My Cosmos (Chapter-1)

[Rebec Nunziri]

Chapter-1




Ruthi Lalhlimpuii POV




"Nimin kha khawiah nge in kal?" ka thiannu Lizzy chuan a ti a, "Khawiah vak kan kal lo" ngui deuh bam chuan ka ti a, ka ner nang mai, "Mate.. keichu in pa hi then daih la ka ti, ka ti lui chuanglo che a mahse ka duhpui thei thlawt lo che" Debo-i chuan a ti a. Ka bialpa nen hian thla hnih chuang chu kan in zui ve tawh a, mahse a bialnu ang pawh in min en lo ti ila a dik ber ang, ka thian te hian a mizia hi an ngei em em a, min duhpui lo em em a, then turin min ti fo mai, ka duh hnen em avang hian then ka ngam thlawt lo a ni ber.




"Ka duh na a rei tawh zia in hriat ve vek kha, kan in zui ve dawn chiah a ka then thei lo" ka tih chuan hauh en ah pawh min en lo, ka tleirawl chhuah atang ka duhpa kha a ni tawh a, tunah ka duhthusam thleng dik in kan inngaizawng ve chiah a ka then lehnghal theilo a ni. "Kan hria alawm engpawh nise a awmdan hi ka ngei" Debo-i bawk chuan a ti leh a, ka nui ringawt, tunah hian MA ka kal mek a, ka zo tep tawh bawk, ka zirna ka zawh vel ah hian ka tui na lam tak designing lam zir ka rilruk a ka chhungte pawn min pawmpui viau bawk.




Ka hming chu Ruthi Lalhlimpuii a ni a, fanu mal niin u mipa pakhat ka nei a, Gerard Lalmuankima a ni, ka u nen hian kan in thlah viau a, kei ai kum 8 in a upa a ni, ka pa hi Lalfamkima niin School Headmaster a ni a, kan school a ni nghe nghe, ka nu hi Lalnunpuii niin ka school ah chuan science teacher in a thawk ve bawk, ka u hi engineer a ni thung a, a hmeltha in a palian bawk a, a luck ve viau, mahse nula lam a ngaihtuah ngailo, a awm awm hian a awm ti ila a dik ber ang, kum 23 thlaleh ah ka tling mai dawn a, nula sang ve thawkhat tak ka ni a, ka vun a ngo a, hmeltha min titu ka tawng ve nual tawh bawk.




Ka bialpa Mark nen hian thlahnih lai kan in zui tawh ka tihkha, class 12 kan ni laiin a takah ka hmu a, a hmel ka hmu chiah kha ka luang liam nghal a ni ber, ka duh em em a, ka hmangaih em tih erawh ka hrelo thung. Hmeichhe tamtak duhrawn a ni a, an zingah chuan kei ngei pawh hi ka tel ve, college kan kal khan kan college ah guess angin a lo kal rawh a, thu a rawn sawi a ni, khami ni khan tum loh deuh in ka su chawrh mai a, a kawr ah ka thio in lai ka la leih baw zui kha zah zia kha. Rum zetin min en a, engmah sawi lovin a kalsawn ta daih a nihkha, khami ni atang khan akn in hmu ta zauh zauh a, mahse kan in be ngai lem lo. Thla thum liam ta mai khan min rawn be mawlh a, ka hming pawh a lo hre thlap bawk, ka lawm zia kha... tichuan kan in be chho zel a tun hun hi kan thleng ta a ni. Kan inngaihzawn tirh lai kha chuan min ngaihsak hluak nisi lo khan min care na kha a ti lang ve thin a, mahse thlakhat kan nih tlin atang khan a mizia a danglam ta vek a awmzia ka hrelo hle.




Class ban a hun chuan kan thian ho chuan campus atang kan in zui chhuak a, ka scooty tlan loh ni a ni avangin Lizzy in min thlah dawn a ni. "Zanin chu I lo kal ve tehi ang tiraw?, I sawi vel tawh kha aw" kan in zawnah chuan a ding a, "Imm ka lo tum ang, ka chhungte ka lo hrilh anga" ka tih chuan a nui ver ver a, a tlan liam hnuah keipawh chu inah ka lut ve ta chuah, "Mambawih i lo haw tawh a nimaw, vawin lam te hun i hmang nuam em?" ka nu chuan a lo ti nghal zung zung a, min hmangaih em em a, khawvel a nu tha ber a ni ka tih ngam sak.




