SECRET LOVE CHAPTER-9

[Rinfeli Lalrinfeli]

Hriatia duh tur vel ka ngaihtuah laiin , URoroan "dawrah kal ang u" a lo ti a ka thil ngaihtuahvang chuan ka lo hrelo a , min rawn sawi pah hian
"Naupang dawrah kal ang" a rawn ti kher a , ka lo melh rum viau bawk , dawr a kal tur chuan ka zui chhuak ve a , ka sir ve ve ah an kal a , a laiiah ka kal thung , dawr kan thleng chuan , thil bawl tur vel leh , drinks vel kan la a , ice cream ka ei chak em avangin URoroa bulah ka ngen a , a tir chuan a phallo a mahse a , ṭap ṭep a ka dil chuan min lei ta nge nge a





Dawrah kan duh zawng te kan lei zawh chuan , kan ho a kan haw lamah chuan ice cream chu ka ei a, a hmaah keimah in ka kal bawk a , kan lam pan a bike chak tawk a pa2 an rawn tlan chuan , min rawn su thawi thuak a , Hriatan min lo pawt hman hlauh a , ka ice cream ei chiah ka ngaihtuah avang a ni ve deuh bawk , mahse an6 mahni pawh kha an thiam lo mizoram kawng zim lutuk ah an rawn tlan chak vak a kawng chhawng lah hi kan nei har si, Hriatan min pawt phei chuan , amah ka khuah trep hman a , mahse kuah lo vel tawk chiah chiah in ka awm a , URoroa erawh a thinrim reuh phian , "keini pawh kan in race ve ṭhin tho a , khawpui lun ah tiang khan kan tlan ngailo" a ti ve hluk a , "i ice cream a tui dawn a nia" Hriatan a tih chuan , ka vawn na ka thlah a ka in la hrang daih a





In kan thleng chuan , kan lei te kan siam zung zung in kan ei nghal bawk a , kan ei melh melh laiin , ka nu leng lo ho chuan , a rawn luh pah in " kan ṭhenawm ah insawn ṭhar an awm a" a rawn ti lut a , "khawi lai ah sawn maw? Ka lo tih chuan , "I pu Rama te kha Delhi a awm reng te khan an , mahni in an rawn luah leh tawh a , tiang lamah an awm tawh dawn a ni awm e" a tih chuan "Eeeeee pu Rama ka hriaaa , hmanah kan naupang laiin , a fapa nen kan in kawm ṭhin , a fapa pawh , ihhhh khaaa Remsanga ni in k hria" URoroan a lo ti ve a " Awww remsanga , a ni pawh a rawn chho ve a lawm a , a sang sia a hmelṭha sia" ka nu chuan a ti leh a " Ka hre ve lo e a , chutiang " ka lo tih chuan , " I la te em alom nang te chu" URoroan a lo ti leh bawk a , ka melh rum leh ringawt thung







Hriata a ho dawn chuan ka thlah a , URoroa a zai tui leh tawh a , ka thlah phah tawp a , pawn kan chhuah chuan , "Hriata , min ngei ami? Ka ti chhuak tawp a mak tih hmel deuh a in en pah chuan " Enge awmzia? A ti a " School ah min be duh lova , bakah ahma khan , min kalpel vel mai mai sia , thian pawh kan ang tawh lo em a" ka tih chuan " Ka ngei che pawh ka hrelo" a lo ti a ,
"Eeeeee taka bialnu i nei tawg tak" ka tih chuan a nui sup duh chauh , "I bialnu neih aṭang min be duh lo" ka tih leh chuan , " A tlai tawh e mai , ka kal mai ang nagpawh , lut rawh" a ti daih a
"Muttui" ka ti a , "muttui" a rawn ti let ve a , a kal zui nghal bawk a






Hun a kal zung zung a , Hriata pawh URoroa nen kan in kawm ve zel a , an in ngaihphian ,UJamesa pawh bialnu a nei ve tawh a , an nuihzathlak reuh lutuk , UJamesa zei lo lutuk in , URoroa bulah , a bialnu message reply dan tur te a zawt tawp zel a, UJamesa te hi an serious ang reng a , nupui nei rual a ni ve tawh bawk nen , tiang a an awm zel chuan an in neih vat pawh ka ring , a bialnu hi ka la hmu lova , mahse a thlalak vel ka en chuan , a fel ve hmel lutuk , a bialnu pawh hi Doctor tho , mahse a bialnu hi chu Orthopaedic(ruh lam doctor) a ni thung , URoroa erawh a la single chhunzawm zel thung a






