*ZûNLêNG* ch~7 by ~ Natasha Hrahsel

[Natasha Hrahsel]

*ZûNLêNG* ch~7







"Nûte vawin chu lêngchhuak mai mai ila " ka ward round zo chuan ka ti lut a ,chhuat alo nawt mek tih ka hmuh rualin "sorry" ti sepin ka pheikhawk ka phelh nghal sawk sawk.
U ruatruata nen pawh an in ngam tawh viau a ,thuthleng ah thutung ûtin ph alo khawih mial mial .

"Khawiah nge kan lên ang " akhawtual mi zawk chuan an ti khauh a !





"Ka kalve duh nia " ka û chu naupangchhia ti zetin ka melh ngat ngat "scooty in alawm lên ka tum ,ilo tel ve dawn chuan kan lenglo sa " ka tih chuan a insiamchhe vak .Engtikah nge maw haw atum ni?
"Nûte ,intifai la inchei pawh angai chuanglo kan vâk harh mai mak dawn nia " tiin insiam turin ka lût zui a .Ka û in "vah harh dawn chuan ke in kal ru " alo ti hman leh hrâm .He khua hi nuam ati leh lutuk a buaithlak ,chutah nula lamah atla na phian ani awm a ! Nizan kan khawhar in kalna ah pawh a sawidan takah mitmei hmuhtu anlo tam viau ani awm e ! Ka awih lem hleilo a ..






Khawchhung fankual mai mai tum ka nih avangin jogger pants lavender rawng chu ka ha a ,amilpui turin jumper lavender rawng tho chu ka ha leh a crocs ka bun tawp.Inchei deuh chuan min en duh dawn tlat .
"Nûte lênna tur hmun nuam deuh te hi a awm ve em ?" Scooty khalh pah chuan ka ti vak a "tlâng ah khian an lêng thin a ,thlânmual ah te pawh mahse inngaizawng deuh hlir an lêng thin " atih chuan kalpui ka tum lo chiang pang phawt ,tian inkhalh kual mai mai zawk teh ang .
Ka hnunga ka phurh lah chuan ka min ringzo lo deuh nge ni min si chet hian a rawn thu hnai a ,a tang hra bawk .

Scooty te zawng vai rama ka awm lai pawh khân ka khalh nasa ,bike pawh ka khalh ve zeuh zeuh bawk.Kan PG atang kan college hi lirthei pawn darkar khat dawn kal anih vangin ka PG awmpui te nen kan kal ho mai thin a ,scooty nei te an awm ve nawk hlawm nen ka khalh sak ve mai zel hlawm.Anni ho lah chuan an ngaihsan em em Korean ang mintih vang ringawt te hian min be tha in ka lakah that an han chhuah a .Tûnhma te chuan Mizo te hi chu tribal ti ten an chhaih a an tiduhdah thin ani awm e ! Tun hnu ah erawh KPop tih vel in khawvel a rawn luah a ,keini thlengin kanlo hlawkpui phah lehtanghal a ! .





"E taka Nûte U Remruata hian khawilai ah nge dawr aneih a ? Kal chhin ila " ka tih chuan alo nui hak ,side glass atang ka hmu thei reng sia
"Kan tlân pelh tak kawng atang khan an dawr chu a tlân luh theih a ,khulai lawk kawng peng atang khuan a tlan luh theih bawk ,an dawr bulah ka thiannu te pawh an awm " atih chuan "kal lawk ang aw " ka ti a alo remti ve mai .

Nûtei sawina lai kawng pengah chuan tlân lut in reilo ah U Remruata dawr ngei mai kawt zawnah chuan kan ding a ,ka hmuh tum ang reng rengin ka hmulo! Kawng ân ah chuan Furniture chi hrang hrang ,dawhkan tih te showcase tih vel felfai thlap hian alo in hûng ! Showroom anih ber hi a ,thingzai te nen hmuh nuaih kha ka tum ania!






"Achung hi an thil siam ho zawrhchhuah nan an hmang a ,anmahni tak chuan ahnuaiah hian hna an thawk " Nûtei chuan alo ti zung zung a .
Dawr chhunga kan luh chuan Nula pakhat hian "lo leng ru enge in duh?" Alo ti nghal thuai ,ka hawi kual a U Remruata ka hmu mailo "U Remruata hi khawnge ?" Ka ti deuh thawr a min melh vung vungin "inhnuaiah" ati hmak ! Enge maw ahriat ni ?!





