Lovers By~ Rengpuii Lushai > Complete

[Abbra Reo Ririni]

Lovers

Chapter ~25

By~ Rengpuii Lushai






Kan nun a hmachhawp kan neihah Hlawhchhamnate, hlawhtlinate kan tih sual leh țhatte eng mah a thleng lo a nih chuan bul țan miah lo kan la ni ang an ti fo țhìn, bul ka lo țan tawha mah se hlauhthàwnna avàngin ka tang a, ka bul țanna ai chuan a tâwpna țha ka neih theih a pawimawh zia ka hriat tharna chuan ngaihtuahna thar min pe a, ka pa sawi fô țhìn chhungkua leh mi dangte nen inlaichinna țha nei tùr chuan mihring chaknain awmzia a nei thui lo, a hmanrua pawh a hrang daih tlâwmna chiahin a siam țha țhìn' a tih awmzia tak kha ka man fiah theihna ka hmu mêk niin ka hre bawk.




Ka ngaihtuahna kâwm chuan nui leh sak sak țhìn a, " ngaihtuahna lamah nên lam achangtupa chu a che nâ a ni maw?! " u Chd-a'n a rawn tih chuan ka sen awp awpin ka ring, ka beng nên lam chuan a sa nghâl hat hat bawk. Ka nui heu ringawt tawp mai ni, mi sawisak na tùr dap rêng rêng a khawsa an ni bawk a, min hmu fuh thei ngêi mai. " pasal min neihsan thut ang tih hlauhawm tak a ni, " u Hlutea'n a lo ti nghâl zat bawk a, " Pasal neih neih a ngai lo vânglai a tãwi, " Rinawma'n a lo tih chuan, " Val senior-te inhnemna , " ka lo tih zauh chuan an lâwm ngang mai, kan vai chuan chuan kan nui chhuak vek a, Rinawma sawi fuh lo inti lutuk chu ka nuih zat zual sauh bawk a, a hlimawm ngei mai.




Nizân u Zomuana min rawn țhâwnzia ka ngaihtuah nawn leh chuan ka nuih a za bawk sia, a hnu lam kan boruak phei chuan min ti hlim veng veng a, ngaihtuah loh ka tum pawhin chhûngrila hlimna awm thup tlat chu a harsa ngêi mai.




Ka rai ring lutuk khân min rawn zâwt tawl a nih kha, kei lah ka lo hamhaih nasa si ka chhàn ngaihna hre lo khân, phu dup dup chungin, " Eng vàng ngawtin nge ka rai ang a, min ti phu alàwm, " ka lo ti nghek a, a la na ngang mai, " Hmangaihzual i tih tlâk vaih chuan aw ka en liam mai mai dâwn lo che nia, " a rawn tih hmuk chuan ka lo chek tlak tlak a, " Ti tla tùr chuan rai phawt a ngai, sawi bawl bawl chî pawh a nih loh chu a, " ka lo ti hlar tawh!





" A tih pawh kan ngam chuan eng nge sawi mai mai, " a lo ti ve leh hluk bawk a, thil eng mah awm hlei lova kan inhnial chiam chu ka nuih a za thut a, ka nui chhuak nghâl hak hak bawk. " I nui rî ka hriat khât tawhzia hi i hria em? " ril ruiha a rawn tih dul raih chuan ka nui tâwp chiang hle, " ka nuih theih nân awm hek lo che, " ka lo ti lêt hmaka ka thin chu a rim châk leh tawh hlê, thu țha leh fuihna ka dâwn zo zaite hi engati nge kan inhmachhawn hian ka tih theih ngai loh, inthununna hlauh khawpa ka khawsa nghâl zêl hi ka inzahpui lehnghâl țhìn tho sia, ka nun hah leh hrehawm lutuk hi amah hi ka ngaiin ka thlahlel lo a ni lo, amah nên kan inhmachhawn ruala ka awm dàn hi ka hriat thiam phâk bâk a ni tawh!






" Ka ngai tawh che nia, ka duat châk viau bawk che, " ka chhànna hre lo ang maia a rawn tih leh chuan ka insût chhuak hraih a, " ka ngai che a, kuah che a i rim tui tak kha hnim theih ka châk bawk, " thaw hawka a rawn tih leh chuan, ka lo țah nuih hak a, " I sual êm alàwm, " ka ti hmak, ka thinrim châk a, ka thinrim tak tak tawh loh zia erawh kan chiang ve vein ka ring.




" Ka hria țûl lovah ka inti nâ a, nang pawh na takin ka hliam tel bawk che, " thaw hawk chungin a rawn ti leh hulh a, hrehawm a tih ve hmel lutukte chu atân hrehawm mah se ka bengah chuan ngaihthlâk a nuam tak zet, kan boruak chu hlimna avânga nui rîin khat lo mah se chhûngril erawh a hlim veng veng thung a nih kha ! Ka ngaihtuahna avàng chuan ka mit meng thlengin a êng set setin ka ring a ni.





Chhûn chawlh laite chuan ka phone chu ka melh leh zauh zauh țhìn a, ka beisei ang erawh ka dawng lèm lo. Phone a khawih tlêm êm avàng hian a hmâ kha chuan ka beisei ngai lo kha nia, vawiin chu ka melh khât tawk renga a reh zui leh nghâl vang vangte chuan min ti hnual leh lek lek tawh, ka rilru a no êm êm a phût leh beisei ka nghah lutukte chuan hei ngei hi a nih ka ring a laka ka beisei, min thlêmin ka rilru hre thiam se ka duh lutuk vâng nita berin ka hria, vawi leh khata min hmangaih tùr khân ka ring lova ka beisei hek lo; mahse, a lo dawnsawn dàn erawh a dang daih si a nih kha, kan chak lohna leh kan inbeiseina ve ve a lo inang pawh a ni mahna.







In ka thlen chuan ka naute pawh an lo thleng ve chiah a, kan han inti fel sang sang a Kimkimi bîk chu Lehkha zir tùrin ka ti zui a. Exam an hnaih tawh avângin amah pawh a phâk tâwkah a țang ve hlê.




" Chaw kan rawn ei dâwn pahnih tân chaw min lo chhum kêp rawh, chaw hmeh lo siam lo la kan rawn lei dâwn, " ka phone ka chhàn rual rual chuan Lalkuri'n a rawn ti nghâl thâwr a, " teh thut che chuan, tu nên? " Ka lo ti ve thuai a, " Chaw kha lo chhûm țeuh la ni mai, kan load hnem fû ang, " nuih kar kar pah chuan a ti liam leh puata, a sawi țha duh lo vêl lutuk chu zâwt zui tawh lêm lo chuan ka lo chhum kêp tùr thû sawiin kan inbiakna pawh chu kan ti tâwp zui mai a.






A rawn hruai tùr chu han rin dàn tùr mai pawh ka hre lo, a bialpa ti dâwn ila ka hriat lohin a nei dâwn dèr si lo, ngaihtuah zawm duh tawh lo chuan chaw chu ka thlâk kêp ta vat zâwk a, chaw ei neih dâwn phei chuan a hmâ tawh lo tlat a ni.




Chaw ka chhuan chhûng chuan inbual tùrin Bathroom ka pan nghâl vat a, ka hmanhmawh ru zek zek chu eng nge a chhàn pawh ka hre thiam chiah lo, an lo thlen hmâa lo inpeih ka duh vâng pawh a ni mahna.



Ka inthlâk mêk laiin Kawngka lamah thâwm a rawn awm avàng chuan ka beng ka chhi nghâl hrâ a, Zohera'n a chhâwn avàng chuan ka inha zui nghâl sawk sawk bawk, " Awi a tenawm vêl e, a lo inbual vêl thlap a maw an music te hi an inman vek a nih hi, " a tih lawng lawng chuan ka țhensak, a sawi dàn vêlah chuan tu nge a rawn hruai tùr awm chu rin dàn ka nei thiam nghâl mai, ka che chu a khawr nghâl vek ringawt lehnghâl.




Ka lu tuam lûk chuan phu deuh dat datin ka chhuak phei nghâl thuaia, inbual zo chiah ti lo chuan ka sa deuh ap ap bawk nên inthunun ru deuh leh ka chhûngril awm dàn lan chhuah hlau deuh chuan ka hmêl ka ti tak deuh rân a, " Sawi lâwk ve ta che u, " ka ti deuh nghat a, ka melh deuh râwm bawk. Chîk taka min lo en rùn tu erawh ka melh duh eih lo, ka inthununna lamah chuan ka hah ru zek, " i over lutuk, chaw pawh ila chhum loh kha, kan lo sawi hun kha a fuh chiah, " nui sâwng chungin ka țhiani chuan a rawn ti nghâl hlak a. Ti țha a rawn intih hmèlin pakhat pa nên a kan boruak tih danglam tuma ruahmanna siam a nih hmèl, ka laih mai bâkah ka induh tawk rukna avàng zâwk chuan tih hawrh ka hlau mai zâwk a ni.




An kelsa rawn lei chu vai ram rim nam ram ramin thak têk tâwkin ka kãng a, a behbawm eng eng emaw kan siam thluah bawk. U Zomuana erawh atân chêt ve na tùr a vângin țhu rùn chung chuan ka che vêl chu tak rùnin min lo en rân zêl bawk si, ka khawrin ka hah ru tak zet, kan Lalkuri titi pawh chu ka rilruah a lût thei meuh lo.





" A va'n rim tui, " ka hnung ațanga a rawn tih dût chuan ka lehhawi rang kher mai, ka hmuiah a lo fâwp zauh hman hrâm! Ka melh deuh ram ram a, " Kal teh, ka lo ngei duh che nia, " ka lo ti hmak thung a, " min ngei mah la min hmangaih tho sia, chuvàng chuan ka duat char char tawh dâwn che, " ka beng zawna rawn tih pah chuan ka beng chu a seh zauh a, ka lo îp châwih, a nâkah ka lo nghawk salh a, " khawnge Kuri kha, ?" Lehhawi lehin țhut khâwmna lam chu ka melh thuak bawk. " Kimkimi'n a rawn ko a room-ah a lût, " a tih chuan vènthàwn nei lo taka a rawn chêt dàn chu ka hre thiam nghâl zat bawk.





" I rui em? " Tih pah chuan a hmui zâwnah chuan ka hnâr ka len that that a, " thinlung fîm thluak pawh fîm kar tawhin le, " nuih huk a paha tiin ka kâwngah chuan nghet zet a rawn khuahin a awm hlai nuam zet nghèng tùr chuan min hnuk hnai salh a, ka nui seih. Ka ring hmiah bawk, kei paw'n a rim pà hrâk chu ka hîp lût vang vang a.





" Awi ngawih ngawih a che u, khatiang êm êm a inthlâkhlelh, in lo incharbet a nge aw, " nuih sâwng paha a rawn tih chuan kan inthlah chiang teh e! Dawhkàn bulah inkuangkuah thânin a lo ding ât a, a mitko sànin min chhaih zauh zauh bawk. A thâwm kan hre lo chu a mak mai bâkah thâwm chhuah hlau takin a rawn chhuak dâwn tih erawh ka ngaihtuah thleng nghâl tho, nghal châk rêng rêngin a khawsa tlat alàwm!





" Ei vat vat ila hei hi lo va haw rawh se, " tih zauh pah chuan U Zomuana'n mit min rawn siai zauh a, choka aţang chuan a chhuak zui nul nul bawk, " I chhe veh vuh siah, chaw ei tùr hian mahni pawh i insawi luh ngam dèr loh kha aw, tu nge min rawn phone dût dût tu kha?" Pakhat lah chuan cho zetin a lo ti let nghâl al bawk a, " min thlêm dàn ka sawi loh nân min huphurhna kha thup viau rawh a, " a la ti hrâm zui! Ka lo melh deuh kâwk a, u Zomuana lah chuan engah mah ngaih loh hmêl tak chuan, " I scooty ilo keng ve mai lo ni thlah kher ngai lovin, " thlang lam varanda pan pah chuan a ti chhuak a, a aw rîk dànah chuan a nuih zat hmêl kher mai, kan Lalkuri chuan a nuih lui nghek nghek a, " Thinlung vakvaia hi a, " tih pah chuan a nui lui chiam chiam a, " i sual êm mai aw, " tih pah chuan ka nui ve hak hak tho, hetiang boruak hi awm lo se ka inngaihtuah thinrim leh tawh hial ang chu!





Zohera chhuak lawk pawh a rawn haw tawh avàngin zànriah ei chu kan siam nghâl mai a, Kimkimi leh Kuri an țawng barh barh a, " Kimkim, i u hian Pasal a neih thut chuan kan bulah lo awm daih rawh aw, " Lalkuri'n chaw khawrh mawlh mawlh paha a tih chuan ka melh rum nasa mai, Zohera a awm ve bawk si ka zah ru riau, naute mah nise Mipa hi chu a dàn hi a dang ve a ; mahse, eng mah ka tana nawm lohna tùr awm lèm lo chuan pângngai takin a awm țhìn a, han inngaihbel tùr ang pawh ka hmu ngai lèm lo a țawngtam lo chî a ni ve bawk nên.





" Tu nên? " A lo ti let khauh a Zomuana chu a melh deuh zak zak bawk a, " Neih tlâk a la hmu rih lo va, a hmuh hun hunah a nei thut thei ka tihna nih chu, " Lalkuri'n a tih chuan U Zomuana'n, " he nau ka mamawh tlat hi chu a vanduai thlâk, " ka kut sil laiin ka bula rawn ding ve paha a rawn tih sup chuan ka nuih a za ngei mai, duh ai hi chuan a ngam ve ngam meuh țhìn lo a ni, ka nuih hak chuan, " Ei vat ila ka va thlah ang, " a la ti zui! Ka nuih an ti za dûn ngei mai.





Kan bâr țan dâwn chiah tih chuan chuan Kawngkhàr a rawn ri rak a, in chungte an nih ring tak chuan lo tho chhuak lèm lo chuan, " Aw, he lamah, " tiin ka lo chhâwn liam ve ngawt a, choka lam rawn pan phei mêk ka hmuh chuan chuan ka meng phâwk nghâl hlê! Mi dang pawh chu a reh țhap vang leh ka awm dàn avàng chuan an hawi phei ve nghâl vat bawk.




Nu Sawmtei chu chak zeta rawn pên phei hlak hlakin, " Vawiin hi ka fanu thih cham asin, nang hian zalèn leh hlim takin hun i hmang bîk a maw!" Tih pah chuan u Zomuana jacket hnung lamah țhâmin a rawn sawi nawk nawk a, a che rang bawk si kan rin loh dàn deuhin a rawn che nghâl mai bawk nên kan hamhaih hlawm hlê, " Nu pui, " harh chhuak thutin ka lo ti țhat a ka ding zui zat bawk!





U Zomuana pawh ding vutin a kut chu a phih thlâksak nghâl sawk a, a meng rum țha viau bawk. Zohera chu rawn ding chhuak ve vatin tih ber tùr hre chuang lo chuan kan bulah chuan a rawn ding ve vat a, " Nang mi tenawm hian i lo țawiawmin i lo hnar thei thlâwt lo bawk a ti raw, " tih pah chuan ka biangah a rawn bêng thawi fua a, u Zomuana'n lo pawt sawnin ka hmâah a rawn ding zui hmiah a, " Duh tawk teh, thu dik ka sawi lohna chhan hi i fanu ka hmangaih țhinna kha ka zah êm vàng chauh a ni tih hria la min nawr lui suh, " u Zomuana'n nu Sawmtei melh chhuk rùna a tih chuan ka lo îp châwih, u Mâ-i hming leh a nun hlui inzawm tlat hi ' ka tih sual ni hauh si lo va ka tel ve zêl na ni tawh tùr tih hria a ka pawm mai ngai thil a ni' tiin ka infuih ta ngawt a.





" Ka fanu kha i hmangaih hauh lo, hmangaih ni la a thi lovang, " a kut zungchala kâwk khùr hlak hlakin a rawn ti leh tawn tawn a, a heh a sai dar dar bawk, " Ka hmangaih țhìn, tûnah erawh a lakah khân huatna tak ngial pawh ka pai tawh lo, chu zawng chu i fanu laka ka rilru a ni e, " melh chhuk rùn chung chuan a ti leh hmuk a, nu Sawmtei thinrim insehruh leh meng tal tawp tawp chu a râpthlâk ngei mai, huatna leh khaknain a hmèl tak chu hliah vek tawh; mahse, kei erawh a chhânna chuan ka chhûngril a fan raih raih mai, amah ka rinna tùr chhan chu ka chiang ta hle bawk. " A thihna thuah chuan a duhthlanna a hmang sual a ni mai, mawhpuh tùr i zawng a nih chuan nangmah kha in en lêt la i hmu mai ang, " a ti chang leh rût a, țang êm êmin a sîrah chuan ka lo ding khùr ve hlak hlak bawk.





" Hlim takin i awm bîk dâwn lo tih kha hria ang che, ka fanu khân phatsantu ni lovin hmangaihtu a phu asin, " tih paha rawn țhâm leh mai a tum chu Zohera'n lo chelh vatin, " Nu pui, duh tâwk teh ka va thlah ang che aw, " ti vatin ka nau chuan kuah deuh titihin a pawt kal a, a tal deuh nak nak nâin harsa erawh a ni lo, a țap miah lo chu mak ka tiin ka ngaihtuah zui deuh a ka hriat thiam dàn ber chuan, u Zomuana hian a fanu thihna kha tuar se na reng se a duh, a fanu thihna chhanah a mawhpuh miau avângin inchhirin kun tlawk tlawk se a duh bawk, nun pângngai a neih hi a phal ngai hauh lovang, a thin lungah huatna leh khakna chiah awm miau hek.





" I țha em? " a rawn tih chuan heh pet fanin ka lo bu nawk nawk a, " Sorry aw, a thleng tawh lovang, " a rawn ti zui sup bawk, ngaihdam min dîl lêt zawk hlauh chu ka inthlahrung rualin kan inkaihhnawih kual vek bawk si nên ka lo bu leh zauh a, thaw hakin ka nui lui deuh bawk.





" Ei ang u, kan chaw hmeh a dai zo dâwn, " Kuri'n a tih chuan ka melh vat kan boruak tawn nên Kimkimi nên chuan ka lo ngaihven tawh lo rêng rêng, ngawi rengin an lo ding ve reng a nih dâwn hi, tih theih kha a vâng êm bawk a ni, " Kan lo sual rawn hrep lo ni, kan nu rual mah ni se chu rilru ringawt chu ka pu, " Kuri chuan a ti nghâl hlak a, ka mit mei nghâl vat. Ka naute awm lai chuan an rilru hruai kawi thei ang hi chu sawi loh hrâm ka duh țhìn, Kimkimi chuan, " A hlauhawm zia kha au Zomuana thisen kha dàwt thei se la a dâwt hrim hrim, " a lo ti ve khauh bawk, kan nui hak hlawm nâin chu chu ka hmuh dàn chiah a ni bawk.





Phûr lo zet chuan kan ei țan ve leh mai a, kan phûr loh ai chuan kan ei thei ta phian zui a. Lalkuri'n fiamthu thawh nân hmang zuiin a sawisa zui a, khap tumin mit mei țhìn mah ila min melh duh țhak lo. Mi an hnung lama sawi zui chu țha ti lo viau mah ila, mi chunga kan khawsak dàn an rilruah kan tuh dànin a zir miau loh chuan hei hi kan hlawh zui tùr a nih dâwn si a, nu Sawmtei pawh zahawm taka nung leh sawisêlbo emaw a intih laia a hnung lama amah kan kawh zui dàn chu, a inngaih dàn nên chuan a inpersan khawp ang.





Kan kham țêp tihin Zohera'n min rawn zawm ve leh mai bawk a, ' Pa Rema a phone thu leh kawng laka an intawh thu sawiin, Pa Rema'n a phûr haw a, ani an driver în a rawn thlah leh a ni àwm e' , " Aizâwl awm châkna a tibo zo vek alàwm hetia'ng teh hrep, " a ti zui ve sup a, ka khawngaihin ka inthiam lo kher mai, mi in luah kan ni bawk si a nuam lo duh ve êm a ni.





Ka nu chu kan chanchin chu hrilh chi nge chi loh tih ka ngaihtuah rauh rauh a, hrilh loh chu țha ka tih zâwk avàng chuan ka phone ta lova, hre thiam tùrin min duh viau mah se hleihluak lutuka a rawn khawsak dànte kha han hrilh ila fate na nâ nâ chu min ngaihtuahnin min țanna chin an nei lo thei dâwn lova. Tûnlai ka pi lo dam țha chiah lo nên hrilh lovah chuan ka tlâk ta ngawt a, keimah vâng a nihna lai hi a lian lutuk bawk a hei hian engkimah tîmna min pe bawk a ni.




Kawngkhàr a rawn rîk rak chuan ka ngaihven zui nghâl vat a, a nui suk hmêl chu ka nuih ve tawp. Kuri thlah tùrin a kala a rei lo kher mai, " inbual hmasak ve phawt tùr che alàwm, " ka tih chuan, ho hi a'n tih hmêl nasa khawp a, " inbual loh avàngin a thih theih loh, " tih dût pah chuan a kal deuh vut a, choka-ah chair lain thlang lam varanda a panpui leh vut bawk. A hnungah chuan zui vatin, " Eng nge pâwnah a vâwt tawh si, " tiin ka zui ve zêl a, " hetah hian awm ang, thingpui va lum la tui tâwkin, " tih pah chuan chair chu a rem thei ang ber chuan a rem vei thlup a, a chezia phûr hmêl tak leh a țawngkam zângkhai tak chuan hah a ti dam veng veng mai.




Ka thingpui lum chawi phei pah chuan Kimkimi Room lama Lehkha zir chu ka bih pah zawk a, a lo bei ngawrh ve hlê. Thingpui nên vanranda chu ka pan zui nghâl vat, chair nghèng chuan a lo țhu ãwn duai a, tak ngul a min lo melhin a nui suk suk bawk a nuam hi a tih hmêl hliah hliah.




Thingpui in pah chuan a bulah chuan ka țhu thla ve nghâl zat a, " Hmàn zâna ka lo biak che a min biaksan vêl kha tu nge? " melh kar chung chuan ka ti zui a, " Nakinah ka la hmêl hriattîr ang che, " nuih suk pah chuan a lo ti dût a, hre tawh tho mah ila hria anga awm duh lo chuan, " Ka hre peih lo, min nuihsawh dun kha aw, " melh râwm pah chuan ka lo ti ngat thung a.





Nuih huk pah chuan a no chu dah vutin, ka ke lam chu chelhin a malchungah chuan a hlâng kai nghâl zat a, ka lo inchelh bet vata ka awm dàn ka siam rem hnu chuan a nuam tak zet, a malchungah ka bawp khamin amah hmachhawn chuan rem takin ka thu at a, chîk tâwkin ka melh ràn bawk.




" Pâwlnu a nih kha, Chhuantea nên a kan Pâwlnu, " tih pah chuan a nui suk a, " Mipain zu in inpui theih chu hmeichhe țha tak a nih dâwn loh tawp chu, " ka lo ti lêt nghat a. Min melh vung vung hnu chuan, " Sawisêlbo chu a ni miah lo, tu paw'n chak lohna lai kan nei vek alàwm, nangmah ang chiaha ka hmeichhe rin a ni bawk, " tak rân a min melh chungin a rawn ti ril ruih a, ngaihthlâk nuam ka ti tak zet, " min ring maw? " Ka lo ti lêt vat. Thaw hawkin min pawt hnai salh a, a malchungah ka țhu lek lek tawh a ni!






" Ka ring che, kei pawh ka inring bawk, " ti supin a mit meng zim lam mah chuan thûk ruihin min melh nghâl ràn bawk, min hnaihin ka chalah chuan a rawn tauh dat a, a kut phah lum vung vung chuan ka bekah rawn chelhin, " min hmangaih thu kha sawi leh rawh, " min melh ràn chung chuan a rawn ti leh sup a, ka heh chu liak zeuhin ka thaw halh a, " Zomuankim ka hmangaih che, i nun hlui nên zawng zawng khân ka hmangaih che, " lawi rât chuan ka ti chhuak sap a, a mit chhîngin a hnâr chuan ka hnâr a rawn nùl ralh ralh bawk, " Ka hnung tawlh lo vànga, pên khatin ka pên zêl ang mipain hmeichhe laka a pêk theih chanvo zawng zawng i hmuh ngei theih nân min fiah thei ang, keiin ka hlen chhuak ngei bawk ang, " tih sup sup pah chuan a rawn meng chhuak ruai ruai a, ka ring nghet nghâl hmiah, ka hmangaihna ka rin zawh miau avângin.




A hnu lam kan boruak erawh thu a leng lo va, a malchungah min pawt kaiin duhthawh takin min fâwp zui vang vang a, a chêt vut leh duhthawh aiin min fawh dàn erawh a dam raih thung, kan inthlah hnu chuan thaw halh halhin kan innuih sâng a, " Ka ngai che, " a rawn ti leh țuak a, a khabe phîr țhaiah chuan lo fawh sak vang vangin a mitah chuan ka melh zui vang vang bawk. A awm lum vung vungah chuan beiin, nghet zetin min pawm a, a lungphu rî rang dup dup chu ka ngaithla kar bawk, ka hlimna chuan ka chhûngril a fana, a lungphu rî chuan kei ang thoa a hlimna leh phûrna chu min hrilh ni maiin ka hria!






Zànin chu a țawng tamin a khat liam ve hlèah ka ngai, chutah chuan mipa pà tia ka teh țhìnna zia kha ka hmu bawk, mahni rilru puthmang sawi chhuak thei khawpa pâ mipa!






In comment chhiar nuam lutuk leh min fuihna hlu takte hian min ti phûrin ziah zêl châkna min va pe nasa tehlul êm 🥺 In chhiar zawhah hmuh leh țheuh che u ka lo beisei dâwn nia, engkimah ka lâwm nawn leh e

[Abbra Reo Ririni]

Lovers

Chapter ~26

By~Rengpuii Lushai





Hringnun hi a kal ngaiin a kal reng lo a, kan nunah eng pawh kan tawn ațanga zir chhuah nei zêl theite nun hi a tlo ber foin ka hre țhìn. Vawiin nî ang hi vawiin bâk a awm tawh dâwn lo a ni tih hriaiin haider chin neiin nun ka hmang a ni ber, a hahdamthlâk letling phian thung si, engkim hriat reng hian natna a pai tel miau si a!






