Captain (Chapter-7)

[Rebec Nunziri]

Chapter-7




Ava Lalhmingmawii POV




Ka room kawngkhar kik ri ah chuan chiang lo riai in ka harh a, "Bawihte che ei kan peih tawh a, lo chhuk la" ka nu chuan pawn lam atang chuan a ti a, "Awle.. ka lo chhuk nghal ang" ka ti a, ka nu pawh chu a kalsawn nghal, ka thawmhnaw tak ngial pawh thlak lovin ka lo muhil daih chu niin, rang takin ka thawmhnaw chu ka thlak a, inhnuai ah ka chhuk vat, kitchen ah ka luh chuan min lo nghak thap a, a in thlahrun awm duh viau mai.




"Ka fanu i nuam lo em ni?" ka pa chuan a ti a, "Nilo e, ka chau deuh a ka lo muhil daih alawm mawle" ka ti a, engmah a sawi zui lem lo, chaw te kan ei kham chuan kan ti fel zung zung a, Mami engmah ka tih pui loh avang chuan thleng sil chu ka chuh a, a phal lo viau nangin ka tih luih tlat avang chuan kin hnial bik lo.




Ka sil zawh hnu chuan ka chhungte thut na lamah chuan ka va kal ve a, kan titi mai mai a, ka pa chuan hna lam te chu min zawt luam bawk, dar 7 a rik chuan room lamah chawlh hahdam ka duh thu sawiin ka chho leh ta daih a, ka phone ka kal khawih miah loh avang chuan ka bag atang ka la chhuak a, Abraham-a Miss call a lo tam ngang mai, call back ta lem lo chuan WhatsApp lamah chuan ka lut leh ta a, Arintei message a lo awm va mai.




Ka chhang let nghal a, Rindika nen vawin ah an chhuah naa an thil tih te chu min rawn hrilh nasa mai a, Abraham-a nen kan chanchin ka hrilh vek tawh a, a ni pawh in kan chungchang chu min rawn zawt a, kan in hauh thu vel chu engmah ka sawi lem lo, Rindika a len dawn avangin kan in be rei vak lo, zan tlai ve tawh viau mahse khua a lum bawk nen inbual chu ka tum ta tho a.




Ka in bual zawh chuan ka taksa ah cream ka hnawih kual a, thawmhnaw ka hak zawh rual rual chuan ka room kawngkhar chu an rawn kik a, ka lo chhawn vat, Mami chu a rawn lut a nui vur vur lehnghal, "Enge I nuih a?" ka ti ha a, "Changtupa a lo kal ania, lo chhuk rawh, in hnuai ah an nghak reng tawh che" a ti a, a chhuak lehnghal daih.




Room atang chuan ka chhuak a inhnuai ah ka chhuk nghal, couch ah chuan Abraham-a chu a lo thu run a, ka pa in a lo be mawlh mawlh bawk, "Bawihte hei I thianpa a lo leng a" ak nu in min hmuh rual chuan a rawn ti a, Abraham-a chuan min melh run a, melh let duh lovin ka nu bulah chuan ka thu thla a, ka phone ka khawih nghal daih bawk, ka nu leh pa leh Abraham-a te chu an titi a, Mami kha khawiah nge a awm ka hrelo hmuh tur a awm lo hrim hrim.




Kitche atang chuan Mami a lo chhuak a, tray a rawn chawi chhuak bawk, thingpui te chu kan in a, engmah ka la sawi lo thung, Abraham-a chuan min en leh zeuh zeuh thin tih ka hria, mahse ka hrelo der tlat thung a, "Kan mu dawn aw, ka mut a chhuak tawh lutuk" thingpui kan in zawh chuan no seng fel pah in Mami chuan a ti a, "Keni pawh kan mu dawn em niang, Bawihi nu" ka pa chuan ka nu en pah chuan a ti a.




"A pawi lovang, Abraham Bawihi nen khan lo in kawm rawh u aw, kan mut san mai ang che u" ka nu chuan a ti a, Abraham-a pawh chuan ka nu leh pa te chu a lo mangtha ve sup a, an luh bo diak takah chuan thawm chu a reh tlawk tlawk a, Abraham-a chu a thut na atang tho in ka bulah chuan a rawn thu a, "Nana" a ti zawi sup a, ka chhang lo hrim hrim.




