Khuanu ruat - 15

[Vtei Jahau]

Zikpuii's P.O.V






"A tawk tawh viau e" tiin rei fe min nghah ren rawn hnu ah Thangdêla chuan min tung tho deuh nawlh a, "Hêng hi nangmah vang vek a nih hi, rawn in lan miah lo la chuan hetiang zawng zawng hi kan chungah a thleng lovang" tiin keima chunga ka thinrimna chu Thangdêla lakah chuan ka leih bua a, chum nghek nghek pah chuan ka an khum tawn tawn reng bawk.






"A tawk viau e, i chung a ṭhat ka chhuah zia hi I hmu thiam lovem ni?" tiin a mah ka chum nghek nghekna kut chu a man bet a, hnai zet ah chiang fe chuan min en, "Engthil nge kan lakah i beisei chu ka hre lo, mah se engmah I hmu chuang lovang" tiin ka tal chhuak a, a hmaiah chuan ka beng sawk, "Awle, lem ka chang peih tawh lo" ti hrawk in, ka in rin hman hma chuan min pu deuh vâwk a, a nau te lam chu min pan pui nghal a, ka tal vak vak na chu engah mah a ngai duh lo.





"Kal ang u, Ngursairuma te ho in kan hnu hi an rawn chhui ngei dâwn a, an rawn thleng ṭêp tawh hial mai thei" a ti a, min pu chung chuan min kal pui ta nghal vâwk vawk a.






Ngursairuma's P.O.V







"Tukin khan an chhuah san a nih dawn hi, kan chawl ve phawt dawn nge kan kal zêl ang" an riah bûk ka en kual feee hnuah chuan ka ti a Hrangruma chuan "Ni lo eeee, chawl tawh lo mai ang u, Ngura ngaih ṭhat lohna lian tak ka nei a ni" Hrangruma chuan a rawn ti a, chutia a tih takah chuan keipawh in hnial lovin hma chu ka hruai leh nghal a, khaw thim hnuaiah pawh ni se ka mit hial thil a hmu thei a, khaw var a thil kan hmuh ang em em hi chu ni lo mah se mi pangngai mit ai chuan ka hmu chiang thei zawk daih a ni.





An hnu ah chuan an pan lam tur ka rin hriat theih vang in an hnu ka hmuh pawh chu zui tawh lem lo chuan ka ṭhiante chu ka kal pui mawp mawp a, Hrangruma hmel lan danah chuan eng emaw tak hriat a nei a nih ka ring, a hmel lan dan pawh chu hriatthiam a har hleee.








Kan kal chak bawk a, khawfîng a chah hnu deuh lawkah chuan kawng thlang deuhah chuan mipa pakhat ruang kan va hmu a, chian tum in Hrangruma chuan a va hnaih a, mah se a piah deuh hlek a thil eng emaw ka hmuh tel vang chuan Hrangruma chu kal pêl in mipa ruang piah ah chuan ka va kal a, ka thil hmuh vang erawh in ka ding deuh chawt, sawi tur ka hre lo va, ka ham haih vek a ni ber, hetiang hian ka la awm ngai hauh lo.






"Engthil nge a?" ti a Hrangruma'n ka thil hmuh a rawn hnaih ve chuan a ni pawh chuan ṭawng zai rel a tum lova a ding khawng ve reng ringawt, "Ruma, Ṭhuampuii hi hetah hian phûm nghal mai ang u, kan tlaivâr si a, hetah hian hahdam ve phawt teh ang u, tukṭhuan bar pah in" ka ti a, a ni erawh chuan min ngaihsak miah lovin Ṭhuampuii chu a pan a, Ṭhuampuii ruang dâng lap tawh chu a mal chungah a nghat a, a pawm deuh tlawk tlawk, keini ho pawh chuan tih vak dân tûr hre lovin kan en ṭhap ringawt a.







Tukṭhuan kan peih fel thleng chuan Hrangruma chuan Ṭhuampuii ruang chu a la ṭhut chilh reng a, "Ngura Hrangruma awmdan saw dik dawn in ka hre tlat lo" Zawlpui Pasalṭha Lianzama chuan a rawn ti a, Hrangruma chu ka va pan ta nge nge a, "Ruma, a tawk tawh e, mi paaaa takin leee" tiin a dârah chuan ka va vuan a, mah se min ngaihsak lo, "Ruma!!" tiin ka sawi deuh dat a, "Ka that vek ngei ang" rum nghut chung chuan a ti a, a rawn tho chhuak a, ka lam a rawn hawi chuan a hmelah chuan huatna lo chu hmuh tur a awm lo, "Ruma, in thing harh phawt teh, kan thinrim lai ber hi in thunun kan ngaih hun lai ber a ni tih theihnghilh suh" ka ti a, a mah chu ka en deuh reng a, a ni pawh chu a in hum ruh lutuk chu in thlah dul in kan nau te ho min lo nghahna lamah chuan ka phei pui ta a.






