ACADEMIC LOVE S2 CHAPTER-4

Episode kal lai dah luhna

Moderator: writers

Judy chhakchhuak
Posts: 313
Joined: June 7th, 2023, 1:17 pm

ACADEMIC LOVE S2 CHAPTER-4

Unread post by Judy chhakchhuak » September 18th, 2023, 10:17 pm

Chapter-4
Ka awn riai riai a,ka kang nawlh mai mak ti deuha ka hawichhuah chuan Remruatpui-an minlo pawm reng tawh,Rohlui hmela hlauhna langchhuak chu ka hmuh hmaih lo chutiang ang bawkin Remruatpuia pawh.




"Fimkhur tawh ang che,i kalna kha chiang takin en rawh,"atih chuan ka bu nghut,ka thinrim ngam teuhlo mai fa ka pai tih kan hriat hma phei chuan amah zawk hi a thinrim zawk zawkah aṭang ṭhin a.



In kan thlen hnu thleng pawn fimkhur turin minla hrilh char char,a hlauthawng ve ngang aniang a hmel ka en tirh phei kha chuan asen vek.



Thil ka ei mawlh mawlh laiin Remruatpuia arawn phei a,"chhuak tawhlo law law mai rawh, school pawh kal rih tawh suh"atih chuan ka en tawp.



"Kha chu ka tisual palh anih kha,iho emai school kal loh na tham pawh anilo,"lungawi vaklo a ka tih chuan a kawng dâwm meuhin min en a.



REMRUATPUIA POV
Ka nupui thinrim zeta thil ei hmawk hmawk chu tih ngaihna hrelo zetin ka entawp,a thu aduh lutuk leh a luhlul lutuk hi achang chuan tih vak ngaihna ka hre ṭhinlo.



Ni aliam a thla hial avei a,ka nupui naupai pawh thla thum ani ve tawh,mahse ala infit khawp mai school kal kan phalloh em avang in a kal lui tawh biklo a,inah ka nu te nên anlo awm mai zel.



"In a awm ka ning,inah min khung chawt chawt a ka â vek dâwn,"ka inbual zo ka chhuah chuan ka nupui in ati a,a lungawi lo nasa mai.



"Naute tan vek alâwm,inchhung a i awm hian ahim ber"ka tih chuan tum barin min en a,a cute reuh takzet"naupai dang pawh an chhuak a,engmah harsatna an tawk hleinem"atih chuan ka thaw hak mai.




"Kan lengchhuak dâwn nia,"ka tisup a "iti tak tak em,"min rawn kuah paha atih chuan nuichhuak hawkin ka bu nghut a,anui veleh var var tawh a mood hi a inthlak ve reng mai.



A insiam laiin pâwnah kava chhuak a,ka bike ka check thuak thuak a tunlai chu ka bike achiang vak lo a ka khalh chhuak khat reng bawk.



Ka nupui ka lam pana lo kal chu ka reng a,kawrfual dum aha a,sleeper pangai abun leh tawp a mahse a mawi em em tho,engpawh ha se ka nupui anih chhûng chu a inhmeh vek ang.



"Leng na tur pawh a awm vaklo,tlang chu ke a kal nan a hla sia,khawnge i len duh a,"ka tih chuan ngaihtuah ve niâwm tak hian a ngawi vang vang a.



"Ka hrelo,dawr velah va kal mai mai ang"min rawn kaih paha atih chuan ka nui tawp,a leng chak lutuk hi a za zêk zêk maiin ka hria.



Dawr lam panin inkai rialin kan kal a,kan mi tawh te chuan min en duh hlawm khawp mai,dawr kan thlen chuan a thil duhzawng alei khâwm zung zung a, polythene lian khat a lei leh tawh a thil ei duh hi ahang thei sia.Naktuk velah chuan azo leh vek mai ang a thil ei atui a,amah pawh a thau reng bawk mahse a hmelṭha tho.




Dawr aṭang a kan chhuah chuan Mary leh Mamte-a kan tawk hlawl mai,"khawnge in kal dawn a"ka tih chuan Mary zawk chuan minlo en zawk a.



"Khitah kan han kal lawk ange,gas alo thleng antia Mary hi lakpui angai a,"atih chuan engmah sawi tawh lemlo in kan inlam panin ka nupui nên kan phei veleh mai a.



"An awmdan kha adik miahlo,i mitah tak an en ngam miahlo che kha,"ka nupui in atih chuan kuah pahin ka bu nghut a,"ka hria alâwm"ka tih chuan min en kar mai.



