Ka phone chu chhar leh nghal thuaiin ka hmet eng a ,alo la incut lo hlauh " Aw..aw U Remruat" ka ti nghal chûk a .
"God itha em ?" Thaw chhuak hawk hian a rawn ti sup .
"Umm ka pum ruak lutuk thil tenawm deuh ka hmu thut a " ka tih chuan "mintih hlauhthawn zia i hria em ?" A ti ta nghut .Chutah "kalo kal dawn em ni ?" A ti ta sup a ! "Aih...angailo ka tha lutuk " ka ti nghal thuai.Zanin ah khawthenawm velah an kal a ,achau ngawt ang chuta karah helai a arawn kal leh phei chuan a chau zual lutuk ang .
"Tak zet " atih sup chuan "umm ka in eipuar anga ka mu zui mai ang " ka ti sep a ,inlam ka pan nghal zat bawk .
"Ka bialnu tereuh hi ka ngaihtuah viau che tih hria la ,inenkawl tha ang che " atih chuan min hmulo mahse kalo lai ve em em ringawt! "Ka sawichu i hria em " ati thawp leh sap a ,ka lu ka bu nghut .Min hmu theilo tih hriain "aw....U remruat in ka thleng ka dah phawt aw " ka ti zung zung a ka dah nghal daih ! Thu thlum deuh deuh a min be tura hrilh tu zawk ka ni chung hian ka lai tlat anih chu ! Athlum leh lutuk a zunthlum kan nei ang tih te pawh ahlauhawm.
Inchhung ka luh chuan Nûtei alo mu tawh a ,U Ruatruata erawh ph ah mi alo be mek .Choka ah lût tlangin chhangthawp slice sa ah butter ka tat a ,chaw pangai chu ka ei theih hrih pawh ka ring chuanglo.No ah bawnghnute thli chhuak lehin ka in nghal mawlh mawlh .
"Mate chaw ei kalo siam dawn che mi ?" Ka û in a rawn tih chuan angaihloh thu in ka chhang a ,min hawsan dawn meuh chuan min ngaihtuah zia ati lang leh ta lawm.
"Naktuk zing ah ka thianpa in min rawn hruai dawn a,Dar riat velah arawn thlen ka ring atheih chuan tlaiah thlawhchhuah nghal ka ngai ang" a awmdan tur te chu min hrilh mawlh mawlh a ,naktuk chu ka inkhawm loh mai angai dawn nih hi .Ka inkhawm peih pawh ka ring chiah chuanglo hrim hrim ,tuna ka awmdan ai daih hian naktuk ah ka sil ka ring bawk .
Ka thil inna no vel sîlin U Ruatruata bulah chuan chau zetin ka thu thla zui hnawk a ,ka ph te checkin karleh lamah Aizawl ah ka kal angaih hmel ,meeting kohna ka dawng tlat .
Mahni a han mal tlat takah chuan kawng engkim ah kala puitlin loh zia ka inhrechhuak a ,nula chhel ve tak ni a ka inhriat laiin kalo chhel tawk loh zia ka hre chhuak nitin nimai hian ka hria ! Damlo te tana Doctor tha nih ka tlinloh ka hlauh vang te hian ka chau vek tawh .Ka theihtawp ka chhuah ve chung hian kala junior vang leh kala naupan vanga min rawn pan duhlo tawk te anlo awm a ,athen hian induhsakna emaw tiin chung thu te chu min hrilh chhawng ve leh thin bawk si nen ! Hrelo ilang ka hahdam zawk ka ring .
Remruata PoV.
Ka zing tho chu ka room tukverh ah ka dâk chhuak a ,melh bik pawh neiloin ka ngaihtuahna ka kawm ani ber .Bawihi nena kan inkar hi engtianga han kalpui zel chi nge anih ka hrelo a ,nula hmeltha tak leh hna tha tak nei anih bakah chhungkaw awmthei tak atanga rawn chhuak ani a ka phuloh zia ani telin ka hre thar deuh deuh bawk .Kei aia tha ahmu dawn lutuk ,nilo an intlar pût ang chu mipa thatak atawnna kawng daltu nih ka hlau a ,chuti chungchuan kei thingtlangpa nen kan inzui a ,ka hmasialin ka kaltir mai phal bîk silo ...thaw hakin ka kut hrawl zet chuan ka hmai ka tuai thuak a 'Remruatfel â a suh' tiin ka phun zui hluk.