U Zomuana thingpui tùr ka lumsak lai chuan sitting room lam a ka phone rî avângin ka phei zui vat a, a lo tâwp hman chiah zui! Ka nu call niin call leh ka tum lai takin, ka pa hnên ațanga call lo lût lehnghâl zat chu la vatin, " Hello, ka la hman lo chiah chiah, " zângkhai deuh takin ka tih nghâl làng láng a, "Bawihpui, hei i pi dinhmun a țha zân lo a, lo haw tùrin lo insiam rawh u aw, mihring kan tling lo a ni ber tawh e, " a rawn tih tâkah chuan ka hamhaih chiang hle, sawi mai tùr hre lovin ka ngawi deuh rân ringawt a. Ka phone beng a chuktuah ràn chung si a ngawi rengta chu, u Zomuana ngaih țha lovin min rawn ngaihven vat a, ka lo melh mãwl tawp ringawt.







Ka phone chu lain ka pa nên an inbe zui a, an sawi eng mah chiang takin ka hre zui lo, inbe pahin gas a ka thingpui chhuan chu a va off a, a lo lêt leh chuan phone a dah tawh tih ka va hmu phe ruai. Ka naute va koin thil awm dàn a hrilh zung zung a, Kimkimi a rawn inhnit feih feih tâkah chuan ka mittui a rawn luang ve zawih! Nat lâwk êm êm a neih ka hre lova, a dam țha lo satliah ni tùrah ka lo ngai maia, a upa ve tawhin insawisêlna neuh neuh nei ve tawh mah se hetiang teh thut a nih hi ka ring pha lo a ni ber mai.






Tih hmasak mai tùr pawh hre lo chuan ka țhu mãwl tawp a, u Zomuana chuan Zohera bulah a theih ang anga insiam tùrin a hrilh a, che lovin ka țhutna ngaiah ka țhu reng ringawt mai ni. Buaipui ngaia awm hun a ni lo tih hriain theih tâwpa fîm taka awm ka ngai tih chu ka hria; mahse, chuti maiin ka inthunun thei bîk si lo. U Zomuana chuan, "in ken tùr ang angte lo insiam u la, ka va haw lawk ang ka chhûngte chanchin hrilh pahin, upa ber i nih kha i naute buaipuitu tùr, lo inti pachang hrâm hrâm rawh aw kan chho ang ka hoin, " a tih tâkah chuan bu nghatin ka nuih mãwl tawp a, ani pawh za vak lo a min nuih letin, " Kuri pawh a lo phei mek aw, " a rawn tih zawm chuan, Kuri a hrilh lai tak ngial pawh ka lo hre lo, ka hamhaih ve êm a ni!







Min ngaihtuah lo tùr a hrilhin a kal zui nghâl mai a, kan in neitute a hrilh pah tùr thu a sawi bawk. Kan insiam lai chuan ka phone rawn rîin, ka en vata pa Rema a lo ni, ka lâk rual chuan, "Lâte, lo insiam u la, kan rawn lam phei ang che u aw, " a rawn tih chuan inthlahrung ru tak chungin, "Aaa... Pa Rem, u Zomuana motor-in kal kan lo rilrûk a, ka țhiante lo kal tum an awm bawk a, " nuam ti vak lo va ka tih chuan, " A pawi loh chu, inchhuah dâwnah lo sawi la, in len loh pawhin kan motor-ah pawh a beh theih a nia aw, " dam thlupa a tih zawh rual chuan nu Sawmtei phun hmarh hmarh rî ka hre zui nghâl zat bawk, engtak nge a sawi hre lo mah ila ka chungchâng a nih ka ring nghet hmak.






Kan inpeih fel meuh chuan dâr 11 a hnai thuak tawh, pa Remate erawh chhuak hmasain an chhuah dâwnin min rawn hrilh leh thlap bawk. Zohera a hmaah țhuin hmeichheho a hnungah kan țhu a, thihna avâng a haw mah ni ila kawng lakah boruak hrehawm êm êm kan nei lèm lo nâin, Kimkimi erawh a rui deuh a nih hmèl. Kawng lakah din leh zeuh kan ngai phah țhìn tih mai loh chu kan tlàn deuh char char a ni mai e.







Dâr 4 dâwnah khua kan lût a, Kuri pawh a vawi khat rawn kalna a nia, khaw luh dâwnah harh loh a hlauh êm avângin kan luh hma deuhin a muthlu ka kai tho a. U Zomuana erawh chu vawi khat a lo kal tawh a ni awm e, uang zetin, " Ka lo kal lai chuan hnap tawlh purin bâl deuh leh chât deuhin khawlaiah i tei leuh leuh, " a ti dût dût a, ka naute làwmah tlain Zohera lahin inla tlangvâl zetin a lo tuihnih ve bawk, kan ri leh ham ham zêl mai, lusun boruak rit tak awm lèm lovin ngaihtuahna kan kâwm hman lova a zia phian zâwk e.







Ka pa zawk call in khua kan luh tawh thu ka hrilh chuan, keimahni inah zawk luh hmasak kan duh dànte leh Kimkimi a ruih deuh avânga insil thuak thuak a duh thute ka hrilh chuan, kan inlamah minlo nghah tùr thu sawiin inbiakna kan ti tâwp zui a.







Kan inah chuan lût phawtin inti faiin ka pite ina phei tùrin kan inbuatsaih a, ka pain min lo hmuaka u Zomuana nên pawh pângngai takin an inbia a, chhiat tawhna avànga kal mah ni ila rilruin vènthàwn a nei ràn a, awm a ti nuam lo zual duh ngêi mai, nu Sawmteite ka pite inah an tlang phei thung a ni àwm a, hlauh vàng ni si lovin rilru a kap lo thei lo pawisak a nei loh nasat zia ka hmuh chian telh telh tawh vâng a ni mahna.







Tlai lam a nih meuh chuan kan chau tlâng hlawm a ni, kan inah pheiin țhutthlèngah kan tlu zal hlawm a, ka pite in lamah ei leh in an buatsaih a. Kuri leh u Zomuana pawhin hrehawm an tih hmêl bîk vak lo, tu nge an nih tak an hriat hlawm loh avângin khualkhua ațanga kan chhûngte rawn kal veah an ngai deuh țhûm hlawm a, boruak chhia leh eng emaw a awm lo a, huphurh rûk ang eng mah a thleng rih lo chu a nia, buaina awm belh lo chu beisei aiin rilru a nuam phian e.







Zànriahte kan eikham fel chuan lêngkhawm tùrte rawn lût sap sapin rin aiin mi an țha hnem a, țhalai lênpuitu kan ngah a kan zai tuiin zai a nuam kher mai. U Zomuana leh Kuri inkârah țhuin a zai thûm dût dût chu ngaihthlâk a nuamin, min ãwi ka ti mai, nizàn lam kan tlàn tlaivâr bawk nên Kuri pawh a bu leh deuh lâp țhìn, ani hi a hrisêl lo nên a chau tawh viauin ka ring. U Zomuana beng bulah chuan, " in lo va phei hmâ mai dâwn em mawni le, nizàn kan tlàn tlaivar titih sia, a khawngaihthlâk, " tiin ka hrilh ru sap a, " Kan bâng ang a, nghate rêp ang kar a ni leh mai ang, " ani leh ni lova a lo tih liam puat chuan a inhmeh lo ka ti tak zet, ka nuih a za bawk si Lalkuri ka va melh leh țhìn tûna a lan dàn nên phei chuan inhmeh tak a ni.






Khawhar inlènpui an rem thleng chuan kan awm a, an haw hnûah hmun hnawk kan hâwl chhuakin kan ti leh vek bawk, u Zomuana bîk pawh ka ngaihven lutuk hman lo pâwnah an paho titi khâwmna bul vêlah mei zûk pah khân a thu ve kha nia, inzui chawt a mawi lo bawk nên kan awm dàn a lai hû mai, ngaihtuah a na tho bawk si rilru khingbai deuhin ka laklawh vêl vek a ni ber mai.





In kan thlen chuan inti fel nghâl zung zungin ka khumah Kuri nên kan mu dûn thei dâwn a, u Zomuana erawh Zohera Room-ah a mu thei dâwn a, anni Zohera ka pite inlamah a riahpui dâwn a ni. A inthlahrung ve deuh ngé țhutthlèngah a mut theih tùr thû a lo sawi vat, amah a sei zer zuar nên țhuthlèngah chuan a hrehawm ka rin avângin room lam chu tih fel sak ka rilrûk a, a tang ve tlat chu, Kuri'n, " a duh dàn chuan ti phawt mai rawh, a luhlul si a inti pà ve nih kha hre thiam rawh, " a rawn tih tak hlakah chuan Zohera pindana mut chu a pawi loh thu a sawi ve ta sup a, mutna kan indaih loh a hlau ve a ni mahna, nu Sawmteite nupa an lo riah dâwn leh dâwn loh a chiang lo bawk nen, mut theihna tùrin ka siam rem ta zung zung tho a ", Special deuh a in mangțha duhte an awm takin ka hnawk riau, ka lo va muhîl nghâl ang e, " Lalkuri'n mutna lam pan paha tih zui kher chuan, amah en haw chung chuan kan nuih liam vêl ta ringawt.








Țhutthlèngah a âwm nghèng rial a thûin hnung lam ațangin min kuah hlùn a, " ka nute an lo haw țêp ang, hetia kan lo awm chuan a dik dâwn miah lo a nia aw, " ka tih chuan, sawi pawh ka sawi zo hman lo ka âwmah rawn zen lûtin, " rei lo tê," a ti zui sup. " I chau em, ka lâwm lutuk aw, " thle lêt hâin ka tih chuan nui suk in, " ka lo kal ve loh chuan ka thinlung ngaihtuahna zawng zawngte i kalpui leh vek awm sia, ka lâk tlâk lehpek dâwn lo êm mai, " a uang ve deuh ni ngei tùr a ni, nui suk sukin a ti zui a. Vâlmam-a țawng làng láng rî ka hriat rual chuan ka inlahrang vat, awm dàn tùr ber hre lo chuan Bathroom-ah ka lût zui ringawt a! A â sia, a sawi leh phawng phawng ang tih ka hlau ber, min hmu dun lo se a fuh a ni mai.






Pâwn lam thâwm ngaichâng rànin ka beng ka chhi kar a, Kawngka ri rak ka hre zawm nghâl mai bawk. Bathroom hmang zo ve chiah ang hrim chuan ka chhuak zui ve tharh a, u Zomuana lo nui suk suk leh a mitko min lo sàn khum ãk ãk chu rei ka melh ngam lo, ka chêt dàn mãwlmang lutuk chu kei pawhin țul lo ka ti viau; mahse, vènthàwn loh theih ni hek lo le!






An rawn inzui lût thliah thliah a, ka beisei loh zetin nu Sawmtei a lo tel reng chu niin. U Zomuana ka melh vat, hrehawm a tih ka hlauhna leh nu Sawmtei lo tel ve țûl lo ka tihna a inchenin ka ring hial a ni. Nu Sawmtei chuan min hmu lo ang hmakin min en kàn lui tih hriat takin, a hawi valh valh a zângkhai hmêl zetin a awm lui niin Ka hre zawk, chu erawh kan vaia tân a țha zawk ka lo ti khawp a, min hre lo der hmak se min huat leh hmuh hrehawm min ti a nih chuan amah chiah a inhremah ka ngai.







U Zomuana țhutna lamah ka phei zui a, ka nu chuan Pindan lama luh pahin, " Mut bu saw lamah an phâng deuh a, kan zawng khawm ang e, " tiin a lût tlang nghâl mai a. Boruak chu a nuam hlawl lo tih bâk sawi dàn tùr dang a awm lo, ka nu a luh fel tâkah chuan a insûm tluan thei lo nge, nu Sawmtei chuan min melh ràn chungin, " In kal thui mah mah i inti lo maw, nupa êm pawh in la ni lo a nia, " a rawn ti fak a, han ngawi hlen thei se kan țha tlâng ni mai tùr. Ka pa leh ka nu inrawna inbe làng láng pawh tâwp chawtin ka pa chuan nu Sawmtei lam a melh nghâl vat a. U Zomuana pawh thaw hawkin eng emaw sawi tumin a âng zuau hman; mahse, lu thing nawk a nui sukin eng mah a sawi zui lo. Ka pa erawhin, " Sawmte, ka sawi tawh kha..." tia sawi zawm a tum lai takin Kawngka lamah thâwm rawn awmin pa Rema leh ka nuteite rawn inzui lûtin kan lo en deuh țhap chu, Nutei chuan, " deuh țhap che u chuan, " tiin a rawn nui lût nghâl sâng a, ka lo thaw deuh huai thei nia!






U zomuana a hmuh chuan, " ka û khân Lâtei țhianpa i nih thu kha a sawi thuak a, chiangkuang pawhin kan la inhmu lo, inchibai ve rêng rêng ang, " a rawn ti nghâl barh barh a. U Zomuana pawh chu lo ding ve vutin a chibai zui ve nghâl mai a, ka nutei lah chu nu phawk tih takah, " Awi, hun nei i la, inhan inhriat dàn vêl chanchin hriat a châkawm hlè mai, kan Lâtei hi kan khuaah na nâ nâ chuan a luck teh a nia aw, " kan boruak hriat nei ve ta lèm lo chuan, a ti zui leh ham hama nuih hawk hawk a har ngêi mai! Ka pa a lo nuih ve sun sun chuan tlêmin rilru a nuam deuh, nu Sawmtei lam erawh ka melh duh lo law law !






Ka nu a rawn inpawm chhuah țûn tâkah chuan Nu Sawmtei tho vutin, "ka chau riau, mut hmâ ka duh phei nghâl mai teh ang u, " Tiin kawngka lam a pan zui nghâl, khatianga a awm chhan kha ka nutei tih loh chuan kan hre chiang lutuk tlat. Kawtkai thleng ka nu leh ka pate chuan va thlahin kei erawh ipik zetin U Zomuana bulah ka țhu ràn, " inthlahdul rawh, puak tùr i ang lutuk, " a rawn tih tâkah chuan nuih chung chuan, " I inti pà ve siah, message hlui zawng zawng kha phawrh ve tawh rawh, " ka ti ta khawl ringawt, hetiang rilru hi put loh a har nu Sawmtei mit meng huatna a khat leh u Zomuana hlim hmèl hmuh a harsat lutuk vàng hian en liam tum paw'n a theih loh a pawngpawrh zêl si. Ka lainat thut a ni ber bâkah helai chen kan chhiat tawh avânga min zui ve an nia, ka inthiamloh piah lamah hrehawm a tih ka hlauh êm vâng a ni.








Thlân nghah niah chuan Kuri leh u Zomuana haw tùrin an inbuatsaih a, ka nu'n kan neih ang thlai leh eng eng emaw a hawntîr nual a, an lawm thiam khawp mai. U Zomuana pawh thinlung tak leh pângngai takin an lo dawngsawng ve niin ka hria a, ka lâwm tawk a tling êm êm bawk. Chawhnu dâr 1 vêlah invai liamin keini ka pite in lamah kan phei a, ka țhian kawm ve țhìnte khawpui lamah an awm ve nuk hlawm avângin han kawm êm êm tûr nei ta lo chu ka nu bulah ka ka tawlh nilêng ve ta țhak a.






Zànriah kan eikham hnû velah chuan Uzomuana'n a thlen thu min rawh hrilh a, rei pawh inbelo intih fel ngai kan ti fel zung zung a, ka phone ka khawih leh meuh chuan Kuri message lo tlar thla dulin, " Kawng tluanin kan rel che," tihte, " Zomuankima hi a duhnaah chuan a lo zei e, ka sawi duh loh zawng zawng nên ka phawrh vek che," tihte a ni nawk hlawm. " Rinawma ka biak miah lo ang che," tia nui vur vur chunga chhângin, hmunphiah chu lain chhuat ka hawl zui nghâl thuak thuak bawk.








Ka naute zirna nên ka hna vete nên rei a awm reng theih bîk lova, Aizawl lamah keini pawh awm leh tawhin, u Zomuana nên kan inkâr pawh a țha ve zêl a, nu Partei'n mî a duhsak êm êm a, chutiang zêlin hna lam pawh ka tluang a, nun chu a eng emaw ti hahdam riau a, a mâwi a, a hlimawm a ni.





kan hun kalta ka ngaihtuah lêt châng chuan vawiin ka hun hman ang hi ka thlen ka ring ngai lo; mahse, nunah hian thil tamtak kan tawng a, hlimni bâkah lungngaih nî tawh châng pawh a awm lo thei lo, engtiangin nge kan hmachhawn tih hi a lo pawimawh ber mai.








Tluang takin ka computer class kal pawh ka zo ve tawh a, practice zawm zêl ngai chî a ni bawk a, in lamah computer kan kawl lèm loh avângin office kan buai loh laite chuhin kan zirsate en nawn ni pah fawmin a theih ang angin ka zir țha ve leh țhìn a, kawng tam takah min pui khawp mai.







Vawiin chu office chawlh a nih avângin , u Zomuana u chiah u Thari te fapa Birthday lawmnaah kal tùrin ka insiam a, a kum 1 na a nih avàngin lawmpui an tum angreng khawp a ni àwm e. Ka hreh viau naa kei tehlul hi min sawm ngawrh ve êm avângin, hreh tak chungin kal ve tùrin ka inbuatsaih ta ringawt a. Nu Partei leh u Zomuana phei chuan kan unau kal vek tùrin min ti naa ka naute erawh inti nula tlangvâl chho țan inti zakzum rual an nih ve tawh avângin kal ve an tum êm êm hran lo, ka nawr lui duh bîk lèm lo bawk.






Ka phone a rîk chuan ka en vat, " ka lo thleng dâwn a, lo chhuak la," a rawn tih chuan dârthlalangah ngun thlûk fê a inen nawn lehin, " ka kal aw, " tiin ka bag leh present tùr ka lei vete khaikawpin ka chhuak zui nghâl vat.






A hmun kan thlen chuan mi an lo tam fû tawh, Birthday làwmna hmun tùra an book hi Ig vêlah chuan ka lo hmu ve tawh a, thlalâkah a nawm hmel ang chiahin a takah pawh a nuam. Present dah khawmna tùr an siamah chuan ka dah zui ve vat, nu Partei pawhin min lo hmuin kan lam panin a rawn kal vat, "in rawn thleng thei maw? A hla mah mah i ti em?" a rawn tih chuan, " hla lo ve, kawng a țha si, kal chhûng a rei lo tâwp, " Ka lo ti lêt var a. Ka bul a mi lah chuan, " hei aia hlaah hian tih zâwk tùr alàwm, " ti supin awmze nei zetin mi a rawn melh, kal kawngah a kut hlei zet nên hmanhmawh lo zetin mi a kalpui a, duh aiin kan thlen har phah reng ani.







Nu Partei chuan, "i chhe dèt dût e a, chhangchheho an phun nasa lutuk ang, " ti a nui zui sângin pa Biaka'n a lo koh tâkah chuan, " eng mah inthlahrunna tùr a awm lo a nia aw, nuam ti deuhin awm rawh aw, " nui sâng a tiin, pa Biaka kohna lamah chuan a kal zui vat a. An pa a zahthiamin a ngai pawimawh thiam lutukte, a zai a ngai thiam lutukte hi an va hmuhnawm țhìn tak.







Țhutna awl lamah chuan inzui pheiin, a piah deuh a nula tlangvâl lo awmte chuan u Zomuana an lo auh chuan an lam pan chuan kan kal zui a, an zînga Asangi țhu ka va hmuh chuan ka chhûngrilah hian inlet but awm ang maiin ka awm, ka huat tùr êm êm a awm si lo hi engati nge maw ka milh theih miah loh ni. A țhutna awl a kan țhut ve chuan inhmêl hriattirnate neiin U Thari pasal lam hnai deuh vek an lo ni, an titi kan ngaithla a ni ber mai.






U Zomuana chuan min vêngthãwng zetin mi a melh leh ralh țhìn; mahse, hrehawm ti awmin ka awm duh bîk lo. An titi-ah chuan mi harsa zawk zawk an ni hlawm lo tih hi a hriat, sum leh pai a han buai chu an neih lèm loh hmêl khawp mai. Ka awm ve tih hrezui ang pawhin an awm lèm lo, Asangi bul a mi chuan U Zomuana melh pahin, "Zo, Asangi a Dàwr thar lawmpuina atâna i lei vase nalh zet kha atân bîk a i siamtîr nge le, a simple-in a changkàng si a, khatiang chiah chiah kher lo mah se khatiang chi kha ka duh ve êm mai, " rawn ti deuh làng lángin a nui deuh . Thil pangai anga inzâwt ni mah se an hmêl hmaiah chuan thil thleng min hriattîr an tum a ni mah, mipa lo awm ve chuan, " nangni țhian dun deuh kher țhìn hi ah, induh kher kher thei si, " nui huk huk a tiin a lo tuihnih ve zat bawk.






Asangi chuan nui sâwngin, " A vase hrim hrim kha a order a nia, chuan a chei thiam bulah a cheitîr leh alàwm ti raw? " tiin U Zomuana a melh pah ralh bawk. Ka țang țung ni ber hian ka hria, ka bul a mi lah chuan, " chutiang thil hlui, " A lo ti zui hluk nâin, thil ho tê ni mah se an thu sawi chuan min khei ni mai hian ka hria, " kha thil kha chu a special ngawih ngawih êm asin, a hlui ve thei lo, " tia Asangi bawkin rawn sawi zawmin an Dàwr thar hawn program-te an sawi chho bawk. Ka tel ve loh na a nia, ngaithla liam mai mai tùr ka nih laiin U Zomuana leh Asangi bîk a an uar fâl thei lutuk chuan min ti lungawi lo ni ber hian ka hria.









Hun serh hman a hun thu an rawn sawi tâkah chuan, hun serh hmanna lam pan tùrin kan tho sap sap, ka kut a rawn kaih a tum chuan lo la sawn vatin, " ka kal thei ka lo ti chang fak! " vawiin la la hian ka ti lungawi lo che a nih chuan Zomuankima ka ni lo ang, " ti a nui sukin min kai lui ta tho!






Hunserhte kan hman zawh chuan naupang intih hlimnate neiin keini tân tih vak tùr awm ve si lo ta chu naupangho hlim zet a sweet inchuh leh an infiamte chu kan en ve ta reng a. Thinrim châk si thinrim dâwn a thil àwm tak ni tawh si lo avàng chuan mahni tâwt zetin ka awm phah, hun liam tawh chu liam tawh ni mah se a rawn irh chhuah leh châng a eng emaw hrin chhuah a rawn neih a, awm nuam lo veng veng a min siam țhìn tu a ni a, thil zawng zawng hi hriat vek a lo țûl lohziate nên lam rilruin a ngaihtuah thleng vek a ni ber e.





Hetiang nikhuah chuan fel fai hi a lo har a nia nge, nichin a kan țhutpuite pawh an meng phelh phang hlawm tawh, chawte kan ei zawhin a upa zualho a tlai tak tak hmàin an haw a, a hmun hma fel fai lote en fel tùrin a țhalai rual deuh kan la awm a, chhangchhe zualho pawh an inkhalh liam sang sang.






Asangite țhian dun pawh hmeichhia e ti lo chuan, mipa tih ang apiang an ti ve thei zêl nge ni, nuam an tih hmêl chiai chiai khawp mai. U Zomuanate'n an en fel thuak thuak zawh chuan haw tûrin keini pawh intintuahin, Asangite țhian dun chu U Zomuana Motor-ah chuan ve an tum a nih hmèl. La awmho hian bike vek an lo keng a lo ni àwm e, anni kai ve deuh tawh nên chuan Bike ai chuan Motor-ah an ngaihtuahawm loh zâwk thu an sawi a. Peih lo viau mah ila hnial țung rem hek lo, tui lo zetin a motor lamah kan inzui phei ta a.






Kan tlàn chhuah chuan, "a vâwt i ti em?" a rawn tih chuan melh vatin, " boruak a nuam tâwk lutuk, " ka lo ti vat; mahse, computer class ka kal lai a tûkțhuan ka ei mumal lohna a rawn lan țan ka ti mai, tûnlai pum nawm loh ka chîng a, ka hnung a mite pahnih rimte chuan ka luak an ti chhuak lek lek mai!





Ka insum thei ngang dâwn lova ka hriat avângin u Zomuana chu ding lawk tùra tiin, a din rualin kawngka hawngin luak tum chuan kawng chhak ka pan vat. U Zomuana pawh tui nên lo kalin min lo buaipui vat a, " I rai a niang a, naktûkah in check up ang aw, " phûr hmêl zeta a rawn tih sup chuan, ka melh nghek. Ka chhâng dâwn chiah tihin, Asangite țhian dun nui kar kar leh, " A Motor chuan ngai loh thlâk e, tûn angah Motor-te lo la ruih, " an ti ham ham rî chuan min ti thinrim nghâl ngut ngut ni maiin ka hria! Tih theih ka nei si lo leh ka bul a u Zomuana ding ngawi reng rum zeta melhin, " Ke-in ka kal tawh dâwn, " ka tih ngat chuan, " awm ang lo lutuk, lo kal rawh, i rui tawh lo ang," min thlêm titiha a tih chuan ka awm dàn ngaiin ka awm reng a, eng nge ka beisei ber pawh ka hre lo zâwk.






Asangi țhiannu zâwk chuan, " Kea kal a duh chuan kal se, " a rawn tih leh tâkah chuan, u Zomuana thinin a tuar ta lo nge ni, "Ngawi tawh rawh u, in ngawih theih dâwn loh chuan inchhuk thei ang, " ti hriam hrâkin, kei chu min kai thoin zawi muangin motor lam min panpui zui nghâl a.





Comment hlu tak tak fuihnate ka tih dik tawk lohte thlenga min hrilh a min țawiawm țhìn tute chungah ka lâwm vawng vawng e, comment lama la lang ngai lo te pawh lo lang ve zêl r'u aw, in comment te hian phûrna tam tak min pe țhìn a nia

[Abbra Reo Ririni]

Lovers

Chapter ~27

By~Rengpuii Lushai







Thlasik ințanin boruak pawh a nuam chho a, lunglêng mite tân lunglêng a kur ngawih ngawihna hun kan thleng chho a, kan hmâ lawka Krismas lo thleng tùr chu hun bi chhiarna dànah kâr dangtu la tam angin lang mah se kan rilru erawh chuan 'a hnai tawh' tia sawiin rilru a inbuatsaih sauh sauh thung.







