*ZûNLêNG* ch~24 by ~ Natasha Hrahsel

[Natasha Hrahsel]

*ZûNLêNG* ch~24






"Mate i U Muanpuia te chu vawin ah an rawn haw dawn chauh anih chu .." ka pa'n a tih chuan "a lawmawm anih chu .." kalo ti mai a ,mahse ka pa hmel chu a ngui riau in ka hria !

"An zuk hlawhtlin loh hmel viau mai i u ka biak hmangah doctor te pawhin beiseina an nei sang lo ani awm e " a ti ta chiah reng a .." aw ka va lainat dun ve " ka nu'n alo ti nghal thuai .






"Amak e " ka ti sep a ,ka khawngaih bawk .Bawihpuia an lawmin U Muanpuia ngat phei chuan a en dauh dauh zel kha nia.Fa an awt ve dawn lutuk ringawt .
"Pathian remruat ah ngai zel phawt mai teh ang .Pathian in rem a tih chuan an la pai ve em em ang " ka nu'n atih chuan ka pa pawhin alo pawmpui khawp .


"Mate..mate bawihpuia khi lo chho vat teh u " U Ruatruata chuan step chanve dawn atang a rawn ti deuh hluai a ,hmanhmawh taka tho in kan vai chuan kan tlan chho nghal thuai .






"Enge awmzia ?" U Ruatruata room nam hawng pawp in ka ti lut a ,Bawihpuia lo thaw hrawih hrawih in minlo hmachhawn ..
"Bawihpui" ti halhin thawk harsa tih hmel zeta alo thaw hrawih hrawih chu tlemin ka pawt kang a
"Mommy..ka..ka thaw.. theilo" rawn ti hrawih boruak kham khawp ahmulo tih hriat zetin a awm chu a sep dawrh dawrh bawk .
"Bawihte i bulah ka awm aw ..hahdam rawh le " ti sep sep in a boruak a hip luh hnem theih deuh dan tur in ka siam rem a mahse a ziaawm phah lo !




"Û .. Hospital ah kal ang " ti zui zatin ka Û chuan Bawihpuia chu apawm nawlh a ,ka nu'n kawngkhar alo hawng thuai ..
Atuam lum nan puan sin tur ka ban a ,ka û ka zui thla ve nghal zat

Kan vai chuan U Ruatruata car in Civil lam kan pan tawp a ,kan in atanga hnai ber ani .
ER kawtah dingin kan tlan lut nghal a ,kan motor kalsan lam kan ngaihtuah tawhlo ..Bawihpuia taksa zawi ngiai tawh chuan kan mang a ti ang vek ani .






"Nurse Doctor ko rawh ..A oxygen level ahniam lutuk ,chuan ka fapa hi lung pawp ani bawk " tiin nurse minlo buaipui tu chu ka hrilh nghal mawlh mawlh a ,oxygen lo in hûng sa chu fitin bawihpuia a hip tir nghala mahse a ziaawm lo hle .
"Mommy ana " zawi ngiai a arawn tih chuan a awm chu adap pah bawk a ,kan inentir hnuhnun ber khan ala tha viau si a !





"Khawnge doctor chu " U Ruata'n ti vin thawtin nurse chu aphu deuh zuk .





"Coffee in turin a chhuak lawk a " a ti sep a ,"ER ah doctor pakhat chiah in duty tir amaw ?" Kalo ti ve thawt.

"Mate ..Ruata insum ru Doctor Mangheta Lung lam specialist a rawn thleng tep ,ka ph alawm " ka pa'n a rawn tih pawh chuan ka inbengdaih phah eihlo.





"Saw alo thleng " nurse in a tihna lam chu kan hawi a ,doctor coat ha la naupan hmel ve zet chu muangchang hian a rawn pen lut .





"I hna iva tlin lo ve " tih pahin U Ruatruata'n a kawr awmah alo tham a ,ka nu leh pa in anlo khap dai thuai .





"Stethoscope min rawn pe mai teh u " ti sepin bawihpuia chu ka en zui a ,athawklak dan a zawi tial tial tih ka hre thei a chuchuan min ti hlau ani ,a oxygen level ala hniam viau tho si
"Ka pa alungphu a zawi lutuk " ti sep in hlauthawng zet chuan ka pa lam chu ka hawi a ,ka pa tak pawh chu a pangai bik lo tih ka hria ..mahse ka fapa ka hrin ngei hetiang dinhmun a a ding mai hi awmdan ka thiamlo .Midang chu nise tihdan tur ,chet dan tur ka hre thei mai ang mahse tunah hrih chuan ka rilru hi amang vek .