"Û ..." Ka nau ka room kawngkhar a rawn chum dawt dawt chuan thaw chhuak hawkin ka va hawn sak a "Ih..inleng inei " tiin a kalzui leh nghal mai .Zingkar ah tu tak chu ni ang maw ?
"A ...Remruat ka rawn tiharh che em ?" Sitting room ka luh chuan Bawihi Û in alo ti sup a ,"harh lo e " ka ti tha ve mai .
"Vawin hian chhuk ngei ngei ka ngai a ka rawn hmu lawk duh che maw le inbe lawk ila " atih chuan kan pahnih chauha inbiak aduh ani tih hriain pawn lamah ka chhuahpui a ,kawta ka thutna siam ah chuan ka thutpui nghal zat
Ruata nen hi chuan tum hnih thum vel kan inhmu ve tawh a ,zankhat kan inah a rawn lenglut ve tawh nghe nghe.Kei aia nau daih ani chung hian min û duh bik der lo a ! Tlangval vei neilo ve tak aniin ka hria .
"Ka nau nen in inzui tih ka hria a " atih chuan "adik alawm " kalo ti sup.
"Relax..ka pawmpui thlap cheu nia " ka dara ben thauh thauh pah chuan ati a ,min rualpui biak ve mawp mawp mai chu nia !
"Ka sawi duh ber zawk chu ka nau hi hrechiang la ka duh a ,hmeichhe dang ang anihloh zia hria la ka duh bawk " hmeichhe dang laka adanglam zia chu ka hrechiang ve thawkhat tawh viau ,naupangchhia takin che thin mahse amah an mamawhna hmunah erawh atlânchhe ngailo thung.
"Kan hrilh tlang law law ang che .Kan unau min hringtu diktak hian min boral san hma a ,Zodini phei chuan a hmelpawh a hre ve hmanlo ang kei ngei pawh hian chianglo riau in ka hre tawk .Mipa rualin kan enkawl seilian a ,ka nu leh pate inneih hnu hian ka nu hi Zodini hian apawh mai theilo a kan nuhrawn hi a sual erawh anilo .Chuvang chuan keihian ka enkawl in ka buaipui nasa viau mai .School te kan han kal a ,ka pa leh ka û in zirna an ngaihpawimawh em vangin pawnlamah thian pawh kawm loin inlamah kan inkhung chawt chawt a ,kei erawh rualpawl nuam ti mi ka nih vangin thian erawh ka kawm nual tho.Zodini erawh ka û leh ka pate tih lawmloh hlau in atheihtawp tak meuh meuh in azir thin naupang tê in Doctor anih theih phah ta hial a "
Athusawi chu kalo ngaithla chiang hle
"Heng zawng zawng ka hrilh nachhan ber che chu Zodini hi dawhthiamla ka duh ,ka nau hian naupan lai nun anei velo " harsa tih hmel zet chuan ati chhuak sup a ,chutah nui hak hian "mak iti maithei hmeichhe naupang amah ang rualin ina an piancham ah emaw Christmas ah pawh Barbie tih vel an dawn laiin ,ka nau erawhin apiancham leh Christmas ah lehkhabu hlir a dawng thin thung.Thian akawm ngailo a ,ka pa te tihlawm loh ahlauh luatah ahlimna ve tur chu a dahtha hmak .Board exam a zawh tûk ah ngei pawh a thiamsa te theihnghilh hlauin a la zir fan tho ! A û ka ni chung hian hmeichhe naupang nun diktak ka pe thei lo a ,ka lakah pawh apangchan ngamloh zia ka hre bawk .Remruat ka nau hian ilakah a rilru zawng zawng ape tih ka hmu a ,i chanchin asawi a amitmeng danglam thin pawh ka hmuhhmaih lo .Kan pek theihloh atleirawl nun te ,hmeichhe naupang nun zawng zawng te kha nang chuan i pek theih ngei ka ring .Kalsan suh ang che ihria em kalsan miah suh ." Ti chhuak supin athaw hak a