"U Dindin thenawm ah hian ka thiante an awm a ,lo awm hrih ila pawi iti em " Nûtei'n a tih chuan kal turin ka ti a ,inhnuai chhukna step ah chuan ka chhuk zui .Step chu thing hian an siamchawp ani ber a ,an dawr hi sak thar hlim ani tih ahriat ngang bawk .
"Awiha " ti vakin step ka rap pial a ka bawkthla hnawk !

U Remruata ngei mai chu rawn tlân chhuakin min rawn pan nghal thuai ,"i tha em? I tlu na em?" Mangan hmel zet chuan min en kual nghal thuak thuak a .Ka bân a khawih rual chuan "ana.." kalo ti tuarh .Ana lutuk tlat ..





"Fimkhur tur che lawm " ti nghutin ka ban chu zawite hian akhawih a kei in mittui tling pûr chungin "in step hi achhe em anih kha " kalo ti hlar .
Thaw chhuak hakin "sorry " a ti sup a ,ka ban bawk chu khawihin "a pelh a ang hle mai " ati zui sup .





"Tinge step tha pangai atanga ilo chhuk mai loh a ?" Dam thlup hian ati a ,kawng lehlama step chhukna chu min kawhhmuh zui zat ."ka hre hleinem " kalo ti leh hlar.
Tihngaihna vak minhrelo niang "i tho thei ngem " ati ta sup a ,amah vek chuan dimdawi zet hian min kaitho zui nghal .




"Hma a khawl kha off teh ,First aid box kha lo la bawk la " inchhung kan luh rual chuan ati vak a a aw chu thûm tha tak ani ,chair ah min thut thlak tir nghal zat bawk.
"I Jumper hnuaiah hian thawmhnaw pangai i ha em ?" Atih sup chuan ka bu nghut a ,zawi muangin ahma a zipper chu min phelh thlâk sak hnu ah dim zet hian ka ban na lam chu a pawt chhuak leh a ,min dimdawi lutuk te chuan ka lung ati chhe thar riau bawk .





"Ehe ngati nge a ?" Hmaa atih pa chuan firstaid box rawn pek pah chuan a ti hluai ,ka ban lehlam pilh deuh phung tihloh chu pem em em ka nei hranlo a ka ban veilam na hi ani deuh mai .
"A tlu " tih tawp a chhangin "Betadine kha lo phawrh chhuak lawk " ti zui supin dawkan a tui bottle awm chu aban a akut ah leih puatin akawr hak ah akut chu a hru nghal thuak thuak .

"A thîp maithei " ti supin lapua aphawrh a ,betadine chu hnawihin dim zet hian ka ban lehlam pilh ah chuan a tat zui a ,athîp ve sek nangin han sî pui tham anilo.





"Ala na viau em?" Ka ban lehlam en rual chuan ati sup "azia deuh tawh in ka hria ,apelhlo ani maithei " tha deuh chuan ka ti ve mai bawk .
"Umm i sawh fuh deuh mai mai pawh ani maithei ,han phar chhin la " atih chuan kan ti kâng deuh a ,ahma ang em em chuan ana tawhlo .



"Kan step thalam atang ilo kallo animaw ,hmanhmawh deuha ka dawhchawp vel mai mai kha nia .Thiah thuai tur ani sawlam atanga rawn kal hi an awm leh nawlh zel a ,itlu nalo hlauh chu atihzia hle mai " ti luamin U Remruata thianpa chuan min kalsan zui a ."Khawl hi ka on leh mai dawn ?" A rawn tih chuan U remruata'n "ahmanhmawh thlâk loh a Pi Zuii te center table tur kha i va dah lawk zawk dawn ami" alo ti nghut a ,athianpa pawh chu akal ve zui mai bawk .







"I kawrbân chu athler deuh anih hi perek lawr ah i bât ani maithei " ati sup a ,ka kawr chu muangchang hian min haktir leh nghal zat .
"Engti turin nge ilo kal le " naupang ang mai hian min zawt niberin ka hria!

"Ka bialpa hnathawhna ka hmu châk a " ka tih chuan a khi zui suk ."Kanla hnawk hrih khawp mai kan luahluhna ala reilo a ,zawi zawiin kan ti chho ve bek bek anih hi " a ti a ,hnawk a ti ve chu hnawk lai a awm manglo .





