"Ka chau deuh a, ka dah a nia" ka ti a, ka dah nghal daih a, min lo call nawn leh tawhlo, a tan chuan a infiamna lek ka ni tih ka lo hrelo ani, min duh tak tak emaw kao inti kha ka mawl vang vek ani, nizan lam ka mu tha tawh lo nen zanin chu mut hma ka tum a, mahse ka muhil thei chuanglo, ao haw hunah chuan ka pumpelh reng thei dawn lo tih ka hria, a ta ka ni tlat mahse engtinge ka lo hmachhawn ang ka hrethiam lo ani.


Nilengin Alex-a hlir ka ngaihtuah naah a awm a, ngaihtuah loh ka tum pawhin ka beidawng thak ani, Sanga lah chuan min fiam zuk zuk reng a tuna ka awmdan hi hria se chuan min fiam hauh lovang mawle, mahse kan inkar a thil thleng hi tumah ka hrilh thei silo, ka tawt up up a, enge tunah hian a tih mek ang, Sawmpuii nen an awm dun mek angem? tih ka ngaihtuah a, ka thin zawn chu a na ngut ngut a, ka tan tih vak ngaihna a awm silo, Alex-a hi ka lo duh hman lutuk ani.


Arintei nen chuan damdawiin lam kan pan a, ani hi chuan min hrechiang bawk a, ka awmdan dik lo tih hriain damdawiin kan thlen hma chuan cafe ah min luhpui a, hnial buai lovin ka zui tawp, "Tunlai I awmdan hi ka lo chik a, a dik miahlo, harsatna I tawk ami?" a ti a Chiang zetin min melh ran bawk, "Arinte, engtinge ka tih ang ka hrethiamlo" ka ti sep a, ka thaw chhuak hawk bawk, ka kut ah lo vuan in "Ka thian mai nilovin k unaunu I ni a, ka lakah zep nei turin ka duhlo che, I harsatna zawngvzawng chu ka bulah hian sawi vek rawh, pui theih na che ka neih chuan ka pui ang che" a ti a.


"Ih.. Alex-a nen a kan inkar hi ka hrethiam lo ani" ka ti a, ka mittui a lo chhuak tiam tiam bawk, hetiang ang em em hian tah ka awlsam ngailo asin, Alex-a ka tawn atang hian tah ka awlsam a, a bula ka awm chuan ka pangchang thei em em a, mahse tunah chuan min hnem turin emaw a awm lo, ani chu Sawmpuii nen an awmdun mek si a.


"Enge I sawi awmzia chu?" a ti a, "Ih.. Us lamah a kal tih chu ka hrilh chekha, mahse amah chauh in a kal lo ani" ka ti a, hriatthiam loh hmel zetin min melh a, "Enge I sawi awmzia, anih chuan tu ne nge an kal?" a ti a, sawi harsa ka ti ani ka hmui ka pet fan fan phawt a, "Sawmpuii nen" ka ti sep a, "A va mak ve, mahse chuchubengtin nge I hriat?" a ti a, "Thlalak ka dawng a, a tir chuan rinloh ka duh, Alex-a ka call nghal a, Sawmpuii ngeiin a lo la a" ka ti leh tiau a.


"Mahse an inhmu fuh ve palhba ni maithei asin" atih chuan ka lu ka lo thing nawk nawk a, "Chutiang a nilo, I hrethiam lo a nihkha, Sawmpuii chuan hun nuam tak an hman thu in min lo chhang asin, chuan ka biak lai khan Alex-a chu a inbual mek thu a sawi bawk, chutiang a nin tawh chungin ka ringlo thei tawh lo ani" ka ti a, min khawngaih hmel zetin min melh a, chuchuan ka tah a ti chhuak sauh a.