"Khang hun ah khan let leh thei ilang chuan ka nau kha hlimna zawng zawng ka pe ngei ang .Hmeichhe naupang nundan hrelo khawpin kan siam a ,ani lah chuan phunnawi loin atur ve reng emaw alo ti a ! A chhungte niturin kan tlinglo takzet.Tuna a Doctor nihna te hi a aduh rêng em tih takngial pawh a inhrelo ang ,enge anihchâk vawikhat pawh kan zawtlo .A nundan athanhnan a ,tunah chuan han lênkhawthawn te hi tum ve thin mahse reilo ah ahne zung zung tawh zawk "
Ruata haw hnu chuan ka inngaihtuah vang vanga ,naupangchhia tak tak a Bawihi a tawng thin te ,ka duatna thlahlel taka min biak thin dan te ka ngaihtuah chhuak nghal zung zung a .Duat taka enkawl ka châk tluk zetin ka enkawl zawhloh ka hlau viau si ! Retheihna hrelo a seilian ani dawn a ,thingtlang nun hi a man thiam ve meuh angem ? Tihte thlenga ngaihtuahin avawikhatna atan ka thutthlukna siam danturah ka buai ve ta map.Ka zirna ka chawlhsan dawn khan vawikhat pawh ka inngaihtuah nawn eihlo ,tun ah erawh hmeichhe te tak te vangin abuai thung a !
"Bawiha ipa in hma asawn tawh tho a ,i nau hi khawpui lamah chhuk leh tawh se enge i ngaihdan " a chawei thukh meuha ka nu in atih chuan ka pa pawhin "ni e ka tha tawh alawm "tiin alo tuihnih ve a ,Ramngaihawmi erawh angawi reng ka nu alo tlawn leh tawh tih ka hrechiang viau bawk .
"Atul tawhlo ,dawr min enkawl pui tawh zawk rawh se " ka tih nghut chuan ka thutlukna ka sawhsawn dawnlo tih hria in an sawi nawn leh tawhlo.
Ka nau hlimna ka ngaipawimawh lo anilo a ,unau pahnih chauh kan ni a ka nu leh pate hian Ramngaihi an thlâkhlelh zia ka hria a ahlimna daltu nih an duhloh vang chauh a kaltir phal an ni tih ka hre bawk .Bakah atan khua a awm hi atha zawk ,kan hmuhphakloh a awmreng tur chuan a rilru apui tling lo mah mah .Nula ani a ,mi thenkhatin kan hmuhphakloha anundan an rawn sawi ve thin bawk nen ,athalam zawng ani hleklo leh nghal !
"Û min kaltir leh mai la " ka room ka lut chu min rawn zui lût
"Ka ngaihdan ala ngai reng ,ka sawhsawn lo bawk ang " ti hmukin inkhawm turin ka thawmhnaw ka la chhuak zui a
"Û hlawh pawh athat em kha ,bakah kan chhungkaw tan zel ania bakah ka pa pawh aziaawm tawh tho a "
"Ramngaih ka nu leh pa ten an thlâkhlelh zia che i hria anilawmni ,ka chawm zo em em ang cheu .Kan hmuhphâk loha awm atul tawhlo " ti thawtin "chhuak rawh" ka ti zui nghut .
"Anihte chuan ka zirna ngaipawimawh loin nangmah te khan Doctor te kha zirzo law law ta che ,khitah kan awm tawh tur .Engatan nge min zirtir ve vak vak " ti tiauin a chhuaka ka room kawngkhar a rawn khar pawp chuan ka phun zui hluk .
Ka thawmhnaw pawh chu dah lût tawh lemlo in khumah ka thehthla hnawk a , ka hmai ka hup thawk ..
Ka nau ka ti tap ringawt a 'Remruatfel eng chiah nge maw i ngaihtuah ni ' ti halhin ka thawmhnaw thehthlak chu banin ka inbel zui mawlh mawlh .
