"I kut hi dah thla teh," atih chuan thaw deuh hakin muang changin ka la thla a, rawn zen lut chho in ka hnu te pakhat zawk chu arawn hum zui hmiah. Ka nghawng chu la fawp dek dekin a kut pawh tlem tlem in ati che ve, nasa erawh anilo thung. Ka nghawng afawh na chu ti na tual tual in ka thisen hip chhuah atum emaw ka ti tawh; ana lutuk chu tawp turin ka ti chul mai.
A tawpah chuan a in la hrang ve ta hram e," Heihi ka ta ini tih ka hriat tir ve theihna che anih hi, engmah tih iphal bawk silo," ti tau aw lek lek chuan arawn ti a, ka chal chu achal in na lo te in arawn toh dat. Ka sir a muthla leh in a kut erawh ala la sawn lo. Ka nghawnga ahmai rawn phum in min si chetin arawn mu a," Muttui ka note," tih pahin a tawp nan ka nghawng chu arawn fawp leh zeuh.
"Emma," zawi sap hian arawn ti leh a," Imm," kalo ti nghal vat.
"Ka ngai che," arawn tih chuan ka nui nghawr deuh dat." I over emai aw ibulah ka awm reng hi," ka tih chuan a kut chu dah sawn in ka taksa chu nghet zetin akuah khawm sauh sauh.
"Ka kianga i awm chung pawh in ka ngai che chuvang chuan min kalsan thei inilo, ka nun a ilo lan atang khan i tello a awmdan ka zir tel tawh lo tih hria ang che. Min kalsan vaih chuan ka zawng hmu che anga, ka that duh maiang che," arawn ti deuh duah ka beng bul set a tawng nilo se chu ka hre theilo hial ang. A phun sep sep ani ber min hrilh ni pawn ka hre tawh lo a ngaihtuahna asawi chhuak vel mai mai tawh ni ber in ka hria.
Mahse chu a thusawi chhuah chuan enge maw tak awmzia anei ni ah min ngaih tir lo theilo, kha thu asawi laia a taksa tang mar tak leh, ka kalsan hlau ni awm taka min kuah nghet zual sauh sauh te chuan ka ngaihtuahna ati kal thui viau mai.A thawk dan atang amuhil ani tih ka hriat rual chuan keipawh in siam rem sauh sauh in ka mit ka chhing ve ta ruai ruai a.
'Ka hmangaih che, Emma' chu thu chuan ka mutui lai chu min than harh tirin muang changin ka meng deuh riai riai. Ka harhfim deuh takah chuan min kuah bet tu pawh ka hre nghal thuai, tlem a tlem ah ka awmna ka hai dawn alawm le. A muhil hmel chu enin ka nui deuh var var a hmel hi chu atha ve thlawt ani, naute an zing tho an hmai anung deuh sar ang mai hi ani reuh lehnghal a. Amizia nen a in perhsan lutuk chuan min nuih tir lo theilo chutia ahma vel kalo khawih kual dan dan lai chuan," Min ei zo daih maila," meng chuang miah lo chuan arawn ti deuh sap a, kei kalo phu deuh uih.
Tho teh dar egzat nge tih paha nem sawn in ka thu chhuak a, ka phone chu ka bih zui nghal. Ka en chuan Hilda-i call na alo awm deuh nual a, mak ka ti ang reng ka hrilh lawk vek bawk si angaihna hrelo zet chuan ka call back nghal thuai a, rei ring lo in alo la nghal vat.
"Awi U Emma, nizanah miin inin an rawk ania," hlauthawng zet a arawn tih chuan," Maw," tih pahin ka ding chhuak deuh hluai. "Rawk tih ah maw kan en kual vela han bo em em phei chu ka hmulo mahse inin chhung kha alo in ching let nasa tawp amaw..khum a puan phah te kha a in hai darh vek a, zawn nei an ang te ka ti rum rum zawk," arawn tih chuan ka in ngaihtuah fim leh vat.
"A ruk ru satliah mai mai anniang engmah han ruk em em tur a awm chuang lo pawisa vel a cash in kawl ka nei chuang lo a, nangpawn bo ihriat loh danah ruktur an hmulo anih dawn chu," dam dap chuan kan ti a," Mahse maw U Emma an chetdan hi mak tih deuh riau na ka nei rukru tur nilo in iin chhung suasam tur a kal ni zawk te in ka hria an chet dan en hi chuan," arawn ti leh a ,"Chuan chhuatah hian thil senin sign ang deuh mai hi lian lutuk lo in alo inziak bawk a," arawn ti chhunzawm leh nghal zat.