"Mate, keichu ka la ring thei chuang lo, anih chuan Alex-a chuan a rawn be leh tawh hrim hrim che em?" a ti a, ka bu nghat kan inbiak dan zawng zawng chu ka hrilh a, "A hrelo tak tak pawh anithei a, chuvang chuan thil hriatchian hma chuan in ti hreawm duh suh aw..." min hnem tum takin a ti a, a sawi dik ani, mahse kha zan min rawn biak bak kha chu min rawn be leh tho lova a reh hmak mai hi mak ka ti ani.


"Kan kal dawn em ni, ka sawi kha hre reng la, thu chuang hriat hma chuan Alex-a hi ringhlel ngawt lo la, an lo inhmu fuh palhba, I call lai khan an awmdun lai a nithei a, Sawmpuii thusawi ringawt ring lovin, Alex-a thusawi te pawh ngaithla hmasa la" a ti a, damdawiin lam chu kan pan a, Arintei thusawi chu a dik chiah ani, Alex-a thusawi ka ngaihthlak sak hmasak chu a duh ber ang.


"Nu ka pa chu naktukah a lo kal dawn ania" ka ti a, "Awle, lo kal rawh se" a ti tha ve mai a, rei kan awm lo Arintei chuan min thlah kawi a, a ni erawh rawn lut kawi tawh lovin a haw nghal , khumah mu chungin ka inngaihtuah a, Alex-a chu call ka tum deuh ut ut a, mahse a buia ka rin vangin ka call leh duh ta lova, ka mut a la chhuak bawk silo nen ih lamah ka lut a, reels vel ka en mawlh mawlh m, reels en ka nin tak hnuah thlalak an post ho chu ka en leh a, mahse ka thil hmuh vang chun ka mang nghal vek.


Alex-a leh Sawmpuii thlalak a ni a, Alex-a banah chuan Sawmpuii chuan a kuah a, Alex-a chu wine no keng chungin hmalam a en a, Sawmpuii thung chuan nui sangin camera a melh thung, party naah an kal tih chiang takin a lang a, Sawmpuii post a ni bawk, a caption ah chuan an inkar ah eng emaw chu a awm tih hai rual a nilo, ka zawi nghal nawk a, ka lo rilruk dan kha chuan a thusawi ka ngaithla phawtvanga ka ti a, mahse tunah chuan a chiang viau tawh ani.


A lak atang ka kalsawn thei dawo tih chu ka hrechiang mahse kan inzawmna hi inngaihzawn a lam a nilo tih erawh ka in hriatnawn tir fo a ngai tawh ang, a chhan chu ka bialpa anga ka lo ngaih hman tawh vang ani, engtinge ka awm zel ang chu ka hrelo mahse ka mipa duhtak hmeichhe dang nen a an awmdun hunah pawh sawisel theihna dan ka neilo tihchu ka hre si, ka lo duh hman kher kher chu ka inchhir ani, ka duh thei a nih chuan ka duhlo thei em em ang ka ti a, mahse chuchu ka theih loh tur chiang tak a ni tih ka hre si.


Hun chu a kal ve bek bek , Alex-a chu a la reh chhunzawm ta zel a, biak ka tum bik chuanglo, ka pa leh ka nute pawh an inhmu tawh a, tha takin an inbia a, ka pa chuan ka nu ngaihda a dil a, ka nu pawh chuan a lo ngaidam fel vek bawkz ka pa chu nitinin a lo kal a, ka nu hmel pawh a hma aiin hmuh a nuam zawk a, ka hlimnve veng veng mai, mahse ka thinlung takin ka hlim famkim thei silo ani.


Hna ka thawh mawlh mawlh lai chuan ka hnunglam atanga Alex-a aw ang deuh ka hria a, mahse a reh leh vang vang tak si ah chuan ka hre sual a nih ringin dawhkan chu ka tifai chhunzawm leh mawlh mawlh a, "Min lo ngai tawh em?" tih ri ka beng bul chet a ka hriat leh vang chain ka hawilet vat a, Alex-a chu ka hmaah a ding a, ka hmuh sual a nih ka ring hial zawk, a nui deuh suk a, kei erawh khap lek lovin ka melh reng ringawt.


