THE EXORCISM OF ISABELLA : Darkness Lives Inside...

Episode kal lai dah luhna

Moderator: writers

chester ralte
Posts: 19
Joined: June 3rd, 2016, 10:26 pm

THE EXORCISM OF ISABELLA : Darkness Lives Inside...

Unread post by chester ralte » June 25th, 2017, 1:25 pm

...(TRAILER)...


Lincoln Road,Bellerose, Hempstead, NEW YORK- veng tawp lam a chhungkaw pakhat, Mr.David Walker-a leh Mrs. Lucy Smith Walker- i te fanu tleirawl Isabella-i chunga thil thleng rapthlak tak mai, itsikna a vanga Setanist rual ho in a tleirawl khawngaihthlak Isabella-i an nghaisak dan leh an thunun dan.

Methodist- Pastor meuh pawh in a kawchhunga ramhuai a hnawtchhuak thei lo.
Eng ramhnuai nge ni ta ang?

Chumai pawh ala ni lo, Tleirawl Isabella-i pa Police leh Detective David Walker- an a fanu chhan nan Setanism a luhchilh phah hial lehnghal.


Itsik na nge chhungkaw inrelbawk dikloh vang zawk in thim thiltihtheihna in chenchilh.

Bellerose Detective rual pawh in tihngaihna an hriat loh leh kohhran rawngbawltu Pastor te meuh pawh ina an beidawn san khawp a thim thiltihtheihna chu enge ni chiah le?

Dawi rapthlak tak tak leh inthawina rapthlak tak tak te, Setanism sakhua hi enge anih chiah tih te leh Kristian sakhaw ropui zia te zeh tel ani a. In hruaisualna na zirtirna diklo a i ngai anih chuan chhiar lo mai ang che.

Mahse heng a bu chhunga dawi leh inthawina te, dawi hla te bak ah, chhinchhiahna hrang hrangte hi lo ti ve chhin suh ang che, a tak tak leh vek anih avangin, i tihsual hlek chuan ramhuai tihbuaina leh chenchilhna in i nun mai nilo i thlarau thlengin a chawk buai ang che...

Writer: Chester Ralte

Genre: Horror, Supernatural, Mystery, Dark Fantasy, Crime..

Bibliography :
Magic Voodoo Spells by
Douglas Hensley.

Exorcism: A Christian Manual- Definitive Guidebook to Performing Effective Exorcisms by Dr.Carson Michael.

Manual of Minor Exorcisms by Bishop Julian Porteous.

An Exorcist's Field Guide: to Blessings, Consecrations and the Banishment of Malevolant Entities
by Pastor Swope.

Exploring the Occult by Douglas Huth.

Telepathic Impressions by Ian Stevenson.

Sense and Nonsense in Psychology by HJ Eysenck..



Link:
BBcode:
HTML:
Hide post links
Show post links

chester ralte
Posts: 19
Joined: June 3rd, 2016, 10:26 pm

Unread post by chester ralte » June 25th, 2017, 2:03 pm

...(CHAPTER 1)..
Ni tlak na pawh darkar khat emaw vel lai ani tawh ang, thlasik lai anih avangin khua chu a thim hma in boruak pawh a vawt chak hle a, pawnlam ah chuan vur a sur nasa in kawtthler vel ah pawh mi veivak hmuh tur an awm meuh lo.

Chutiang ang tlai tawh a an pa alo la haw loh avang chuan Pi Lucy-i chu a mangang hle a, an zanriah kil pawh chu a ei tui loh hmel in a beng chu a tun hra reng a.

A fanu tleirawl hmeltha tak tak te pahnih Isabella leh Michelle-i te erawh chuan an pa lo haw har pawh chu an ngaihtuah vak loh hmel hle a, an school chanchin te sawiin hlim deuh hian zanriah chu an ei melh melh a.

Chutihlai chuan an zanriah eina pindan kil khat a telephone hlui tawh tak chu alo ri ral ral a.

Chuveleh Pi Lucy-i chu rang tak a tho vat in, telephone awmna lam ah chuan a phei nghal a.

Hlauhthawn hmel ang reng tak hian,
" Hello " an ti a. Chutah mipa aw nalh tak hian phone atang chuan,
" duhtak, Dave, ka ni e," alo ti let a.

Ngaihthatloh hmel deuh hian Pi Lucy-i chuan,
" Dave, engti zia nge? Tawhsual i tawk chu ani em lo maw? Khawiah nge i awm? Tinge chanchin minlo hrilh vat loh?" ati chul a.

Chu a tawng ri an hriat chuan a fanu pahnih te chuan an thusawi lai chu tawp in, an nu phone dawm lai chu hrilhhai hmel tak hian an en haw a.

Chutah Mipa aw chuan,
" kan veng tawntirh ah khan vur in kawng zawng zawng a hnawh phui vek a, vur a sur nasat avangin vur paih tu motor a rawn kal mai thei lo va, hei tunah chuan kawng atlang tep tawh e, ka rawn thleng har tawh lovang," a ti a.

(vur paihtu motor hi kan hrethiam chiah lo maithei a, vur tla ina kawngpui vel a hnawh khah vek hian JCB ang deuh hian chung kawngpui hnawh tu vur te chu nawr sawn in a paih thin. CR)

Chutah Pi Lucy vek chuan,
" Nizan a Radio a an thupuan te kha i theihnghilh leh tawh em ni? I theihnghilh ka hlau va, chuvangin i kal hnu pawn ka rawn hrilh leh che anih kha," a ti a.

" Ni e, ka lo mangnghilh palh alawm le, Office thil ah kan buai lutuk a, engpawh nise ka lo thleng vat ang, rilru nuam takin lo awm rawh, ka hmangaih che," tiin chu mipa aw chuan alo chhanga, chutah phone chu a dah hlum ta nghal daih a.

Phone chu dah ta mai lo chuan eng emaw chen chu Pi Lucy chuan ala hum reng a, chutah zawi sap hian,
" keipawn ka hmangaih che, Dave," ati sep a, zanriah kil tur chuan muang fahran hian a phei zui lehnghal a.

A fanu te hrilhhai hmel a hmuh chuan a nuih sak a, chutah,
" in pa chu alo thleng tep tawh ang, vur tla in kawngpui a hnawh a, an thianfai mek e," a ti a.

A fanu upa zawk Michelle-i chuan,
" ka nu, zanin ah vur leh thlipui a tleh dawn ani lawm ni, ka pa chu ka va ngaihtuah em," a ti a.

Pi Lucy chuan Glass no tung lian tak a bawnghnute chu tlem an in zauh a, chutah,
" Ni e, mahse zanrei lam ah ani maithei, ngaihtuahawm anilo vang ipa chu, alo thleng tep tawh ang," a ti a.

Phur fahran lo hian chu zanriah chu an ei tlingtla ta hram a, chutah Michelle-i chuan a nu chu puiin an zanriah eina hnawk chu a tih fai pui leh zung zung a.

A naupang zawk Isabella-i erawh thutkhawmna pindan lamah pheiin TV a en zui nghal daih a.

An in tihfel zawh hnu chuan Pi Lucy chuan,
" in room lamah han chho tawh rawh u, lehkha zir te pawh in ngaih kha, Bella, nang phei chu kartawp ah Test in neih dawn kha, vawiin ah in zirtirtu nu Miss Kate-in min rawn phone lehnghal ania," a ti a.

" ka enlawk vek tawh alawm, Test tur zawng zawng ka thiam vek tawh," pangchang ang reng tak hian Bella-i chuan a ti a, chutah a thutna atang chuan a tho vut a, pangchang deuh leh nghet deuh hian a nu chu a kuah a,

a nu chuan a hnung ah an beng a, nui deuh kur kur chung hian,
" in lamah hian pangchang viau lo mai teh o, in school a i nun dan ka hre vek ania, tunge Chester-a hi?" a ti a.

Chu veleh an pian lawk a a u Michelle-i ding chu rum deuh hian an melh zui nghal a.

Michelle-i chuan nuih ralh ralh pah hian,
" ka hrilh lo, eng mah ka nu hnenah ka sawi lo ania o," a lo ti zui nghal vat a.

A nu pawh chuan nuihzat hmel deuh hian,
" i u in min hrilh ani lo ania, a hming chauh alawm ka hriat, tunge Chester chu ni reng reng a," a lo ti vel leh bawk a.

Chutah Bella-i chuan,
"ka hre lo, ka hre lo, tumah pawh an ni lo," a ti vin tak a.

Chutah a u lamah chuan tlan pheiin, an in um kual hrep a.
Pi Lucy lah chu alo nui tlawr tlawr lehnghal.
Isabella-i chuan a u chu sofa ah chuan a thut bet run a.

Chutah an nu in a,
" duhtawk ru, in room lamah chho ula, in mu vat dawn nia, thlipui a tleh dawn kha, in pa erawh ka lo nghak ange," a tih chuan thuawih tak hian la in chhaih hawr hawr chung in inchung room lamah chuan an in zui chho ta a

Chutia a fa te an room lama an kal hnu chuan sofa chungah chuan zawi deuh hian a thu hnawk a, a thutna sir a Oak thing atanga siam dawhkan te reuhte, mawi tak chung a Radio te reuhte chu muangchanga ban in an herh nung zui nghal a.

Radio chuan Hempstead khaw mipui te chu chumi zan chuan fimkhur turin leh chhuak vak lo turin a chah nasa khawp mai, chumai bakah an State thenawm lawk Connecticut leh Pennsylvania State ah pawh thlipui nasa tak a tleh mek tih anlo puang ve dum dum bawk a.

Pi Lucy chuan a hlauhthawn hmel ngei mai, chutiang chhiatna leh buaina chanchin an puang dum dum lai a an khaw mipui te thlamuanna leh fimkhur tur a chahna thu an khaw rorel tu Mayor Charles Brosnan-an a lo puan ve te pawh chu hria awm pawh in alang lo.

Banga sana lian inkhai chu che changlo hian reife a melh ngur ngur a, chutah muang fahrana tho vin chaw eikhawmna pindan (choka) lamah chuan a phei hnu hnu a.

Coffee tih lumna khawl ti nung in, abulah chuan nghah pah in a ding a, chutih lai mek chuan doorbell a rawn ri thut a, a phu nasa ngei mai, hmanhmawh deuh in kawngka lamah chuan a tlan phei vat a.

Kawngkhar an hawn chuan an pa chu alo ding reng tawh a, a in thuam lum viau na in vawt a tih hmel tho mai, an nu hlauthawng hmel a hmuh chuan anui var var a, chutah rang fahran hian inchhungah lut in kawngka chu a khar zui nghal a.

" duhtak, i va hlauhthawn hmel ve, thil diklo a awm em ni? Nge lungawilohna inei zawk? I thusawi kha ka lo mang nghilh daih a, min ngaidam dawn nia?" tiin thupha an chawi nghal zung zung a, riltam hmel tih hriat tak hian zanriah eina dawhkan bula chair ah chuan thuthmun an rem leh nghal sawt sawt a.

" engmah nilo ve, Radio a an thupun khan minti hlauthawng deuh a, nang lah i rawn thleng thei bawk silo." a Coffee tihlum chu plastic no tung sei tak a thlit chhuah pah hian an nu chuan a ti a.

" duhtak, ngaihdam ka dil tawh che kha, dawhkan chung ah lawnin beng ka pawt mai dawn em ni?" nuih rulh rulh pah chuan Dave-a chuan an ti a.

" fiamthu na hun pawh anih loh hi," titau deuh roh hian Pi Lucy-i chuan an ti vin deuh tak a.

An pa zanriah tur buatsaih sak a chhangthawp zai lep a butter a tah mek lai chuan Dave chu a thutna atang chuan rawn thovin hnunglam atang chuan an nu chu nghet deuh mai hian a rawn kuah a.

"duhlai, thinrim tawh lo teh, vawiin nilengin ka rilru ah i awm char char ania," an nu bengbul ah chuan zawi fahran hian an ti ser ser a. An nu nghawng ah chuan dim fahran hian an fawp zul lehnghal a.

" Dave, a hun loh em hi, khatin ka lung iti awi chuang lo ang," an nu chuan a ti a.

Dave-a bawk chuan,
" i lung te chu a awi sa reng ani lawm ni, vawiin a office a ka awmlaiin thil hriatchhuah ka nei a.." a ti a.

" eng chu maw "

an nu chu alam hawiin an kuaiher a, a kawnga kuah a, alam a pawh hnai pah hian,
" e le.. Kum sawmhnih lai kan inneih hnu pawh hian ka la hmangaih reng che a, kan in neihtirh lai a ka hmangaihna che ang tho khan vawiin ah pawh, tunah pawh hian ka la hmangaih reng che tih hi maw le," an ti a.

Chutah an nu hmui vam har mai chu dim te hian an fawh sak zui nghal a.
Pi Lucy pawh chuan alo dawh mai mai bik lo, a pasal hmangaih tak ngawngah chuan lo kuah let ve in a fawhna chu thiam tak in a lo chhang let a, chu zan khawvawt tak a an choka zau vak lo ah chuan an in hmangaih na chu hlim tak in an chen dun a.

" Dave " an pa a kuahna chu thlah in an pa chu an ko nawn leh a.

A nu hawina lam chu hawi ve in, muang fahran hian a hnunglam chu an hawi let a.

An fanu naupang zawk Isabella-i chu inchung panna kailawn tawp ah chuan a mutkawr fual var ha chung hian che changlo hian lo ding reng a, tlem in dinglam ah chuan a lu chu a thle deuh a.

" Bella- engti zia nge, i va mu har ve a, thlipui a tleh dawn kha," Dave-a chuan an ti a.

Mahse Bella-i chuan a chhang lo, a pa biakna chu hria awm pawh in alang lo, a melh ngai chu a melh ngawr ngawr a, a mit pawh a khap lo reng reng anih chu(!)

" Bella, lokal teh, vawiin ah minlo ngai em?" an ti leh a. Mahse chu pawh chu ala chhang chuanglo.
Milim ang maiin a dinna ngai ah chuan che lo hian a ding reng a, an nu lam chu hawiin, zawi deuh hian
" a nuamsam lo em ni? nge vawiin lamah te thil tawn anei em ni zawk?" an ti leh a.

an nu chuan,
" tunlai chu Bella-i khawsak dan hi amak riau mai," a ti a. Bella-i lam pah chuan a phei ta nghal vat a.

Bella-i chu an kuah a,
" natna i nei em ni, nge thlipui tleh tur kha i mangphan zawk, i u a mu tawh em?" an ti a.

Mahse anu pawh chu a chhang chuang lo reng reng.

An pa chu Pi Lucy-i chuan an melh zauh a, an pa lah chu a dinna ngaiah chuan lo la ding rengin a ngaihna hriatloh hmel deuh hian a dar alo ti sang deuh uk a.

" ka han mut tir lawk ange," tiin Bella-i chu a kaihkuah a, inchunglam chhohna kailawn ah chuan an in kuah chho zui ta nghal a.
Inchung lam atanga Pi Lucy alo chhuk leh lai chuan Dave-a chuan ngawi reng hian newspaper hi lo bih in, coffee no chu a kut lehlam hian alo dawm bawk a.

" i han mut tir thei maw? Enge a an a, a damsam lo em ni?" tiin hawi chhuak chuanglo chuan Pi Lucy-i chu an bia a.

Hmanhmawh taka an pa zanriah tur chhawp pah chuan,
" a nawmloh awm pawh ka hre lo, mahse tunlai chu Bella-i mizia hi a dang riau mai," tiin a chhang a.

An pa zanriah a buatsaih sak zawh chuan a bul a chair ah chuan a thu ve nghal a.

" hei kar khat lai chu ani tawh, ka hriatchian loh avangin ka la hrilh duh lo che a, a remchan veleh Bella-i hi damdawiin a hruai ka duh ani, hman lang chuan kan pahnih hian hruai thei ila ka duh khawp mai," tiin Pi Lucy-i chuan an sawi zawm leh a.

An nu in a a eitur siam tui ti tak a ei pah chuan,
" damdawiin a? Han sawi chiang deuh teh?" a ti a.

Pi Lucy-i bawk chuan,
" zan a kan mut hnu te hian Bella-i hi kan room kawngkhar bulah te hian alo ding ngawi leh reng mai thin a, a room a ka luh chang pawh hian khum ah hian a melh ngai reng melh hian a lo thu leh vung thin," tiin a sawi zawm leh a.

An pa chuan,
" an school lam ah eng emaw harsatna a tawk te ani zawk lo maw, a zirlai ah te pawh, an zirtirtu te i be tawh em?" tiin ngaih thutak lo hmel deuh hian a sawi a.

" zawt tawh e, mahse chutiang lam anih ka ring vak lo, a rilruk lam hi anih ka ring deuh zawk," Pi Lucy-i chuan a ti leh a.

" engpawh ni se an school chawlh veleh va hruai la, kar tawp ah pawh," Dave-a chuan a ti satliah leh mai a.

Chutah thudang sawi zawm leh daih in,
" vawiin chu kan buai nileng ani mai, Eric-a nen ruk ru pakhat kan buaipui nileng ani ringawt alawm le," a ti a.

" in man thei em,"

" man hram e, silai alo kawl ve khanglang lehnghal a, tlem a tlem ah vanduaina kan tawk lo chauh alawm le," a ti a.

Chutah Pi Lucy-i chuan an pa zanriah eina nawi chu a ti fel swk sawk a.

Chutia tihfel pah chuan,
" a hrim hrim in sakhaw lamah hian kan rilru hi kan pe lo lutuk a, nang lah i hna hi i atchilh bur mai bawk si, karleh atang khian Baldwin- ah Dr.Billy Graham-a ho ten crusade an nei dawn a, kan veng atangin a hla lo bawk a, kan chhungkua hian va chhim ve ila ka ti deuh asin, vawiin ah Pi Jones-i khan min lo bia a, anni pawh an chhungkua in an kal dawn ani awm e, an pa pawh in chawlh ala ati bawk a," mei nei fahran hian an ti a.

Dave-a chuan,
" kan la ngaihtuah ang chu, a hunte lo thleng phawt se, a hrim hrim in Pi Jones-i pasalte ang in duh hun hunah chawlh ka la ve thei hleinem," tiin a chhang a. Chutah an nu chu hnunglam atanga a kuah in, a nghawngah chuan an fawp zauh a.
" ka lo va intifai ange, " a ti a.

A bag lianpui leh jacket pawm chung chuan an mutna pindan lamah chuan a phei zui ta nghal a.

Zai rut rut chunga in dahfel mawlh mawlh in a in thlak nghal mawlh mawlh a, chutah towel ala a, bathroom ah a lut zui lehnghal a.

Pi Lucy-i pawh chuan an thil atih fel zawh hnu chuan light te a off a, mu tur in an room lam a pan zui ve nghal a.

Dave-a intifai zo rawn chhuak pawh chuan engmah ti tawh lovin khum lam chu a rawn pan ve nghal a. Tichuan inkuah rial in chu zan hun chu an hmang dun ta a.
Zan rei a vur leh thlipui thawk chiam pawh chu an hre zui tawh lo, Dave-a phei chu a hna lama a buai theih em avangin a chau chu mutui thei hle a.