Keini pawh pangngai takin nun kan hmang chho a, u Thari fapa Birthday zân a Asangite nên kan boruak nawi zet avângin kan inhnial ve chiam kha nia ; mahse, Asangi lakah eng rilru danglam mah a pu lo tih ka chian phah bâkah an chêt dàn leh an țawngkam hman duh dàn ka ngaihtuah lêt hian ' Țhing ' hi ka ti ru ta riau a, thîkna rilru put chhan nân meuh phei chuan ka inti tê zui duh ta lèm lo. " Ka hmeichhe kawpte mawi lo taka sawi zui ka duh lo, ka duhthlannaah ka chiang a min ring la min fiah rawh ka tih kha, " a ti nghet charh a nih kha, Motor a kan țhut luh hnua Asangite țhian dûn ngawi zui ta dâk pawh chu a pawisak hmêl loh hlè, an chhuk thlengin an ngawi tluan ta parh a Motor Kawngka an khàr rîk țhuai a, u Zomuana chuan lehhawi zukin, " eu " tih dût pah chuan a nui zui huk a, za lo deuhin kei a pawh chu ka'n nuih ve tâk ngawt kha.








U Zomuana'n inneih lam sawichhuah châng a nei leh zeuh țhìn a, amah ka rin loh leh thil dang vâng ni lovin rilru la inpeih lohna ka neihna chu engtiang a han sawi chhuah chî nge ka hre dèr si lo. Sawi chhuak dâwn pawh ni ila sawi tùr ber pawh a awm chuang lo. Inneihna hi phûr thut thil vàng a tih mai mai chi a nih lohnate ka ngaihtuah a, chutiang tùr chî mizia u Zomuana a nih lohna chuan ka ngaih dàn a rawn vaw thla leh zat bawk. Mahni leh mahni rilru chu a insual a ni ber, chutih rual chuan innawrluihna emaw ang a awm hauh lo thung.





" Nizân chu mut hmunah i pa nên kan sawi dûn a, Muana khân i pi borala a rawn zui che u khân, neihah i pa a lo dîl che nge maw ni ' A țhianpa khân a sawi hmangin a thu tak riau, i fanu zâwt chiang teh, anni hi inneih thleng thleng an lo sawi tawh a nih chuan an chin zawt chiang teh' i pa'n a tia, a țha lo e ka tihna lam ni lovin a la hmâ mah mah deuh lo maw? " Ka nu min lo call na ka chhàn rual chuan dam thlapin a rawn ti khalh khalh a, ka zakin ka bing mum mum thei nia, chhàn mai dàn tùr hre lo zet chuan ka ngawi dâk ringawt a. Inkhâwm kan bâng ka tlu zal mai mai kha nia, țhu chhuak hliain khum nghèng chuan ka țhu deuh ngawt a.








" In sawi dûn a in pahnih duhthlanna a nih chuan nangmah paw'n sawi ve bawk tùr che nia, ka inhawng viau em maw ka lo intia, " ka nu chuan ka ngawih reng vâng nge a rawn ti zui leh a, thâwk ka la halh a chhàn mai dàn tùr ka hriat phah chuang lèm hlei lova, u Zomuana lakah erawh thinrim deuh nghâl tù túin ' eng vâng a min zâwt hmasa miah lo nge a nih, eng rilru leh ngaihtuahna nge a neih ' tih ringawt chuan ka rilru a luah khat nghâl vek bawk.





" In rilru en nân a thawi ve mai mai chu niang, " ka ti ban chalh ringawt a, chhàn dàn tùr a vâng tak zet. U Zomuana thu sawi amah an hmuh dàn zawhna siam theihna tùr anga chhânna pek ka hlau bawk si, thu lai ni thei tùr ang bera ka ngaih chuan ka chhâng ta ngawt kha nia, a âwih leh âwih loh pawh a sawi bîk tawh chuang lo, " in pahniha duhthlanna insiam tawh a nihte chuan lo rem loh kha a țûl ber tawh lèm lova. 'I pa lahin hetiang a rîk tawh hi chuan dal chi anni tawh lo a ti deuh tlat mai si a ; mahse, hmanhmawh suh aw in la inzui rei loh bâkah i la naupang hmabâk i la ngah lutuk," a tih leh chuan, " Ka rilruah ka la ngaihtuah lo hrim hrim bâkah hna neihte pawh ka duh ve phawt, " ka ti ve nghâl thuai a, chu chu ka rilru pawh a ni ve țhin reng a ni.






" Nang hi i ruak lo a ni lo maw?! " a rawn tih leh thut a. Țawng ngaihna pawh ka hre tawh lo , ka zak a, han sawi mai tùr lah chu ka hre dèr si lo. U Zomuana biak ngawt bâk ka ngaihtuah thei tawh lo, " Eng vângin.....!? Nu, kan sawi țha leh dâwn nia ka lo phone leh ang che," ti bah nakin, kan inbiakna chu ka ti tâwp zui nghâl thuai a.






U Zomuana call leh nghâlin, a lâk rual rual chuan, " Ka pa bulah eng nge i sawi? " min chhàn hma hma chuan ka ti nghâl thâwr a, " Eng nge, neih ka duh thu che ka sawi, " a lo ti ve nghut, chutah, "Hetiang tehrep a ka ngaihtuahna ti buaitu fanu nei tùr hian engtin nge a tih, " tih chu ka zâwt ngam ta êm lo nuih huk pah a rawn tih zawm leh chuan, " I mak, u Zomuan fiamthu hun a ni lo aw, " Ka lo ti lêt hlar thung a.






" Ka sawiho chu i hre vek tawh a ang zâwk, khami tùr khân nang pawh rilru lo siam ve țan la, " thu tak zeta a rawn tih sup tâkah chuan thawk ka la halh ringawt, " Min hrilh lâwk ve tùr che a nia, a awm ang lo êm mai, " ka tih tâkah chuan, " hrilh lâwk che ila min hnial nasa viauin ka ring, i khawlhkham si, " a rawn tih leh chuan ka rilru chuan dik a ti viau, min hrilh lawk nise ka hnial dâwn chiang a ni, hun ka la ti mawlh si lo a ni.





" Inkhâwm inbâng tawh em, ka rawn phei lawk ang, " a tih chuan, " Bâng chiah, mut nilèn ka lo tum asin, " ka lo tih chuan, " A țul lo, eng nge ka lo tih ve ang , " a rawn ti bul hmuk a. Ka nuih a za ang reng, " Sawi fel tùr pawh kan nei, nghah rei ka tum lo a nia, " kan thu khel hmasak chu chhuan lamah a rawn hmang zui zat bawk. Lo kal tùr a âw ka pawh tâk hnu chuan, ei tùr lo lei lo tùr leh a rawn ken tùr thûin sawiin kan inbiakna chu kan ti tâwp zui nghâl mai bawk.





Zohera a țhiante nên chhuak ve lawkin Kimkimi erawh ka phone lain Room-ah a tawm zui nghâl hmak a, u Zomuana pawh rei vak loah rawn thlengin ei tùr nên a rawn inkhai bâwr nasa mai! Ka lo lâksak vata, " A la lum laia ei chî a ni ang, khaw nge i naute, " a tih chuan an awmna hrilhin a thil lo kenho chu choka lam ka panpui nghâl bawk. Dawhkànah chuan ei mai theih tùr chuan chhawp chhuakin, ka che vêl chu chair a țhuin min lo en reng bawk a , " A tui dâwn lutuk, " tih pah chuan alu papawr leh chicken pakora tih vêl a rawn lei pawlh nuai chu ei theih tùr chuan ka chhawp fel a, " ka lo ken man kha chu nakinah a ni mai, " tih pah chuan meng sawr sawr chungin min melh a, inkuangkuahin chair hnung chu a nghèng rùn bawka nuam a tih hmêlin, keimaha cho chhuah eng emaw neih tum hmêl a pu, min cho hmèlin min chhaih buai emaw min tih thinrim tum a ang berin ka hria.





" Ka ba chiaha min țhîng lehnghâl a nia, bâ pawh a nih hman loh chu, " tih pah chuan ka nui lui sâng a, a mit meng de sawr sawrah chuan dâk deuh vah a melhin, Kimkimi koh tum chuan kal pelh mai ka tum chu, che vutin min rawn pawt hrâwk a, ka bawh nghâl rawk rawk bawk, ka bek tawn tawnah chelhin min lo fawp nghâl ngàwng ngáwng a nih chu!





A bawp pahnihin min chep deuh titih bawk nên atân chuan a remin, tum sa rêng a ni bawka a che buai eih lo. Min chona mit meng leh a hmêl hnehtu inti hmêl kha hei ngei hi a lo nih dâwn hi, " Ba lo mai rawh, ti hian ka duat che ang a, a tawk mai, " ti thûm supin, ka âwm bâwrah a rawn țhâm salhin min fâwp leh vang vanga, ka lo fâwp lêt ve ngàng ngáng bawk.




Kimkimi chuan a ei tùr lain room lamah a inchawi lût a, keini pahnih pawh kan ei nghâl mawlh mawlh bawk, " I rilru chu i siam fel tawh em? " a rawn tih thut chuan ka melh vat, thu tak zetin min lo melh let ve rùn bawk. " Chuti maiin pasal ka nei ngawt thei lo, ka naute an hautak bâkah hna neihte pawh ka duh ve phawt, " ka ti duah a, hre thiam se ka duh êm vânga sawi duah ka ni pah bawk.






" I rai thut thei asin, " a rawn tih leh khauh a, " i ninawm, sawi ve ziah suh kha kha, " tih pahin ka ke chuan a pheikhawkah ka tlawhsak sawk a, " a thla, a thla a liam tawh, ka period daih tawh bawk, " zàwi fiah zet chuan ka ti leh hlak a, " Rai ta che, " thâwk chhuah hulh paha ti leh thâwrin min la melh khui zui ! Ka ngei lutuk chuan ka melh nghek ringawt, mahni lo maha lâwm rûk zâwk nâklaiin!





Kâr thar kan chuang kaia a ngai tê têin mahni hna lam țheuhah kan thawk chhuak leh mawp mawp a, nizàn lama Kuri nên kan inbia chu a țawng pawh hriat hleih theih loh khawpa a âw phui leh hnâr ping avângin Nebulizer nên a inchhawp leh țup tawh ka rilruah a awm leh țhìn a. Zànah tlawh ngei ka duh avâng chuan tlai Office bana u Zomuana'n min lo lam huna tlawhpuia sâwm chu ka rilrûk bawk.






Kan office bân chuan kan haw rual vek dâwn a nih hmèl vawiin chu, tumah hna avanga zin chhuak an awm lèm lo bawk a tûnlai chu hna kan ngah lovin kan zawmpuite nên kan indàwr mêk na vil zui a ni deuh ber, " Lâte, hei i hawn tùr chu aw, i buai phah êm lovang chu, " tih paihin Laptop chu a bag-ah khung mawlh mawlh a, min pêk pah chuan min hrilh fiah nawn leh thuak thuak bawk. Saiha lama kan customer pakhatte nên bungrua kim lo complain a awm avangin a list lo en nawn tùrin min ti a. Tlai kan bân hmâ hreta complain lo lût a nih avângin ka hawn dâwn a nih hmèl.





Mi dang chuan min lo kalsan tawhin u Chd-a nên chuan kan chhuak hnuhnung bera, garage kan pan chuan u Zomuana Motor pawh a lo inhûng rân tawh. Thian dangte pawh chu an lo tlàn chhuak chiaha kan invai thuak bawk, " achangtupa chu a va rawn thleng hmâ ve, ka lo thlah thut dâwn che em ni aw, " tiin a nui zui huk huk , u Zomuana thîkthu chhiat rûk ve zia a hre tawh a chhaih kawlh a châk zek zek zel.






" Zànah Kuri va kan ve ang aw, nizàn kan inbiakte chuan a âw pawh a chhuak hlei thei lo, " țhut rem sat sat pah chuan ka ti nghâl siam siam a.



" In office-ah hian hmeichhe dang engati nge an lâk ve loh, " tlàn chhuak mai lo chuan a rawn ti daih a, ka biakna thu nên a inpersan mai bâkah a awkî chu a tak ngul avàng chuan ka melh nghâl vat bawk.




Tak ngul hian hma lam a lo melh ding rùn a, u Chd-a tlàn chhuak tùr chu melh ngur ngurin thâwk a la hawk a, zawhna min zâwt nâin ngaihtuahna dang daiha chêng a ang zâwk mah! Chhàn tum a ka àn zuau chuan, " Nimina kan sawi kha i inngaihtuah fel tawh em ?" Zawhna dang daih min zâwt leh daih tawh! Ka biakna leh a zawhna min zawhte a awm dàn engkim mai chu a inkawkalh vek maiin ka hria!





" I inti hah mai mai tih i hre ve reng tho ti raw? " nuihza lek lek a ka tih chuan, " Chuvàng chuan min nei rawh, " a lo ti ve nghâl hmuk a, " Duh duh hunah a inneih theih ngawt loh, " ka tih halh a ka nuih pawh a za vak tawh lo, a thîkthu chhe lutukin a ngaihtuah kual vak a, a ngaihtuah thiam mah mah a nih hmèl!






" Thîkthu chhiat hi maw a suangtuah thiam a piangah a thawkna, " ka tih leh chuan, rawn awm hnai thutin, " Min nei dâwn em?" Hnai lutuk a min melh ràn chung chuan a rawn ti thûm sup a, chu thu bâk chuan a ngaihtuahna an luah tawh lo rêng rêng. " En kawl leh duat reng theih che ka châk a, rosumin a lei theih loh a siam theih loh HMANGAIHNA ka tân hlantu hi venhima, thlamuang tak leh hahdam taka awmtîra hlim taka a nun a hman theih nân atân ka rinawmna hmuhtîr ka duh bawk, " ril ruiha a rawn tih chuan ka lo melh vawng vawng ringawt, thaw hawkin min rawn fâwp vang vang a, " min nei dâwn ti raw, a nih loh chuan i hna ațang hian bâng rawh, " min fawhna thlah paha a rawn tih hmuk chuan, nuih hakin a nâkah ka țhâm sak hlak, " i sawi ril viau na chhan kha, kha ngaihtuahna vàng mai mai kha a nih loh hrâm ka beisei, " ka tih chuan nui ruh ruhin, " min nei phawt la min fiah nghâl a ni mai, " a tih leh chuan ka nuih lêt ta tawp, a thîkthu chhiat dàn ngaihawm zet chu ngaihtuah lêtin ka nuihpui zui ta var var a.








Tûnlai Khaw vâwt chho țan chu a nawm rualin Kuri rilruah a awm nghâl vat zel, a taksa in a zo ve meuh țhìn si lova. Ka tân engtik lai pawha awm reng țhìn a ni a, a dam lo pawh duh angin ka ngaihsak thei lo a, ka inthiam lo angreng khawp mai. Zànin erawh ka tum lâwk tawh angin tlawh tumin chaw eikham vêleh ka insiam nghâl mawp mawp a, u Zomuana'n min rawn lam chuan kan kal zui nghâl mai bawk.





Kurite in kan thlen chuan a nu nên an lo awm a, apa erawh committe pawimawh neiin a lo chhuak fel chiah a ni àwm e. A bulah țhu vatin, " Eng nge i an tawh, duh ang pawhin ka rawn kal hmâ thei lo, " ka tih chuan, nui hak hak chungin, " Awi he nu intih puitlin vêl zia hi, bialpa senior un deuh a neih tâk vàng mai a, " ti vakin a nui zui uar uar a. Nu Zoremi'n, " Kan Lalkuri hi chu heti mai mai hi a la nia, mipate hian a hlauh hian an la hlau ang, " a tih chuan u Zomuana'n, " Țha deuh a hung rân mai thei a nia aw, a hriat miah loh, " lo ti zauhin Kuri chu awmze nei zetin a melh rulh bawk. Kuri lah chuan rang fahranin, " A tâwk a tâwk, ka tlâwm, thil dang sawi ang a, " a tih chul tâkah chuan, " he mite pahnih hian ka hriat loh thurûk eng emaw chu an nei chiang a ni.






Nu Zoremi leh u Zomuana'n hna lam leh u Chhuantea chanchinte sawiin an titi dûn a, keini Kuri nên pawh thil hrang hrang kan sawi dûn a, door bell a rawn rîk tak ral ralah chuan nu Zoremi chu tho vatin Kawngkapui lam a pan zui thuai a. Kuri chuan u Chhuantea bialnu chungchâng u Zomuana bulah a sawi sep sep a, " tûnlai a thlalâk post dàn vêl hi a fuh lo, " tih vêlte a ni nawk mai. A nu hriat a hlauh hmêl êm avàngin eng mah sawi zui vak hman a ni lo.








Nu Partei leh Nu Zoremite an rawn inzui luh tâkah chuan ka lo lai ru êm êm ringawt a, nu Partei chuan, "E he, Lâteite teh hlawl chu, hetah kan inhmuh ka ring hlei nêm, " ti hlutin min rawn nuih zui var var a. U Zomuana melh pah chuan, " Hei pui hi he lamah kan kal dâwn thu zànriah kan ei lai pawhin ka sawi a, a ngawi ngul ringawt a, in kal ve dâwn thote chuan sawi ve awm che nia, " tiin a chhâl fiam zui hlak a. Kuri phûr zâwng tak a rawn chhahchhuah tâkah chuan, remchang hmuh apiang liamtîr ngai lo a rawn che leh chiah, "Nu Parte, mamawh i ni ve lo a nih chu, ti khân hre ran la, remchângah phuba i la la dâwn nia," thei leh thei lo chuan a ti thâm chhal a, kan nui vur vur hlawm vek nâin ka sa ap ap thei.







U Zomuana lah chuan, chhuanlam dawrawm zet hmangin, "Kurkure-ite inah hian kan kal dâwn tih ka hre hlei nem," a rawn ti ve dût a, a awkî ațang chuan lai ve deuh nge maw ni, Lalkuri hming a sawisak dàn chu amah Kuri lahin a la làwm êm êm zui a. Nu Zoremi chuan u Zomuana chu lo chhanin, " A pawimawh chin an tel chuan a tawk mai alàwm tiraw, " tiin u Zomuan melh pahin alo tuihnih ve vat bawk.







Kuri chuan, "Lâtei hi Room-ah kan kal pui lawk, ka'n fuih pawrh lawk teh ang, " tih pahin min kai zui zat. Nu Zoremi chuan, "rei suh u aw, thingpui ka lo lum kêp ang che u, " tiin a rawn au zui lang lang. U Zomuan chuan min enzui reng tih ka hriat avàng chuan lehhawi in ka nuih seih a, nu Partei pawhin a fapain enzui a nei tih chu a hai lo, a mitin a chhui zui zat bawk, min lo melhin min nuih zui ve var var bawk, u Zomuana nên kan lo inen dàn avànga a mit meng nung sar chu hmuh a nuam tak zet.







Kuri chuan a ngai tê bawkin Kimkimi thawmhnaw tùr leh a pheikhawk la thar țha zet zet a rawn phawrh khâwm a, a làwmawm rualin ka inthlahrung țhìn; mahse, amah pawhin, " ka hâk tâwk miau loh chuan dah mai mai tùr a ni tho, Kimkimi'n a lo ha tâwk hlauh a, a làwmawm daih zâwk," a ti then a. Min hawn tir loh pawhin a lo lèn chângin a rawn keng fo, Kimkimi a vânnei țhìn khawp mai, a làwm thiam țhìn bawk a, Kuri pawhin thil pêk manhla a tih thu a sawi ve hial tawh a nih kha.








Kan inpack fel zawh chuan inhnuai lamah chhuk kan tum a, room kan chhuahsan zet tawh hnuah Kuri chuan, "Ka ke a hit e, mawza kan bun law law ang e, ka rei lo ang," tiin Room-ah a lût leh zawk a, step tir ka rap tihah nu Partei thu sawi avàng chuan ka ding chawt, " Zêp thû a chêng lo, a tîrah chuan kha khân tlêmin min ti thlep deuh a ; mahse, ani chu engkimah a danglam, a puitling phiah lamah a huaisenin, a hmangaihna kha hmuh hmaih theih a ni lo. Mampuia pawh ka ngaihtuah dàn hi a hma ngawt ai chuan zia tawh tak a ni, " a ti barh barh a, nu Zoremi pawhin lo zawm vein, "Kuri khân a sawi thuak thuak tawh a, Zomuana pawh rilru neih a, Lâtei ti tlâwm zâwng ni lovin inchhuang thei tùrin chelh la, midang ho ang mai mai a tih chi a ni miah lo ang aw, " nui hak hakin a lo ti zui ve bawk a. An thu sawi zawng zawng hre vek lo mah ila U Mâ-ite nên a inlaichinna kan neih dàn vêl an lo sawi niin ka hria. U Zomuan lah chuan, "A danglam alàwm anni chu, hun rei tak hnuah ka lungphu ti rang dat dattu ka pa thinrimna tih loh a ka tawn leh hmasak ber a nia, " uang zeta a tih chuan nu Zoremi lawmah a tla nge ni, " Parte, he pa hi, khatiang țawngkamte a rawn neih leh theih, hmàna Zomuana tak tak kha a ni leh tawh a nih hi, " ti zuiin za êm êmin a nui bak bak bawk. An nute țhian dun bulah pawh a uan ve theihzia leh zêp a neih lèm loh dànah chuan, a nu thu sawi dîk zia ka rilru hnêh tum nân ngawta a fapa chungchâng kha min hrilh a nih lohzia ka hre zêl a ni ber mai.







Kuri zai rat rat ka hriat tâkah chuan step lamah rang deuhin ka chhuk thla zawt zawt, rawn hawi țhapin u Zomuan chuan, " In rawn inum thla elo, i chesual thei asin," lo ti hlukin min rawn melh rùn a, ka zak angreng viau naa thup zetin, "um lo, ka rawn tlàn thla mai mai, " ka tih chuan nu Zoremi leh nu Partei insûm thei lo an nui ta hak hak. Ka khawr vek ni maiin ka hria.






Nu Partei chu kan rual a haw a rem tehlul nên, " kal rual pawh in phal lo a, ka haw rualpui peih lo che u, " a ti deuh tlat a, Kuri phûr zâwng tak a ni ka tih tawh kha, "haw duh rêng rêng suh, a langah chuan hnawk ti che ang pawhin an awm lo ang a ;mahse, an rilru chuan an kâwk sawk sawk ang che, " lo ti ve zat bawk. U Zomuana'n, " Kal vat teh ang, an sawisak bur a țan reng hi a ninawm, " a ti zui hluk, Kuri hlawhtling inti lutuk awm dàn vêl chu kan lo nuihpui ve hak hak thung a. kan dam lo kan ber pawh dam lo a ni tih pawh hriat loh khawpa zângkhaiin a awm bawk a, hlim zetin kan invai liam zui ta hlawm a.









Kan haw kawngah chuan Kuri ang țhian țha ka nei ka vanneih zia sawi bawrh bawrhin ka tân a awm reng țhìn a nihnate ka hrilh phei bawrh bawrh a, ani pawhin ngun takin a lo ngaithla a, chutah thu tak zetin, " I tân Kuri a hlut ang chiah khân ka tân pawh hian i hlu lutuk aw, chuvàng chuan min nei rawh, " a rawn tih chuan amah ka melh vat, nui sângin, " Ka tân pawh i hlu alàwm, " tiin a tâwpa a sawi tel erawh ka hre lo der hmiah, min lo tauh datin a rûm deuh nghut a, a nuih erawh a zat ve hmêl tho. Boruak zângkhai nuam takin kan thleng zui a, lo lût kawi tawh lèm lovin kan in mang țha zui a, in ka luh chuan lo la meng ve vein ka thil hawn chu Kimkimi ka pe vat, a làwm lehpek ngang mai, " Ka va ha kual chhin nghâl teh ang, " tiin phûr zetin pindan lam a pan zui nghâl a. Zohera chuan min melh pah zuk zuk in, "Lâ-i, U Zomuana nên hian inneih in tum hnai em ni? " rawn tih deuh tawl chuan ka melh vat a, " tu nge sawi, lo nei dawn ta ila min ngai dâwn a ni maw? " ka tih chuan, "Ngaih chu ngai dâwn lo e; mahse, in luah vêl hi i awm loh chuan a buaithlâk awm e, nu Puiite inah awm a ngaih phah ka hlau, ka peih dâwn miah lo, college bansanin kan khuaah lêt a ni mai, " a tih deuh pung pung chuan ka nuih a ti za hlê. Chutih rual chuan ama tâwkah ngaihtuah a lo ngah ve hlê tih a hriat bawk.








Hunpui a ni telin kan hnaih zêl a, rilru pawhin chu lam chu a hawi ran tawh, ka naute pawh an zirlai exam-te zo chhoin ka nu leh Vâlmam-a pawh rawn zin tùrin an inpuahchah sauh sauh a, Ka pa erawhin, " in ka lo nghâk ang, " a ti deuh tlat avângin lo kal a tum lem lo a nih hmèl.







Kan tum dàn chuan ka nute rualin Kimkimi a haw ang a, Zohera erawh exam zo tawh mah se inhlawhna tùr an țhianhoin an hmu hlauh a, a zirlai aia ngaihsak a ni lêm lo bawk a, kan dang duh lèm lo, ani nên kan haw rual dâwn thung a ni.







Inneih chungchângte kha han ri deuh thut thut mah se ka pate'n, " i pi boral kum a ni si, dam têin kan awm ang a, hunte chu a ral zung zung a, kum thar lam a ngaihtuah țhatah, " tiin thu an ti thlu a. U Zomuana pawhin a hre thiam khawp mai, " kumin hi ral vat vat se, " a ti fiamthu deuh reng mai a ni.








Nunah thil danglam thleng a awm hran lova, chutih rual chuan ka tawn ngaih loh thil tam tak ka tawng a u Zomuana'n " Min fiah rawh " a tih țawngkam kha a thu mai a nih lohzia hi nitin a tharin ka hmu a ni ber e. Nun hi a mawiin a hahdamthlâk a ni ber e, chutih rual chuan engkim a tha vek e tihna erawh a ni lo, a tha lo lai en kànin kan hlim tlâng a ni e.










Vawiin chu ka nute lo thlen nî tùr a ni a, zîngah thoin rilru a hahdamin phûr rûkna kan nei țheuh a, kan nghakhlel tlâng hlê tih a lang reng. Tûkțhuante kan ei zawh chuan in ti faiin tumah chhuak lovin kan awm țhap a, u Zomuana nên inbe zeuh zeuhin ani pawh a nau chiah training a phaia awm a rawn haw dâwn a, hmuak tùrin an kal a ni àwm e.




