By Lszi Zadeng
Thla a liam a, khawhar in leng te pawhin min kiamsan hret hret a, kan chhungte pawhin an khaw lamah min hawsan hlawm nak nak a, Term exam pawh kar leh lawk a lo ni ta.
Kan ṭhianten min rawn be nak nak a, Merabi pawhin min tawrhpuizia a rawn sawi ve hlawl, mahse Adidi-a thawm erawh hriat tur a awm lo...
Nimin khan Dudua nen bazar kan kal a, Awmawmi thil leipui turin... Tah chuan Adidi-a bike ka hmu, chu te chu Adidi-a ka hmuh ve dan a ni... Mahse ka pa ka ngaih em vang te pawh a ni ang, tunlai chu Adidi-a ka hre chang meuh lova, mahse amah ngaih lunglen a lo chhuah apiang chuan ka ngai ngawih ngawih ṭhin... Instagram-ah engmah a post si lova, a status emaw tal pawh ka hmu ngai bawk si lo... Chutih rualin ka status chu a rawn view reng ve reng tho...
Kan inchungah chuan keimah tein ka ṭhu a, tlai ni tla tur chu ka thlir veng veng... Carrying your love with me tih George Strait-a hla kha ka ngaithla a, Homesick Remedy tih MyKey hla ang te... Lung a leng raih raih duh khawp mai!
Ka pa chu inchungah a rawn chho a, ka bulah chuan a rawn ṭhu a, "Mate, i lung a va leng awm raih raih ve aaa!" A rawn ti a, "Nia pa, ka awm dan hrim hrim hi lunglen loh ngaihna a awmlo..." Tiin ka chhang let a, mahse ka harh chian chuan ka pa chu ka bulah a lo awm teuhlo... Ka suangtuahna mai a lo ni... Ni e, suangtuahna mai a ni.
Ka pa kha ka ngai a ni, a thlazar hnuaiah kha chuan thla kha a muang ṭhin asin. Tunah chuan pa neilo mai ka lo ni ta. Van aṭang khian ka pa khan min lo en reng ka ring tlat a, chu vang chuan van lam ka en chuan ka nui reng ṭhin... Mahse tunah hi chuan a har a ni.
Chutah ka mit vei lam aṭang chuan mittui a lo luang a, ding lam aṭang a luang leh a, insum zo lovin ka ṭap leh hawm hawm a...
Made in Heaven tih Freddie Mercury hla kha a rawn in play...
... ... ...
Goldi POV:
Thlasik khaw vawt sar sar hnuaiah chuan ka pi nen sikri kan ai a, tukverh lam chu ka thlir leh zauh zauh ṭhin, ka phone a ka check reng bawk.
Ka pi chuan, "Wiiiil-a lo kal dawn a ni maw? A chiang a chiang! I ṭhut mai mai theih loh danah! Khati chengggg chenga lo awm vak a ngailoooo! A rawn thleng dawn thooo!" A lipstick inhnawih ṭha siam siam pah chuan a ti. "Awiiii! Lal api!!! Nang pawh enggg nge kha?! Lipstick lo inhnawih te kha a ṭul lo! I chang dawn chuanglo!"
"Lalrohlu leh! I bialpa lo rim vel turah min ngai em ni?! A teuhlo! Ahaha. A teuhlo mai! Hei te chu ka nitin tih ṭhin dan alawm..." Ka pi chuan meng kuau kuau pah chuan a ti, ka awih loh dan mai chuh!
"Awiiiii lalpi lehhh!" Tih pahin a lipstick chu ka chhuhsak a, "Hetiiiiang hi maww, a ngai loooo... Bakah i ti ngailo tih ka hre ve renggg! Tuna taka han intuai thar leh tum vel kha eeee!" Ka ti a.
Ka lipstick ken chu min laksak lehin, "Bawihteee, ihmaww, hei chu ka nitin tih dan alawm ka tih chuuu..." Tiin inhnawih leh a tum chiah, muangchangin ka laksak a, "Engtik aṭang khan mawww???" Ka ti a,
Ka pi chuan muangchanga min laksak lehin, "Kaaar hmasa aṭang khaaan!" Tiin a hma aia rang deuhin min laksak a... Chu veleh rang takin, "Awiiii a awihawmmm loh lutuuuuk! I chhuah dawnah bak i inhnawih ngai ka hrelo!" Ka ti a, rang zeta min chhuhsak leh hian ,"Aw nauvi, ka duh duh hunah ka inhnawih thei eee!" Muangchang fan raih tho hian a ti.
