Politician nupui

[Cck Lalchhuanawmi]

Politician Nupui Hring Nun
Political Love Story_Fiction
Chapter-3
Ziaktu: Cck Lalchhuanawmi





Thawm dim thei ang bera thoin, in chung chhohna zawn hrep hnuah hmu hramin, a tlanin ka tlan chho.


Kekawrbul leh tshirt chauhin a lo ding ngawi reng, "Sammy?",


"E, i lo thleng tawh maw?", min lo kuah, "Zan zanah tinge i lo kal? Inah awm ta che", Thli a thaw heuh heuh mai sia.


"Hritlang i kai ang e aw, haw tawh rawh",


"Nichina i sawi kha", thâwk a la phawt, "Min ngaithiam rawh",


"Nichinah eng nge ka sawi?", hrethiam lo lui ngat.


A thle bak a, hre thiam lo deuhin, "A thuhrimah, naktukah in rawn kal dawn tho a, i tho â mawni?", ka ti chu, a duh lo ngang mai.


"Min ngaihthiam hma chu ka haw dawn lo",


"Fel takin naktukah sawi zawk ang, mi mut tui lai laia", vâwt a hre lo nge ni?


A inha bul si, chutia awlsam taka ngaihthiam mai mai ka tum lo. Ka ngaihthiam hma a haw lo emaw chu?


Min kuah nghet nasa mai sia, "Chhuanpui, tukin kha ka tum a ni miah lo. Tukin angin ka ânkhum tawh miah lo ang che",


"A nih, tukina mi chauh ka ngaithiam ang che. Chuan, haw tawh rawh", ka inla hrang tur duh loin, a tha tawpin min kuah.


Min kuah ral a tum chiang mai.


"Sam, min kuah ral i tum a nih loh chuan min thlah teh", ui zetin min thlah hram.


"Chhuk ang, haw tawh rawh. Ka nu leh pa te pawhin an lo zawng palh ang che", ka chhukthlakpui.


Ngawi rengin min zui ve mai a, eng thu dang a sawi leh tawh lo. Tukina mi chauh ngaithiam turin min ti alawm, tun hma lama ṭawngkam na tak taka min ânkhumna zawng zawng a ti tel lo.


Tukina mi chauh ngaithiamin, tun hmaa mi ka ngaithiam hlek lo ang.


Chutiang chuan ti ila, inngaihdam tawnna tel lo chuan nupa bik emaw, chhungkua emaw pawh a phuar nghet thei si lo.


Mipui hmaah thiam takin thu a sawi dur dur a, a nupui hmaah ve lem, thiam taka thu sawi khawi lamah, bung hmuk hmuk tê hian a ṭawng a.


Thin a tirim tlat zel alawm.


Bung hmuk hmuka a ṭawng loh leh, ṭawngkam na tak tak min hman khum a, chhe tak hian min chhuah hrep thul.


Naktuka chhuah dil aiah, zan hnih dang riah ka dil zawk dawn mawni?


Ka nu leh pa an lo thleng si, Freddy-a School kal ngai si. Remsangpuia vang vek.


A lo luh ruknaah min hruai, "Driven nen ami in lo kal?",


"Keimahin", chhir zawt ka va han châk tak. "Khatia min en kal chuan ka hlau che",


"Min hlauh hi alawm ka duh", a nui hak. "Infawp lawk ang",


"Haw vat mai rawh, Lal Fanu a harh vaih chuan pawi dawn lutuk a nia",


"A rei lo ang", chhân hma hmain mi rawn fawp thut. Current thim a hmang ṭangkai tawh a, tunah; hmun reh a hmang ṭangkai leh.


Fing phakar thiam reuh lutuk mai.


Ka duh reuh em mai, fawp letin, kum tam tak infawp tawh lo ang maiin kan infawp tawn tawn.


Infawhte lah kan thiamin kan zei narawh, kan pahnihin kan zir ve tlat a ni.


Chu pawh, Story chhiar aṭangin, nuam thei mawle.


Ka mawngah min dawmin, a kâwngah ka ke ka suih, ni leh lo; ka kherh tih tur ni tak.


Bangah min nawr bet a, a nghâwngah ka kut pahniha kuah betin, a changin a biang ka dawm leh ṭhin.


Ka tawp thut, hriat chhuah ka nei, "Sam, ka kawr chhung tal chu zen ve la, khawih tham ka nei ve tho nia", ka âwmah hmai phumin a nui vur vur.


"A nuihzatthlak loh, Story mi te pawhin an ti ziah, Pathlawi zei tâwkin", a la nui vur vur tho.


Rawn hawi chhuakin, "Infawh hian chhawm a ngah lutuk a, thiam a har dawn tlat", a ti mai pek a.


Nuih ka tum ṭep, ka insum leh ta mai.


"Ngah e, kawr chhung zen bakah a phelh lam te, phelh zawha neuh neuhte nen a la tam mai", kan pahniha inenin kan ṭhen ṭhaw.


Dim thei ang berin kan infawp leh, ka kawr chhung zen tain, kawrhnuai a tawm chho vek a, a kut la chhuakin, "Hetiang hi chuan a har e", a ti mai chu, ka nui chhuak chiang lutuk.


Va han duhawm chiangkuang mangkheng ngai tak em!


"I rit si, chhuk tawh mai rawh",


"Duh bawk lo, ka inpawmtir char char dawn che", a nghâwngah nghet taka kuahin, a kokiah ka lu ka bâng liam.