Dave-a hi a hmingpum chu David Walker- ani a, an nu nen hian Charlottesville, Virginia- chhuak ve ve niin Virginia University-a an luh lai atanga inchhar an ni a, kumhnih vel an in zui hnu in an in nei zui ta nghal a.
Dave-a hian hna zawng nghal in, a pa thian hlui puihna in VPD( virginia police department. CR) ah a in tat lut ve a, Pi Lucy-i pawh in an veng charlottesville-a Elementary school pakhat ah zirtirtu hna a hmu ve bawk a.

Tichuan an fanu upa zawk Michelle Walker-i lo pian hnu lawk hian a hnathawhna chu transfer avangin New York lamah pem in Bellerose, Hempstead- ah awmhmun an bengbel zui leh ta ani a.

Tichuan a hna pawh chu chhunzawm leh in, An nu erawh chu an fanu enkawlin inlamah a awm ta chawt a, chutah reilo te ah fanu bawk nei leh in, a hmingah an veng Bellerose- hming chawiin Isabelle Walker- an sa a.

An fate pawh anlo lian ve zel a, tichuan tunah hian tleirawl, puitling chu anlo ni ve ta mai a, an veng thenawm lawk a Floral Park School ah an unau hian an lut mek ani.
Tin, Pu David Walker-a te chhung hi Methodist- kohhran an ni a, Pu David-a hi a pi leh pu te atangin Methodist- kohhran an ni sa hrim hrim a, an nu Pi Lucy-i erawh American Presbyterian Church-a lawi thin ani a, mahse an pa te kohhran hi an awmna lai ah hian an tam a, chuvangin Methodist ah hian an lawi ve mai a, mahse kohhran chu an bel vak em em hran lo khawp mai..

Chumi zan chuan buaina dang em em an tawk hran lo, vur thli a tleh chiam na in pu David-a te chhung erawh chu an mutui tlang bawk a zanlam a thilthleng reng an hre miahlo anih chu.

Chu thlasik khawvawt tak ah chuan Bellerose- veng chu a reh tlawk tlawk hle a, zan lam a vur a sur nasat avangin zing lamah pawh mi veivak an awmlo tih theih ani, khua chu a vawt vin tuk reng a, vur erawh a sur tawhlo na in zan lama a hnathawh erawh chu a pui tiah tiah khawp mai, khawvar rual deuh thaw atangin vur paihtu motor chuan kawng hnawh tu vur chu a thianfai a, chu motor ri bengchheng tak chuan pu David-a mutui lai pawh chu a thawng tho chiang hle mai.

An nu mutna lam an hawi a, mahse a hmu lo, an nu chuan alo thawhsan daih tawh ani chiang mai, chutah a mutna sir dawhkana a Alarm Clock' chu an la kang a, dar 8:15 alo ri der tawh anih chu.

" shit "
rang deuh hian a rizai chu a theh sawn lawp a, hmanhmawh fahran hian a zuangtho zui nghal a, an room kawngka sir a towel inkhai chu pawt thla in bathroom ah chuan a tlan lut zui ta nghal a.

Eirelna pindan lamah erawh Pi Lucy-i chu a buai hle a, a fanu upa zawk Michelle-i chuan alo pui bawk a.

Breakfast- an siam mawlh mawlh lai chuan, a school bag khai chung hian Isabella-i chu muang fahran hian inchung kailawn atang chuan alo chhuk chhut chhut a.

" Bella- hmanhmawh angai ania, kan tlai tep," tiin Michelle-i chuan dawhkan a bowl chhawp mawlh mawlh pah hian alo ti a.

A nu pawh chuan,
" Bella- nizan i mutui em, thli tleh kha in hria em?" alo ti ve bawk a.

Bella-i erawh chuan a chhang hran lo, chair ah chuan a bag chu a nghat a, breakfast ei turin a thu zui ve nghal a.

A u pawh chuan rawn kil ve nghal in, hmanhmawh deuh hian an ei sawk sawk a.

" David-a pawh chu avan tho har ve maw le, a tlai tawh asin le," ti a Pi Lucy in a tih lai mek chuan a police uniform ha fel thlap chung hian alo phei ve chiah a, a police jacket chu alo khai bawk a.

" duhtak, ka hman tawh ania, ka thawhna a rei tawh mai," an rawn ti zui ve a.
" awihawm loh loh, i thawhrual in uniform i rawn inbel nghal tih a chiang reng mai," tiin Pi Lucy- chair a thut pah hian alo chhang let a.

Dave-a pawh chuan a rawn kil zui ve nghal in,
" nizan thlipui chu a thawk nasa khawp mai," nui rulh rulh chung hian an ti zui leh a.

Pi Lucy- chuan awihloh hmel fahran hian,
" zingkar atanga dawt sawi hi a tha lo ti tu pawh nangmah ini lawm ni?" alo ti let a.

Chutah an za vai chuan an nui ta tliar tliar hlawm a.
" ka pa, nizan ah ilo va haw tlai awm ve a," thil thial nuau nuau pah hian Bella-i chuan alo ti a.

" Bawihte, vur in kawng a hnawh nasa lutuk a, ka lo haw hma theilo alawm, nizan ah i mutui thei maw?" tiin Dave-a chuan alo chhang a.

" aw mutui lutuk, thli tleh pawh ka hre ve lo reng reng," tiin alo chhang let a.

Chutah Michelle-i chu tho hluai hluaiin,
" kan tlai tep tawh, Bella, eikham vat vat rawh," a ti zui a.

Chutah a room lam pan in inchunglam ah a tlan chho zui lehnghal a.
" Duhtak, newspaper- alo thleng tawh em, nizan lama thil thleng te pawh hriat avan chakawm ve," Dave-a chuan a ti a.

" thleng tawh ang chu maw le, vawithum ka chhiar tawh," tiin an nu chuan alo chhang zui nghal a.
" tak tak in, thil chhia em em chu a awmlo ni awm tak ani, a na lutuk lo ani maithei, min kan ani ngei ang ang, kan thenawm state Connecticut- ah chuan ana khawp ani anih kha," an ti zui lehnghal a.

Chutah Dave-a chu a tho nulh a, thutkhawmna pindan lamah chuan pheiin newspaper- chu a chhiar zui nghal a.

Pi Lucy-i leh Bella-i pawh chu tho zui ve nghal in, an eina hnawk chu Bella-i chuan anu chu a tihfel pui nghal zung zung a.

Chutihlai chuan a school bag khai chung hian Michelle-i chu hmanhmawh deuh hian kailawn ah chuan a rawn chhuk thla a,
" Bella, kal ila, khawnge ka pa hi," a rawn ti zawm nghal zat a.

A pa chuan,
" aw, ka lo phei," tih leh rawn phei a rual nghal a. A jacket chu la in an ha tha nghal sawt sawt a.

Bella-i te unau pawh chuan an nu chu kuah in a biang ah chuan an han fawp zauh a, tichuan pawnlamah an tlan chhuak zui ta nghal a.

David-a chuan an nu chu an fawp zauh a, chutah an nu chuan,
" Dave, bella-i chu kan entir vat angai dawn ani, nizan chungchang te pawh kha," a ti a.

" ka hria alawm, duhtak, thil reng reng hi a thim zawngin thlir thin suh, nizana a rawn thawh a hriat loh danah a tho a ani ngei ang, naktuk ah doctor chu hmuhpui i tum mai dawn nia," ngaihsam hmel ang reng tak hian David-a chuan a ti a.

" a thim zawngin ka ngaihtuah pawh ani lo, nang chuan nizan chauh kha ila hria a, hman zan lawk ah pawh Michelle-in Bella-i room ah thawm mak tak tak a hria asin, thil tla keh ri leh thil chhut bur bur te a hria a, mahse ka va kal a, room kawngkhar ka hawn rualin a reh leh nghal vek a, Bella-i lah chu tui deuhin alo mu reng si a, engmah chutiang thil chhia pawh ka hmu lo reng reng ati asin," a ti a.

Chutah Dave-a chuan,
" naupang mai anla nih hi, eng emaw an mumangte an mangphan pawh ani maithei asin," a ti sam et a.

Chutihlai chuan Dave-a chu a fa te chuan anlo au a,
" lo in enkawl tha rawh aw, ka hmangaih che," a ti a. Pawn lamah chuan a chhuak zui ve ta nghal a.

Khua chu ala vawh hmel kher mai, boruak chu a thiang kuk na in kawtlai ah chuan vur ala tam hle a, a fa te chuan an bathlar ah chuan hmanhmawh hmel deuh hian anlo nghak reng a.

Hmanhmawh tak a Garage-a tlanlut nghal in a Car- dum nalh tak chu a rawn khalh chhuak a.

Tichuan a fate pahnih school a thlah pah chuan an tlan chhuak ta a.
A fanu upa zawk Michelle-i hi chu rualpawl tak leh ri phur phur mai chi hi ani a, a hmeltha in a lian bawk a, an school ah pawh Cheerleader- a tel ve phak ngat kha ani a.
(kan hriatthiam dan tur chuan cheerleader hi basketball leh american football kan tih ang chi soccer vel an khelh a, halftime vel lai a nula chhelo tak tak rual khat lo lam thin ang hi ani ber, cheerleader a tel hi a har hle a, schoo leh colege ah pawh hmelta leh pian nalh deuhte an thlang chhuak thin a, chuan cheerleader a tel thei te hi chu an in duh deuh tlangpui thin bawk. CR)

a naupang zawk Isabella-i erawh chu tawngtam lo leh mahni a awm rek rek nuamti chi ani thung.

A fate luhna school Floral Park High School an thlen chuan Michelle-i thiante hmeichhe rual khat chhelo deuh deuh hi school Gate pui bulah hian anlo thu thap a, a pa chu a biang ah a fawp zauh a, tichuan a thiante bulah chuan hmanhmawh deuh hian a chhuak phei zui nghal a.

" Bella, nang pawh kal tawh rawh le,"

a pa biangah chuan a fawp ve zauh a,
" ka hmangaih che," an ti zui leh nghal a.
Tichuan ani pawh chu a chhuak ve ta a.

Kal ta mai lo chuan eng emaw chen chu a fate leh chung high school zirlai tleirawl rual thawveng tak tak ho chezia chu a thlir reng a.

Michelle-i chu a thiante nen chuan ri bawrh bawrh in building lamah chuan an la lut hranlo.

Isabella-i erawh chuan a bag pawm tat chuang hian a piah lawk a mercedes- car dum lo thleng thar atanga lo chhuak mek jumper dum leh jeans tet hrip hrep ha, tlangval sang thlerh thlawrh tarmit bun chu alo nghak a.

Chu tlangval chuan Bella-i chu panin an kuah zauh a, zawi te te hian eng emaw ni hi a hrilh deuh su su a.

Chutia a thlir reng lai chuan a fanu Bella-i te chu tleirawl rual pali, hmeltha deuh deuh mai hian an rawn kal pel a, pakhat chuan tilui tih hriat fahran mai hian Bella-i chu an nek sawk lehnghal.

Bella-i chu a phu deuh zawk a, mahse a thian tlangval khan rang deuh a kuah vat in, eng emaw ni hi a beng bula sawi zauh pah hian chung tleirawl inchei leplerh fahran mai te chu an en a.

A nektu ber khan thinrim hmel fahran hian Bella-i chu a melh vak a, chutah a kut zungchal ala hmuh zui hram lehnghal.(f**k you sign)

chu nu thian te pawh chuan ngei hmel zet zet hian an rawn melh ve bawk a, eng emaw hi thinrim hmel deuh a zawi te te a sawi in school compound lamah chuan an kal liam ta daih a.

Chutiang thil a hmuh chuan David-a chu a lungawiloh hmel hle mai, a motor atanga chhuah a, han ben pawp mai chu a duh viau na in a in bengdai leh thuai a.
A car kawngkhar a hawng hman tawh na in a fanu te an zah a hlau leh deuh a.

Tichuan amah a phun deuh nuah nuah chung hian a car chu a turn a, tichuan an office lam pan chuan chak fahran mai hian a tlan zui leh ta nghal a.

Michelle-i chuan anau thil tawn chu a hmu ve reng na in, athian te a hmaizah vang ani pakhat ang, engmah a va sawi duh chuang lo a, a nau leh a thianpa school building lama anin zui lut chu a thlir zui vawng vawng a.

An class a in an loh avangin Bella-i te unau chu school chhung ah pawh an in hmu zen zen thei bik lo, lunch break laiin an in hmu zawk a.

A thil eitur dawh zo chu building kil lama anau leh a thianpa dawhkan kil mek lamah chuan a phei nal nal a.

" cheerleader ho inhmuhkhawm tur an ti ani lawm ni? Engatinge i kal ve loh?" tiin Bella-i chuan an dawhkan kil lai lo zawm ve mek tu a u chu alo zawt a.

" ka kal dawn lawm, Principal office ah Nicole-i leh Amanda-i te an kal lawk a, kanla kim thei chuang lo," tiin Michelle-i chuan a chhang a.

" cheerleader, kan thutpui bik ania, anuam e," Bella-i thianpa chuan nuih deuh vur vur pah hian alo ti a.

A hnunga ben pah hian Michelle-i chuan,
" Chester, chimawm viau lo teh aw, ka nau hi ka fuihpawrh mai tur ania," fiamthu tho hian a ti a.

Chutah anau lam hawi pah hian,
" buaina an siam leh che em, Ivy-i te thian ho khan?" tiin an zawt a.

" neilo e," tiin thil ei pah chuan Bella-i chuan ngaihsam fahran hian a chhang a.
Chutah a thianpa chuan thil thial nuau nuau pah hian,
" class room kawt ah i lehkhabu pawm lai a ben tlak sak reng che kha, ka hmu reng alawm," alo ti var a.

School building kawt a Bella-i rawn nek tu kha Ivy Blue Schaefer-i ania, a thiante kha Laura, Colbie leh Helen-i te ani ni a.

Tin Bella-i ngei ber tu, Ivi Blue-i hi a hming awmzia chu,
IVY :Illuminati's Very Youngest BLUE :Born Living Under Evil tih ania, chuan Blue Ivy tih letling chu Eulb Yvi tih ani leh a, chumi awmzia chu Latin chuan Lucifers Daughter tihna ani.
" a ho mai mai," Bella-i chuan alo ti deuh hlut a.

Chutihlai chuan an piah deuh atang chuan Michelle-i chu anlo au a,
a lo au tu te chu Nicole-i leh Amanda-i te an lo ni a, principal Office atanga lo chhuak hlim hlawt an ni a.

" Ka kal phawt ang e, anlo chhuak tawh anih saw," a ti a, tichuan a thiante lam pan chuan Michelle-i chu a phei ta nghal daih a.

Bella-i te piah deuh ah chuan Ivy Blue-i te thian ho chu anlo thu ve reng a, zawi te te a eng eng emaw sawi hian Bella-i te chu anlo en leh zawk thin a.

Mahse Bella-i chuan a ngaihsak em em hranlo, an bul lawk ah an thu tih chu a hria a, mahse hrelo ang hmiah in a awm thung.

" eng emaw intih thiamloh deuhna in nei em ni Ivy-i te nen sawn," Chester chuan ring fahran lo hian a ti a.

Bella-i chuan,
" nei lo, ka hrethiam bik lo e a, min huat hmel em em ringawt a ani mai," a ti deuh hlut a.

Chester chuan,
" chutiang ringawt ani thei lo ang, keimah hian ka va zawt ang e, khatiang a in hmuh apiang a kamchhe tleuh nan a in hman reng ringawt te chu," a ti a, a tho deuh hluai a.
Mahse Bella-i chuan a ban ah man in a pawt thu leh a.
" a ngailo ka tih chu maw le, an duh duh in minlo haw teh se, an peih rei chuang lo ang," an tih zawm leh nghal zat a.

" a chhan i hria ti raw, min hrilh rawh, an vau che em ni?" tiin Chester- chuan a zawt a.

" a pawimawh em em lo, nakin ah ka la hrilh ang che," Bella-i chuan a ti leh a.

Chutih lai chuan school Bell(dar) alo ri a.

" period khat ka la nei a, nang ila nei em?" tiin Chester chuan a zawt a,

rang zet hian Bella-i chuan,
" Nei tawh lo," a ti a.

Chester- vek chuan,
"Anih chuan min lo nghak ta che, chuan ka thlah dawn che nia," a ti leh a.

" aw le," a ti a.

Tichuan class room lam pan chuan Chester- chuan a kalsan ta a.

Bella-i erawh chu a thutna ngai ah chuan ala thu ta reng a, Coffee no chu hum ran in eng emaw ngaihtuah niawm tak hian a melh ngai a melh run a.

An Lunch eina Hall- ah chuan tu vak mah anlo awm tawh lo, class la in an kal bo deuh vek tawh a.

" Isabella Walker,"
ngeiawm fahran hian hmeichhe aw hian a hnunglam atang chuan a rawn ti a.

Chutah chu nu chu kal kual in Bella-i ep chiah chair ah chuan a rawn thu a.

" Isabella Walker, ka thusawi kha ila hria em, i va ngai pawimawh lo ve a," a hma aia ngeiawm zawk hian chu nu chuan a ti leh a.

Bella-i chuan a chhang lo, ngei hmel zet hian a hma a thu Ivy Blue-i chu a en reng.

Chutah Ivy Blue-i bawk chuan,
" ka hrilh tawh che kha, kan sawi nawn leh ang e, Chester- hi lo hnaih ngai tawh suh ang che, hei hi ka thupek hnuhnung ber ani tawh ang, Chester- hi i thlah lo anih chuan nangman i tuar ang, a bak chu i ngam chuan han pal zam leh phawt teh," an ti leh a.

Chutih lai chuan a Ivy Blue-i thian te pathum pawh chuan an dawhkan thawhsan in Bella-i te awmna lamah chuan an lo phei ve a.
Bella-i hnung leh sir ah chuan ivy-in a a tawngkhum vel lai chuan anlo ding ve reng a.
Chutah Laura-i chuan thle lawp khawp hian Bella-i bek ah chuan an nam dawrh a.
" nang junior lehnghal hian mi ngaihzawng i chhuhsak vel a maw?" an la ti zui a.
Mahse Bella-i chuan tumah chu a chhang hran lo, ngei hmel zet hian Ivy-i chu a melh reng ringawt a.

A hnunga ding Colbie-i pawh chuan,
" a la luhlul ve khanglang a, a hre khawp ang, ala tuar dawn lawm," tiin Laura-i thusawi chu alo tuihnih ve bawk a.

A hma a thu Ivy-i chu a thutna atang chuan a tho thurh a,
" i duh chuan min runluih thei ang, mahse ka chhuah lo ang che," a ti a.
Chutah a thian te hnenah chuan,
" Kalsan ang he mi tenawm nu hi," a ti zui a.
Chutah ngeiawm zet zet a nuih uarh uarh pah hian chung thian pali te chuan Bella-i chu an kalsan ta a.

Bell-i chu a thutna ah chuan che chang lo hian ala thu zui ta reng a, Ivy-i te thian ho kal ta chu thinrim hmel zet hian an melh zui leh hram a.

" thupek ka dawng ngailo," zawi sap hian a ti a. Chutah a bag chu khaiin Hall chu a chhuahsan zui ve ta nghal a.

Building chhung corridor ah chuan pan lam bik pawh neilo hian zawi muang hian a pen chhut chhut a.

Chutah Library room kawngkhar zawn a thlen chuan room chhung chu mi zawn nei niawm tak hian a thlek hu hu a, chutah muangchang hian a lut ve ta a.