Chutah ka chhuksak leh a, min rawn chhuhsak leh a tum a, "Khawmaw Lalrohlu! Rawn la teh!", "Nalh nalh a ngai lo!", " rawn la mai mai teh!" Ti vela ka pi lipstick kan inchuh laaai tak chuan kawngka a rawn inhawng hlawl!
Tu dang ni lovin Will-a ngei a ni!
"Kha, eng nge in lo tih pi tu aaa? In va buai hmel ve kha..." Tia nui sang hian a ding reng a. "Aaa, buai lo veee, hei Matei hi lipstick te lo inhnawih vul ve rawh ka lo ti maw leee. Wiiila, ṭhu la, thingpui ka lo siam ang che u!" Tiin ka pi chuan phakar chhuahin a tho nghal daih!
Kei chuan, "A awihawm loh eee! Lalpi!" Ka lo ti a, ka pi chuan min rawn sir melh kak. Chutih laiin Will-a chuan, "Hnawih mawi belh a ngai hleinemmm, a mawi sa alawm!" A lo ti chat!
Ka pi chu a liam pah chuan a nui sen sen tih ka hre thei, chutiang takin kei pawh bialpa, mahni bialnu te tihlim thei deuh ka nei tih ka inhriatin ka hlim hle! Kan nui sen sen mai alawm!
"I lo va ṭang awm ve aaa! Min lo va hmu chak tawh awm ve ka di Di " Tiin Will-a chuan min chhaih zui. "Ṭang lo veeee! Ka nihna ang angin ka lo hmuak che maw le! Zing tho hmai pawh ka la phih hleinem!" Ka ti vel awr awr.
A nihna takah chuan a lo kal hma darkar hnihah khan ka lo inpeih fel daih tawh... Ka inbual a, skincare nen, perfume nen, liptint te, biang tih taihna te, ka lo rimtui vul chuk maw le! Mahse amah vanga hetia vul chuk ka ni tih hi a hriat chuan a intithei lutuk ang.
"Ka awih duh ang em aww??? Tunah khan zing tho hmel i pu a nih tak zet chuan, kan inneih hunah pawh thawh hlim aṭang hetiang hmel ka hmu thei dawn chu a ni sia! A lawmawm e! Nupui ṭha chi tur!" Tiin ṭhutthleng bang chu a ngheng nghal dâm dâm a.
"Ah! Kan Innei lo mai thei asinnn... Bakah, ka nulat hunah te chuan ka chuai tawh dawn alawm..." Ka lo ti ar ar.
Rawn tho phutin ka mitah tak min en a, "Di, ka nei dawn cheeee! Ka nei khawp ang che!", tih chu zam eih lo hian a rawn sawi nia! A pa sia maww! Mahse ka zak chem chem, ka puma phengphehlep te hi an rawn thlawk nghal chuai chuai ni hian ka hria!
Vawiin chu a sam pial deuh zun ṭhin kha a rawn tiphir ve deuh a, a hmel hi naupang tam tak pawhin an star ṭhin kha a ni a...
A hmui no ser ser te chu... A hmui... A hmui chu ka en tawp theiloooo...
Fawh ngawng ngawng mai te ka duh.
Mahse ka insum...
Insum a ngai! Lalrohlu! Insum insum!
Lalpa insum ava har em! Hetiang taka bialpa hmelṭha leh hmui no hi min pek avangin ka lawm e! KA TI THLAWWWT!
"Ehh! Ka ti speechless che a ni maww?" Inla inringtawk taka ṭhutthleng ngheng leh ar ar pah hian a ti a, a ban a thluang hluai a, ka sam chu a bân lehlam chuan a chhaih a chhaih a.
"Aaa... Teuhlo mai ah! Nang hian kei tehlul hi mi ti speechless lovang e!" Ka ti hrawk a, "Hmalam hun i hre thei ringawt hleinem! Kei ai ṭha i hmu anga, emaw i ex ten an rawn bia che anga, tu emaw angin min kalsan ve daih emaw a ni anga!" Ka ti.