Ka nute an lo thlen chuan kan ri hlut a, an thil lo kente phawrhin nute meuh lo thleng chu hah a dam huai huai a, thla a muang a ni ber, nute nge nge chu puitling ve tawh viau a inhriat pawhin chhûng lam leh pâwn lamah mamawhna a lo nêp chuang lo a nih hi. A awm hahdam deuh hnu chuan kan in luah neitute a chawhmeh thar a lo kensak angte a han pe a, keinin eirawng lo bàwlin kan thâwm a țha ham ham khawp mai, zanriah pawh hlim tlâng takin kan kîl a, Vâlmam-a lah chuan, "Tv a fakna a ka hmuh angah khân kal kim vek ka duh a nia, " a ti khât tâwk reng a. Zohera'n, " Krismas dâwn hnaih chuan an khar vek," a lo tih zauh pawhin, "khar mah se a Kawngka pâwn lam tal ka hmu duh," a ti deuh țalh tâkah chuan kan nuiho leh dar dar zêl.








Zanriah ei nate kan tih fel zawh hnu lawkah u Zomuana lo thlengin ka nu pawhin a lo be ve luam a, a lo kal hmasaka a lo dawnsan dànte rilruin a chhuikir lo thei lova, thil thleng danglam dànte ngaihtuah chuan thinlung a hlim veng veng mai.





Valmama lah chuan, "Au Zomuan, kan in a ilo kal a i motor kha ila nei em, khalh min zirtir ve rawh aw, " a tih chuan u Zomuana pawhin, "E e, i cham chhûngin ka zirtîr char char dâwn che nia," a tih chuan Vâlmam-a lawm tawk a tling êm êm a, 'in in a hla êm?' tihte a zawh kual chhoh tâkah chuan, Zohera'n pindanah a luhpui ta daih a.





kan pathum a kan awm tâkah chuan sawi tùr a vâng angreng viau; mahse, U Zomuana chuan, " Ka pu a dam țha zêl em, eng nge a an?" a tih chuan ka nu chuan ' a zia thu leh indim a ngaih zia thu a sawi var a, a indim thiam lohziate sawi barh barhin ka pa thla a hau zui a ni ta ber zawk,' kan lo nui leh hak hak țhìn.






Ka nu phone a rîk tak ral ralah chuan, " Sawi lai mek mekin ka va bia ang e, Muana, lêng reng rawh aw," tih zawm zatin pindan lam a pan zui nghâl vat a. Ka nu luh fel chuan u Zomuana nui hukin, "ka zan khat rûk zawk che hlawh chhuah hi a țha e," a rawn ti a nih chu! A thu sawi ka hriat thiam êm avàng chuan amah melh nghek chungin, " kha thil kha sawi tawh chhuak tawh suh, " ka tih vak chuan nui hukin, " A zawngchhang thlâk tehreng nên," a rawn tih zui phei chuan, "thingpui ka va lum ang e," tiin ka tho nghâl tharh. A hunlai ai khân ka zahna a nasa zawk hialin ka ring, han zah thar leh vêlte chu țûl lo viau mah se a reh ngawt thei si lo.








Thingpui ka chawi phei lai pawhin awmze nei fê a min lo melhin, "i eng lo siahhhh" ka tih tâk nghekah chuan za êm êm a rawn nui hawk hawkin, "Kum thar ka nghâkhlel," a rawn tih zawm zat a, nuam a ti vêl lutuk chu ka nuih ve ta tâwp bawk.





Chutih rual chuan thil tam tak rilruah a rawn lang zat, "Mo ni tùr hian ka inpeih chiah em tihte, thil tam tak a ni ber e. Ka awm dàn chu a hre thiam nge ni thu tak zetin, " Min la ring ngam loh vânga la inpeih lo i nih chuan hriat thiam harsa ka ti viau ang, thil dang vâng a nih pawhin chhan țha tak ni se ka duh," a rawn tih leh tâkah chuan, "ka inpeih alàwm, inpeih loh chhan tùr ka nei lo, kum thar i nghahhleh ang chiah khân ka nghâkhlel, " ka tih chuan, min melh vung vunga thaw hawkin ka hmuiah chuan a rawn fâwp zui vang vang a.






In comment hlu tak takte hian min ti phûr thar zêl a nia, thiam ang tawk tawka tãwi tê a comment te hi a cute ka ti La comment ve miah lo te pawh zànin chu lo lang ve r'u aw, engkimah ka lâwm vawng vawng e

[Abbra Reo Ririni]

Lovers

Chapter ~28

By~Rengpuii Lushai






Mihring nunah hian dai chiaha fiahte, dai kher loha fiahte pawh a awm ang, chutih rual chuan hmasawn tùr chuan eng pawh tawh huama ar khawthim dai ve pawp a ngaih changte pawh a awm fo țhìn a nih hi maw!






Inneih chungchâng pawh ka ngaihtuah ve ta fô mai, ka hma hun ka lo suangtuah ve țhìn dànah kha chuan, nu leh pate tân chhenfâkawm tak nih ve phawt hnua pasal neihte chu ka suangtuah dàn a ni thin; mahse, ka lo tum dàn țhìn lêt thawkin nun ka hmang a ni ber a, rin lâwk leh beisei lâwk hauh lovin u Zomuana nên kan intawng a, bul kan țan dàn pawh rin loh dàn zelin a la ni zui!







Chutah thil tam tak tâwk dunin huaisenna, ka nei a ni tih pawh ka hriat ngaih loh min phawrh chhuahsak a. Ka lo suangtuah dàn țhìn ang ni lo mah se hêng ka chunga lo thleng mêkte hi tih palh thilah erawh ka puh phal hauh lo.





Zîng ka harh rualin ka nuin ka pa a be làng láng rî ka hre zawm nghâl zat a, a damdawi ei theihnghilh lo tùrin an inchah nasa ngang mai. Ka phone ban zui zatin, u Zomuana min lo wish na chu ka chhâng nghâl a ka tho zui ve nghâl mai bawk.




Vawiin lam chu ka nu leh Kimkimite, nu Sawmteite inah len phei an rilrûk a, Kimkimi peih vak lo chung ka nu'n hruai luih a tum a ni mah zawk. Kei erawh Vâlmam-a Bazâr-ah chhuahpui ka rilrûk a, a phûr surh surh khawp mai.





Tûkțhuan kan kîl zawh chuan u Zomuana message thawnin vawiin kan chhuah tùr thûte ka hrilh a, a hmuh leh lawk pawh ka ring lo nâin ka chin hrilh hrim hrim ka ni zâwk mah. Kan insiam zung zung a, Bazâr lam pan tùrin kan chhuak zui nghâl ta bawk.





Hunpui kan hnaih tawh a, mipui pawh an tam mup mup tawh khawp mai. Vâlmam-a inti tlangvâl chho țan, duh khirh bawk nen kan en kual nasa khawp mai. " I khirh si, a lum bawk si hetah bâk ka enpui peih tawh lo che, " ka tih hlak hlak chuan, " Ka duh ang tak a ni lo zêl alàwm, " a lo ti ve bui bui a. Mipa thawmhnaw an lo khai tlar naah chuan kan lût leh a, a thawkte'n min lo buaipui vatin kan duh zawngte min lo zâwt a, "Late," rawn tih rî lo chhuahna lamah chuan ka hawi vat, a dàwr neitupa ni àwm tak bulah chuan u Chd-a a lo țhu reng chu lo niin, nuih lêt var varin, " ka lo hmu miah lo che a, " ka ti lêt ve nghâl var a, "mak pawh ka ti lo ve a, kha chu a va'n tlangvâl tawh ve, eng nge in zawn kual, " a rawn ti zui luam a, " he mi thawmhnaw tùr hi kan en kual a, a duh ang a la hmu thei lo a nih hi, " ka tih zui zat chuan, nui sun sunin, "hetah chuan a hmu ngei ngei ang, Țhiana ka naute an nih hi aw," tih pah chuan a țhianpa chu a va melh vat. Ani pawh chuan, "tlâwm deuhin kan pe ang che u, induh zâwng a awm chuan, " a lo tive thuai a. Vâlmam-a pawhin a duh zâwng a hmu ve ta a niang, pawisate inpe felin u Chd-a zârah min tlâwm duai bawk a, a man hla kan ti kher mai.







U Chd-a ruala haw ve nghâl a rem êm avàng chuan haw ve mai chu kan tum a, eng mah kan la ei loh avângin thil eina tùr kan zawng leh tê tê phawt a, kan in eipuar fel hnu chuan u Chd-a motor dahna lamah kan inzui phei ta hlawm a.






Nu Partei dawr building hnuai garage-ah motor a lo dah reng chu niin, a motor la chhuak kan nghah lai chuan nu Partei'n a dàwr pâwna mi a be lai ka va hmu thut a, ani pawhin min lo melh fu nghâl chat mai, "Lâte, khawng nge in kal, lo pêng rawh u, " Nui sânga a rawn tih tâkah chuan lo nuih lêt ve var varin, " hei ka nau a nih hi, an lo zin a, thawhmawte ka en kual pui a nih hi, kan haw lam tawh zâwk," ka ti deuh duah a.






"Eng nge khatah intih rêng rêng, " a rawn tih leh chuan, "U Chd-a kan haw na tùr kan nghâk a nih hi, hetah hian motor a dah a, ni dangah kan rawn la kal ang," ka tih chuan, a hnung lam a en zawk a, rawn nui leh var varin u Zomuana ka hmu nghâl zat bawk. U Chd-a pawh a rawn thleng zui ve nghâl thuai a, u Zomuana lâwm lo hmêl chu ka hmu chiang ngang mai; mahse, tih ngaihna dang awm tawh hek lo le, Motor-ah chuan inthiam lo zetin ka lût zui ta ringawt.






Kan haw kawngah chuan Vâlmam-a leh u Chd-ate inbia ka ngaithla tluan a ni ber e, a chângin ka lo zâwm ve leh zeuh tih loh chu ka phone ka hmet êng leh zeuh țhìn. Eng nge ka beisei ber pawh ka hre chuang lo, nu Partei khân mak min ti ang em tihte ka ngaihtuah thul rilru a nuam lo kher mai. U zomuana hmêl lan dànte ka mitthlaah a lo lang leh țhìn bawk nên, àwm a nuam thei meuh lo.





In kan thlen chuan u Chd-a chu lo pêng tawh lem lovin a haw tlang a, u Zomuana chu thil awm dàn haider luiin, "in kan thleng chiah, dàwrah khân i awm ve ka ring miah lo a," tihte ka va thawn ta ngawt a, online a inti naa a seen duh țhak lo. Ka inthlâk fel hnu pawh chuan a la seen lo ta zêl a, va call ngawt ila a lo lâk duh loh khân hrehawm ka ti zual ting dâwnin ka hre bawk si, vawiin thil awm dàn fuh loh lutuk chuan thaw a ti ipik hluah hluah.







Ka nute lêng pawh rawn hawin, Vâlmam-a chuan a thawmhnaw kan lei angte chu inti thei zetin a lo hmuh nghâl thuai a. Kan thâwm pawh a țha leh ham ham tawh khawp mai, eirawng kan bàwl zawh chuan ka insûm theita ngang lo chuan ka call ta ringawt a. A lâk ka rin loh nên a lo lâk tak sî-ah chuan sawi țan dàn tùr ber ka hre leh si lo chuan, "message-te kha en ve la," ka va tih thâwr chuan, " Zàninah khawiah emaw chhuak lawk ang, i nu lo dîl la, i hreh pawhin keima'n ka dîl mai ang, a pawimawh," rawn ti nghutin a dah zui leh daih a nih chu! A thîkthu chhe lutuk amah a inhremah ka ngai hmiah, rilru erawh a nuam kim bîk chuang lo.








Rilru khingbai zetin zànriah ka kîl a, u Zomuana text lehin, "Ka nu chu keima'n ka dîl mai ang, " ka tih chuan a en nghâl vat, min chhang duh leh țhak lo!





Ka nu bulah chuan Kuri ka chhuan lam ta ringawt a, "zân chhuah hi a theih hrâm chuan pumpelh a țha, inkhâwm leh țûl tâwp a nih loh chuan; mahse, Kuri kher a lo ni bawk a va kal la, tlai lutuk lo la, engin nge i kal dâwn," a ti zui zat a. Lâk lâp hmêl zet chuan, "U Zomuana'n min kalpui thei dâwn a," ka ti liam puat, ka thin erawh a phu det det thung.







Kan in piah deuha Motor lo inhung rân lam pan chuan ka kal hlak hlak a, ka țhut luh rual chuan a tlàn chhuak zui nghâl mai bawk. Eng rilru nge a put ang pawh ka hre thiam lo, a thinrim ti dâwn ila a lang dam dup lawi si; mahse, a pângngai lova a danglam tih erawh ka hre chiang mah mah. "Khawng nge kan kal dâwn, ka rei thei lo aw," ka tih chuan, min chhâng lèm lo chuan min rawn melh zawk a, thâwk a la zui hawk bawk, inthunun a ang ta berin ka hria.







Hmun reh deuh lai vei vâk an awm lohna reh raih mai kan thlen chuan kan ding a, boruak hrehawm vâng ni si lovin kan pahnih bîk boruak chu a uap churh ka ti mai, u Zomuana chuan a hmai tuai puatin a thâwk a la leh hawk a, "Nang ka tawn hmâ che a ka nun hman dàn i hria, ka nun hlui zawng zawng nên, hetiang êm êm a chân hlau mihring hi ka la nei ngai lo, " ril ruih a rawn tiin a chalin ka chal a rawn siktîr zat bawk. "Hmangaihzual chân che ka hlau, i hria em, he thinlung mi dang rinna tlachham zet hian chân che a hlau a nih chu," ti chhuak hulhin, a nui zui huk bawk; mahse, a zat vâng erawh a ni lo tih ka chiang viau thung, "Kei pawhin chân che ka duh lo, Zomuankima hian min hriat ve hmâ ațang tawhin keimahah nghet takin zung a kaih tawh, chu chu a rawn par chhuak a, ka thliak phal rêng rêng lo, mâwi taka a par zêl nân theih tâwp a châwm țhat ka tum aw, " nui hak hak chunga ka tih chuan, ka hmui a rawn khar chilh zui zat, lo chhâng lêt thuaiin chetzia in kan inhmangaihna thu chu kan inhrilh tawn zui a ni ber e.




Kan duhthawhin kan thaw rî chu a ring hlê, ka âwm bâwrah rawn zen lûtin a kut lum vung vung chuan a țham leh salh salh țhìn a, " Ka ngai dâwn che, " min fawh kâr lakah chuan ti thâm țuakin, ka heh hnuai lam chu a pet ngàng ngáng a, ka lo nui chhuak hak.




" Hei pawh hi ka ngai dâwn," tih pah chuan ka hnute chu a rawn țhâm leh tâwk a nih chu! Țe țhatin a nâkah ka țhâm let ve nghâl tâwk a, eu zâwka a nui nghal hawk hawk chu enin ka nui ve hak hak bawk, ka kâwngah rawn chelh vutin a malchungah min hlâng kai zat a, ka lo insiam rem ve nghâl sat sat bawk.




Kan hmui inchuk tuah leh zatin kan infâwp zui leh ngàwng ngáwng a, ka ka chhûngah a lei sa ham ham rawn hawl lûtin a hawl kual nak nak a, ka thaw halh mai! Hetia'ng thil hi chu a zei mah mah țhìn, kan taksa khùr ru deuh der der leh kan thaw lâk rîte chuan tâwp a hun tawhzia leh ti sual nawn thei kan nih tawh lohzia min hrilh ni maiin ka hria.




Duhthawh taka min fâwp chung chuan ka kawr chu ka bra chawpin ka nghâwng lamah a nawr tawm nghal tâwk a, a ka chhûng sa ham ham a a rawn hmuam chuan a samah țhâmin ka lo thaw chhuak nghâl hak hak,a kut lehlamin a fawh loh lam a țhâm salh salh bawk. Kan tâwp hun tawhzia hria in ka ngaihtuahna chu ka ti fîm lui hrâm hrâm a, " duh tawk ang, " ka ti thâm țiak a, a rûm nghut ringawt! Tâl deuh awrhin, " u Zomuan, kan tâwp a ngai kan ti nawn thei tawh lo, " ka ti khùr leh deuh hlak a, thaw hulhin ka hnuteah chuan a rawn seh zauh a, nui hakin a luah chuan ka lo nam sawn ve țang țang bawk.



Kan thâwk lâk a pângngai hnu chuan a awm lum vung vungah beiin ka thaw hle hle a, ani kawh a thâwk lâk a la ring hlê, nghet taka ka kâwngah a kut suih zawmin ka nghâwngah a rawn fawp leh vang a , " ka chhinchhiah dâwn che, " tih sup pahin a fâwp zui ngawr ngawr a, a zain ka mur seng seng thei nia! A nâkah țhâmin za ti tak chuan ka dawh lui a ni ber, a duk kalhin ka ring, chu chu a duh dàn a ni miau bawk sia.







Ina kan lêt hnu chuan a la hma ve deuh bawk nên rawn lût kawiin ka nu a lo la meng hlauh, "E e, Muana chu i va fel ve, eng nge Kuri chu a an?" tia a zawh chuan rang lutukin u Zomuana ka melh vat, ka chhuanlam kha ka hrilh rêng rêng lo! Ani pawhin min melh vutin a hre thiam zui nghâl mai a, "a la pik ve deuh a; mahse, a zia tawh khawp e, " a ti ve ta mai bawk.





Ka nu bawk chuan, "Ani hi a hrisêl lo ve reuh khawp mai, amah a zângkhai vat vat reuh nên," a ti zui leh a, an sawi thui ka hlauh êm vângin thil dang sawi tùr rilruin a dap ruai ringawt tawh. U Zomuana lah chuan ka awm dàn a hre thiam nge ni, a lo nui ruh ruh bawk a, ka melh ve nghek thung a.







Ka nu leh ka naute Vâlmam-a leh Kimkimi pawh kan khaw lamah haw tawhin, mitin mai hunpui lo thleng tùr hmuakin kan ri mup mup a. Kan haw nî tùr pawh a ni telin a hnai ve zêl a, U Zomuana lah chuan a huphurh thû a sawi ve reng bawk, ka vânneih ziate ka inngaihtuah fô țhìn, ani ang tlangval tu nula mahin an hnar dâwn lo tih chiang lutukin, heti taka min thlahlel chu ka tân chuan thil làwmawm tak a ni. Chutah kha chen ka ral thlir, ka suangtuahna ramah chauh ka tâ ni thei tùra ka ngaih țhìn ngei kha a la ni zui bawk.






Kan haw hma zànah chuan Zohera a țhiante nên kâwn chei an fan ve daih avângin veranda thlang lamah kan țhu dûn a, boruak vâwt raih hnuaia a pangti lumin min ur leh hem hem țhìnte chuan mi a fan raih raih a, thaw hakin, "ka ngai dâwn che," ka tih chuan ani pawhin, "ka ngaih lutuk vàng chein in khuaah ka rawn kalchilh mai loh nân che inven hlè ka ngai ang, " Tih pahin nghet zetin min kuah zui a. Țawng lovin kan inthlâkhlelh zia chu inhriattîr tawnin kan duhthawh dûn kher mai, "Luhlul lutuk lo la chuan in khua thleng ka dah tùr che a nia, " a ti zui nghut a. "A sawi leh ta, kan sawi fel tawh kha, mi dang mit mei vênte a la ngai a," tia huatawm ni si lovin a ner zui sak a. Mi dangin an ngaih dàn tùr hi chu a va han ngaihven lo ve chiang țhìn tak êm!






Hunpui meuh pawh hi kan thlâkhlelh, kan hmangaih kan hlimna berte awm lohna hmun hi zawng hmun khawhar a lo ni mai zel a, an tel ve lohna hunpui pawh hun khawhar an lo chang mai zêl a nih hi.






Chhûngkua hlim leh dam tlang țha takin Krismas pawh kan hmang liam a, zaikhâwmnaah ka lang ve zauh zauh a, țhian ka kawm ve țhìn ber Anuni pawh rawn haw vein kan inkawp chawt tih theih a ni, a zârah khawhar lutuk loin hun ka hman phah, u Zomuana pawh ani leh ni lovin phone a khawih ve nasat phah ngei mai, kan inbiak tam phahin kan pawhna boruak pawh a siam țha zual em maw tih tùrin, kan inkawm ngeih phah a sawi hreh leh tim vak a nei lote chu, ka laihpui viau țhìn a nih kha, tûnah chuan ka nuihna ti tam tu ber a ni tawh.






Ka ngaihtuahna nên inrem zêtin a phone call a rawn kal nghâl zat a, " Kum a thar țêp tawh a nia, " ka lâk rual rual chuan a rawn ti nghâl thâwr a, " thar țêp tawh e, eng nge chu chu? " ka lo ti liam satliah mai a, " Pasal i nei țêp, i nulât tâwp kum tihna, " tih pah chuan a rawn nui kurh kurh a, " i chhe e, nang pawh a nih ve tho kha aw, " nui chung chuan ka ti lêt khai a. " Zànin chu țhiante nên thil kan ti khâwm ve maithei a nia, " tiin ka hun hman dàn tùr chu ka hrilh lâwk pah nghâl a, " a țul ber lo êm mai, zâikhâwm leh inkhâwm a nih loh chuan chhuah loh tur, țha takin i nulât hun tâwp hi thlah liam rawh, " a rawn tih deuh nghut nghut chuan ka nuih a ti za hlê, a hmasial vàng a ni reng sia! A thîkthu chhiat vang mai mai bâk va ni suh.






" I nu leh pa pawh lo sawipui rawh, inrawn chhuk hmàin palai lokal se, " a rawn ti leh nghut a, a țawng vêl hmuk hmuk chu ka nuih a za hlê, a âw a thum si, a rilru kaptu lo awm ta zauh lungawi chiah lo âw rî chu a bass ang char char a ni! Ka ngaihtuahna avàng chuan za êm êmin ka nui chhuak a nih chu! Ka insûm hman thlâwt lo, ka ngaihtuahna leh ka mitthlaa a hmèl awm dàn tùr nên chuan ka hmeh bel a ka nui chhuak hak hak a, " Hmangaihzual!" A rawn ti vîn hluk a, ka heh chu ka pet fan fan nghâl tawp!






" A zahthlâk ve e, i ti tu tu zêl a, eng nge kan awm lai kher a ngaihna ka zak dâwn asin, " ka lo ti kual kawi sawi vel a, a thaw hawk rîin a rawn zui zat. " I khawlhkham mang e, kum hlui thlahpui tùr chein ka lo chho ang, ka kutah dah rawh, " a ti leh hmuk hmuk tawh!






" Rawn kal i tum tak tak lo ti raw?" Ka lo ti nghâl vat, " Tum tak tak e, kan sawi fel nghâl vek ang, i ne ne kual chhûng a rei, " min ti hluk a, a ngaihtuahna ang vut vut a thil theih nghâl ni se, a thleng nghâl vek awm sia. Chutiang chu a ni dèr si lo, chhuanlam siamin ka dah ta thuaia ka rilru ka thil ngaihtuah chhuah chuan min ti buai êm a ni, ka zak nghâl chem chem bawk.





Heti taka kan hmanhmawh chhan hi ka chhûngte'n min zâwtin, ka ruak lo angah ngai ta se! Ka ngaihtuahna avàng chuan ka sa phat phat thei nia, a vawi khatna atân tak meuh lo rai ila ka ti kher mai. A hranpa a inpuan a ngai tùr mawlh mai chuan min ti hah nghâl hluah hluah bawk, ngaihtuah na buai leh chiri nuai chuan u Zomuana bawk chu ka call nawn leh ta ngawt a.






" Min va ngai ve, " intih theih hmêl fêin nui hawk chunga rawn tih chuan, ka thaw halh thung! " Engtin nge kan tih ang, ka rai si lo dàn thianghlim kan tlin loh hi, " ka ti chhuak halh a, ka sawi zâwng pawh chuan ka zak chem chem a ni mai. " Aw.. kan tlin lo kan ti mai ang, " ngaihsam hmêl fêa a lo tih chuan ka thinrim lek lek mai, ka rilru tùr a ngaihtuah thleng pha lo nge, a ngaihsam hmêl lutuk chu ka ngei tak zet, " Min ngaihtuah ve ta che ka zah tùrzia te hi, " ka vîn hlar tawh.







" Kan tih sual miau avângin kha chu kan paltlang ngei tùr thil a ni tlat alàwm ka Lâbawih, " awkî hniam zetin a rawn ti fan ruih a, min koh vêl dànte nên chuan ka thu tak angin a thu tak lo tlatin ka la hre bawk, " I chhe mai a nih chu a, i zak ve dâwn miah na nge? " Làwm lo deuh chuan ka ti lêt leh kha kha a, ka thinrim telh telh lehnghâl. " Tûna zah hnuhnawh kha a awmzia lo, a nih tùr ang a ni vek tawh, " a rawn ti leh khawl a, a lak ațanga hnemna thu beisei chu kan thinrim ru țûn zawk a ni e.




Ka ngawih tak rengah chuan, " I ngaihtuah nasa lutuk a nih kha, lo chhoh ka ngai hlè mai, ka lo chho anga a dik vek mai ang, " dam thlup leh thu tak zeta a rawn tih chuan, " Nangmah vâng vek alàwm i insûm lova, " rilru buai zet chuan ka ti ta ngawt a, thiam channa tùr leh mawhpuh tùr ka zawng ruai a ni ber mai.





Za êm êmin a rawn nui hawk hawk a nih chu! " Zomuankim, " ka ti țeu nghâl hlar, ka hnuk a ulh țûn bawk, " ok... Ka thiam lo, ka thiam loh vek, " nuih insûm zet chuan a rawn ti dût a, ka lo insût chhuak hraih ! " Ka insûm lova ,ka thiam loh vek, ka lo chho ang a kan pahnihin kan hmachhawn ang, " dam thlapin a rawn tih zâwm leh a, " ka sawi chu i hre thiam ti raw, nangmahin eng mah i hmachhawn ka phal dâwn hleinem Lâbawih, " rilruiha a rawn tih leh chuan ka hnuk a ulh zual sauh, min koh duatnate nên chuan a hmèl hmuh ka châk thara ka ngai zual ngawih ngawih.