"Vawin avang khan ka tih palh, khatiang thil kha vawikhat mah a thleng nawn leh tawh lovang tih ka tiam a che" a tih chuan a mah en tur chuan ka lu ka ti che a, a ni pawh chuan min lo en ve run a, kan mit leh mit chu a in tanwg chat a, "Khatiang thil kha engtin nge awlsam taka I sawi theih zawk ka hrethiam lo a ni" ka ti hap a.




"Ka tih palh ka thinrim em a, ka in sum hman lo ani, vawikhat mah ka sawi leh tawh lovang, dik tak chuan khapa kha ka thil em ani, a en danah che kha ka duh che tih hi ka hai lo asin, ka hmeichhia mipa nen hmuh dun hreawm ka tih zia i hrethiam phak kher lovang, chupawh mipa satliah nilovin a mah duh em em tu a ni a, ka thinrim na khan min hneh em ani" a ti sup sup a.




"Nana ka tih palh khatiang thil kha a thleng leh tawh lovang, i duh chuan khapa kha i hmu thei ang, mahse ka tello chuan i hmuh ka phallo, a ni khan a duh che tih ka hria a, duh let ve lo mahla ka tello a in in hmuh ka rem tilo" a ti a, "Awle... I tello chuan ka hmu tawh lovang, mahse khatiang thil rapthlak lutuk kha vawikhat mah sawi tawh suh ang che" ka ti a, hahdam huai hmel a pu.




"Awle, ka lawm e" ti sup in ka chal ah chuan min rawn fawp vang vang a, "Ka nagi lutuk che tih i hria em, ka phone I la thei bawk silo" a ti a, "Ka ngei che alawm" ka tih chuan a nui chhuak hawk hawk mai, "Ok.. min ngei tawh lo, a nilawm ni?" a ti a, ka lo bu nghat nghat a, thutthlengah chuan in ngheng chial in kan thu dun a, ka kut chu a khawih niap niap a.




"Kan la in hriat loh lai khan min ngaihtuah ve ngai em?" ka ti a, "Engtik lai pawhin ka rilru i kuah reng thin, theihnghilh lai che ka nei ngailo" a lo ti sup, "A nih, engtik atang nge min duh tan?" ka ti leh a, "Ka hrelo, ka hmuh hmasak ber atang che khan a ni maithei, kha ni hmeichhe cute zet mai ka hmuh khan hawisawn nachang pawh ka hrelo a nihkha, school ka kal lai te khan in a haw vat vat tluk a chak ka nei ngailo" a ti a.




"Nang engtik atang nge min duh ve tan han sawi teh" a ti a, "Ka la naupang lutuk a khalai kha chuan, I kalbo ni atang khan ka ngaih lutuk vang che in ka tap nasa thin asin aw, nikhua a lo rei a, thleirawl ka nih khan tu mipa mah ka rilru ah an awm theilo, a chhan ka hre biklo, mahse nangmah ka ngaihtuah fo che a, ka duh che tih ka hre ta mai a" ka ti a, "Chu min lo ngai thin viau a ni maw?" min fiam deuh chung chuan a ti a.




"Ngai e, I awm loh atang khan thian kawm tur mumal pawh ka nei tawh silo a, a hreawm thei asin aw" ka ti leh az kha mi hun lai kha ka ngaihtuah let a hreawm ka la ti reng mai, "Tun atang chuan i hnenah ka awm reng tawh ang, tuman min then hrang thei tawh hauh lovang" a ti a, ka lo nuih sen sen mai.




A awmdan chu a siam rem a, a pheikhawk chu a tlawh phelh a, ka hnunglamah chuan athu a, kei a kap karah ka thu thung, hnunglam atang chuan min rawn kuah a, a awm chu ka ngheng chial a, ka kawr chu hlim in ka dul chu a kut lum vung vung chuan a dawm a, ka mur chem chem in ka hria, a zut kual delh delh a, a nawm em avang chuan mut chhuak in min rawn zem a, ka ham bai bai mai.