"Intur te iduh em " atih chuan ka lu kalo thing vat ,"ih ka ti buai che em " ka ti zui sep .An hnakhawihlai ka thulhtir tlatin ka inhria .
"Buailo e ,ka bialnu in inspection a rawn nei thut erawh ka hrilhhai deuh" khi suk a tiin min melh nghal ngur a ,kalo hawisawn hmak .

"Iduh chuan thawk mawlh mawlh rawh ,reilo te ka awm anga ka haw lehnghal mai dawn alawm " ka inthlahrung chuan ka ti leh sep a "ka sawi tawh kha minti buai lo" atih tak nghut ah chuan ka sawinawn tawhlo chiang asin .





Chair la in ka bulah a rawn thu dawn emaw katia thlanglam ah chuan a kengthla daih a ,tukverh bulah dahin kalam a arawn pan leh a "thlang lamah hian thu zawk ila " atih chuan ka tho thuai ,ka thutna chair chu akut lehlama kengin lehlamin min han kai ngei ah! Ka ke tina te pawh ka ang lek lek .

"Ehe avan nuam em em ! Ram rim te ka hria "ti hluaiin ka mit ka chhing a boruak chu ka hip lut zui vak .Kawmthlang lam chu ramhnuai hi a ang ber ,indang a awm tawh bawk silo.




"U Remruat dawr ilo van nei lian em em " amah pawh enlo chuan ka ti deuh hluai a ,mak ka ti ve em ani .Mistiri pangai hei insa a hna thawk kual vel mai mai ang turah hian kalo ngai a ,alo nilo nasa mai sia .
"Dawr hi thlathum vel bak kan la luah lo ,thingtlâng atang chuan thiltih a harsa em a zawi zawi in khawpui lamah zauh zel kala tum " atih chuan kalo phûrpui nasa mai .Ka bialpa hi akuthnu amawiin a thiltih tawh ah chuan a ngaihtuahna zawng zawng ape tih ka hrechiang .





"Anih inluahman vel hi ato em ?" Ka ti leh sep a ,"thlakhatah santhumin in kanla luah hrih ,i hmuh ang hian sakzawhloh ala nia .Ahnuai lam vel hi man awmlo in kan siamsak ve thung dawn a " tukverh la invuahlo te melh kual pah chuan a ti a ,rin ai takin atlawm .An sak zawm sak dawn vang pawh ani mahna .

"I van lo ropui reuh tak" ka tih hluai chuan a ri meuhin anui chhuak ta hawk hawk ."enge ani lawm" ka tih leh vak chuan angaihna awmlo min tih hmel zet hian min melh a "ininawm naupangchhia mintih hmel deuh khan min melh ziah suh" kalo ti leh hlar .





"Ok ok ,anih ka nui tawhlo ang atha em " la khi suk suk chunga atih chuan ka nui ve tawp .Kan kum inthlau chu thuhran ,ani apuitling khup sia kei ka kum phulo in ka ngaihtuahna ala naupang a pafa inchhaih te pawh kan ang lek lek mai .





"Zanin khawhar in kal leh itum em ?" Ka ti ta khauh a ,"ka hman ka ring chiahlo ,khawthenawm ah kal kan ngai a " atih chuan "sumdawnna lam maw " kalo ti thuai a ,alo bu nghut ringawt ."keipawh ka hmanlo ang Nûtei lehkhazirtir ka tum a .

"U remruat whatsapp atang te hian minlo be ve thin la ,hei thu thlum deuh deuh ang te hi minlo thawn ve la " ka tih chuan kûn meuh hian anui a!





"Awle mahse hun ka neilo thin viau tih min hriatsak la " anuih zawh chuan ati zui ve mai bawk "umm azawng zawngin angai chuanglo hei inngaizawng ang tak tak hian awm ang " ka eng hian nge maw anuih ti za em em le ?
"Ninawm nge inuih reng ka haw dawn " ti hmaka ka tho chu ka kawngah dawmin amal chungah min pawt thu hnawk .

"Hmeltha an thinrim ngailo " uang zet chuan ati ve ngei !






"Aninawm alawm ka sawi apiang inuihpui zel a " ka ti ram hmak a "sorry ,ka bialnu ve ngil ngel hi alawmawm em ani " tih pahin ka hnar nalo te hian apawt zui zat .