"Mambawih ..Dr.Mangheta hi lo check tir lawk ta che " Mipakhat ka pa aia naupang hret tur rawn kal chu kalo kian vat a ,Nurse te chu tirkual nghal zung zung in Bawihpuia chu a check zawm nghal mawlh mawlh .
" A lung pawp hi a zau tawh anih ka ring .." a tih chuan ka nghilh dup in ka hria !
"I CU ah kan dah nghal angai ang , chuan a rang lama hmunpui lam pan turin ka duh che u.A taksa in a tawrh lutuk loh nan kan muthilh tir hrih anga in inzai chuan damna chance ala nei thei maithei anihloh chuan in chan tur ka sawi theilo ..."





Leia thuthla hnawkin ka mittui lo luang thla zung zung chu ka hru tawk a ,hetiang dinhmun em kan thlen hi ka ringlo asin .
Engtin nge ka tih tak ang ? Tun dinhmunah inphurthla thei pawh ni tehreng ila kan thlenpui zo meuh angem ? Tin ataksa dangin atawrh mai loh nan a damdawi hmanga kan muthilh tir anih chuan harh leh lohna chance sang tak a awm bawk .Ka chiai a ,ka fapa neihchhun hi chán mai ka phal lo..ka awmdan hrehawm zet chuan ka awm ati tawt a , ahrehawm takzet ..





"Bawihi .."






"U Remruat .." ti sep in ka melh chho ha a ,ka mittui tling vangin ka hmu phe ruai.Bawihpuia chu ICU a dah turin an buaipui mawlh mawlh tawh a ,kan hmuh ve an phal tawh lo .
Tawngchhuak thei tawhlo in ka ding a ,kuah nghal chawtin ka insut ri nghal hraih .Nghet zeta min kuah letin ,athaw halh halh a ..

"Remruat ilo thleng thei maw " ka pa'n a tih chuan "enge dinhmun " a ti sak talh a , ani pawh hi apangai zanlo ani .





"ICU ah an sawn chho dawn kan hmu thei hrih tawhlo ..Ka hmelhriat ang ang ka be tawh a ,naktuk hian a rang lama hmunpui lam kan panpui angai .Mahse kan kalna tur hi kala buaipui fel theilo .." ka pa chuan a ti charh charh a ,U Remruata awma bei chungin ka ngaithla pah reng .








Remruata POV.





Bawihi mumal neilo zeta ka awma abei hlu hlu chu ka melh leh zeuh thin a , hospital ka thlen tirh a min biak bak kha chu ala tawng leh lo hrim hrim .
"Bawihi " ka tih sep chuan min chhanglo .Thaw hawkin ka ph rawn ri chu ka ban a "aw Hriata " ka ti sup .





Mi panga kal theihna tur a awm theih hram thu a rawn sawi chuan ka thaw deuh huai a ,sum erawh sen hnem angai dawn ngang mai . Nuai tel tehmeuh kal nan angai nghal dawn a ,mahse ka fapa tan chuan ka neih zawng zawng pawh hi ka ui hauhlo ang .

"Alawmawm lutuk e " ti supin ka dah zui a ,





" Seat a awm thei dawn ta em ?" Bawihi pa'n a rawn tih nghal hlut chuan ka bu nghut .






"Seat nga chu kan nei thei dawn e " ka tih chuan athaw ve huai .





"Anihchuan kaltur inti fel thuai ang..Remruat nang leh Matei chu inkal angai dawn chiang sa a ."

"Keipawh ka kal ang " Ruata'n a rawn ti ve zat .





"Bawihpuia nen pali in ni nghal a ,Doctor Mangheta hian zui cheu se ka duh si a ..A ho in lo zu kal hmasa ula keini a remchang hmasa berah rawn kal ve nghal ila atha ang a " a tuh chuan ka pawmpui khawp .
Bawihi hi Doctor ve tho mah nise tun dinhmunah chuan Bawihpuia enkawl thei dinhmun ah a ding hrihlo tlat a ,Doctor ngei chuan min kalpui thei se rilru pawh anuam deuh ang .






