TWISTED LOVE (CHAPTER-2)

[Hriatpuiii Hauzel]

Previously:
"Min zawng ami" a rawn ti a ka phu dawrh “I ti rapthlak thei lutuk rawn ṭawng thut zel suh ka thin a puak sawm ṭep alawm" tih leh dawm ka rual a



“Thin a puaksawm thei ami?" A rawn tih chuan ka melh ralh “Chupawh nise zan thim tawh ah tumah an au thut thut ngailo hlau thlabar in lo thi ta ila,lo tlu ta tawp ila" ka tih leh chuan ka ṭawng tam leh tawh tih ka hre nghal


"Engmah ani leh lo" ka ti zuih rat a,ka hma a ding pa chuan mitko alo san zeuh a


"Eng nge i hming?" ka ti chhuak leh tawh "Hria la engtin nge itih ang" atih chuan "Min hrilh lo tawp rawh.Chhura ka ti mai ang che" tih leh inher ka rual a


"Ethan.Ka hming chu Ethan" arawn ti a "Chhura tih i inhmehzawk tho tho " tih leh kan in lama tlan ka rual a.


In ka lut chu ka u chuan "I chhe hlem hluam lutuk" alo ti a "I ṭha hlem hluam vak bik hleinem" tih leh ka room lam pan ka rual a.



Zanah chuan lehkha te chu ka zir ve a,mahse ka rilruah engmah alut theilo.Hriatloh laiin Ethan-a ka lo ngaihtuah leh hman ṭhin.


Zingah chuan ka nu in min rawn kaitho a.School kal tur chuan ka insiam a,mut ka la khamlo em em leh nghal.Ka insiam zawh chuan inhnuaiah ka chhuk a.Chaw pawh ka ei ṭha peihlo.



Ka ṭhiante an rawn thlen veleh chuan kan inzui chhuak leh nghal a.Schoolah chuan nidang anglo takin min hrem lo ve teh mial a.



Nileng a class kan lak hnu chuan kan bang ve ta nge nge a.Kan haw lampang phei chuan kan bengchheng khawp a,kan han nui thler leh duai duai a.


Thanpuii chuan "Kan cat walk a nge" tih pah chuan kawnglai takah kalin model ang mai hian akal vel hah hah a,kan lo nuih liam mai mai thung.



Inchhung ka lut chu ring mang kheng hian ka zai lut a "Min phuar reng si ṭang lai-" ka sa zo hmanlo,seating room aṭanga min lo nuih ruh ruh tu ka hmuh chuan ka ding chat.



Ring deuh hian "Chhura eng nge kan inah i rawn tih" ka lo ti hman pek,ka zak ve theilo aniag."Chhimbuk tikhan min ko ziah suh" alo ti vat a


"Nangpawn khatiang khan min ko bik suh" ka ti a.Chutih lai tak chuan ka u chu rawn kalin "Han inthlak teh uite rim inam" arawn ti a.


"U khupa nen khuan in inkawm ṭhin ami" ka tih chuan "Lo buai suh" tih leh min kalpelh arual a.


Hmm tihpah in inchungah chuan ka han chho a,ka intihfai hnu chuan inhnuaiah thil ei turin ka chhuk a ka zuk bih dek dek chuan anlo awm tawhlo


Choka ah chuan kalin thingpui chu ka inlum a,chhang ka la chhuak dawn chauh tih ah chuan Ms-a a rawn lang hlawl


“Rinpui ka duhve" tih leh thingpui rawn inthlit a rual a“Enge I rawn tih dawn a?" Ka tih chuan“Ka rawn leng i hmuh ve reng hi" tiin mi rawn vin vak


“Lalmalsawm i thinchhe thei lutuk,chaw lo ei la" tiin chaw ei tur chuan ka sawm chu a rawn aw rang hle....Phur tawkin chaw chu ka sil a,ka sil lai chuan ka u chu rawn au in


“Serena ka ṭhiante pathum hi chaw lo chhum kep rawh aw" a rawn ti lang lang.No 7 zet chu ka chhum a,an kham turah ngai ang...Ka nu a rawn haw chu a bazar a ni awm tak bag hian thil a rawn khai lut ṭeuh




“Bawihte hei vawiin chu an thil sale ka hmu fuh a" tihleh bag aṭang a thil rawn hawn lak chhuah chu a rual a “Ava mawi ve" tih pahin a thil lei te chu kava en ve a



Ka nu indah fel tur a inchung ah a chhoh lai chuan Ms-a chuan “Serena zanin chu inkhawm ila" a rawn ti a“Yessi mahse chaw ei hma a ngai dawn sia,chawhmeh minlo siampui la" ka tih chuan a kut chu silin apron chu a ha a




Chaw ei lai chuan boruak chu a nawm dan hi a nuamlo ka nu chuan ka u ṭhiante chu alo be ve liam liam a


Chaw eikham ah chuan Ms-a chuan “Kava insiam anga kalo hruai ang che" tiin a chhuak ta a


Keipawh chu insiam turin inchungah ka han chho a...Pink Pineapple group ah chuan va sawi in “Zanin chu inkhawm ang u" kava ti a.Anlo phur tlang hle....