"I mut a chhuak em ni?" a rawn ti sup a, lu ka thing nak nak "Tlai ah khan ka muhil a" ka tih chuan a nui nghing dawt a, "I ham nasat em kha" a tih chuan ka nui ringawt, a kut chu chul leh chho zawng chuan a ti che a, a rei deuh hnu chuan ka hnute chu ka bra chhan ah a rawn hum a, ka lo tang teuh mai, hetiang hian tu mipa mah ka la awmpui lo ka tih tawh kha awm dan mai tur ka thiam lo a ni.




Ka hnute chu a rawn tham deuh salh a, bra chhan ah mai chuan a duh tawk ta lo, ka bra chu a nawr tawm chho a, a kut lawng ngei mai chuan ka hnute chu a rawn tham a, ka lo thaw hak mai, ka hnute chu a tham deuh salh salh a, ka ngawng ah chuan hmai rawn phum in ka ngawng chu a fawp dek dek a, thawk a rang duh ngei mai.




Chutiang a rei tawk fang kan awm hnu chuan a in la hrang ve ta hram a, "Ka haw tawh ange, a tlai tawh bawk si a" a ti a, sana ka en a, dar 11 a lo ti tep tawh, "A la hma alawm" ka ti hap a, "Naktuk hna kal te i la ngai dawn si a, mut I khamo palh ang" a ti a, ka hnial zui ta lem lo, kawt tleng chuan ka thlah a, a tlan liam lai chu ka thlir vang vang mai, ka bula a awm tawh lo hnu chuan ka ruak huai in ka hria a, ka ngai nghal veng veng mai.




Room ah ka chho a, ka hnai te phih faiin khumah ka in thawlh nghal a, ka phone chu a rawn ri meuh a, ka en nghal vat, "Ka thleng tawh aw, tui deuh in i mu dawn nia, i mumang ah min hmu ang che" tih hi a lo nia a, ka nui chhuak hak, a va han thleng hma em em ve, an in awm na leh kan in awm na hi a in hlat ve a, minute 20 pawh a ral lovang tih a in a thlen tnu min rawn hrilh a nia, a tlan chak hle pawh a ni mahna.




Zing ka harh chuan ka mood a tha ngei mai, in hnuai ah ka chhuk a, Mami chu a lo che leh malh malh tawh mai, kitchen a ka mut min hmuh chuan min lo nuih var var a, "I tho nuam maw, I hmel hmuh a nuam riau nizan lamah Changtupa a lo kal vang a ni chiang" tiin min lo fiam a, henu ham nghal theih dan em em hi chu aw, "Nghal suh" ka lo ti a, za zetin a nui chhuak a.




Company ka thleng a, Abraham-a motor a lo awm vang tawh mai, nidangah chuan min thlen khalh ngai miah lo kha a nia, ka awmna lam ka pan a, enge awmzia ka thut reng reng hmuh tur a awm hauh lo, a lo tuak vek, hrethiam lo zet chuan Abraham-a office ah ka lut a, thawm a awm takah chuan Abraham-a chu a rawn hawi chhuak vat a, min hmuh chuan .in nuih suk a, a thut na atang chuan a rawn tho chhuak a, ka lam pan chuan a rawn kal a.




"Good morning ka bialnu duhtak" a ti sup a, "Ka thutna a awm miah lo ania" ka tih chuan kiai leh suk in sir lam chu a thle zeuh a, a thlek na lam ka en chu mak ti lutuk in ka ka hau ringawt, ka table leh thutthleng te chu a lo in hung fel than a nihchu, "Enga tinge hetah a awm ringawt a, ngawi teh nang hian I dah a ni lo maw?" ka ti a, "Chiang e, tun atang chuan ka office chungah hian I awm ve tawh ang" a tih chuan hahthlak ti lutuk in ka melh a.