Zodinsangi POV .
"Û minlo kaitho ve tal ta che " ka sam tawn tawm mawlh mawlh chung chuan ka ti a ,thawh ka hai chiang ngei mai .
"Apawilo i chauh ka ring a ,keimahin chaw kalo ei mai a Nûtei'n a nghak thung che . Lawmsânga alo thleng tawh a min thlah ve la ka tih vangin kalo kai tho mai mai che nih kha " atih chuan ka inthiamlo viau mai .
Pawnah kan inzui chhuak a ,athianpa ningei tur chu kawtah alo ding reng tawh .Helmet akhum vangin ahmel erawh ka hmu theilo thung.
"Princess chuan thawh ahai animaw " tiin min lo chhaih ve ngei a "nia " tih bakin ka chhanglo ,ka hriat ngai pawh ani bawk silo . "Mate inenkawl tha la ,kan kal phawt mai ang " ka chhipa rawn fawp zeuhin a ti a ,bike ah alawn zui zat .
"Tlan chak lo ula, û tluangdeuhin kal ula lo let leh vat rawh aw " he khuaah hian a rawn let leh mai dawn lo tih hre reng chung chuan ka ti sap ,"awle " tiin an tlân chhuak zui a ,a bagpack ah chuan a inkhung kim thei ta aniang a inakpuar luah mai
Ka û haw chu a reh phah hawk te hian ka hria ,aphun peih ber leh tawngduh ber a awmlo a tian Nûtei nen kan che leh rak rak hrih dawn anih hi .
"Nûte ka nuamsamlo emai vawin chu min hrethiam mai la ,inute chu minlo biak dawn nia " tiin pawn thleng ka thlah a ,a inkhaibawr lutuk chu hnunglam atang thla ka laksak zui zat bawk .
Khawsik in min tham er er reng a ,khumah rizai sin hlûnin ka mu .Ka chau deuh nge ni ka ph a ka thil chhiar chu ka lo chhing leh sek thin.Nakin lawkah zirna ka zawm leh mai ka ring a tun atanga ka inpuahchah lawk loh chuan ka harsat lutuk ka hlau ani .
Ka ph ri in min ti harh a ,enchiang hleilo in "hello" ka ti zawi sep.
"Ka ti harh che em ni " lehlama mi in a rawn tih chuan ka harh chiang ngang mai ! "Ih.. kalo muhil zawk a " ka ti bah nuaih a sana kan en chu dar khat alo ri tep .!
"I tha chiah em ?" Atih chuan "ka khuasik ve deuh a ,mahse asâng hranlo ngaihtuah..." Ka sawi zo hmanlo "kalo kal ang" tiin adah zui daih!
Tho chhuak vatin ka hmai ka phih nghal sawk sawk a ,inbual na hun a awmdawn tawhlo vangin ka thawmhnaw haklai chu thlâkin perfume kan inkâp te te a ,ka cherang lutuk te chu keimah leh keimah ka in nuih leh thin.U Remruata hmuha lanmawiloh chu hlau ve tak ani .
Kawngkhar kik tu an awm rual chuan ka hawng nghal thuai a ,U Remruata ngei mai chu alo ding .Kamis var ha in smart pants dum a ha a smartshoe abun thlap bawk ,a inkhawm ani ngei ang .
"Lo kal kher angai lo sin " ti neuh neuh mah ila alo kal loh ka hlau daih zawk sia .
Ka chal khawihin "i pang ala sa nih hi ,nachhawkna i eilo em ni ?"ati ta sup , " eitho e " ka tih fân ruih chuan awihloh hmel zetin "takzet " ati hluk a ,chhunglamah min nawr lût zui nghal thuai .
Doctor te chu han ni mah ila damdawi mum lem hi ka hreh lutuk ringawt ,bakah ka damlo khât ve hrim hrim bawk .
"Nachhawkna chu rawn la la " dam thlup a atih chuan "kawllai ka neilo " kalo ti sam et a
Thaw hak hian "ka va lei lawk ang" ala ti ta deuh deuh !