Rit min ti tak tak nge ni, bangah min nawr tawh si lo a, a tlu dawn dawn.


"Han tlu vaih teh aw, naktukah ka lo haw tawh lo ang",


"Chiah maw?",


"Chiah e", ka tih zawh rualin min tlukpui.


A tlu lui tih ka chiang ropui, amah zawk a na ang. Amah bawh ka ni a, nat chu na lo mah ila, min tlukpui duhna thinlung a put avangin ka lungawilo.


"Nge min tlukpui, i va sual ve", ka hmui a hup rang lutuk. "Ṭawng ring suh, miin min hmu ang e", a kut a lasawn thuai.


A tho a, a mal chungah ṭhuin kan inhmachhawn ran. A taksa aṭangin min awm hran tir lo hrim hrim.


Sammy-an, "Lal Fanu leh Freddy an ngaihtuahawm tawh em mai, han chho tawh rawh", a ti a.


Inthlah nan kan infawp vawng vawng, ka kawr chhung a zen a, a thiam ang angin a hrawm kual ve vel a, mi a chawk tho lo nasa ni.


Story leh Story lo, inthlauh zia hi chu aw..


Lal Fanu leh Freddy an harh lo hlauh, Freddy-a khawsik awmin ka hre tawh lo.


Sammy-an, "Ka rawn text ang che", a tih avangin phone ka en sek. In a la thleng lo a ni ang chu, mi rawn text-na reng reng ka dawng thei lo.


Muthilhsan ka duh chiah si lo a, in a thleng har ka ti nia.


Ka hre tawh, a zei lohna takah hian a ruka zeina hi a awm vei roh a, hai chhuah a ngai a nih tak ber chu!


Zahthlak dawn mang e, mahni pasal ngei a nia, zahthlakna awm lo tur a ni.


Puanin ka inkhuh a, ka hmai ka hup ṭat. Ngaihtuah ringawt pawh hian min tizak a nia, pasalte zei rukna hai chhuah ka tum chu a nih ve hi.


Zahthlak tihpiah lam a ni ang mawle!


Chutia zah(zak) avanga ka inseh ka inseh karah ka lo muhil a ni ang chu, "Anu, anu?", Lal Fanuin min kaitho.


Freddy-a erawh a la harh lo.


"Lal Fanu, i va harh hma ve", phun sepin,,"Anu, zung duh", Lal Fanuin a ti a.


Banga intar Sana enin, zing dar li.


Lal Fanu zun puiin, hmai kan phih fai nghal daih.


Khuma kan lawnkai lehin kan nufain muthilh tum tawh loin kan mu meng kur. Phone ka en a, Sammy-a chuan min rawn text ngei.


*** In ka thleng, a pi leh pu bulah Siamtea a mu a, in nufa thumin in awm si lo, keimah chauhin ka mu dawn a nih hi *** lungngaih hmel tak hian a rawn ti a.


A dawtah, ka chhân loh avangin *** Min muthilhsan vel a, titau hmak teh ang *** a rawn ti leh.


A pathumna atan *** Tui deuhin mu la aw, ka titau lo ang ***


Ka nui ver ver, "Anu, nge?", Lal Fanuin a rawn ti a, phone en tir vein, "Apain, Lal Fanu tan McDonald ka lo keng ang a ti", Lal Fanuin, "Yess", zawi tê hian a ti a.


Dar sarih a rikin, kan tho kim tawh bawk a tiin, Sammy-a ka call, "Ka nu leh pa ka lo bia ang chu",


"Lo nghak lawk, ka nuin amah ngeia a phone aṭanga biak che a duh a, i number ka pe lawk ang e", Sammy-an a ti a.


Ka nuin, "Chhuanpuii mi? Min rawn pe hmanhmawh rawh",


Sammy-an, "A number ka pe dawn che lawm", a ti pek a, "I phone kha min rawn pe mai rawh", ka nuin thupe takin a ti a.


An inpe a ni ang chu, "Chhuanpui?", ka nu âw hriain, fanu koh tak tê hian min ko a, min tilungchhe ṭep ṭep a ni.


"Remsangpuia kir ker hian chaw ei khama kal turin min ti tlat a, thawh ruala kal kan lo tum nen. Bawiha chu eng nge a an? Khawsik a la nei em?",


"Pathian zarah a tlangval tawh e", Freddy-a, "Ka ni lo", a tûm bûr.


"A nih leh, a Batman tawh lutuk", ka nu a nui huah huah. Freddy-a pawh a lungawi.


Ka nuin, "Chawhmeh ei duh te i nei em? Kan rawn ken(keng) ang che", a rawn ti chu, "Nei lem lo, Lal Fanu leh Freddy tan Dal leh McDonald leh Tomato Sauce theihnghilh lo ula ni mai", tiin ka chhâng a.


"Theihnghilh lo ele, kan rawn kal hma ang. Hei, in pa hi nizanah kekawrbul nen nula hmu turin a chhuak a nia aw, i hau dawn nia",


"Nu, a mak thei em mai", Sammy-an a ti zawi sup.


An man a ni ngei ang.


"Chhuanpui?",


"Khawimi nula nge i va hmuh daw daw a? Hun remchang i chuh thiam riau, a tihchi vak lo ang aw",


"Nula ni ve si-ah, a zei lo lutuk, thik tham pawh ni hleinem", ka va ngei tak.


Phun supa, "Hnutê khawih tham pawh a nei lo", a ti chu, "Hmela", ka ti thut. Ka inring hman miah lo.