"I ti awm ang lo emai, hetah engtinge i office chhungah hian ka awm ve theih anga, a awm in a ang lo lutuk" ka ti a, "Hnathawh laiin I hmel hmuh reng ka duh alawm, chuan tun atang chuan ka PA I ni tawh ang, a hmaa I hna kha chu ngaihtuah suh, vawin atang midang in an thlak ang che" a ti a.




"Chutiang ngawt a ni thei hleinem" ka tih leh talh chuan "Ni thei teh reng mai, ke hi hotu ber ka nihhi" a ti a, sawi tur pawh ka hre tawh lo, "Le... coffee min siam ta che" a ti sup a, a siam na vel a office chungah a awm ve vek tho avang in chhuak lovin ka siam a, ka siam zawh chua ka pe vat a, "I coffee siam tluk a tui hi ka la in lo" a ti a, "Ei siam ka thiam alawm" ka lo tih chuan a nui hawk a.




"Chu nupui tha tak a nih dawn chu" a ti a, ka thut na tur a dah ah chuan ka huba, engmah tih tur ka nei lo, "Enge ka lo tih ve dawn a ninawm e, hetia awm ringawt chu" ka ti a, "Ka bulah hian lo kal teh" a ti sup a, ka kal vat, a malchungah chuan min pawt thu a, "Engmah I tih a ngailo, heti hian nitin ka bulah ka hmuh theih in i awm tawh ang, chhuah na tur ka neih apiang in min zui thin dawn nia, chuchu i hna chu a nimai" a ti a, ka lo ner nang.




"Chutiang ka peih bik hleinem" ka lo ti hlak a, "A va pawi ve, mahse chuchu i tih tur a ni tlat" a ti a, ka ngawi hmak a, "Ti teh Nana titau lo la, hna hah taka I thawh ka phal loh vang alawm, kan in neih hunah phei chuan hna i thawh ka phal thaw dawn hauh lo a nia" a ti a, in neih a sawi chuan ka lung hi a phu dup dup mai, "Enge ka lo tih ve anga?" ka ti a, "Inah awm in kan fate I enkawl ang" a ti sup a, fa neih a sawi takah chuan ka phur hle.




"Fa tam tawk nei tawh ila, awii a nuam dawn e, ka duat hlawm ngawt ang" ka ti a, "An chhun che chuan an hmeltha dawn Chiang sa" a lo ti ve sup, "No.. nangmah chhun zawk che sele ka ti, i finna te hi rawn chhun se" ka ti a, ka titi zawm mial mial ka tawng lai chu mit meng thuk ruih hian min lo melh a, kan in neih ham hauh in fa neih kan sawi nghal chu a nia, ka ngaihtuah hian ka nuih a za ang reng viau.




Ka tanwg mawlh mawlh lai chuan ka ngawng ah chuan a kut a rawn rawlh lut a, a mah en thei tur chuan min kuai dak in chiang zet in kan in melh ta ran a, a mit chu a de sawr sawr mai, a rawn kun hniam ruai ruai az enge a tih dawn tih ka hriat chuan em avang chuan ka mit chu ka lo chhing a, a hmui chuan ka hmui chu a rawn si a dam dap hian min rawn fawp a, a mi fawh na chuan min zem a chiai chiai nimai hian ka hria.




Ka in fawh rei tak hnu chuan a kut pawh a hlei leh hle tawh a, min zut hual ruai a, ka lo thaw chhuak hak zel, ka hnute chu ka kawr chhan ah chuan a tham deuh tawn tawn a, kanei chu a in buan tap tap a, tu mipa mah ka fawp lo mah ila he mipa ka bialpa ni bawk hi a zei thlawt ani, a ni anga in fawh zei hi an awm leh tawh pawh ka ring lo hial.




Chutia kan lo in keih buan buan lai chuan kawngka lam atangin thawm a rawn awm a, ka awm hran nghal hlawk mai, Abraham-a malchung ah atang chuan tho chhuak in ka in siam tha vat a, tunge rawn lut ka en chu Lucy a lo ni, kan awmdan chu mit khap lek lovin min lo en a, "Enge I rawn tih?" Abraham-a chuan nelawm lo zetin a ti a, "Chu chu a pawimawh ber lo, engthil nge in lo tih zawh chiah kha" a ti a.