"Naaa U Remruat ka eiduhlo ,khawsik te chu a reh leh mai dawn alawm ..Ei kher pawh angai lo " ka ti ta hap a "damdawi mum i ei theilo em ni " beidawn hmel zet hian ati ta ringawt .
"Aw. ...diktak chuan maw ka hrawkah hian tâng angin a awm tlat zel ! Ka awm thiam thinlo hrehawm ka ti " ka ti chuai raih a , "Awle nachhawkna chu i kawl tho tiraw "
"Umm room ah awm "
"Va la rawh le " dam thlup a tiin room lamah min nawr lut det det a ,hreh zetin kala ta nge nge .
Fiante leh chini min dil chuan ka pe ve mai a ,rawt dipin chini chu aphul a tui tlem aleih bawk "ti hi chuan a zia deuh ang " ti supin ka hnâr a rawn hmet ping a ka kâah a rawn chhung lut nghal zat .Ka inring hman eihlo remg reng ! Tui no a min tulh leh hnu chuan "kha kha nimai lawm " a ti dam thlup a ka nui ve tawp tawh
Tihtur dang awm heklo ,thuthlengah amah ngheng ar ar in ka thu mu ti tih a ,ani erawh ake lehlamin chhuat a rap thung .Pangtilum angahin amah apalian bawk nen lum ka ti tan tawh viau mai .
"U remruat keichu damloh reng mai ka duh" ka ti sep a
"Bawihi " alo ti thum dut .
"Nge min duat em alawm " ka ti hap . "I dam hunah pawh tiang tho hian ka duat ang che ,chuvangin damtha takin awm reng rawh " ati ta nghut a ,ka fiamthu mai mai ani sia ! Alo la thutak vel lutuk .
"U Remruat ngati nge Doctor kha i zirzawm leh mai loh a ,ka sawitur a awmlo na chu maw ka uipui che " tri dâk chuan ka ti a ,a mize dam thlup mai te nen hian a inhmeh dawn mai sia "sawi i duhloh pawn apawi chuanglo ka zawt mai mai che " min chhan mai loh vang chuan ka ti leh sep .
"Khatih lai khân kan neih zawng zawng tak meuh meuh in ka inzir a ,ka theih ang angin inhlawhna te pawh ka buaipui ve bawk .Ka pa damlohna in min tlakbuak a ,sum thawkchhuak tu ber in atheihloh takah chuan ka haw ve ngawt a " harsa tizet chuan ati chhuak sup a ,thaw chhuak halhin "zir zawm leh mai thei tura ka inrin laiin sum pûkchawpin thla nga teh meuh chu kalo inzir tawh tih ka hrechhuak leh a ,ka nu leh pate rilru hah reng reng a dah ai chuan tiin in lamah hna ka thawk zui a.Ka nau in a zirna achawlhsan ve mai ka hlau bawk nen ,mi ina lawi tur zawk ani a zahpuiawm loh tawk tala thiamna neiin
pasal neihtir ka duh vang ani pah bawk " atih chuan adarah ka ngheng salh a ,ka khawngaih lutuk chu ka mittui hial a tling dawn mai!
"Apawi ka ti ,i châk ber inih theihloh laiin keive chu ka châk ber pawh nilo ka ni duh em tih pawh ka inhriatloh ka duhtawkin ka zir bik a " ka tih sep chuan anui nghawr dawt a "Doctor hmeltha deuh i rawn nih phah tal alawm " alo ti sup .
"Kan duhdan ang diak diak a thil thleng tur nise Pathian kan mamawh nang " atih chuan dik ka ti ngang mai .
"Nangpui hi ilo Pathian thu zek mai " ka ti deuh hluai a ,a ri meuhin a nui ta hawk hawk ! "Bawihi leh " ti nghutin ka biangah chuan apiai ta vak a ,akut chu ka han man bet nghal thuai .
" Nang chu...Naupangchhia deuh hian min chhaih thin a " ka tih nur nang chu amit ti zim sun hian "naupang chu nila tiang hian ka ti miahlo ang che " ti nghutin ka khabe ah a rawn dawm a min fawp zui nghal ngawng ngawng .