"A teuhlo mai! Di, ka sawi tawh kha, kumkhua ka tiam lo che! Mahse ka chelh chhung che chuan ka chelh reng ang che. Nangmah zawkin min thlah te a nih loh chuan thlah che ka tum hleinem..." A ti a, "Pathian hnenah pawh, ka dil ṭhin alawm... Ṭha taka kan awm dun theihna turin.." a ti...
Ka lawm ru tak zet! Hmelṭha bawk si, lehkha thiam si, Pathian ṭih bawk si!!! Ka en ngawih ngawih a, ka chhuang tak zet a, phu lo ka inti bawk si!
Ka sam a khawihna kut chu ka chelh a, "Ka thlah lovang che... Ka thlah leh tawh lovang che..." Ka ti ve. Amah ka en a, insi châting kan ṭhu tawh a, kan nui dun set set a, kan hlim dun ngei mai!.
"Ti daih ila, Adidi-a leh Hlutei te chu, an la ṭha lo zel tihna ami???" A rawn ti. Ka pi chuan thingpui a rawn chhawp chiah a, "Kha le nau te uuu!, in rawh u lemm! Coffee in duh ṭhin sia, ka rawn coffee a nih kha! Zinga ka rice kan sa nen khan ei puk puk rawh u!" Inchhuan hmel tak hian a rawn ti a, a inchhuan hmel leh a ei siam tui hmel tak chu kan thlir tho, mahse chu aia kan thlir nasat chu, a hmui sen lar tak mai a chu a ni!
Eng sawi set set lo chuan ka pi chu a kal ve mai a, keiin ka rice hmuam puk pah chuan, "Aww, an la tluanglo ... Adidi-a ṭhiante khan Hlutei hi Adidi-a kawpah an ngai tlat a... Diktaka sawi chuan maw, kei chu! ( Ka ṭhial tuam tuam a) Faye leh Fiona-i te tih bak a nih ka ringlo! An hur si! An lerh si! Tih hreh an nei bawk si lo! Shikhar an heh si!" Ka lo ti nghal chiam! Ka sawi peih zawng tak alawm hetiang hi chu! Ve ngat a!
"Umm... A ni tak ang..." Will-a chuan a ti ve bauh bauh. Kan inkar ṭhat loh chhan kha Faye leh Fiona-i te an ni tih a hre ve tho a, rin dan thiam chin a nei ve ang.
"Hmeichheho hi chu a, buaina hi in ngah sia! Hmeichhe nih hi a phurawm teh chiam lo a nih hi!" Tiin a nui sek a, "Hlutei ngat phei chu, a diknaah pawh ngawih chuh tlat mi hi a ni ṭhin si a, a buaithlak dawn mang e! Anmahni pahnih hi chu an induh ve hle chuan ka hria a... Adidi-a pawh Hlutei sawi anga mi kawp chi a niin ka hrelo..." A tih chuan, "A dik chiah tiraw!... An pahnih hi chuan an induh lutuk! Inhriatthiam lohna a awm a ni!, Keimahni ang khan..." Ka tih chiah chuan kan inen a, kan nui dun leh ver ver.
"Teh, kan puih an mamawh ang... Adidi-a kan school-ah a lut tawh si lova... An pahnih tan, inhmuh khat nen, inbiak ṭhat a har dawn eee mai! An induh ve theihzia ngaihtuahin, tuna an hlim tak tak hmel hmuh khat ngaihtuah nen... Eng emaw chu kan tih a ngai ang!" Ka ti a, Will-a chuan min thlawp tih hriat tak hian a lu a lo bu nghal but but.
"Bakah maw, a pa thihna kha a la tuar lutuk a... Mahse a nu hian amah ai a tuar dawn zawk a, a nu a na dawn zawk tih a hriat avangin, Hlutei hian a na a tilang lo mai maiin ka hria... Sawi lo mah se chak taka awm a tum tih chu a hriat em em... An inah kan awm chilh reng a, lungngai hmel kan hmu ngailo reng reng kha mak ka ti... Keini ni ila, ṭhiante tak ngial pawh kan nuih zo lo hrim hrim ang... A mittui hruk ngai ti lovin a nu leh a naute mittui a hruksak a, fanu upa ber nih a tling khawp mai taka..." Ka tih chuan Will-a pawh chuan min lo thlawp hmel em em a, Hlutei chhelzia leh rilru ṭhatzia chu kan hre chiang ve vein ka ring.