"Nuam a nimai, nu ka han in thleuh ange aw, khua a lum bawk sia ka ban deuh chuap mai" ka ti a, "Awle, han chho rawh" a tih takah chuan rang zetin ka room lamah ka tlan chho a. Ka phone a low avang chuan ka charge hmasa te te a, inbual turin bathroom ah ka lut nghal, ka zawh hnuah thawmhnaw te in bel in ka chhuak a, ka nu chu kitchen lamah a lo che malh malh a, ka pui ve nghal vat. Eirawng kan bawl zawh hnu chuan ka u leh ka pa te pawh an lo haw a, chaw kan ei nghal vat a.




"Nu, Pa zaninah ka chhuak dawn aw" thleng ka sil zo sitting room ah chuan ka va thu ve a, "Tihtur I nei em ni?" ka pa chuan a ti sup a, "Lizzy u fapa birthday a nia, min sawm ve a" ka tih chuan "A tha alawm, rawn haw tlai lo la" a ti ve mai a. Ka pa hi pa strict ve tak a ni a, mahse over uchuak ang erawh a nilo, thudang sawi a kan titi mawlh mawlh lai chuan ka u chu a room atang a rawn chhuk thla a, ka bulah a rawn thu nghal zat bawk, "U.. lenna tur I nei lo a mi?" ka tih chuan "Khawiah nge leng se min tih?" a lo ti khauh a, ka dar chu ka kan ak a.




"Ka hre bik nang, hrim hrim ah I luck awm lo hi ka ti, tunah tlangval senior I ni tawh a nia, nula in a lenna tur pawh I la hmu zo lo a nia" ka tih chuan ka nu leh pa te an lo nui huk huk a, ka u erawh chuan ka samah a rawn tuai nawk nawk a, ka lo teu hlar mai. "Naui nghal suh, ka duh loh vang mai mai alawm, I u hi ka luck zia i hriat kha" luck in tih hmel fe chuan a ti a, ka melh rawm rawm a, "I hmu lo tawh a nihkha, zantin inah tlangval a pum pa i in khung chawt zel ni" ka ti hlak a, "Ni e... Mambawihi sawi kha a dik a nia, naupang chhe zawk zawk I ni tawh lova, nupui neih lam te hi awn ve tawh teh, mo neih kan chak tawh a nia" ka nu chuan a lo tui hnih ve a, ka pa pawh chuan ka nu thusawi chu pawmpui zet in a lu a lo bu nghut nghut a.




"Nu a la hmanhmawh thlak hleinem, mo tha deuh i la nei em em ang" ka u chuan a ti a, ka nu chuan "I pa nen kan upa tawh, kan thit hma ngei hian tu hmel hmuh te kan chak ve tih hria la" a ti leh hlak a, "Nu thih chungchang kha sawi ziah lo teh, ka pa nen hian min dam pui reng dawn alawm" ka lo ti a. Thihna lam an sawi hi chuan ka rilru a lo hah ngawih ngawih zel, "Ni e... Mambawihi nu kan fate hi kan dam pui reng dawn alawm" ka pa chuan a lo ti ve vat a.




Dar 6:30 velah chuan in siam turin ka room lamah ka chho a, ka thawmhnaw hak tur ka lak chhuah lai chuan ka phone a rawn ti a, ka en vat a, ka bialpa a lo ni, rang takin ka la a, "Lo in siam rawh ka rawn lam ang che" hello ka tih hma hma chuan a rawn ti hmuk a, "Mahse zanin chu chhuah na tur ka nei a" ka tih chuan "Ka rawn thleng har lovang" ka thusawi ngai pawimawh lo zet chuan a ti leh a, tawng tur a ka ka ka ang hman zuai tih chuan a dah daih a nihchu, tih ngaihna hrelo lutuk in ka phone chu ka melh reng ringawt.




