MARVIN LIANSANGZUALA CHAPTER-2

[Judy chhakchhuak]

Chapter-2


Hillary rintluangpuii POV



Ka office chhûngah chuan ka bungrua vel pawh Lily in alo rem fel vek tawh, "ka chhuahsan rih phawt ang che,miss Hillary heti lamah Lydia i office tur aw," Lily-in ka assistant Lydia'i en pahin ati sep a,ani pawh lo bu nghat in an inzui chhuak nghal.




An chhuah hnu lawkah ka hna tûr ang ang kati zung zung a,message pawimawh a awm leh awm loh ka en leh diat diat bawk,pu Chhuansanga profile leh adang dang chu ka enkual a,a ṭhen in rem diklo nuai a a awm chu mak kati ang reng,ka dawhkan hnuaia hmeh tur chu ka hmet zeuh a,reilo te ah Lily arawn lût nghal vat.




"Miss Hillary mamawh inei ami," rawn luh pahin ati sep a, "Lily keimah hma chiah in tunge lo awm," ka tih chuan "Sangtei ania,buaina a awm deuh ani miss Hillary" atih chuan ka thaw hak a.




"Englo ania,pu Chhuansanga profile leh a dang dang ho hi a in remkhawm diklo nuai a," ka tih chuan "nia khavang kha ania pu Chhuansanga hian a ban,a hna a thawk ṭhalo lutuk a,nangmah hi i ṭhat ber aring a," atih chuan ka nui sang a.




"Ka lawm e,Lily" ka tih chuan anui ve sang mai, "mamawh dang ineih chuan minlo hrilh vat dâwn nia," atih hnuah a chhuak a,keipawn a diklo ho ka siam ṭha nghal mawlh mawlh bawk.




Nileng deuh thaw in ka computer hmaah ka ṭhu chawt a, hahthlâk vaklo mahse a ninawm duh khawp mai,ka mut te a chhuak lek lek,ka thil tih mawlh mawlh laiin ka phone arawn ri a,min rawn call tu number pawh en lemlo in kala tawp a.




"Hello," ka lak rualin kati sep a, "ka biak hi Hillary ani em aw," mipa aw thum dut hian arawn ti a, "aw" kalo tive vat.




"Pu Chhuansanga tûnah Police station ah a awm mek a,irawn kal vat angai ang," atih chuan ka ding hluai mai, "engtin maw!" kati ṭhat a.




A thusawi ngai a sawi leh hnuah location vel min hrilh thuak thuak a,kan inbiak zawh veleh ka chhuak nghal vat, elevator awmna lam ka pan laiin Lily'in min rawn pan phei vat a,pu Chhuansanga chanchin bawk alo sawi.




"An hrilh ve chiah che ami," kal pahin kati a, "aw mi pakhat in pu Chhuansanga tual that tu ah a puh ani awm e," atih chuan "engtin maw!" Kati hluai a "tual that tu ah an puh a,a puh tu pa lah khan finfiahna ka nei ati tlat bawk sia," rilru hah hmel deuhin ati a.




"Awi leh!media lamin an hriat hma in ka bail chhuah vat angai ang," ka tizawi sep a, "Hillary minlo nghak teh," Lydia'in arawn tih vak chuan ka ding ve chawt.




"Kalo kal pui ang che," atih chuan bu nghat in Lily awmna lamah ka hawi a, "hetah lo awm la,pu Chhuansanga lawyer lo be pawp nghal rawh,engkim hrilh la," ka tih chuan "awle,miss Hillary" ati ve sep.




"E chuan heihi tuman an hre tur anilo ania," ka tih leh chuan abu nghat a, Lydia'i nen chuan ka motor awmna lamah kan inzui phei vat bawk,vânneih thlâk takin ka motor anlo siam hman hlauh a.




Pu Chhuansanga chu bail chhuak vat thei ila kati takzet,Police station kan thlen rual deuh thaw in kan lut nghal a, Lydia'i pawn ngawi rengin minlo zui ve hnak hnak mai,jail chhûngah chuan pu Chhuansanga chu ka hmu ngei a,jail chhûng a anglo zawk,meizial alo zu khu hlat hlat mai.




Pu Chhuansanga awmna lama ka phei chuan alo ding ve vat a, "pu Sang,i lawyer call tûrin Lily ka hrilh tawh ania,arawn thleng harlo ang," ka tih chuan anui sang a, "hlauthawng duh suh,mahse ka tang tih hi tuman an hre tur anilo," atih chuan kabu ve nghat a,a ṭhutna lamah a let leh nghal.