" Ka ngai che, ka ngai lutuk tawh che, " ka ti chhuak țiau a, ka tîm eih lo, " kuah che a, duat che ka châk viau nia, " a lo tih ve sup chuan, ka țah nuih hak a, " ngaihtuah vak vak lo la ka kutah dah rawh aw ka Lâbawih, " a rawn ti leh dût dût a, min koh chu nuam a tih hmêl tak zet !





" Lâbawihi maw ka nih tawh?" Ka tih chuan, " Ka Lâbawihi, Zomuankima Lâbawihi, " a rawn ti ril ruiha, a aw thûm dût leh pà zet nen chuan a thil sawi chu a inhmeh mai bâkah, ka chhûngril a fan raih raih thei nia!








Zànriah eikhamah chuan țhiante nên thil tih khâwm kan tum pawh chu ka phûr lo kher mai ; mahse, kan thil tih tùr a pawimawh êm avàng chuan ka insiam ve ta hrâm a, ka rilru kap tu chu inchhîra reh ngawt thei lah chu a ni tawh dèr si lo, ti sual nawn leh tawh lo tùra intiam leh infuih chu tlai khawhnua ka tih theih awm chhun chu a ni mai.





Anunite inah chuan inhmu khâwmin paruk bâk kan haw khâwm thei lo, kan pawisa thawh khawm chu kan chhiar a rin aiin a lo tam ve phian mai, mi panga chhûngkaw harsa zual țanpui tùra kan lo sawi lâwk tawhte chu zànin hian hlan kan tum a ni.




Kan hmatiam chuan kan tlawh phei zar zar a, in khatah awm rei lovin kan kal deuh zung zung a, an lo lâwmin țhenkhatte phei chuan mittui nên zak si lungchhe bawk siin an lâwmzia an ti lang a, ka kal chu ka inchhîr lo ta kher mai. Țanpui ngai pui theia ka awm ve chu ka lâwmin ka chhûngril thlengin a hlim ka ti mai, a zawng chhang thlâk ka tiin, ka țhianteho pawh chuan tih fô chî a ni thû an sawi ve reng bawk a, mi dang țanpui thei tùr a kan han awm thei bîk kan vânneih zia leh Pathian malsâwmna kan dâwn nasat bîk zia, ka hre thar awn awn a ni ber e.




Kan haw hnûin u Zomuana chu message-in kan hun hman dàn chu ka hrilh ve nual a, a ngaih dànah kha chuan inti hlim a inhmu khâwm satliah tùrah khân min ngai kha nia, a thîkthu chhe zet nên a phal lo kual vêl kha nia, ka message a chhiar hunah kan thil tih tak a hriat chuan a thaw huai ang chu.





Kâr tâwp kan thlenga, a kar thar mai chu kum thar a nih tawh dâwn avângin, chu hun lo thleng tùr chuan mitin mai chu, chu lam hawi chuan rilru a inbuatsaihtîr a. U Zomuana pawh inrinni zîngah rawn chhoh a Sunday zâna haw leh tumin rawn chhoh a tum bur si a. Kum hlui thlah dûn a ti deuh bur a ni, kan inhnial fê hnû paw'n a tum chu ka țhulhtîr thei chuang lèm hlei lova. Huphurh taka ka pate ka hrilh leh chu a ngaih hmêl a ni.





Tûkțhuan kan ei lai chuan ka sawi chhuak ta ngei a, " Lo kal rawh se, a inhuam phawt chuan in inzui ta sa sa inhriat chian theihna kawng kawng a inhriat chian hmasak tluk a țha a awm lo ve; mahse, chhûngte mit ti kham zâwng leh mi dang mit mei veng lo leka khawsak te kha ka ngaithei dâwn lova, ka ring tâwk che a zahawm takin inkâwm ang che u, ho têa hmingchhiat theih a nih hi, " tiin ka pa chuan thu țha min fah zui nghâl mawllh mawlh a, ka nu pawhin lo tuihnih ve luamin an phâk tawkin min fuihin min zilh zui malh malh bawk.






Ka phone a rîk ral ral chuan ka en vata u Zomuana hming ka hmuh chuan ka phûrin ka nui deuh sâng a, " Khua ka rawn lût dâwn chiah inkawtah min lo hmuak la, " a rawn tih chuan, ka chhuak nghâl vat a, rei vak lovah a Motor rawn lang ka hmuh chuan ka thin chu zàwi têin a rawn phu rang nghâl dat dat a, lai ru zet chuan ka țhen sak a muangchângin thâwk ka la zui ham ham bawk.






kan in kawt rem laia a inhûn fel hnu chuan ka pan phei vat a, ka phûrna avânga ka chhûngril hlim veng vengte, ka thin phû leh beng sa hat hatte chu thunun tum tak chuan ka nuih var var a, " I chau em? " a bul ka thlen rual chuan ka ti vat a, ka nuih sâng bawk, " Chau lèm lo e, kawng a chhe lutuk lèm lo bawka a zia, " tih pah chuan min melh vung vung a, Chutah nui vur vurin, " In sir Ricky-a'n rawn kal ve a tum a, ka rawn hruai duh ta lo," a tih chuan, a chhan zâwtin ka mitko ka lo sàn ãk a, " Zuitu neih ka peih lo, ka duh hunah lo chuan ka haw dâwn si lova an phunna a tam mai mai, " tih pah chuan a seat hnung lam chu a hawng a, cake bâwm tih hriat tak hi a rawn chawi chhuak a, ka lo meng phar ãk. " He thil hian min ti buai lutuk, " tih nghut pah chuan ka hmâah a rawn dah a ka lo la chhâwng vat, " Ka nu thawn che nih kha, Kum thar cake a ti, " ka beisei loh daih a ni a sawi ni, a rawn lei a nih ka ring ve ngawt kha nia.




Ka hawn chuan a perh deuh a nih hmèl, a sîrah tawlhin a sawi ve deuh bawk, a rawn phurhna hlat tham ve zia ngaihtuah chuan a awm hliah hliah. " A va'n tui dâwn, a buai phah dâwn a nih hi, " ka tih hliai chuan, " buai lo, keimah ka buai ka duh angin ka tlan thei lo, a chhiat ka hlau sia kha cake tê reuh tê khân min thunun hneh lutuk, " nin hmêl tak chuan a ti leh deuh khawl a, " i va'n fel tak ka Pasal țêp hi a, " uang zeta melh paha ka tih chuan, " Ka fel man chu nakinah aw, " nui ruh ruha a rawn tih chuan, ka nui ve nghâl hak hak, ba hi ka nei reng mai ni he pa lakah hian. Ba țhìn lah hi a taima hrep lehnghâl!




Ka nu chuan min lo ngaihven vata, ka pa erawh kum tâwp committee an neih avàngin an nilèn hmêl, cake velte chu fridge-ah dah lûtin ka nu pawhin lâwmthu hrilh pahin thlai rep hawn tùr kan neih ang angte hawn tùr a awm tùr thû a lo sawi hmuh ve var bawk.





Zànriahte atân ka nuin a layer ar vulh a tui zo tawh a talh sak a, Zohera nên an puah duna tlàngnêl takin a tih tùr ang a ti ve mual mualte chu ka lo thlîr leh veng veng țhìn a, min rawn melh fuh ve chang a mitko sàn ãk a a nuih za hmêlte chu țha ti viau mah ila ka en rei ngam lo, kan awm dàn leh a hmunin a zir hlawl si lo, inngaihsakna leh inthlâkhlelhna lantîr lah a rem hek lo ; mahse, kan awm dàn leh rilru chu a inhlat lo tih hriat takin, kan mit meng leh hawi her chêtzia nên lam kan inngaihven ru reng tih kan hre thiam ve vete chu a eng emaw nawm phiana, mi dang hriat loha kan innuih leh sak zel ringawtte chu thu tel lo mah se thil tam tak a lo sawi ve thei khawp mai, chhûngril a thleng pha miau a. Duhthusàm hun thâwl nei lo mah ila boruak chu a nuam veng veng ni maiin ka hria.





Tlai boruak dai nuam tak hnuaiah chuan tlaini tla tùr sen phût mai chuan kan vêl hmun thiang takte chuan a en sen phût a, engkim mai chu an mâwi a, an thar sur vek mai. Ka bulah dingin a ban leh lamin ka darah a rawn kuah thuk a, kei paw'n ka lo nghèng ve chial bawk, ka melh chhoh chuan min lo melh chhuk ve ràn tawh bawk, ka chalah rawn tauh datin a hnâr chuan ka hnâr a rawn nùl thuak thuak bawk, a chet dàn avàng chuan ka lo nuih lêt sâng a, " I hmel țha lutuk, " tih pahin min lo fâwp zeuh a, a mit meng fiah zeta min melh vang vang hnu chuan, " nun hlui ngaihawm leh ngaihnawm siam tùrin nun thar duhawm tak Zomuankima leh Lalhmangaihzualite hian kan din dun ang, " zàwi fiah zetin a rawn ti thâm țuak a, ka chalah a rawn fâwp zui vang vang bawk.






Kum thar zawh chuan rei rial lovin u Zomuana chuan palai a rawntîr ta ngei a, U Thari pasal leh ka pate rual vêl tur an chhûngte leh pa Biaka țhianpate lokalin an thlenna tùr pa Biaka chipui ka pa lo biaksakte inah thlengin an innghat nghâl bawk.





Zànriah eikham rei vak lovah rawn lêngin inbiakna chu an nei a, sawi mai aia nasa mah in zamna in min tuam hlup hlup a ni ber e, thil engkim hre sa ni mah ila ka zâm loh phah chuang hauh lo.





Ka pa chuan, "chhûngkua kan lo inrawn khâwm ve ang a, khualkhua ațanga lo kal te in ni bawk si, naktûk zàn lamah hian lo kal leh u la, duh leh duh anni bawk a, ngaih țha deuh khân lo awm rawh u. Chanchin làwmawm kan inthlen tawn tùrah ngai ang, " tiin a thlah kha a nia.






U Zomuana pawh mipa zâwk mah ni se a zam ve hlê tih a awkî ah hai theih a ni lo, a châng leh, "rem lohna a awm pawhin ka rawn ru tho ang che, " a ti leh ngawt zêl a. A tûk zànah chuan engkim ruat fel a ni ta, inneih hun leh ni tùrte nên lam tih fel a ni bawk. Dan thianghlim kan tlin loh miau avângin u Zomuanate kohhran hall ah March ni 6 ah inkutsuih tùrin thu an ti thlu ta a ni.




Ka nunin rahbi thar a kai ni tur nghakin hun ka hmang chho leh phawt dâwn chu a nia, kan lo chêt sualna avànga ka nu leh pa rilru ka tih natna leh an zahna ka thlen vàng erawh chuan, ka dam chhûngin ka inchhîr tawh ang ; mahse, ka fate nunah erawh he ka thil tih sual avâng hian zirtîrna țha tak erawh ka pe ngêi ang.






Naktûk zân kan àwl zân a nih kha aw, comment lamah inhmu leh sap sap ang u aw, tumah chawl bîk mai lovin, a la lang ve lo pawh zànin chu lo lang ve tùrin ka sâwm bawk che u, comment chhiar nuam tak tak a lo awm hian ziah hah man hi a awm bik hliah hliah țhìn

[Abbra Reo Ririni]

Lovers

Chapter ~29

By~ Rengpuii Lushai





Thawnthu ngaihnawm ziak tùr chuan hun kal ta a țahnate, natnate, lungngaihna leh thinurna kan tawhte kha a ti ngaihnawm tu leh a hnarkaitu anni lawi si, a hun laiin nain thîp vawng vawng țhìn mah se zinkawng ngaihnawm kan zawhna atân a thil pawimawh berte an lo ni fô zawk si.






Hringnun a rahbi thar kai turin ka inbuatsaih sauh sauh a, phûr sar châng awm mah se rilruin kiltin an chhui kual chuan huphurhna chen a lo awm leh țhìn. Hmeichhiain a hun tawh a ropui ber ni tùra kan ngaih țhìn hun chu a ni telin kan hnaih zêl a, rilruin a ngaihtuah ngai loh thil tam tak a ngaihtuah chho a, inneihna ropui hian inneihna tlo a thlen kher em tih te, inneihna hrim hrim hi chu a ropui em em a, inhmangaih leh hmangaihte pum khata an insiamna chu thil hmuh nuam leh ropui a tling a ni .






Keini lam pawh theih tâwpin kan inbuatsaih sauh sauh a, thenkhatte rilru a dam kim lohna erawhin min ti hnual lek lek țhìn; mahse, hriat loh der a hahdamthlâk zâwk tlat avângin a êng lam thlîr tùrin rilru ka siam sauh sauh thung.




Ka nu in min fuih awl lo a, "He ti teh thut a hi inni sia, thu țha leh awm dàn țha ka duh ang pawhin ka hrilh hnem hman tawh dâwn lo che," ti khât tawk rengin awl hlek leh mi dang awm loh hlek chuan thu țha min fah mawlh mawlh hi a ni deuh reng mai.






U Zomuana phûr ru lutuk lah rîk hlut ngaihna hre chuang si lovin a rilrua awm leh a thawh dàn ang ang a mi lo biak thut a ching a, " Kawr fual hnuh hrep ngai kha ha lo la ti raw?" A rawn ti thâwr a, a hnu deuhah, " I duh duh ha rawh, hmeichhia chuan Kawr fual hâk dulh dulhte in châk țhìn tak e, " a rawn ti leh thul, ama tâwkah a lo buai ve êm êm a, " I rawn period lût vêl țut ang e aw, kha lama inhmakhua kha a fuh ang, " nuih kurh kurh paha a rawn tih phei chuan ka nui lo thei lo, a phûr ve zia pawh inti pà takin thup han tum viau mah se a ti hlei thei meuh lo a ni. " A hun leh ni a fel tawh a, zamna chhan tùr ka nei tawh lo, " ti a zan rei tawh hnua min lo text na, zîng lama nui var vara ka chhiarte hian kei ang thoin a rilruah ngaihtuahna hrang hrangin a chènchilh ve reng tih ka hre thiam mai țhìn, ka tân lah a hlimawmin ka zâmna leh huphurhna tam tak chu chuan min lak kiansak ka ti lo thei lo.







Aizawl kan chhuk leh dâwn hnaih tawh avângin in lamah a țangkai thei ang bera hun hman ka tum a, bungbêl ka tih fai lai chuan ka phone a rawn ri ral ral, ka en chuan u Zomuana hming a rawng lang va va a, nui seihin ka chhâng nghal thuai, " Lâbawih, March ni 6 chu a hla deuh mah mah lo maw, January thla chhûngte hian tih fel law law tùr a nia, " a rawn ti leh tawh! Eng mah pawh ka sawi hman lo, ka rin loh lutuk lam a nih leh tawh vâng a ni ber. " Awii i mak e," ka ti hliai ta ringawt.






"A rem tawh ber chuan a nî an ti fan thui mah mah, țûl lo lutuk, " a ti leh hluk hluk a, " Nupui neih châkpa, " Ka tih chuan, "Châk e, ka upa tawh alàwm, " a rawn ti zui leh zat a. A upat nate hi a chhuang zâwk nge mawni ?!



Kuri pawhin min rawn bia a, min phûrpui ngang mai, palai lo kal tùr thu ka hrilh hnua dàn thianghlim kan tlin lohna ka sawi leh lek phei kha chuan, "awi awi awi, dah lawk ang, Zomuankima ka be lawk dâwn," ti zuiin an va inbe ta kha a nia, an inngam leh biah biah ang chu!






Aizâwlah kan chhuk leh tawh a, pasal nei mai tùr ni tawh mah ila ka hna erawh bansan mai ka tum rih lo. U Zomuana nên pawh kan la sawi dûn tùrah ka ngai, hnathawh tùr ka duh êm êm laia min lo duhsaktute an ni a, han ban mai pawh ka tân chuan a uiawm ve mai bâkah hlawhte a lo țhain duhsak ka hlawh a. Chutah ka tân inzirna țha tak niin hmasawnna pawh ka ngah phah hlê bawk.





Kum thar hnua kan kal ni hmasa berah chuan fiam ka hlawh nasa zual ngei mai, Rinawma lah chuan, "Pi i ni ve tawh mai dâwn sia aw, i inhmeh lo reuh," a tihte chuan zak angin ka lang duh tawh bîk lo, "Diaper man tùr inkhâwl ila ngai lo bawk a, ka fate diaper man chu i rawn san chhuah ve a ngai ang, chuan inneih nîah ka dah pawimawh viau ang che, " ka ti lêt zarh zarh a, u Chd-a lehkha en fel kan thu sawi ngaihthlâk loh hmêl tak a awm chu, rawn nui chhuak hawkin Rinawma melh pah chuan, " Țan i lâk ve deuh chu a ngai tawh aw, Lâtei pawh i ngam tawh lo tlat," a rawn tih chuan, Rinawma'n tih ngaihna hre lo zetin, " An pa hlauhawm awm nên," te ti nawi zuiin, an lo lèn zâna u Zomuana rawn kal leh hnuhnawh dànte chu sawiin an nui zui ham ham a.








Bân dawn lam hnaih tawhah chuan u Chd-a chuan min lo au-in a țhutna lamah ka phei zui vat a, țhutna a ka țhut hnu chuan thu tak zetin, "Lâte, nau ang chiahin ka en che a, a tîrah kha chuan i ti fuh ang em aw tih kha keipawh ka rilru ve tho a nia; mahse, i țhianpa pawh ka hmu ve ta zeuh zeuh a, i ti sualin ka ring lo. Tin, ani kha misual a nih ka ring lo bawk, nuteite hian hriat fuh loh palh thil an nei a nih ka ring ta hial a ni, a tîrah chuan nuteite ngaih dàn kha ka ngaih dàn ve tho a nia," a tih zawm deuh zat a, thu dik engkim hrilh ta ila 'thil a danglam phah ang em le' tih chu ka rilruah a rawn lang hmasa ber; mahse, u Zomuana nun hlui ka tel ve lohna a nia, amah hrilh hmasa lova lo sawi chhuahsak ngawt chu a țha berin ka hre si lo, " u Chd, ka lâwm lutuk, kei pawhin ka u mipa ang maiin ka ngai che a, ka thla pawh a muang țhìn reng a ni, " ka ti ve bawk a, ka rilru tak a ni rêng bawk a ni.







Envelope-ah eng emaw rawn keng chhuakin, " u ang tak taka min en a nih chuan hei hi i pawm a ngai, i mamawh zawng zawng pawh a phuhru zo dâwn lo; mahse, tlêm tê tal a lo phuhrûk ve theih takin," tiin ka lâk theih tùrin a rawn dah zui nghâl chuan ka beisei miah loh lam a ni, " A ngai lo u Chd, min ngaihtuahnaah ka lâwm lutuk; mahse, hetia'ng hi a ngai lo, i thawhrimzia ka hriaa ka hmu bawk a, i thawh hahna a thlâwna lo tel ngawt chu ka tân a nuam lo lutuk, i hnuai a min thawhtîr te hi ka lâwm tawh tehreng nên," ka ti zui bawrh bawrh a. Min nuih vur vur pah chuan, "la mai mai rawh, u ang tak taka min ngaih chuan i lâk a ngai," Tiin a tho zui thurh a. Haw mai a tum tâkah chuan hreh zeta melh chung chuan, "a nih ka lâwm lutuk aw, ka lâwm tak zet a nia aw," ka ti zui ve ta nge nge a.




"I lâwm tak tak a nih chuan hna i rawn thawh zawmte a rem loh tak hlauh chuan kan office a thawk tur nangmah ang hi min hmuhsak la a tawk mai, " a rawn tih chuan, amah en pah ran chuan, "i nupui tùr nên lam ka hmuhsak vek ang che," ka tih tâkah chuan nui nasa zual sawtin, "i inti thei siah," tia nui zui hak hakin kan inzui chhuak ve ta nghâl a.





Pâwnah chuan u Chd-a chuan, "a lo thleng tawh a nih saw, inneih a hnai tawh sia, tih thinrim hun a ni tawh lo em mai kan kal leh vat mai ang e," tia nui huk hukin a motor awmna lam a pan zui nghâl vat a nih chu, ka melh vak a ka nui ve ta sak tho.






U Zomuana min lo nghahna lam panin ka kal zui ve nghâl a, ka luh rual chuan, "mi dang lo chhuahna a rei tawh nên, in va khawtlai rei bîk ve," rin lâwk ang ngeiin a lo ti nghâl thâwr a, amah en chung chuan, "khawtlai mah ila ka ngaiin ka hmangaih ber tho che," tiin zah theih loh chhuah chuan a hmuia ka fawh tak zeuhah chuan nui sukin, "pasal tùrte tih làwm dàn i thiam chho riau mai," a tiin a nui vur vur a, a nuih vur vur lai tak chu remchânga lain, " U Zomuan kan inneih hnuah pawh ka hna hi ka kal zawm thei ang tiraw, " ka ti zui vat a, min melh zawkin, "U Zomuan ti lo hian min ko ve chhin teh, duat deuhin," a rawn ti daih a nih chu, a pawimawh ber lai chu a hre lo der daih a nih chu!






"I phakar e," ka tih fân raih tâkah chuan, "kan la sawi țha dâwn nia, " ti ve bawk mah se a chhànna tùr àwm chu ka hre thuakin ka inhria. Nawr luih loh rih chu a finthlâk zâwk a ka hriat avâng chuan, ka sawi zui duh ta lèm lova.





Kan inkawta chhukin kan invai liam hnu chuan ka naute lo haw tawhin chaw ei an lo peih titih tawh a, a hahdam thlâk țhìn. Ka rilruah hna chungchâng ngawt chu a awm zui a, vei nei ru rân chungin ka che kual a ni mah. Thawh zawm zêl chu ka duhthusàm a ni, ina awm tawp aia tlem a zawng thawh chhuah ka lo neiha ka chhûngte pawh eng kawng emaw tala an phurrit chhâwktu ka lo nih theih chuan a zia dâwn êm a tih vêl thlenga ngaihtuahin ka vei zui a ni ber.






Rilru a buai leh deuh nak mai, hmeichhe dang pasal nei tùrte hi ' keimah ang hi anni ve hlawm ang em le? Engtin nge an awm ve țhìn ang le? ' tihte chu ka ngaihtuahnain a chhui kual nghâl vek a ni hawt e.







Inneih nî tùr kâr khat vêl awrhin min la dang a, kan theih tâwpin kan inbuatsaih tlâng a, phâk tawk țheuhah mi an ngaihtuah êm êm vek a. Kurite chhûngkua ka chunga an țha lutukte hi ka vannei ngawih ngawih, tu pawh mai hi ka lakah an țha êm êm vek ni maiin ka hria.







Mahse, nu Sawmtei erawh chanchin ka nute'n an hrilh ve zêl chung pawhin a reh hmak a ni ber e, ka vânneihna lam leh mal sâwm ka dawnna lam zâwk ka thlîr lui zêl a, ngaiah ka neiin ka palzam chho a ni tawh ber e.






Amawitea'n ka hâk tùr engkim min buaipuisak a, thawhpui neiin a thawhpui chuan min chei dâwn thung a. Kuri'n min dinpui dâwn a, krismas laia a sam tan kha a duh angin ka țhang chak leh si lo a, a phun leh nang nang thin, "May thlate ti ula țha tùr, ka sam a sei hman deuh ang a, " a tih lah chuan U Zomuana'n, "Kurtee, a tawi pawh kha i inhmeh aw," a lo ti hluam zêl a, a sawina rilru Kuri hre chiang siin an inhnial fiam leh bat bat zêl.







Thawmhnaw lam hi ka hriat loh êm avàngin Amâwitea kutah ka innghat pum hlum tawp a, a ni lawmah a tlain theih tâwp min chhuahsak a. Hun a neih loh tehlul nên ka hâk tùr a buaipui chhûng chu thil dang eng mah khawih lovin min buaipui tawp a, ka lâwm kher mai. Amah lah chu a phûrin u Zomuana țhat zia a sawi uar thei tân tân viau, " Zomuankima hmêl țhat dàn hi chu kiltin aţangin a țha, ti ila a fun kim ber, " uar deuha a tih tân tân hi chuan kan nui leh nge nge zel. Tum khat pawh kan thawmhnaw buaipui min rawn lam laiin Amawitea'n a sawi leh chiam a, " Engti hawi zâwng pawh hian a țha, în inhmeh lutuk hi chu thîk tu hi i ngah ve nia aw, " a tih zuah zuah lai chuan, a dawr Kawngkaah u Zomuana chu lo ding reng tawh niin, phawk lek lek chuan Amâwitea chu a melh kur a nih chu, nui hmêl a pu bawk si lo mak ti deuh hmêl a pu zâwk mahin ka hria. Amawitea lah zak buai eih lo, " Awi a țhat ker kur zia saw," a la ti zui hrâm a, pakhat pa lah chuan a melh kur ringawt bawk si an infak fuh vak lo a nih hmèl.






U Zomuanate lam pawh an inbuatsaih nasa a, an chhûngkaw țawngkam Kuri min hrilh leh danin, "Ani thinlung muthlu kaih thawha a awm hi a làwmawm em mai, theih tâwpa hlim tlângin hun kan hmang tùr a ni, " tiin chhûngkua pawh an fuankim hlè a ni awm e.







A hun a rawn thleng a, a hma zân ațangin mu țha thei lovin ka awm tawh, ka helhhawlh a ni ber mai, zîngah pawh ka harh hma ngang mai. 'Ni chhuak rawn lang siar siar chu ka thlîr vang vang, a mâwi tak zet, ni chhuakte chu a thar bîk riauiin ka hre bawk. Ka pasal neihna nî tùr, ni lo chhuak a mâwi a, a bul vêl a mi te'n enna an lo neih phah ang chiah hian ka pasal tùr tâna mâwi êm êm ka duh a. Chu mâwina chuan ka bul vêla mite pawh èn tel ve bawk se, pâwn lam chauh ni lo chhûng lam thlengin' tiin duhthu ka sàm zui bawk.







Mi dang pawh rawn tho sap sapin thawh hlim aţangin kan buai nak nak hlawm a, ka nu leh pa room-ah rawn lûtin ka lu chungah kut nghatin țawngțai dunna an rawn nei a, thu țha leh awm dàn dik leh mâwi min hrilh nawn leh mawlh mawlh bawk. Ka hnuk a ulh deuh titih nên ka nu nên chuan kan insût leh faih țhìn, lungngaihna mittui ni lo mah se an fanu an hmangaih êm êm ni mah ila an mahni kalsanin chhûngkaw tharah ka lawi lût tawh dâwn a, anni nên a kan inkâr chu a hmâ ang a ni thei tawh dâwn lova, thihna êm ni lo mah se ințhen tawh tùr kan nihna chuan engkimah lung a ti chhia a ni ber.