Tukṭhuan kan ei khamah chuan Ṭhuampuii phumna tur chu kan lai a, thuk ṭha tawk tak kan laih hnuah chuan Hrangruma chuan a rawn pawm phei a, a thlan kan laih khuar a a dah luh hma chuan a chalah chuan a fawp deuh vawng vawng a, Pasalṭha meuh pawh a in ti pachang thei lo, a biangah a mittui a rawn luang a, rei fee chutianga a awm hnu chuan thawk la deuh ham ham in Ṭhuampuii chu a thlan turah chuan a dah lût a lei chu pawng thur in kan vur hnan leh a, Hrangruma erawh a in thiar fihlim daih thung, kan piah deuh hlek kham hmawr a a ding chu ka va pan vat a, a thawm a hriat chuan nui deuh suk chung hian, "Ka lo zuan thlak daih i hlau em ni?" a rawn ti a, keipawh chu ka nui ve suk, "Ka fa a pai mek a sin" vân lam thlir deuh vang vang pah chuan a ti leh a, ka meng deuh kawk, mah se ka in siam ṭha leh vat thung.







"He thil a a bul tum tu hi ka that ngei ngei dâwn a ni, mi pakhat mai a that lo a, mi pahnih a that a ni" a rawn ti leh a, Hrangruma chu Thangdêla hetianga a chet chhan dik tak chu keimah vang a nih thu te chu ka hrilh ta vek a, a chhan zawng zawng nên, "Ruma a pawi ka ti khawp mai, keimah vang vek hi a ni" ka ti a, Hrangruma erawh chuan, "Ngura, I thiam lohna a awm lo ve, ka hrethiam che a lawm, nangmah in thiam lo duh hauh suh, mah se Thangdêla chu ka hmuh hunah keimah ngeiin ka kut in ka that dawn a ni, chu ta min lo dang a nih erawh chuan nang pawh ka hmêlma ah ka chhiar ve ang che" chhum hmuk chuan a ti a, a chhang lem lo, mah se Hrangruma rilru tur ka hriat thiam pui a, a thil tum a dan pawh chu ka tum chuang lo.







Zikpuii's P.O.V







"Mi pahnih I that a ni" ka kal lai chawl meuh chuan rum zet in Thangdêla chu ka en a, "Ziki, buaina siam tawh teh suh, ṭha tak khan min zui mai teh" rawn ti in ka kuta rawn vawn chu a tum a a kut chu ka lo thing thla rang hle, "Ṭhuamṭhiani khan nau a pai mek a sin, ka u in min rawn ûm phâk hunah chuan tumah nungdamin a chhuah lovang che u" ka ti leh a, "Chuvang reng chuan kan lo lam bun dawn reng a lawm" nui vur vur chung chuan a ti leh a, "Mi dawihzep tak I ni, Ngursairuma i thik em em a, a ni nen a tehkhin chi pawh I nih nek loh hi, i tum chu I hlawhtling chuang lovang, Thangdêl hetah hian duh tawk la tlânchhe zawk mai rawh" ka ti leh a, a mit chu a chhing vang vang a, thawk a la deuh ham ham a, a rawn meng leh chuan a zaidam lutuk hmel kha a rawn danglam ta veka nichin a a mah pawh kha a ang tawh lo, "Ngursairuma, Ngursairuma hepa hi engnge a ṭhat em em na!!! a eng lai hi nge keimah aia ṭha zawk awm" ti ṭhawt in min rawn sawi nawk nawk a, ka zawi nghal hnawk ni mai in ka hria, mah se ka zam duh bik lo.







"Eng kawngah mah I tluk ngai chuang lovang, lo that thei ta pawh ni ta tehreng laaa a ni I tluk lo a ni tih hi nang tluk a hrechiang tu dang an awm chuang lo, chuvanga thah tum pawh i ni a" ka tih leh chuan ka samah a rawn ṭham nawk a, min kek dâk deuh awrh, "A hun hma a thih I duh loh chuan I ka kha chip hmak tawh ang che, i hmangaih em em I u leh I pasal la ni mai tur te chu hetah hian kan lo nghak ang, chuan ka sawi tawh ang khân kan lam bun ang nga kan that vek bawk ang, chuan nang chu ka ho te nên hian nawm chen nan kan hmang che a nga ka that ang che" a ti a, thingkung lian tak ah hian min phuar zui nghal mawlh mawlh a.







"Nang ni ang mi dawihzep thah mai mai chi an ni lo" ka ti leh hram a, Thangdêla chuan min nuih liam san leh mai mai tawh tunah chuan mi zaidam tak kha a ni leh tawh thung.








Kan in nghahna hmun chu a rem ṭha hle a, kawng aṭangin a han chhak deuh hlek a, mi lo lam bun nan chuan duhthusam a ni, mah se an rawn thlen hun tur tak tuman an hre bik lova, chulai hmuna zanriah ei na tur te chu an buaipui leh rih a, ka ban a kham tawh hle, mah se engmah erawh ka sawi duh lem chuang lova.