"Nakinah kala hre leh tho ang,Zomuana te an awm alâwm"ka tih chuan anui ve sak a,inlam pana kan kal te chu Mamtea te ringawt ka ngaihtuah a,a nupui hi a hmangaih ve hle in ka hria a,a uire san phal ka ring siloa mahse Mary hi mi thlem athiam a alo thlêm thlu anih vaih chuan nuam ati bik hauhlo ang,mahse khatah kha chuan tih theih vak ka neilo mi nupa inkar lehzêl a inrawlh ka duhlo,ka ṭhianpa ber ni mahse aman ka puihna min dil te anih ngawt loh chuan,ngawih san aṭha zawk.




In kan thlen chuan kanu in ka thing eh sa apho alo seng mek a, polythene a a thil khai lai ka nupui in min rawn pe in kanu lamah a phei leh vat tawh,henu che rang lutuk hi ka man hman ngailo reng reng.



"Inchhung ah lut rawh,i tello pawn anti thei lutuk,"ka tih chuan tum barin min en leh tawh,"misualpa i ninawm kalbo daih rawh,"atih chuan kanu alo nui hak hak a achang hi chuan amah a anglo lek lek zêl,a pum chhunga awm naute saw a ang zawk ṭhin,a thil sawi naupangchhia thei lutuk te hi.



"Ka kalbo daih ten min ngai leh ber tur ini asin,"ka tih chuan rum deuhin min en a,"ka ngai awmlo che e..."atih duai a inchhung ah a duhlo chung ka luhpui a,a hnuh in kan in hnuk ani ringawt pawn alawm lutuk hi chu ka tlangval lai ang chiah animai,kan fate chu an vakheh khawp ang.



Chaw kan eilai te chuan ka en leh zawk ṭhin a,a chaw chu a thai mai maiin ka hria,tih tham pawh a eilo chaw ei thleng vel an sengfel laiin roomah thil la tûrin ka lut a.



"Awi Sawmte ngatinge engtin nge i awm,"kanu in atih tuar ri ka hriat chuan hmanhmawh takin ka tlanchhuak a,"ngatinge"hlauthawng taka ka tih chuan kanu in ka nupui amal chungah alu a nghah tîr a,ka hlauthawng leh nghal vek,vawiin tlai a awmdan a diklo ka tireng ani.



"Damdawiin ah hruai vat angai anih hi,Mama motor va lachhuak rawh,"kanu in ati sawk sawk a,chet lawk nachang ka hrelo,"uMam hmanhmawh rawh"ka nau in mangang taka alo tih chuan motor chahbi la in ka tlanchhuak vat a.



Damdawiin lama kan tlan laite chuan ṭawng hriat tur awm silo hian a phun leh sep ṭhin a,atawp lam phei chu ati chang chang.



Mami(Remruatpuia nau)POV
Ka u motor khalh chu a tlanchak khawp mai,uJemma-i ka be harh deuh reng a,a harh hleithei meuhlo,a ka aṭang bawlhlawh a chhuak reng bawk sia ka hlauthawng ve takzet.




"UJemma harh hram hram rawh aw, damdawiin kan thleng ṭep ania,"ka tih chuan meng manglo in min chhang veleh ṭhin a, mahse aṭawng arin hranlo beng dawh hnaih loh chuan a hriat loh ang,a thleng sil lai khan alu adawm a arawn tlu deuh thut kha ania.



Damdawiin kan thlen chuan Doctor ten min rawn buaipui vat a, emergency room kawtah kanlo nghak deuh ṭhap,anu te pawh chanchin engmah kanla hrilh lo.



Ka u ka en leh ṭhin a,biak pawh kan be ṭawng hleithei tawhlo, uJemma-i a hmangaih zia ka hriatpui a,chutiang a a awm pawh chu ka hrethiam viau mai.



Rei vaklo hnuah uJemma-i chu an rawn nawr chhuak a,a hmel chu adang bai mai naupai a hawlo kan tia kanlo hlim ve hman nen.



"Hlauhthawng em em tur a awmlo,eisual anei ami"Doctor in atih chuan "neih awm pawh ka hrelo,vawiin tlai phei chu chaw a ei manglo"kanu in alo tivar a,ka u chuan uJemma-i kut vuan chungin abe leh sup ṭhin a, uJemma-i erawh in a chhanglo.




Jemma Malsawmtluangi POV
Ka awmdan chu ka sawi thiamlo,ka ni nghulh mai ka awm anuam lo takzet, Remruatpui-an min biak pawh chuan ka chhang peihlo,ka naute ka chanlo chu la vânnei takzet hetia ka awm chhan hi ka hre biklo,ka thil ei tidawn ila vawiin phei chu nidang aiin thil ka ei tlêm daih zawk ania.



"Khatianga i awm reng chuan ka ngaih aṭha dawn hauhlo ania,"Remruatpui-an atih chuan ka enve ta nge nge a,"ka ṭha"tih bakin ka chhanglo.



Damdawiin ah riakin kan haw thla leh nghal a,ka chau takzet engmah ka tih an phallo ania tûnah phei chuan khawiah mah ka kal an phal tawhlo ang,kan chhuah ni kher kher alo ni bawk sia.