Ka hmui ka bêng hlak hlak, "Lalchhuanpui, Hmar lunglien le!",


"Tihpalh lutuk, ka inring hman lo, ka sawi chhuak thut a nih kha", ka nui kur kur.


Khatianga koh ka tum lo, inring hman lo tak ka ni, rilrua awm hmasa ber ka sawi chhuak ringawt.


Sammy-an, "Min ko châk ve hrim hrim a nih kha", a ti tlat a. Keiin, "Ka inring hman lo ka tih chu, phone ka dah dawn", tih leh phone dah ka rual.


Ka titau lo ang a tia, titau thei a ni lo hrim hrim.


Hnutê khawih tham nei lo a tih chuan ka nuih a tiza tlat pek, ka sawi chhuah kha a ni a, ka thusawi lakchhawn a ching dawnin a lang.


Chaw ei tur rawn kengin, ka nu leh pa te nen an lo kal ta a. Sammy leh Siamtea an awm rei lo.


School-ah inthlah turin an chhuak thuai.


Freddy-a leh Lal Fanu ten an pi leh pu an hmu chu an lawm ngang mai. An lo ngai ve em tawh a ni, an pi leh pu te an inpawmtir hmak.


An unauin chaw ka barh a, ka nuin Sammy-an min hauhna ṭawngkam a lo hria chu niin, "Papuiin min rawn hrilh a, chuti ni lo se kan hre miah lo ang. Remsangpuia hi chu e, nupui duat a thiam lo lutukin a tuar phah tih hre tur a nih vei nen. I pa nen kan zilh hrep tawh a, a hau leh che a nih chuan min lo hrilh vat dawn nia", ka nuin a ti sep sep.


Sammy-a chu a fapa a nihna anga ṭan ru tho siin, sawichhia ni chuang si lo tê hian a thlâ a hau a.


A mo ka nihna ai mahin, fanu ṭan tak takin min ṭan a, ka thlavang a hauh na hle bawk.


Nu fing tak a nihna a hriat ngawih ngawih bik. Nu fing tak han ni ve ila, a nuam ngawt ang.


Doctor a rawn kal a, ka nu leh pa ten pawnah min nghak.


Khawsik a awm tawh lo a, thisen test result a ṭhat vek bawk avangin, "In chhuak vang vang thei e", ki sâng vah hian a ti a.


A fiamthu tih ka hriat avangin, "Kan chhuak vang vang ang, i thu vek alawm", ka ti a.


Nui lo abar kan awm lo.


Doctor chhuah ve leh ka nu leh pa biain an lo kal vat a, Sammy-a pawh ka bia.


A rawn kal chhungin bill ka lo tifel, rin ai takin bill a tlem, ka lawm ve reng. Maktaduai tel tel te hi nise, ka lawm bik ngawt ang!


Sammy-a rawn thlengin, Freddy-a leh Sawmsawman thla an la dun a, Lal Fanu a inrawlh, Themtleng tê ber tê hi a.


A pi leh pu an awm vang nge ni, Freddy-a a dam fel thei mawlh lo. Hrethiam ru karin a pi leh pu lahin an duat zual.


Lal Fanu hi a inrawlh ve zet zet a, ka ṭang bawk hi a rawn bel nge nge tho.


Min thlah tak tak thei lo chu a ni.


A u Siamtea nen hian min ngaina bikin ka hre ṭhin. Siamtea hian a duat em a, Freddy-a leh Lal Fanu hi chu inchhang bung an nih avangin an inngeihlo an ti teh châwk a, a dikna chen a awmin ka hria.


Nu leh pa uapna hnuaia han awm chu, thaw a veng huai mai a, hahdam hliah hliah hi ka ni bawk.


Ka nu leh Nu Papuii pawh an inngai tawh khawp mai, Hostel-a awm aiah tiin, Aizawla School kal Sammy-a an awmpui a, tuna kan in pawh hi hmân aṭanga an luah a la ni char char.


Nu Papuii pawh chutiang aṭangin an tan ei rawng a lo bawl daih tawh.


Sammy-a zilh thei a ni reng a, "Nu", tiin Sammy-an a ko ṭhin reng bawk.


Ram danga lehkha zira Sammy-a a awm pawhin, a unau ten an luahlum leh mai a, Nu Papui hna an ṭhulhtir chuang lo.


Kar khat min awmpui hnuin min hawsan ta a, an awm chhungin Resort-ah kan kal.


Sammy-a nen min ṭhutpuiin, thu ṭha tinreng min hrilh, ka lam an ṭang tlat a, Sammy-an an tin zawn ngar ngar.


"Chhuanpuii hau ve ula", Sammy-an a tih phah. A lêtin an hau daih.


Kan inkarah Lal Fanu mu mah se, a bân sei takin min kuah pha tho, "Min kuah ve la",


"Tinnge ka kuah phak ang che, ka bân a tawi em hi. Lal Fanu chauh ka kuah thei", Lal Fanu ka kuah bo ṭep.


"A nih leh", min pawt hnai, min kuah nghet leh lutuk a, Lal Fanu a ṭe chhuak ale.


Duat takin a chul a, harh loin a muhil siai siai. Sammy-a lawm chu a khi suk suk.


Tho lawkin a chhuak daih, eng tak ti ang maw tih laiin mattress nen a rawn lut mai chu, inbengkangin ka nuih ver ver.


Khum bul lawk chhuatah dahin, bedsheet dang la chhuakin a phah a, a lukham dah thlain mi rawn pawm kâng lawp.