"Anih minlo be hmasa ziah ang che .." kan hmai inhnaih lutuk chu ka ngawi chiang asin .Ka hmui hnaih zetah a thaw lum ham ham a ,ka hmui anul thuak bawk .
Ka kawngah nghet leh zuala min kuahin akut lehlamin ka tukhumah a dawm a,min fawp zui nghal ngawng ngawng !
Atirah chuan chhanlet dan mai thiamlo in ka dawh mawl tawp a ,ahnu ah erawh azei em a ka chhanglet lo theilo





Kan inthlah meuh chuan kan thaw hluam hluam a ,athawklak dan na bik lutuk vangin ka che ve awk awk thei hial! Achal a ka chal nghat zui vang vangin "ka bialnu" ati thawp sup a ,ka ngawi kar ringawt .

"Ka haw phawt mai ang aw Nûtei'n thenawmah min nghak sia " ka ti sep a ,ka awmhlat deuh chuan min thlakhlelh hmel deuh hian min melh vung vung a hawsan minti hreh zo vek .





Kawtzawl kan chhuah chhoh chuan "scooty hi i rawn khalh maw " ka scooty melhin a ti zui sup a ,kalo bu nghut nghut .





"Nûtei ka va ko lawk " tiin min chhanna pawh nghak lo chuan thenawm Nûtei lo awmna lam panin ka kal nghal a ,inchhung lut kher lo in ka au a alo chhuak ve mai bawk .
Scooty bulah chuan U Remruata chu alo la ding reng a ,abul kan thlen rual chuan "Nûte scooty i khalh thiam em " alo ti sup .

Nutei lahin "aih thiamlo " ati a ,U remruata chu thaw chhuak hawkin " I in khalh thleng thei meuh ang maw ?" Min ngaihtuah hmel zet chuan ati ta nghut .





"Umm kal lam pawn keiman alawm khalh ,ka khalh thiam lutuk " ka ti deuh hluai .
"Chulam ka sawilo i bân kha " tiin ka bân na lam chu a melh zeuh a "ana vak tawhlo ,hei ka tih chet theih tawh em hi " tiin ka ngam ang tawk chuan kan ti che a ,ala na deuh zawk zawk na chungin khalh theihloh phahna khawp erawh anilo .





Engmah asawi takloh ah chuan scooty ah chuan ka lâwn a ,Ka dinthat rualin Nûtei alo lawn ve nghal zat.Chahbi rawlh lûtin ka start nghal zat a ,tlân chhuah mai ka tum tawh chu chahbi rawn phawi hmakin "lo chhuk zawk teh u " ati ta nghut ! Engemaw ahriat ni ?


"U Remruat ka khalh thei tak tak alawm " ner nang chuan ka ti zui a,Nûtei chu achhuk zui zal zal .





Ka sawi ngaithla duh maplo chuan dawr lamah a kal zui a ka chahbi ala keng daih zui! Dawr atang chuan nula min be tha duhlo deuh tu nen khan anlo chhuak leh a ,kan lo meng rum ve ringawt a ! Ha ka inten zawk .

"Nûte Hlupuii hian aphur ang che aw kan thlah mai ang cheu "Nûtei bulah chuan tiin Hlupuii atih nu pawh chuan "Nûte lo kal la " ati ve mai bawk .





"Ka bialnu tawlh deuh la " khisuk a min melh chunga atih chuan kalo tawlh ve mai a ,a rawn thu ve chu kan hniam sawtin ka hre hial!

Nuam ti zetin akawngah chuan ka kuah a ,Ka quater chu hla deuh se aw ka ti vawng vawng mai lawm .Hna athawk tih pawh ahriat loh! A rim pa zet te chu ka hip lut vang vang .






Kawta kan tlân luh rual chuan Nûtei te an rawn thleng ve zui zat a ,zawi muanga ka chhuk hnu ah a rawn chhuk zui ve nghal zat . " Kan thleng hma hle mai " ka ti na na a,ani erawh anui mai .
"I bân chu dîm deuh hrih la a dam thuai mai ang ,fimkhur thin la i intina leh palh ange " atih chuan "awle ka bialpa " ka lo ti vat a ,khi sukin " anih leh le ka bialnu " ka bianga piai zuai chunga tiin Hlupuii scooty lamah aphei zui zat .




Scooty ah chuan achuang a ,ahnungah Hlupuii atih kha alawn ve nghal zat .Thîk dawn viau mah ila min ngaihtuah vanga min thlah ania ka palzam thei hram hram ,akut rawn vai leh zeuhin an tlân chhuak zui a Nûtei nen chuan kan in zui lût hna hna .