Inneih thu tiam kan chham lai chuan nghet taka ka kuta chelhin min melh ràn a, a thinlung zawng zawngin Pathian leh Kohhran mipui hmâah ' thihnain min țhen hmâ loh chuan ' tih thu tiam chu a chham tih ka hria. inneih ropui emaw dàn thianghlim emaw hian fanau malsâwmna min tiam lova, chhûngkaw hlimna leh malsâwmna min tiam hek lo. A ropuina chu Pathian hmâa thinlung leh tih tak zeta thu tiam kan lâkna thuthlung zawk a lo nih zia ka thinlungin a hre chiangin a pawh thiam ve ta. Chutiang chiah chu a mit mengah chuan ka hmu bawk, inneih zungbun kual tê reuh têah chuan kan khawvêl thar tur a inphan chiat a. Kan khawvêl mawi leh mawi lohte nawm leh nawm lohte chu kan pahnihah a innghat tawh ang, damchhûng thuthlung kan thlung tawh miau a ni. Thu tiam kan chham chhûng zawngin a thu thiam chu a mit mengin a nem nghet a, a takin a fiah kher mai chu chuan ka thla a ti muanga ka hnuk erawh a ulh țûn mai.







Hun hlimawm leh thlamuanthlâk zet mai kan hman lai a rimawi lo ri riai riai chuan mi a dek kher mai. Kan hun hman mêk nên a inhmeh zetin cool dam dap in "Lovers" hla ngei mai chu rawn rîin, boruak chu a eng emaw nawm êm êm bawk, a hla thu kan inngaihbel theih laiahte chuan u Zomuana chu ka va melh zawk a, min lo melh reng tawhin mâwi zetin a lo nui var var. Ni e, a hla thu ang chiah hian kan in duhna hmangaihna hian kum khua daih se, hun bîk neite hun bî a inthlâk ruala inthlâk ve mai mai lo hmangaihna nei dûn reng i la. Kan induhna leh inhmangaihna chu pung zual se, ti buaitu Awm lovin a pâr mâwina chu vûl reng se, hrehawm a lo thlen châng nî pawhin êng zâwnga thlîr dûn zêlin inlaichinna nghet tak neih theih hi ka duhthusàm a ni fô ang.





U Zomuana Room kan pahniha Room lo ni taa kan luh chuan ka zâm ru nghâl kher mai, Kuri leh Anunite, Amâwiteateho kan thlah zo chiaha a hmâ tawh lo viau. U Zomuanate țhianho bîk tlêm leh keima lam hnai ve deuh hote nên rei vak lo hun kan hmang ho kha a nia, after party ang bung bung ni lo an țhian țha zual tak takte leh an kawppuite nên fel fai takin intih hlimna leh inhriat chianna ang hun kan hmang ho a ni ber. Kan pahniha kan duh dan niin a țhiante nên pawh chiangkuang taka inhmêl hriatna hun a ni bawk a, a fel faiin a nuam tawk kher mai.








" I inbual dâwn chuan ti vat la, min ti khaw tlai, " Khuma ka bawhthlâk rual chuan nuih suk pahin a rawn ti nghâl zat a, " Lo mu la ka dâl loh che hi, " ka lo ti liam puat, ka melh duh eih lo min chhaih châk tih ka hre ve tlat, " Khati pawh khân a mut theih tho alàwm, nge kan inbual rual dâwn, " tih pah chuan ka chungah rawn inbeng kãngin nuih insûm zet chuan min lo melh chhuk nghâl sawr sawr a, a heh chu a pet fan bawk.




A hmêl țha zet chu ka kut țang chuan a chal aţangin ka lo thai thla riak riak a, a mit meng nung sarte chu hmuh a nuam tak zet. A lu meh thar chuan a hmèl a ti lang pàin a ti thar sur mai, a bek kawlh lek lekte, a chhîp buk lam kawi deuh chiatte chu vawiin bîk atân an set sak tih hriat takin awmze nei takin a fel fai thlap tho si, a ti lang danglamin a tûnlai hlè. Ka ngaihtuahna chu hre thei ni àwm takin, " Sangsangi leh a țhiante an che a nih hi, " tih pah chuan a țhen suk a, a lai ve deuhin ka hria a mit meng chu a danglam nghâl.






" I inhmeh lutuk, i mize cool deuhna bo chuang si loin a ti lang hot zual bawk si che a, ka pasal chu ni tawh lo la ka ngei lek lek zâwk ang che, " nui saka ka tih chuan, a hmui ka thai riak riakna ka kut țang chu seh zauhin a nui suk a, a mit meng thim raih a min melh ràn chungin awmze nei deuh hian ka kut țang chu fawh pahin a liak kual zai zai a nih chu! Ka sa nghâl pup thei! Ka thin chu rawn phu zui dup dupin ka chil ka rem ri khalh a, ka kut chu seh leh sakin, a la sawn vut a, " inti fai lo mai ang, i sexy tho," tih pahin ka kawr chhanah ka hnute rawn seh leh thutin a seh loh lam a țhâm tâwk bawk, min ti phûin ka sa kual zawk zawk a ni ber mai, thaw halh halh chungin ka inbeng khalh a, " intih fai phawt ka duh, " ka ti chhuak halh a, ka thaw hak hak bawk. Rûm nghutin min rawn fâwp ngawr ngawr a, ka kâwngah chelhin min thawh kànpui lâwp a nih chu, a lian bawk a min zo lâwp lâwp khawp mai.





Min pawm țhain ka bawp chuan a kâwngah min kherhtîr nghâl zat, ka kawr hâk a chhîng sa bawk nên ka mal lang vekin ka mawng bâwrah a tawm vek tawh; mahse, chu chuan eng mah a dal mai ni lovin a hnawk hial tawh zawk a ni. Min fâwp ngawr ngawr chung chuan bathroom min pan puia ka mawngah a țhâm leh tâwk țhìn a, nui hak chungin ka lo fâwp lêt ve ngàng ngáng bawk.





Ka kawr chu ka darah hui liamin ka bra nên lam chuan a nawr thla nghâl tawk a, ka taksa khùr ru der der chung chuan ka thaw hak haka, ka âwm bawr insêp darh darh chu melh vung vungin, " A nalh lutuk, i itawm zia hi i hria em, " ti țuak chungin ka kâwngah chelhin min hnûk hnaia, ka hmuiah fâwp buan buanin ka nghâwngah a fâwp thla nghâl dun dun bawk, a rawn chêt thut dàn chu lo nuih hakin a tukkhumah ka țhâm ve salh salh a, bangah min nawr betin ka hnuteah chuan a rawn fâwp nghâl ngàng ngáng bawk, ka ip chawih a thaw hak hakin chil ka lem ri nghâl khalh khalh bawk.




Min thlah thutin ka nghâwngah chuan a hmai phumin a hmui chuan a rawn nawr zui vang vang a, ka thaw dun hak hak bawk. Shower chu on in, " Ti vat teh ang, " ti hluk chungin min rawn phuh nghâl zat bawk, a làwm loh hmêl lutuk chu ka hmui petin ka nuih pat pat a. Tum hmukin a thawmhnaw chu a hlîp buan buana, a mit meng thim raih chuan a tih châk leh a hmabâk chu a thup lo hle.




Kan fai meuh pawhin ka ring lo, towel a min hru thuak thuak chungin min fawp lehnghâl ngawr ngawr tawh! Nui hak hakin a darah ka lo beng dat, min fâwp reng chung chuan a nui ve suk tho, chhuak mai lo chuan bangah min nawr bet leh vut a, ka hnungzangin bang vâwt thler a deh rual chuan ka mur nghâl er er bawk. " Zànin chu i muhîl dâwn lo nia; mahse, hrehawm erawh i ti hauh lovang, " ka benga seh zauh paha a rawn tih chuan ka tukkhum a bang nawr chuan ka lo nui hak, ka hnuteah fâwp thla zêlin a seh ner ner a, a darah ka kut nghatin thaw hak hak chung chuan ka lo hmer lêt ve ngat ngat bawk.




Kan thaw rî leh a chânga kan rûm rî te chuan kan boruak chu chhêm alh zualin kan duhthawh dûnin a kut pawh chu a awmtîr mai mai lo hle, ka hnutea fâwp reng chung chuan ka kap lamah a zen thla riai a, thin phu dat datin a tih lehzêl tùr chu ka lo nghâk tawp mai ni! A kut zei taka a chet kualtîr tâkah chuan ka insûm hman lo, ka rûm chhuak haka chu chuan a ti phûr zual tih hriat takin a kut chu chêt rang sauhin a uar hlê. Thaw hak hakin bang chu ka tukkhumin ka nawr ngat ngat a, a zeiin min sawngbawl dàn chuan min ti danglam hneh lutuk mah mah, kan thil tih bâk eng mah ka ngaihtuah thei tawh lo, nupa kan nih tawh miau avângin phûr taka lo dawnsawn chu ka tih tùr a nih bâkah tih làwm lêt chu ka tih ngei ngei tùr a ni zâwk tawh tih pawh ka chiang nghâl hlè bawk.





Thaw hawk hawkin min rawn fâwp leh buan buan a, ka bawp pahniha chelhin min chawi kànga, a kâwngah rem taka min kherhtîrin a thaw hulh hulh bawk, ka chalah a chal rawn nghatin a mit meng thim raih leh phelh phang tawh chu a sexy hluah hluah. Zawi muangin min melh ngar chung chuan a mipatna chuan min rawn zawm riai riai a, ka heh pet fanin ka lo chhîng nghâl sak bawk, " min en rawh, " ka hmui a rawn fawh tâwk pah chuan a rawn ti țuak a, ka meng chhuak ve ria ria bawk.




Bang ring chuan chêt a la zui salh salh a, a darah nghet takin ka lo chelh ve bawk. A rûm rî leh ka thaw hak hak rîte chuan bathroom chhûng chu an luah khat hnêh hlè, kan chêt dân rem lo zet mah se min ti sosâng zual zâwk tu emaw tih mai tùrte nên chuan kan boruak chu a țangin a inhmeh vêl vek mai, dawhthawh takin hnuai lam chuan min rawn nawr salh salh reng a, a tâwpah chuan ka taksa chu rawn sa pup pupin ka zawi deuh hnaka a darah chuan ka hmuia lo nawr ngat ngatin, a tâwpah phei chuan ka seh ta hial! Ka zawi deuh hnawk tâkah chuan min kal sawn puiin bathroom aţang chuan min chhuahpui a, kan taksa la inzawm reng nên min tih ang ang chuan ka lo dawngsawng tawp mai ni.








Khumah min bawh betin min rawn fawp nghâl zat, duhthawh taka lo fâwp lêt ngàng ngángin ka lo chùl kual ve ruai bawk. Chêt lak zawmin hnuai lam chuan min rawn nawr leh salh salh a, a che chu a rangin a duhthawh sawt kher mai ka âwmah rawn țhâmin rûm nghut nghut chung chuan a che sauh sauh a, hmèl thlan hluam leh insehruh tlat chung chuan min melh ngar bawk a, a pàin a sexy tak zet. Keimah vanga a danglamna nuam ti hmêl chu hmuh nuam ka tiin, chutiang chiah chu amahah pawh ka nih ka ring, duhthawh taka min rawn fawh ngàwng ngáwng pah chuan a rawn nawr uar salh a, kei pawh sa pup pupin ka chhûngrilah chuan min țhâm a, ka ip zawk zawk hialin ka hria, nuam lutuk hian min rawn fan chiai chiai, ka rum nghâl hak hak bawk. Ani pawh a danglamin a sosâng nasa tih hriat takin a che pawh a duhthawhin a uar kher mai, rûm hawk hawkin ka chungah chuan a rawn bawk zui thlawrh a, kei pawh ka taksa țang țung chu thlah hnawkin ka zawi ve hnak tho. Kan thâwk lâk a rangin a ring dun hle, ka nghâwng leh biang vêlah rawn fâwp kual dun dunin, a tâwpah ril ruihin ka hmuiah a rawn fâwp vang vang, min fawh dàn chu a damin a ril ka ti mai, phut lêt nei ràn leh duh nei ang a ni lo. Mipain an hmeichhe duh leh thlâkhlelh êm êm, thinlung zawng zawnga fâwp vawng vawng hi ka tehkhin ber.





Ka sam ro lo chu towel lain min hruk sak nawk nawk a, chhêm ro a tih paw'n ka dawh peih tawh thlâwt lo a ni ber, puan min sintîrin a âwmah zatve ah chuan min pawt hnaiin ka bawk deuh titih bawk, ka chhîpah fâwp vang vangin, " muhîl rawh, zîngah thawh hmâ kan ngai, " a tih chuan a nui tih ka hre thei a âwm chuan min nghawr detin a thaw chhuak nghâl suai suai bawk. Nui sakin a lungphu dup dup zâwnah ka bek chu dah rem sauh sauhin ka chhîng nghâl vang vang a.






Zànin chu kan tlai hle a ni e, min lo hre thiam hrâm mai teh u mimal buaina hi a lo awm ve thut țhìn bawk si. Eng pawh ni se, comment min pe țhìn tute chungah lâwmthu ka sawi leh mawlh mawlh e, ka ziah phûrna leh regular loh ka hlauhna chhan in ni e, min lo țawiawm ve zêl r'u aw

IMG-20231121- WA0008(2).jpg

Lovers

Chapter ~30

By~ Rengpuii Lushai







Hlimna hi eng ber hi nge ni ang? Hring nunah hian hlimna hian thla a zâr reng lova, neih tâwka lungawi, hmuh tawka làwm thiam, ban phâk tawk duh tawk, chan tawka lungawi mai theite hi khawvela mi hlim berte an ni mai ang em? Hetiang mi nih erawh thil har tak a ni.







" Good morning Lalduhawm, " tih dût paha ka hnuteah a rawn țhâm salh chuan ka lo nui seih, ka hnung ațanga min rawn kuahin a bawp sei leh rit nulh chuan min kherh bet chial bawk. Ka bekah a rawn fâwp kual dun duna a lei chuan hmang telin a liak kual zai zai bawk. Ka za ti lutuk chu nui hak hakin ka tal nak nak a, min kherh hneh bawk si harh hlim hlawt tawn atân duhthusàm a țha boruak hlimawm tak ka tawng nghâl chu nia, ka chhûngril thlengin a hlima ka thla a muang hliah hliah.




" A nâ, " ti hlakin a chhîp sam buk laiah chuan țhâmin ka nem vak a, ka hnute hmurah a rawn seh a nih chu! " Hremna a nih kha, thil dang ngaihtuah phal loh i Zomuankima chiah ngaihtuah rawh, " tih sup pah chuan a rawn nui suk a, ka ngei lek lek nâin a mit meng tak ngâka min melh sawr sawr reng avang chuan thaw hakin a chalah chuan ka fâwp zauh a, " tho ang, thawh tlai ka duh lo nia ka zak dâwn," tih pahin ka tal deuh nak a, min kherh nghet sauha a taksa thlâwp chuan min hnûk hnai salh bawk, " A hmasa berah i pasal zêl aw, " tih pahin ka nghawngah a bân pakhat rawn rawlh lûtin ka ring chu a her deuh a, min melh ràn chung chuan, " min duat phawt a ngai, " a ti leh deuh nghut a, intih pangchan kual vêl chu a hmèl tak ngul nên chuan a inhmeh lo nâin a duhawm viau thung si, a inhmeh lo ka ti phal chuang lo nasa. Beisei nei deuha min melh kur chung chuan a chîp hmuk bawk si nên ka nuih chu a za kher mai. Rem lo deuh chuan a khabe kual ngheh hmel zet ti lang pà êm êm tu-ah chuan ka fâwp kual dan dan a, amah ti Zomuana ngawih ngawih tu a khabe phîrah tak chuan ka fawh sak vang vang bawk.





Tum hmuka min la melh ngur avâng chuan ka mitko ka sàn khum ãk a, chhîng chual chunga a hmui rawn dawhin a ti pawrh deuh a nih chu! Nui hakin, " I tenawm aw, " tih pahin a hmuiah chuan ka sawk deuh hlak a, nui ve sukin, " i rei leh kan tho tlai tihna, " nui țhu chunga a tih tâkah chuan rem lo deuh chuan ka fâwp ta nge nge a, nui suka min fawh lêt pah chuan rem vak lova ka ban ka delh lam chu a laa ka kut țang kârah a kut țang hrawl zet rawlhin a hmer nghet salh bawk, min kherh nghet sauhin min fâwp nghâl ngàwng ngáwnga, hei hi a tum sa rêng a ni, ka hre thiam chiah, ka che thei eih tawh lo!




Ka âwm bâwr chu a kut leh lama țhâm salhin min chùl kual ruai a, duhthawh takin min fâwp reng bawk nên chhàn lêt loh leh phûr taka lo dawnsawn loh chu a harsa mah mah! Ka bawp pakhat a la kãnga a bawp chunga hlangin a do kãng nghâl zat bawk, a taksa thlâwp zaiha hnung lam ațanga min kuaha kherhbeh ka ni bawk a, ka mawng zâwna a mipatna in min do na lah chu hai theih a ni lo, thaw hak hakin ka thiam ang tawk chuan ka fâwp lêt ve ngàng ngáng a. Rem lo zetin a bekah chuan ka chelh lêt ve țawk țawk bawk.





A kut chuan ka mal leh àwm bâwrte chu a chùl kual ruai renga thaw hak hakin ka kut a chelhna ka hmer nghet ve salh salh bawk, a kut chuan ka mal inkâr rawn dap thlaa zei tak maia a kut a chêt zawmtîr chuan ip chawih chunga a kut chu chepin ka rûm hak hak zui a. Thaw hawkin ka bawp chu hnung lam aţang chuan a malin a rawn nawr kau leh nghâl zat bawk, a bân ka kham zawk chuan ka âwmah a kuaha min hnuk hnai salh, hnung lama țanga min rawn zawm chuan ka thaw nghal hraih bawk. Ka darah rawn bawh deuhin min fâwp zui nghâl ngàwng ngáwnga muangchâng chuan hnung lam aţangin a rawn nawr salh salh bawk, zei tak maia chêt a lâk meuh chuan ka heh chu petin ka rûm leh hak țhìn. Chu chuan ti phûr zual tih hriat takin, min rawn fâwp leh tâwk țhìn bawk, a taksa inphiar fatte chu thlanin a bawh hnawm chual a, a hmêl sen țalh țalh leh a insehruh hmêlte chuan min ti phûrin ring kànin ka han fâwp ve leh ngàng ngáng zêl.



A tâwp a thleng hnai dâwn tih hriat takin thim raiha min melh ngar chung chuan a che rang sauh a, kei pawh ka thâwk lâk a rangin ka chhûngril ațang chuan min rawn tur tu awm ang mai hian ka taksate chu ang țangin ka lo thaw ve hak hak bawk, a tâwpah rûm chhuak hawk hawka ka darah a lu rawn nghatin a rawn zawi hnaka, kei pawh chu zawi hnak chungin ka thaw chhuak halh halh a, saisîr deuha ka la awm avângin min kuai lêtin min fâwp zui vang vang bawk.




" I hmêl țha zet hi a tai têk a nia, kan thil tih zawh chiah vàng khân ; sexy erawh ka ti viau thung, " tih pah chuan ka hmai tlangah min fâwp kual dun dun a. Zawi zet chuan ka lo țhen ve saka, " mi dang hmuh ve atân chuan a sexy mah mah, kan inkhung nilêng mai dâwn mi, " uang deuh titiha a rawn tih leh dût dût chuan, " i ninawm aw, tho ang, a tlai tawh, " ka ti lêt hlaka, thawh tlai ka tân a zahthlâk tùrzia min ngaihtuahpui pha lo rêng rêng, " nilêngin induat ila kan room-ah honeymoon kan hmang a ni mai alàwm," tih pah chuan ka hnâr hmâwrah a rawn seh zauha, ka țe țhata a lo nui suk suk thung, a ha ziau hi ka tuar reng mai ni!




Bathroom-ah min pawm lûtin kan inti fai leh thuak thuak a, a kut hlei zet chu ka bensak ngun hlè, eng mah ti lo ang mai chuan min lo melh lêt zawk zaw mah ziah lehnghâl. A châng leh, " inti thu viau suh, i ta bîk a ni tawh lo, engkim kan ta a ni tawh, " nui ruh ruh chunga a tihte chuan ka melh tawp tawh, a nghal lutuk leh hetia'ng êm êma mipa phûr thei a nih hi ka ring ngai miah lo.



Bathroom aţanga ka chhuah chuan closet room atân an pin dan bîk ațanga lo chhuakin a rawn nui chhuak huk huk a, a ngaihna hre lo fê a ka lo melh chuan, a kut hnung lama a dah chu rawn lek chhuakin ka hmai zâwnah tak a rawn khai lang va a, ka hmuh chian tâkah chuan ka meng phâwk nghâl hlê ringawt mai ni!




Mut kawr sexy êm êm mai a rawn lek lang va a nih chu! " Nizâna i hâk tùr liau liaua ka lei ve nih hi, " tih pah chuan a nui put put a, nui ve tawpin chhàn mai ngaihna pawh ka hre lo min ti phu zawk zawk reng a ni mai. " i phûr lutuk a i ha hman ta lo nih kha, " a tih leh chuan ka pawtthla hlawk a amah vawm nân chuan ka hmang tawp, min la ti zak char char he mihring hian! Nui huk huk chung chuan ka hnung lam aţangin min rawn kuah thuk a, ka beka fawh pah chuan, " zàninah chuan i ha hman tawh hrim hrim, " a la ti hrâm ka nui ve ta tawp tawh. Dârthlalang hmâah chuan min nawr pheiin thim raih chuan min melh ràn a, ka bathrobe chu a hui liama dârthlalang ațang chuan min melh ràn a. Ka âwm bâwr lian leh kawh lah chu rawn lang hiangin, ka vun var sarah chuan nizân a chêtna a duk thleh thluah bawk, " Sorry aw, " tih sup pah chuan min melh ràn chungin a kut chuan a chùl kual riak riak a, a mit meng thim raihah chuan pawi a ti nge, khawihna chhuan lama hman a duh vânga 'sorry' kual vêl tih pawh hriat va ni suh!





In hnuai lama kan chhuk chuan Siamtei chiah a lo la tho a nih hmèl, mi dang erawh an lo la reh țhiap thung. " Thingpui ka lo thlit nghâl dâwn chu em?" Lo ti nghâl varin hmêl hmuh nuam tak chuan min lo chhâwn nghâl thuai a, " Ka lo buaipui ang, i tih lai kha chhunzawm zâwk rawh, " ka ti lêt ve thuai a, a pi leh a pu zîng țawngțai inkhâwma an kal thûte chu a sawi zui zauh bawk. U Zomuana thingpui in tùr chu siam sakin ka in tùr tui lum ka inthlit ve nghâl zat bawk, kan in țan chiah tihin ka nu leh pa pawh u Zomuana u fate pahnih nên an rawnin zui lût ve chiah bawk a. Zah chem chemna tùr ka tawng nghâl zat bawk, " Nu Parte, thingpui ka lo thlit ve nghâl ang chu aw, " tih pah chuan inla mawngzang fahranin ka tho nghâl tharh a, u Zomuana a lo nuih huk chuan ka la man thiam chuang lo, lehhawiin kan melh erh ringawt a, thingpui ka va pêk lai chuan nu Partei lo nui țha leh pa Biaka lo nui sûng ka hmuh chuan ka nuih lêt ve ngawta ; mahse, ka ngaih chu a țha chiah lo an mit mengah chuan thil dang a awm a ni.




Ngaih țha vak lo chuan u Zomuana bulah chuan ka țhu leh mai a, min lo nuih suk suk chuan â ti rilru lutukin ka melh râwm râwm a, " Nu Parte, ti țut tawh lo la, " hnai deuha min rawn bih chung chuan a rawn ti sup a, nuih insûm tih hriat tak chuan a heh chu a pet sawi zauh bawk. An hmêl danglam chhan ka hriat tâkah chuan, ka zak hnuhnawh lutuk chu ka sa nghâl hat hat thei nia! Ka tih ngaihna hre lo chuan dawhkàn hnuaia a ke chu tlawh zauhin, " min hrilh ta che, " Ka'n ti thla ngawt a, " Kha ti khân i ko nulh dâwn tih ka hre lâwk bîk si lova," nuih hawk pahin a rawn ti nih chu! Nu Partei leh pa Biaka pawh an lo nui chhuak ve ta thut a, min tih dàn kher kher chu ka ngei bawk si ka zak bawk si, han ti lêt chiam dâwn ila a sawi dik lutuk bawk si chu za lo deuh chuan ka țhen, ka țhen ve ta ngawt a.




Rei vak lovah chuan rawn tho chhuak hlawmin kan rî zui ta nak naka, u Zomuana chhang chiah Zonuna bâkah an upa ber, u Zosanga Serchhîpa hna avânga awmte chhûngkua nên, u Tharite chhungkua bîk tûkțhuan eiin an rawn phei bawka kan la ri ve laih laih mai, naupang an lo awm ve nak nak bawk nên kan thâwm pawh a țha ham ham viau.





Tûkțhuan kan kîl lai chuan, " Ti hian kan ri ve laih laih a, inreh leh diak dâwn si, puitling hlîr awm hi chu kan inmelh hrek hrek ringawta, naupang an awm hian inchhûng chu a lo nuam ber mai, Mampuiate hian fa nei vat vat se ka ti ngei mai, " Nu Parte-i'n a rawn tih chuan, ka lo khi ve sak a. " I hmanhmawh êm mai inneih tûk a nih chauh hi, Pathian zârah an la nei mai dâwn alàwm, " Ka pa chuan a lo ti ve thluam a, " A hmâte khân lo rai la ti raw Lâte, " a rawn tih leh thut chuan mak ti lutuk avângin ka hawi chhuak rang viau! U Zomuana ka melh nghâl vat, chaw bâr mawlh mawlh pah chuan a lo khi suka, ka zah ang hian a zak ve miah lo tih a hriat hliah hliah.