"Nia ka hmu alawm... Ani hi chu midang tana phurrit nih hreh reng reng mi hi a nia... Kha a hma pawn, kan melh rum emaw a tia, nuamlo a lo tia, 'min ngei ami?!' chuti khati a tih vak kha! Chutah a lo la ṭap zui! Tho tihsual ka neih chuan min ngaidam ru awww a ti thul!" Tih Will-a chuan Hlutei rilru ṭhatzia fiamthu pah hian a ti nghal, kan nui dun chiam a, Hlutei chet chhiatna te kan sawi a, Hlutei ngawt a ni kan ngaihtuah. Kan lungngaih changin kan tan a awm reng ṭhin a, keini chu kan awm reng ngailo... Tuna a hlimna leh a human lo ngaihtuah sak hi kan tih ve theih tawk niin ka hria...
Exam tur ni mah ila Sangtei leh Mer-thangi an lo leng ve a, Vanlala an rawn hruai ngei bawk a. "Diktaka sawi chuan maw Adidi-a nen an inkar a chhiatlai a ni leh nghal sia, na ngawih ngawih tur chu a ni alawm... Awiii! Ka ngaihtuah hian, a na dawn lutuk a eee!" Sangtein a tih chuan kan rilru a inmil tlang a ni ang, "Keipawh ka lo tia..." Tih te, "Ka rin dan chiah nia!" Tih tein kan lo chhang nghal luai luai a. Rilrua awm lo theilo, Hlutein a hmangaih em em Adidi-a kha a ni miau a. Hlutein a duh ngawih ngawihzia kan hre vek.
"Chu chu lawm! Adidi-a hi a ti mak ka tia kei chu!" Tiin boruakah ka kut ka beng ṭhuai! Ka thin a rim thut! "Engati hluai nge?!" Vanlalan Phu zawk tih hriat taka a tih chuan, "Aww! A pa a thi a, mahni bialnu... Oh! Nge bialnu hlui e hlui lo e! Hlutei nen an khati tak khan an inzui a, a mawiah tal pawh a hmel rawn lan ve tur a nia! Kei chuh!" Tih pah chuan ka ding huai a, ka ke ka per a, boruak ka beng leh thuai! "Ka thin a rim tlat a nia! A lu buk te saw va keh darh vek a nia ka duh!" Ka tih chuan Will-a leh Sangtein min lo pawt ṭhu a, "Eee, bawihte insum insum!" Sangtein a tih lai chuan Mer-thangin, "Ni e bawihchuks, Adidi-a chutia i tih ten Hlutei a lawm nang!" A lo ti ve vat. Ka ṭhiante hi awmlo se chu ka thawh rual rual khan an ina va luhchilh a nia ka duh ni! Zawng Lubuka mai mai kha ah! Sahuainido a an an nen!
... ... ...
Hlutei POV:
Vawiin chu intihharh nan kan tia, ka nu u, ka putean bazarah min chhuahpui a. 5D te MC-ah kan en a, kawr thar te kan lei a, restaurant-ah te kan kal a, ka putea pawisa vek a ni. Ka nu chuan engmah a duh lova, mahse ka putea te hi awm thei ve tak an ni a, bakah a inhuam em avangin ka lo inthlahrung lo mawl ve tawp a, a nihna takah chuan ka nu hlimna kha ka duh em a ni...
Tihian a rilru na hriat loh zeuh zeuh chang te hi nei ve se ka ti a ni...
Ka putean ka nu kawr tur a thlansak lai te chuan ka nu chuan lai deuh chung hian a lo duhlo zel a, mahse ka nu duh zawng ka hria a, ka nu tilui chuan ka putea nen kan leisak leh nge nge ṭhin.
Ka putea leh ka nu te hi unau awm chhun an ni a, ka tetlaiin ka nu chhang chiah, an te ber hi bus accident-ah a lo boral tawh a, unanu neih chhun ve ve chu an inhmangaihin an induat hle a ni.
Ka pa boral lai khan ka putea hi hna vangin phaia a awm lai a ni a, a hunlai ka nu bula a awm lo kha a inthiam lova, tihian a theih tawpin ka nu hi tihhlim a tum ve niin ka hria....
Diktaka sawi chuan, tunah pawh hian ka pa ngaih vangin ka ṭah a la chhuak phung thei a, ngaihtuah apiangin ka pa ngaiin kan mittui a parawl leh phung ṭhin...