Khawvar thleng chuan Hospital kawtah kan awm thap a ,Ruata erawh thawmhnaw ken tur vel buatsaih turin a haw zuai a ,ka mamawh vel erawh ka la lam velo .A hmunah ka indap chawp ve tawh mai ang chu .





Dar ruk alo rik chuan Lengpui airport lam panin kan in khalh chhuak a ,akal tur te mai bakah Ambulance pakhat leh Bolero pahnih in kan inzui a ,kan chanchin hriain ka thiante leh Bawihi lam te pawh an rawn kal ani .
Ambulance ah kei leh bawihi leh doctor kan chuang a Bawihpuia chu oxygen hipin amuhil ani .A taksa a duk thleh thluah aam chu Bawihi'n a en dauh dauh a "nimin lam pawh khan hetiang hi ala awm silo " a rawn ti sep a,bawihpuia kuta duk thleh thluah awm chu a enduh viau mai .





"Zankhat thil thu ah pawh a awm thei tih i hriat kha Zodin ..Lung lam case hi chu a serious a zankhat ah lek pawh taksa akhawih pawi hman thei lutuk ." Dr .Mangheta chuan alo ti sup .





"Thudik sawi la ..Lunglam specialist ini a ,Bawihpuia hian dam lehna chance anei tlem tiraw " ti sep a Doctor Mangheta lam a en chuan alo bu nghut a ,ka thaw chhuak hrawih ..

Ka hmuhni hmasa ber ka fapa ani tih ka hriat ni hmasa ber chu sawi loh fa ka nei dawn tih ka hriat hmasak ber atang tawh khan ka hmangaihin ka pawm thlap tawh .Ka kut ngeia ka chelh ni hmasa ber khan hmangaih tawplo in ka hmangaih dawn tih ka hre nghal bawk .
Ka fapa ka thisen zawm ngei mai chu tunah ka hmaah ngei thihsual in a mu a ,tihtheih engmah ka nei velo mawlh mai chuan min ti na a ..Pa nih tlinglo tak ka ni .








Vanneihthlak takin buaina awmlo in chennai kan thleng a,airport ah Ambulance in minlo hmuak sa nghal thlap bawk .Chennai a hospital tha ber lam kan pan nghal a ,Dr.Mangheta chuan engkim alo buaipui nghal sa vek .Traffic jam nasa lutuk vangin Ambulance in kal mah ila kan ding leh rih thin a ,Hospital kan thlen chuan keimahah beiseina alian deuh deuh .






Doctor panga vel hian min rawn bawr nghal thawt a ,Bawihpuia chu an buaipui nghal mawlh mawlh .

"Hi Doctor Zo .." an zinga naupan hmel berin a Bawihi a biak chuan Bawihi alo bu nghut a ,atah nasat avangin a hmai chu abui viau a ,amitmeng a sen ram bawk .





Test tur neuh neuh an test nghal zung zung a ,pawisa deposit ngai zat an rawn sawi rual chuan ka tho lawk a ,ka wallet ka keng ngei tih fiah nan ka ipte ka zen a ,apekna tur an sawi lam chu ka pan nghal a ..Zawn vak ngailo in ka hmu nghal mai a ,ka pe fel nghal thei bawk .






"Surgery kan neih nghal angai ,thisen unit li tal kan mamawh Dr.Zo kawlsa kan neilo " nichina bawihi be tu bawk chuan Ruata leh Bawihi chu Hindi hmangin alo be mawlh mawlh a ,thisen mamawh tih vel chauh chu ka hrethiam .

"Bawihi enge ni "






"U Remruat Bawihpuia hi an zai nghal dawn a mahse Bawihpuia blood group hi kawlsa anlo neilo a " Bawihi'n a tih sep chuan "enge a blood group?" Ka ti sup a

"Ab+"






"Ka pe thei ang "





"No.." chu vaipa chu hnek pawp mai ka duh tawh .Ka fapa ani a ,kan blood group a inang bawk .





"Please ..Dr.Zo hrilhfiah teh ..and Don't worry ka hmu thei mai ang keiman ..Hospital dang ka be tawh a min rawn chhan hun chiah kan nghak ..Asum zawngin lo inring ru " tiin akalsawn zui thuai a ..