In kan thlen veleh kamu nghal a,ka meng thei thlawtlo "muhil rawh,"ka hnunglam aṭang min rawn kuah pahin Remruatpui-an ati sup a.



"Ms Ms heti lamah lo phei rawh,"tihna lam ka hawi chiah chu kham aṭang ka tla thla vawn vawn mai,"awi bawihte ka fanu"kanu in ring deuha atih chu kala hre pha.



Min namthla tu ka en chuan ahma a uAndrew-a rawn hruai hmeichhia ngei kha ani,mahse na ka hre thei miahlo chu amak kati damdawiin a min hruaite chuan kalu a thi hnuang a,engkim chu ka hre vek mahse ka taksa ka tiche theilo.



"Bawihi Sawmte ngatinge,i bulah ka awm ania hlau suh,"tih ri ka hriat leh chuan ka harh zawk mai,ka lu chu alo huh deuh huam a, Remruatpui-an nghet zeta min kuah in ka hnungah a chûl hliau hliau a.



"Hlau suh i bulah ka awm tlat ang,"atih chuan ka thla amuang ve huai huai thei,nau ka pai aṭang mumang mak deuh deuh ka hmu reng a,kha ka mumang pawh kha a zawnin vawithum ka hmu tawh,chuan naupang mai kanla ni bawk,mahse engtin nge Mamtea nau daih daih ka hmuh theih.



Mutchhuak in min rawn zem leh chiai chiai a,mang ramah ka lut leh nghal riai riai.



A tuk zing ka thawh veleh kanu te ka call nghal a,ka mumang ka hrilh chuan an ṭawng pawh an ngawi hmak mai,"Mate i naupai vang mai mai aniang,"kanu in ati a,keipawn anih ka ring mahse ani velo thei tho bawk.



REMRUATPUIA POV
Tunlai ka nupui dawi lutuk hi a chhan ka hrelo,ahma a pawn chhuak chak thei em em kha tunah chuan dawr ringawt pawh akal ngam tawhlo a,mahse aṭha phian zawk.



School kal tura ka insiam laiin ka bulah alo awm ve reng a,ka hlatah a awm ngam tawhlo ani ber,"ilo kal ve duh mai em,office ah ilo awm mai anga"ka tih chuan a ngawi vang vang a.



"Ka hrelo,ka insiam lo laklawh bawk sia"ka kawr hma rawn siam ṭhat mawlh mawlh pahin ati a.



"Ilo kal châk chuan lo kal ve rawh,"ka tih chuan alu a thing a,"kalo kal lo mai ang ka insiam lo laklawh sia"ati sep a a awmdan hi ka hrethiam theilo achang in a thinchhe em em a,achang leh a zaidam em em a a naupai vang tepawh ani ve ang.



"Naute hi lo piang vat vat se,"apum dâwm pahin ati leh sep a,"hun akal chak alawm alo piang va vat mai ang,ṭha takin i pai dâwn alâwm lungngai suh,"ka tih chuan anui ve sak a.



School ka kalsan dâwn chuan kawngka biang vuan meuh in min en a,kalsan ka hreh ve khawp mai, school ka thlen pawh chuan ka nupui ringawt ka rilru ah a awm a,haw vat vat ka chak khawp mai.




Jemma Malsawmtluangi POV
"Nu naute hi pai tluan theilo ta ila,"ka tih chuan kanu in min en reng a "zin thawven te iduh em,Aizawl lamah te in entir pahin inzu kal dawn amawni le,i diklo riau mai i hlauthawng anih kha thil a diklo zawngin ngaihtuah lo la,"ati a.



"Chutiang lam pawh anilo nu ka awmdan hi ka hrethiam biklo,a hreawm emai"ka tih chuan a thil tih lai dah meuhin min rawn en a,"enteh Sawmte Brandon-a ka pailai khan i awmdan ang deuh hian ka awm,a hreawm zia ka hriatthiam pui che mahse thil a diklo zawnga i ngaihtuah tlat vang anih kha,in hneh tir tum suh"ka kut vuan chungin ati a.



Ka ṭah te a chhuak run thei,ka stress a nasat lutuk vang te pawh aniang,"nu ka ning emai hetiang hi engtikah nge a zawh ang, naute hi ka hmangaih lutuk mahse naute vang hian ka hreawm ngawih ngawih,"ka tih chuan min rawn kuah vat a.



"Ila hmangaih tawklo anih chu,alo pian hunah i hrethiam mai ang,"ati dap dap a naute hi ka hmangaih ve viau chuan ka inhria,mahse keimah ah hian diklo a awm.