Lizzy ka phone a, a lo la nghal vat, "I lo thleng tep tawh em?" a rawn ti lar lar a, "Lizz tihpalh lutuk ka lo kal hman dawn lo a, min hrethiam hram rawh" ka ti chuan ka hman dawn loh chhan chu min zawt nghal thuai a, "Chhuah na tur ka nei thut mawle, min hrethiam hram hram rawh aw" ka ti leh nghal zat a. "Awle, a tha alawm, a pawilo thil pawimawh tih tur I neih te chuan mahse a lehpek ah chuan chhuanlam I nei thei tawh lo a nia" a tih chuan ka thaw huai mai, phone kan dah hnu chuan ka kawr har tur a ka lak chhuah sa chu ha in ka hmai ka chei mawlh mawlh a, ka chhungte bulah pawh Lizzy te in a ka kal loh tur thu ka sawi tawh lem lo.




Kan in kawt ah chuan ka lo nghak ran a, reilo teah a rawn thleng ve nghal thuai a, motor atang rawn chhuak lem lo chuan glass a down a, "Rawn lut rawh" a ti deuh hmuk a, a nelawm loh thei bawk si, engtinge he mipa nelawm loh lutuk zun ah hian ka uai theih pawh ka hrelo e. Khawiah nge min hruai dawn tih zawh tumin a lam chu ka hawi a, mahse a hmel chang deuh rut ka hmuh chuan ka in sum leh ta zawk a, tunah hi chuan thil zawt ni ngat ila chuan min thah duh mai hmel a put vang a ni.




Motor a ti ding a, pawn lam ka hawi chhuah chuan bar ang tak pakhat zawn ah a lo ding a, motor atang a chhuk chuan keipawh ka chhuk ve vat a, inchhung kan lut chiah chu an lo ti hut hut a, "Min rawn zui rawh" a ti deuh sup a, thut na awmah chuan min thut thlak pui a, hmeichhe cher ve lam hi kan lam panin a rawn kal a, "Hey, chhelopa tunlai I va reh ve" tih pah chuan Mark bulah a thu nghal tharh a, keichu awm ve lo ang maiin min hmuh kan hmak bawk. Mark chuan nui deuh suk in "Ka buai deuh a lawm mawle" a lo ti thum sup a, ka lo ner ru sawk mai, hmeichhia chuan Mark malah a kut a dah a, a chul kual dan dan bawk.




An in biak na chu ka hriat peih tawh loh avangin ka thut na atang tho chhuak in ka kalsawn ta daih a, "Ka tihpalh lutuk, min ngaidam rawh" mipa pakhat ka suit chawrh rual chuan ka ti a, a no ken lai ka la tih tlak sak zui. "A ho lutuk ka thiam loh ve tho alawm" hawihhawm zet chuan a ti a, "Ka tihpalh tak tak a ni" tiin thupha ka chawi leh a, "Nangmah in em ni I kal I va mal hmel ve" a tih chuan "Ah.. nilo e, ka thian nen a nia" tiin Mark te thut na lam chu ka en a. Hmeichhia nen khan an lo in thut hnaih tawh khawp mai, "Ok.. lo kal rawh, i thiante chu an buai hmel emai, kan pahnih in kan in kawm dawn em ni?" a ti a, ka hnial dawn zet na in a hmel ka en a, a nelawm em em a, keimah chauh a awm ai chuan tiin ka lu chu ka bu nghat a.




Thutthleng pakhat ah kan thu dun a, "I hming min hrilh thei angem?" a tih chuan "Ruthi ka nia, nang ve?" tiin ka zawt let a, "Dennis ka ni e, chuan heai hmunah hian i vawikhat rawn kal na em ni, nidangah ka la hmu ngai hauh lo che" a tih chuan "Umm.. ka vawikhat lo kal na" ka ti sep a. Chutia kan in biak mawlh mawlh lai chuan Mark ka hmu thut a, a la meng rum em em zui, ka lam chu ding zetin a rawn meh ngur a, ka hawisawn vat a, "Naktuk mai hian Mumbai lamah ka chhuk leh tawh dawn a" a tih chuan "Mumbai ah I awm maw?" ka ti ha a, "Yes... ka naupan lai atang ka awm tawh a, thlaleh mai hian nupui ka nei dawn a, ka pi in helamah rawn chho lawk turin min tih vangin Mizoram lamah ka lo chho a nihhi" a tih chuan ka lo bu nghat nghat a.