"Bawihi " ti a zawhna mitmeng a ka melh chuan "a thisen zawm in thisen kan pe theilo " alo ti sep a ,ka hrethiam ta chiahlo .Mahse ka zawt buai duhlo .






Nurse pakhat in kan cabin lam an peihfel thu a rawn sawi a ,mahse tuman pan kan tum chuanglo Bawihpuia inzai zawh hun tur chu kan nghak thup ani .







"Remruat in ei puarna tur ka zuk dap ange ..Matei pawh tui takngial pawh ala in silo a " ka dara rawn ben thak thak paha Ruata'n a tih chuan ka bu nghut a ,Bawihi chu melh leh zeuhin akalsawn zui a a reilo berah darkar ruk tal chu an zai ka ring .Bawihi erawh chetsawn zai a rel lo a ,OT lam chu mitmeng dul ruih hian a melh ngar ngar .

"Bawihi muhil lawk la " ka tih chuan alu athing mai a
"Ka mawl iti em ? Doctor ka ni a ka fapa awmdan diklo chu hre nghal mai tur ka nih laiin thihsuala a awm hnuah chiah ka hria a ..ka mawl..ka â takzet " a tih sep sep chuan kuahbetin ka hnungah ka chul heuh heuh a ,thutna awm ah chuan ka thuthlak pui zat .







"Inthiamlo suh ..Bawihi nangber in rilru fim i put hram hram loh chuan midang hian awmngaihna kan hre dawnlo ania " ka ti sup a ,keimah ngei pawh hian tunah hian thlamuan tu ka mamawh takzet .Ka rilru in an zai hlawhtlin theih nan Pathian ka au mawlh mawlh ani ber .





Zawmna ..






Bawihpuia an zaina room atang chuan vai pakhat hi a rawn chhuak a ,Hindi in eng engemaw a rawn sawi a a then a zar bak hriat ka neilo .
Bawihi erawhin a hrethiam aniang abu deuh nghauh nghauh a
"ICU ah an dah hrih dawn " hrethiamlo zeta kalo en lai chuan a ti sep a ..ipik hmel zeta thaw hakin "U Remruat ka rinna hi a chak tawk lo nge ? Pathian hnenah ka fapa nunna min zuahsak tura ngen mawlh mawlh chungin min kalsan mai ka la hlau tho si " a tih chuan chhan dan tur hrelo zetin ka kuah thlawp a
"Amak ka ti ! Tinge Bawihpuia berkher " a tih zawi leh sep chuan ka thaw hawk .






Ka ipik in ka tawt mup mup a ,theih chu nise ka rilru ipik leh lutuk hi tuma awmlohna a awrawl chhuah meuh a au chiam ka chak .Mipa inti ve tak chung si in ka pa zo meuh biklo ..Ka rilru a buai a , theih nise ka fapa dam nan ka nunna pawh hi ka hlan mai tur.








Zodini pov.





"Mami tinge itah a " kunngul a kalo thu chu putar pakhat hian min rawn bia a , U Remruata leh ka û Doctor be turin an kal a ICU a awmte awmpuina bik an siam ah mi pakhat chauh kan awm theih avangin kei ka awm bawk .Ka nu leh pa te Cabin lamah an awm thung a ,Doctor hmelhriat kan neih that vangin kan awm tam thei mai pawh a bawihpuia dinhmun a zirin athen hi chu hotel ah kan let pawh angai maithei .

"Ka pu helai ah enge itih a ?" Ka ti ve sep a , Ka Mizo pui ngei helai an strict lehzual na hmuna ka hmu mao chu amak ka ti hle ani .





"Aaa keichu hetah hian ka awmna a rei tawh alawm " tiin a wheelchair chu engemaw lai hmet keuhin ka hnaih chetah a rawn in hung a " damlo i awmpui em mi ?" A tih chuan bu nghutin "ka fapa " ka ti sep a .






"ICU a awm aniang maw " a tih chuan ka bu leh nghauh .





"Keipawh hi ICU ah thlakhat zen zawn ka awm alawm ..Ka faten kei tar ve tawh tak hi minla chelh lui ve hram hram a , tunah chuan ka zia ve leh deuh tawh " ati charh charh a , a sam atla kawlh vek tih hriat takin a lu chu akawlh vek tawh a ,abanah venflon a invuah bawk ..Ataksa langthei chin chu a cher ruam a , a derthawng hmel bik ngawih ngawih .