Mattress-ah min mut, hrethiam ta chiah e.


"Sam?",


"Khati khan min en kal suh, Lal Fanu a harh ka hlau alawm",


"Chet nat i va tum awm?",


"Khar hnih lawih tu pa fain nge tlin bik ang? Chaw bel bulah rilṭam taka awm reng ang ka ni", a kawr a hlip a.


Ka nu leh pa ina min awmpui chhungin, kan pahniha inkar hi a nghet zualin ka hria.


Nui rah rahin, "Chu, tunah ei ṭeuh i tum a?",


"Nih loh ten", a kekawr a phelh, "Rilṭam lutuk chuan ei ṭeuh loh tur, tlem tê têa ei tur asin",


"I sawi lai chu a hnaih lai ber", tho lawkin Dawhkan pawhdawn aṭangin eng Gel emawni a va la.


"I insilfai ṭha maw?",


"Mut dawnah fai takin ka insil ziah", ka ti hmuk.


Min ring chhe thei lutuk mai, ka duh reng reng lo.


A boxer leh underpant phelhin, "Inchhaih kual chhunga Lal.Fanu a harh loh nan, bung ṭan nghal ang", ti pahin, a thilah Gel a chulh.


Khawi aṭanga a hriat ni leh pek maw?


"A na lo ang". Ama ṭan hmasak a nia, ka thawmhnaw ka phelh dawn miah lo.


Min phelh ruah hnuin, min thlir vung vung, "Khawih tham hnutê i nei ve ngei nih hi",


"Kal teh, ka tho dawn", ka tal a, ka sensitive point chung, tâi bawrah min ṭhut.


A taksa rihna zawng zawnga ṭhu a ni lo a, rit ka ti tho.


Ka bawp tikauin a tla zep, a kut dinglama innemkhalhin, "Ka kut hi i duh chuan lo vuan rawh", a ti a.


A innemkhalhna chu ka kut pahnihin nghet takin ka vuan. A innemkhalh lohna lamin a thil.a vuan thung a, ka sensitive point chhungah a hnawh lut.


A luh laia na ka tih tawh loh nen, na ka ti leh lutuk, sawi chhuah ka tum lo.


"Chhuanpui, rilru dang pu suh aw", rawn kun hniamin kan infawp phawt.


Ka thlah a, "I lungawi tiraw?",


"I lungawi phawt chuan ka lungawi, i lungawina hi asin ka duh ber", ka ti a. Min fawp vang vang.


Min thlah a,,"Kei chuan, i lungawina hi ka duh ber ve thung",


"A puitling thusawi hna lo em mai", ka ti a. A khi suk.


"Ka che ṭan dawn", bu nghatin, a tirin a che dim. A rei telh telh, a rei telh telh a, Ramhuai speed-in a che tawh.


A rum thawm ka chhawn ve zel, zauthaunain min hneh tial tial ṭan. A kut pahnihin a innemkhalh tawh a.


Min deng chawrh chawrh hi ni ber, lukham khamin awmzia a nei lo, a thlawk chhuak daih.


"Chhuanpui, ka zo hnai, i dinhmun ve",


"Ka ṭan dawn chauh, Sam, zo mai rawh",


"Ni lo e, kan pahniha zawh rual ka duh".


Ka sensitive point aṭangin a chhuak a, ka sensitive point chu a kut zungṭang hmangin a han ṭhuai ṭhuai ṭhuai mai a nih kha.


Rei loah, "Sam, ka zo hnai, ka zo mai dawn", sâ hat hatin ka ti chul.


A bul aṭangin hmanhmawh takin min deng leh chawrh chawrh. "Sam, ka zo dawn",


"Kan zo dun dawn alawm".


School kal tur thlah fel hnuah, Lal Fanu nen kan Office-ah kan ṭhu ve ran.


Lehkhabu chah belh ngai emaw te enin, rem ṭhat ngai kan rem ṭha a. School naupang mamawh ang kan kawl tel bawk avangin, Lehkhabu ai mahin kan hralh thei.


"In awm maw?", ka hawi chhuak a, "Awm e, lo lêng rawh", School uniform a ha tlat, High School Zirlai a nih duh hmel.


"JF Dictionary awm em? Emergency deuhin ka mamawh lutuk, hmun tinah ka zawng, ka hmu zo lo", a neih loh chuan an Zirtirtuten an hrem dawn a ni ang a.


"Awm e, ka lo lâk ang che", kan dahnaah ka kal a, ka han hmu mai lo pek a.


Hmuh ngei ngei tumin ka zawng kual a, a ke tiphu hler hlerin a tei chhen. Hauh a tawh loh nan nasa takin ka zawng kual.


A tawpah, History Chanchin dahna chung chiahah, inthlahrung tak hian a lo biru kêk.


Pu JF-a luck dan hi aw...


Nui ver verin a lo ban a, "Ka lawm lutuk, ka lawm lutuk e, ka Nunna i chhanhim ta a nih hi", a man zat aia sâng hlekin min leisak.


School tlai hrem aiin, JF Dictionary neih loh avanga hrem zahthlak a ti a ni ang. Hrem dawn lo.pawh nise, nei ngei ngei rawh se.


Freddy-a lam tura kan chhuah hmain Ralte Bookstore aṭangin Book Bouqet an lo dah.


Lo dahtupa chu mak ti zetin, "I kal sual a ni lo maw?", ka ti a. Address en nawn lehin, "Ni lo, ka lo kal dik", a ti tlat thung.