Kan in bual mawlh mawlh lai chuan ka thut na atanga min phih tho lawp tu an awm a, ka lo in ring bawk silo nen ka te deuh that a, "Engtinge ti ni a I in hriat a?" Dennis chuan a ti nghut a, "Lo in rawlh suh, chuan min rawn zui rawh" tiin keichu mitmeng thim khup hian min en a, ka chil ka lem khawlh mai. Ka ban a hmer na lah chu a la na em em zui, "Thiana buaina I nei em ni?" Dennis chuan dam thluam hian a ti leh a, "Ka hmeichhia hnaih ah hian awm leh tawh suh ang che" chang fak hian Mark chuan a ti a, "I hmeichhia a nih si chuan ngaihsak ta che, hmeichhe dang hnaih loh in I hmeichhia hi ngaihsak ni la a hnaih ah hian ka awm a ngai hauh lovang, mal takin I awm tir a, keiin ka lo kawm hlim mai a ni, chutah chuan thinrim na tur a awm in ka hrelo" Dennis chuan a lo ti a.




"Tawng tam vak suh, chuti a nihloh chuan maw I chung a ka thil tihtur hi ka sawi lawk thei hauh lo" thinrim seh chilh nak nak chuan Mark chuan a ti leh a, "A tawk tawh, Dennis kan kal phawt mai ang, min hrethiam dawn nia" tiin Mark chu ka va en a, tak ngur hian min lo en chhuk ve run a. Kalsawn mai ka tum lai chuan min pawt let thut in ka hmuiah na zet in a rawn fawp buan buan a, a awm ah chuan ka nam a, ka kut chu a rawn vawn hnan hmiah a, duhthawh lutuk chuan min fawp buan buan a, kan awmna hi bar a ni ka tih tawh kha hetia mi hmuh a in kiss tih vel hi engah mah an ngai lem lo mahse ka zak lutuk tho, Dennis pawh chu a la a ve reng tih ka hria, rei fe min fawh hnuah a in la hrang ve thei ta hram a.




Ka hmui chu a na thip hlur thei, ka zak lutuk chu hawi pawh ka hawi chhuak ngam tawh lo hrim hrim, ka kut ah kaiin kan luh tirh a kan thut naah khan min thut pui a, a la thaw hawk hawk mai, "Khapa kha a hmain I hre ngai a mi?" nelawm loh zet hian a ti a, ka lo ka thing ringawt, a rum deuh nghut a. "Engvanga a bulah khan awm nge I nih?, hetiang ang em em hian em ni mipa I lo lawm a?" a ti hrawk a, ka mittui chu a hnam tiam tiam a, ka hlauh vang a nilo, ka rilru nat lutuk vang zawk a ni. Amah zawk hi a nilawm ni kan luh tirh atanga hmeichhe dang awmpui zawk chu, a thiamloh na hre miah lovin keihi min la hau ngam a nia, a khum hrep mai ka duh mahse engmah ka sawi chhuak thei lo, ka hmui chu ka pet fan fan a, ka mittui tla tur chu ka khap let sak sak bawk.




"Min chhang ta che" a ti leh thawt chuan ka phu deuh zawk a, "Khatiang khan min ti suh, nang zawk hi a nilawm ni heta kan awm tir atanga hmeichhe dang bula awm zawk chu?... Min puh reng reng suh, kei min dem hma in nangmah kha in e fiah hmasa rawh" tiin ka ding chhuak a, "Khawia kal nge I tum?" a ti nghut chuan "Ka haw dawn" ka ti hmak a, "Kan kal rual a kan haw rual bawk ang" a tih chuan "Aih ka duh lo, ka haw dawn, lungngai suh .in thlah kher ka phut lo, keimah pawhin ka haw thei" tih leh kalsawn ka rual a, pen hnih vel chuah ka pek hman tih ah chuan min pawt let hrawk a, a mal ah chuan ka thu a rang zeta thawh chhuah lehnghal mai ka tum chuan ka kawngah a vuan bet tlat a, "Tal tal suh a nih loh chuan helai hmunah hian hmangaihna ka chen pui ang che" ka beng bulah a ti sup a, a fiamthu emaw tiin a hmel en tur chuan ka hawi chho a, mahse tak run hian min lo bih thla run a nihchu, a mitmeng ah chuan a thusawi kha a ti mai mai lo tih a hriat hle bawk.