Zanriah ei an peih chuan Thangdêla chuan min rawn pan a, min phuarna chu a rawn phelh mawlh mawlh a, "Eng thil nge tih I tum?" chhum hmak chuan ka lo ti a, "Lungngai suh Sapui ei tûrin ka pe lovang che" a ti a a nui deuh suk, "Ṭha te te hian I awm thei lovem ni, lo lang lo la chuan tûnah hian Ngursairuma nen kan in nei tawh a nga, kan in neih zan tur tak a ni tawh a" ka ti a, rum zet chuan ka la melh run rum tho a, "Lungngai suh in neihsan chu kan hmanpui mai dâwn che nia" nui deuh huk chung chuan a ti leh a, "Ngawi hmak rawh" ka lo ti hlar.







"Hmeichhe dang nen hian in in ang hauh lo, nang hian danglamna riau i nei a ni" chik zeta min en chung chuan a ti a, "Nei lo reng ang chu, hmeichhe dang ka ni miau hleinem" tiin hlauthâwng rilru fee chuan ka lo chhang a.







Chu mi zan chuan bûk chhûngah keimah in min riah tîr a, bûk pawnah mei an chheh hual chuan mipa ho chuan min mut hual ṭhap thung, mah se zan laiah chuan Sapuiin kan buk chu a hel ta tlat a, tumah chu kan muhil thei lo, ka hlauh deuh vangin buk chu ka chhuahsan a, an meipui chheh hnaih takah chuan ka va ṭhu ta ringawt a, min melh ṭhap hlawm, "Bûk pawn hi chu a hlauhawm a nia" Zaidam tak hian Thangdêla chuan a rawn ti a, ka chhang lem lo, mah ni a awm ka duh teuh lo.







"Ngursairuma chu ni se a um bo leh daih tawh ang" tiin Thangdêla chu ka en kher a, a thinrim leh hle a ka rin laiin a nui daih thung, ka thusawi chu engah mah a ngai lo, tih thinrim a Ngursairuma te an lo thlen hun a thinrim khat vanga duh ang pawh a che thei lo tur a ka duh vang a ni a, mah se a thlen dik loh hmel.








Ngursairuma's P.O.V






Zan rei fe tawh hnu chuan thingkungah kan mu chawl zawk a bûk sakna hun kan neih tawh loh vangin sapui leh thil dang laka kan him zawk nan a thingkunga riak kan ni, mah se khua a var ṭan tihah chuan ka harh zawk a, ka hnar chuan mei rim a hre ta tlat a, Vunga leh Hrangruma pawh an lo harh ve reng tawh a lo ni, kan pathum chuan kan nau te chu kan kal harh zung zung a, kan thil hriat chian tur chuan hmun thuma in thendarh in fimkhur takin kan pan ta a, kei leh ka tlangval hruai chuan thlang feee aṭangin kan hel a, thawm ka hriat vang chuan ka tlangval hruai chu thing bûk phenah ka pawt lût vat a, ka han en nawn leh chuan kan thlang lawk kawr te ah chuan Hriangpui tlangval ka zuk hmu a, kan mi um lai te kan um pha ta tih chu chiang takin ka hre ta nghal mai a.






Kan thlanga tlangval chu mana dawp ka han rilrûk zet tak na a ka rilru chu ka thlak leh ta zawk a, chupa in an pûk lam a pan chu a hnungah kan zui ve ta zêl a, a mah chiah chu a lo la tho chhuak chu niin eirawng chu a bâwl nghal mawlh mawlh a, ruahmanna thar ka neih vangin ka tlangval hruai chu ka let pui leh ta phawt a, kan ṭhiante pawh chu an lo lêt vek tawh, "Tumah ka hmu lo" an ti ve ve a, kei ni erawh in kan mi um lai te kan ûm phak tawh thu chu kan hrilh ve thung.





"An awm dân ah min lo chhang niin ka hria, he lai hmun hi Thangdêla nen a kan in sual a ka tlawm hmasak ber na hmun a ni a, chuvang in helai hmunah hian min tlawm ve ngei a tum niin ka hria" ka tih chuan naupang chhia an tih thu an sawi a, an nui deuh hak hak hlawm, ni e dik tak chuan Thangdêla hi a naupang chhia takzet a ni a phuba lâk dan zawng zawng te nên hian.







"A tira ka rilruah chuan ramsa kah thlûk tur zawng ila huai chêtna anga zan lama tih ṭhaih phawt kha ka rilruah a rawn awm a mah se Zikpuii a awm ve si a, kha thil kha chu a chi ka ring leh lo a, mah se kan thang rei ta mah mah si a, zan in ah kan che chhuak ang nga an mutthilh hlan in that lo va ni khaw hre lo a siam vek dan kan ngaihtuah dawn nia, chutiang a nih loh chuan min kar na tur Zikpuii an nei ve tlat si a" ka tih chuan ṭha an tih thu an sawi tlang liam liam a, zan lama an ni bei tur chuan kan in buatsaih ṭan ta a.




Chhunzawm tur.