"In van reilo lehsi ve , Nûte i û chuan in lênna nuam ati rei leh vak nange " U Ruatruata'n alo ti var a ,nuam ka ti leh lutuk tih hi hria se chuan min khawng fawk duh hrim hrim .
Nûtei chuan chhanglo in anuihpui mai mai hlauh a atih zia tak tak .





"Din ...Karleh hian ka lehkha vel tifel turin zinchhuah leh ka ngai dawn a ,naktuk hian hawthlak mai ka ngaih hmel " thutak zawk chuan ati ta sup a ,"avan hma leh si ve " kalo ti ve sep .

In hau in in khak bawrh bawrh thin mah ila U Ruatruata hi chu ka ngai em em reng tho .
Tuna ka nu hi ka pa in aneih hma phei chuan u Ruatruata hian min awm deuh chawt thin a ,kan bân hun te a inrual deuh nen ka chhun riltam laia ka eitur zawng zawng pawh aman min buaipuiin min siamsak vek thin.Ka pa hna avangin abuai thin a ,U Muanpuia lah lehkhazir a atchilhin min ngaihsak viau mahse azawng zawngin min ngaihsak hman thin silo nen U Ruatruata hian engkim ka period tan tirh thlengin min buaipui vek .Keimah vang liau liau in zak chung chung te khan dawrah pads alei thin a ,ka nu hi nel viau mah ila engkim ka hrilh ngam mai loh vang khân U Ruatruata hi abuai berah atang ka ti mai .







"Anih ilo haw leh vat angem ?" Ka ti a



"Kar khat vel ka thang ka ring a ,kalo haw leh pawhin hna buaipui te ka ngai ve tawh dawn a .Hetia awm reng theih ani dawnlo a " atih chuan kalo huphurh lawk .
Hna te aneih phei chuan minlo tlawh minlo tlawh hman tawh dawnlo chiang sa .





Eirawng te kan bawl hnu ah chaw ei kan siam a ,bár khat pawh ka bár hmanlo Hospital atang call ka dawng a Emergency a awm vangin ka kut sil sawk sawkin Hospital lam ka pan nghal thuai .





"Nunu enge chanchin " Ka ti lût nghal zat a ,ka hah lutuk ka thaw zui hluam hluam bawk . "Doctor apum hi na ati lutuk a ,na chhawkna in ka chiu a mahse a chhawk theilo reng reng ". a lo ti thuai a .
Damlo chu kan en a ,nutling niin apum chu na ti zetin alo vial ngawt ngawt . "Nunu achhungte tu emaw ber kha lo ko lawk rawh " tiin damlo kawr hak chu ka keu a ,akhawilai ber nge na tih hriat tumin ka kutin ka nem nghal zat .



"Doctor hei apasal ania " tiin Nunui chuan damlo pasal chu a rawn hruai lut a ,ka be hman hrihlo .



"Ka pi ka nem laia anat chuan lo sawi vat rawh aw " ti dam thlupin zawi zawi in ka nem kual a ,veilam ka nem ruala na ti zeta a rawn tre chuan thlah thuaiin "Nunu Tramadol kawl lai kan la nei in ka hria lo chiu la ,ka pu minlo zui rawh " ka ti a .
Hospital ah hian Golden card ahman theih vangin damlo thenkhat damdawi kan laktir an hman leh takloh ang hi kan kawl a ,mi rethei deuh leh mamawh te leitir ngai loin kan hmantir mai zel ani.





"Ka pu ,innu khi a rilphir zai angaih hmel a .Hetah Ultrasound tihna khawl kan neihloh avangin ka refer cheu nga in tlânthlak pui nghal dawn nia .Zai nghal angaih ka ring " ka tih chuan rilru hah hmel tak hian athaw halh a ,"Doctor hlauhawm ani em ? Kan harsa a inenkawl na tur pawh kan nei dawn amawni le " ati ban charh a .




"Ka pu innu khi arilphir apuah chuan anunna hial pawh achân thei ,aranglama hmunpui in pan angai " tiin "Golden card innei em ? " Ka ti zui zat .





"Aw nei e "





"Anih chuan in insêng vaklo ang ,Ambulance in inphur thla ula anlo buaipui vek mai ang cheu " ka tih chuan thaw huai hmel apu .