Ka mal chu a zut kual dan dan a, a kut chu ka lo man beh sak vat, hetiang a awm hi ka duh lo, midang tam tak an awm ve a, hetia taksa lo in zut kual vel hi ka duh lo, engtinge miin min ngaih ang?... "Ka sawi kha i hrelo a mi?" nelawm loh zet chuan a rawn ti chhum hmuk a, "Midang an tam em hi" tiin ka hawi kual a, "Tuman min ngaihven tak tak lo, an buai buai in an buai vek, awm tha hle hle rawh" A ti a, a kut ka vawn. beh na chu a rawn dah sawn hmak bawk, ka mal chup pah chuan ka ngawng chu a hmui in a nul kual dan dan bawk a, ka awm chu a nuam thei thlawt lo, engmah pawh ka feel theilo. "Mark tiang a awm hi nuam ka tilo, I tawp thei angem?" ka ti a, ka thusawi chu hria ang pawh in a awm lo, midangte awmna lam chu ka en a, min ngaihsak vak hmel loh, mahse tawp vat ka duh a ni. Ka khabe ah dawmin a lam chu min hawi tir a, ko ham zet in min fawp nghal ngawng ngawng a, ka chhang let eih lo thung, rum deuh nghut nghut chungin min fawp uar sauh sauh a.




"Engthil nge ka hmuh hi?" tawng ri a hriat takah chuan a tawp ta chuah, ka thawveng huai thei, "Angie a hun lo takzet a ni" Mark chuan a ti nghut a, "Henu hi tunge, engvanga khatianga awm kha nge in nih?" nichina hmeichhe nu kha a ni. Mark malchungah chuan ka la thu reng a, ka tai ah min la vuan reng bawk, "Chuthil chu i hriat a tul lo" Mark chuan a ti hmuk a, a aw atang chuan a thiltih a tih buai avangin a lungawi loh hmel hle bawk. "Aih.. a tul nang leh kei hi.." a ti chiah tih chuan Mark chuan lo tawng khalh in "Nang leh kei chu enge?" a lo ti hmuk a, "Tinge tiang hian i awm a, I tan engkim ka ti a" rilru nat hmel fe chuan Angie a tih nu chuan a ti a, engmah pawh ka sawi ve lo, Mark malchung atanga chhuk ka tum chuan min lo vuan nghet sauh a, "Kan in karah hian engmah a awm lo a a awm ngai bawk hek lovang, nanghi chu ka in fiam na pakhat ve mai chuah i ni" Mark chuan awlsam takin a ti a.




"Enga?... Anih chuan khang hun kan hman ho zawng zawng kha I tan engmah lo mai maw a lo nih a?" Rilru nat hmel fe chuan a ti a, ka khawngaih rilru khawp mai. "Angie nang hian i hrechiang ber, kei hian ka rawn pan hmasa ngailo che, nangman min rawn pan thin a nihkha, chuan kan in karah engmah a awm lo a a awm ngai dawn lo bawk, chuchu hre reng rawh" Mark chuan a ti leh a. Engtia awm tur nge pawh ka hrethiam lo, chet nachang pawh ka hrelo, "Ka thusawi chu i hriatthiam chuan min kalsan la a tha ang, i hmuh ang khan thil pawimawh tak tihtur ka nei a ni" a ti leh sup a, ka thin a phu dup dup mai, a ni hian enge tih leh a tum?.. Nilo tuna thil thleng zo chiah kha chhunzawm a tum tihna em ni?... Ka ngaihtuah na ang hi thleng dik lul suh se.