Library-ah chuan mi anlo tam em em hran lo, lehkhabu chhiar leh zawng hian anlo buai em em ringawt mai a.
Bella-i pawh chuan lehkhabu dahna chhuar chu en lawr dan dan in, lehkhabu chhah deuh mai pakhat hi a la chhuak a, room kil lampanga dawhkan ruak ah chuan thu in a bih ve leh ta ngut ngut a.
Mahse a lehkhabu chhiar chu a rilru ah a luh vak hmel loh kher mai.

Reilo te ah a lehkhabu chu a khup thawk a, chutah a lehkhabu chu an bawh zui lehnghal a.
Rilru hah hmel deuh hian an rum kawk a, chutah a sir banga sana lian in tar chu an melh zauh a.
A maimitchhing zui nghal ta daih a.

Period khat chhung chauh pawh chu rei a tih hmel ngei mai.
Reilo te an a lehkhabu bawh chuan a muhil zui leh nghal ta daih a.
"Bella"
a harh nghal zawk a,
chutah a hma zawn chair ah chuan Chester- chu nui var var chung hian alo reng tawh a.

Banga sana lian intar chu Bella-i chuan an melh zauh a,
" ka muhil hman ani maw, in banna a rei tawh em?" a ti zui nghal zat a.

" reilo e, Hall-ah khan ila awm ka ring deuh a, ka rawn en che a," tiin Chester chuan a chhang a, chutah dawhkan a coffee- no pakhat zawk chu Bella-i lam ah chuan a nawr hnai zui a.

" a hmuh leh hmuh loh che i u ka zawt a, mahse alo hmu silo che a, ka rawn thlah haw ang tiin ka hrilh tawh kha," an ti zui leh a.
Dawhkan a Coffee no pakhat zawk chu la in tlem an lem zauh a,
" i inti bo thei tih reng reng ka lo hre lo ani, i duh hun hun ah i inti bo thei ani maw?" nuih ver ver pah hian an ti zui leh a.

" chimawm viau lo mai teh o, ka in tihbo san tak tak mai tur che ania," tih pah in coffee chu tlem an lem ve hlek a.

" tak tak in vawiin chu ka nuamsam lo riau mai a, haw vat ka duh asin," a ti zui leh a.

" ka hria a lawm, kha i hmel ah pawh alang chhuak vek tawh anih kha, tui vawt a i inbual ngei ngei angai anih kha," tiin fiamthu ang reng deuh hian Chester-chuan a ti leh a.

" misual, anih chuan kal ang," tih leh thawh a rual a, a phiar lukhum lum chu khum tha in, a kawrlum, overcoat dum body fit chu an kilh tha zui nghal malh malh a.

A bag ah a tum lai tak chuan Chester-a chuan bag hruiah chuan alo man a.
" khawi, ka lo ah chhawk ang che, i damlo bawk si," a ti a.

" angai lo, ka ak thei alawm, chulo ah hmeichhe bag anih hi, i zak lo em ni?" Bella-i chuan a ti a.

Mahse Chester-a chuan a chhuhsak lui ta tho a, chutah intihtheih hmel fahran hian ala ak zui leh ta nghal a.

" i lehkhabu chhiar hi, i dah leh dawn lo ami," Chester-a chuan a ti a.
Bella-i lah chuan,
" Ka hman tawh lo, a ho lutuk," an ti liam puat a.
" nang tak hi chu aw," Chester-an a tih chuan,
" i duh leh dah tha la ani mai alawm," an ti zui lehnghal a.

Library- kawngkhar pui lam pan chuan a kal zui ta daih a.

" Hey," an ti a, chutah Bella-i chu a umzui ve ta nghal a.

..school building an chhuahsan lai mek chuan Ivy Blue-i te hian ho chu an mahni tawk zawng hian an lo kal leh chiah a.

Engtin mah zawng an rawn tilo na in, Bella-i chu rum fahran hian Ivy-i ber chuan a rawn melh leh hram a. Chutah Chester- pawh chu a bang bik chuanglo, Bella-i bag, hmeichhe bag a ah avang chuan ngaihnep hmel fahran hian a melh ve tho bawk.

Bella-i chuan engah teh vak angaih loh avang chuan Chester pawh chuan engtin a ngai bik lo.

School Campus- pawn chiah a a mercedes Car pawl nalh tak mai a dah chu khalh chhuak in, Bella-i te veng Bellarose lam pan chuan chak fahran mai hian an tlan zui ta nghal a.

Bella-i te veng hi a lian em em lo na in a mi cheng te erawh chu an changkang ang reng hle a, in hi a bit em em loh avangin a lang zau ang reng hle bawk.

Reilo te an Bella-i te in chu an thleng ta mai a, an in kawt ah chuan a Car chu tiding in,
" ka lo lut lo mai ang e, nidang ah ni zawk mai rawh se," zawi sap hian Chester- chuan a ti a.

Bella-i chuan,
" ka nu in a hmu chak ngawt ang che, lo lut zawk la," a tih pawh chuan Chester- chu atang tlat a.

Chutah Bella-i chuan a seat belt chu phel a chhuah a tum lai tak chuan Chester-chuan alam ah a pawt her thut a, chutah dim deuh hian Bella-i hmai ah chuan an fawp zauh a.

" i nu leh pa te chu ka lo la hmu ang," an tih chhunzawm a.
Tichuan Bella-i chu Car atang chuan chhuak in a in lamah chuan a tlan phei a, kawngkhar bul a thlen chuan rawn hawi let in Car chhung atanga a mah rawn thlir reng tu Chester- chu a ban an vai zauh a, tichuan inchhung lamah a luh san zui ta nghal a.

In chhunga a luh hnu lawk, a thawmhnaw thlak a room a a lut, a rawn chhuah leh lai tak chuan a pa chu a rawn thleng ve chiah a.
Choka a Pi Lucy-i awm hnenah chuan,

" tunge a kan in kawt a mi saw?" a rawn ti nghal a.

Pi Lucy-i chuan,
" Ka la chhuak miah lo a, ka van hre lo ve," ti a chhan pah hian Bella-i chu an melh zauh a.

" Mercedes Car dumpawl a ding a," a tih leh lai chuan Bella-i chuan tukverh puanzar chu hlim in pawn lam chu an bih a,

chutih lai chuan chu Mercedes Car chu a in her mek a, in turn tha in chak tak mai hian a tlan liam zui ta daih a.

" Bella,"
apa ina a tih chuan rang zet mai hian Bella-i chuan,
" ka thianpa anih kha, min rawn thlah a," in thlahrun leh zah hmel deuh hian an ti a.

" tunge a, khawi ami nge," ti a apa in a a zawh leh lai chuan Pi Lucy-i chuan,
" a sawi tawh kha maw le, thil an zawt chik lutuk ngailo, ka thian ti na mawlh mawlh a," lo tiin a fanu thlavang chu a rawn hauh a.

Bella-i chuan,
" kan school ami ania, Freeport lam a awm ania, a fel lutuk, chester- anih kha," an ti liampuat a.
Chutah chair ah thu in a nu in a a rawn chhawp sak glass no tung khat lung mai a bawnghnute chu a chhawp chu muangchang hian an in a.

Chutia a sawi lai chuan," chester maw?" tih melh hian anu chuan a rawn melh a.

Chutih lai chuan pawnlam ah chuan thawm alo awm a, motor ding ri hrawk leh hmeichhe inbe thawm leh nui ri chu.

Motor tih nun a, a tlan thawm a rik rual chuan an kawngkhar chu lo in hawngin Michelle-i chu alo lut ve chiah a.

Choka ah chuan rawn dah zauh pah hian,
" Hi, ka lo haw e," hlim hmel deuh hian a rawn ti a. Chutah a room lam panin inchung lam panna kailawn ah chuan a chho zui nghal ta daih a.

Engmah pawh sawi zui tawh chuanglo chuan Pu David-a pawh chu inthlak turin room lamah chuan a phei ve nghal ta daih a.

Bella-i leh a nu chuan zanriah tur chu an buatsaih malh malh a.

Chutihlai chuan Michelle-i pawh chu zai rat rat chung hian kailawn ah chuan alo chhuk thla dat dat a.

" Bella, Chester- chuan a thlah ta che em ni?" choka a rawn luh pah chuan a rawn ti a.

" aw thlah e," tiin Bella-i chuan dawhkana thil chhawp mawlh mawlh pah chuan a chhang a.

Chutah zanriah ei tur a rawn thut pah hian,
" ka nu ilo hmu ve em, tlangval fel tak ani asin, Bella-i thianpa chu," a ti leh a.

" tu maw Bella-i ngaihzawng chu? Tu in nge maw lo duh ve reng reng ni?" tiin Pu David-a chuan Michelle-i tawng chu alo hre pha ni ngei tur ani, choka a rawn phei pah chuan a rawn ti lut a.

" nichin tlaia rawn thlah tu kha maw le, Freeport venga awm ania, tlangval fel tak ani asin ka pa," tiin Michelle-i chuan apa chu alo chhang a.
Zanriah ei tur a thut pah chuan Pu David-a chuan,
" a tha alawm, in puitling ve tawh tihna anih chu, mahse uluk taka nun hi hman tur ania, hmeichhe tan phei chuan hmingchhiat hi a awl em em lehnghal ania,"

" mahse thlah se ka duh ani Bella-i hian," Michelle-i chuan a ti leh hnuhnawh a.

" engvang chuan maw, fel iti zo chiah ani lawm ni, i nau chu i thik ani em lo maw?" apa chuan nui deuh vur vur chung hian a ti a.

Bella-i chuan a u chu a rawn melh deuh zawk a,

" chutiang lam anilo ka pa, Chester- chu a fel in kawm anuam bawk si a, kan school hmeichhei ho chuan an star vek ang chu," Michelle-i chuan an ti leh a.

Chutia a sawi zawh rual chiah chuan Pu David-a chu a thutna atang chuan an ding deuh hluai a, chutah nui deuh vur vur chunga Bella-i en pah chuan kut an beng a,

"Wow, wow.. A va ropui em, chu chuan ka fanu hi a lo atchilh anih chu, a nu nulat lai ang chiah," an ti a, a sawi zawh chuan a thu lehnghal mai a,

" a pa ber si hi i ho leh lutuk, chutiang sawi pawh angailo," Pi Lucy-i chuan alo ti deuh hluk a.

" sawi rawh ka pa, eng maw, ka nu nulat lai ang chu," an unau chuan an lo ti rual thawt a.

" engmah anilo, dawt bak sawi tur a hre lo tawp ang," Pi Lucy-i chuan alo ti leh a.
" i nu in ka sawi a hlau emai,"

" ngailo, sawi rawh, ka pa," an lo ti leh a.

" thil tul lo tak ani, Dave,"

" tak tak in university kan kal lai chuan ka luck thei lutuk a, hmeichhe ho hian min bawr luih luih zel mai maw le," a tih lai chuan Pi Lucy- chu alo ner nawng nawng a.

Nui rulh rulh chung hian Pu David-a chuan,
" mahse i nu kan hmu chiah chu ka buai vek ani mai, Bella-i ang chiah hian a kalna apiang ah ka zui a, min dawi emaw tih mai tur hian ka atchilh bur mai ani," an tih zawm leh a.

Chutia a sawi zawh chuan afa te chuan kut an lo beng a.

" duh tawk rawh u, i pa dawt sawi mai mai anih kha," an nu chuan alo ti deuh hluk a.

Chutah Pu David-a bawk chuan,
" puitling in ni ve tawh a, in tan a tha tur chu in thlang thiam tawh ang chu, mahse tunah chuan chutiang lamah chuan in rilru la pe lutuk suh u, in zirlai hi dah pawimawh ber rih ang che u," a tih zawm leh a.

" ni e, ka pa, Bella-i thianpa pawh a fel in a nun a tluang a, mahse kan school a Bella-i alo luh hma khan hmeichhe pakhat nen an lo inzui hrep tawh a, mahse Chester- chuan a duh em em pawn ka hre chuang lo, hmeichhe ho hian an ngaihzawn rawn ve hrim hrim a, chu nu chu Ivy Blue-i ania, hmeichhe nasa ve tak mai ani lehnghal a, Chester-hi ala atchilh reng a, chuvangin Bella-i hi an huat phah ani," Michelle-i chuan a ti a.

Pu David-a chuan Bella-i chu an en vang vang a, eng emaw ngaihtuah vung vung ni awm tak hian. chutah,

" Ka hria alawm, Nimin a tleirawl rual khat lo nek tu che te kha an ni ti raw Bella," an ti a.

Michelle-i vek chuan,
" Ni e, kha mi te kha an nia, hmeichhe rapthlak tak an ni, ilo hmu ve ani maw ka pa, ka thiante kha ka hmaizah deuh a, chuti nilo se chuan ka beng ngei ang," alo ti leh a.

" hmu ang chu, an incheina a tang khan hmeichhe nasa tak chu an ni ngei ang."

chutih lai chuan an mutna pindan lamah chuan Pu David-a privat phone chu alo ri ral ral a.

Rang deuh a tho vin, an pindan lam ah chuan a tlan phei vat a..

Eng emaw chen hnu ah chuan jacket hak that mawlh mawlh pah hian alo chhuah a.

" eng nge ni a, Dave," hrilhhai hmel zet hian Pi Lucy-i chuan alo ti a.

" a..englo.. Eric-a ania, Freeport veng tawp a thlanmual hlui ah khan mi sawmthum(30) rual vel hi an pungkhawm a, meipui an chhep hluah mai bawk si a tiin report alo lut ati a, chinchang kan va ngaihven lawk ange."

Hlauhthawn hmel tak hian Pu David-a chu an en thap a,
chutah Pi Lucy-i chuan,
" Dave, fimkhur rawh aw, tawhsual te iva tawk ang e," a ti a.

" aw le, duhtak, tunlai thalai ho hi enge maw an hriat ni, hetianga in hmuhkhawm hi an ching thar riau mai, kar hmasa lawk pawh khan Long Beach veng a thlanmual ah tho mi sawm rual vel in hawrkhawm an man tawh kha," tiin Pu David-a chuan a chhang a, tichuan hmanhmawh tak in pawn lam ah chuan a chhuak zui ta nghal a.

Link:
BBcode:
HTML:
Hide post links
Show post links

chester ralte
Posts: 19
Joined: June 3rd, 2016, 10:26 pm

Unread post by chester ralte » June 26th, 2017, 8:33 am

.(CHAPTER 2)..

An ni pawh chuan an zanriah kilna hnawk te chu an nu ho chuan an ti fel leh sang sang a.

Pu David-a chhuak ta chu a Ford Car dum nalh tak chuan chak tak mai hian a tlan ta vang vang a, a mah hi pa phawk tak mai leh tunlai ve zet mai, cher ria lampang leh taksa in phut mawi tak mai, mizo vin a pian thiam kan tih ang chi, dar pharh tak mai leh kawng fek rat mai ani a.
A car tape chu tinung in ring fahran lo hian ACDC ho hla, Highway to Hell- chu a play riai riai a, a hun bak ah a kalna lam turin a zir bawk a athiam lai lai chu an lo sak pui ve leh zauh thin bawk a.

Chutia a tlan chhuak ta chu kawtthler number 113- na, Bellarose Community Hall- lam pan a tlan in, a kawppui Officer Eric-a lo nghahna leirawhchana sak in chul lam tawh rawng thim lam deuh kawt ah chuan a car chu a hung a.

( a kawppui tih chu, american bak ah western leh tern lo ah pawh police te hi pahnih zel in an in kawp thin. CR)

a car pawh chu a tihlum chuang lo, vawihnih vel a car horn chu an ti ri a, chuveleh chu leirawhchan in atang chuan lukhum hma thlawk nei dum khum leh velvet jacket uk ha, pa te lam deuh leh sa tha lam pang mah hi alo chhuak a, engmah pawh sawi chuang lo chuan car chhungah chuan a lut zui ta nghal a.

" ka rei viau em?"
" reilo e,"
" freeport lam maw itih kha,"
" aw, chhim lam pang a sipai ho thlan hlui kha ani awm e,"

tichuan Pu David-a chuan a car chu a tinung a, an veng piah lawk a freeport veng lam pan chuan an tlan chhuak zui ta nghal a.

Vur chu a tla lemlo na in khua chu a vawt vin tuk tho mai, darkar chanve emaw vel an tlan hnu chuan Freeport veng pawh chu an thleng ta a.
Mahse a kianga thu Officer Eric-a chuan,
" thlanmual hlui chu veng tawp lamah ani lawm ni a awm kha, i hel mai ang, chutilo chu kan rei lutuk ang e," a ti a.

Tichuan main road atang chuan tlan peng in St.Mary street lam ah chuan a car chu a her kual tir a, tichuan chak fahran hian an tlan zui leh ta nghal a.

Chu zan khawvawt tak hnuai ah chuan mihring bak ah motor veivak pawh hmuh tur a tlem pharh mai. Zan ala reilo na in curfew an nei emaw tih mai tur hi ani.
Chu loh ah mihring khawsakna loh lam leh veng tawp lam an pan mek leh ta nghal vei nen.

An tlan thui telh telh a, a reh telh telh a, chutah kawng sir mai a Gate lianpui mai, tuan leh mang ata tawh a hawn ngailoh niawm fahran bulah chuan car chu an ti ding a.

Car headlight a tih thim rual chuan an awmna lai chu a thim deuh nghal ruai a. Pawn a an han chhuak chu thli alo la thaw vuk vuk zui lehnghal vei nen, Officer David-a chuan vawt atih hmel kher mai.

Chu thlanmual luhna Gate pui sir a Streetlight lah chu a eng phe deuh zuk zuk a.

Chu streetlight hnuai zawnah chuan dingin a 9mm pistol nalh tak mai chu David-a chuan phawrh in an check tha a.
Chutah a torchlight tereuh te leh eng tha zet mai chu tieng in a bul vel chu an en kual thuak thuak a.

" Hrep tak chuan, a van thim chhah mup mup ve le, hetiang streetlight chhe lutuk te chu a hrui zai chhum mai chi anih hi." ala ti zui lehnghal.

A kawppui Officer Eric-an a phone-a tu emaw abiak lai mek chuan chu thlan hlui luhna Gate chu a torchlight chuan an enkual a.
Gate chunga thing hmanga siam signboard intar tla bal tawh tak a thil inziak fiahloh fahran chu a chhiar nuap nuap a.

Chutih lai chuan thlanmual chhunglam atang chuan eng emaw ni hi a rawn ri hlup a, Gate sir chhunglam chiah a thing buk lian tak awm chu a che zui nghal luih a.

David-a chu a phu chiang kher mai, thla chu nei se chuan a thlawk chhuak ta hial ve ang(!)

chutah rang zet hian a kawnga a pistol pai chu phawiin Gate chhung lama thingbuk chu a torchlight chuan an en zui nghal a.

" mai mai chuan a, kap thla tawp dawn emaw ni le," tiin an phun zui nuah nuah a.

A car hma lawk a ding Officer Eric-a pawh chuan chu thil ri chu hria in David-a lam ah chuan alo phei a,
" eng nge ni a?"

" sava zan riak mai mai maw le, min ti phu zuk lehnghal a,"

zan sava thingbuk a riak an thawm hria a thlawk chhuak lek chu lo niin.