Tah meuh chuan tlemin ka awm ati nuam lo ta deuh "Thla la la minlo thawn chhin teh," ka tih chuan lo vuan lawk tura min tiin reilo ah thlalak chu min rawn thawn a ka en ve tak hnu ah ngat phei chuan rukru tur annih ka ring ta tlat lo; min tihbuai tum tu an awm niin ka ring ta bur.
"Engthil nge," rawn ti thum dut tu avang chuan ka phu deuh zuk; a awm ve tih pawh kalo hre tawh hleinem le." En ve teh nizanah kanin ah mi an lo lut a," tih pahin thlalak chu ahmuh theih tur in kava dah a, ani pawn alo ban nghal thuai. Chiang zeta en in sign in ziahna lai chu a zoom nasa ngang mai a hmel nelawm tak kha in thlak tial tial in ahmel chu arum sawt viau, a phone ah in thawn zui ve nghal zatin ka phone chu min pe let a," Enge itih dawn," agaihna hrelo zetin ka melh reng.
"Va inbual hmasa rawh, inbual zawh ah thil kan ei dawn nia," min biak chuan adam leh ang thluam lawi a. Keipawn ti buai chhunzawm duh loin bathroom ka pan ve nghal vat ka luh hma a," Thlalak kalo thawn che kha lo en la lo zir chiang ang che," a tih chu ka hre pha hman mahse adang erawh ka hre tawh lo.
Ka inbual zo ka va chhuah chuan khawi ah nge maw alo kal ni alo awm tawh lo. Khum a thawm hnaw lo awm chuan ka mit ala nghal vat, ka thawmhnaw ngei ani. Engtik in nge maw alo va lak tir hman ni ahnuaiah under ware athar tih hriat tak a in suit thlap hi alo awm tel tat bawk 'Engtin nge maw ka size te alo hriat vel reuh ni' tih paha phun sapin ka nui deuh suk suk.
Ka inthlak fel hnu chuan chhuah tumin kawngkhar chu ka ban thuak hman, pawn lam atanga anrawn hawn avangin ka ding leh dat a, chutah ka hna thawh pui te, in hnuailam ami hmeichhe pathum te chuan ei tur hi an rawn keng lut sap sap a, an hmel lah chu min tih laih an tum vel khanglang emaw ni," Hei inpa in han pe rawh u atia, amah pawh arawn chho tep ang," nui deuh pat pat chunga Silviai'n arawn tih chuan ," Awi in over emai aw," tih pahin keipawh chu kalo nui ve var var.
Zac arawn lan tak avangin anni chu an chhuak leh nghal a, tunah chuan ahmel hmuh pawh anuam leh tawh viau. "Tinge irawn dah tir kher a," ka bula arawn thut thlak rual chuan kalo ti a," Aw nuam itih loh ka hlau a," atih chuan min ngaihtuah ve zia ka hriat nawn leh phah ka hlim tak zet ani. "Vawin chu kan leng chhuak dawn nia," atih chuan ka melh nghal vat," Iti awm ang lo e a, hna thawh ka ngaih hi," ka tih chuan aner deuh nang.
"Pangngai tak pawn kanla in date miah lo," lungawi loh hmel zet chuan min rawn melh a ka nuih ati za zawk e a. Tuna ami zia hi tu hmeichhe dangin nge anei ve tih hria ang le, a nuna ka lan hma khan tu hmeichhia in nge he mipa hi ata anga lo chei bawl ve tawh ang, chunu chu ka thik phak nilo mahse ka thik takzet ani. Ka mipa hmangaih ber nuna kei aia hmasa hmeichhia chu.
"Aw nge aih," rawn ti nghut tu avang chuan ka phu deuh zuk ka va melh chuan minlo melh rum nasa mahse tuna ahmel erawh hlauhawm nilo a, ka laka apan channa hmel ani tlat. "A, aw nia i thu thu alawm..kan chhuak dawn nia," ka tih chuan min la melh kar reng. Ka thil ei lai chu tawp deuh chatin ka va melh let ve a," Engee?" ka tih chuan," Min ngaihsak lo riau, tu nge kei aia ingaihtuahna luah zawk tu mihring chu," ati deuh nghut kei kalo hamhaih nasa.