Angie a kalsawn hnu chuan a thaw chhuak hawk a, "Min thlah teh" ka ti a, "Kan la zo reng reng lo, mahse helai hmun hi chu a ual au mah mah a ni, kan chhuah phawt angai" tiin a malchung atang chuan min hlang thla a. Ka khur ru der der mai, a ni nen hian hmun fal a awm ka duh hrih lo tunah tak hi chuan, "Ka thusawi I hrelo em ni, tho rawh" a ti nghut a, muangchangin ka tho chhuak a, ka bag chu ka ak tha sawk sawk bawk a. Ka kut ah kai in min kalpui nghal dawr dawr a, motor kawngkhar chu hawngin min hnawh lut rawk rawk a, driver side lamah chuan rawn lut in a tlan chhuak nghal a, tawng chu sawi loh thawk ka la ngam tawk tawk a ni.




Kan in lama kan tlan loh avang chuan a lam chu ka hawi vat a, "Khawiah nge kan la kal dawn?" ka ti a, "Ka sawi kha, khawiah emaw kan thil tih lai ti chhunzawm turin kan kal ang" a tih nghut chuan hlauhthawnna in min rawn luah khat nghal a, "Nilo inah min dah rawh, ka chhungten min ngaihtuah tawh ang" ka ti a, "Lungngai suh, I thiannu te ina kal tur angin I in sawi a nilawm ni, a la tlai lo bawk a, an ngaihtuah lovang che" awlsam takin a ti a, "Aih, khawi a kal mah ka duh lo" ka ti a, ka thusawi chu hria ang pawh in a awm lo, a hmel ah chuan a lungawi lo hle tih ka hria, chuvanga a bula awm duh lo ka ni pakhat, a thinrim hlauhawm zia ka hrechiang a, a thinrim lai chuan engmah tih hreh a nei lo, a bul hnaia awm hrih loh hi a tha ber.




In pakhat zawn ah chuan a ding a, a fal hle bawk, motor atang a chhuak a, ka la chhuak ve duh lo ka awm ngai chuan ka awm reng a, ka thutna lamah chaun rawn kal kual in kawngkhar a rawn pawt hawng pawp a, "Rawn chhuk rawh" a ti hrawk a, "Aih... inah min hruai haw rawh" ka tih chuan "Tha deuh a ka sawi lai hian rawn chuk vat rawh, a nih loh chuan i in chhir hle ang" a tih leh chuan "Khawngaihin" ngen takte in ka ngen a, "A tha e" ti sup in motor atang chuan zo zetin min pawm chhuak a, "Ka duhlo, min dah thla rawh" tiin kake ka leng vak vak a, min pawm reng chung chuan min thing deuh nawk a, "Awm tha hle hle rawh, chuti a nihloh chuan maw ka thil tih tur hi a aia rapthlak zawk in ka ti a, chuthil chu i duh lo a nih chuan ngawi rengin awm rawh" a ti a, ka tal ngam tawh hauh lo, inchhung ah min luh pui a, a in a nilo tih ka chiang, vawikhat a inah ka kal ve tawh a, ka hrechiang hle bawk, helai hi khawi lai hmun nge a nih pawh ka hrelo.




Couch ah min thet thu nawk a, "Ka duhlo dan zawngin i awm nasa khawp mai" thinrim in sum zet chuan a ti a, enge tih sual ka neih ka hrelo, "Enge tih sual ka neih?" hlau chung chung chuan ka zawt a, "Enge tih sual I neih maw? Hah... kha mipa kha I tan enge a nih?, engvanga a bula awm kha nge i nih?" a ti ṭhawt a, "Ka vawikhat hmuhna a nihkha, engmah kan in karah a awm lo" ka ti a, "Chuchu ka awih I ring em ni.... hlim zet a I en lai khaka hmu che, chti chung chuan khat I la tum amaw?... Hre rawh nanghi kahta I ni a, tu mipa mah i hnaih theilo" a ti leh hrawk a, ka lo tum chawih mai, engvanga thinrim em em nge a nih, a ni pawhin hmeichhe dang a awmpui ve tho a nilawm ni?... Chupawh ka mut hmuh ah ngei vawikhat na mai a ni tawh lo bawk, thinrim na chuan min rawn luah khat mup mup a.