Chutah Gate pui chu hawn tum a a torchlight a an en chuan Officer Eric-a chuan,
" Dave, dawt an sawi lemlo e, hei a kalhna tala pawh an chhu tla daih alawm," a ti a. Dim tak mai hian Gate chu an mahni leng tawk lek a hawngin an in zui lut ta nghal a.

A dim viau na in hawn ngailoh tih hriat tak hian a chik ri deuh tuarh tuarh a.

Hlam thum, hlam li emaw vel lek an kal hman tih chuan David-a chuan,
" Eric, chu i hria em?" an ti sap a.
" eng chu maw?"

An han ding dun deuh vang vang a. chutah,
" thlan mawng lam khu niin ka hria."

An tih chhunzawm lehnghal a.
" Ngaithla teh, Eric, chu.."

chutihlai mek chuan thlanmual mawng lam atang hian thawm alo ri chhuak leh a, mi eng emaw zat ina a rual hla a chham mi an sawi rual emaw ni hi a ang ber, mahse thli thaw ri deuh vuk vuk nen an enge an sawi tih a hriat theih chuang lo.

Chutah eng emaw chen chutia an ngaihthlak hnu chuan zawi fahran hian,
" artshangel, tunkl mlakh lozn mir deyn likht, artshangel, tunkl mlakh lozn mir deyn likht, artshangel, tunkl mlakh lozn mir deyn likht, artshangel, tunkl mlakh lozn mir deyn likht.." David-a chuan a rawn ti chhuak phawng a.

Mak tih hmel fahran hian Officer Eric-a chuan a thianpa chu en pah hian,
" eng a? Enge isawi awmzia chu," a ti a.

Chutah David-a chuan,
" chu, an thu chham rual chu maw le, eng tawng emaw ni chu ani, ka hriat hnu a ang tlat.." an tih zawm leh a.

Nuih vur vur pah hian Officer Eric-a chuan,
" nang lah hi a, thil hriatloh pawh hi ineilo anih hi," a ti a.

Thawm dim tak a thawm lo chhuahna lampang a kal pah chuan David-a chuan,
" University ka kal lai khan BHTM-lam pawh hi ka zir a, chutah chuan tawng lam pawh hi kan zir ve nual a, ka tuina lam ani kher bawk a, tawng hrang bak ah hmanlai tawng thi tawh an tih te pawh hi ka hre ve nial nual tak asin," a ti a.
(BHTM: Bachelor of Hospitality and Tourism Management. CR)

Thlanmual hlui, tuna an awm mek na hi Freeport veng tawp, chhim lam deuh a awm ani a, a panna tak hi main road atangin a peng a, an hman tawh loh avang leh tlawhpawh vak loh anih avangin tuman an ngaihsak vak lova, a kawng pawh hi a tha em em hran lo, Malverne- veng panna kawng ni mahse, kawng thar a awm tawh avangin tu vak mah in an kal tlang ngai tawh lem lo.
Kawngpui sir lawk a awm ani a, mahse he thlanmual hian chuan hnuai anei a, mual pawng sang angreng tak mai a awm avangin Officer David-a te pawh hian mi tawng thawm chu hre mah se, mual pawng let liam leh thlanmual chuan hnuai lam atanga thawm lo chhuak anih avangin an mahni tak chu an hmu thei lo.

Thawm dim angreng tak a in zui phei zel in, mual pawng chu an hel a, hla zawk mah se a thim em avang leh a kalna step te chu a tlak bal nuaih tawh avangin an che sual palh ang tih an hlau va, chuvangin an hnaih chilh deuh hnu phei chuan an torchlight pawh an ti eng ngam tawh lova, van chung sang tak a fiahlo ruai a thla eng chu rinchhan in, kal na tur dap deuh rak rak chung hian an kal ta zel a.

Chutianga thawm dim tak a an kal zel lai chuan thusawi rual thap thap ri pawh chu a ri ring tawh hle a, chutah thlan in lian lian fahran lo phen atang chuan chung ho chezia leh khawsak dan chu ngawi reng hian an thlir dun ta a.

Chutia an han en chu chung ho chezia leh nunphung mak ti chuan an ka hau a.

Chu thlan in hlui tawh tak piah deuh lawk, hlam sawmthum emaw vel a hla ah chuan mi sawmnga rual vel tur hi hmanlai puithiam kawrfual ang chi ( dawithiam ten a an hak ang chi deuh, kawrfual, lukhum nen a inzawm ang chi, lian tak mai. CR) ha in, zau fahran mai hian an lo ding bial deuh taih a.

Chutah an din bialna chhung, lei char ah chuan rawng var emaw ni hian arsi lianpui mai hi a chhunglam a eng chhinchhiahna emaw ni awm deuh tuk leh in kawkalh nuaih hian alo in ziak a.

Chutah chu Arsi kil tin, kil nga(5) ah chuan sathau lian chi hi a in chhi deuh far lehnghal. (sathau tih hi mombati kan tih ang chi hi ani ber ang chu. CR)

chu Arsi inziak chhungah chuan puan lian vak lo hi a in phah bawk a, chu puan chungah chuan ruak ngalngat hian hmeichhe pakhat, tleirawl deuh pian nalh fahran mai hi alo mu bem a.

Chutih lai mek chuan asir a ding kual kawrfual ha ho chuan chunglam ah an ban pahnih phar chho vin, chunglam an hawi a, eng emaw ni, dawi hla lampang ni awm tak hi ring fahranlo hian an sawi rual leh dual dual a.

Chutih lai chuan Arsi inziak lai a mu hmeichhia chu sex hmang ang hrim hian a awm ing euh kual vel a, ala mu dawrh hurh mai lehnghal.

Chutah tawngkam bawlhhlawh leh hur herhna thu rapthlak pui pui mai hi ala chhak chhuak bawrh bawrh zui lehnghal a. Tisa chakna chen a, nuamti ni awm fahran hian ala rum ri ham ham zui.

" Pentagram," zawi sap hian Officer Eric-a chuan David-a bengbul ah chuan a rawn ti ser ser a.

" tleirawl rual awmtha duhlo mai mai chu an ni lo tawp mai," an tih zawm lehnghal a.

Chutah David-a chuan,
" eng emaw pawl ruk deuh chu an ni ngei ang," tiin zawi fahran hian a ti a.
" kan va thawng thut mai dawn em ni," tih leh a pistol chu Officer Eric-a chuan phawi arual nghal a.
Mahse David-a chuan,
" ngawi rawh, eng emaw hunserh an hmang ani ngei ang, nghak lawk ang," a ti thawp sat a.

Chutah ngawi reng hian chung ho khawsa zia chu an thlir zui lehnghal a.

Chutia an han thlir phei leh chuan a hma a Arsi chhunga hmeichhia kha alo mu tawh lo va, mahse thawmhnaw zawng alo la inbel chuanglo, chutiang thlasik khawvawt tak hnuai a ruak ngal ngat a pawn ler a a awm ngam danah chuan eng emaw a rui anih loh pawh in, eng rau emaw chuan a chenchilh ani ta hial ve ang.(!)


Chutah chu hmeichhia chuan dar atanga siam emaw ni, no design nalh tak mai hi alo keng va a.

Chutih lai mek chuan a sir a ding kual te zinga pahnih chuan rawn pan hnaiin ar var lian tak mai hi pakhat chuan a pawm a, pakhat zawk erawh chuan chemte te reuh te, lehlam lehlam hriam tawn ang chi, nalh tak mai hi a hum ran thung a.

Chutah chu nu dinna Arsi inziak chhungah chuan lut ve in chu ar nghawng ah tak mai chuan dimna tel miah lo hian pakhat zawk chuan an zai hrawk hrawk a.

Chu hmeichhe ruak keng kung chuan rang tak mai hian chu ar thisen chu a no kenlai chuan alo dawh a.

Chutah chu ar chu leichar ah chuan dah in pakhat zawk chuan a hal zui nghal a.
Pakhat erawh chu a hma a a dinna laiah chuan let lehin midang ho bulah chuan a va ding leh ta daih a.
Ar hal tu zawk pawh chu a thiante bulah chuan a ding ve leh nghal a.

Chutah chu hmeichhe ruak keng kung chuan chemte chu la in a kutphah chu an zai thi a, chutah a kut atanga thisen lo chhuak chu a no kenlai chuan alo dawh anih chu(!)

chutah a no chu chunglam ah an lek kang a, ring fahran lo hian,
" Leihnuai thim leh boruak chunga thuneitu Lal ropui, he itan a kan in hlanna hi lo tithianghlim ang che," a ti a.
Chutah a hual vel tu ho chuan ,
" AMEN "
anlo ti rual thup a.

Chu thu a sawi zawh chuan a thisen leh ar thisen in chawhpawlh chu a in a nih chu.

Chu thil a hmuh chuan Officer Eric-a ten lutuk chu a uak tep a, mahse a in sum hman hram.
A ka chu a hup ta ringawt a.

Chutah chu nu bawk chuan a no chu hmalam ah lek kual in, chung amah din hual tu ho lam ah chuan a kal chhut chhut a.
" Thim Lal Setana ta kan ni, amah ta kan nih avangin amah chawimawi nan leh hriatreng nan Sacrament- hi ilo in ho ang u," a ti leh a.

Chutah kal kual in chu a thisen leh ar thisen chu chung dingkual ho chu a in tir ta hlawm a, chung ho chuan tlem te te in anlo lem theuh hlawm a.

Chutianga an in zawh hnu chuan Officer Eric-a chuan a ning tawh ngang ani ang.
" kal ang, Ka kap hlum vek mai dawn," a ti ta mai a. Chutah a torchlight chu a jacket ah chuan a ak tha in, a pistol chu kah mai inpeih hian inring tak mai hian an hum a.

" ngawi rawh, ti ringawt chuan kan man thei ngut lovang, kah hlum ringawt pawh a sawt chuang lo," David-a chuan alo ti a.

" silai a kan tin ve ve chuan chechang ngam an awmlo tawp ang, ka kal ania," tih leh an bihrukna atanga kal chhuah chu a rual chawpchilh nghal a.

Kal loh theih ani tawh lo, a thianpa ber lah a chhuah tawh a vang chuan Officer David-a pawh chuan a pistol chu lek chhuak in a kal ve ta nghal a.

Chung ho awmna lai chu an sathau chhit avang leh an piah deuh lawk a meipui an chheh alh hluah avang chuan chuti em em chuan a thim hran lo.

" Zawng ho, tumah che tawh suh u," tih leh a pistol lekchhuah chu Officer Eric-a chuan a rual nghal a.

David-a pawh chu mei eng chin ah chuan a pistol lek chung hian arawn lang zui ve nghal a.

Chung ho chuan mak an tih hmel hlawm khawp mai, ngawi thap chung hian an rawn en hu hlawm a. Tumah che chang tum pawh an awm lo.

Chutah thawmhnaw pawh inbello, ruak kung a ding hmeichhe lam chu an hawi a.

Chu nu pawh chuan David-a chu a rawn melh chiang kher mai.

An bul deuh lawk a meipui an chhem eng ah chuan chu nu hmel chu a rawn lang chiang khawp mai.

A mitmu lian tak chuan chiang mangkheng hian David-a chu a melh run a.

David-a chu a phu chiang kher mai, a pistol ken lai pawh chu a thlauh tep hial anih chu.
Khawiah emaw chuan a hmu tawh in a in hre deuh ani,
chutah a pistol chu lek kangin chu nu tin chung chuan muangchang hian a phei chhut chhut a.
" nang nu kha, nang nu kha.."tiin ring fahran lo hian an au a.

A hnungah chuan a pistol a chung ho tin kual chung chuan Officer Eric-a chuan a zui ve dat dat a.

Mahse thawklehkhat ah an sir lawk a thlanlung lian deuh phen atang chuan palian deuh mai, kawrfual dum ha ve tho hi rawn zuangchhuak thut in a thing tum kenlai chuan Officer Eric-a hnungzang ah chuan a rawn hlap pawp a, thawklehkhat a thleng thut anih avangin Eric-a pawh chu alo in ring hman lo chiang kher mai.

A tlu hlawm tawp a, che leh tur chuang a awm lo.

Chutah David-a chu rawn zuan leh in a thingtum kenlai chuan a rawn hlap zui lehnghal a.
Mahse a vaw fuh hman lo.

Mawi fahran mai hian alo bum a, chutah silai a ri thuai a, chu thingtum keng pa chu a thingthi zui nghal zawt a.

Mahse chutia silai a rik veleh chuan chulai a awm ho chu an sa rak chiam chiam a, an sahim na zawng niawm tak in thim zing ah chuan an tlanbo zo ta vek a.

Chu pa in a lo vuak a tum kha, alo bumna lam ah leichar ah chuan a in bin a, a silai a hmehpuah pawh hian lei a bawk chung leh rem leh rem lo hian ala ni zui.

Chu thingtum keng pa chu na tuar in a rum deuh hum hum a, tawngkam lah chu ala duhtui lo hrep leh ta nghal a.
David-a chuan a khup lehlam a a kah fuh avang chuan ding thei tawh hek lo, a thu tung deuh a, a khup hliam lai chu a hmet vawng vawng a.

" thi rawh, thi mawlh rawh," tiin chu pa chuan muang fahran a amah rawn pan tu palian tak mai chu a ankhum bawrh bawrh a.

Chu a tawngkam chhe lutuk chu David-a chuan a kham ta deuh ani ang, chu pa bek ah tak chuan chiang fahran mai hian a pet zawt a.
" nang hi anih hi thi tur chu," thinrim sehchilh deuh hian an tizui leh nghal a.
Chupa chu a phar dawrh a, nikhaw hrelovin a zal zui ta der a.

A thawmhnaw ben fai mawlh mawlh pah hian lei char a let reng a thianpa chu a pan leh chhut chhut a.

Chutah sawi nawk nawk pah hian,
" Eric, Eric," a ti mawlh mawlh a.

" aw, ka tha e, ka tha e," tiin rei vaklo hnu ah chuan a thianpa pawh chu a rawn meng ve tual tual a.

" zawng a phiangsen chu, i man em? an tlanbo ta vek ami?" tih pah hian chauh hmel fahran hian a rawn thu chhuak a.

An pahnih chuan leichar ah chuan an hma a let reng pa thlir chuan an thu reng a.
" saw zawng phiangsen chu a thianten an tlanbosan ani maw?" an tih chhunzawm lehnghal a.

" aw, tlanchhe ve thei miau hek lo?" tiin David-a chuan a chhang a.

Chutah a phone phawrh chhuakin Police Station lam a be zui nghal a.

" Dave, khang ho kha thianho intihlim satliah chu ani lo tawp in ka hria," Officer Eric-a chuan a ti a.

" Ni e, keipawh chu chu ka lo ngaihtuah mek a, pawl ruk deuh chu an ni ngei ang, he kan Zawng man hian minla hrilh ngei turah ngai ila,"

" ni e, a duh aia tam ala sawi khawp ang."

" enge i an a, ana viau em, i kal thei angem?" tiin David-a chuan a zawt leh a.

Officer Eric-a chuan ngaihsam hmel deuh hian,
" na lo ve, engmah ani love," tiin alo chhang a.

" anih chuan he kan Zawng man hi kan motor awmna lamah kan hnuk phei mai dawn em ni? Kan in nghak khawtlai ang tih ka hlau deuh, an muang thei bawk si a." David-a chuan a ti a.

Officer Eric-a pawh chuan,
" Ni mai e, kal ang hmiang," a ti a.
Tichuan an thutna atang chuan thovin an kiang lawk leichar a let reng pa chu Eric-a chuan an vawithum vel an chhir zawt zawt a.

Chu pa chu alo rum tuah tuah a, chutah Eric-a bawk chuan dim fahranlo hian an phih tho zui leh lawp a.
David-a chuan zei zet hian a handcuff pai lai chu phawrh in chu pa chu lo buntir ve nghal bawk a.

Chutih lai chuan thlanmual chuan chung lamah chuan thawm alo awm a, ui bauh ri tuar tuar pawh ring fahran lo hian a hriattheih. light lah chu an rawn chhun eng zuai zuai reng bawk a.

" anlo thleng anih chu," tiin thawm lo chhuahna lam hawi chung chuan Eric-a chuan a ti a.

David-a chuan ngaihsam hmel deuh hian,
" pawilo, an hnuhma vel saw buaipui se ani mai," tiin an mi man pa chu a kalpui dawr dawr a.

Thui pawh an la kal lo, thlanmual chuanchung lai na step a an chhoh lai mek chuan Bellerose Police ho pawh chu anlo thleng ve chiah a.
Police sawm vel lai hi uniform-a inthuam in anlo kal alo ni a.

Light eng tak tak an keng fur hlawm a, thenkhat chuan ui lian tha fe fe mai an rawn kai nual bawk a.

Anbu an rawn thlen chuan Police Pakhat chuan,
" Sir, nangni elaw?" a ti a.

Chutah midang chu an mitmei a,
David-a mi man pa chu an rawn la hrang a,
" in va rawn thleng hma ve a," Officer Eric-a chuan a ti a.

" Ni e, patroling kan nei a, saw lai piah deuh ah sawn mi eng emaw zah hi anlo inzui dul dul a, mahse min hmuh veleh an tlanchhe deuh thut a, chung ho kan umzui lai chuan helamah report alo lut leh si a, kan rawn tlang nghal ani," tiin chu Police pa chuan a chhang a.

" Thalai awmtha duhlo ho hi chu dim vak an ngailo, en emaw tak chu an ti ani ngei ang tun ami te ho pawh hian, khulai deuh ah khuan anlo in hawrkhawm chiam mai a," Officer Eric-a chuan anlo bawrkhawmna lai chu kawh pah hian a ti leh a.

Chutia a sawi zawh chuan a kawhna lampangah chuan chung Police ho chu an inzui thla ta dial hlawm a.

Pahnih chuan David-ate mi pan pa chu an chhawm let leh a.

An ni pawh chuan chak fahranlo hian an motor dahna lam pan chuan thlanmual chu an chhuahsan chawp chilh zui ve nghal bawk a.
.........................................

.. Khatia an pa ber Pu David-a achhuah hnu khan rei vak lo chu an nufa ho in thutkhawmna pindanah video enin an awm a, mahse lehkha zir turin Pi Lucy-i chuan an room lamah a tir thuai a.

Chutia lehkha zir tur a an room lama an kal hnu darkar khat vel emaw hnu ah chuan a fate room lam atang chuan thawm alo chhuak a.

Mangan hmel deuh a a fanu Michelle-i aw in a, " ka nu, ka nu," tih ri chu Pi Lucy-i chuan a hrechiang kher mai.

A TV enlai pawh chu a off hmanlo, "Michelle, Michelle," ti chung hian hmanhmawh baklengin inchung lam panna kailawn ah chuan a tlanchho zui ta nghal a.

Mahse chu aw chu Isabella-i room lam zawk atanga rawn chhuak ani tlat mai.
Inchung lam panna kailawn tawp ah hian Corridor ang deuh hi a awm a, chuan Corridor lehlam pang zawk pindan chu Michelle-in roomah hmangin, Corridor lehlam pang zawk room chu Isabella-in a hmang ve bawk a.

An room inkarah Corridor-a awm tihna anih chu, chuan an room kawngka chu a in zawn ve ve hian a awm bawk a.