"I fapa chu a dam leh ngei ang " a tih chuan mak takin ka thlamuanpui !





"Ka lawm e " ti sepin ka khi tel suk a ,"a damthat leh hram ka beisei " ka ti zui bawk .






"Ka tleirawl lai nang phei chu ila piang lo ang tih ah khan ka pa khan min hrilh thin a ,'kan tah vak vak te ,kan mittui a tlak vak vak te ,beisei awm a awm tawhlo emaw kan tih tawh hnu ah achheber thleng tura kan in ruahman hnu ah hriatloh karin kan biangah hlimna mittui a rawn luang leh thin ' tih hi .Ka kum te alo tam a asawi dik zia ka hre chho telh telh mai .Kan nui ve thei tawh ngai dawnlo a kan inhriat hnu ah te hian Pathian khi a rawn che thin ania ..Nangpawh i beidawn loh a beiseina nena i thlir reng chuan i beisei thlawn lo tawp ang " a ti chhalh chhalh a ,a awm ahnawk deuh nge a khuh zui bur bur chu a awmah kalo dawmsak .


"Ka tha e ,kan tawnghnem deuh hi chuan ka khuh leh bawrh bawrh zel " nui hak chuan a ti a






"E ka pa helamah chuan akal theih tawh hleihnem ..Engtin nge thlen pawh i thlen theih le ?" Pa pakhat kum upa lam tawh hian a rawn ti hluai
"Mami pawi la ti lutuk i pawi alo sawi em lo maw ?" A tih chuan "sawi lo lutuk " kalo ti var a ,min rawn thlamuan hle zawk





"ICU ah awm in awm anih hmel a ,ka pa hian i pawi te alo sawi chuan lo hrethiam hram rawh aw " a tih chuan ka hrethiam lo khawp .
"Thisen cancer ania ,a thluak lam akhawih tel a khaw eng pawh ahmu tha thei tawhlo ..Tihian amah hian achair control na lai vel hi dap fuhin alo in nawrsawn leh mai thin a , bathroom a ka luh lawk hlanin alo chhuak leh hman anih hi " a tih chuan ka hrilhhai khawp

"Mahse .." ti a ka pu kan en chu amelh ngai hi alo melh ngawt ngawt a ! " Amak hle mai !" Tiin ka hriattham lek chuan ka phun sep .Nichin lawkah kan titi dun mawlh mawlh sia ..mahse tunah chuan ka hmuhdan a dang leh daih ..Nichin a ka biak dan ang khan alang tawhlo !





"Kan kalpui phawt ange min rawn hauh hma in " tiin akalsawn pui zui a ,engtin nge amah pawh khan Mizo ka ni tih ahriat nghal chat le ? Ka hmel lan dan ah mizo ka ang te pawh ati ni mahna .An in nawr liam chu ka thlir zui a ,a pa chu ahmangaih awm hle mai tih ka ngaihtuah rauh rauh .Tunang kumah tawh pawh apa damlo ala buaipui chu ania !



.........




Bawihpuia ICU a an dah luh atang karhnih ngawt aluam tawh a ala harhlo .Ka nu leh pa te pawhi minla awmpui zel a ,U Muanpuia te pawh rawn kalin U Ruatruata nen Aizawl lamah an haw chho leh hrih .
U Remruata erawh ala awm ve char char a ,ka rilru buai mangang min buaipui tu ber tunah erawh atawng mawhin amu tlem em em a ,chaw a ei hleithei lo bawk . Hmuhtheih khawpin ataksa chu atlachak a ,a chauh viau hlauin Vitamins vel Nurse te khaisak turin ka ti ta tawp .
Mak deuhin kha putar Thisen Cancer ka biak ni tang khan keimah ah 'Thlamuanna ' a awm a ,Bawihpuia hi atha leh ngei dawn tih ka ring nghet ta tlat .A rawn harh leh huna hmel bawrchhawr deuha min hmuh duhlo in ka inti fai reng a ,ka ei leh in ka ti tha viau bawk .