Remruatpuia lo haw te chu biak pawh ka be leh peih tawhlo,min en in thawk ala hawk a,"ka ning khawp mai i awmdan hi ka hrethiam zêl che mahse i duh hun hunah chuan awmlo in i thinrim leh ringawt a,"room a kan luh hnuah ati khur khur a,a thinrim hmel khawp mai.




"Ka thinrim ringawt ami"ka tih chuan akut a hum ruh a,thinrim zetin tukverh ah a dâkchhuak a,a thinrim na bengdaih atum ve a niin ka hria,ka biak duh loh vang ringawt a chuti taka a thinrim chu ka ringlo ania,tunlai chu kan nupa pawn kan inhau ve reng mai,keima thiamloh ani tih chu ka hria mahse ka in control seng miau siloa.



"Ka tihpalh"ka tisep a,ka inthiamlo ve reng mipa ani a a insum thei zawk ngawt ka tia,nau ka pai tih kan hriat aṭang mipat hmeichhiatna kanla hmang miahloa,a chak ve thei hle tih chu ka hria mahse naute leh kei min tihnat a hlau a,a insum ṭang ṭang ṭhin ania ka chhuang phian zawk.



"Ka tihpalh tak tak ania,"a hnunglam aṭang a kuah paha ka tih chuan ka kut arawn vuan ve vat a,"engtia awm nge iduh"atih chuan ka hrethiam lo.



"Enge i sawi awmzia"ka tisep a,"awm hran rih iduh em hun ka pe ang che mahni a awm iduh rih anih pawn ka phal ang,"atih chuan mak ti lutuk in ka en tlawk tlawk,"min ning emni"ka tih chuan alu a thing a.



"Ka ning hauhlo che mahse hun thawl i mamawh anih chuan ka pe ang che ka tihna anih kha,room hranah pawh ka awm rih mai ang,"atih chuan mittui tling pamin ka en a.



"Ngatinge min hnawh bo phet itum a,"ka ti tham ṭiak a,"chutiang lam anilo hun thawl i mamawh leh mamawh loh ka zawt mai che alâwm,ṭap suh le"dam dapin ati a ka chalah arawn fâwp vang vang a.



Ni te aliam ve zel a,ka naupai pawh thla rûk lai ani tawh,kanu sawi ang in thil a diklo zawnga ngaihtuah ka ching tawh ngailo a,ka pum pawh apuar ve ak tawh, Remruatpuia ber ber hian a hlimpui leh a,ka pum chhunga mi chu abia a be ṭhin a,ka thil ei pawh atui leh tawh,thla khat vel aizawlah kan zin a kan in entir nghal bawk naute a ṭhat thu min hrilh a,damdawi erawh min chawh hnem khawp mai,ka u te fapa pawh alian ve tawh lutuk.




"Sawmte i awm maw,"kawngka lam aṭang a Rohlu-in arawn tih chuan ka hawi vat a,"lo kal rawh"nuisâng in kati a.



"Hei Remruatpui-an lo han pe rawh atia,kalo lut kawi lawk anih hi"tih pahin coconut pum nga vel dawhkan ah adah a.



"Kan van lawm ve"ka tih hnua thingpui lum ka tum chuan a hmanhmawh thu asawi a,keipawn kalo tilui biklo.



Remruatpuia leh Mamte-a te huanah an kal a,Mamtea leh Mary kan hmuh ni bak kha Mary hmuh tur a awm leh tawhlo, school aṭang abang ta daih bawk sia,a chanchin kan ngaihven vaklo bawk nen hriat dan avâng.



Mamte-an khami khan gas la tûr nilo in mipa pakhat hmuh pui tura a sâwm thu asawi a,mahse tunge anih erawh a sawilo thung.



Kanu leh Mam-in pawnah thing an ek a,kapa erawh a lengchhuak thung gas a chaw ka chhuan kai hnuah kanu te thing ehna bulah ka ṭhu ve ta reng a,ka puma naute chu a che nasa thei khawp mai, Remruatpui-an hmeichhia anih aring deuh tlat a,keichuan rindan pawh ka nei thiamlo mahse kanu in hmeichhia aniang ati sia,keipawn hmeichhia anih ka ring vek.



Kan kawmthlang ah nau en thiam a awm antia,kan entir a ani pawn hmeichhia ani ang ati kha ania,Mami erawh in mipa ati veleh tlat thung.



Remruatpuia alo haw chuan ahuh hnuang mai,inchhung a alut chu ka zui lut ve vat a,"zanah Mamtea te nen luia kal kan tum a,sangha te kan zu man ṭeuh ange,"ati a keipawn ka hnial lemlo.



"Chaw eikham ah ami in kal dawn,"ka tih chuan abu nghut a,"va intifai phawt la chaw a hmim ṭep chawhmeh chu ka siam vek tawh,i ei hma mai dâwn nia,"ka tih chuan bathroom ah alut ve vat a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)