"Sawi kher ngai lovin i hmu a nilawm ni, engvanga phal na tello va rawn lut nge I nih?" a ti leh a, "Enge awmzia he hmeichhia nen hian eng in zawm na nge in neih?" tiin keichu min rawn kawk a, "I hrait ve kher a ngailo" a ti chhum hmuk a, "Nang nu kha engtinnge i hnathawh naa i boss khatianga I lo awmpui ngam zawk a, zaktheilo lutuk" tiin Lucy chuan rum zetin min melh a, engmah sawi lovin ka lo melh thung.




"Lucy buaina siam lovin chhuak vat rawh" Abraham-a chuan a ti ta hrawk a, "Ka chhuak lovang, henu hi I tan enge a nih sawi rawh" a ti tuar a, "Ka hmeichhe hmangaih a nihhi, i lawm tawh em, chuan chhuak tawh rawh, vawikhat mah ka phal na tello chuan helai hmunah hian rawn kal leh tawh suh ang che" Abraham-a chuan a ti khauh fur a, Abraham-a thusawi chuan Lucy chu mak a tih tir hle a ni mahna che chang lovin Abraham-a chu a melh ngawt ngawt a.




"Enge he hmeichhia hi I hmangaih amaw, nilo a ni theilo, nang hian hmeichhia tumah i hnaih ngai loh kha, chuan he hmeichhia hmani lawk a I hriat hi I hmangaih tih I sawi amaw?" Lucy chuan mak ti zet chuan a ti bah nawk a, "I lakah hian in sawi fiah chuam tum na ka neilo chhuak rawh, I chhuak duh lo a nih chuan tih luih na hmangin ka theh chhuah tir ang che" a ti a.




Lucy chu a nui ri hak mai, "Engtinge hetiang thil hi ka chungah I tih theih zawk, khatiang khawp khan nanghi ka neih theih nan che ka bei a, mahse nang chuan kin chhang lo mai pawh ni lovin min hnawh Bo dan ngawt i ngaihtuah a, chuan be hmeichhia ve thung hi chu hun reilote chhung in i hmangaih thei amaw?" a ti a, "I ti dik alawm" awlsam zet chuan Abraham-a chuan a lo ti a.




"Engthil nge he hmeichhia hian ka neih loh a neih bik, kei ai enge henu hi a that na?" rilru nat hmel fe chuan a ti a, ka khawngaih ru viau, "Ka sawi chiang tawh viau in ka hria, i lakah hian in sawifiah ka mamawh lo, chhuak tawh rawh, Nunpui" tiin Abraham-a chu a au thawt a, a secretary thar chu a rawn lut vat a, "He hmeichhia hi theh chhuak rawh, chuan tun atang chuan ka phalna tel lovin tumah an rawn lut tawh tur a ni i hre chiang em?" a ti khawih fur a.




"Ka hria a" Nunpuia chuan a ti sup a, Lucy dinna lamah chuan kal in a ban ah a vuan a, hruai chhuah mai a tum chu a lo tang nasa mai, "Min khawih hlek suh, chuan hre rawh u, in hlim rei hauh lovang, nangnu kha hre rawh, Abraham-a hi ka ta chauh ani" a ti a, a tlan chhuak zui nghal a.




Abraham Lalrintluanga POV




Hna ka bang a, inah haw hmasa lovin ka nutei te inah ka kal a, ka nute chuan min lo lawm khawp mai, "I lo kal khat lutuk a, kan in awm hnaih teh reng nen min tlawh nachang reng reng i hrelo a, ka u bulah ka lo hek hamn tep che ani" a ti a, "Nia hnaah ka buai deuh thin alawm mawle, kam buai zual pui a reh tawh a, ka lo kal zing thei deuh tawh ang" ka ti a, a lama hmel khawp mai.