" Ei leh inte uluk ula țan han la tak tak teh u, i pa nên kan khua a har tawh a nih hi, " ka zah zia hre miah lovin ka nu chuan a tih zawm leh barh barh a, a nui sâng bawk nên sa pup pup chung chuan ka melh kual deuh ruaia, an lo țhen ve țha hlawm bawk, " A pai har tùr chî nih a va hlauhawm ve ti raw Lâte, " U Thari'n a lo ti ve bawk a, an thu sawi lai chu thlâk tawh se ka lo ti ngawih ngawih tawh, pakhat pa lah chuan engah mah a ngai ve dèr si lo.





" In hmanhmawh a nih kha, an mu mai mai tawp bîk nâng ti raw Bawiha?" Nui suk sukin U Zosanga'n a rawn ti ve leh bawk, u Zomuana ka melh vata chaw bâr mawlh mawlh pah chuan a lo bu nghut nghut a nih chu! Kan thu sawi chu a zak ve miah lo nge, kan sawi hi a hre ve miah lo zâwk, ka melh kual chuan an lo nui țha hlawm a, " A thluak a châwl a nih kha, nizànah a la chêng a niang, " Zonuna'n nui țhu chunga a rawn tih leh phei chuan an vai maiin an nui țha hlawm a, țhian inkâwm khâwm ngam taka infiam bawrh bawrh ang mai hi an ni, pa ber pawh a dang chuang lo a nui ve suk suk renga. Ka insiam rem fê loh chuan zah ram ramna tùr ka hmu tam dâwn tih ka hre thiam nghâl bawk.





Tûkțhuan kan eikham rei vak lovah chuan u Zosangate chhûngkua pawh Serchhîp lama chhoh tumin an inbuatsaih nghâl a, an fate lah chuan chhoh an hreh hmêl ngang mai. An inthlêm ngial hnu chuan kan invai liam ta hlawm a, keini lam pawh ka pate'n an chhoh hmàin zànriah ei tùrin min beisei a, ka nu leh pate nên min sâwmin an chhoh hmaa inpawhna leh inhriat chianna ni pah fawmin kan inluahah khân chhûngkaw chaw eikhâwm kan nei dâwn a ni àwm e.




Kan nupa chuan ka nuin lo va kal hmasa tùra min tiin eirawng bàwlpui hmàn tùr chuan kan phei zui ta vat a, anni pawh an lo phei har loh tùr thu leh inneih behbawm thil neuh neuh, a hnu khawi thil vel a en felpui zawhah an lo phei ve nghâl theih mai tùr thu a sawi bawk. Kan thlen chuan ka nauteho nên kan inhmu chu kan phûl hlut hlawm a, naktûk maiah ka nu leh pa leh Vâlmam-a an chho ang a, Zoherate unau chu ka nitei'n rei vak lo a awmpui thei rih dâwn a nih hmèl.




Ka nu nên eirawng kan bàwl dun mawlh mawlh lai chuan , " ka awm a nuam thei lo, i pa alàwm ti suh ka tia a ti lui tlat a, " a rawn ti chhuak phawng a, " i nu Puiite nupa a sâwm tel ve a, hetia'nga chhûngkua awm ngawt zawng a fel lo, kan inhêl reng chuan a khi a zau telh telh mai ang a ti tlat a, i nu Puii rilru khakzia a la man pha ve tak tak lo a, a tih tawh hi hnial thlâk a har thei êm mai i pa hi chu, " a ti zui leh nghâl mawllh mawlh a, ka lo thaw hak. Țul lo ka tiin haw leh daih maite chu ka duh rum rum hial a ni, ka nu leh pa an tel ve dâwn bawk si, rilru hah deuh chuan țhut khâwmna lama ka pa leh u Zomuana titi chu ka va melh leh zauh țhìn, buaina kan hmachhawn dâwn tlat a ka hriatna chuan ka thin a ti phu nghâl dat dat thei.






Nu Sawmtei hi chu hlat ila en liam tawp ila tih hi ka duh ber tawh, kan inneih nîa a lokal lo mah lâwm tawh nâklaiin, a rilru dik lo leh kha zet phawrh chhuahna hun remchâng a siamsak lehah ngaiin ka pa pawh chu ka ngei lek lek zâwk, pa Rema erawh pângngai takin inneih nî paw'n min rawn țawiawm a nih kha.





U Zomuana leh ka pa thingpui tùr nitei'n pe tùr a min tih chuan rilru buai zetin ka phei a, u Zomuana chuan min lo melh vung vungin a mitko a lo sàn ãka, ka lu ka thing zui ringawt. An bulah chuan thaw halhin ka țhu thla ve ngawt a, min melh leh zauh țhìn avàng chuan a ngaih țhat nan tak tak ka nui lui ta ngawt zêl a, ka taksa erawh a hahin ka țang țung a ni ber e.




Kawngkhàr a rawn rîk zui rak chuan ka hawi phei nghâl hrâ a, ka nuin va chhâwn zui vatin beisei leh rin lâwk ang ngei chuan pa Rema leh nu Sawmtei an rawn inzui lût nghâl bawk. Nu Sawmtei pawh chuan min rawn hmu zui nghâl maiin a mit meng râng nghâl rak pawh chu ka hmuh hmaih lo nasa.





" Chhûngkaw chaw eikhâwm inti a ni lo'm ni? Engtin nge hengho kual nên hian min sawi zawm theih zawk!" A enga mah hmâ chuan a rawn ti hriam nghâl hraih a, ka lo insehruh nghâl țalh țalh mai, ngawih liam mai mai chu ka tum tawh lo nasa! A hma chuan kan chhûngkaw buaina ang deuh leh keimah vâng ngawr ngawrah ngaiin ka inthunun hrâm hrâm țhìn, tûnah chuan ka pasal leh ka chhûngkaw thar an tel tawh a. Tin, ani buaina avàng ringawt hian ka nu leh pa leh ka naute ka thisen zawmpuite hi ka pasala chhûngte nên an inhlat leh an inhmêl mâk ngawt hi ka phal dâwn teuh lo!




" Sawmi a hel zâwng leh a kawi zâwng ngawtin awm lo ila, tih sual nei ve miah lo te'n kan tawrhna avânga a mawh kan phurhtîr ngawt hi a fuh lo, Mâ-i khân kan awm dàn hi a duh hauh lovang chu chu i zirtîr dàn țhìn a nih kha maw le, " ka pa chuan a rawn ti dam dup a.



"Kha mihring i makpa kha a ti sual tu ngei chu a ni lo'm ni; mahse, in fanu hma khua leh a zahawmna tùr chauh in hmu thei, mi nei nung leh dinhmun sâng an nihna te chuan a bual â chu a, ka fanu duhthlang thei lo khawpa dinhmun chhiaa na taka siamtute ngei kha a thlarau pawh zah zo loin inzawmna insiampuia, keini nên lehzêl chuan min sawi zawm tum suh u, " a rawn ti leh hlawih hlawih a, țawng tuma ka kâ ka âng zuau tawh chu, ka nu, nu Partei aw rî chuan min ti tâwp chiang hlè!





" Sawmi thu dik zîk tluak hriat tum lo leh hre ngam si lo hian ka fapa hi dem fo suh, ka en liam rei tawh che tûnah phei chuan amah chauh ni lo a chhûngkaw thar din ve tùrah lehzêl khi siamsak i hreh lo tih ka hre ta bawk a, thu dik chu i pawm emaw pawm lo emaw i hmachhawn ve tawh ang, " a rawn ti fiah fak a, ka thaw huai nâin ka zak ngawih ngawih thung, Zomuana nun hlui vàng ni mah se thiam lohna a nei miau si lo, ka thisen zawmpui zâwk ngeiin a tih sual rah leh a duhthlanna vànga tuartu zâwk a la ni zui, ka thiam lohna awm miah si lovah chuan ka lo zak ngawih ngawih a ni ber e.




" Mahni mawhphurhna hlen leh ngam lo i fapa dawihzep tak ka fanuin a lo hmangaih kha a pawi ngawt mai, eng vàngin nge a fâ pa leh a pasal ni mai tawh tùr chu tu hmeichhia in nge hnâwl ni lo se khatiang duhthlanna kha siam ang, " khùr hlawk hlawk chuan a rawn ti leh a, " Ka fa a ni lo, i fanu kha thianghlim takin ka hmangaih țhìn, " u Zomuana chuan ding vutin a lo ti chang ve hrâwk a, ka ding ve nghâl zat, " kan chhûngkua nên a inzawmna neih i duh loh chuan kan duh bîk ring reng reng suh, ka zahin ka ngaisang țhìn che, u Mâ-i natna kha i natpui lova i hriat thiampui hek lo, tlâwm leh zahawmna hloha i inhriat vàng mai maiin i nâ a nih kha, " ka lo ti ve nghâl hlawk hlawk a, " Hmangaihzual, " ka pain a rawn tih hmuk chuan thaw halhin ka țawng leh tùr pawh chu ka ngawi zui hmiah. Ka bula ding u Zomuana chuan ka kutah rawn hûmin a hmer nghet hlè bawk, kan boruak fuh lo lutuk chu a nih nih nih a hun tawh tihna rilru ka neih vàng chuan insûm ka tum dèr lo.





" I fanu khân huaisen takin a tih sual a pawma, ngaihdam min dîl asin. Engati nge nang a nu hmachhawn tùr khân a huaisen theih miah loh, chu lai chu i ngaihtuah ve ngai em? I fanu kha hre chiang i inti viau a mah se ilo hriat chian lohzia pawh hi inpawm ngam la, hei vàng hi a ni mahna Mâ-i khân duhthlanna awlsam zâwk nia a hriat a thlan ni. Nangmah hneh tum ai chuan thihna kha a awlsam zâwk a ti a ni mahna, " ka nu chuan ti leh kalh kalh a, " ka fapa chauhin thu dik a hre lo, kei ngei paw'n ka hria a chhanchu i fanu khân inbunruahna tùr a mamawh ngawih ngawih asin; mahse, kan fuihna ni lovin i fuihna leh i hnemna kha a mamawh zâwk a nih miau avângin a rilru na leh a hlauhna kha ka hnèm zo lo a nia nge khatiang thu tlûkna kha a siam ta tho a, chuvàng chuan tumah dem tùr an awm lo, nangmah inen lêt nachâng i hriat erawh ka duh pui khawp mai che, a chhan chu ka ngawi liam mai mai tawh dâwn lo ka fapa inkawh rawn lai hi kan thlîr liam rei tawh," fiah leh dam thlapin a rawn tih zawm leh nghat nghat a, a inthunun nasat ve zia chu a hmui sai deuh dar dar leh a âwm insêp darh darhah chuan a chiang reng.




Kan boruak chu a reh duk a, nu Sawmtei chu rawn inhnit chhuak feih feihin, " dâwt a nih chu, dâwt vek a ni, invai hian dâwt hmanga thiam chan tum inni, " fiah lo zet chuan a ti nawk nawk a, Kawngka lam pan pah chuan, " Bawihte min ngaidam rawh aw ka thiam loh a ni, min ring ta che, ka sual viau em ni, " ti leh nawk nawkin insût hraih hraih chuan a chhuak zui a, ka thaw hawk thei kan boruak chu a reh nghâl duk a ni ber mai.




Ka nuin ûmzui a tum chuan pa Rema'n lo dangin, " ti khân inngaihtuah harh rawh se, thu dik hi kan hel reng thei lo ka thiam lohna chen pawh a awm ang, a zia lo hlê mai boruak a khaw lo zo vek êm lovang chu maw, " a rawn tih tâkah chuan ka nu pawh chu lai zetin a ngawi ta reng a, ka pa,pa Biaka chuan lo zawm ve vatin kan boruak fu tawh lo chu a dam zawng leh a țha lam zâwnga rawn sawi mamin, chhûngkaw inzawmna ti nung reng tùr chuan keimahni țheuh kan pawimawh zia te sawi chhoin ka pa tui zâwng tak a lo ni bawk nên, Zoherate unau lakah pawh nu leh pa chan kan chan zui a țûl châng a awm dâwn thute sawi kaiin, kan boruak chu a zia chho ve leh ta deuh thuai a.




Ka nu leh nu Parteite chuan titi dang sawiin chaw ei siam pah chuan an titi zui làng láng a, kan boruak thlâk an tumna a ni tih hre tho mah ila lo zawm chu harsa ka ti tak zet. Inthunun leh invêng tawn țheuh chuan kan zànriah chu kan tling tla ve hrâm a ni berin ka hria.









Boruak hrehawm tak nei zui lèm lovin kan haw hnu pawh chuan kan pângngai ta phian a, ka pasala chhûngte laka ka inthlahrun rûkzia erawh a reh mai thei lo thung. Anni erawh an pângngai mai ni lovin ka lakah an țha êm êm reng a, an chhûngkaw zahawm zia ka hriat fiah telh telh phah ta zâwk a ni. Ka pate pawh haw tawhin Zoherate unau pawh ka nitei'n a awmpui rih a, chanchin kan ngaihven ve reng bawk, inhrang ațang chuan duh angin eng mah a kal thei tawh lova ngaihtuah viau mah ila a mawi ber tawh bawk si lo nên rilruah erawh an awm ve reng mai.





Tûnah chuan ka hun hman dàn pawh a danglam ta, min duat thiam hlawmin min ngaihsak hlawm êm êm vek a. Kan tih dàn țhìn leh khawsazia inang diak diak lo mah se insiamrem a harsa hran lo a, ka hriat chhuah tâk chu kan chhûngkaw tih țhìn dàn kha kawng hrang hrangah a țha ber lova, a țha lo ber chuang bawk. Chuti'n u Zomuanate chhûngkua ka chhûngkua lo ni ve tate chîn dàn leh tih dàn țhìn pawh a țha berin a țha lo ber bîk chuang lo, thil engkimah hian en remna neih lo pawimawh zia hi aw ka ti vawng vawng reng mai.








Kan inneih ațangin kâr khat liam ve leh dèr tawhin, u Zomuana pawh hna zawm leh tùrin a inbuatsaih țan bawk. A inbual zo a thawmhnaw hâk tùrte ka dah chhuah zawh chuan kei pawh insiam ka rilrûk zui ve nghâl mai a, u Zomuana nên ka hna chungchâng kan sawi dun a, thu tâwp la siam lo mah ila, a rem tih loh thu emaw a sawi lèm loh avângin amah ngaichâng ru rân chuan muangchângin ka insiam zui ve nghâl tho a.





A inbual zo a rawn chhuah chuan, "I insiam a, " a rawn ti nghut, a awkî avâng chuan ka en vat a, a lawmlo hmèl a thup lo lutuk chuan min ti zâm lek lek hial, " Ka kal zui i phal emaw ka tia, sum tlêm a zâwng ka lo thawh chhuah chu a țha lo em ni, " ka tih chuan min melh zawkin, "A țha alàwm, " ti zui thluamin mah se a chêt dân leh a thu sawi zawh chiah chu a inpersan chiang kher mai.




A insiam leh a che vêl chu ka en reng ringawt, a insiam zawh chuan min ngaihven lovin a chhuak zui nghâl vut a, a chhuak chu ka en liam tawp a ni ber e, a rang teh thut lutuk chu awm dàn tùr ka hman lo a ni pakhat bawk. Thaw hakin kal luih chî nia ka hriat loh avângin inthlâkin ka chhuak zui ve nghâl thuai a, inchung step ațanga ka chhuk tùr chuan kawngkaa a chhuak tùr ka zuk hmu hman hrâm. Kan boruak fu lo ringawt chu, ka nu nu fing leh a chhungkua chîk ta rêng rêng chuan, kan mit meng leh khawsazia ațangin boruak a hre thiam vat ngeiin ka ring a, nuam lo ka ti kher mai.









U Chd-ate ka be zui vat a, anni an lo inhawng hlauh a, "i remchàn hun hunah lo zawm rawh, tûnlai kan buai lutuk lo a nia," a lo tih tâk hlauh avàng chuan ka thawveng leh deuh huai mai.






Chhunah chuan u Zomuana hnên aţangin eng mah message pawh ka dawng lo, ni dangah pawh min be zut ngai lèm lo nâin, kan inneih hnua min chhuahsan a ni hmasa berte a nih vâng chuan ka beisei ve deuh ringawt a; mahse, kan boruak dik vak loh vàng pawh a ni mahna. Rilru bet lo zetin inchhûng chêt vel chu ka ti kual a, a rawn hawn hunah sawipui erawh ka tum nghet hlê.










Tlai lam a nih chuan ka hawi ka hawi tawh, an bân hun țhìn nia ka hriatah pawh a hmêl hmuh tùr a la awm thei lo, ka nu dàwr kal pawh a rawn thlen tâkah chuan ka call ta nge nge a, " ka rawn thleng țêp," tiin a dah zui lehnghâl hmak a, eng mah pawh ka sawi ve hman lo chu ka thaw chhuak nghâl hak ringawt.






Rei lo te hnuah rawn thlengin ka nu chuan, "in va tlai ve," a lo ti nghâl thuai a, " kan laklawh deuh a, ka han inthlâk nghâl ang e," tih pahin min rawn melh zawk a, ka tho zui ve nghâl zat bawk. Ka nu min enzui vang vang na chu ka hmu hman hrâm.







Room kan luh rual chuan boruak a inthlâk vek a ni ber, " u Zomuan, kal i phal loh chuan sawi la, hetia'nga naupang chhia zeta inawm khum vel lo hian, " ka ti nghâl tawl chuan ka beisei loh zetin min rawn kuah thuk a nih chu!




A ngaihna hre lo fêa ka melh haw chuan, "i hah ka hlau alàwm, i naute i ngaihtuah tih ka hria; mahse, inah chêtna i hmu thei dawn si, i tih theih ang zawng zawng tih vek i tum leh dâwn bawk, hahdam takin awm la ka duh ber, " a rawn tih duah chuan ka beiseiloh zet thil a ni. A thikthu chhiat vàngah ka lo ngai kha a nia.




"Chu pawh chu ni se sawi tlang mai ta che, hetia'nga inawm khum kual vel lo hian," ka tih lo ti lêt hlar a, "khatia i thinrim i lin ve phât khân thil tih châk deuh ka nei, " a rawn tih leh daih tawh!




A mit meng dêt sawr sawr dànah chuan a thu sawi chu ka hre thiam nghâl; mahse, lai angin ka awm mai duh bîk lo, "mi dang pawhin an theih chuan ka thei ve êm êm ang, chu bâkah nau ka pai hunah chuan ka kal zawm thei lo emaw a ni ang a, kan awm dàn ațang phei chuan ka rai har pawh a rinawm loh nasa si, " ka tih hlak hlak chuan za êm êmin a rawn nui hawk hawk a. Ka thu tak tehlul nên hian a rawn haw ațangin a nuih ka ti za êm êm chu a ni phawt a nia nge!






A nui chu hmêl rum zeta ka melh nghek tâkah chuan, "aw le, ka tlâwm, i thawh zawm thei ang; mahse, i rai hunah i chawl thung ang, i chawlh vat ka duh sia, awl nei mang lova chêt a ngai a ni, i hahdam nân ka hah deuh dâwn a nih chu," a tih leh dût dût a, a uang lutuk chu ka ngei lek lek.






A uang tel peih lutuk chu mak ti bawk si leh tih ngaihna ka hre zet chuan, "I zia hi i va'n lo thup nasa tak, " tih nghek pahin a âwmah chuan ka nam vaka room chhuahsan ka tum chu, "Hna i zawm leh ka phal sia, ba i nei leh ta, " a rawn tih leh tâkah chuan, " i chhe zeh zuah, nangmahin inthlâk rawh," ka ti ngheka ka chhuahsan zui nghâl daih, a nui hawk hawk rî chu ka la hre zui hrâm.







Zànriah kîl dâwnah chuan lo chhukin, ka pa'n chhûng inkhâwm hun hmangin, fanau malsawm kan dâwn nân țawngțainate min neihsak bawk.





Kan nupa pawh pangai takin kan awm zui ve leh mai a, chhûngkuaah hian rilru dam loa pakhat lek kan awm pawhin boruakah hian a lo ințhamkual vek theihzia ka hre thar a ni ber. Zân lam pawh hlim takin kan awm zui a, zing lam nên a boruak pawh a dang khawp mai. Ka nuin u Zomuana kah zeuh pahin, "tûkin kha chu a hma zâwna awm awm vaithlu pawp pawp duh tùr kha an awm deuhin ka hria, a thin kan ti rim ang tih kha a hlauhawm khawp mai tiraw Lâte," a rawn tih chuan ka lo nui hak hak, "inti pà tâwk a pên thauh thauhte pawh kha, " Sangsangi'n lo tih zawm ve zat. A uin a melh kur kur chuan, kan lo nuih hak hak hlawm a, kan ri leh dar dar tawh, kan boruak chu a nuamin a hahdamthlâk tak zet.






Ka nu chuan thu tak zetin, "Nupa nih chuan thu inhmuhfuh loh châng leh inbakkaih chângte Inla nei ve dâwn chauh, țha tak a sawi fel dàn hi zawn hrâm hrâm tùr. Inbiak duh loh a tlâkte hian nupa inkâr a ti zau mai mai a, chîn tam chi a ni lo a nia," a ti zui dap dap a, kan ngawi reng nâa a thu sawi chu kan bengrawngah a luhzia amah vêk hian a hre chiang khawp ang.







Chaw kan ei kham fel hnu chuan Siamtei nên theite eiin chokaah kan titi zawm a, u Zomuana rawn lût deuh chhen leh tih tùr êm êm pawh hre lova chhuak leh țhìn chu mak ti zetin kan en leh haw țhìn. A châng leh tui a rawn in leh a, chutah, "naktûk ațangin hna i zawm dâwn chuan mu hma rawh, han mu tawh rawh, " a rawn ti deuh tu tu chuan, khatia a tei a tei na chhan kha ka hre thiam chiah, ba min neihtîr tak kha maw le!




A rilru hre lo der hmakin, "a la hma alàwm, kan la tititui ve rih, " Ka lo tih liam puat chuan, min melh kur kurin Siamtei hriat thiamloh tùr chuan, "i ba hi a pung thei aw, " a rawn tih leh nghut chuan mit mengin kan indo a ni ber e, a tum kawh țha tawh viau, ka hlau der si lo. Ba ka rulh duh loh vaih chuan, a buai zâwk dâwn miau a!




Tûnlai chu kan hma thei lo hlê mai, inthlahrun a va na duh ve, min lo hre thiam hrâm zêl mai teh u. Comment min pe țhìn tute chungah pawh lâwmthu ka sawi leh mawlh mawlh e, khawngaihin a la lang lo pawh lo lang ve zêl r'u aw

[Abbra Reo Ririni]

Lovers

Chapter ~31

By~Rengpuii Lushai






Hlim tak leh thlamuang taka nun kan hman laite, malsâwmna pawh kan dawng viau nia kan inhriat lai taka vanduaina lo thleng țhìn hi hriat thiam a harin nun a ti chau a, tho chhuak leh thei tawh lo tùr khawpa hriat thiam leh pawm thiam harsa tak thilte a ni țhìn; mahse, mihringte hian kan nunah thu kan neih lohzia ti lang fiah tùra zirtîrna țha tak a ni lawi si!







Ka hna pawh ka țan ve leh tawh a, a ngai tê têin nitin ka kal ve leh phawt a, U Zomuana nên kan kal rual a, a ban pahin min lo lam ve leh mai zêl bawk. kan thla hman mêk pawh a ral ve leh țep tawh, vawiin kan inkhâwm bâng room ka tih fel laia pads lei khâwl ka hmuh chuan hriat chhuah nei thutin, ka period lo tih ka hre chhuak nghâl. Ka rilruah rawn lang a awm nghâl zawk, phûr rûknain min rawn tuam nghâl ngawt a; mahse, ring ngam si lo, ring lo phal si lovin ka rilru chu a inkhâp a ni ber. Mi dang hrilh ngawt erawh ka la duh si lo, an beisei ang a nih loh chuan ka ti hrilhhai mai mai ang tih hlauhnate nên, naktûk lamah ka nem nghet phawt ang tiin rilru ka siam zui ta zâwk a.






A tûkah chuan ka tum lâwk ang ngei chuan test kit ka lei a, pathum lai ka lei nghe nghe. Office-ah chuan test duh lovin haw huna test-ah tiin ka ak țha zui ta ràn a. Office-a ka awm chhûng zawngin ka helhhawlh a ni hawt e, vawiin ang êm êma haw hun nghahlelh hi ka la nei ngai lo ang. Chawhnu lamah phei chuan sana ka bih khât tawk reng a, ka chhûngrilah min Turin ka za cheng a, ka engtih mah a tui hlei thei tawh lo a ni ber mai.




Kan bàn a lo hun chuan U Zomuana'n min lo nghahna lam ka pan zui vat, ka thut luh rual chuan ka chauh leh chauh lohte min zâwt nghâl sup supin, " Lo hnaihtu che an awm em? " tih pah chuan uang zet hian ka nghâwng leh âwm bâwr chu a hmuia nùl kual dun dun chuan a hnâr a len tel zui that that a, indang chung chuan ka lo nui ve hak hak bawk. A tâwpah chuan lungawi hmêl zetin a biang a rawn dawh lehnghâl zat bawk. Nui hak hak chung chuan ka lo fawhsak ve zauh, lungawi hmêl zeta thâwk la zui suai suaiin ka chalah a rawn fâwp zui ve vang vang bawk.







Kan tlàn chhuah hnu chuan chu ka melh leh vang vang țhìn, ka beisei ang hian lo rai ta ila a dawnsawn dàn tùr mawlh ka hre châk tawh. Ka ngaihtuahna chu ka khîkpui sak a, a lo hre hman hrâm a nih hmèl, "eng nge i ngaihtuah, keimah lo ngaihtuah dang neih khap aw, " a ti leh hmuk tawh! Ka lo nuih hak chuan, ka biangah a rawn piai zauh a. Ka ngaihtuahna hi hria se chuan, kan awmna lai theihnghilh țhakin traffic jam siam khawpin a khawsa lo ang tih ka sawi theih lo.






In kan thlena ka inthlâk fel hnu chuan Siamtei rawng bàwl ka pui zui a, u Zomuana hian ka hah hlauhin choka lamah a awm hnem phah ve ringawt zêl, thil hahthlâk a nih loh vei nên. " Engtin nge insiam dâwn?" Tih zawhna a nghah thei viau, lo awm ve reng ta na nâ nâ chu han râwn chângte a lo awm ve lo thei lova, " Eng nge kan siam ang le, a ngai hlîr siam lah hi, eng nge kan siam ang? " tih han zawh ve châng lah hian a râwn tlâk leh dèr si lo, " Kang pawp rawh, " awl sam deuha lo tih liam puat bâk țangkaina a nei thui lo thei hlè.