A fanu Isabella-i room kawngkhar chu a bawh hawng rawk a.

Chuta a thilhmuh chu mak a tih hmel kher mai, eng emaw chen chu ka hau chung hian a ding reng ringawt a.

" Ka nu, Ka nu," a fanu Isabella-in a a rawn tih chuan a harhchhuak zawk a.

..a fanu Isabella-i khum chu hnehsawh tak a sawi vak vak ang mai hian a in sawi lawp lawp a, room light lah chu a phe zawk zawk lehnghal vei nen.

khum chungah chuan an unau chuan lo thu in, mangan hmel deuh hian khum in sawi vak vak chu tihreh tum niawm tak hian anlo buaipui a.

Rang tak a tlan pheiin khum insawi chu chelhdin tum in afanu te chu ava pui ve bawk a. Mahse a sawt chuanglo kher mai.

A fanute hlauthawng chu an tap pur tawh mai a, mangang tak hian Pi Lucy-i chu an ko reng bawk a. Reivak lo hnu ah chuan khum che chu a rawn reh ve leh ta mai bawk a. Chutah room light pawh chu a rawn pangngai leh ta.

Khum chungah chuan an nufa chuan thu in Pi Lucy chuan an unau chuan a kuangkuah a,

hlauh avanga tap deuh chung a Michelle-in a anu thil awmzia a hrilh lai mek chuan, Patling tih hriat reng reng, aw thum rapthlak zet hian Isabella-i chuan,
" Ka nu," a rawn ti thut mai chu an phuchiang hlawm kher mai.

Chutah Bella-i a rawn hawichhuak chu Michelle-i phei chu mak tih leh hlauh vangin a ka hau a, chet pawh a chesawn theilo, Bella-i chu a en reng ringawt a.

A hma aia thum leh rapthlak zawk hian Bella-i chuan,
" Ka nu," an tih chhunzawm leh a.

" Lalpa."
hlauh hmel chu a pu lo va, mak ati zawk in a hriat mah zawk.

A fanu naupang zawk Bella-i chu a fanu nithei pawh in a hriat loh.
A mitmu chu a var pup a, mitmu dum pawh hmuh tur a awm lo, a meng pual vek mai anih chu.
Chutah anu chu ala nuih suk lehnghal.

" Bella," tih a akoh leh lai chuan Bella-i chuan anu nghawngah chuan a rek a, khuma la thu reng chung chuan a room bang vawm nan chuan anu chu a hmang anih chu.

Pi Lucy-i chu a zi tual tual a.
" ka nu, ka nu," ti chunga a nu lam pan a Michelle-i tlan tur chiah chu Bella-i chuan a sam ah a a lo man sak a.

" ka nu, ka nu, minpui rawh," ti a mangang tak a Michelle-i a au lai te chuan Bella-i chu Patling sawm rual vel zet aw ang mai hian, thum leh rapthlak tak hian a nui uarh uarh a.

Chutah a u tukkhum ah chuan man in anu lamah chuan a theh phei zui leh lawp a.

An nufa chuan mangang tak hian bang kil ah chuan an in kuah a, an tap dun zawih zawih a.

Mahse Bella-i chuan a rawn buaipui zui chuang lem lo.
Khatia anu te a theh leng lawp lai vel khan khumah khan ala thu reng kha ani a.
Chutah rapthlak tak tak in anuih chhunzawm zui vak vak a.

Reivak lo hnu ah chuan khumah chuan a let tawp a, muhil ang mai hian a zal ta der a.

An han ngaichang rih te te a, chutah reife hnu ah chuan.

" Bella, Bella," ti a zawi te te a phun sep sep pah a khum lam pan a tum chu Michelle-i chuan anu chu alo dang a.

" ka nu, ka nu, kal lovang, a hlauhawm," tiin hlauh hmel deuh hian Michelle-i chuan anu chu a kuah bet tlat a.

" ni leh i pa kan phone vat angai ani," tih leh thawh a rual nghal a. Michelle-i pawh chuan anu chu zui in bai deuh suih suih chung hian room chhuahsan tur chuan an inkaikuah a.

Room kawngka an thleng tep tih chuan Bella-i chuan, a aw pangngai ngei a rawn ko vin, zawi fahran leh chauh hmel deuh hian,

" ka nu, ka nu," a rawn ti a.
A fanu aw ri an hriat chuan an ding chawt a, muangchang hian khum lam chu an hawi let leh ruai ruai a.

Bella-i chu ala che sawn chuang lo, a mu ngil at a, a mit chu a chhing a, muhil ang maiin ala awm reng a, mahse zawi te te hian,
" ka nu, ka nu," ala rawn ti reng thova.

Khum lam pawh chu an pan chuanglo, an dinna ngaiah chuan la ding rengin Bella-i chu ngawi reng hian an thlir ringawt a.

Chutih lai chuan room light chuan muangchang hian arawn phe leh ta zauh zauh a, a hma ai in a englo sawt bawk a.

An chil an lem khawlh khawlh a, eng tak lo thleng ang maw ti niawm fahran hian ti dak hian an hawi kual ruai ruai a.

Chutih lai tak chuan Michelle-i chuan aw khur dat dat hian,
" ka nu," a rawnti a.

" Bella, Bella, Aw Lalpa leh(!)"
Khum lam an han hawi phei chuan zawi muang hian Bella-i mu lai chu boruak ah hian alo kang riai riai anih chu.(!)

hlauh hmel tak a an thlir reng lai chuam khum atanga feet khat(1ft) velah hian Bella-i chu akang tawh a.

Chutah room light chu thawklehkhatah a rawn thim thut a.
Michelle-i phei chu a au thawt nghe nghe a.

Second nga(5) vel chutia a thim hnu chuan light chu a rawn eng leh thut mai anih chu.
Mahse zawi zawi hian a eng chu a dul zui lehnghal telh telh a, chiang fahran lo hian a eng deuh ruai a, chutah a khat tawk hian ala thim zuk zuk lehnghal anih chu.

Mahse Bella-i chu khum ah reng alo awm tawh lo.
Naute nui ri kerh kerh ri an hriat chuan chu lam chu an han hawi rual thawt a.

A mak kher mai,
Michelle-i phei chu ring tak hian a au tuarh a.
Khum mawng lam bang chung sang kil ah chuan Bella-i chu alo bet tawi mai anih chu. Nilo, a thu ani ber zawk ang.

A hmel chu a rapthlak em em hran lo, mahse a hma lawk a Patling sawm rual vel aw ang mai kha, naupangte aw anga ahan chang thut kha a rapawm letling zawk ber in a hriat.

Pi Lucy-i chuan Michelle-i chu a kuah a, tichuan hmanhmawh takin pindan chu chhuahsan turin an in her a.

Mahse pen hnih khat emaw vel lek an pen hman tih chuan room kawngkhar chu thli thaw ina a rawn chhem ang mai hian na deuh mai hian a in khar sawk a.

Chutah Pi Lucy-i chuan a kawngkhar pawh hawnna lai chu sawiin hawn a tum a, mahse a theih loh reng reng.
Pawnlama kalh ang mai hian a nghet bur a, kawngkhar chu beng vak vak mahse awmzia a awm chuanglo.
An chiai ani ber. Michelle-i phei chuan anu chu a kuah a, a tap a, a khur deuh dar dar reng mai bawk a.

Chutia eng emaw chen kawngkhar hawn tuma an buai phili hnu chuan room light chu pangngai tak hian a rawn eng leh ta a. Thawm pawh a reh zui nghal ta duk mai.

Chutih rual chuan kawngkhar pawh chu awlsam fahran hian a hawn theih zui lehnghal mai bawk a.

Muangchanga khum lam an han hawi leh chuan Bella-i chu tui hmel deuh hian alo muhil leh reng tawh anih chu.

Reivak lo chu chanchin ngaichang niawm tak hian ngawi reng hian an han ding ang ren rawn a.
Chutah muangchang hian khum lam pan chuan an inkuah phei leh ta hret hret a.

An hmel atang chuan anla hlauthawng a, an la ti tih hi ahriat ngawih ngawih.

Ngawi reng a Bella-i mu chu thlir in khum sir ah chuan rei vaklo chu an han ding ang ren rawn a. Chutah Pi Lucy-i chu muangchang hian khumah chuan a thu riai riai a, a fanu khawngaihthlak tak hmai chu dim leh duat tak mai hian an chul sak hliau hliau a.

" Bella, Bella, engtizia nge ni ta ngai? I chungah hian enge lo thleng ta hi?" zawite in tah aw deuh reuh hian a ti tham tiak a.

A puan tla darh nuaih te chu lakkhawm sak in, a sin that tir a, kun hniamin a chal ah chuan an fawp leh zauh a.

Tichuan Michelle-i nen chuan Bella-i room chu an chhuahsan zui ta nghal a.

Inhnuai lamah chhuk thla in Pi Lucy chuan coffee chu a tilum zui nghal a. Michelle-i erawh chu anu te pindan lamah a lut kawi nghal daih a.

Chutia Coffee a tih sat chhung chuan bang a phone hlui tawh lampang intar chu la in tu emaw ni hi phone a.

Mahse vawi li, vawi nga vel a a Call hnu pawh chuan a tlang thei chuanglo.

Chutah a beidawng deuh ani ang, Phone keng chung chuan eng emaw ngaihtuah niawm tak hian a ding zui reng a.
.....................................

Pi Lucy-in a no tung sei hnih a thutkhawmna pindan lam pan a coffee a chawi lai mek chuan anu kawrlum phiar ha chung hian Michelle-i chu pindan lam atang chuan alo chhuak ve chiah a.

" heti lam ah hian," ti a anu in alo koh chu chhan pawh chhang chuanglo hian a rawn zui ve nghal a.
Thutkhawmna dawhkan a a no pahnih chawi lai dah pah chuan,
" Tinge mawn le i pa hi ka phone tlang theilo reng reng, a lo haw dawn tawh ang chu maw?" a ti a.

Sofa ah chuan thu in Michelle-i chu a mu thung a, anu malchungah chuan alu a nghat a.

Muangchanga coffee in pah chuan Pi Lucy chuan,
" engthil nge maw ni ang le aw?" zawi te hian a ti a.

Chutah, " Michelle, engtia khatia lo awm ringawt nge?" tiin an zawt a.

" Keipawn ka hre chiah bik lo, a roomah khan lekha kan zir dun reng a, mahse ka lu ana ati a, chuan ka room lamah ka phei san a, ka kalsan hnu lawk, ka mu dawn chiah tih in thawm alo awm a, thil tla ri rum rum bakah mangang taka a te ri ka hria a, chuan ka tlan phei leh zui nghal a," a ti a.

Pi Lucy chu a mittui ala tla fap fap a, a khat tawk hian a in sut leh zauh thin a.
" eng emaw in sawiselna te anei em? Zan muttheih loh emaw in school lamah te pawh?"

" chutiang aneih awm pawh ka hre lo. School ah chuan ngei deuh tu pakhat chu anei a," Michelle-i chuan a ti a.

Chutah rang deuh a rawn tho kangin,
" eng lo, kan senior ami ania Bella-i ngei deuh tu chu, eng pawl nge maw ni, mak deuh ah a tel thin, kan classmate Amanda-in vawikhat an pawl ho kalna ah ka kal ve a, a hlauhawm lutuk ati, mahse zu ka ruih em avangin engmah ka hre chianglo a, mahse lukhum nen a inzawm kawr lianpui pui an ha vek a, rangkachak no nge maw ni ah hian thil tui, uain emaw ni hi pakhat hian a rawn keng kual a, kei pawh in tlem chu ka lo in ve a, mahse a tuilo, a thang deuh nghur in ka hria, a ti tak asin," a ti a.

A fanu chu duat hmel deuh hian a kuah a, a awmah alu chu dahsakin a sam chu a chul sak hliau hliau a.

" A mak ani," zawi sap hian Pi Lucy chuan an ti a.

Chutihlai chuan an doorbell chu alo ri tlung tlung a.

An phu chiang dun kher mai, kawngka lam chu phawk tak mai hian an en rual thawt a.
Doorbell lah chu ala ri nawn tlut tlut zui lehnghal.

Chutah thil hrechhuak thut ni awm tak hian Pi Lucy chuan a fanu kuahna chu a thlah a.

" i pa ani ngei ang," tiin a thutna chu a thawhsan zui nghal a.

Kawngkhar lamah chuan pheiin hmanhmawh deuh hian an hawng rak rak a.

Pawnah chuan Pu David-a chu alo ding reng tawh a.

" Dave," an pa kuah pah chuan a tap deuh tuau a.

" duhtak, enge ni ta, i va hlauhthawn hmel ve," ti a an pa chuan chhang in Inchhung lamah chuan an inzui lut chawpchilh nghal a.

Pu David-a chu thutkhawmna pindan lamah chuan phei in Michelle-i bulah chuan a va thu a, Pi Lucy erawh choka lamah an pa coffee tihlum sak in a awm a.

" ka pa, ilo va haw har ve, thil rapthlak deuh mai a thleng a," tiin abula a pa lo thu chu Michelle-i chuan alo kuah a.

Duat tak a a sam a chul pah chuan Pu David-a chuan,
" Ni e, kan kalna a hla lutuk alawm le, eng thil nge lo thleng reng reng a," a ti a.

Chutih lai chuan Pu Lucy chu coffee no chawi chung hian alo phei ve mek a.

" i phone tlang theih bawk siloh a," tiin an pa te thutna bul dawhkan ah chuan coffee no chu a nghat a, an bulah chuan a thu zui ve leh ta nghal a.

" Ni e, kan va kalna ah ka phone ka thlauh a, Eric-a nen a Office a kan awm laiin kan thianten min Office rawn phone in ka phone an chhar tih minlo hrilh a, chungho chu Office ah kan lo nghak leh alawm le," tiin Pu David-a chuan an nu chu a chhang a.

Chutah," enge ni ta a, engthil nge lo thleng a, in va hlauhthawn hmel ve?" an ti zwm leh a.

Lungngaih hmel fahran hian Pi Lucy chu an rum ri hrawk a,
" Englo ania, Bella-i bawk maw le? A rapthlak lutuk.." a ti a, a tap zui chu ani leh nghal a, eng emaw chen a ngawih vang vang hnu chuan a mittui chu hru in ring fahran lo hian,
" sawi dan pawh ka thiam lo, rapthlak tak tak in aw mak pui pui in tawng a, a khum te lah chu Patling sawm rual velin a an duhtawk a an sawi ang mai hian a nghing dur dur lehnghal." a ti a, a tawng zawng te pawh chuan a aw chu ala khur nasa hle a.

" tunah enge a an tawh a," an pa chuan ati a.
" a muhil rih,"

" engpawhnise Michelle-i hi han mutpui phawt la, zan arei tawh bawk si."

Pi Lucy chuan,
" a mah pawh in a mu ngam ngawt dawn emaw ni le? Tikhan pawm chho nghal la ani mai alawm?" a lo ti a.

Michelle-i chu ala muhil chiah lo na a, damlo ang mai hian a zawi hnuang a, ala hlauthawng tih a hmel ah chuan ala langchiang khawp mai.

Chutichuan Pu David-a chuan a pawm a, an nu chuan a zui bawk a, a room lamah chuan an inzui chho ta dial hlawm a.

Michelle-i room ah chuan lutin khumah chuan Pu David-a chuan a muttir a. Mahse Bella-i room lamah thil awmzia thlithlai turin a chhuak zui lehnghal daih a.

Pi Lucy chuan a fanu chu puan sin tir in duat tak mai hian a samah a chul hliau hliau a.
Minute sawmhnih(20minute) hnu vel a an pa alo kir leh chuan Michelle-i chu alo muhil daih tawh.

Pi Lucy chuan room light chu a ti thim a, tichuan an in zui chhuak leh ta a.
.......................................

Pu David-a in silfai chhung chuan an nu chuan choka lamah thil alo ti fel mek a.

An pindan a Pi Lucy alo luh meuh chuan Pu David-a chuan an nupa mutna thu chung hian uluk hmel fahran mai hian lehkhabu alo bih mek a.

" eng thil nge pawh ka hrethiam lo, min thawng tak zet zet ani, Dave." Pi Lucy chuan alo ti lut a.

" Bella-i chu maw? tunlai hi a damtha vaklo em ni? In sawiselna te anei em?"

" chutiang pawh ani lo, insawiselna aneih pawh ka hre hran lo."

" anih chuan ruihhlo lampang te hi alo khawih ve te ani em lo maw? Kan fate hi pawnlam ah chuan inchhung lama an nun dan ang ringawt hi an ni lo ania, tunlai thalai te hi zawng, nawmsak hi an duh leh lutuk a, thian hrang hrang hi an kawm nasa bawk si," Pu David-a chuan a ti deuh duah a.

" kan fate hi zawng, an tha ta lua chu ka ti lemlo na in ruihhlo lampang hi chu anla tilo in ka hria," Pi Lucy chuan a ti a.

Chutah An pa bawk chuan,
" ani viau tho mai, keipawh hi chutiang tur ang em em chuan ka ring bik chiah lo a, mahse tunlai thalai te hi chuan chhungte bum mai mai hi chu an harsat lo viau asin." an ti leh hram a.

Pi Lucy chuan,
" Rilru lamah hian buaina deuh te hi anei emaw ni le aw te ka ti thin a, mahse chutiang chu ani thei chuang bawk silo." a ti a.

Khum a mu tura an nu alo lawn ve lai mek chuan Pu David-a chuan zawi sap hian,
" he thil hi ka hrethiam chiah lo na in thil eng emaw chu inphum ru a awm tlat in ka hria," alo ti deuh hlut a.

A bul a rawn tawlh phei pah chuan an nu chuan hrilhhai hmel deuh hian,
" eng thil maw, Dave," alo ti ha a.

An khum sir a dawhkante ah chuan a lehkhabu kenlai chhahpui chu dah pah in, an nu chu an kuah a.

" duhtak, ni e, engpawh chu lo ni se, i hrethiam chiah lo maithei bawk a, kei pawn ka zeldin thu anih thu ka zep bik chuang lo, mahse zanin a kan thil tawn hian keipawh min thawng ve tho a, in lamah lah tawhsual inlo tawk ve leh chiah bawk si," ring lo te hian a ti a.

An pa awm a alu rawn nghah pah hian Pi Lucy chuan,
" engthil nge Dave, han sawi teh." alo ti a.

" Ni e, Zanin khan Report awm ang in Freeport- thlanmual hlui ah khan ka partner Officer Eric-a nen kan va kal a, thil mak deuh mai kan va tawk ani ber mai." a ti a.
Pi Lucy chuan,
" chuan," alo ti a.

" Ni e, kha thlanmual hlui chuan hnuai lam ah khan tleirawl rual ni ber in ka hria, mi sawmnga(50) bawr vel hi kan Puithiam kawrfual hak ang chi, lukhum nena inzawm ang ha hian anlo awm a.
( kan puithiam atih khi chu Methodist kohhran an nih angin Protestant kohhran thenkhat rawngbawltu Pastor, Officer, kan tih ang chi ang deuh hian Roman Catholic ho angin puithiam an nei thin a, chung ho chuan Roman Catholic ho father, brother, te ho hak ang chi kawrfual an ha ve thin ani, kohhran serh leh sang khawih lai hian. CR)
leichar ah hian Arsi lem lianpui mai lo ziak in, asir ah chuan an lo ding kual a, chuta an hotu nu deuh ber aniang chu ka ti mai a, chu nu chuan ar thisen leh ama thisen chawhpawlh hi no ah dah in, chung rual ho chu tlem te te in Kristian ho ang hian Sacrament ang reng ve deuh ka ti mai a, a in tir hlawm anih chu," a ti a.