Ka hamhaih deuh nen ka chhanglet lawk lo a ,ka mitchhing riai riai in ka thiam ang tawkin ka chhanglet ve ta ngawng ngawng . Kan hmui la insi reng chung chuan ka kawngah vuanin min chawi lawk a amalchungah ka thu der ?
Inkiss azei zia te chu amak zawk ! Ka tan engkim athar hlak ang anih laiin ani chu abu ang thlapin a che ka ti mai ..
Hreh hmel zetin a inla hrang a ,a thaw zui halh halh keipawh ka thaw zui ve nghal hak tho ..."U Remruat..." Ka ti sep chu ahmuiin ka hmui a rawn nûl leh thuak a "ka haw ahun tawh in ka hria " ati zui sup . Thawp sup hian "ka hawloh chuan ka bialnu tereuh hi ka tina mai ang che " khisuk chung chuan ati leh sup a ,a thusawi awmzia hrethiamlo zet chuan kalo melh ving vung ringawt.
Kalo melh reng chu kiai suk hian "hmeltha nu " a ti sup a ,amalchungah ka thu chung chuan buai map lo hian min dinpui zui zat .
"In enkawl tha la ,atheih anga tam mut itum dawn nia " ka hmai zar tu ka sam chu ka bianga min zeh sak zeuhin pawnlamah kan inzui chhuak a ,Kawtah chuan bike hi alo ding reng !!
"Chaweitui le ka bialnu" khi suk a atih chuan "nangpawh le ka bialpa " nui ver ver hian ka ti let a
Bike a alawn rual chuan ka kut ka vai zui lauh lauh .Bike anei tih ka hrelo reng reng !
U Remruata haw hnu chuan mu tawh lemlo in rawng ka bawl a ,ka bawl ti ila artui ka chhum a antam tukin a kan kawmchhak te min rawn tharsem chu ka tlak bawk.Kawmchhak te hian kawtah antam an thar ve nual a ,ka awmhlim pawh khan min rawn pe tawh nghe nghe ahâng tui thei phian leh nghal.Chawhmeh mawm lam hi ka ti thei vaklo a ,tlak hâng lam a awm hi chuan ka duhtawk viau .Antam ngat phei chu atui hâng hawpon atak hi hmarcha hmui nen han althak ila hmeh dang hi angai tawhlo reng reng .
Nûtei an inlama zanriah a ei nghal dawn vangin chaw ahmin rualin ka ei zui mai a ,thleng ka sil mawlh mawlh laiin call ka dawng zui zat bawk .
Meeting hun naktuk atan an sawn thu hi alo ni a ,naktuk ah Aizawl chhuk lawk ka ngaih hmel. Ka la junior ang reng sia han phat ngawt chi lah ani bawk silo .Motor chuan ka huphurh ngang mai .
Hospital lam pana ka chhuah chuan khua alo thim thet thet tawh a ,ala hma viau thung .Thlasik lai hi chuan khua hi athim hma viau zel.
Duty inthlak hunlai anih vangin Nu Madini leh Nunui inthlak tur ka nang hman ve ve a ,Aizawl ka kaltur thu te chu ka hrilh ve nghal mawlh mawlh .Scooty ka khalh zuamloh deuh vangin Nunui chu Zingkar sumo chhuak ah seat min hauhsak turin ka ti a ,seat ruak alo la awm hlauh.
Damlo discharge theih mai tawh tur te chu an damdawi eizawm tur ka ziahsak lawk sa ta tawp a ,ala awmtur te pawh an damdawi zawmsak na tur nen lam ka ziak thla nghal vek .Zankhat chauh riak tur mah ni ila ka ngaihtuah viau mai.Ka buai phah viau bawk
Inlama ka let leh chuan Nûtei pawh alo in chhiar leh lauh lauh tawh ,naktuk lam Aizawl ka kal lawk tur thu ka hrilh hnu ah ka nu te ka be leh a sumo counter a min lam tur rawn tir turin ka ti tawp.Helai hmuna min rawn hruaitheih thu sawi mahse ka duhlo ve tum hrang a ,Sumo a haw thla tur chuan min ngaihtuah ngang mai .A awm ve tho kala chuang ngai miau lo a ! Ka inlak engemaw vang nimiah lo in chuan ngaihna tur angin kala awm tlatlo ani .