"Hetiang ka chah si lo",


"Address a ni ngei sia, min lo chahtu chu hei", number min hmuh a. Sammy-a lek niin.


Min hrilh se chu, hetiangin mak ka ti lo tur. A ṭhawna inṭhawn reng reng, hmmm...inla zei vel lutuk.


"I lo kal man pek a ngai em?",


"Ngai lo, min pe vek tawh", lehzel chuan. "Aw, kan lawm e".


Book Bouqet hi a awm ka hre ngai miah lo a, ka vawikhat hmuhna. Ka lehkhabu chhiar duhzâwng hlir a la ni zui.


Pathum lai a ni a, a chhah ṭha si.


Chhiar tawh chuan chhiar zawh hma rilruin a vei dawn a, chhiar tlut tlutin, ka tlaivar phah leh ngei dawn a nih hi.


Sammy-a a rawn haw a, a Savun ipte leh a kawrchung ken sakin, "Book Bouqet-te a lo awm elaw? Ka hre ngai miah lo",


"Pangpar Bouqet ai chuan i duh ka ring zawk a", a necktie phelhsak tumin ka va ban a, "Pangpar aiin ka duh zawk, a zawngthlaksin a tihchi dawn riau", ka ti a.


A hapui lang ṭhe ṭhawin a nui.


Inzui chhuakin, chaw ei a hun mai avangin kan ei leh phawt.


Siamtea leh Freddy-a lehkhazirnaa ṭhutpuiin, ka Lehkhabu dawn ka chhiar ve mial mial.


Lal Fanu leh a pa pawhin pindan dangah lehkha pawimawi an en fel.


Thiam loh an neihin min ko a, Math ka harsat bik avang hian Math bika thiam loh an neih chuan Sammy-a kan va zawt a.


Buai eng ang mah se, a thiltih lai dahin kan nufa thumin min hrilhfiah ṭhin.


Math a thiam hlauh a, kan nufa hian kan hlawkpui. Kei tak hian hlawkpui ka inti. Sammy-a hi, School ka kal chhung zawnga kan Math Teacher chu nise, mark ka hmuh ṭhat piah lamah, Math thiam takah ka chhuak ngei ngei ang.


A hrilhfiah dan hi a fiah bik ngawih ngawih, a thiamnaah a chiang bawk a.


"Chhuanpui, i mit hahchawlhtir tawh rawh. Tarmit chawh i ngaih hmain",


"Reilotê chauh, a laklawh lutuk a", a laklawh thei em a ni.


Sammy-an, "Lal Fanu a awm si lo, a khawharthlak", a ti thâm ṭiak.


Siamtea bulah Lal Fanu a mu a, Sammy-an a thlêmin a duh bau lo. Lehkhabu khup thawkin, "A muhil tawh ang, va pawm hmiah rawh, a awm loh chuan a khawharthlak em a ni", ka ti seuh seuh a.


A ngaihdan a ni lo ngang mai.


Lehkhabu ka bihsan leh daih sia. Thoin a va chhuak, phone-te a keng sia, Lal Fanu thlêm nana hman a tum a nih chuan, a fuh lo ang.


Phone hmanga thlêm theih a ni lo hrim hrim.


Ka tlaivar phah dawn a nih hi, a laklawh ka ti zel ang a, laklawhin khua min varpui dawn.


Lehkhabu chhiar hi ka ngaina a, Lehkhabu tawp hi ka hmangaih. Lehkhabu lei thar hlim phei chu, han keu phawka a thar rim lo nam chhuak chem chem mai han hip luh vang vang hian Thinlung a tiêng ka ti a, Lehkhabu hlui dah ṭhat phawrh chhuaha, han keu leh phawka a hlui rim lo nam chhuak chum chum han hip luh veng veng hian Thlarau a tiharh ka ti ve leh thung.


Current a rawn thim thut, ka phone ka dap kual a, ka hmu zo lo. Lukham hnuaiah ka dah reng sia.


Sammy-a ka ko chul, "Sam? Lo kal vat teh, ka phone ka hmu lo a nia", a thim bawk si.


Tun anga Current han thim reng reng aw...


A thim si a, indap kual chunga thawh chhuah mai ka duh tawh.


Vawikhat ka ko leh ang a, chuta min chhân loh chuan ka tho chhuak tawh ang.


"Sam? Sammy?", hmmm...


A hlauhawmlo em mai hetiang, a rawn êng leh vat turah ngai ila. Inverter kan neih tak kha.


"Sammy?", ka ding chhuak tak naa, ka pên thei thlawt lo. Hlauh tur a awm lo nachungin, thim kher kher hi chu, a thim chiang em alawm.


"Chhuanpui?", Sammy-a âw chuan thlamuanna namenlo min chantir.


Ka âwm dawm vang vangin, ka thaw huai huai.


Sammy-a âw ka hria a, ka hlau tawh lo.


"Sam, pindan chhungah ka la awm", indap chawpin ka pên tharh tharh.


Kan pindan pana pên thawm hriain, êng deuh ruai ruai a hmuh theih a, Sammy-an, "Ka lo kal", a lo tih bawk avangin, ka pên lai tawpin ka ding.


Phone flashlight nena a lo lut chu tlanin ka kuah thlawp.


"Khawiah nge i kal?",


"Lal Fanu lak ka tum, pindan kawngka hawn tum laiin a rawn thim thut sia, inverter ka tiêng buai duh tawh lo a nih kha", mut a hun tawh a, tiên a ngai tawh lo.