Pu Chhuansanga chhuah theih dan ringawt ka ngaihtuah a,ka kal kual sek mai Lydia'i pawn ngawi reng in min en reng,jail a a awm rei chuan media lamin an hre dâwn hrim hrim,diklo deuh in thu an theh darh anga.




Ka hnunglam ka hawi chuan ka ding chawt mai,Police station a rawn pen lût mek pa chu a chhelo takzet,asang hle bawk thawmhnaw dum vek a inbel a,Pathian in uluk taka a siam bik ang maia hmelṭha ani, Police officer awmna lama a kal dan zawng zawng nên a perfect vek ka tilo theilo,kan bul hnai ami te pawh chuan an en chik khawp mai,hepa hi tunge ngatinge ka ngaihtuah ve vak vak.




Kalu ka thing deuh nawk nawk a, Lydia'i lam ka hawi chuan ang pham in chupa chu alo en ve,a awm tho e a chhelo ve em ani.




Chupa awmna lam chu ka hawi leh a,Police pa nên anlo inbe mek,a ṭhut dan zawng zawng nên a pa ani tawp mai,an thil sawi ngaihthlak ka tum ngial a,ka hre pha mailo kan in awm hlat ve deuh em ani.




A thil duhloh deuh Police officer in sawi ang maia a ner sawk dan te chu,a ṭha ani tawp mai a ṭawng zawng a a khabe che tel ve zel te chu,a cheizia vel chu a zaidam vak ka ringlo ve tawp,a hmel chu arum ul a,a thinrim amaw tih mai tur ani.




A cheizia engkim chu uluk takin kalo en reng a,ka mit kala sawn thei meuhlo,a biak pa chu bu nghut in ading a,Police pa arawn kal hnaih chuan pu Chhuansanga lam ka hawi ve vat.




Chupa hmelṭha zet chu ka bul lawkah arawn ding tih arim tui tak aṭang ka hre thei,a mi uap ana takzet,Police pa chuan pu Chhuansanga awmna jail chu a hawng a,pu Chhuansanga pawh alo chhuak vat,ka bula ding hmelṭha zet chu en in chhuan hmel takin anui sang a.




Pu Chhuansang'an ka lam rawn hawiin,thil sawi tuma a ka a ang chiah chu ka bula ding pa chuan, "kan kal angai," ati vawt ruih mai.




Pu Chhuansanga pawh bu ve nghut in chupa nen chuan an chhuak a,ka enzui reng pu Chhuansanga hi mipa ah chuan asang pawl ani ve ania,khapa kha pu Chhuansanga aiin asang daih mai.




Lydia'i nen kan Company lamah kan let phei leh vat a,kan thlen rualin kan chhuk nghal vat bawk, elevator ah lutin pu Chhuansanga office floor chu ka hmet zeuh a.




Pu Chhuansanga room a kan luh chuan Lily sofa a lo ṭhu ngil auh ka hmu hmasa ber,a hmaah nichina mipa kha bawp khawkherh rung in alo ṭhu a,lehkhabu a chhiar bawk.




Kan lut pu Chhuansang'an min hmuh rualin, "lo ṭhu rawh u,Hillary sawi duh ka nei a," a thil chhiar lai dahin minlo envat a,bu nghat in Lily bulah chuan ka ṭhu thla ve nghal.




Kan hmaa ṭhupa ka en zeuh hnuah pu Chhuansanga chu ka en a, "min man tîr tupa khan tunah hian ka tan hlen theih nân theihtawp a chhuah dawn tih ka hria,chuan Hillary jail ka tang tih kha tuman an hriat ka duhlo ania,ka ring tawk che a,i thei tih pawh ka hria," atih chuan nui sang in kabu nghat a.




Pu Chhuansanga pawh anui ve suk a,kan hmaa ṭhupa chu a melh nghal bawk, "i tih tur i hriat kha," pu Chhuansang'an atih chuan chupa pawh chu anui tawi tak mai.




Pu Chhuansang'a ka lamah rawn hawi lehin, "thawk dun tûrin ka duh che u ani," atih chuan ṭek in min deng dawt ang vel kani,ka hmaa ṭhupa ka en chuan engah mah a ngaih hmel lemloh khawp mai.