Ka nute ka biak zawh ah U Remruata ka call leh a ,apickup theilo thung a inkhawm ani maithei .Message ka hnutchhiah ta tho a .Zinga thawh hma ka ngaih vangin ka muzui nghal mai bawk .
Zing hma takah tho in ka insiam zung zung a ,insiam ti ila thawmhnaw ken vel ka ngailo ka awm ang ang hi ani mai. Khu lamah ka thawmhnaw tam zawk ala awm a inken bawr buai ka ngaihloh phah hlauh.
Kâwn ka thlen thlak chuan Sumo pali dawn hi anlo ding a ,ka thlek ka thlek hnu ah ka chuanna tur ka hmu ve hlauh.Alai ah pawh alai takah ka thu dawn a ,nutling pahnih hian min laitah zui...thaw aveng lo duh ngei mai.Passenger dang nghah kan la ngaih avangin an chhuk leh hrih a ,kei erawh chhuk peih tawhlo in motor chhungah ka thu rân .
"Ehe.....enge ilo tih dawn a !" Mak ti zetin motor tukverha U Remruata rawn dak chu kalo ti vak "nizan ah ka lo call let che a i mu tawh ani maithei" ati sup a ,zawhna kan inchhanglo thei ania !
"Meeting vawin ah an sawn a kal leh thut ka ngai sia ,whatsapp ah kalo hrilh che kha " ka tih chuan "ka hmu lawm " alo ti ve leh tho sia "lawk aw " ti supin akalsawn a ,tukverh atanga dak chunga ka en chuan driver alo be mek !
"Bawihi ahma ah hian thu zawk la " a rawn let leh chuan ati ta sup ! "Angaikherlo hetah pawh hian a hrehawm hleihnem " kalo ti thuai.
"Ahnunga mite'n chhuk an duh apiangin i chhuk ve zel angai dawn a ,lo kal rawh le " ti a motor kawngkhar a hawn chuan ka chhuk ve mai a ,ahma kawngkhar hawngin min thutluh tir nghal zat . "Ti kha chuan azia deuh ang " ati zui sup bawk .
"Le ...lut khawm ila kan thleng kim e " driver chuan a rawn ti lauh lauh a "U remruat enge kalo hawn ang che " ka ti zui vat .
Hnuailam biha khi zui suk hian min rawn en lehin "nangmah " ati sup.Kalo lai lutuk chu ka biang asen hlar in ka ring .
"Bawihi engmah ka duhlo tluang deuhin ilo haw leh dawn nia " atih chuan ka bu nghut ringawt 'ilo lêt ' tilo a 'ilo haw ' tih thu ahman chuan engtin emaw tak hian amah min hnaihzual tir ni mai hian ka hria
"Remruat tluang deuhin ka thlenpui dawn ngaihtuah suh " driver in a rawn tih hluai chuan Sumo chhunga rawn lut tawh ho chu an nui nghal dar dar a ,lai zetin U Remruata chu lei ka chhuahkhum ringawt .
Reilo ah kan chhuak nghal mai a ,U Remruata chuan kan tlan liam hma zawng min thlir tih side glass atang ka hmu thei ,mak deuh maiin ka ngai nghal ringawt bawk !
"Remruata nen khan inni ve deuh ani maw " uang zeta driver in atih chuan lai zetin ka lo nui mai a ,a tawng a ring tha si kan hnunga mi te pawh an nui ve hak hak mai .
"Kan doctor nula kha ilo ni reng a ,i hmel tha veng reuh sia mo atan ka va awt che e " kan hnunga chuang nu valai ve deuh mai hian a rawn ti deuh hluai . "Awiha Nu Zampuii chu a ,iti anglo ifate ah ngaihzawn rual pawh anla awmloh kha " tu ber nge rawn tawng ka hre theilo.Kan nu rual bawka kan ri thla bawrh bawrh dawn a ang .