"Enge maw isawi reuh le," tih pahin ka chal ka ti chuar deuh nang tuna ahmel hi chu ka mihring hlauh tak hmel kha ani; a awm dan hi ka hrethiam lo takzet. Ka kha be a nghet zet a rawn dawm in," Ka ta chauh ini ihria em? Midang inrawlh ka duh hauh lo. Nang chan ai che chuan tu nunna pawhin tuar se pawi ka ti hauh lo tih hria ang che," a ti deuh hmuk; ahmel rum lutuk leh achet dan chuan min thawngin min ti hamhaih takzet, ka thin phu ati rang hle bawk.
"A, ana ania," a kut chu ka vawn hnan vat a, chutah ahmel chu inthlak deuh hlawkin akut pawh chu ala thla zui nghal vat bawk. "Note, ka ka tihpalh ka tum ani miah lo," inthiam lo hmel zeta min melh chung chuan ati a, a mi vawnna lai te chu arawn dap deuh chung chung bawk. A kut chu lo vai thlak sak pawpin," I ran khawi lai iduh duh anga itih kual theih ah min ngai hauh suh Zac Morron, kei chuan i nuna hmeichhe awm chhun nih a ihmangaih tak nih ka duh i thuhnuaia awm tur hmeichhia nilo in," ka ti a ka vin hauh lo mahse, ka tawng chhuah dan atang ka lungawi loh zia a hriatthiam ngei ka ring.
Ka bula ka bag chu la in ka ding chhuak vut a, kawngkhar lam ka pan zui zat. Ami kohna pawh chu ka ngai pawimawh duh lo rang takin ka chhuak a, ka hnungah min rawn um zui zel, mahse ka hawi let hauh lo ang." Emma ding rawh ka tih chu, phiangsen che hian," ti vin deuh hrawk in chak zetin ka hmaah min rawn tlan khalh a, min pu nawlhin room lam panin apen chho pawk pawk. "Min thlah rawh zawnga, ka hua che min thlah teh," tih pahin ka tal chiam chiam a awmzia erawh anei lo.
Kawngkhar chu hawngin min luh pui a, a khar ri zui leh nghal thuai kei kalo phu nghek. Ka tah te lam lam achhuak tawh tunah tak chuan hepa hi ka hlau ani. Khumah chuan min nghat dawp in thawh ka tum chu ka chungah arawn lawn zui nghal zat, ka kut pahnih chu akut a man bet in ka ke chu che thei lo in a siam zui zat bawk," Min thlah rawh," tih pahin kala tal ve fat fat." Duh tawk teh," ning tih hriat zeta arawn tih vin deuh hrawk avang chuan keipawh ka che lai chu ka tawp chat.
"Emma khawngaihin, min hriatthiam tum teh khawngaihin. Chan che ka hlau em ani ka tihpalh ," ti mawlh mawlh in a chal chuan ka chal chu arawn ti si a amit achhing deuh vang vang. "Tho teh," ka tih chuan rawn mengin a thaw chhuak deuh halh. Thu awi takin a awm sawn ve mai muang changin khum atang chuan ka chhuk a, ka kal sawn leh hma chuan khuma thu chungin nghet zet in min kuah bet a, ka dul zawnah ahmai aphum tlat bawk.
"Thinrim tawh lola," atih chuan keipawh thaw chhuak deuh halh in," Ka thinrim lo," tih pahin a lu chu ka chul sak hliau hliau uluk takin ka ngaihtuah a, tun hnai te atang khan a mizia hi a in thlak takzet ani; enge achhan ni ang ka hrethiam lo takzet.
"Insiam la kan chhuah dawn kha," tiin ka melh thla a, muang changa in la sawn in khum atang chuan arawn chhuk a ka hma takah arawn ding zui zat. Ka lo melh kar lai chuan a kut leh lama ka biang rawn dawm in muang dam raih hian min rawn fawp a, rei pawh ani hek lo. A in lak hran hnu chuan nuih deuh suk pahin," Insiam rawh le kan tlai lutuk ang," dam dap chuan ka ti leh a ani pawh abu ve nghat.
A insiam lai chu ka thlir reng a, a mize inthlak deuh thut chuan min kam deuh run mai. Eng tak hi nge achungah thleng a a rilru luah tu chu ni ang, a harsatna te hi chhawk ve thei tal ila chu ka awm anuam deuh thei tur emaw, ka lakah tal hian sawi chhuak se a thawl phah deuh zawk angem?