Pu Chhuansanga lam chu hawi vatin ka aw ka thian kharh a, "pu Sang keimah pawn ka ti thei tho alawm," a thutluk na thlâk sak tum takin ka ti a,a nui lai atawp chawt mai,a thu tawp ani tih ka hrethiam ve nghal mai bawk.




"In pahnih in thawk dun tûrin ka duh che u ani, Hillary hrethiam hrâm la ka duh," ati hmuk a,hnial chi ani tawhlo tih hria in, "awle" ka hmaa ṭhupa en zeuhin kati sep.




"Ka lawm e," atih hnuah ka hmaa ṭhupa lam chu ahawi leh a, "ka in hmelhriat tîr tawh chu em," min en tawn zak zak in ati a,chupa chuan minla en velo hrim hrim.




Keipawn engmah ka sawi biklo,chupa chu ka en ngur a, "awle,Hillary heihi Marvin Liansangzuala anih hi," chupa lam hawi zeuh pahin ati a.




"Chuan,Marvin heihi Hillary rintluangpuii anih hi," pu Chhuansang'an atih chuan mak tak maiin chupa chuan minlo enve vat a,a kiai suk mai.




Ka nui tawi ve tak a,a reilo a thil chhiar ah bawk chuan a bur leh nghal chat, "kha zawng kha ani e,mamawh in neih chuan min hrilh vat dâwn nia," pu Chhuansang'an atih hnuah a ding zui nghal a.




Keipawh ding vatin office aṭang chuan ka chhuak a, Lydia'in minlo zui vat,ka office ka thlen rualin ka ṭhuthla hnawk mai,ka mi hriat ngai pawh nilo nen kan thawk dun dâwn a,ka rilru a buai ve takzet,thawk kala leh vang vang ṭhin a,kalu lah chu ana em em zui a.




"Lydia" kati zawi sep a, "aw Hillary i ṭha em," tih pahin ka kut arawn vuan vat, "coffee minlo lak thei angem,khawngaih in" ka kut la letin ka lu ka dâwm vang vang a.




Ka lu chu ka hmet niap niap a,ana lutuk chu a puak leh mai dawnin ka hria,ka dawhkan hnuaia drawer chu pawt hawng in damdawi ka zawng rak rak a,ka phone arawn ri ve chiah bawk nen ka phone ri chuan kalu ati na leh zual.




Damdawi chu ban vatin ka hawng rawk rawk a,ka bul lawkah tui chu ka ban nghal zât bawk,damdawi chu ka hmawm pawp a,dawhkan chungah ka bawk deuh vang vang bawk.




Ka phone bawk arawn rik leh takah chuan ning zetin ka ban a,caller id pawh ka en lemlo, "hello" ka tih chuan lehlam ami chuan, "hello,miss Hillary" alo tisup a,a aw chu ka hriat ṭhan tak ani,hepa hian ngatinge min tih buai reng mai le,milar tak ka thawh pui hian min tih buai hi atum ve ziah.




"Ka lawmpui a che," ngeiawm rawng kai lek lek hian ati a,ka meng kual ralh mai, "pu Chhuansang'an a personal publicist ni tûrin a sâwm che tih kalo hria a," ati sup a min deusawh taka anui hak ri pawh ka hre thei.




"Aw" tih zawngin ka chhang a, "aw amak khawp mai,iti ve em" tih pahin anui huah huah a,kalo in seh ruh nasa lutuk ringawt, "chuan enge,buaina inei ami" in bengdaih tum hram hram in kati sep a.




"I hrelo ami,an chhûngkua kha" tiin a tawp dat a, Lydia'i coffee leh chhang chawi chunga rawn lut ka hmu nghal zât,ka hmêl awmdan avâng nge a mitmeng a hlauhthawn na chu ka hmuh hmaih lo,a hlauthawng chi ani bawk sia ka khawngaih ang reng.




Dawhkan a dah tura ka signal zeuh hnuah,engmah hlauhthawn tur a awmlo tih lantîr nan ka nui seih a,min rawn nuih let ve in office aṭang a chhuak zui nghal.




Call a ka biak pa chu ala ṭawng char char a,a thusawi ho zet chu ka ngaithla amaw ati ani ngei ang, "pu Chhuansanga i hmaah silai nen a adin huna i hmel tur ka hmu chak khawp mai," mi â ang maia nui vak vak pahin ati a.




"Khatiang ah kha chuan mahni ka in saseng thei e,chutah chuan buaina inei ami," ka hmaa coffee no dawm pahin kati a.