"Nute khawiah nge Nautei a awm?" ka ti a, "Thenawm ah a kal lawk a nihkha e hei a lo thel g alawm" a tia , Nautei chu a rawn kut a, min hmuh chuan a rawn ti hluai a, "I va in zep thei ve" ka bula rawn thut thlak pah chuan a rawn ti nghal thawr a, a ngaihna hrelo lutuk chuan ka lo melh a, "Hrelo der vel suh aw, Ava-i nen in in ngaizawng tih hanthakw ho in an sawi sup sup alawm" a tih tak ah chuan a thusawi awmzia ka hre thiam ve ta chuah a.




"Tumaw in sawi chu, I u hian ngaihzawng a nei amaw?" ka nutei chuan a ti a, "Aw.. nei e, a secretary a nia, nula hmeltha deuh mai mawle" ka nau chuan a lo ti zat zat a, ka nutei pawh a phur hmel ngang mai, "Chuti a nimaw, engmah lah hi saiq nachang I hre silo mi sawi atang mai mai kan hria ania" ka nutei chuan a ti hlak a, ka lo nui suk thung a.




"Mahse u Nangte chuan hmeichhe nghah I nei a I lawm niz jha I naupan lai ami kha, nute I hre ve tiraw?" a ti a, ka chhungte bulah hmeichhe nghah ka neih thu ka sawi a a chanchin ka sawi nasa em a ka chhungte hi chuan an hre vek, "Ni tak e, engtinge kha hmeichhia kha ni ta?" ka nutei pawh chuan a rawn ti a, ka thusawi tur ngawi chang chuan min en dun kar bawk.




"Kha hmeichhia kha Ava-i hi a lo nia, hmani lawk khan ka hre ve chiah" ka ti a, mak an tih dun hmel viau "Engtinge. a nih theih zawk a?" ka nau chuan a ti a, a naupan laia fa atan an lak thu leh fahrah in a kan in hmuh dan zawng zawng te chu ak sawi ta vek a, "Hmeichhe tha tak a nih ngei ka beisei, Naute I u ngaihzawng chu i hmu ve thaw tihna em ni?" ka nutei chuan a ti a.




"Imm. hmu tawh e, a fel lutuk biak a nuam sia, a hmeltha in a hleitling a, ka u nen hian an in hmeh rapthlak" ka nau chuan uar zetin a sawi a, ka lo nui hawk a, "A that nasat chu I leng tar mai ang tih ka hlau thin a, i senior hma tak tak in i kawppui tur I hmu hlauh chu a thawven thlak huai e" ka nutei chuan a ti a, ka lo pawmpui khawp mai, hmeichhia ka ngaihsak loh em avang hia ka chhungte hian min hau fo thin.




"I nau birthday party ah rawn kal pui ang che aw, hmuh ve te paha a chak awm alawm" a ti a, "Awle ka lo kalpui dawn nia" ka tih chuan a hlim hmel viau, naktuk hi ka nau birthday a ni a, party na hmun tur pawh ka buaipui fel vek tawh bawk, ka nutei leh Nautei chuan chaw ei ve turin min ti tlat a, ka ei ve ta a, chaw eikham hnu chuan ka thu khaw muang leh a, ka haw chuam dar 7 a lo ti der tawh.




Party naa kal turin ka in siam a, ka in peih fel hnu chuan in atang ka chhuak a, Nana-i lam kawi leh ka ngai a, ka chhuak hma deuh, dorr bell ka hmet a, an nula awmpui Mami khan min lo hawn sak a, "A hman tep tawh ang, lo nghak lawk rawh aw" a ti a, "Awle" tiin an sitting room ah chuan ka thu a, Nana-i nu leh pa te hmuh tur an awm lo.




"Thingpui I in duh em ka lo siam dawn che ami?" Mami chuan a rawn ti a, "A ngailo mai, thil ei puar sa in ka lo kal a" ak ti a, "Khawiah nge Pa Hruaia te nupa hi an awm a?" ka tih chuan "Thenawm ah damlo am aw a, an va kan lawk a nihkha" a ti a, ka keng lut nghun ve tawh bawk a, kan innel tawh viau chutia kan lo titi mai mai lai chuan pen khauh khauh ri a rawn awm a, chulam chu ka hawi vat.