A inthlak zo tawh tih ka hmuh chuan," Chhuk ila," kalo ti nghal vat." Lo nghak lawk tiang kha chuan ikal thei loang," atih chuan ka harhchhuak deuh zawk ka va han â tak ani suit nen a ni thluam a, kei ka chheh chhawl thawm hnaw nen. "Ni tak engtin nge niang chhuah pahin ka lei nghal lawk maiang," ka tih chuan," An lo thleng tep," tih zawngin min chhang.
"Tu te maw?" Ka tih lai takin khawngkhar an rawn kik karh karh a Zaca'n lut tura alo tih hnuah kala hmuh ngai miah loh hmeichhia pa li uniform in ang vek ha hi an rawn lut a eng eng emaw an rawn keng nuai mai." Ti khan lo in buai pui rawh u in hnuaiah kalo nghak ang che," tih paha asana en zeuhin," Darkar chanve hun innei," tih paha hmeichhe ho chu melh in anni pawh an lo bu sap sap, an hmel atang chuan Zac chu an nel lo hle tih ahriat theih an hmel leh mitmeng atang in an tit zia alang chiang em ani.
Zac achhuah hnu chuan min buaipui tan nghal mawp mawp a, rin aiin an fel daih. An tawng duhin an nui duh reuh sia, min buaipui pah chuan an ti ti mial mial a kan nui ho leh dar dar thin. Kawr hak leh make-up, sam zawng zawng thleng in an ti nghal vek a hman hmawh erawh an hmanhmawh ve ang reng viau. Sana chu en zauh in nui suk pahin an zinga a hotu deuh ber chuan," Kan him e," ati deuh sap.
Darthlalang hmaah min kai pheiin chuta ka in hmu chiah chu ka meng phawk ngang mai keimah ka nilo emaw ka ti dawn rum rum alawm mawle. Duh aiin ka in chei mah mah deuh chuan ka hria ani, date mai mai tur atan chuan," Duh aiin ka in chei inti ve deuh em?" Ka tih chuan lu an lo thing sap sap an zinga pakhat chuan," Mr.Zaca i chhuah pui dawn chuan amawi thei ang bera lang tur ini alawm mawi tak ini tur ani," nui sang hian arawn ti a.
"Le chhuk ila, inhnuai ami pawn alo nghak hlel tawh ngawt ang che," tiin an hotu nu ber chuan hma ahruai a. Kan in zui thla tham tham lalfanu te pawh ka ang dawn dawn in ka hria a, min chei bawl dan vel hi chutiang ngaihtuah chuan kalo khi leh suk suk thin; a disney movie riau tawh tlat ani. Zaca'n min hmuh chuan a rilru tur awm ang ka hrethiam lo anui lo a, thutak runin min melh vung vung a mit erawh ala sawn aih lo.
Ka lam panin arawn kal a enge maw tal keima chungchang ah asawi ve ka rin teh lul nen," Kal ang kan tlai palh hlauh ange," tiin ka kut ah chuan arawn vuana ka hnual deuh ruih mai. Muangchangin kan in zui chhuak a, car kawngkhar chu hawngin keipawh ka lut nghal vat a, a rawn luh ve hnu ah kan tlan chhuak zui nghal. Ka tawng lo a, ka nui hek lo hmalam ka melh ding ngar a, ka mit sirin min rawn melh leh zeuh zeuh thin tih chu ka hria mahse ka ngaihven duh lo.
Kawng sir ah car chu ti ding in min rawn melh vang vang, kei erawh ka awmdan ngai in ka la awm reng thung."Enge maw ihriat le..enge dik lo?" arawn tih nghut chuan kava melh ve ta hram," I tan ti khawp hian ka in chei a, vawikhat te mah ka incheidan inthuam dan i ka atang in achhuak miah lo i sual si," ti deuh hmukin hma lam ka hawi tau leh hmak; zep loh chuan e, ka lungawi lo chhia va ani.
