BY ZUKO KHIANGTE
CHAPTER : 9
18+A hnuaia advertisement kha i click zeuh dawn nia aw
Ka lu chu rawn hei tial ,ka khaw hmuh chu a fiah lo telh telh ta mai.....
Ka thi ta em ni?
Fiah lo ruai hian ban lian tha zet mai hian, hneh zet hian min pawm kang.
Ka in rin hma chuan Zosangzual ka ti sap, fiah lo zet hian thil chu ka hmu deuh riai riai mai, ka thlan lah chuan min ti huh vek
Hlauhthawn hmel zet hian Zosangzuala chuan min en chu ka hmu deuh ruai ruai, mhs keima tho turin chakna ka nei mawlh si lo.
"Meng hram hram rawh awww, muhil hlen suh aw ",a rawn ti, a hmel chu ka en fiah lo zet a a mit meng fiah zet a min en chu ka hmu.
Tinge hepa hian min ngaihtuah em em a?
Min biak na chu hmun hla tang atang hian a ri ang maiin ka hria, a hla tulh tulh,
Ka khaw hmuh pawh a fiah lo ta tial tial, a thim ta vek mai......
Ka meng deuh siar siar, ka hawi kual chu, damdawi in khum ah hian ka mu tih chu ka hre thei, ka kut tih chet ka tum chuan, Zosangzuala hian a lo hum reng mai, mahse ani chu a lo muthlu a niang
A tho deuh sek sek, a hmel chu ka en, mithmul tam tha zet, mahse mitmeng fiah em em si, a nuih zawnga a ha tawng rual zet leh var sar te, a hmui lah chu.....
Het! Ka â mi eng thil nge ka ngaihtuah le mawl suh, a rawn harh thut, min ti phu . "E, i lo harh tawh law!,i tha em na i nei em ",tih pah chuan min en kual dun dun.
Ka tha lawm, min ngaihtuah a ka lawm takzet a ni, tih pah a ka en chu, a ni pawh chuan min lo en ve chiah. Kan mit leh mit chu a in tawng siah mai,ka chil chu ka lem hrawk mai .
Ka zam chhe leh mai dawn. Aaaa! Engtin nge ka awm a, chuan engtin nge ka pum na tih i hriat ,chuan, ka sawi zawh hma chuan.
Shhh!, a tih pah chuan a hmui ah chuan a kut a rawn dah, "engkim chu hriat vek tum lo mai rawh, tunah i tha tawh a, ka kiangah i awm bawk a, a tha vek tawh nangmah chauhin i awm lo tih hre bawk rawh"
A nui sang mai, mahse nang mah chiahin i awm lo a tih kha eng nge awmzia, tinge engtin nge a hriat thei.
Ka rilru chu a hre ngei a niang, "aww, keihian ka hre vek lawm, mihring te hi hlim reng tur kan ni lova. Lungngaih ni te ,hlim ni te a awm tih hria la.
Tuna i din hmun pawh hi ka hre lo emo i ti maithei a mahse ka hre vek a nia, chuvangin tumah nei lo ang khan tawng tawh suh ang ".
Dawh kan a thil awm chu khung fel pah chuan a ti charh charh,"i that deuh hunah kan haw dawn nia ",tih pah chuan a chhuak zui nghal daih.
Ni e, engkim hi a tha lampang hian thlir zel ila, a tha vek mai, ka in siam zui malh malh, doctor chuan a pumpui chu a tha vak lo a ni tih min hrilh a, a chhan chu Marcus in a kut min thlak na kha a ni.
Hepa hi ka ngaihdam dawn ngai lo a ni, engtikah mah a thleng bawk lovang.
Ka thaw hak, Zosangzuala nen chuan kan haw dun, a hma ang ngawt chu kan ni ta love, a tawng duh siam in, a nuih duh bawk keichuan a zawhna te chu ka lo chhang a, a kar laklawhah te chuan kan nui dun leh hak zel.