"Nunu damlo te kha sânghnih lo pe la ,Pa Muana a rawn thleng tep ang " ka ti a. VC , YMA ,Kohhran ang zawng te leh mimal ang pawhin poor fund hi an rawn pe thin a ,amamawh tak tak ni a kan hriat te hnenah kan pe chhuak leh mai zel .





Damlo chu kan jection na chuan chhâwk thuaiin a muhil ta suai suai a ,a pasal pawisa kan pek te chuan a lawm si azak bawk si chu hrehawm ti zetin lawmthu asawi mawlh mawlh .

Pa Muana lo thlengin Ambulance ah chuan kan inhlâng lut a ,puanthuah vel lamkawi an la ngaih vangin an chhuak nghal thuai a .Haw mai tuma ka intintuah lai chuan damlo dang an rawn thleng ve leh zui zat .






"Nurse ...nurse khawngaihin Doctor min kohsak rawh ka fapa hian abengah pencil baterry ang kha athun a " tiin hlauhthawn hmel tak hian Casualty ah nu pakhat hi a rawn tlân lut a .


"Ka pi hehi kan Doctor anih hi " ti a nunu in min kawh chuan chunu chuan min rinloh hmel zet hian "nangmah hi maw " ati nghat .





"Aaaa inkhua hian Doctor pakhat chauh emni in neih ?" Te chu ala ti ang deuh deuh a !





"Ka pi i fapa chu khawmaw " tiin ka ban a ,min pe ve mai bawk . Chu naupang te lah chuan nâ han ti hmel pawh apu lo a ,a toys chu ka pawm hnu ah pawh ala khalh niap niap .
Abeng chu light nen kan en chuan pencil battery chu ka hmu nghal thei mai a ,lakchhuah pawh ahar dawnlo .


"Nunu lo vuan bet lawk ,ka pi ake lamah lo vuan la " tiin naupang te chu ka malchunga la hlâng reng chung chuan ka vawn tir a ,
Chutia puitling pathumin kan han vawn beh takah chuan hlauthawngin a rawn tap ta vak vak.




"Ka pi lo thlah miah suh aw" ti chungin pencil battery chu muangchang hian ka la chhuak a ,aharsa hranlo."kha kha nimai lawm " ti a naupang tap chu chhaih zuiin anu hnenah ka pe nghal thuai .
Chu naupang nu pawh chuan lawmthu te sawi luamin an kal leh nghal mai a ,naupang khalh turah fimkhur turin ka hrilh zui hram kha .
Naupang te deuh te hian an hmuh ang ang hi an taksa abikin an ka ,an hnar leh an beng ah te hian thun mai an hrât a ,chuvang chuan an toys vel tur kan leisak dawn anih pawn alian lam an ka a lenglo hi thlan sak hram hram tur .An kâ a lenglo chu an beng leh hnar ah alenglo hrim hrim a chuvang chuan an ka alenglo tawk chiah hi lei sak thin tur .Tunlaiah chuan toys baterry hmang te hi atam a ,lei tirh a abaterry invuahna lai kha charh sak thlap thin tur .Hetiang case hi tûnhnai hian atam riau tawh .






"Nurse ,ka fanu sawn a pum na ati tawh riau mai " nu pakhat hian a rawn ti a , "Nau vei ania " nunui chuan a lo ti sep "va en rawh " kalo ti tha ve mai a .Nau chhar vel hi chu an that chuan Nurse te hian an ti mai zel .
Kawta rickshaw a rawn tlân luh chuan kalo thu mar nghal zat ,zanin chu ngati ngemawni ? An rawn indawt zût mai !




" Nurse...accident kan rawn hruai " patling pakhat hian a rawn ti lût a,nurse emaw minti zel a alawmawm lamah ngai teh ang ," rawn hruai lût ru " tiin ka tho zui a ,kawtah chuan bike pali nga vel hi an rawn tlân lut ve nghal zat .





"Engtia accident nge ?" Glove bun mawlh mawlh pah chuan arawn hruai tupa chu kan zawt a " mi pakhat chiah rawn lut ula midang ho kha chu chhuak ru " ka ti zui lawng lawng .Kawngkhar a rawn dâk huang huang ho chu chupa chuan kalsawn turin a hrilh nghal zat ."An aizawl kal rawn haw lam an accident anih hi " ati nghut a ,"i fapa em ni " ka tih chuan "aw " ati zui zat .