Lehkhabu ka la pawm tlat a, Phone flashlight hnuaia chhiar ka tum.


Sammy-an a hre tawh a, Lehkhabu leh phone min laksak vat reng bawk.


Current thim hi a lawm tih a hriat.


A âwma bei khawpin min kuah a, a bawpin min khan tlat bawk.


Changtunu leh changtupa awm zel dan turin min tibuai.


Sammy-an, "Muhil rawh, chhiarna hun i ngah", a tih pawhin ka muhil thei lo. Hreawm em mai a.


Ka chhiar tawp laklawh bawk si, "Sam, a laklawh lutuk a, reilotê tak tak chauh a ni ang",


"A ṭul lo, muthilh a hun tawh",


"Chapter dang ka chhiar miah lo ang, a laklawh tak tak. Mawh, Sam, Changtunu a khawngaihthlak lutuk a", ka ṭap thei dawn.


Chapter-1 aṭanga ka chhiar tawpna thlengin ka hrilh kil kel.


Zanin aṭang chauha chhiar ka nia, chuti chungin bel takin ka sawi chhuak thei hman.


Sammy-a chu a thaw leh hrawih ṭhin a, "Chapter dang ka kai miah lo ang", ka ti sek.


Dik tak chuan mit tui a tla tawh, insut faihin, Sammy-a a nui hak.


Bên ka tum a, min kuah ngheh em avangin ka bân ka tisawn thei lo. Tal vak vak a nia ka duh tawh ni.


Vawikhat ka dil leh ang a, chuta a phal loh fo chuan ka tal chiam ang.


"Sam, chapter dang ka kai lo ang ka tih chu? Mawh, reilotê chiah tak takin", a thaw ri hrawih.


A phal dawn lo chiang sa, tal vak tumin ka inpeih fel diam tawh.


Tal vak ka tum ta a, "Zanin chauh, zan dangah chuan thu i awih tawh tur a ni", min thlah a.


Ka inperh tho nalh.


Lehkhabu ban thuai thuaiin, Sammy-an a phone flashlight min on sak.


Khum bang nghengin min ṭhutpui, kan ṭhu âwn zawk. Ka kokia min kuahin phone a keng a, a khup tawmin chutah chuan va kuah titih hian Lehkhabu chu ka chhiar ta a.


Tawp laklawh tak ka nih avangin ka chhiar zo thuai.


A tuiawm ṭan dawn chauh a, a tawp daih.


Chapter dang ka kai thei tawh lo, Sammy-an, "I peih chin chin chhiar rawh", min ti chu, ka zuang tho lo chauh a ni.


A khup veilam chauh tawm tawhin, ding lam a thluang a, remchangah lain bawh titihin Lehkhabu ka chhiar hnan.


Phone a keng sia, ka hmuh fiah theih nana min ên a ngai hi a ni tawp.


Muthlu thei a ni hek lo, a mutthluk chuan ka bêng harh ang.


Laklawh a awm zel a awm zel a, sawi ang chiahin ka chhiar tlaivar ṭhak.


Sammy-an Lehkhabu pathum min lei zinga pakhat chu, tlaivarin ka chhiar zo.


"Ka chhiar zo e, a va han ngaihnawm tak. Ka tuiral chiang khawp mai", Lehkhabu khup thawkin ka ti a.


Rilru kam ṭun lo tura chhiar chhuak ka ni bawk a, mut chhuak ka hre lo.


Lehkhabu chhungah hriat loh karin min hnuklut a, harh chhuak zo loa châm hlen mai hi ka duh ṭhin.


Boruak hip lut kâwkin, "Tikha chuan, ka muhil ve thei ta e", Sammy-a chu a mu ṭha nghal daih a, puan sinin, a hnar zui maiin ka hria.


"Chaw ei hma i mu thei aw", min chhâng tawh lo.


Zankhuain phone min kensak a, a va han inpe zo tak em aw!


Romance Novel ka chhiar zo chiah a, a mood-a la chên lai a ni bawk nen, Sammy-a chu, a changtupa chet ngawih ngawih.


A nuam e, ṭawngkam vin tak tak min hman khum tawh ngai lo a, mipa tu pawh ka biaka thika min hau ṭhintu khan, inthunun theihna zir mekin, ṭha takin min sawipui tawh thung.


Siamtea leh Freddy-a kaithoin, Lal Fanu nen kan inpawm chhuak.


Pa ber pawh, tukin chu chawi dawnah chauh kan inkaitho.


Han inphih harh mah se, a mit a bûi lûk.


A ṭap lo tih chiang sa a ni a, a meng rei tihna. College Professor-te a ni a, a Zirlaite hmaah mark a score tihna a ni mai.


Chutiang a nih chuan, MLA-ah pawh a tling thei hial ang.


Muhil loa tlaivar manin, chhunah min ṭhing, ka meng thei hlawl lo.


Nghet loin dawr ka khar tawp, "Lal Fanu, muhil lawk ang, ka meng thei tawh lo", chhuatah puakpuan phahin ka mu tawp.


Eng mah ka hre lo zui.


Rilru chiang vak loin a harh a, min chawi kângtu an awm.


Ka taksa a zawi vek, tlaivarin ka chhiar fo. Hetiang em em hian ka awm ngai si lo.


Min tichetu emaw an awm tak loh avamgin rilru thlengin a muhil leh thei ta.