"Chutah chuan enge I lo buai ve vak, nangpawn hmeichhe dang i awmpui tho a nilawm ni?... Nangin I duh duh hmeichhia i awmpui theih laiin ka theilo bik ang maw?" ka thinrim lutuk avang chuan ka aw a khur deuh dar dar a, "Tawng tawh hlek suh, ka thu chu awih la I tan a tha a nimai" a ti hrawk a, "Aih ka ngawi dawn lo, diktak chuan i bialnu ka ni a, rilru na ve thei tho ka ni asin, ka mit hmuh ngei ah hmeichhe dang i awmpui a, hreawm ka ti ve thina sin, ang hian min ngaihtuah na chhete mah i nei ngailo, chuvang chuan ka mipa awmpui ah lo buai vak suh, I awmdan zelin tun atag chuan ka awm tawh dawn" ka tih khum leh piap piap a, ka hlauhna te kha khawiah nge an kalbo tak pawh ka hre nek lo ve.




"Enga mipa dang i awmpui ang maw?" thinrim zetin a ti a, a hmel chu rapawm tak a ni ringawt, "Sawi ta che, nang hian mipa dang i awmpui ang maw?" tiin .in thing leh deuh nawk a, ka hlauhna te chuan min rawn zim leh ta mup mup a, tawng nachang pawh ka hrelo, "Lalhlimpui ka dam chhung hi chuan tu mipa mah i awmpui ngai hauh lovang, hre rawh" a tih leh chuan "Nangpawn i awmpui a, ka awmpui lih chhan tur ka hre lo ve, hetiang reng a awm ai chuan in then zawk ang" ka ti leh a, a bek a pawng tawlh tawlh a, min hnek pawp mai duh hmel a pu tawh, ka hlau lutuk ka kaiza te hi a khur dar dar a mahse hlau lo ang chuan lan tum hram hram in a mitmeng hlauhawm zetah chuan ka melh ve ngar a.




"A thleng ngai lovang" tih leh a lam a min pawh a rual a, ka hmui ah na zetin a rawn fawp nghal tawn tawn a, ka theih ang tawk in ka lo sual let a, mipa ah pawh palian ngang a ni a, kei a lo beih let ve na te chu engah mah a ngailo tih hriat takin a chet a buai phah hauh lo. Ka kut pahnih chu rawn man kawp in ka hnunglamah a vuan bet a, ka tukhum ah dawn in uar zetin min fawp a, ka hmui chu ka chip tlat a, ka mittui ka biangah a luang thla ngiai ngiai bawk, ka la tal ve tang tang bawk a, mahse ka kut a man beh na chu a na em a ka tal zawng chuan a nat belh zel avangin ka tal ngam ta lova, a lei chu ka ka chhungah hawl luh a rawn tum a, mahse ka ka chu ka la chip tlat thung.




Ka hmui a rawn thip zawk a, ka ka ka an lai tak chu remchangah la in ka ka chhungah a lei a rawn hawl lut a, thlek sawn ka tum lah in ka tukhum a vawn beh chu a ti na sauh sauh bawk si, in ka hrang in "Nanghian mipa tumah i hnaih ngai lovang, kei tih loh chu, he thil hi tih ka duh lo mahse tilo theilo in min siam a, min dem suh ang che" tiin ka kawr chu a pawt thler thawt a, ka au that bawk, "Aih ka duhlo" tiin ka au vak a, "Ngawi rawh, tha te te a I awm chuan i na lo zawk ang" a tih chuan ka hlauthawng tawh takzet, "Min kaltir rawh, hetiang hian ti suh" ka ti bah deuh nak a, "Eng ang pawn kaltir tur che in min ngen mahla ka thil tih tum hi thulh ka tum lo" ti nghut in couch ah chuan min theh mu hnawk a, ka chungah chuan a rawn bawk nghal zat bawk.




Cont....




In duhzawng a nih chuan comment like leh click te kha min tih sak ula aw, a that chuan naktuk zanah ka dah lehnghal ang....