Pi Lucy chuan hrihhlai hmel deuh hian an pa chu a en ho a,
" Dave, Chutiang deuh chu Michelle-i khan a sawi tak asin," a ti a.

" chung ho chu maw?"

" Ni mai thei, Michelle-i chuan kan thiannu pakhat hi chung ho pawl thiltihna ah chuan a kal ve a ati a, tuna ithil sawi leh Michelle-i thiannu thil sawi chu a inang khawp mai."

" chutiang pawh chu lo ni pawh nisela kan fate nen inzawmna an nei chuang em ni?"

Pi Lucy chuan,
" ka hrethiam biklo, mahse Michelle-i chuan Bella-i hian an School ah ngei deuhtu hmeichhe pakhat chu anei ati a, chu nu pawh chu chung pawl ho zinga tel chu ani awm e," a ti a.

Pu David-a chu a ngawi deuh vung vung a, thil ngaihtuah ni awm tak hian.

Reife hnu ah chuan muang ban chat hian,
" He thil hi ka hrethiam maithei," a ti chuai raih a.

" hrethiam a? Eng thil chu maw?" Pi Lucy chuan alo ti hluai a.

" Bella-i ngei deuhtu chu ka hmu ve tawh mai thei ani, ka hriat sual loh chuan," Pu David-a chuan a ti a.

Chutah an nu chu kuai dak in, a hmuiah chuan an fawp zauh a.
" engpawh nise muhil tawh phawt mai ang, zan arei tawh bawk si a, naktuk lamah kan la sawi leh dawn nia," a ti a.

An khum sir a chhit en awm chu Pu David-a chuan an off zuinghal a, chutah inkuah rial hian chu zan lungngaihthlak tak ah chuan an buainate theihnghilh a, mumang rama chawl hahdam tur in an muhil ta a.
..............................................................................................

Link:
BBcode:
HTML:
Hide post links
Show post links

chester ralte
Posts: 19
Joined: June 3rd, 2016, 10:26 pm

Unread post by chester ralte » June 29th, 2017, 9:53 pm

.. (CHAPTER 3)..




Zing ni chhuak ina a hmai zawn tak a a rawn en ut reng avang chuan Pu David-a pawh chu a mu reng thei bik lo.

Peihloh hmel zet a tho in Bathroom ah chuan alut tlang nghal daih a.

A ha te nawta a in bual zawh hnu chuan sahmul kekawr dum leh T shirt paw dal ban tlawn hi a ha a, choka lam ah chuan zai rut rut pah hian a phei a.

" i van tho hma awm ve duhtak," an nu eirawngbawl lai chu a ti a.

" hma vak lo e, ka muhil tha thei meuh lo va, ka tho hma mai mai anih hi," tiin Pi Lucy chuan alo chhang a.
An nu eirawngbawlna bul a chair ah chuan thu in, dawhkan a chanchinbu chu an ban zuinghal a.

Plastic no tung a bawnghnute chhuanlum la khu vat vat rawn chhawp pah hian Pi Lucy chuan,
" Kha aw, nang pawh chu i va tho hma reng reng ve a," a ti a.

Mahse Pu David-a chuan a chhang lo, a chanchinbu kenlai chu a uluk hmel deuh hian a bih ngur ngur a.

Pi Lucy pawh chuan a hna chu a chhunzawm san ve leh mai bawk a.

Chutih lai chuan Michelle-i chu tho phang tih hriat tak in paijama leh jumper ha chung hian kailawn ah chuan alo chhuk chhut chhut a.

" I va tho hma ve, Michelle, nizan i mu thei em?" Pi Lucy chuan alo ti a.

" mu thei ani mai," a ti bul deuh nghut a, a lu chu na a tih hmel hle mai, a pa bulah a chair ah chuan dawhkan bawh hian alo thu ve a.

" na i nei em ni?" apa chuan alo ti a.

" ka lu hi ana deuh a, a kham ut ut mai," tiin Michelle-i chuan a chhang a.

An nu lam hawi pah chuan Pu David-a chuan, " Duhtak.." an ti a.

" ngawi rawh, engmah ei hma a damdawi ei chu a tha lo." ti a an nu chuan lo chhangin chhangthawp zai sa chu an ur lum nghal a.

Bawnghnute no khat nen Michelle-i chu chhangthawp zai lep chu chhawp zui lehnghal in.
" hei hi ei phawt rawh, chuan damdawi chu nakin ah i ei dawn nia," a ti leh a.

" Bella-i chu i han en tawh em? A rawnla tho chhuak lo ami?" an ni melh pah chuan Pu David-a chuan an ti a.

" la tho lo anih hi, eng tak chu ang zel ang maw?" thawk hak pah hian alo ti a.

Bawnghnute chu tlak pawp in a chanchinbu chhiarlai pawh chu dawhkan ah chuan a dah a.

" ala muhil pawh ani maithei asin, ka han en ang e." Pu David-a chuan a ti a. A thutna atang chuan thovin zai rut rut chung hian inchung lam panna kailawn lam pan chuan a kal zui ta nghal vut a.

Corridor ah chuan dim fahran hian a pen a, chutah Bella-i pindan kawngkhar bul ah chuan dingin thawm an ngaithla ren rawn leh te te a.

Reivak lo chutianga a din hnu chuan dim deuh hian kawngkhar chu a hawng riai riai a.



Kawngka ah chuan dak in pindan chhung vel chu an thlek kual a.
Mahse engmah thil danglam awm a hmu lo.

Khumah chuan tui hmel deuh hian Bella-i chu alo muhil bem a.

Muangchang a khum lam chu panin khum langah chuan a thu a.
Chutah Bella-i chal dawm in an thaw hawk a.

" Bella, ka fanu, engthil nge ilo tawh a," zawi te hian a ti sap a.

Tui taka a fanu muhil chu lainat hmel deuh hian eng emaw chen chu a thlir vawng vawng a.

Chutah a sam chu duat tak a chul sak in ama hriat tawk lek hian,
" kha an hotunu tenawm kha ka hre tawh tlat ani, " a ti sep a.
Chutah chawl leh det in,

" ni e, ka hria, in school kawt a lo nek tu nu che kha ani ngat mai. Eng thil emaw ni chu in phumru a awm ani, kha nu emaw nangmah emaw hian thil zep ruk chu in nei ngat mai. Michelle-i pawh.." a ti leh a.

Kun hniam in Bella-i chal ah chuan an fawp zauh a.
" i tuar rei lo ang, ka la chhui chhuak vek dawn alawm," a ti leh sep a.
Tichuan Bella-i pindan chu a chhuahsan zui ta nghal a.

In hnuai pan na kailawn ah chuan a chak angreng deuh hian a chhuk thla zawt zawt a.

Chutah choka lamah lut pheiin a nu eirawngbawl lo pui mek tu a fanu chu an ko a,

" Michelle,"

an pahnih chuan an lo hawi rual thawt a.

Chutah chair a thut pah hian,
" Michelle, hmanni a ka lo thlah che u a, Bella-in a alo nghah mipa tarmit bun kha tunge?" an ti zui lehnghal a.

Hrilhhai hmel deuh hian,
" engtik ah maw?" Michelle-i chuan alo ti hu a.
Chutah hrechhuak leh thut ni awm tak hian,

" E, ka hre leh si e, tarmit bun sang deuh kha maw, Chester, anih kha, Bella-i thianpa." a ti leh hnuhnawh a.

Pi Lucy pawh chuan " eng thil nge ni ta?" ti niawm fahran hian an pa chu hrilhhai hmel angreng tak hian alo en deuh hu a.

" anih leh tunge kha pa nen a an ding dun lai rawn nek tu hmeichhia kha? Thian ho an nih nghe nghe kha, pali(4) lai." David-a chuan an tih zawm leh a.

An pa chhan tum niawm taka a an zuau lai chuan Michelle-i chuan,
" Aw, Ivy Blue-i te thianho an nih kha, Bella-i nek tu tak kha Ivy Blue-i ania, enga tinge?" angaihna hriatloh hmel deuh hian a ti a.

Chutah an nu lam hawi chung hian,
" duhtak, chu nu chu ani lawm ni Bella-i ngeitu i tih kha?" a ti leh a.

" Ni e, ka pa, kan Senior ania, Bella-i hi a haw ringawt a, a tibuai reng mai." Michelle-i chuan alo ti leh a.

" a thianpa vang ani ang maw?" Pu David-a chuan an tih zawm leh a.

An nufa chuan mak an tih dun hmel ang reng hle mai, hrilhhai hmel deuh hian Pu David-a chu an en hu a,
" a ni maithei bawk, Bella-i lo luh hma khan Ivy-i nen hian anlo in zui ve deuh tawh a." tiin Michelle-i chuan a pa chu a chhang a.

" a tha e, a thianpa chu i hrechiang viau em?" tiin an zawl leh a.

An nu chuan dawhkan ah chuan tukthuan tur alo chhawp mawlh mawlh a, an pa zawhna chu nin hmel deuh hian,

" Dave." alo ti a.
Mahse an pa chuan a ngaihsak lemlo.

" he thil ah hian eng thil emaw chu in phumru chu a awm ani." an pa chuan ati leh a.

" engthil nge ni ta a, ka pa, Chester chu mifel tak ani asin, Long Beach a awm ania." Michelle-i chuan alo ti leh a.

" Long Beach maw?" Pu David-a chuan an ti deuh hu a.

" aw ni e, Chicago atanga lo pem an nia, nau pakhat hmeichhia anei a, anu leh pa bulah anla cheng."

" engtia hria nge ini chutiangte? A in ah chuan i kal tawh ami?"

" la kal chiah lo e, a man a sawi alawm."

an nu chuan chutiang zawhna a zawt tam lutuk chu alo ning tawh ngang ani ang, thudang alo zep a.
" Dave, Bella-i chu enge alo an a?" alo ti daih a.

Rum nghut pah hian an pa chuan,
" alo la mutui khawp mai," a ti a.

" eng emaw thil danglam deuh hmuh ineilo maw? Amah emaw a room chhungah pawh?" Pi Lucy chuan a ti leh a.

" chutiang a awm pawn ka hre lo, ala muhil bawk si a," tiin a chhang leh a.

An nu chu a thaw hak a,
" chuti chen chen mut mai chu a, nang Michelle, i school peih dawn em?" an tih zawm a.

" Peih ang, mahse ka lu chu ala na deuh." tiin Michelle-i chuan a chhang a.
" damdawi i ei em?" ti a apa in a zawhna chu chhang chuanglo hian alu a bu ringawt a.

" Nizan a kan va kalna ah khan pakhat man kan nei a, engkim kan hre chhuak thuai dawn nia." Pu David-a chuan a ti a.

An nu tukthuan buatsaih chu tui ti deuh hian an ei a, Pi Lucy erawh Bella-i room lam ah a kal daih a.

Chutia tukthuan ei pah chuan Pu David-a chuan zawi sap hian,
" Michelle, eng emaw hriat chu inei ani tiraw?" a ti a.

" eng chu maw?" angaihna hriatloh hmel deuh hian Michelle-i chuan a ti a.
" a pawiloh chu, eikham vat la, kan chhuak rual dawn nia," Pu David-a chuan a ti ta daih a.
Chutia a sawi rual chuan amah pawh chu a tho vut a, an nupa room ah chuan a lut zui nghal daih a.

Michelle-i pawh chuan a eitui vak hmel loh kher mai, an eina vel chu hmanhmawh deuh hian a tifel zung zung a, a tihfel zawh hnu chuan kailawn ah chuan hmanhmawh fe a tlan chho in a room ah alut ve leh nghal daih a.


Chutia Michelle-i inchung lama a chhoh hnu lawk chuan Pu David-a chu a Police uniform ha chung hian an pindan atang chuan alo chhuak a.

Inchung kailawn bulah chuan dingin, " Michelle." an ti vak a.

" aw, ka hman tep e."
tiin room chhung atang chuan, rawn dak chhuak chuanglo chuan Michelle-i chuan a rawn ti a.
chutih lai chuan Pi Lucy pawh chu kailawn atang chuan alo chhuk ve chiah a.

" enge a lo an a, Bella-i chu?" tiin Pu David-a chuan an nu chu alo bia a.

" a harh tawh e, a khua asik deuhin ka hria."

" a lawmawm anih chu, vawiin ah chuan doctor i hmuh pui thei ang em?"

" ka hre lo le, a nawmsam loh chuan a chhuah peih pawh ka ring vak lo, kan doctor kha kan ko zawk mai dawn emawn le ka ti deuh a." Pi Lucy chuan a ti a, choka lamah chuan a phei tlang ta nghal daih a.
Pu David-a chuan zui phei in,
" engpawh nise, duhtak, engmah zep lo vin thil thlen dan dik tak lo hrilh ang che, a chhan chu he thil ah hian eng emaw hriat tur a awm in ka hria." an tih zawm leh a.

Tukthuan eitur a thut pah hian Pi Lucy chuan,
" eng hriat tur maw?" a ti deuh ha a.
" ngai leh lo mai rwh se, keipawh ka la chiang ngam bik lo." thawk halh pah hian Pu David-a chuan a ti a.

"Dave."

chutihlai chuan Michelle-i chu kailawn ah chuan a rawn tlan thla tak tak a.
A pa bula rawn ding in,
" ka hman e," an ti zui a.

A nu thutna lamah chuan pheiin a nu chu hnunglam atangin an kuah a.
" nu, ka hmangaih che." tiin a biang ah chuan a fawh sak zauh a. Chutah pawn lam ah a chhuak zui nghal a.

" duhtak, eng emaw hriatthiam loh deuh ka nei a, mahse vawiin ah ka hre thei maithei." Pu David-a chuan a ti a.
Kawngkhar lam pan chuan a kal zui nghal a.

" lo in enkawl tha la, eng emaw a awm leh minlo phone mai dawn nia, ka hmangaih che." ti leh in pawn lamah a chhuak zui ve ta nghal a.

" lo thlah i ngai dawn em." tiin Michelle-i pawn a lo ding chu an bia a.

A phone hmet nuap nuap chung hian Michelle-i chuan,
" ngailo mai ang, ka thianten min rawn sawm dawn a." alo ti a.

" pawi loh chu." tiin Garage lamah chuan a phei zui nghal a.

Motor a la chhuak chiah tih chuan an in kawt ah chuan Toyata var hi alo ding a,
a chhunga chuangte chu a hmu vek theilo na in, hmeichhe sam sen thau lampang hi driver seat ah thu in a bul ah chuan amah ang rual vel bawk tleirawl a thu ve bawk a.
Driver seat a thu chuan a fanu chu lo au in, an nui awr awr a.

Motor a aluh rual chuan Michelle-i chuan apa chu ban a rawn vai zuai a. Tichuan chak fahran mai hian an tlan liam zui nghal a.

A fanu chu angaihtuah hmel hle mai, an tlan liam ta chu a thlir zui vawng vawng a.

" Dave, i hruai dawn emaw ka ti a."

kawngkhar pawnlam ah chuan Pi Lucy chu alo ding reng a.

" a thiante ruala kal a duh zawk anih kha, khatiang vak vak a khalh loh tur asin le aw, tunlai thalai ho tak hi chu." Pu David-a chuan ner nung nung pah hian ati a.

A motor ah chuan lut zui ve nghal in an tinung hlarh hlarh a. Chutah a driver bul darthlalang chu hawngin.

" anih leh aw, duhtak, minlo phone mai dawn nia, Bye."

a fanute tlan na lam pan chuan motor chu a khalh liam zui ve ta nghal a.

Chu thlasik khawvawt tak hnuaiah chuan Bellerose- veng chu a reh ruih a, vur a sur lo na in thli vawt tak a thawt suk suk reng avangin kawtthler ah chuan mi veivak pawh an awm mang lo.

Chutia Pu David-a tlan chhuak ta chu darkar chanve aliam leh meuh chuan Floral Park High School compound pawn, Atlantic Avenue kawtthler tawp, Larch Avenue luh tanna lai velah chuan cigar zu khu hlat hlat chung hian a motor chhungah chuan a thu reng tawh a.

A hma zawn lawka a fate luhna School Building rawng uk khak mai leh lian zet mai chu a thlir vung vung a.
Chutah ama hriat tawk lek hian.
" kha nu kha ka hrechiang ani, eng emaw chu inthup a awm chiang mai, ka zawng chhuak tho tho ang." a ti sep a.

Chutia a phun sep sep lai chuan a Phone chu alo ri ral ral a.
" a van hun lo tak em." ti chung in an phawrh chhuak a.

Rawn call tu chu an en chuan,
Officer Eric, tih hi alo lang a.

" oh..Eric."
tiin an pick up nghal a.

" Eric, keimah."

" Dave, i lo thleng dawn tawh em?"

" dawn lo deuh, enge ni ta?"

" a pawi loh chu, englo ania, hmanzan a kan mi man pa kha maw le. Zing lam khan damdawiin atangin alo chhuak ani awm a, i kahna silai mu kha an phawrh ani awm e."

" chuan?"

" A... Kei pawh Office ka thleng ve deuh chiah a, ka la hmu leh bik lo, Detective Peter leh Kevin- ten anlo dawp tawh ani awm a, mahse engmah a ang thei chuanglo, a rilru a buai anti a."

" Rilru buai a?"
thil ngaihtuah muk awm fe hian a a chal chuar meuh in ngawi reng hian a hmalam a melh vung vung a.

" Dave, Dave, i hrethei em? Dave, i tha em?"

Eric-a chuan a rawn ti mawlh mawlh a.
Mahse a chhang nghal mai lo.
Eng emaw chen chutia a ngawih vung vung hnu chuan.
" aw, Eric, ka tihpalh lutuk, thil hriat chhuah zawk ka nei a, rilru buai an ti maw?" an ti leh a.

" aw, han dawp vak ngaihna an hre lo ani ang, tawngkam mak pui pui a phuh chhuak reng a, kan tawng hria pawn alang lo an ti a."


" anih chu, ka lo kal vat ange, Michelle-i schoolah ka hruai lawk a."

" a hmanhmawh thlak loh, rawn hmanhmawh lutuk duh suh."

" kan thil tawnah hian eng emaw in phumru awm in ka hria a, ka lo thlen hunah kan la sawi dun dawn nia."

" Ok."

a phone chu atihlum zui nghal a.
Chutah a hmalam chu en phei leh in nin hmel deuh hian an thaw ri hrawk a.

Minute nga hnu velah chuan Ford car sen hian a motor chu a rawn tlan pel ta a.
Kawngkhar darthlalang chhanah chuan an han thlek zuai a, a chhungah chuan hmeichhe pali thu hi ava hmu thuak hman a.