Mumangah ka Lehkhabu chhiarte ka lo mangphan. Ka harh chuan ka tho chhuak chiang lutuk.


Pindanah ka lo awm reng!


Rang lutuk tak maiin ka chhuak a, Nu Papuii chauh ka hmu.


Lal Fanu khawiah nge a awm?


"Nu, Lal Fanu hi?",


"I lo tho ta maw? A pa nen dawrah an kal a nih kha", Sana kan tar ka en. Siamtea leh Freddy-a School bân a hun tawh, Homework an tih hun lai mek.


Dawrah ka mu kha a ni a, inah ka harh daih.


Sammy-a rawn kalin min hruai haw ti dawn ila, College-ah a awm sia.


Zawngchhang chi dawn lo a ni.


Thil pawi lutuk tak mai thleng thei a ni, Sammy-a lungawilo thlêm tur ka nei leh dawn.


Lungawilo pawh nise, ka thiam lutuk, ka dik lo tlat.


Inphih fai phawtin Siamtea leh Freddy-a ka ṭhutpui. Ni dangah chuan, kan nufa thumin Thei tui in pahin kan inzirpui ṭhin kha a ni a.


"Ka tihpalh lutuk, tlaivar ṭhak ṭhakin Lehkhabu ka chhiar tawh miah lo ang", intiam chiang tak ka ni.


Zawm ngei ngei a ngai dawn bawk. Ka zawm chiang viau ang.


Lal Fanu leh Sammy-a haw thawm ka hriatin, Siamtea leh Freddy-a thawhsanin pindan aṭangin ka chhuak a.


Sammy-a lungawilo hmel hmuh kân theih miah loh, "Lal Fanu, ka zawng nasa lutuk che",


"I muhil a",


"Nia, ka tihpalh lutuk, a thleng tawh miah lo ang", ka ti a.


Sammy ka en zauh, mi pawh hria angin a lang lo, "Thleng tawh suh se", a ti thum dut ringawt a.


A kal nal nal.


"Lal Fanu, a u te bulah lo awm lawk rawh aw", a u te bulah ka dah.


Chaw ei hmaa kan insawifel ngei ngei a ngai. Rilru dam lo zeta Zanriah kil ho ka duh reng reng lo.


"Sam, pawi ka ti lutuk, ka intiam e, a thleng nawn tawh miah lo ang", a inphelh mial mial.


Mi pawh en loin min hmachhawn nahek lo. "Ka hria e", a ti ringawt.


Ni dang ang chu nise, hetia keimah insawifel hmasak ngai loin min ânkhum leh tawh ang.


Chutiangin ti se, tunah tak hian ka lawm zawk ngawt ang.


Towel a ban tur ka lo ban khalh, "Sam, pawi ka ti lutuk, min hre thiam rawh, a thleng tawh lo ang", min ânkhum nghek se ka duh.


A ngawih reng hian a harsa maiin ka hria.


Towel a lo ban a, ka kut ka dah sawn, "Infiamna hun a nih loh hi", a vin deuh. A tawp thuai, ka duhkhawp lo.


Inâng thawl turin ka duh.


"Ka fiam duh che alawm, infiamna hun tak a ni",


"Dawr chhunga muthilh pawh kha em ni? Thil pawi thui tak thleng reng a ni asin, inah haw mai tur ania", a insum deuh.


Thawveng zetin, "Eng pawi mah a thleng chuang lo a ni lo'm ni?", ka ti a.


Chu chuan a run ngang tawh mai, "Thleng lo a? Vawi sawm chuang ka lo call hnuah che Lal Fanuin min chhâng a, ṭap chungin a koh lawm lawm chea i harh theih loh thu a lo sawi avangin hmanhmawh bak lengin ka lo kal a, i muthilh ngheh em avanga koh hre lo mai chauh i lo ni a. Min tihmangan hmanzia hre loa infiam nana hman i duh cheu em?", ka lu ka thing.


"Ka chân dawn ta che emaw ka ti hman alawm", a tawlh hnung hrat a, boruak hip lutin, "Tlaivarin i chhiar tawh lo chiang viau ang", ti hrawkin, towel ka kut aṭangin a phih sawk.


A la thawl thei lo a, min timangang letling.


Nu Papuiin, "In boruak a ṭha nange?", a lo ti a.


"Ṭha lo, a hma anga vin tawh loin a inup tawh sia, engtinnge ni dawn ni? Tlaivarin Lehkhabu ka chhiar pek a, chhunah Lal Fanuin min kohna hre lo khawpin ka lo muhil a, chu chu nia",


"A ṭha leh mai ang, tun ṭum chu a dik lo zawk i ni tih i inpawm a ngai a ni", Nu Papuiin a ti a.


Ka pawm thlap, hnial ngaihna ka hre lo.
(Zanah chhunzawm ka lo dah ang)


Lal Fanu ka pawm ngawih ngawih, min koh eih theih loh khawpin ka lo muthilhsan a, a mangang dawn lutuk.


Sammy-an min rawn call lo se, engtin nge a lo awm ang le?


Dawr ka khar phui lo a, misualin ru bo daih se chuan aw...ka ngaihtuah ngam lo, damchhungin hremhmunah ka inhnuklut tihna a ni dawn a.


Sammy-a nen kan inhmelmak nghal a ni mai.


"Lal Fanu, Anu hi ngaidam rawh aw...vawikhat mah a mutsan tawh miah lo ang che. Anu hian a hmangaih lutuk che nia aw...Anu hi i ngaidam tiraw?", hreawm ka ti.