Kan ṭhenawma rawn insawn, Remsanga pawh , vawi1 chu ka hmu ve tawh a , mipa ah chuan a hleitling tawk viau , 5'10 vel a niang a cher lam , mahse sa chhe lemlo a ni ve thung a , URoroa ai kum 1 in a naupang thung , URoroa leh UJamesa te nen chuan an in kawm ve leh fo va , kan inah pawh vawi 4 vel chu a lo leng tawh mahse , room a ka awm lai , anih loh leh school ka kal lai te a ni zel a kan la in hmu fuh thei lova , vawi khat zinga ka school kal tur URoroan min thlah dawn in, ka hmu ve a , URoroa nen an in be zuai a , ka hming pawh a lo hre bawk a , chumi te chauh chu , amah ka hmuh na a ni mai





Remsanga pawh , kan ina rawn leng luh a ching chho ve a , a tlang nel ve em em bawk , ka nu te nen kan in hriat tawh vang te pawh a niang, chaw te a rawn ei a , kan inah chuan a rawn awm deuh tawp hi a ni mai , keimah nen pawh kan in kawmngaih ve viau tawp bawk a , a fel a , a ṭawng duh ve viau bawk a , fiamthu a duh viau bawk mi hi a be ve siam siam reng a , kan thil sawi apiang min sawipui thei a , midang a care viau bawk , tar ho pawn an kawm ngaih ang chi kha a nia , a fel thawkhat viau







Thla 2 vel lai an awm ve tawh a , Remsanga min biak dan chu a dang chho telh telh , zankhat chu, min duh thu min hrilh a , ka mak ti lutuk chuan , "ka lawm e " tih ringawt hian ka chhang a , Remsanga hi chu a fel si min care em² a , min dah hmasa ber zel a , mahse keimah ah Hriatpuia a awm rih tlat avangin ka hnar zawk ta a , Hriata hi ka duh em a , Remsanga pawh , ka ṭhianpa ang a en ka duh zawk a, Remsanga pawn min hrethiam a , ani pawn a ṭhian leh a nau ang in min en chhunzawm bawk a , kan karah danglam na awm lo in , kan in kawm zel a, Remsanga bula awm chu a hahdam phian , mi a care si hmeichhe tam tak duh chi ang hi a ni mai a mizia hi chu , luck pawh a luck , hmeichhia te hian an leng chilh tawp zel








Second term exam kan hmachhawn hnai zel a, zir tur a tam si keimah chiah zir tur ka ni nen ka ninom chho lek lek , pawl12 board a lo ni zui nen , second term exam hma in ni1 chawlh min pe a , vawiin chiah kan kal rih dawn ang a ni, chawlh min pek friday a ni sia , sat leh sun a ni leh nghal a zir na hun chu a tam ve viau dawn tho , mahse thil mak deuh ka hria a , school bathroomah , zung tur in ka kal a, ka zung laiin , Diki te ṭhian ni awm tak te hi an lo kal a , an rawn luh pah in , Diki chuan " Hriata hi chu ka duh a lawm , mahse Christi a lo awm hian min tibuai vek " a ti niah niah a , hmeichhe aw dang chuang " a hmaa dawt i sawi kual vel kha engtin nge ni ta " a lo ti ve a , Dikin " eeeeee, Christi dawt a kan puh a , Hriatan a biak duh loh vel kha maw" a tih chuan mak ka ti , engtin nge min puh ang le tih ringawt chu ka ngaihtuah a




Min puh dan ka ngaihtuah vel lai tak chuan Diki bawk in , "Bialpa nei ang a , kan sawi bakah , rai ang khan kan chhuah , nau a ti tla ka tih leh vel te kha , Hriata chuan a awi ve mai sia , mhse tunah chuan tihdan ka hre tawh lo , Christi hi mipa a ngaihsak lo lutuk a dawt sawi leh dawn pawn" a tih leh chuan , min puh dan chu a tenom mai bakah, a rapthlak tiang ang a han in puh chu , a dang lo zawk a , Diki ten sawi darh phei se chuan , dawt in ka mualpho dawn tihna a nia, Mizo ho hi chu mi thusawi mai mai awi leh ring kan la tam si , eng ang pawn dawt sawi mahse , an sawi te fiah aiin , kan sawichhiat pui zawk zel thin si a