Chu car sen chu a piah lawk a school gate pui sirah chuan a ding a.
David-a chuan mit la sawn lo hian ngun tak mai hian alo thlir reng a.
Chu car hnunglam kawngkhar chu lo in hawngin hmeichhe tleirawl hmeltha deuh deuh pahnih hi anlo chhuak a. Eng emaw sawi hian an la nui vak vak zui leh nghal.
Chutah driver thutna lam kawngkhar chu lo in hawng ve leh in tleirawl inchei leplerh zet mai, pian nalh deuh mai hi a tukhum a sam tawn kawh lah hian alo chhuak a.
Driver thutna lo lampang kawngkhar pawh chu loin hawngin chungho rualpui tho tleirawl pakhat sambuang hi alo chhuak veleh bawk a.

Driver thutna athu sam tawn chu David-a chuan an en deuh bik a.
Chutah rum deuh hak hian.
" ani chiang mai, anih chiah saw, ka la hrechhuak vek dawn alwm." a ma hriat tawk lek hian an ti leh sap a.

Chung tleirawl ho chu school gate bul a mipa tleirawl thenkhat lo thu te chuan an thlir zui nasa kher mai. Anlo la au zuai zuai zui lehnghal a.

Chutia a thlir reng lai chuan Gate chhung atang chuan a fanu Michelle-i leh nichina lo hruaitu tleirawl thau deuh lampang kha an lo inzui chhuak ve chiah a.

Chung tleirawl rual pali te Gate a lut tur nen chuan an in tawk chiah a.

Michelle-i te thian dun chu pakhat, sam tawn nu khan lo be ding in eng emaw hi an sawi luam a.
Mahse David-a chuan eng thu nge an sawi a hre thei lo.

Chutah ngeiawm deuh a melh pah hian an thianho chuan Gate chhung lamah chuan an inzui lut ta a.

Michelle-i te thian dun chuan ngei hmel fahran hian an en zui vung vung a.

A duh tawk angah tawh ani ngei ang, a rum nghut a, chutah a motor chu a ti nung hlarh hlarh a.
Muangchanga in her in Office lam pan chuan a tlan liam zui ta nghal a.
...................................

Khatia an fanu leh an pa an tlan liam hnu khan inchhungah lut in an tukthuan eina chu a tifai zung zung a. A tih fai zawh veleh inchung lamah a chho zui ta nghal a.

Isabella-i pindan kawngkhar pawn lamah chuan eng emaw chen chu thawm ngaithla niawm fahran hian an ding deuh vang vanga.

Chutah muangchang hian kawngkhar chu hawng riai riai in pindan chhung chu an thlek dak dak a.
Engkim a pangngai vek, khumah chuan Bella-i chu alo la mu bem a.
A aw thian karh karh chung hian Pi Lucy chu pindan chhungah chuan a lut zui ta nghal a.

Bella-i khum tlang lu lam hnaih ah chuan thu in, a fanu khawngaihthlak tak chu rei fe rilru nat hmel deuh hian a thlir vawng vawng a.

Mahse damlo hmel pawh ala pu em em lo. Tlem in a vun chu thisen neilo ang deuh hian a dang bem a, a mitkhur pawh chu a tla deuh hlek.
Tui hmel deuh a muhil in a thaw ri sek sek a.
A hmaia a sam chu hui kian sak in a hmai ah chuan dim fahran mai hian an fawp zauh bawk a.

Bella-i chu a rawn meng siar siar a, a mitmeng chu a zawi hle a, a chauh hmel kher mai.

" ilo harh tawh maw, Bella, enge i an a? Na inei em?" zawite hian an ti sep a.

" ka taksa pum hi ana thum in ka hria, ka nu, ka mumang a rapthlak lutuk, ka harh chhuak thei silo a." tiin chauh hmel deuh hian Bella-i chuan ati sep a.

Pi Lucy chuan han chhan mai dan tur chu a bangbo hmel hle a, a puan chu sin that tir pah hian,
" i dam leh vat dawn lawm, i ril atam em, eitur kan la ange aw?" a ti leh a.

Bella-i chu rum tuah tuah pah hian an mu sai sir te te a.
" ei chak lo, engmah ka chak lo, ka lu hi a pawt ngut ngut mai, a rit luk in ka hria." tiin anu chu a chhang a.

A fanu sam chu chul hauh hauh pah hian Pi Lucy chuan,
" bawihte, anih leh damdawi kan la ange aw, Soup ka lo siam tel ang che, engmah eiloh ringawt chu a tha ngailo." a ti leh a.

Chutah an tho deuh uaih a.
Mahse a kal dawn chiah tih chuan Bella-i chuan a kut a rawn chelh sak a.
" ka nu, ka hlau, ka hlau lutuk." tah aw deuh tuau hian pangchan hmel deuh hian a rawn ti leh a.

Khawngaih hmel deuh a a fanu thlir chung hian khum ah chuan an thu leh a.
" eng maw i hlauh? I bulah ka awm reng dawn alawm, ka reilo ang, bawihte, damdawi i ei anga i dam leh vat dawn nia." zawi sap hian an ti leh a.
Chutah kun hniam in Bella-i hmai ah chuan an fawp leh zauh a.

Rilru hah hmel deuh a thaw ri hrawk in a tho chhuak a, pindan chu a chhuahsan zui ta nghal a.

In hnuai lamah chhuk in fridge chu a hawng vut a, chutah sa hrang lian tha tak mai hi a la chhuak a, thil silna ah sil faiin a chan sawk sawk a, thukah chuan a chhuang zui nghal a.

Chutia a chhuan chhung chuan choka pindan kil a telephone chu la in number a hmet mual mual a.


Chutah rang fe a a beng bul a lek kang in an ngaithla zui a.

Ala la tlang theilo zui lehnghal,
Vawithum lai number ngai hlir a dial nawn hnu chuan a tlang thei ve ta tawk.

" Hello?" mipa aw thum lam deuh hian a rawn ti a.

Rang fe hian Pi Lucy chuan, " Keimah ka nia, Mrs. Walker." alo ti nghal a.

" Enge ni ta, Pi Walker? In dam tha maw?"

" A.. aw, tha chu ani deuh mai. Nangni zawk?"

" Kan tha e, enge ni i duh tak teh mial a?"

Pi Lucy chu an ngawi ang ren rawn a, chutah muang ban chat hian,

" Englo ania, Bella-i hi tunlai chu a nuamsam vak lova, David-an Dr.Charles ilo hrilh dawn nia ati a."

" aw, anih tak chu maw le, tinge Bella bawihi chu alo damloh reng reng le aw, school pawh a kal peih lo ang chu maw?"

" aw, kal lo mai anih kha, i hman chuan vawiin lamah te rawn en theila ka van duh ve aw?"

" aw le, mi zai tur ka nei a, chawhnu lamah lo kal ka tum dawn nia."

" anih tak chu maw le, kan lo tibuai che ani maw, ava inthlahrun awm ve."

" a ho lutuk chutiang te chu, Mrs Walker, lo kal ka tum dawn nia, anih leh phawt aw?"

" aw le."

a phone chu a tihlum zui nghal a.
A thil chhuan lai chu suan in bowl lian vak lo ah hian a khat lutuk lo hian a chhung a, chutah fridge chu hawngin tui vawt ala chhuak leh a, glass no tung chanve vel chhung leh in hmanhmawh deuh hian thutkhawmna pindan lamah chuan a kal phei lehnghal a.
Bang bul sir a dawhkan hnuai chu dap leh rak rak in thing thingrem te reuhte, a chhin a First Aid Box tih inziak chu a rawn phawrh chhuak a, chutah damdawi mum pahnih hi la chhuak in bawm chu a dah tha leh sawk sawk a.

A Bowl leh Glass no chu Tray lian vak lo a chawiin inchung lamah chuan a chho zui nghal a.

Pindan kawngkhar an hawn chuan Bella-i chu a hma ang chiah in, sai sir zawng hian alo la mu a.

Khum bul dawhkan a a thil chawi chu dah in khum tlang ah chuan a thu zui lehnghal vat a.

" bawihte, enge ilo an a, ka rei em? I lu chu ala na em?" duat hmel deuh a asam a chul pah hian a ti a.

Bella-i erawh chuan chhan pawh a chhang chuanglo, a lu chu zawi fahran hian a bu zauh a.

Pi Lucy chuan dim deuh a pawm tho vin khum ah chuan thu mu deuh tih tih hian a mut tir a, a damdawi mum pahnih ken chu ei tir in tui a in tir nghal bawk a.

Bella-i chal chu an dek a, alo la sa ang reng hle mai,
" Bella, Bawngsa soup ka lo siam che a sin, i ei peih ang em?" an ti leh a.

Zawi fahran hian Bella-i chuan,
" ei chak rih lo, ka ka hi a da duk in ka hria, ka taksa hi ana thum mai." tiin anu chu a chhang a.

Chutah khum ah chuan lawn leh in khum lu ngheng chuan a thu a, Bella-i chu a awmah bei tir in a kuah ran a.

" ka nu, ka mumang a rapthlak lutuk asin, sawi pawh ka sawi ngam lo."

duat taka a sam a chul heuh heuh chung hian Pi Lucy chuan,
" i dam anga i hmu tawh miah lovang, damdawi i ei tawh kha." a ti a.

Chutia a sawi zawh rual chiah chuan Bella-i chu a phu zawk a, chutah aw khur deuh ti tih hian zawi te hian,
" nu, ka hlau." a rawn ti leh sep a.

" i bulah ka awm reng alawm, hlauh tur a awm hleinem, mutthilh tum rawh." tiin an hnem ve bawk a. Mahse a rilru chu a nuam bik chiah lo.

Reilo te an Bella-i chu a muhil zui ta nghal mai a.
Dim deuh a siam tha in a mut that tir a. A mah pawh chu a bulah chuan a mu zui ve nghal a.

" ka van khawngaih tak che em." tiin Bella-i en chung chuan zawite hian a phun leh sep thin a.

Bella-i chu a kut lukham tir in alam a hawi tir a. A fanu khawngaih thlak tak chu rilru na tih hriat ngawih ngawih hian a thlir vawng vawng a. Mahse tih theih engmah anei silo. A mittui chu a parawl teuh na in tah chu a tap chhuak lem lo.

Chutiang chuan reilo te ah ani pawh chu alo muhil zui ve ta daih a.
.................................

Vawi engzat nge Door bell chu a rik tawh ang tih chu a hre kher lo ang.

Chu door bell ri chuan a muhil chu a kai harh zawk a.
Khum sir a electric khawnvar bul a sana te in hung chu an bih zauh a, mak tih hmel deuh hian a mitko an sak uk a.
" Oh..dar khat lai maw lo ni tawh a."

Thawm dim deuh a tho in Bella-i chu puan a sin that tir sawk sawk a. Chutah a hmai ah chuan fawp zauh in pindan chu a chhuahsan zui nghal a.

Kawngkhar an hawn chuan pa te lampang deuh, chal kawlh deuh mai, overcoat hring ha hi thingremte khai hian pawnah chuan alo ding reng tawh a.

" Oh...Dr.Charles, ilo thlenna a rei tawh em? Bella-i ka mutpui lawk a." tiin Pi Lucy chuan chu pa chu an be nghal sawk sawk a.

" reilo e, ka lo thleng ve deuh chiah ani. Enge a an a Bella-i chu?" tiin in chhungah chuan a rawn lut zui nghal a.

" tunah chuan a muhil rih a, thutkhawmna pindan ah lo va thu la, coffee ka lo siam ang che." Pi Lucy chuan a ti a, Choka lamah chuan a phei zui ta nghal a.

Coffee chu tilum sawk sawk in no ah a thli chhuak a, Biscuit nen thutkhawmna pindan lamah chuan a chawi phei a.

Dawhkan a athil ken dah pah chuan,
" i lo kal thei chu alawmawm hle mai, a in thlahrun awm viau na in"

" inthlahrunna tur a awm hleinem, ka mi zai tur kha, a hlauthawng deuh nge ni, a thisen a sang leh thut a."



" chuan i thulh leh tihna em ni?"

" thulh leh mai e, nu chang zet tawh lehnghal maw le, mahse inzai hi chuan mi a thawn dan chu alo dang ve deuh reng reng ani." tiin Dr.Charles chuan a lo chhang vat a.

Chutia a sawi pah chuan dawhkan a coffee chu an ban zui nghal a.
" engtin chiah maw Bella-i chu a awm a?" tiin an sawi zawm leh nghal a.

Thawk an la te te a, chutah zawi sap hian,
" Nia, eng lo, tukin zing atang khan a khawsik hi ala reh lo a, chu chu thu hran lo ni ta se, a mang hi a chhe thei viau ani ang, ka hlau ati deuh reng mai a." a ti hul deuh hak a.

Coffee in pah chuan,
" anih tak chu maw le, zanlama a mut that theihloh chuan a thisen pawh a hniam ngei dawn anih chu, chaw te a ei tha em?" Dr.Charles chuan a ti a.

" tukin chuan ala eilo, ka lu ana atih vangin damdawi chu kan eitir chu ania, engmah dang ala eilo."

" A.. Engpawh nise, kan han hmu chhin reng reng dawn em ni?"

" ni e." tiin Pi Lucy chu a tho nghal a, an coffee in na no rual te chu a seng zui nghal bawk a.
Choka ah lut tlangin a thil kenlai chu dawhkan ah a dah a, tichuan inchung lamah chuan an inzui chho ta nghal a.

Bella-i chu alo muhil tawh lova, zang thal hian alo mu a, mahse a mit meng chu a dul in a chauh hmel kher mai.

" Bella, bawihte, ilo harh tawh maw? hei Dr.Charles alo kal a." tiin Pi Lucy chu khum tlangah chuan a thu zui nghal a.

Dr.Charles erawh khum bul ah chuan a ding thung a.
" Bella, ilo damlo ani maw?" tiin a chal chu an khawih sak a.
Bella-i chuan a chhang hran lo, mutthilh chhuah hmel deuh hian a meng diar diar a.

Chutah Dr.Charles chuan Bella-i mar te dek in, a thingremte ken chu a hawng a, syringe te reuhte hi la chhuakin Bella-i ban ah chuan damdawi eng emaw hian a chiu a, chutah BP checkna te phawrh in Bella-i BP pawh chu a check zui nghal a.

Chutah Bella-i hmai chu dim deuh a chul pah hian,
" Bella, lo dam tawh rawh aw? Chaw te eila, chuan i tha chho leh mai ang." tiin Pi Lucy lam chu an hawi lehnghal a.

" engmah a ka hmu lo, zan a mutthat theihloh avangin chaw a ei peihlo mai mai anih hi, a khawsik chu tlem a awm a, mahse chu pawh thil te han ei se, han tho kang se a reh mai ang." an tih chhunzawm leh a.

Pi Luxy erawh chuan Bella-i chu a en ngawih ngawih reng a, dik tak chuan angaih chu a that vak hmel loh.

Chutah Dr.Charles bawk chuan a thingremte a a bungrua thun mawlh mawlh pah hian,
" engpawh nise, damdawi lei tur chu kan ziak reng reng ange." a ti a.

Chutia a inkhung zawh hnu chuan pen leh paper phawrh in damdawi chu an ziah chhunzawm lehnghal a.

" he ti zawng hi ni rawh se, chawlhkar hnih chhung chu lo ei phawt se, a bak chu angai tawh pawn ka ring lo, chaw a ei peihloh zel tak leh Drip- te inlo khai sak ang a." tiin damdawi lehkha chu Pi Lucy a pe a.

" kan lawm lutuk e Charles, ilo awm hlauh hi chu kan tan vanneihna ani ringawt alawm le."

" engmah ani hleinem, hengte chu kan tih tur alawm, engpawh nise ka va phei phawt ange." Dr.Charles chuan a ti a.

Pi Lucy chuan Bella-i puan sin that tir pah hian,
" chuti tur emni dawn? Coffee te pawh kan in leh phawt ang chu mawle?" tiin a chhang a.

Mahse Dr.Charles erawh chu chhuah tumin a tho nulh a, chutah Bella-i chal ah chuan fawp zauh in.
" Lo dam tawh rawh aw, Bella." a ti a. Chutah a chhuak zui ta nghal a.

Pi Lucy pawh chuan a hmaiah an fawh sak zeuh a, zawi te a,
" ka lo kir leh vat ang." tiin Dr.Charles chu a zui chhuak ve leh ta a.

................................................. ..,..............................


Khatia Pu David-a tlan ta kha an Office lamah atlang zui nghal a.

Office chhungah chuan mi anlo tam angreng khawp mai, tleirawl te te hi lock up ah anlo khung khawm fur mai lehnghal.

Officer Eric-a pawh chu alo awm a, David-a chu ama Office ah lut tlang nghal in Eric-a pawh chuan a zui lut ve nghal a.

" enge kan mi man pa chu a chanchin ni ta?" thutthleng nghenchhan a a jacket dah pah chuan David-a chuan a ti a.

A hma zawn dawhkan bul chair a thut pah hian Eric-a chuan,
" Ni e, tunah pawh an la dawp leh mek chu ania?" a ti a.

" engtin tak maw a awm an tih a?"

" a a ani ber mai? An thlung rup mai lehnghal a."

" thlung a? Kut a thawh alaw a?"
David-a chuan mit ko san ak pah hian a ti a.

" Niang chu maw le. Officer Peter nen khan an inchai deuh anih kha. Tak tak in englo ania, keipawn ka va hmu ve tawh a, eng emaw buaina deuh chu aneiin ka hria. A tawng te lah kha a mak em em mai lehnghal a." tiin Officer Eric-a chuan an sawi duah a.

David-a bawk chuan,
" anih chuan kan va en ve chhin dawn em mi niang? Eng emaw hriat belh tur te a awm takin?" a ti a.

Thudang sawi tawh lo chuan David-a Office atang chuan an inzui chhuak ta nghal a.

( David-a office tih hi kan hrethiam lo mai thei a, kan hriat dan tur chuan an Police Station ah hian Officer chin ang chuan Room/ office thutna bik pindan an nei hrang leh thliah a, chutiang chu ani e David-a Office hi. CR)

Link:
BBcode:
HTML:
Hide post links
Show post links

chester ralte
Posts: 19
Joined: June 3rd, 2016, 10:26 pm

Unread post by chester ralte » July 15th, 2017, 6:37 pm

(CHAPTER 4)....




He Bellerose Police Station hi alian angreng hle a, an building pawh hi mizo pa chhiar dan anga chhawng li lai ani a. Pine Avenue a awm ani.

An mi dâwpna pindan hi first floor ah a awm a, mahse a biru angreng khawp mai.

Step zau hek hawk ah chuan an in zui chho dun hnek hnek a. Step chhuah chhoh chiah dinglam leh veilam ah chuan Cell a awm phei thluah a.
Dinglam ah chuan pheiin chung Cell ho chu an kal pel phei a, chutah ding lama kawngkhar lo awm ah chuan lut leh in Corridor tawite ah hian an phei leh a.

Chu Corridor tâwp ah chuan thir kawngkhar chhah tak mai hi lo awm in, chutah chuan an lut tlang zui lehnghal a.

An mi dâwpna pindan chu Studio hi a ang ber.
An hma zawnah chuan bang ang mai hian darthlalang ang deuh lian tak mai hi a awm zui a.

Chu bang darthlalang lehlam a pindan ruak huai mai ah chuan mi pakhat hi thir chair ah hian chain hrawl pui pui mai hian anlo thlung bet a.
A bulah chuan Police Uniform ha mi pahnih hi alam hawi chuan anlo ding ran mai bawk a.