Lelpa leh... Nana-i chu nui sang hian a rawn chhuk a, a hmeltha takzet a ni, kawrfual uk a khup khuh vel tawk chiah chiah a vun nen a in rem zet mai chu a ha a, a hmai chu town in a chei bawk, a dam pawh a roll mit a, a va han hmeltha chiang em, ka hmaah chun a rawn ding a, ka lo melh vung vung tak ah chuan a lai a ni ngei ang hnuai lam chu a melh ta daih a.




"I nalh lutuk" ka ti sup a, rawn hawi chhuak in min rawn nuih seih a, hmun dang ah a hawi sawn lehnghal daih, "Kan kal dawn em niang?" ka ti sup a a bu nghat nghat a, "Tawng ve tal la khatia han buk ringawt, nge I lai zawk ami?" Mami chuan a ti a, rum zeta melh chungin lei a chhuah khum a, mami nen chuan kan nui chhuak ta hak hak a.




Car kawngkhar chu ka hawn sak a a thu lut nghal, a kut ah chuan present ni awm tak chu a keng bawk a, party na hmun kan thleng a, a chhungah chuan kan lut zui nghal a, ka nau lam chu ka pan pui a, "In lo thleng animaw, I lo kal thei chu ka lawm lutuk ania aw, Ava" ka nau chuan a ti a, "I birthday a kin sawm ve avangin ka lawm e, chuan hei hi i ta tur" tiin a thil ken lai chu ka nau a pe a.




"Ka lawm e" tiin ka nau chuan a lo la vat a, a hawn chuan a ri le lu mai, "Awii a nalh lutuk hetiang hi ka awh na a rei tawh lutuk asin,ei tur ka nmu mai ngai lova, engtinge i hmuh theih bik a" ka nau chuan a ti a, "Vawin khan ban ban pahin ka chhuak a, ka hmuh khan i duh ka ring a" Nana-i pawh chuan a lo ti vat a, bracelet nh zet mai a ni a, ka nau chuan la chhuak in a bun nghal a, Nana-i hnenah chuan lawmthu a sawi leh mawlh mawlh a.




Nutei awmna lamah chuan Nana-i chu ka kal pui a, "Nute" ka ti a, "Ee.. Bawiha in lo thleng animaw.. heihi em ni Ava-i chu?" tiin Nana-i chu a melh a, "Aw.. nih hi, Nana heihi ka nutei" tiin ka in hmel hriat tir a, "I hmeltha hle mai, Nautei khan i hmelthat zia min hrilh nasa a, a lo sawi dik a nihhi" ka nutei chuan a ti a, Nana-i chu a lai hle, "Nuam deuh in hun in hmang dawn nia, ka kalsan ang che u, kan mi sawm te ka va bia ange, nuam deuh in hmang rawh aw Ava"a ti a, "Awle" Nana-i chuan alo ti sep a.




Nana-i nen chuan thut na awl ah kan thu a, a kawng ah ka kuah a, a ni erawh chuan lam tual a nula leh tlangval lam ho chu a thlir a, "I lam ve chak em ni?" ka tih chuan "Aih... lam ka thiam lo" a lo ti sap a, "Lo kal rawh ka zirtir ang che" ka ti a, "Nilo ka thiam lo ka ti tak tak ania" tiin a tang thung a, mahse ka kai tho lui ta tho a, lamtual lam chu ak pan a, ka dar ah chuan a kut chu ka dah sak a, a kawngah ah vuan in kan lam dun ta a.




A sawi ang tak tak in lam chu a ghiam.viau lo, mahse tih dan tur ka hrilh zel a, kan lam rei tak hnu ah chuan a ti ve thei mai a, hla hnih ka lam zawh chuan kan thutna ngai ah kan thu a, "Pu Abraham kan in be lawk dawn em ni, a fal in" kan thawhpui pa chuan a rawn ti a, a pawimawh viau a nih hmel, "Nana tikhan lo awm rawh aw, ka let har lovang" ka ti a, ka thut na atang tho in kan in zui chhuak a.