A nui ri deuh hawk ka hriat chuan kava melh nghal rawm rawm," Ka mitmeng atang khan ichhiar thiam mai kalo ring asin, ka nunah nang aia mawi leh nalh tu hmeichhe dang mah an awm lo," tiin ka kut chu rawn la in min melh kar a, kei erawh kala nui duh hauh lo thung. " Mawi tih tawngkam hian tuna ilan dan hi sawi fiah zo ni se imawi ka ti ang chu," tih paha ka biang rawn piai zeuh in ka hmui ah arawn fawp zeuh.
"Khawimaw teh i over lutuk; kan tlai ihlau ani lawm ni kal vat ta che," ka lai lutuk chuan ka ti zui bawrh bawrh. Nui deuh sukin," I thu ber ee..," tih pah chuan kan tlan chhuak zui leh nghal a, building khawi emaw lai vela kan kal ka rin teh lul nen kan tlan na chu khawpui pawn lam ani tawh tlat, kal zelin kawng peng pakhat ah kan peng a, rei vak lo kan tlan leh hnu ah phaizawl hmun zau nuam pui mai hi kan va pawh hlawl.
Ahmun chu nuam tak ani hnim hring te reuh te te lei ah chuan ato khat vek a, chumi chhung luh hma chiah chuan motor chu ti dingin adah na hmun tur an siamah chuan adah lut leh te te a. Chutah ka bula rawn kal in aban chu arawn ti kau a, keipawn kalo vuan zui ve nghal zat. Thli athaw heuh heuh a, sava chi hrang hrang thlawk leh hram ri pawh hriat tur a tam viau. Pangpar chi hrang hrang te chu an par vul chuk a, mawi taka rem tlar thlap ani bawk.
Thei chi hrang hrang te pawh awm in arah hmin ter tuar hlawm leh nghal. Khawvelah hetiang hmun hi a awm thei ang tih pawh ka rin phak loh hmunah ngei mai tunah hian ka awm chu ani sia, a ropui dan chu mihringten a Vanram kan mitthla nawm thiam dan ber ang mai ani. Kal kawngah chuan kal zel in lui lian pui cham dul mai pawh kan hmu pha ta, awi amawi hi ani tawp; chu lui thlen hma deuh ah chuan in han tih dawn a abang engmah awm silo hi alo awm a, a zau phian leh nghal. A enkawl tu ni awm tak mipa li lo awm in Pakhat chu pawnah lo dingin kan lam chu arawn hawi a, adang ho chu dawh kan bulah an lo ding thap thung. A hmun kan zuk thlen chuan hlim hmel pu sang chung hian," Mr & Mrs Morron, he hmunah hian kan lo lawm ache u, hun hlim awm tak in hman ngei ka beisei," tih pahin a kut chuan kalna tur lam chu min kawh hmuh in amah chuan hma ahruai zui nghal zat.
Ngawi lawk teh tunah khan Mr & Mrs Morron ati em ni? Hepa pui hian kan in nei tawh ang te in alo sawi reuh amaw ni. Ka thutna tur chu min pawh chhuah sakin min thut tir a, amah athut ve hnuah aban chu vai zeuh in midang ho chuan zahna chibai bukin an kal sawn ta diak. A thil tih hian min thawng takzet ka beisei loh lam daih anih vang nge ni," Nuam iti em?" Arawn tih chuan kan awmna hmun chu zawi muang hian kan en kual leh te te phawt.
"Hetiang hmun hi atakah a awm ka ring ngailo, amawi, nilo, aropui ka ti dawn nge sawi ngaihna pawh ka hrelo," ka tih chuan mih rawn nuih seiin ," Hetiang hmun hi ingaina tih ka hriat vang alawm heihi ka thlan vawin atan he hmun hi kan ta ani," arawn tih chuan kalo meng phawk ngang mai," Tak tak maw a hmun tawp hi i book tihna ami?" Ka tih chuan," I tana ka tih theih ang zawng zawng chu tihsak vek che ka duh," tih paha rawn ding in ka lam chu arawn pana kei in kalo melh kar thung.
Ka hnung lama akal en ka tum chu," Lo che suh," atih avangin ka tawp leh dat. Chutah ka nghawngah chuan thi min rawn awrh tir a, Arsi niin achhungah thla a awm thung," Amawi lutuk mahse Zac, engmah pek tur che ka nei velo asin," nuam lo ti zeta ka tih chuan ka nghawnga rawn fawp zeuhin," Nang hi ka tana thil pek hlu ber ini; nangmah bak duh dang ka neilo," atih chuan ka mittui ka dang zo ngang lo.