A ke an tuam chhah lûkna chu bakchehin ka chep thler nghal pawp pawp a ,rin ai zetin ake chu alo kak thui a ka buaipui nghal zung zung .
"Ana " ka thui chiah chu alo ti vak nâ ati har ka ti reng ani .Zu rim anam huam dânah ala kaiin na atilo hrih mai mai zawk a ,chuti nilo phei se chuan a te nasa ngawt ang ."Zu in chungin lirthei in rawn khalh haw a ,i tawrh tur ve rêng anih hi " apa lah chuan a ti bul hmuk .





"Aiah ,dim ve deuh ta che " a rawn ti chhuah tuang chuan ka thiltih lai ka chawlhsan phah eihlo ,ka thuizawm hmiah hmiah
"Ana " a rawn tih leh tuarh chuan apa chuan a ngaithei talo deuh ngeni "Lalenkawl a aia na a ka hlap che iduh loh chuan lo ngawi hle hle rawh " ati ta hrawk a



"Aho lutuk ka pu " kalo ti sep .




"Ehe Doctor i awm ani maw ? Ka duty dawn tih ka lo theihnghilh a " U Mahmingi Fourth grade chuan a rawnti lût a , "apawilo " kalo ti ringawt .Ka ril atam tawh lutuk a ka chhang tha peih tawhlo .




"Kan Doctor thar maw ilo nih reng a ? Nurse emaw kalo ti mai che a " ka bula ding pa chuan ati deuh hluai a "nia " kalo ti ringawt .Ka damdawi khawih rim nen thisen thâng rim nen ka luak a chhuak hlui tawh .


"Doctor la naupang deuh kan nei tih chauh kan hria a ,an fak hlawm khawp mai che " te chu ala ti ang deuh deuh a ,ka lo bu liam vel mai mai tawh .






Ka thui zawh chuan ka tuam leh thlap a ,hmunsawmpathum ah zet ani ka thui ni .Engemaw chen chu bike a khalh thei hrih dawnlo phawt ta mai .

"Ka pu damdawi ka ziahsak che hi eise ,nachhawkna ka ziak tel a nitin vawihnih ei se .Chumi kar laka na atih zual deuh chuan nachhawkna pangai pawh inlo pe mai dawn nia aw .Chuan ake hi hmang hrihlo se a thuina hi in ti phelh hlauh ange thuinawn leh angaih chuan ana dawn ania " ti luamin an haw theih thu ka hrilh a ,accident pa thiante niawm tak tukverh atanga minrawn bihthla tawk tawk te chu ning zetin "U Mahming parda kha lo zâr lawk mai " ka ti zui sep






"Ui ka nau chhar tawh zawng zawng ah ala awl ber ang ,mipa kg 3 leh chanve anei a ala awl em em zui" Nunui chuan a rawn ti lut a ,chhar a awl viau aniang arawn hlim lut emai .Keipawhin register a thil ziahluh mawlh mawlh pahin kalo nui ve suk suk .Nau chhar hi a awl ai lo a , achhartu thleng hian kan hah ngawih ngawih zel .Chutia achhar awlsam leh lutuk chu alawmpuiawm zawk.






Hospital atanga ka chhuah chuan dar kua apêl va va tawh .Ka pumruak lutuk chu ka luak te lam achhuak a ka dang aro huam huam bawk .
Ka ph a rawn rik ral ral chuan u Remruata alo ni a , ka pick up thuai "i mu tawh em " a rawn ti zawi sup a "aih " ka ti zawi sep .
"I tha em" a rawn ti chiah reng a ,ka chauh ve bawk em ani ka sil themthum bawk si ka tlûkna vang kha ani hrim hrim .Ka bân te chu anat belh te hian ka hre rum rum.




"Umm emergency an rawn tam deuh thut alawm le" ka ti a chutah "ka haw dawn chiah " ti leh in in lam pan chung chuan ka bia a

"Zanriah te i ei tawh em ?" Atih leh rual chuan ka uak nghal tuarh tuarh .
Chhâng theiloin kawng sir lam ka pan sawk sawk a ka uak nghek .Luah chhuah tur phei chu ka nei pawh anilo.Ka luakchhuak sa nen kalkawngah ui êk ka hmuh thut vang vek.






Ka kawrbânin ka hmui chu ka hru tâwk a ,"Zodinsang " awi ka phu chiang lutuk ka ph ka thlauh tawp .U Remruata nen kanla inbe tak !



















#ka tlai hle mai mahse chawlhni te ania min hrethiam ru aw ,Comments leh share kha minlo tihsak leh hram ula