"Min nahi tih ka hre mai e" a ti a, min rawn awm hnaih leh sawt bawk, "Engtikin nge I lo haw?" ka ti a, "Vawinah" a ti a, ka la melh reng, ka hmuh chiah hian ka ngaiin ka thlahlel hle tih ka hrechiang lehzual, "Ka office ah min rawn hmu lawk ta che" a ti a, hnathawk dang te an awm ve deuh nual avang chuan ka hnial ngamlo, office lama a kal chu ka en zui reng a, Sanga chu ka bulah lo kal nghalin "Awii.... in pa a lo haw tawh bawk a, I hmel pawh hmuh a nuam sawt mai" a ti a, rum zetin ka melh a.


"Va kal rawh a lo nghak reng angche" a ti a,uangchangin a office ah chuan ka lut a, a thutthleng ah chuan thuin ka lut chu min lo en ngur a, "Enge min hmuh duh chhan?" ka ti a, "Bawihi, ka ngai che ka tihkha chuan engvanga min rawn be ngailo nge I nih?" a ti hmuk a, rawn tho chhuakin ka hmaah tak chuan a ding nghal run bawk a, "Nangpawn min rawn biak I tum hleinem chulovah hun nuam tak I hman lai ka rawn tibuai angche tih ka hlau a" ka ti a, ka thusawi chu hriatthiam loh hmel zetin min en a, en let duh lovin a awm zawn chu ka bih ve ran a.


"Engthu nge I sawi awmzia?" a ti a, "Engmah a nilo, ka kal phawt ange, hnathawh tur a la tam sia" tihpaha chhuah ka tum chu ka kawngah rawn manin min pawt let dawrh a, "Ka bialnu hi ka ngai tawh hle a, chauh pawh sawi lovin hmu turin ka rawn kal nghal a, mahse ani lahchuan hna min thawh san daih a tum a" a ti a, ka ngawng vel chu a rawn nul kual dan dan bawk a, tum dang ang bawkin ka awmdan chu a diklo leh tan der tawh.


"I bialnu awmna chu I hai a ang" ka ti a, ka inlahrang tur chu min vuan nghet sawt a, "Lungawi lohna I neih chuan sawi rawh" a ti nghut a, ka lungawi lo ngei alawm, mahse ka sawi hian enge awmzia a neih ang, keichu a thuhnuai a awm tur ka ni a, a thiltih engmah sawisel thei ka nilo.


"Engmah lungawi lohna ka neilo, min thlah teh" ka ti a, ka kawng a vawnna chu phelh tumin ka vuan a a rum hrawk a, "Ka lakah engmah zep suh ka tihche kha, chuan ka rualin haw rawh inbiak kan ngai, ka lo nghak angche" a ti a, min thlah nghal, a rual a ka haw loh dan tur chu pui tak ani, a office atang chuan ka chhuak nghal vang vang a.



Alex Lalhriatpuia POV


Bawihi chhuak chu ka thlir zui vung vung a, eng emaw lungawi lohna chu a nei tih ka hria, ka hrechhuak vat bawk ang, amah vangin let vat ka duh a, mahse a ni lah chuan min pehhel dan ngawt a zawng bawk si, ka biak ngailoh nachhan pawh aman min rawn biak hun ka nghah vang ani a, mahse. areh hmak thung a, thutthlengah chuan thuin ka mit ka chhing vang vang a, ka mutthat lohna a rei tawh bawk nen ka chau viau.


Flashback

Us ka thleng a, ka pa chu ka hmu hmasa ber a, min hmu chu a hlim hmel khawp mai, kan inkawm leh phawt a, chutah "Ka fapa, hei I kum pawh a upa tawh a, nupui neih lam te hi hnaih ve tawh rawh" a ti a, ka mitthlaah Bawihi hmel a rawn lang a ka nui suk, "Pa... I nghah rei a ngai tawh hauh lovang" ka ti a, a phur hmel khawp mai.