Hna chungchang kan sawi a, kan sawi zawh chuan Nana-i bulah ka kal vat, a bul ka thlen chiah chu wine rim a nam deuh cham cham a, Nana-i bulah chuan ka thu a, a hmel ka en chu a harh fim lo tih a hriat hle mit meng phi chiai in min lo en a, a nui sen sen bawk, "Enge i in?" ka ti sup a , "Thei tui" a tih chuan ka rim chu ka hnim a, "Wine a ni em?" ka ti a, a lo bu nghauh nghauh a, ka thaw hak.




"Tinge I in i in ngai bawk silo a" ka ti a, "Tlem te chauh alawm ka in, a tui em em lehnghal" a ti sap a, "Kan kal mai a ngaih hmel" ka tih chuan a ner nang a, "I duh leh kal rawh, ka la awm duh keichu" a ti deuh tlat a, a in tam ve viau a ni maithei, a mit te chu a meng tawk tawk a ni ber "Nilo kha I mit pawh i meng tha hleithei tawh lo a nihkha, lo kal rawh" tih pah in ka kai tho a, a lo tang tung lehnghal.




Nutei leh Nautei dinna lamah chuan ka kal pui a, "Kan haw mai ang" ka ti sup a, "Enga tinge kha chu?" Ka nutei'n a tih chuan "Wine in ngai hlei lovin a in ve a a zo lo a nihhi" ka ti nghut a, an lo nui dun hak hak mai, pawn lamah chuan ka kal chhuah pui a, tang pawh a tang tawh lo a zawi nguai tawh a, ka motor ah chuan ka dah lut a, keipawh chu ka thu lut ve nghal.




Hetiang chuan an inah haw pui chu a ni hauh lovang, a chhungte chu ka call a hna lamah kan buai thut avangin zanin chu a haw hman loh tur thu ka sawi ta ngawt a, an lo awih ve mai, ka inah ka hruai a, ka room lamah chuan pawm lut in khumah chuan ka mut tir a, ka kalsawn tur chu ak kut ah a rawn vuan a, chuang lo riau a rawn meng chhuak in "Lo mu ve rawh" a ti sep a, engmah sawi buai lovin a bulah chuan ka in thawlh a.




Ka awm ah chuan ka kuah a, a thaw sek sek a, ka ngawng a rawn thawk khum lum ham ham thin a, thawk a ti rang duh ngei mai, a muhil tawh ah ngaiin ka kuahna chu ka ti thawl a, thawh chhuah mai ka tum lai chuan rawn che thut in ka malchungah a rawn lawn kai a, mit meng si sap a min en chung in a hmui chu a seh zeuh a.




"I chau ang muhil tawh" ka ti sup a,u a thing nak nak a, "Ka mut a chhuak lo" a ti a, "Chupawh nise mu rawh, kha i meng tha thei tawh lo a nihkha" ka ti a, a tum bur a, "Min va ngai lo ve, mu turin min va duh ve a" a ti a, "Chutiang a nilo I harh fim lo a, muhil ka i harh kawk mai dawn alawm" ka ti a, "Ka harh fim reng" rang tawk chuan a rawn ti a.




"Zanin hi i hmeltha zual tawp" tiin min nuih sen sen a, ka lo nuih leh suk chutah ka awm atang a. rawn zui thla delh delh a, danga ti haum tawh mai, hnuai lam pawh a rawn che tual tual a, a kut chu ka lo man beh sak vat a, "I rui a nihkha" ka ti a hmui a ti pawrh a, a va han duhawm chiang tak em, "Ka rui lo" a ti a, rawn awm hnai in min kiss a tum a, ka lo hawi sawn vat a, "Ka kiss i duh lo ami?" a tih chuan "Nilove mahse i ruih lai chuan engmah tih pui tumna che ka neilo" ka ti a, "Ka ruko ka tih kha" tih pah chuan min rawn kiss nghal tawn tawn a, ka in sum thei tawh lo a hmuiah chuan duhthawh zetin ka fawp a.





Cont....




Ka keypad hi a tang chut chut a, type chhung a rei lutuk naktuk ah chapter tharin a chhunzawm na kan dah dawn nia aw...