Zàn lamah chuan Kurite chhûng an lo lêng phei a, nu Zoremi leh ka nute sitting room lamah an titi tui nghâl malh malh viau. Choka lamah keini'n thei kan ei thung a, u Zomuana erawh an zirpui țhìn pakhat dam lo a awm a, an batch hoin tlawh ve an rawt vângin zànin chu a chhuak ve hlauh thung a. Pâwn chhuak tam leh rual pâwl vak chî a ni lêm lo bawk a, chhuahna tùr a nei tam lovin kan hna bân hnu hi chuan kan inawm chilh hnêh ve viau, ka duh dàn tâk niin heti lamah hi chuan kan mizia a inang viau.





Kuri nên sawi tùr kan nghah dûnin kan titi nghâl mawlh mawlha, a hma lam hun atân a ngaihtuahna a sen vêl dàn min hrilhin, "eng emaw tak hi tih ve ka duh, ka hna dîlah ka tling thei hlawm bawk si lo, hetia'ng ringawt chuan a buaithlâk a dik thei lo," a tih hlak hlak chuan ka lo nuih hak hak a, " U Chhuantea'n ka châwm tar țhak ang che, pasal i neih hunah pawh i pasal fanaute nên ka châwm vek ang che u," a tih che kha, tiin u Chhuantea'n Kuri fiamna atân a hman țhìn chuan ka fiam zui nghâl zata, ani lah chuan, "awi, hepa hi a ti ve mai mai a nih kha, tlangvâl senior uikawm a nih hi, " a ti zui barh barha, kan thu sawi mek nên a inpersan deuh chuan, "Mate, i rai a ni lo maw, thei thûr i ngainat ngai loh nên i ei ve țeuh a nia, " a rawn tih chuah thut tâkah chuan amah chu ka va melh nghâl vat, " rai lo ang, ka ei lak lawh mai mai a nih hi, " ka lo ti zung zung a.





" Test ve hrim hrim rawh, pasal nei lai nih chuan ngaihtuah ran tùr, in pa kha a nei nung ve dâwn sia maw, " tih pah chuan a nui zui tlawrh tlawrh a, za êm êm chuan ka lo nui ve nghâl hak haka, u Zomuana ka mitthla phei chuan ka nui nasa ve ta nghek a, " A nei lo zâwk hian ka hrilh chawp che hi a ngai leh țhìn, " inti hre fahran chuan nui chungin a la ti zui zêl bawk a, kan hlimin kan han nui dun leh rih țhìn. A tâwpah chuan kan thu sawi chu thlâkin thil dang ka sawipui zui vata, ka finfiah hmâa ka chhûngte'n an lo hriat ka hlauh vâng a ni ber, ka beisei leh rin ang hi ni lo ta se mi dang rilru ka tih hnual theih dàn tùr ringawt ka ngaihtuah zui rauh rauh bawk.






A tûk zînga ka harh chuan U Zomuana pawh a lo la harh lo, tho nghâl vatin ka test kit lei chu bathroom lamah ka luhpui nghâl thuai a. Hlauthâwng ru zet leh rilru țawngțaina nei chunga ka test chuan rin sen pakhat fiah zeta a rawn lan kalh hnuin, a pahnihna zawn a thlenga a lo inrin sen leh kalh bawk. Phu dat dat chuan ka en reng a, nui sângin ka lek kãng va a; mahse, lawm viau mah i la, 'a lo dik lo palh mai ang a' tih ngawt chuan min luhchilh zui nghâlin ka la ring nghet bur ngam chuang lo.






Mahse, chu mi avàng ngawt chuan ka hlauhthàwnna chuan ka phurna a hmetmit thei chuang hauh lo. Bathroom aţanga chhuakin u Zomuana mu chu ka bawh nghâl rawk rawka, rûm nghutin min lo khuah khâwm hlùn a. " Khawi maw, ka thaw țha thei lo, hrilh tùr che ka nei a nia, " thaw țawt țawt chung chuan ka ti nghâl ruai a. Ti lui tih hriat fêa rûm dur dur chung chuan min rawn fâwp nghâl ngàwng ngáwng a nih chu! Min lehthal thawka ka chungah a rawnin nam khalh leh rân tawh. Min rawn fâwp zui nghâl zat a, ka kawr chhûngah a kut a awm leh dèr tawh.






"I mak e, hrilh tùr che ka nei a nia, " ka tih pawh chuan, a rilruah thil dang a lût thei tawh lo, a t-shirt lian hnek hnuk mut nâna ka hâk chu hlim chho hrâwkin a lu a rawlh lûta, ka hnute chu a hrâwm nghâl nawk nawk bawk. Rûm ham ham chung chuan a ka chhûng sa hiam chuan hmuamin a fâwp lehnghâl ngàwng ngáwnga, thaw hak hakin, " i chhe der dur lutuk, min ngaithla teh, " tih pah chuan a luah ka nam nghek a, thaw hawk chungin rem lo tak chuan, ka kawr nghâwngah chuan a lu a la rawn rawlh chhuak zui, ka nui lo thei lo! A mit meng phelh phung nên chuan kan inmelh hnai mah mah, hnute a âwm lum vung vung nên a insik rial phei chuan kei ngei pawh ka danglam țan titih tawh.








" I rawn kai tho a, do dai tùrin inpeih rawh, " tih nghut phah chuan a mi patna chuan min rawn nawr leh salh salh a, kan inmelh hnai si, a mit meng thim raiha min mamawhna rawn lang chu thup a tum lo mai ni lovin, ti lui tih hriat zeta rûm dur dur chungin a rawn nawr leh salh țhìn. Ka nui tawp tawp tawh! Inthunun chunga nui hak chuan, test kit chu a mit zawnah ka lek va a.





" I thawh rim rah, " tiin ka lo nuih sâng a, a che chu tâwp chutin a melh nghâl vut bawk. A hamhaih hmêl chu ka lo melh ve ràn a, " pa i ni ve tawh dâwn aw u Zomuan, " ka tih pahin a hmuiah chuan ka fawhsak zeuh a. Thaw hawka inbeng kàn a tum mai chu, ka kawr chhûnga a lu rawlh luh nên min pawh tel ve avàng chuan ka lo nui hak hak. A ni erawh ngawi rengin a insiam rem mual muala, țhut chhuah pah chuan test kit chu hnai taka melhin a bih ngur bawk.






Ka pumah a țhut deuh titih avàng chuan ka fiam châk thut, " Apa a nâ a nia naute a thaw țha thei lo, " ka tih chuan, min rawn melh vuta țhingțhîa inbeng khalin a rawn bawk hniam leh vut, " Naute kan nei dâwn, " ti țuakin a chil a lem ri khawlh a, nui hawkin min rawn fâwp thuak a, a nui leh a min rawn fâwp nawn leh țhìn, a chêt phung hmuhnawm lutuk chuan min fân raih raih thei nia. Mittui tling pamin a biangah ka khuap a, " aw naute kan nei dâwn, nu leh pa kan ni ve tawh dâwn, " ti thâm tiakin a hmuiah chuan ka fawhsak ta vang vang a, min chhàn lêt pawh a tum lo, thil dang eng mah hi a ngaihtuahna chu an la pêng thei tawh lo a ni ber mai, chu chuan min ti lungawi hliah hliah bawk, kan naute chu vânnei ka ti nghâl ngawih ngawih bawk.





Nui sangin a awm dàn chu ka en tawp, ngawi rengin test kit chu a melh leh vung vung thul, sawi mai tùr hre lo mah se a chezia leh hmêl awm dàn ațang chuan a lâwmzia chu mi mãwl ber tân pawh hai theih a ni hauh lovang. Tih ber tùr hre lovin min kuah leh ringawta, " Ka lâwm e aw, ka duat ngawt ang che " a ti khât tawk reng bawk. Nui hak hakin, "min duat sa nên min duat khaw lo zo vek dâwn a nih chu, " ka lo tih chuan, "ka duat sual châk che, " tih pahin ka hmui a rawn fawp zui vang vang a, a thu sawi awmzia pawh chu a hriat meuh pawh ka ring lo hial, a sawi liam ve vêl mai mai niin ka hria.






Rilru zângkhai leh phur takin kan tho zui thuai a, kan intih fai zawh chuan inhnuaiah chhukin kan thu làwmawm neih chu kan chhûngte kan hrilh chuan an lâwmzia leh an phûr zia chu thup hauh lovin an phul nghâl hluia, an nghahhlelh thil kha a ni bawka an hlimna chuan min ti hlimin ka hlimna chu a thuah hnih bîk ka ti lo thei lo. Zîng lam hi chu chhûng inkhâwm kan nei ngai meuh lo naa tûkin chu lâwm thu sawi țawngțaina neiin kan hlim tlang tak chuan kan phusa vek a ni ber.





Keima nu leh pate pawh kan hrilh ve nghâla, u Zomuana chuan u Thari be nghâl zatin Doctor țha deuh a zâwt nghâl thâwr bawk a. Ka nuin u Zosangate nupa a lo hrilh ve bawk a, Zonuna thlengin an hrilh nghâl vek a kan phûl reh hlei thei lo a ni ber e. U Zomuana an hmangaihna leh ngaihsak ngai bîk a nihna, an mahniah a intuh tawh avàngin englai pawhin kehthei dawmin an dawm a, tûna a duhthlanna hmanga hma lam pana a pênna kawngah pawh hian a chhûngte pawimawhna thûk tùrzia ka ngaihtuah thleng nghâl vek bawk.





Vawiinah in check-up nghâl an ti deuh rum rum a, ka hnial duh lèm lo, an hmêl a lungawina, hlimna leh vannei intihnate rawn lang chhuak hmuh hi a nuamin a hahdamthlâk tak zet, kan naute lo piang tùrin pawh hian hetia'ng êm êm a nghahhlelh a ni leh hmangaiha duat rawn a ni tùr hi hre thiam se, lo chhuah nghâl a châk ngawtin ka ring țhìn. Ka ngaihtuahna hlimawm deuh chu nuihpui var varin ka dul la thêp thlep chu ka dawm vang vang a.







Ka dinhmun sawiin u Chd-a te pawh chanchin ka hrilh luam a, min lawmpui thute sawiin, "he lam chu rawn ngaihtuah hah rêng rêng suh, Rinawma nau khân kâr thar aţangin min lo zawm dâwn bawk a," A rawn tih chuan, "a va'n làwmawm tak, ka dinhmun hetia'ng a nih chuan ka chawlh vat kha a ngai dâwn tho a, a tihzia lutuk," lo ti ve nghâl zatin, inthlahrunglo tùr leh min lawmpui thu rawn sawi lehin kan inbiakna chu kan ti tâwp zui nghâl a.







Tûkțhuan kan eikham chuan Doctor hmu tùrin kan nupa chuan kan chhuak zui nghâl mai a, ka nuin min zui a tum viau nâin u Zomuana a tel tho avâng chuan dàwra kal zâwk tùr leh ngaihtuahawm kan nih loh thu ka sawi tlat avàng chuan kan nupa chuan kan inzui chhuak ta nghâl a. Private Hospital-ah kalin test min lo neih nawntîr leh a, ultrasound-te kan ti nghâl vek bawk, ka naupai chu thla khat awrh chauh niin damdawi ei tùr min chawh nghâl teuh mai. Keimah bîk pawh ka hrisêlna a țha a, thla thum hnua in check up leh tùra min tih hnûin ngaih țha tak chuan kan haw zui ta nghâl a. Ultrasound thlalâkte chu enin a nui leh suk suk zel a, " i hre thiam em ni? " nuih var var paha ka tih chuan, " Ka mitthlaah a fiah alàwm, " nui suk chunga a tih chuan, nuih hak mah ila a dik ka ti viau lawi a, fiah lo mah se kan mitthla leh kan thinlunga a fiah êm avàngin kan en khan a fiah mai a lo ni.







Tu pawh mai chu kan phûrin kan hlim êm êm vek a, kan nuate lo piang tùrin he ti tak mai a chhûngkua a ti hlim tih hriatte hian vannei ka intiin, Pathian malsâwmna liau liau a ni ka ti lo thei lo. Lehlam zâwnga ngaihtuah chuan u Zomuana an lo ngaihsak zual bîk ziate, lungngaih leh hlimna a tawna thlâwp tlat țhìn tu a chhûngkaw țang rual inhmangaih an nihna chu ka hmuh fiah zual telh telh bawk.






Tu pawhin an phâk tawkah mi an duat êm êm vek a, Kurite lahin shopping site hrang hrangah naute thil tùr atân a awh deuh chu a lo chah deuh chhên reng bawk a. A lem min lo thawn tawh hi chuan a chah fel der tawh tihna a ni zêl. Ka nu leh pate pawhin an remchàn vêleh rawn zin an tum ruh hle bawk a, lâwm thu sawina chawi ei khâwmte neiin Zohera leh Kimkimi bâkah chhûng leh khat sâwmin boruak a nuamin kan hlim tlâng tak zet.






Ka'n han raino chhote chu u Zomuana lahin min duat êm êm a, 'ka duatsual châk che' a tihte kha a ti tak takah ka ngai rum rum tawh. Thil pakhatah erawh kan inkhak zingin ka thin a ti rim zing viau, ka naupai vànga ka hnute han lian chho zêl chu a làwm zual êm êm a, min dap reng chu keiin ka lo ning tawh țhìn si, " Naute kan neih hunah chuan ka chang tawh mang dâwn lo asin, " ti pahin min melh rùn rùn a, keiin ka lo phun khum hlak hlak bawk a, engah mah erawh a ngai duh dèr lo. Thil dangah erawh buaipui ngai khawpa rai la na chi ka ni lèm lo hluah a, nun phung pângngaiin kan nung thei zawk hlauh e. Chutiang ni lo se, kan nasa lo viauin ka ring țhìn.






Ka naupai pawhin thla thum hmêl hmu tawhin, naupai huat ka nei lo lutuk chu ka ngaihte a țha lo ngawt zêl a. U Zomuana lah hian a rilru a lang ang angin, " Ka uin Dawngdawnga a pai lai chuan chakai a ei châk thei lutuk, i châk ve em? " tiin U Thari raino laite a sawi leh ngawt zel a, ka châk tùr ni àwm hi a dap chawp reng zel. Kei lah kâr hnih khat zîng kâr luak chhuak leh chaw ei tui loh ve zeuh tih loh chu insawisêlna ka nei meuh si lo. Zànah ka muthilh hmâ chu a muhîl duh ngai si lo, "i pumte a na thut ang a, ka harh thei lo palh ang, " a ti deuh tlat zel, keimah engkimah ka awl sam êm a mut harsat lam pawh ka nei ngai lèm lo. Phone a khawih peih sâwt viau bawk, chu pawh ka naupai kaihnawih vek tho. Naute thil a en loh leh hnampui zawkte video ațanga hriat tùr leh beng ti vâr tùr thîl a en thûl, kan naute lo piang tùr hian amah hi a luah khat vek a ni ber mai. Keimah ka fel fai hluah a, ni lo se awmze nei lovin a phar buai fô ang tih tùr ang kha a ni, luak han chhuah ve châng awm țhìn mah se mite ang ka ni lova, ka vânneih zia ka hre thar awn awn reng mai.





Tlai ațanga ka pum a nawm loh riai riai avàng chuan ngaih țha vak lo chuan ka nu chu ka hrilh ta tawp a, u Zomuana lah chuan Doctor a phone nghâl zat bawk a, Doctor ràwn angin Hospital lam kan pan chawp ta chuk chuk kha nia. Ka nau neih a la hun lo nasa si, a ngaihna ka hre lo tak zet thla riatna tùr a hmang țan chauh a ni bawk si nên, ka nu erawh a ngaih a țhat loh hmêl kher mai.






Hospital kan thlen chuan nurse in min lo check zung zung a, rei loah Doctor pawh rawn thleng ve nghâlin min han check chian hnu chuan emergency a zai nghâl ka ngaih tùr thu a sawi zui ta mai a, kan hamhaih tlângin min țhâwng a ni ber mai. Ka nu chuan chhungteho phone theih ang ang a phone kual nghâl zung zung a, kan pa erawhin ka kutah chelhin min melh vawng vawng reng a, min khawngaihna leh ngaihtuahna mit meng bâk amah chuan hmuh tùr a awm lo.






Ka pum chu a nawm loh zawm reng avâng chuan an che pawh a muang tawh lo hlawm viau, nau vei an sawi ang êm êmin awm lo mah ila ka awm dànah chuan tehkhin tùr dang ka hre chuang lo thung. Ka na tawrh tawha nâ ber tùr țum thum ang vêl na vawrtawp ka tawn erawh na ka tiin thlanin min bual ve bat bat hial bawk.






Inzaina Room a min nawr luh dâwn chuan ka pumna leh ka hlauhna chu a inchawhpawlh nuai ni berin ka hria, ka zâm a ka hlau êm êm bawk. U Zomuana'n khawngaih hmêl taka min ente chuan mittui tling pamin ka melh lêt ve reng a, thil țha lo tak ka chungah emaw naute chungah a thleng dâwn tlata rinna ka neih a vâng chuan ka khûr chhe lo chauh bawk. Inzaina thawmhnawte min hâktîr zawh hnu chuan min nawr lût chu a ni zui nghâl mai a, ka nuin min țawng thlamuan mawlh mawlh a u Zomuana erawhin ka kut hûm vang vangin, min melh vawng vawng a ka kutah chuan a hmuin a nawr vang vang a, " Hlau miah suh aw, " tih thu chu a rawn sawi ve sup, a bâk sawi tùr a hre lova, ka hre bîk hek lo kan inmelh ngawih ngawih tawp mai ni.





Inzaina Room chhûng vawt raiha min nawr luh hnu chuan ka hnungzângah min chiu a, rei vak lovah chuan vai zui riaiin, engkim chu mumang ang mai a ni. Khâwl ri țêt țêt te chuan ka thi lo a nih tih min rin thiamtîr a, mihring țawng ri leh riai riaite chu mumang ai pawh a fiah lo ang vêlin ka hre leh țhìn bawk. Ka taksa chu a vâwtin ka chhûngril a khùr a, ka harh chhuak mai thei lo chu a hrehawm tak zet.




Harsa deuh chuan ka thaw hak hak a, țawng rî pawh a fiah țanta fiah lo riai chuan cabin lama min nawr luh lai pawh ka hre nel nuala ka mut a chhuah êm avâng chuan ka meng hlei thei meuh lo thung, u Zomuana'n ka chal a rawn fâwp chung a , " ka chhuang lutuk che aw, fanu hmêl țha deuh kan nei a nia, " a tih chuan nui seihin ka chhîng zui ta riai riai a.






Ka harh leh chuan ka nu leh ka pa chauh ka hmuh avâng chuan ka hawi kual deuh ruai a, ka nu chuan min hre thiam takin, " I țha em Lâte, Mampuia chu Sangsangi nên naute an ngaihven aw, up lum a mamawh a, " a tih chuan ka melh nghâl kâwk a, ka hlauhthâwng nghâl êm êm ringawt mai ni. " Hlauhthàwnna tùr a awm lo nia, thla kim lova piang a nia, hetia'ng hi chu a thleng fô țhìn alàwm, " min hnèm tum tak chuan a lo ti leh thuai a. Ka hah erawh a dam phah chuang dèr lo, keimahah chuan hlauhthàwnna a awm tlat a ni, ka hnute țang mar deuh țalhte chuan ka țah an ti chhuak nghâl hluah hluah bawk.





Kan awmna cabin kawngkhàr chu rawn ri rakin, u Zomuana a rawn pên luh chuan ka mittui a rawn luang nghâl pap a, min nuih suk pawh chuan ka nuih ve thei dèr lo. Ka nu chuan naute an va ngaihven tùr thu sawiin ka pa nên chuan an inzui chhuak ve leh nghâl mai bawk a. Up ngai ti ringawt mah se ka thinglungah chuan eng mah a dik lo, up ngai a niha NICU ah meuh a awm tawh chuan tih thlengin ka ngaihtuah a thâ a khùr ru der der reng mai ni.




U Zomuana ka khum bula a rawn țhut thlâk chuan ka kut pahnih phar chhuakin ka lo bân vat a, rang deuh chuan min rawn kuah nghâl thuk bawk. Ka lung a chhe êm êm a, a darah ka hmui a nawrin ka țap khùr nghâl der der bawk, kan naute ka hmu nghâl thei lo leh Radiant warmer hnuaia awm a ngaite chu ka lung a awi thei lo a ni ber. Thla kim lova piangah pawh thla riat chauh a lo ni kher nên, eng eng emaw ka lo chhiar ațangte leh mi titi ațangte pawhin vânneih bîk nih a ngaihzia ka chhût thleng nghâl vek a, ka rilru a dam thei mawlh lo a ni, ka hlaua ka chhûngril thlengin min fan ni berin ka hria.




"Hlauhthàwnna tùr a awm lo nia, in inhmu thei țep ang, " tih sup sup pah chuan ka mittui chu a kut chuan a rawn tuai hul a, ka heh ka lo pet fan fan thung, " A hmêl țha lutuk, min chhûn zâwk a, ka thawh rimzia a hre thiam a niang, " a rawn tih chuan min tih hlim a tumna chu ka lo țah nuihpui ve hak a, nui sukin ka hmuiah a rawn fâwp zui vang vang bawk.





Kawngkhàr a rawn rîk rak chuan kan hawi dûn nghâl vat a, ka nu hmêl a hlauhthàwnna awm chu hmuh hmaih chi rual a ni lo, " Bawihtei chu a khuasik a ni awm e, tûnah khân Doctor in a en zo chiah mah se eng êm a tih zawm lo ang chu maw, " thu khuh tak chuan a rawn ti tak nâin, amah ngei pawh a hlauhthàwn zia leh a zâm zia a hmèlah a thup thei meuh lo a ni. Ka lo insût chhuak hraih a, ka tai zâwn a rawn thîp nghâl vâwt bawk, ka tai chu dawm chungin ka țap khùr deuh titih nghâl ringawt bawk. Ka hlau êm êm a ni tâwp mai, engkim mai chu ka hlaua a țha lam hawiin engmah ka beisei thei hek lo, min ngaihtuah tak chung a u Zomuana chhuakte chu țap chhuak hlawp hlawp chunga awm zui ve dawr dawr theih chu ka châk kher mai.











Upate'n 'Sawm thah nî meuh paw'n vawi khat lungngaih a awm' an lo tih țhìn dàn deuhin, kan naupaitîr kan làwmnate kha thâwk leh khatah bo vekin, kan suangtuah tel miah lovin thla kim lovin a piang a. Zai chhuah a nih hnûah nu hnute hnêk chu sawi loh kut lum tak ngial pawh dek hman lovin up ngaiin a awm a, tûnah pawh a khawsikin zia awm lam a pan thei chuang lo. Naute dam țha pângngaiah pawh nu tel lova an chân lainatawm zia ka ngaihtuah a, chu aia râpthlâk chu fanu chuan a tuar mêk a ni, nu tel lo mai ni lovin natna tuarin a pian chhuah aţangin a awm zui a, a țap chhuak lova, zun leh ek a nei hek lo, chu chu mihring nih phung a ni thei lo, chung zawng zawng a tawrh mêk lai chuan bulah tumah an awm lo, a chhungte pakhat tê pawh! khâwl hrang hrang a taksaa a bur fer fur tùrte ka mitthlaa, ka âwmah min hnawhin ka thâwkte thlengin a sak vek thei.






A khawsik chu a sàn tak zêl a avàng leh a thâwk dàn fel hlel vângin NICU-ah dah luh ngaiin a awm a, test hrang hrang an neih hnuah beisei loh zetin Septicemia a ni tih hmuh chhuah a ni bawk. Doctor-te chuan u Zomuana bulah, 'thla kim lova nau piangte hi an taksa a natna hrik do lêttu a chak loh țhìn avàngin kai theihna chance an neih sàn thute a hrilh fiah a'. U Zomuana'n Doctor thu sawi a sawi chhawn laia a hmêlah manganna leh a fanu khawngaihna hmêl chu hmuh hrehawm ka va'n ti tak. Inhnêm tùr chuang pawh kan awm lo, a khât tâwka ka nu țawngțai leh ringawt țhìnte, U Zomuana hmai tuai leh puat țhìnte chuan boruak rihzia a sawi fiah ni maiin ka hria.






Ka nute pawh kan khua ațanga lo kalin an rawn thleng ve tawh bawk a. Nute meuh lakah chuan pachan lo har kher mai, kan inhmuh chuan ka țap nghâl a ni ber mai, min zaina la dam fel lo nên ka chhûngril na lutuk chu duh tâwk a țah chhuahpui hawm hawm theih tluk a châk ka nei lo. Ka hnute țang mar na vekte chuan min ti nâin, awm ngaihna hlawl min hriattîr tawh lo, ka taksa bâkah ka chhûngril thleng chuan a na vek ni berin ka hria.






Ka nu Nu Parteite in lamah haw lawk an tum laiin kan awmna cabin intercom a rawn ri ral ral a, U Zomuana'n lo chhawn vatin a awm dàn aţangin thil țha lam a ni lo tih a hriat theih. NICU duty te kohna lo niin U Zomuana leh zuk kal tum chu zui ve tum vatin, thei leh thei lo chuan ka inti tho lui a, u Zomuana chuan nurse kovin wheelchair chuan min nawr thla zui a, NICU pâwnah kan din lai chuan Doctor-in , " mihring lam ațang chuan beisei a awm tawh loh, " tih thu ka pate lo awm bulah chuan a lo sawi. A thu sawi ring lo tak chuan țek tla ri ang maia ringin min Deng a, ka thinlung hi a rûma a na nghâl vawng vawng a ni e, ka kawchhûng zawng zawng nên hian nâin min fan chhuak ti i la a nat zia a la sawi fiah tawk chuang lo. Ka tai dawmin u Zomuana ban ka chelh lam chuan ka hmui nawrin ka țap khùr nghal ngawt ngawt bawk.




A va'n inthlahrunawm thei ve aw, tûnlai chu buai mawp mawp ang kha ka ni e, naktûk zân aţang chuan kan ziaawm chho thei tawh tùrah ngai ang, comment min pe țhìn tute chungah lâwm thu ka sawi mawlh mawlh e, a la lang lo pawh kha lo lang ve zêl r'u aw