"Alo nghak lian mai dawn alawm " a tih te chuan amah ber ber chu alawmah atanga anui zui uarh uarh.
"Remruata in ngam dawnlo emai a ,Doctor fing deuh kan nei a kan khaw tlangval chhuanawm a rawn thûr nulh mai hi " Driver in ring lenglawng a atih chuan U Remruata puitlin zia kan hnunga thute lawh chuan an rawn sawi ve nghal sap sap a ka rilru in U Remruata chu kalo chhuang ve em em ringawt .
Reilo ah Aizawl kan lut a ,zing chhuah kan ni bawk a kawng lai velin min danglo hlauh .Daiin kawngpui a bawm hnawn deuh vang erawhin kan tlan chak lo mai pawh a ,apangai chuan tlân ila hei aia kan thlen hma ka ring.
Sumo atanga ka chhuk chu ka scarf awrhin kan invaw thuak a ,akhu luih thei nia ! Akhulo viau khan ka hre sia !
"Mate ..."
"Û tinge nangmah " ka û ka bul alo thlen rual chuan ka ti sep.Amah hian minlo lam ka ringlo reng reng !
"Ka pa in inlo chhuk tur ahriat rualin lam tur che in order min pe nghal tawp " atih chuan kalo nui ve tawp .
"Dar engzah nge in meeting dawn " atih chuan "10:30" ka ti sep a "umm nih chuan ka nu in thei lei turin min tia lei kawi lawk ang aw " ati a ,kan tlan chhuak zui nghal .
In kan thlen chuan dar kua a ri hnai tawh a ,Civil Hospital a meeting tur kan ni bawk a ka hmanhmawh hranlo viau .
"Mate in rawn thleng tluang maw " ka nu chuan alo ti deuh hluai a "kan rawn thleng khu luih mawle " ka tih rualin anui zui nghal hak hak ."Ipa in lo hmuh che a duh viau laiin frozen ho khar chhawng duhin an rawn ph leh sia dawr lamah akal leh lawk anih kha " inchhung ka melhkual lai chuan alo ti vat a ,ka pa ka zawng tih ahria ani mahna .U Ruatruata erawh nimin tlai la la khan Delhi lam panin a thlawk chhuak nghal.
"Chaw kan ei nghal mai dawn mi "
"Nu kan inbual lawk ang aw ,ka bal emai " tiin inchung lam ka pan zui a ,ka room ka luh chuan tihfai ngun tih hriat tak hian engkim chu alo felfai thlap .
Muangchangloin ka inbual nghal thuai a ,insiam nawn leh ngailo turin ka inchei sa nghal thlap bawk .
Tukthuan kan eikham zawhah ka û in min thlah kawi theih nghal dawn vangin kan pahnih bawk chuan kan inphur chhuak leh zui zat a ,message in U Remruata ka thlentluan thu ka hrilh zui zat bawk .
"Mate ngaihzawng inei ve deuh em ni?" U Muanpuia'n a tih rual chuan hreh zetin "umm " ka ti zawi sep .
"Ruata'n a sawi a aduhpui viau mai che .Enghna thawk nge ?"
"Mistiri ania hei furniture vel te hi asiam thin a,afel lutuk ringawt " ka ti deuh luam a alo nui hak thung "i duh viau animaw " ati zui sup .
"C'mon min hlau viau lo teh Ruata bula i sawi ang zawng zawng hi ka bulah thlen ve thin rawh " nui chunga atih chuan kalo thaw huai thei nia !
#Naktuk ah exam ka nei dawn a ,athui lutuk theihloh bakah ka edit hmanlo .Minlo hrethiam mak ru ka rilru hah bawk sia lo dah ka duh tho bawk sia ngaihnawm lo ngawt ang .Comments lam kha inthlahrung lo ula ,min hau tur ringawt te khan lo comment vak vak ru
"iva lerh ve " tih ringawt te khan rawn comment ula ka haw lo ania 