Mut hun tawh pawha luhlul ka chhuah tlat avang tih ka hria.


Hemi kawngah kher chuan ka thiam lo, thiam lo hulhual tak ka ni. Lal Fanu mangan dan tur mawlh ka ngaihtuah hian, ka tiril a khûr thei!


"Anu, i mit chhungah tui a awm a nia", mak ti zet hian a ti roh a. Min ṭah nuih tir.


Pathianin Naupang tihnat a phal loha, a hauh bik tlat chhan ka hre ve ta chiah e!


A nui sen sen a, min ngaihdam thu a sawi chuang si lo. Engto nei loin a rilru a thawveng em em chu a ni si a.


A pa nen kan inhmelmak lo chauh tih a hre hauh lo ang.


Ka thlah phal lo, ka pawm ngawih ngawih.


Pindanah ka luhpui a, Sammy-a inthlakna tur kawr ka la chhuak. Lal Fanu chu khumah ṭhuin a Elsa Barbie a infiampui.


Sammy rawn chhuakin, Lal Fanu ṭhutna bula a inthlakna tur ka dah tih ka hrilh thuai, "Sam, heta hi i inthlakna tur",


"Umm", a ti ringawt.


Inthlak pahin Lal Fanu a chhaih a, a nui suk suk. Hmuh theih loh ang ka ni.


Ngawi rengin ka chhuahsan, pindan kawngka kharpui loin ka ngaichang deuh a, ka chhuak chu Sammy-a pawh a nui chhuak.


Siamtea te pindanah ka lut ringawt, Freddy-an min kuah vat a, hapui lang ṭhawa nuiin, "Nu, Homework ka ti zo", a ti a.


"I thiam vek mi, min zawt miah lo a?",


"A awl lutuk, keimahin ka ti thei. Batman-a ka nih hi", Freddy-a tak hi chu aw...


Siamtea pawhin an Zirlaibu dah felin a khi vur vur.


"A ṭhat chu, chaw ei a hun hnai, kal ang ule".


Inkai chungin kan nufa thumin kan chhuak a, Lal Fanu leh a pa chu Sitting room-ah an lo ṭhu fel thlap tawh.


An pa bulah an kal ve daih a, Nu Papuii bulah ka awm mawl tawp.


Tih tur awm lo chung ka zawng lui, "Chhuanpui, chaw ei a hun tawh asin, zanin chu ka siampui zawh hnuah che ka haw mai ang", ka va han hreh tak.


"Nu, zanin chu zanriah min kilpui la, ka thlah dawn che nia", min hnial chuan ka lungawilo viau ang.


Kan chhungkua min hre chiang a, ka che zia aṭangin a man pha vek ang, buaina kan nei tih ka hrilh a, Sammy-an a hrilh vek tawh ngei bawk ang.


Tun hma zawngin tlaivarin Lehkhabu ka chhiar nasa, hetiang hian eng mah hre lo khawpa muthilh ka la nei ngai lo.


Ka mang a tiang em mai!


Nu Papuii nen chaw ei kan siam a, kan siam zawhah, "In pafa khan lo kal tawh rawh ule, chaw a ei theih tawh", Nu Papuiin a ko hlawm a.


Sammy-an en pawh min en lo.


Ka bula Lal Fanu ṭhu ṭhin kha a bulah a ṭhuttir.


Nu Papuiin Siamtea leh Freddy-a, an School kal chanchin zawtin, chu chu ka ngaithla tawp.


Sammy-an, "Nu, Driver a lo kal mek aw, a lo thleng har lo ang", a tihin, "Nu, ka lo thlah ang che aw, in in awmna hriat ve ka duh", ka lo ti thuai.


Dik tak chuan Nu Papuiin min riahpui se tih ka duh ṭum ber a ni.


Sammy-an eng mah a sawi lo bawk a, Lal Fanuin min ngen a, Siamtea leh Freddy-an kal ve an duh bawk avangin kan nufa zain kan thlah.


Kal dawnin, "Inngeih takin lo awm ang che u aw, i hria maw, Samuel?", Nu Papuiin a ti hlawl a, bei lo zetin, "Umm", Sammy-an a ti leh ringawt.


Nu Papuii te in ka hre ta, an awmna a lo hla phian.


Kan tana a inpekna avangin Malsawmna dawng mawlh mawlh tlak a ni.


Driver chu a tlan kir leh ta a, Sammy-an min lo hmuah dan tur ka hre si lo a, haw ka châk lo.


Thenzawla haw daih ka duh.


Freddy-an, "Nu, Noodles leh Kimchi ei ang u", khi ṭhaw chunga a ti chuan, thlahlel mah ila, Thenzawla haw thei ka ni lo tih min hriattir chiang kher asin.


"Bawihte, pawisa ka keng lo a, phone pawh ka keng lo. Nakinah kan la ei dawn nia aw",


"Aa, ka ei duh asin le",


"Tihtauh loh tur aw, tam taawwk kan la ei dawn alawm",


"Yes Sir", ka nui chhuak chiang lutuk.


An pa han lungawi leh phei se chu, ka lawmna a zual dawn lutuk.


Sammy-an pawnah min lo nghak a, Lal Fanu a pawm nghal, "Minute chanve TV en ila, lehkha kan zir dawn nia aw. Lut ang u", Siamtea leh Freddy-a an lut a.


Driver tlan liam hnuah, "Lut ang", Sammy-an min rawn ti. Min kuah bawk!