In chu kan thleng engkim chu a hlimawm a ni, a kianga ka awm hian ka hlim tih hi phat rual a ni..
Mu tur chuan ka khum lam ka pan, ka mut tur chiah chu ka room kawngkhar rawn in kik, lo lut tur a ka tih chuan.
Zosangzuala chuan, room kawngkhara rawn dah dek dek pah hian "naktuk zanah hian i nuin an ina kal turin min ti, i hnawthawh zawhah ka lo lam che nga kan kal dawn mi niang",a rawn ti charh charh.
A pawi lo e, awle ka lo nghak dawn che nia....
Nuisang chuan "muttui le, sam kir nu",a rawn ti a kal zui nghal daih....
Ehh!, chupa chu leh samkir te min tih le ,ka nui vur vur tho.
Zing ka tho chu ka taksa chu a kham thum mai, tinge mawni le ,nimin ah engvak ka tih loh loh nen,paih lo zet hian ka tho.
Ka in bual sawk sawk ,ka in siam zo a in hnuaiah chuan ka chhuk, Zosangzuala chu eirawng bawl pah hian a lo zai rut rut mai.
A duh chuan a hlim thei hle, chutia a zai lai chu ka lo melh char char a ni ngei ag, "hey, eng hi nge mawh i ngaihtuah thin a ", a tia a nui vur vur.
Aaaa!, engmah ni nang "i kal tawh dawn mi ",a rawn ti zui ngjal zat, ka chhan ve hma chuan "ka thil siam hi ei phot la i kal dawn nia.
Thil siam pah chuan a ti, ka ril a tam ve tho avang chuan ka thu, ei tur chu ka rawn chhawp zui nghal "heile, ei zo vek la chuan i kal dawn nia ",a nui vur vur, a nui hmel hi ka hmu kham lo thin.
Keipawh chuan nui vur vur chuan, atui hm hle mai, ka ei zui nghal, a lo tui tak tak, i siam thiam hle mai.
"A that hlauh chu tui i tia, keipawh ka han in siam ve nghal ange ", i ei ve dawn lo mi ka lo ti vat "ka ei tawh lom ",tih pah chuan in chungah chuan a chho zui nghal ta daih.
Ka ei zo chu ka puar kher mai, tun thla a thil ka ei puar ber tum a ni ngei ang.
Scooty pawh ka start a ka kal zui nghal, kan thawhna ka thleng chu Marcusa leh Nancyi nen chuan ka hmu.
A in hauh tih chu ka hre thei mai.
Mahse ka engah mah a kal tawh lo, khatiang em em a in bum chiangna kha chu, ka ngaihdam theih loh thil a ni .
An bul a ka kal pawn melh pawh ka melh lo mahse ka rin loh tak chuan Marcusa chuan ka kutah chuan a rawn man thut.
"Tinge engkimah min block vek a" , a rawn la ti ngam, Nancyi erawh a ngawi kur, a hmel atang chuan min lawm loh hnel khawp mai.
Mahse ka poisa hauh lo, evanga ka tih chhan min zawt ngam nge i nih zawk le, ka nui hak, min thlah vat rawh, ka ti chang fak.
"Engkim kha ka sawi fiah thei, ka rui em chu mai bak ah, nanghi ka hmangaih leh ka nuipui tur",a sawi zo hman lo.
Keichuan hmangaih ber moh, i hmangaih ber chu kut i thlak ang moh, midang nen a in mudun ka hmuh pawh khan min lo la hmangaih moh?
Ka nui sak, He!, a theih lo mai, engkim ka sawi fel ang, nang nen hian kan tawp ,ka bialpa i nih thin te kha ka zak zawk.
A hmel awmdan chu ka hre thiam lo.
Chutah a lamah chuan min pawt dawr, ka kut pahnih a vawn pah chuan ka kiangah i awm ang.