Ka awih thei thlawtlo a ni!
Ni e ka pa chu ka thlah tawh ngei mai, mahse ka awih thei lova, ka nun hi a ho vek ni hian ka hria... Ka nu phei chu ka ngaihtuah a, thinlung kehsawm nen, ka pa ngaiin zan tin a la ṭap a, kalna apiangah ka pa sul hnu zel a ni si...
Kan in phei khu chu ka pa sak vek ti ila dawt ka sawi lovang... A boral hma deuh khan, min kalsan tur a hre lawk emaw ni te ka tia, kan choka cabinet te, chawei dawhkan te, sofa te a tharin a thuam vek a... Master bedroom-ah mattress thar an lei bawk a, a hunlai kha chuan ka pa phur thut thil tih vel mai mai ah kan ngai a, mahse tun hnu hian rilru a kal thui duh ve reng... Aaa, mahse, tuman kan thih hun tur kan hre lawk thei hleinem... Natna benvawn an nei te a nih ngawt loh chuan, an nei a nih pawhin engtik ni leh darkar nge an hrelo ang...
"U, lapaw chiniiiii! Lapaw chiniiiii!" Tiin ka kawr a lo pawt a, thil ngaihtuahin tak ram khawvel ata ka lo bo vang vang tih ka hrechhuak chiah! Puitling lam pan zel mah ila naupang lawm hi chu ka la lawm reng a, ei theih a nih phei chuan ka hnial phallo hrim hrim! Phur zet hian ka nau chu lapaw chini zuar bulah chuan ka va tlan sawtpui euh euh.
Lapaw chini kan lei zo, ka nu te bula kan let tur chiah chu Faye leh Fiona-i te ṭhian dun nen kan intawk a...
Min kham loh hmel zet hian Faye zawk chuan, "Nang i ni maw Rohlu... Ah... I pa a thi... Ah, a boral tih ka lo hria a, ka tawrhpui takzet che... Eng nge i an a?" A tih chuan khawngaihna hmel aiin elselna mitmeng ka hmu.
Ka pa chungchang a sawi vang ringawt pawh hian chhuatah pawh thluk pawp ka chak ngawih ngawih! Insual pui ila min ngam dawn der silo! Chutih rualin Fiona-in chiang takin min lo en ve reng tih ka hria. A ngai te te in ngawi rengin, ka chhiatna tur ngawt a ngaihtuah tih ka hre thei. Sawi chawp ngai lovin a chalah a inziak vek! He nu hi chu a rilru thup dan hi a hre thlawt lo.
Mahse nui sen sen chung chuan ,"Aw niaa... In lo hre ve a... Kan ṭha e kan dam e... Nangni in dam zawk maw? Khaw nge i mei pahnih te kha? Tunlai I bulah ka va hmu ngailo ve???" Ka tih chuan an nui lo dun chiang e!
P.Faye hian a P.partner te pahnih a tih duhdah ṭhin zia proof na video a leak out a, school pum puiin thawk khat lai khan Faye hi an hmusit a, an endawng rawn alawm... Ṭhian tlakah tuman an ngai tawh hleinem... Fiona-i nen pawh hian engtin tin emaw cousin an nih vang chauha inkawm an nih ka ring... A nih loh vek chuan an hairstyle siam duh dan aṭang tea en reng reng hian inkawm tur tak an inkawm a ang.
"Ka lawm peih lohna a rei tawh khatiang! An fake si ah! Fake deuhho hi chu ka ning... An lak tlak loh dun ropui sia mawww!" Tiin Faye chuan a kut a kuangkuah a, van lam a mit sir en thuak. Mahse Fiona-i mitmeng aṭang bawk chuan, Faye chu laktlak loh a nih fe zawkzia a lang.
Midang ngaisang theilo ve ve mahni ṭha inti ve ve an inkawm chu a niah! Engtin tak inkawm dun zel ang maw?!
"Hlute, lo dam zel rawh. A nih phawt." Tiin Fiona-i chuan Faye a pawt a, an kalsawn rang hle.
An liam thleng chuan ka melh dun reng az an pai phei dun awn awn a, tlu ṭhak se ka ti a nia! An hmai leh khawvel innawr sen huam se! Ka thin a rim tlat pek! Ka pa khati taka an khamlo kha! Inzah derna tal pawh awmlo khatiang zawng rilru pu!