A tuk atang chuan hna ka thawk nghal mawlh mawlh a, hun awl ka neih apiangin Bawihi nen kan inbe thin bawkz hna ka thawh laklawh laia min rawn biak pawn ka hnial ngailo, ka ngai takzet ani, a tirah kha chuan hetiang em em hian ka thlahlel ang tih ka ring pha ngai biklo, nilo hetiang hian hmeichhia ka ngaihtuah ang tih ka ring phalo zawk, amhse ani hi chu ka tan a danglam bik hle a, ka duh mai ni tawh lovin ka hmangaih tih ka hrechiang hle bawk.


Chhun lamah chuan Restaurant lam en fel turin ka kal a, chutah Sawmpuii nen kan inhmu hlawl a, shooting nei tura kal a nih thu a sawi chuan ka lo bu liam vel mai mai a, chumi nileng chuan min zui kual a, ka ning riau bawk, ani hian min duh tih ka hrechiang a, diktak chuan vawihnih thum vel chu hun pawh kan hmang dun tawh, mipa fel leh tha ka nilova, a zeiin min turn on dan a thiam em vang a ni pakhat bawk.


"Ka hotel thlenna thleng min thlah la" a ti no deuh hnap a, ahma ang kha chu nise ka duhzawng tak a ni ngei ang, mahse Zohlimpuii ka tawn atang hian no lutuk te hi ka ti thei tawh derlo, ka hnial a, mahse min tih luih tlat avang chuan ka thlah leh ta hram a, ka ning viau tawh ani, a room ah chuan kan inzui lut a wine a thli chhuak a, a ti lui tih hriat zetin ka kawtah chuan a ei e kenlai chu a rawn tibua a, bathroom lamah ka lut nghal ka chhuah leh chuan a phu deuh zawk a, kal nghal mai ka tum chu min lo dang tlat a, min nul kual dan dan a, mahse a hma ang khan ohurna ka nei hauh lo.


"Bialnu ka nei tihchu I hria ang tiraw?" ka ti a, ka inlahrang vut bawk, "Khatiang, kei ang hian a tiphur thei kher lovang che" a ti a, a ngaihnep hmel hle bawk, chuchuan min ti thinrim nghal tun thei, "Oh... Nang ai min turn on theitu a ni, chuan I nihna hrechiang angche" ka ti a, ka chhuak nghal bawk, Bawihi vangin ka mize thenkhat chu sim ka tum a, tunah chuan ka la insum thei a ni mahna mahse hetianga a awmzel chuan ahmaa ka nihna ah khan letin a chunga ka tihtur hi a ngaihtuah thiam phak bak a ni ngei ang.


Bawihi ka biak chuan a mizia a dang riau in ka hria a, a chauh thu sawiin phone a dah nghal hmak bawk, phone leh ghal mai ka tum a mahse a chauh thu a sawi vang chuan ka insum leh ta zawk a, mahse a reh nghal vang vang thung a, ka tum ai rei ka cham a ngai bawk si nen ka rilru chu a buai ve khawp mai.


Kan sumdawn naa kan partner chuan party a huaihawt a kal ve ngei a ngai ngei ang, ka insiam mawlh mawlh a a hmun ka thlen chuan rinloh takin Sawmpuii ka hmu hlawl a min rawn pan nghal a, ka bulah a tap chawt a, midangte chun ka bialnu emaw an ti a, inhmeh min tihthu te an sawi a, Sawmpuii chuan nuam a tih hmel khawp mai, mahse ka ngaithei tawh ngang lo chuan "Ani hi ka bialnu a nilo, ka bialnu chu Mizoramah a awm" ka ti ngawt a, mak an tih hmel hlawm viau, Sawmpuii ka en chu a hmel a dang nghal hlawk a, nichin a a nui hmel te kha a bo nghal vek, ka ngai pawimawh hrep love.