"Neilo e,ka lawmpui mai che ania,i hrethiam ang chu," a thil sawi ho zet ngaihthlak pah chuan ka coffee chu ka in zeuh a.




"I buaina tur a awm loh chu," kalo ti daih thung,hetiang hian vawitam arawn ti ziah a,a sawi diklo ziah bawk,arawn buai ve natur a awm hauhlo,a thusawi hi vawikhat mah ala thleng dik ngailo bawk,min thik chhan ber chu amah aiin ka hna ka thawk ṭha zawk a,milar tam tak aṭang offer ka dawng nasa bawk a,ani erawh chuan offer ṭha adawng ve thei meuhlo,chuvang a min thik em em pawh hi ani.




"Puih che ka tum mai ania,miss Hillary ka publicist pui inia,chuvang mai mawle" atih leh hnuah pu Chhuansanga Chanchin sawi leh atum chuan, "min puih itum naah chuan ka lawm khawp mai,tûnah chuan tih tur pawimawh tak ka nei a,ka dah phawt ange" ka tih hnuah call ka dah hmak a.




Thawk ka lak vang vang hnuah,ka phone chu ka en vang vang a, "zawnga ngatinge i hnaah rilru i pek theih mai loh,keimah ah rawn buai lo in" ka ti chhuak halh.




Ka phone en reng chungin ka ding chhuak a,ka hnar bangah ka tauh dawt mai,ka hnar tuai hauh hauh chungin ka dakchhuak a,ka thil tauh chu bang ani reng reng lo!muangchang in ka hawichho a,a hmel ka hmuh chuan ka tawlh hnung dat mai.




A hmel chu ka en reng a,minla en run zui minti zam chhe lek lek ani,engmah ala sawi bawk siloa,bang chu a nghen a uluk deuhin min en run mai,awm dân tûr hrelo zetin amah chu ka en leh zeuh ṭhin a,a kekawr ipte ala zen run zui.




"Marvin mamawh inei ami," ka tih chuan arawn pen phei a,kalo tawlh hnung dat thung,ka dawhkan vawt thlêr ka si nghal zât bawk,kan in hnaih em avang chuan ka thawk te chu abuai mai dâwn in ka hria,ka enchho kal a min en chhuk ve run mai.




Ka lamah arawn pen phei leh tih ka hriat chuan ka mit ka chhing tawp a,ka thle sawn nghal bawk,ka bul hnai lawkah a awm tih arawn thawk lum ham ham danah ka hre thei,ka mit ka chhing nghet sauh a.




Ka thin chu a phu dut dut mai,a kutin ka kut arawn vawn chuan ka ṭek chhuai maiin ka hria,ka mit ka meng siar siar a,ka dawhkan a file chu la in a chhuak nal nal tih ka hmuh chuan ka thawchhuak ham ham.




"File la tûr ringawt in arawn kal," ka awm dawm vang vang in kati a,room chu chhuahsan tawh mahse a rim room chhûngah chuan ala chambang nimaiin ka hria,ka ṭhu thleng ah chuan ka ṭhu thla dawt a, Lydia'i file pawm ṭeuh in arawn lût nghal zât bawk.




File arawn ken hnem em avang chuan mak ti zetin kalo en reng,a rawn keng hnem lutuk a kal pawh akal ṭha theilo,ka dawhkan ah arawn nghat chawrh a, "heng zozai hi enge," ka hmaa chair a thaw huam huam a aṭhut chuan kalo en reng.




"Pu Marvin'an heta ṭang hian thil zawng tûrin ati che a," thaw hlawp hlawp in ati a,ka hmaa tui chu a awmna lamah ka dah phei chuan lo ban vatin a in khawlh khawlh mai,ka hmaa file chu ban in ka en thuak thuak a,hetiang zozai arawn keng chu mak kati khawp mai, Lydia'i chu ka en reng a,a tui in zawh ah minlo enve vat.




"Heng zawng zawng hi chhiar vek turin kan pahnih in min tia,thil chhui laiah pawimawh a awm takin atia," atih chuan file chu kan check nghal zung zung a,atam bawk a a ninawm khawp mai.




"Chawl lawk ang," Lydia'in tih pahin a zi mar ṭiah ṭiah a,keipawh ka thil tih lai dahin ka ṭhutna chu ka ngheng dawt a,chutia kan awm lai tak chuan Marvin'a rawn lutin file arawn keng leh anih chu!