Diki te ṭhian ho an kal hnu chuan , bathroom aṭang ka chhuak a , Hriata bulah ka kal tlang nghal a , a bul ka thleng chuan " in be lawk ang" ka ti a " enge" a lo tih chuan a ban ah ka kai a , ka kalpui daih a , Nursery ho class roomah ka luh pui a , an bang tawh avnag in tumah an awm lo , a fianriak deuh a , midang pawn min hmuh ka ring lo bawk, "enge i sawi duh chu" Hriatan a tih chuan , " Dikin i bulah eng chiah nge a sawi , min biak duh loh nachhan chu" ka ti a " engmah ka bulah a sawi lo" a tih chuan Diki te sawi ka hriat ang chu ka hrilh a , " ka rai lova fa ka ti tla lo bawk" ka ti pah bawk , egmah sawi lo chuan min melh reng a







"He thu vang hi tiro min biak duh loh , min ten a mi i ṭhian ni tlat pawh ka ni tawh lo a mi , ni1 thil thu lek a , kan in kar i tih tawp vek" ka tih chuan , "tiang lam a ni lo" a lo ti ve a " a nih chuan tinge, min zawh chiang loh, keimah min zawt a , a dik leh dik loh te min zawt ta che , midang i ring zawt tihna a nih hi" ka tih leh chuan "Awww, Dikin a fin fiahna nen thlap min hmuh a nih kha , nang ni la i awi lo bik dawn mi" a rawn ti vak a , a thinrim a ang , a in hum ruh nasa lutuk , " Haaa, thian min ring lo tu leh midang vang a min kalsan thei thian ka mamawh lo che" tih pah a kal ka tum chuan ka kutah a rawn man a , bangah min nawr bet a , ka kut pa2 a fuan bet tlat bawk , a lian si a chak si , ṭang ve mah ila awmzia a awm lemlo






Min thlah rawh , ka tih chuan a kut pa1 zawk in ka biang a khawih a , ka hmui a chul pah chuan , i fa pai na chuan ,i hmui ah te hian a kiss awm sia , tiro a tih pah in min kiss ringawt a , tih ngaihna ka hrelo chuan ṭang pawh ṭang lovin , ka awm tawp , a hmui a laksawn a , a in lak hrang hnu chuan , ka mittui a tla a , ka muttui kar aṭanga ka en chuan , a in thiam loh hmel riau , " Christ ," a rawn ti chhuak sap a
" Tiang ang i ni tih ka lo hrelo a , thudik i hriat hunah , i la inchhir ang" tih pah chuan ka chhuah san dah a







In ka luh dawn chuan , Remsangan min lo ko a "In va bang hma ve" a rawn tih chuan " nia kan exam dawn hnai a" tih ringawt in ka chhanga " i damlo a mi ? A tih leh chuan " aii dam e , enge ka damloh ngawt ang" ka ti ve leh mai a, "zanah a lo leng dawn nia" a tih leh chuan "aww lo leng rawh " tih pah chuan , in luh ka rual a , room ka chhoh chuan ka tawt up up a , ka ṭah a chhuak ka hreawm ngawih ngawi , bathroomah inbual pah in ka ṭap nghek a , tah hrep hian rilru na a , zia duh an tih hi chu a dik ve a ni , ka ṭah hrem hnu chuan ka zia ve deuh






Exam te kan kan bei chho zel a ,Hriata nen kan in be ngai lova , melh pawh kan in melh ngailo, chutih rualin Remsanga nen kan in kawmngaih in kan in nel ṭan viau thung a ,exam pawh kan zo tawh a , test paper te an sem chuan , ka ti ṭha hranlo , rilru nan nen zir kha a har em a ni , result a chhuah pawn pa5 na ka ni pha hram a , ka chhungte chuan ka damlo vel vangah khan an ngai a , mahse ka rilru nat vang a ni zawng , zir a har em a ni