Eng emaw sawi hian chumi te pahnih chu an inbe sur sur a, mahse David-a te awmna pindan lam atang chuan an sawi chu engmah a hriat theih chuangloh.

Hetia mi an dawpna pindan tak atang hi chuan David-a te awmna lam hi a hmuh theihloh a. A chhung atang chuan darthlalang nilovin bang pangngai ang ani a, David-a te awmna atang chuan darthlalang angin alang thei thung.
Chu room chhungah chuan Negro palian pui mai, meihawl ang maia dum rûn mai hi thutthleng vir thei ah hian lo țhu in, indâwpna pindan lam chu alo hawi a.

"Sir" tiin David-a te lo lut ahmuh chuan alo bia a, mahse mi dâwpna lam chu a hawi zui lehnghal thuai a.

Thutthleng ruak chu awm mahse an ni erawh chu an țhu lo, dâwpna pindan lam chu an thlir zui ve nghal a.

Reilo te hnu ah chuan chung mi te pahnih, in dawpna pindan chhunga mite pawh chu anlo chhuak a.

An hmel chu chîk tak mai hian David-a chuan alo en a, an beidawng ni ber in a hriat, pakhat zawk phei chu a chauh hmel in a rilru a buai hmel fu mai lehnghal.

Chutia an rawn chhuak chuan David-a leh Eric-a chu an rawn nuih suk a, an bula chair ah chuan an thu zui nghal hnawk a.

" Officer Kevin, enge a an a?" tiin Eric-a chuan alo zawt nghal a.

A pa te zawk chu an rum hak a, " eng kan ang theilo. A â let der ni maiin ka hria, chuti lo chuan sawi ngaihna pawh ka hre lo, nilawmni Peter?" tiin a thianpa chu an melh zawk a.

An bula țhu pa pawh chuan a melh ngai melh ngur ngur pah in zawi sap hian.
" Engtia han tih chi nge maw ni dawn le? Kan buaina hi chinfel mai mai tur chi pawh ani lo in ka hria?" tiin alo chhang a.

" eng pawl emaw chu anni lo maw? Tleirawl hawklak ringawt chu an nih ka van ringlo em ".. ti a sawi pah in a thianpa Officer Eric-a chu Pu David-a chuan an melh zauh a.
Officer Eric- pawh chu a țhianpa thusawi chu a dik atih hmel khawp mai.

Uar fahran lo hian alo nui suk a, mahse a za tehchiam lo, ațhianpa thusawi avang chuan an mi man pa te khawsak zia leh an man dan bakah khami zana an thil hmuh te kha a ngaihtuah kir leh vel ni ni tur ani, a hmel chu a thu tak deuh run a.

Indawpna pindan atanga lo chhuak Officer Kevin-a zawk chuan muang ban chat hian,

" Biak tlak pawh ani lo, a a chhiava ni ber in ka hria " tiin alo chhang a.
A thianpa Officer Peter-a pawh chuan, " Ni e, he thil hi chu misual thiltih lampang pawh niin alang lo, mi a thiltih anih ber hi." a lo ti ve bawk a.
An bula Police Negro palian pui lo thu ve chuan, " Rilru lam Doctor hnen lamah thawn mai phawt ila a tha lo maw..."
David-a chuan lo pawt chat in,
" Engpawh chu nise kan han kawm ve hrim hrim phawt ange, nilawm ni Eric.."
Eric-a lam chu hawiin amit an siai zauh a.

"Eric pawh hian biak duhna ala neiin ka hria, hmanzan a khan duh angin an in be hmanlo tlat in ka hria." nuih rulh rulh pah hian an tih chhunzawm leh a.

" Ni e, a hmel tak pawh hriatchian a chakawm alawm le, hman zan khan a thim em a, ka hmu chiang theilo..." tiin Eric pawh chuan alo chhang ve a.

.......................................................................

Chu misual thutthleng a an phuar beh chu alo thu ngui lup a, nuihsawh deuh leh huat hmel fe hian David-a te pahnih chu alo melh run a.

" Engvanga khatiang thlanmual hlui leh reh lutuk a kalkhawm kha nge in ni?" David-a chuan a hma zan a thingthit pah hian ring fahran lo hian an ti a.

Mahse chu pa chuan a ngaih sak hran lo, David-a sir a ding Eric-a chu huat hmel deuh hian a melh run ringawt a.

Rei fe chutianga a melh reng hnu chuan za fahran lo hian an nui hak hak a.
" a lehpek ah chuan rawn kal tawh suh ang che, anih loh chuan ka vawhlum tawh ngei ngei ang che." tiin Eric a chu an vau vel a.

Chutia a sawi zawh rual chuan tenawm leh hnehchhiah zet hian a nui zui nghal uarh uarh a.

Eric-a chuan a tuar zo thlawt lo, "Zawng chhe pa, Sawi rawh.." tih pah in chiang fahran mai hian chu misualpa bek ah chuan an hnek ri thuai mai a, mahse rang tak mai hian David-a chuan alo man bet thuai a..


" Eric, duhtawk rawh, awmzia a awm lovang.." tiin David-a chuan Eric-a beng bulah chuan zawi fahran hian a ti a.

Chutia a thianpa ina a tih hnu chuan Eric pawh chu a in thiamlo hmel khawp mai.
David-a bawk chuan hnunglam darthlalang bang melh zauh pah hian, " insum a harsa tih chu ka hria alawm, mahse sawng Officer Kevin leh Peter te hmuh lai chuan thil atthlak ti lo teh ang." an tih zawm lehnghal a.

Chutia a sawi pah chuan chu misual an phuar beh hma zawnah chuan an kun hniam a.
Zawi te hian,
" engmah isawi duhlo amaw..? I thurualpui Ivy Blue-i man tel ve kher tur chuan min phut lui em lo ang chu." an ti thawp sat a.

Chutia a sawi veleh chuan chu misual chu theihpatawp a nasa hian a tal vak vak a, tawngkam bawlhhlawh leh rapthlak tak hian a au ruai ruai a.

David-a chu ten hmel tak a melh in, a hmai ah te chuan chil a chhak khum thuai thuai a.
Chutiang thil chu Eric-a chuan angaithei lo khawp mai, hun remchang chu awm phei se chuan thi khawp hial a sawisak a duh ngei ang.

Mahse thil atthlak tih chu a tum tawh biklo. A insum hram hram zawk a.

A kut a hum ruh a, thinrim tak mai hian chu a hma zawn a misual sarak chu a melh reng a.

Mahse chutiang vel mai mai chu David-a chuan engahmah angai lo.
Eng ang pawh in he Thil chungchang hi a hrechhuak tur ani , thil ruk engemaw chu a awm ngei ani tih chu a rilru chuan a hre reng a.

" Zawng Hmelchhia, THI RAWH, THI NGHAL RAWH..!! Lalber Lucifer chuan rapthlak takin ala that ang che, Ivy Blue i man anih chuan i thlarau chungah Chungnungber Lucifer-an zahngai rawh se." tiin David-a chu vau in a ankhum a.

....................................................

12:27 PM..
Zirlai tamzawk ina Lunch an eilai chuan hmun reh lai, Floral Park High School Hall luh dawn step tawp ah chuan zirlai tleirawl rualkhat hi engemaw sawi hian anlo thu khawm a.

" Rose, engmaw..? han sawi chiang leh deuh teh ?" tiin an zinga hotu hmel deuh chuan thinrim teuh chung si hian a sir a zirlai lut thar te zing ami, tleirawl hmeltha tak mai chu alo zawt a.

Hlauhthawn hmel taka an bul velah mi an awm nge awmlo tih thlek a, a mit a lenkual hnu ah chuan zawi fahran mai hian,
" Ni e, Collen chu Bellerose Police ten an man alawm, hmanzan a mi pahnih kan "Ritual" ('inthawi' tihna, Setanist ho setana hnena an inthawina. CR) rawn tibuai tute kha 'COP' anlo ni a. Khatia kan tlanchhiat vek hnu khan kan thil dahthatna thin thlan in hlui atang khan Robert, Julie leh Nancy te ho nen thil thleng dan kan en zui alawm." ati a.

" engtinge Collen chu..? Silai vawikhat ri chu ka hre ngei a..." tiin sambuang nalh tak nei Colbie chuan alo tih zawm a.

Zirlai lut thar tho Nancy chuan," silai rik vel lai kha chuan keini pawh kan tlanchhe ve mek a, kan bihruk chuan mi pahnih lo kal te khan dim vak lo hian an phuar a, tawite an kalpui hman tih in Police rualkhat hi ui nen anlo thleng chawpchilh ve nghal a. Kan hnu hma te an buaipui vellaiin kan tlanchhe ve ta anih kha. Ui fing an hruai bawk si a." tiin a chhang a.

Chutah thinrim tak hian Ivy Blue-i chu a tho a, zawite te a COP pahnih an thianpa Collen-a mantu te anchhia lawh chung chuan a vei tawn sek a.

Chutih lai chuan an thiannu pakhat Helen-i chuan hrechhuak thut niawm tak hian,
" Ka hria.. Ka hria...ka hre chhuak ta chiah e." a rawn ti chhuak hlawl a, chutia tih pah chuan tifuh inti awm tak hian alu abu nghauh nghauh a.

A chungah athiante ho mit a fuh thup mai.

Ivy Blue-i pawh chuan hriatchak hmel deuh hian a rawn en ha a.

"Engmaw i hriatchhuah chu..?"
Ivy Blue-i tawngkam chu a thupe aw ruih mai lehnghal.

" tunah khan ka hrechhuak chiah alawm, Isabella- pa kha NYPD ah a telve anilawm ni..?" Helen-i chuan ati a.

An zinga Negro awmchhun tleirawl sam kir Nadia-i chuan rang fe hian,
" Tel ang chu, ka huat naklai a, inti fing si, hman zan lawk ah pawh Roy nen Police Office ah min hruai lehnghal." alo ti a.

Bung tak hian Nancy- chuan,
"Engvang chuan maw.."

" Roy nen motor chhungah Marijuana kan zuk laiin min rawn hmu alawm, a thian pakhat nen, kan zuk lai chauh kanlo nei tawh a, a dang lo la kawl phei ilang chuan Jail ah emaw Rehab ah emaw min dah ngei ang.
An Office ah min hruai a, Zankhat chu ka va riah ve tak kha.." tiin Nadia chuan alo chhang a.

Chutah," chu pawh lo nise, Isabella - pa hi chu ka la duh tho tho, a pa bawk si, hmeltha bawk si, an nu hi chuan a phu thlawt lo, ka la tibuai khawp ang," Colbie chuan nuih ralh ralh pah hian alo ti a.

Nadia pawh chuan,"Ni e, zep loh ah chuan keipawh hian ka atchilh ni berin ka hria, ka la kherh tlu dawn chiang alawm." tiin alo tui hnih ve bawk a.

Chutah Ivy Blue-i chu a insum zo tawh ngang lo.
Thinrim tak mai hian a thiante ho chu,
" Mi tenawm ho, ngawi hmak rawh u, Isabella-i kan dahthat zawh ah induh leh a pa chu inla buaipui chhunzawm dawn nia." tiin an hau a. Chutah Helen-i lam chu hawiin,

" Chuan Isabella pa chu COP ani a, chuan engtin zel..?" an tih chhunzawm lehnghal a.



" Khami zan a rawn kal pahnih te ami, pakhat zawk kha Isabella- pa chu ani.." Eng emaw ngaihtuah niawm taka muang fan raih hian Helen-i chuan ati a.

Mak tih hmel taka Helen-i en chung chuan,

"ENG MAW..!!" an ti rual thawt hlawm a.

Chutah Helen-i bawk chuan, "dawt ka sawi hleinem, thudik anih chu ka sawi, hmanzan ami te kha Isabella-pa te an ni, Collen-a mantu te kha." chiang fek fawk hian an tih chhunzawm leh a.

An vai mai chuan an phawk hru hlawm a, an rilru anuam vaklo tih chu a hriat khawp mai.

" Isabella- nu pawh ni raw sek sek, a tu phiangsen pawh chu nise athi dawn tihna ani mai, an pafa in an thi dun anga a tawk chiah." hlauthawng deuh si, thinrim deuh tak chung si hian Ivy Blue-i chuan anti bak ve hlar a.

Chutah a naupang deuh ber Rose-i chuan rilru nawmloh hmel deuh hian, " kei chu min man chhuak ang tih ka hlau khawp mai," a ti chuai raih a.
Midang ho pawh chu an nguai hmel hlawm kher mai.

Mahse chutiang mai mai zawng an hotu nu ber Ivy Blue-i ngaihdan anilo nasa mai.
Dimna tel miahlo hian Rose-i sam ah chuan tham in an kuai dak a.

"Engmaw isawi a? Tumaw i hlauh? An pafa ruala thih ve i duhloh chuan khatiang tawngkam kha ka hma ah hian rawn sawichhuak tawh ngai suh ang che." ring fahranlo, thinrim tak chung hian a ti a.

Chutah an zinga upa deuh ber Laura-i chuan fing thiam tak mai hian tawngkam a rawn cheh hlauh a.

" Engpawh nise kan zingah chuan intihthiamlohna neih hi atullo, hotu pakhat rawngbawl kan ni a, thawk ho vek kan ni," a rawn ti fiak thak a.

Sambuang nalh tak nei Colbie pawh chuan lo tuihnih ve in,
" Ni e, keimahni kan in tihchhiat tawn te chuan kan tangho thei nang, engpawh nise a hmasa ber ah chuan Collen- chu lakchhuah kan tum phawt tur ani. Mahse a fimkhur thei ang berin che hram hram ila, chuan....."

" Isabella- kan nghaisa leh phawt ang, chumi dawt ah apa.." tiin Ivy Blue-i chuan thinrim tak mai hian a rawn pawt chat a.

Chutah Helen-i chuan," Ivy, Isabella-i pa anih chuan kan tan pawh fimkhur tluk a awmlo, afa te nen School khat ah kan kal ho a, minlo ringhlel ru tawh pawh ani thei, chuvangin chet thawh zung zung pawh a buaithlak rih ang, I duhtawkin Isabella-i nghaisa tawh in i nghaisa mek a, chu chu tun atan chuan tawk rih phawt rawh se." alo ti a.

"Ni e, Helen-i sawi kha a dik ani, Collen pawh tunah COP kut ah a awm mek ani a, ala inpuanglo turah ngai ila, keini zinga pakhat an man leh anih chuan engkim an hrechhuak vek tawh ang, chuvangin i nghak rih phawt teh ang u, Karleh Zirtawpni Zan hi Full Moon anih kha, zanlaiah Elmont veng thlanmual ah Ritual neih tur anih kha, Hotu dang te pawh anlo kal dawn a, chuvangin Isabella-i chungah tih chauhlo chuan kut i thawh rih lo teh ang u." tiin a rawn sawi leh a.

Zirlai dang Lunch eikham ho anlo vei ve tak sek avang chuan an kalsawn ve tha thuai hlawm a.

........................................................

" Engkim ka hre vek tawh tih hria ang che, chuvangin hei chauh hi min chhang rawh, Eng pawl nge in ni?" David-a aw chu a ringlo na in a chiang fiak kek kawk kher mai.

Chu misual an phuar beh chu a thu kun nghuai a. Rei fe che changlo a a awm hnu chuan muangchang hian a rawn hawichhuak ruai ruai a.

..David-a te pahnih pawh chu mak tiin an tawlh hnung deuh dawrh a,

chu misual an phuar pa hmel chu a rapthlak kher mai.

A mitmu dum reng reng hi hmuh tur a awmlo. A mit pahnih chu a var vek a, a chilthli te chu a far duah duah a.

Thinrim taka David-a te lam hawi pah chuan an nui khek tuarh tuarh a,
a nui ri rapthlak lutuk chuan chu pindan chhung chu a nghawr ri dur dur mai lehnghal.

Chutah thinrim tih hriat tak mai hian a in siamchhe vak vak a, a lei te chu rapthlak tak mai hian a chhuah zuai zuai reng a.

Chutah a tho kang thut a, an phuar na Thir Chain hrawl tak tak mai te chu lazai ang mai hian hnehsawh tak mai hian a pawt chat zung zung a.
An rinloh dan lutuk leh thawklehkhata thleng thut anih avang in David-a te pawh chuan chet lak ngaihna nghal mai an hre bik lo.

Chutih lai chuan chu Indawpna Pindan kawngkhar chu rang tak maia lo in hawngin pindan lehlama lo awm Officer pahnih leh Negro- palian tak mai te chu anlo tlanlut nghal a.

Man beh tumin an pathum chuan an han chelh ve bawk a, mahse chuti maia hneh chi alo nilo tawp.

Officer Negro pa chu hnehsawh tak a a tukkhum a tham in Officer pahnihte vawm nan chuan a hmang zui lehnghal a.

Chutah David-a te lam arawn hawi ve thung a.

Rapthlak taka nuih pah hian,
" In thih hun alo thleng ta, in thlarau chu ka ta ani tih hria ang che u."
a aw chu a rapthlak ngei mai, patling sawm(10) rual vel thinrim taka an tawng ang mai hian a tawng anih chu.

A kaw tawp ani bawk a, tih theih an nei tlem khawp mai,
an piah lawk ah chuan Officer Pathum te chu nikhaw hrelo vin an let der mai bawk a.

Eric-a chuan zuan pah in hnek an tum ve bawk a, mahse a teuhlo lutuk ringawt.

Chu pa chuan a hrawk ah tak lo rek in a thing nawk nawk a.
Lei ah nghat chawrh in a rêk zui lehnghal a.



Chutiang a thil beisei dan loh lutuk a thleng thut avang chuan David- pawh chu tlem chuan a chi ai deuhin a hriat.

Engin nge maw mawlh tehreng ni, a kawnga a pistol pai pawh chu phawrh ta lo chuan a thi awrh lai, a locket Kross lem chu rang tak a pawt thla in a thianpa nghaisa mek tu misual chu a va bawh phei ve nghal zawt a.

Chu misual chuan Eric-a chu hnek pawh a tum lo, a awmah thutbet hian theih patawp mai hian a rek a, a thing nghek nghek mai a.
Chutia David-an arawn bawh phei chuan hnunglam atangin a nghawngah a rawn rek ve a, a ban chuan a rek zawk ani. Chu misual pa chu a tal nasa ngei mai, anchhe tinreng phuhchhuah pah chuan David-a rehna ban chu phelh a tum a, theih patawp a thih tha tak meuh meuh nen a tang anih bawk avangin David-a rehna chu a nghet ve kher mai. Chutianga minute 5 vel an in chai hnu chuan chu pa chal ah chuan a thi Locket Crucifix chu an nam bet zui nghal a.

Chu veleh na ti a te ruai ruai chungin chu misual chuan a chal chu akut pahnih in a dawm a, a khur nghal zawih zawih a. Chutah David-a chu beih let pawh tum chuanglo chuan mitkhap kar ah a sir ah chuan nikhawhrelo vin a let ta tawp a.

Reilo hle mahsela David-a pawh a chu a chau kher mai. Pindan bang ngheng chuan a thu zawi hnawk a, hah hmel tak a thaw hlawi hlawi chung hian chu misual asir a let reng chu a melh vung vung a.

A thi ina a dehna lai chu pa chal chu mei kâng ang deuh hian a ser kuau a, meikhu ang hian ala khu deuh chiai chiai lehnghal.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)