...
Adidi-a sazupui lem min leisak chu ka kuah a, ka hnim a, hman deuha Adidia perfume ka kah rim kha a la nam veng veng mai...
Adidi, eng nge i tih leee? Khawiah nge i awm leee? Min ngai ve lo tiraw? Kei chu ka pawimawh ve tawhlo ang tiraw?
Adidi-a ka ngaihtuah veng veng lai chuan Timothy-a hian min rawn be hlawl!
"Eng nge i tih?"
" Eng ti lo eee... Lehkha zir ngai hi ka mu vel ar ar!"
"Umm. Nih chuuu... Awm hahdam hi a ṭha a nia!"
"Ṭhalo ṭep hei! Lehkha zir lo lekin kan awm hahdam a, ka la inchhir dawn khawp!"
"Haha! Nia keipawh hei, eng ka la ni lo! Vawiin eng nge i tih???".
"Kan chhungin kan bazar a, a nuam rap! Lapaw chini te kan lei ngeeei a maww! Nula ve ṭep e ti lo chuan ka nau te ai mahin ka lawm mai thei!" Ka ti.
"Haha! A tui alawm! Lo lawm zel rawh! I duhawmna a reh phah lo,!" A ti zaih! Hey! He pa hian min biak lerh a tum a ni maww?!, chi dawn loh tawp mai!
Ni e a chhelo! Kei aia naupang mah ni se pawi ka ti vaklo! Mahse... Ka hmangaih taka kha a ni looo! A ni lo tlat! Tlat mai a! A ni lo tlat! Biak ṭhat loh a ngai... Insum tur chin ka hriat a ngai! A nih loh chuan beiseina ka siamsak dawn tlat!
"Hey! Senior te biak dan Turin min be rawh! Khatiangin senior te biak loh tur! Het het het!" Tih ka va type a, send ka hmeh chuan a view nghal a, mahse min chhang nghal mai lo.
A hnu deuhvah, "Age is just a number... Remember that! U Hlute... Age is just a number!" A rawn ti hlawl. A zah theih loh a chhuah ṭan tak takin ka hria! A ruk tak chuan ka lâwm reuh phian a, mahse Timothy-a a ni a, ka lâwm tur a ni lo! Ka enliam mai mai tur a ni! Hetiang naupang lep lerh, a duh duh a bem kual emaw a ni anga... Awmawmi sawi ang ṭhin mipa kha a lo nih hlauh phei chuan, ka duhlo hrim hrim.
"Age is just a number chu e kha e pawh ti mah la, kei ai i naupang tho tho, kei ai naupang chu ka nau te vek in ni, awww Lil bro." Ka ti ve ngat.
"Awww... U Hlute... Ka rawn uang mai mai a nih kha." A ti daih! A duh tak a sawi a mahse ka lawm lo deuh tlat. Ka beisei lo te pawh a ni ang...
"Aww ka hria alawmmm... Thu tak i pailo tih te chu ka hre lutuk alawm!" Ka lo ti ve hmiah...
"Mahse maw Senior, i chhelo ka ti thlawt! An sawi ṭhin a, i nui mawi lutuk..." Tih hi a rawn thawn.
Kei chuan, "Enga? Tu tennn??? Nui mawi a? Awihawm loh loh! Keia nuih mawi leh chhiat loh chu khawi lamah!" Ka ti a.
"Ka ti tak tak alawm! An sawi nasa thei lutuk che! Ka bulah pawh min lo biak an ti ṭhin a, mahse bialpa i nei ka tihsan hmak zel... Bakah, an phu lo che." A rawn ti sap.
"A nih tuin nge min phu???" Ka va ti vel.
"Eleee, tuman an phu lo che. Mahse anni ai chuan chance ka nei zawkin ka hria." A rawn ti leh zaih.
"Het! Nauva! Stop! Ngawi la chengkawl i ni mai!" Bahlah ang reng deuhvin ka ti nawk!
"Eng ngeee? Ka sawi ve mai mai nih kha... Ih, U Hlute tak takin..." A rawn ti ta a.
"Eng ngee?" Ka lo ti vat.