"Mate..Bawihpuia a harh tawh !" Ka nu in hlim hmel zeta Cabina ka awm min rawn hrilh chuan U Remruata muhil emaw ka tih chu a rawn inperh tho zawt a ! Alo muhil leh miahlo anih hi ..
ICU lam pan mai tuma apen tawh chu ka nu chuan "A dinhmun pawh atha Cabin ah an rawn dah dawn " tiin alo dang a, kilkhatah lo nui sen sen in ka rilru in Pathian hnenah lawmthu ka sawi mawlh mawlh .

"Bawihi ka fapa...ka fapa aharh tawh " ti halhin hamhaih hmel zet chuan min rawn melh a "ka awih theilo ! Lalpa ka lawm e " ti supin min rawn pan hnai in min kuah thlawp
"Lalpa ka lawm e " ti zui leh vawng vawngin ka chhipah ahmui a nawr vang vang a " ka fapa " ti chhuak leh sup in nghet zet chuan min kuah a , ka nu in ka pa bia in Hospital rawn kal vat tur chuan a ph a ,ahnuah ka û te rawn thlawk thla nghal turin a chah leh nghal mawlh mawlh bawk .
kan beisei loh lai tak ka ti dawn nge ? Keichuan beiseina ka nei tho a ,Bawihpuia rawn harh chu kan hlawmin kan hamhaih tlâng ani ber .


Ama doctor berin thlakhat hnu ah ala har loh chuan life support tih tawp mai kan duh leh duhlo thutlukna siam turin min ti tawh hial kha ania! Kar hnih hnu ah a rawn harh leh mai si ! 'Beidawn tawp ah Pathian a rawn che thin ' tih chu alo dik ngei e .






"Mommy .. "





"Aw bawihte " kalo ti sep a ,U Remruatan tihnat hlau si in Bawihpuia kut chu achelh vang bawk .
"Papa hian ahmaiah hian hair angah e " a tih chuan ka nu leh pa kei U Remruata chenin kan nui hak hak hlawm .Karhnih nilo helai kan thlen thlak atang ala in met failo a ,a hmuihmul leh khabe hmul te chu a buk tawh viau mai .

"A pa zawk lo em ni Duata " U Remruata'n a tih chuan Bawihpuia abu veleh nghauh nghauh tho .
"Mahse i old hmel a " a tih leh chuan kan lo nui hak hak hlawm .






"Kan floor chung chiah a boral te khi kan mizo pui an ni a ,kan han thlah liam lawk ange " ka pa'n atih chuan "mizo maw ?" Kalo ti ha

"Aw ni e , putar thisen cancer an tiin ka hria " ka nu zawkin alo ti ve thung
"U Remruat ka han kal ve lawk aw " ka tih chuan zawhna mitmenga min melh chungin abu ve nghut tho






Kan floor chung chiah kan thlen chhauh chuan tap ri a lo ri ral ral a ,hmeichhe tap thawm ani .
An cabin kawngkhar atang chuan ka bih a ,ka pa te erawh an lut tlang nghal mai .
Nu pakhat hi alo tap mawlh mawlh a ,an kiangah afapa ICU kawt atanga rawn hruaitu ngei kha chu putar en ngawih ngawih chuan alo ding bawk .


"Kan chelh zo ta ngang lo ani " ka pa in a dar a aben thak chuan alo ti sup a , " e taka Mami ka pa khan heihi pe tur che in min ti a , i fapa alo harh tawh tih kalo hria a ka pa akal zui ve mai nen ka rawn be hman lo che a " ti sak talhin ka kutah saisu mu hruai a inthil hi min pe a ,thil holam te mah nise ka ngai hlu takzet . Kan inbiak khan hethil hi akut dinglamah khan a bun tlat ani .
"Amak khawp mai ! Ahriatna thalo viau a kan hriat lai khan hethil hi " mami pe rawh " ati tlat a ,ICU kawta inlo awm dun ni tlai ah ani nghe nghe ,chuvanga nangmah asawina tih hrethei nghal ka ni a . Khami tlai kha hun rei tak hnu a buai miahlo a atawng leh ka hriat hmasak berna leh atawpna ani bawk " harsa zet chuan ati chhuak thei hram a .







A thil min pek chu hum ngawt ngawtin Putar nunna nei tawhlo a mu bal chu ka pan hnai a " ka lawm e " zawi te chuan ka ti sep .

Ka fapa nunna leh anunna inthleng ang hiala ngaihna te ka pu a,amak khawp mai .