Nancyi pawb chuan "Marcus engthil nge tih i tum, a ni hi thlah rawh, engkim a hre vek tawh a, i ngaihdam dilna kha engmah a ni tawh lo, kal tir mai rawh"
Marcusa chuan a melh rum khawp mai "nangkha lo ngawi rawh, nangmah vang vek a nih hi, nanghian dawt min hrilh a, min zem kual vel a, chuan kei mi mawl tak hian ka awi a, chuan ka hmangaih ber chu ka ti na a kut ka thlak bawk a"
A auh hian a au min pawm bet reng avang chuan a au ri chu ka bengah chuan a cham vawng vawng mai.
"Nanghi ka thlah thei lo che ",min kuai her lawp, min melh riau mai, a mit meng chu a phi chung mai.
Ka thu sawi min ngaihthlak sak rawh, keihian thil ka ti sual tih ka hria mahse ka hmangaih vang che le dawt hmanga min bum vang vek ani, ka mawl em ani "
A mittui tla chu ka hmu, hepa hian a ti tak tak em ni "kawngaihin min siam that tir leh rawh, khatianga na taka kal san tur che ka ni asin le"a mittui chu a luang zawih zawih.
Marcus i ti vek tawh, ka tan chuan theihhngilh theih lawh leh natna tawp khawk a ni, ka tan chuan i lam panna pawm leg tur che chuan ka na tawh e mai.
Ka kalsan "kal suh, khawngaih in min siam that tir leh rawh, khawngaihin ",ka ngaih thla lo
Ka kal, ka hawi let hek lo, ni e tihpalh pawh a ni thei mahse khatiang ang thil bak bak a na
.............
Tlai ah chuan a sawi ang ngei chuan min lo lam ngei, ka hmelah dik lo a hmu ngei a niang "tinge ,i tha em", a rawn ti.
Ka tha lom ka nuam sam lo deuh lom mawle mahse ka tha leh mai ang.
"Awle kal ila ",kan tlan zui nghal, a tawng leh siam siam tawh, hepa hi a tira a tawhkhirh hmel tehreng nen, mahse tunah chuan ka pasal tak tak ang mai in a ni a awm.
Vawin zinga thil thleng zawng zawng theihngilh thak khawp in lawm min nuih tir nih
Kan thleng chu ka pu pawh Pathian zarah a dam that hmel hle mai, ka deal ang khan thla 6 kha a ni a tunah thla 2 na kan hmang mek chu ni a.
Ka pu nen a kan in hmu chu ka tet laia ka pu nen na kan fiam thin lai kha ka hre chhuak thut, ka pu nen chuan kan in kawm zui ta daih, kan in hmu khat bawkah.
Ka nu pawh chuan Zosangzuala chu a lo be ve siam siam.
Ka pu chuan "naktukah hian in entir turin ka chhuk dawn a, chu chu in pahnih hian ka chhuk hma ngeia hmuh che u ka duh a ",a ti charh charh
Keichuan tinge pu i tha lo deuh mi a, ka lo ti vat "tha lo lo love, ka thisen test results lam tur chauh in lawm kan kal dawn "a rawn tih chuan.
Thisen result lak te chu ka pa leh midang pawn an ti thei reng ang chu, tinge i kal ve kher a ngaih na ka ti
A ni lah takah thisen results lam tur mai mai a ka pu kal ve kher a la chak tha lo si.
Ka pu chuan "Bawihte, i hrethiam tawk lo a nih kha, ka kal ve ngai lom "atia a duh tawk der.
Awle mahse lohaw leh vat la aw pu, ka pu chuan Zosangzuala nen na kan in kar a that leh that loh te min zawt nual, keipawh chuan tha taka chhangin a that thu leh a hlim awm thu ka sawi.
Ka nu nen pawh chuan kan in bia, ka pa erawh inah a awm rei hman ta lo hna thil ah a chhuah leh vat a ngaih avnagin .
Chhun zawm zel tur
A hnuaia click tur kha aw