Class te pawh mumal tak in kan kal chho zel a , board exam pawh a hnai chho viau tawh , mahse ka damloh na chu a rawn chhuak a , a tirah chuan luak , khawsik , leh kawthalo ringawt a ni a , mahse zan khan khat kan chaw ei kham chu, ka luak chhuak si , sitting roomah ka ṭhu lakloh nen , ka luak rawn chhuak nen chuan ,chhuatah ka luak a , luak pangai ni lo thi vek in ka luak , ka lu rawn hai nghal nen ka nikhaw hrelo ka tlu bawk a






Ka harh chuan Damdawi inah drip an lo khai a , ka chhungte mang ang hmel ka hmuh chuan , hreawm hi ka ti em em ringawt , doctor te chuan , ka natna an hrechhuak mai thei lova , Apa leh UJamesa chuan hreawm an ti em em a , Doctor an ni chunga ka natna an hmuh chhuak theih loh avnag chuan an lungngai ru viau a , ka taksa lah na lai em em sawi tur awm si lovin , ka chau a , na chu ka neilo mahse keimah hi ka dik lo




Investigation hrang hrang kan tih hnu pawh chuan ka natna an hmu thei lova , ka kal (kidney) a nih an ring a mahse an check in a ṭha a ti zel si ka kal(kidney) chuan tlem harsat na chu a nei a mahse a nasa silo , an beidawng chuan phai ah min refer a , Apa leh UJamesa mawlh chu a ni, an hmel hmuh pawh a hreawm , ka natna an hmu theilo chu an mahni zawk an in thiam loh a , chaw pawh ei thei lo in , hreawm ti in an awm a , ka thiam ang tawk in ka hnem a , phai ah min refer a , ka natna te chu an hmu vat dawn a lawm, ka natna hi a biru , a a buaithlak e mai, tih te chuan , ka hnem hram hram a , hreawm an ti a mahse ka bulah chuan an nui lui hram hram a






Phailam pan nghal ka chhungte chuan an duh a mahse board exam kan neih trep tawh avangin kal mai ka duh lova, exam hmasak phawt ka duh tlat avangin , hmin zan lo chung chuan , an phal hram a mahse , damdawi inah ka la awm rih thung a ngai a, ka taksa a la chauh em avang a ni a ka awn chhung chuan ka natna zawng chhuah tum in doctor ten an lo bei ve char char dawn bawk a ni






Damdawi in awm chu ka ning reuh lutuk, dam hlut zia hi ka hre chhuak chiang ngawih ngawi, engtin nge mahse nuna hial an lak theih le , tih te ka ngaihtuah neuh neuh a , Remsanga hi nitin deuh thaw a rawn kal a, min kawm hlim a , a kianga awm a nuam reuh lutuk, a bulah chuan ka hlim riau hian ka hria , a bula awm hi a nuam em a , chutih rualin, Hriata pawh ka ngai thei hle , keimah chu min pe lova mahse , URoroa bulah ka chanchin te a lo zawt ṭhin tih URoroa kal tlang in ka hria a , ka be chak thei viau aa , mahse a message tur ka type vek a , ka thon ngam lo in ka delete leh vek zel amah ka thawn duh ang zawng zawng chu , keimah bawk ka in thawn let a , ka duh thu tal hi hrilh ka chak mahse ka ngam ngang si lova







Board exam te pawh kan nei a , mahse ka ti ṭha hran lo rilru a hah ngawih ngawih a ni mai, damdawi in aṭanga ka exam hram hram a , zan a mengrei thei si loh hreawm tak ani , ka pass pawh ka ring lo , gap kan ngah hlauh a a zia mai mai zawk a , ni1 chu damdawi inah tlawh tu ka nei a , Hriata a lo ni a , URoroa nen an rawn lut a , pangpar min rawn keng a , rose a la ni zui a fresh a ni bawk a , ka pangpang duh ber a rawn keng chu, ka lawm viau a , mahse ka lawm zia chu ka ti lang hran lo




"Enge i an a , exam te i ti tha em " a tih chuan " ka zia a ni mai" tih ringawt in ka chhang a , min be chhunzawm zel a mahse ka chhang ṭha duh vak lo thung a , "Christ , ihhh a hma a kan buaina kha" a tih chuan "enge sawi i tum ber" ka lo ti vat a






Chhunzawm leh tur