Ka sir a rawn dingin min kai tho a, ka mittui chu a kut tanga hru in ka biangah chuan a fawp leh zeuh. Thlang lam ah min kai thla in chhuat tawpna chin ah chuan kan ding duna, ka hnung atanga min rawn kuah in tui pui cham dulh mai chu kan thlir dun vang vang. Min hmangaih thu sawi ve chiam chiam lo mahse achet dan engkim ah ati lang thung si, ka pi in min kalsan hnu atanga ka khawvel neih chhun lo ni ta. Ni e, ka hmangaih ani ka hmangaih tawh takzet ani.
Chumi nileng chuan chulai hmunah chuan hun hmangin thei te chu kan lo a, thing buk hnuaiah thuin ka mal chungah a mu ar ar bawk. Vawin hian mipa rorum leh khirh tak, mi zawng zawng hlauh rawn, mi hosa tawn tawn, mi chal lang tak ang nilo in mipa khat ve mai angin ani ka kiangah a awm ni. Ka mal chunga muhil sak sak lu chu ka chul hliau hliau a, van lam hawi in ka thaw chhuak deuh halh. "Nu, pa infanu induh loh a inkalsan tak hi van atang khan min rawn hmu ve angem? Nang nin a min pek theih loh hmangaih na chu ka pi leh ka kianga awm mek mipa hnen atang hian ka dawng asin," tiin ka phun sap.
Khatianga kan in an lo tih avang khan tlemin ka hlauthawng deuh a mahse Zaca'n engkim atih fel tawh thu a min chhangin, a hlauhawm tawh loh thu asawi chuan mak kalo ti viau.
"Tute nge annih a?" Ka tih chuan," Theihnghilh daih rawh," tih zawngin min chhang ka lungawilo dawn viau a mahse, a nihna ka ngaihtuah in a bialnu ka ni bawk nen tlem chuan ka ngaihruat thiam ve ta deuh.
Kan inah min thlah tlang nghalin rawn lut kawi tawh loin ani pawh ahaw nghal a, ka phur lo hle. Thlalak atang khan ahnawk nasa mai si a, phur lo zetin kawngkhar chu ka hawng kawngka te atang in an lut aniang tala chu alo him pial mai. Tala ka hawn rik ah chuan Hilda-i pawh arawn lang nghal thuai a, min rawn nuih leh nghal vur vur tawh; set sawt hian a.
In zui lutin in chhung ka hmu chu ka hamhaih leh hnu hnawh Hilda-i chu ka melh nghal vat ani lahin ha then thu in min lola nuih zui, he nau han fel zia hi chu aw..."Awi, tih fel tur atam dawn sia ka tia kalo peih lo lutuk a, ka van lawm tak," ka ti nghal mawlh mawlh ka lawm tak tak em ani.
"Naa aho emai enge vawin lam chan chin," a tih chuan kalo nui deuh suk. Huan a kan awm lai khan min rawn call lehin Police lam a biak dawn leh dawn loh min rawn zawt a, mahse Zaca'n angai lo atih avangin keipawn ka ti ta bik lo. Chuan in date tura kan chhuah thu vel athu phungin ka hrilh ve kha ania, ahmun hma vel te kan sawi chuan ani pawn chutiang hmun chu film vela an siam chawp angah chiah hian a awm alo ring ve tho, a kal chak ve hmel viau bawk.
"Nangni in in date tawh em?" Ka tih chuan ," Imm kan nih tan tirh khan ania mahse keini chu Hotel ah ania a changkang lutuk mahse in kalna ang hmunah chuan ka kal ve chak daih zawk," atih deuh nuah nuah chuan kalo nuih suk.
"Naupangte-a te chu ala nuapanga i mizia, duh zawng, ngainat zawng tih vel chik na chang ala hre vak lo anih dawn chu; nangpawn hriatthiamna thui tak nen i en ve tho angai ania," ka tih chuan alo bu ve nghauh nghauh.
Ka in tih fai hnu chuan zan ala reilo bawk nen thuthlengah thuin phone ah movie kan en leh a fiamthu lam ani bawk nen kan nui ar ar reng. Chutia kan lo ei tui lai chuan kawngkhar an rawn kik a, ka phu deuh zuk.
In tan liau liau kalo kir a ka thawnthu ziah te inlo chhiar chak ve thin a ka lawm takzet
minlo chhiar sak leh zel turin ka ngen ache u 🥰