"Nang chuan i hre tawhlo mai thei a... Hmanah, heta ka lo luh ve hmain, kan inah in band kha in lo kal ṭum khan, khatah khan ka hmu che a... Khatah khan ka star daih tawh che. Mahse chance ka nei ngai dawn chuanglo e ka tia, ka beisei ngam ngailo che a... Tunah pawh ka la ngam chuanglo..." A rawn ti duah phawt a, engtin mah ka la chhang lo, a type chhunzawm zel a.
"Mahse tunah chuan ka star che anga, mahse ka bem lovang che. Nang chu kan phu ve lo che a... Tikhan a mawiah lo hre ve hrim hrim rawh." A ti ta a, ka thaw huai!
Mak ka ti... An ina kan kal kha chu, band kan din tirha kan jam zo, U Ben-a te in thlen ve hrim hrim kan chak vanga lut kha kan nia, an in kha a nuam phian tak e! Step-a chhuk ve deuh a ngai tih mai loh chu, luh chiah khan a pui rem rem! A chhung leh a pawn an hnawih var vek a, a nu lah khan pangpar a khawi mawi hlawm si! Lawi nan pawh a iai awm loh ka ti! Mahse ka lawi nan chuan, kei chuan hual sa ka nei rân tawh a, midangin nuam ti taka an lawk nan ka duhsak hnap e!
"Awi a van mak! Khatah khan chuan class 8 lek kha i la ni ve tiraww? I la naupang viauvin ka hria... Ka lo hre vaklo alawm..." Ka ti a, a rei tawh em a, hriat vak ngaihna a awm lo. Sawi tawh angin Timothy-a hi chu nau ena kan en ve ngawih ngawih kha a nia, tunah a lo ṭhang ṭha tawh khawp mai a, tlemin kan naute en loh deuhva a ni mai...
"Nia, in tan chuan hriat a har ang... Mahse lo hmutu tan chuan theihnghilh theih kha i ni lo alawm... Tah kha chuan U Gidion-a nen pawh in la ni lovin ka hria... Ka u hnenah min lo biak rawh ka tih ngam ve chiah che khan, in lo inngaizawng hman a, U Gidion-a kha ka ngei ru thei asin aww!" A rawn ti leh ta zel! Awi he nau hi!
Mak deuh chu, tuman min duhlo emaw kan intih lai, chhia kan intih lai tak kha a nia... A ruka star deuh tu te kan lo nei ve reng mai chu a niah! Eng pawh chu ni se mit hi a inah lova... Ka tho phut a darthlalangah ka inen nghal. "Hlute, star tlaka hmelṭha i lo ni ve a ni maww??" Ka inti a ka nui sen sen, "Hmmm... Duh tlak te kan lo ni ve a, a ṭha ve reng reng e!" Ka ti a, ka bu nghuk nghuk a. A ngai tein ka khumah ka bawk leh hluai.
"A nih aw U Hlute, lehkha kan zir a nge... Nang pahw ṭha deuhin zir rawh." A rawn ti. Ka la be tui ru phian asin le. Mahse ah, ṭha ve reng reng e tiin, "Awleeee..." Tih te ka va thawn let.
Kei hi! Lehkha ka la zir duh ang em aww?! Ennawn tur deuh chauh ka nei tawh ah... Mahse engkim kha ka theihnghilh leh vek tawh ang... Huiham... Dairy ziak ila, mu daih ang!
Adidi-a nautelem min pek neuh neuh te chu ka kuah a, nghet takin ka kuah a, Adidi-an a zaina video min rawn thawn te chu ka en let vel...
Ka thlalak te kha a delete tawh ang a ani chuan... Ka thil pek te kha a la dah ṭha ang em le??? Timothy-an kan nih hma vel a sawi takah chuan, kan nih dan vel kha ka ngaihtuah chhuak uar uar.
Ruah sur hnuaiah mi insak laia kan luh ṭum kha... Ruah sur buan buan hnuaiah duh takin min fawp a. Adidi-an class 8 kan nihlai aṭang tawha min lo duh reng tawh thu a sawi lai te kha... Zan ka chhuah ruk ṭuma Dede-a (a ui) a rawn zawna kan inthawn ṭum te, arsi en paha, arsi chungchang min hrilh te, arsi thlawk ka hmuh hmasak ber zan, kha zan mak danglam leh mawi tak kha! Ka tan chuan ka nuna hun hlimawm ber te an ni!