"Nichina i thilsawi kha sawi kher a ṭul em ni?" kan pahniha kan awm dun lai chuan a ti a, "Ngai e, dawt a nilo tihchu I hriat kha, nang nen hian eng inzawmna mah kan neilo, chuan hrerawh, min hnaih tak ang khan awm tum tawh hauh suh, tunge ka nih tih I hriat chian kha" ka ti rum ul a, "Nang nen a kan inkara thil thleng te kha enge awmzia, hmangaihna kan chen dun tawh a, chuti chung chuan nang nen hian kan inkarah engmah a awm lo amaw?" a ti a, a rilru a nat hmel hle bawk.


Hmeichhe ho tak hi chu aw..."Kha thil kha chu thil pangngai ve mai ani, khami vang khan kan inkarah thil a awm ta tihna a nilo, chuan hre rawh Bawihi nen a kan inkarah hian buaina I siam ngam anihchuan maw I chunga ka tihtur hi I ngaihtuah thiam phak bak a ni ang tih ka tiang ache" tiin ka kalsawn a, rei awm lovin ka haw ta nghal daih a, car ah thu lutin mit ka chhing vang vang a, Bawihi hmel chu ka mithhlaah a rawn lang a, ka nui suk, Mizoramah let vat ka ngai ani.

End of Flashback


Hna ban a hun chun office atang ka chhuak a, Bawihi ka hmuh loh avang chuan a awmna chu midang ka zawt a, a chhuah tawh thu in min chhang a, ka inhum ruh tawlh tawlh min nghak turin ka hrilh a, mahse min haw san amaw, pawnlam chu ka pan nghal pawk pawk a, hetiang ringawt chuan kan sawi fel thei dawn lo tih ka hrechiang, chuvang chuan amah hmu tura ka kal angai ani.


An in lam chu ka pan a, mahse a awm hauh lo, private nurse a nu tana ka rawih sak chu ka phone a mahse a kal loh thu in min chhang bawk si, khawiah hrep nge a kal ang ni, thinrim tihtheih nei silovin an inkawtah chuan ka lo nghak ran a,rei fe ka nghah hnuah pawh a lo la haw hauhlo.


Car ah chuan lutin ka in khalh chhuak a, ka phone phawrh chhuakin ka phone a, mahse a la theilo, ka ti nawn tlut tlut a a la la chuanglo henu lunglian reuh lutuk hi engtinge maw ka tih dawn ni, mahse heng a mizia te hi min hip bertu chu a ni zawk si a.


Ka phone nawn tluk tluk takah chuan a la ta hram a, "Enge" a rawn ti pawr hlar a, ka thinrimna te kha nuihzat na in a rawn hliah khuh vek nimai in ka hria, a ni chauh hian a ni vin taka min be ngam "Min nghak turin ka ti che a nilawm ni?" ka ti rum ul a, "Ka hmanhmawh alawm" a rawn ti hlak a, ka thaw chhuak hawk tunah chuan hmaichhan a inbiak vat kan ngai ani, "Ok...khawiah nge I awm ka lo lam angche" ka ti a.


"La thiannu te inah ka awm ka riak dawn" a ti a, mahse a rik hauh lovang, "Bawihi tha taka ka sawi lai hian I awmna chu min hrilh rawh" ka ti a, hetiang em em hian ka dawhthei tih ka hrelo midang chu nise ka thei kher lovang "Ka riak dawn ka tihkha, mino lam duh suh" a rawn ti leh a, "A tha e, chutia min hmuh I duh silohah chuan I nu bulah makpa interview ka lo va nei ami aniang chu" ka ti a, ka nui suk bawk, "I ti dawn lo" a rawn ti nghek a, "Dawn e min hriat chian kha, I nu ka hmuh I duh loh chuan I awmna min hrilh rawh, ka lo lam angche" ka ti a, min hrechiang bawk a, a awmna chu a rawn sawi a, ka kal nghal vat.


Cont.


Click leh comment kha min han pek sak veleh hram hram rawh u aw....