Ka u ṭhiante an awm bawk sia tiin ka inchei duah a,perfume pawh ka inkap deuh sekInhnuaiah ka zuk chhuk chuan ka u chuan “Lalrinpui perfume in i inbual ami a" a rawn ti a ka hrelo der hmak




Ka pa chu rawn chhuakin “Mambawihi kalna rim chu a hriat khawp ang,tikhan zanah rawn haw har pawh ni la kan rawn dawng chhuak zung zung dawn che nih kha" a rawn ti veleh



Ka nu pawh chuan ka pa thu chu alo pawmpui hmel hle “Lalmuankimi te inah beer in ru leh dawn pawh ni se a rim hi an rui hmasa hrim hrim ang" a rawn tih chuan ka melhrum hle



A hma in Muankimi te inah a nu te an awmlo amaw tih laiin beer bawm hnih ken ruk kan tum ve ngei a uluk tawkin zanah tukverh ah kan lut ru a...Beer kengtu ka ni bawk si a tawp berah ka lut bawksi ka zuang lut chiah chu phur tawkin



“Guys" ka ti chiah chu ka nu hian chiang tak mai in minlo melh a kut kuangkuah than hian “Serena in lamah aw" ati kha chu a hlim theih tawhlo reng reng.



Ms-a chuan minlo hruai a,a hnungah chuan kan ṭhiante pawh anlo inphur ve nasa mai.. Biakinah kan lut chu a hnung berah kan ṭhianho in kan ṭhu ṭhap


Ruathlui chuan “Rinpui vawi engzah nge i inkah" a rawn tih chuan “Ka hrelo" kalo ti let a.“Ka zai dawn apiangin i rim ka hip" a rawn ti leh chu ka nui chhuak teuh hle


Hla kan zir a,kan zir rei ve hle mai kan bang chu biakin bulah cafe dawr te awmah chuan coffee in turin kan kal ṭhap a




Muankimi chuan “Rinpui perfume thar i nei mi" a rawn ti leh tawh.“Awi ka ning eee ka nam viau ami" ka tih chuan anlo hawi rual ṭhap mahse ka zak lem chuanglo




Ruathlui phei chu thaw kawk chung chuan “Thawlo in ka zai char char" a rawn ti chu ka nui chhuak hawk ka khawngaih leh hnuhnawh


Ms-a chuan coffee in pah chuan “Coffee strong bawk Serena-i rim strong bawk in combine fuh vel vek " a rawn tih chuan kanlo nui dar dar


Coffee kan inzawh chuan Ms-a chuan kan inthleng min thlah a,ka luh dawn chuan "Perfume chuan inbual tawh lo la aw" arawn ti zeuh a,hepa han nghal dan em em hi chu "Kal mai mai teh Hnapkhawn" tihpah chuan inchhungah ka tlanlut nghal a.


"I rim te kha i hre velo mawni,i rim hi record theih se chuan i inhne hlui tawh ang" ka nu chuan arawn ti a,chhan pawh ka chhang buai peih tawhlo.


Inchungah ka chho a,ka inthlak zawh chuan phone khawih pahin khumah ka bawk ar ar a.The pink pineapple ho chu anlo rak leh chel chul tawh.Ruathluin "Rinpuii rim ka hnar ah acham" arawn tih chuan "I hnap atam anih mai chu" ka lo tihsak a Tluangi lahin "I rim hi intheih nise chuan kan rui chhaps tawh ang mawle" alo tive leh a keilahin chutin ka perfume rim nam ka hre bawk silo a.


Zingah chuan angai te bawkin school kal turin ka insiam leh a,ka ṭhiante chu keiman sawm tumin hma deuhah ka chhuak a Ethan-a te inlam aṭangin ka kal tih ka hrechhuak hnu hnawh,let dawn ila ka tlai ang tih ka hlau bawksi.Ka rilru a ṭawngṭaiin pawna lo awm tir lo turin ka phun phei mawlh mawlh a.


Ka hlauh ang ngeiin an inkawtah an ui kha alo infiam puia,kal pelh mai ka tum chu "Chhimte" arawn ti lauh a "I ninawm teivet" tiin kamelh rum a engah mah angai chuang lo "Naupang ho school kal ahun ani maw" arawn ti zui zat a."Ngawi mai mai teh.I ui kawlh kawlh nen" ka ti a ka kal nghal nal nal.


Ruathlui te inah chuan ka lut a "Ve teh mial chuan,ka bag ka la anga ka hman" arawn ti nghal bawrh bawrh a.Kan chhuak zui nghal zat,kan ṭhian dangte pawh sawmin school lam kan pan zui nghal a.


Kan class rooma kan luh chuan alo ri leh chel chul tawh bengchheng thei tak kan ni.First period chu Mizo ani a boring leh dawn mange.Miss in a explain mawlh mawlh lai chuan Thanpuii chuan a ipte aṭang hian acid hi arawn phawr chhuak zal zal a.


Paper ah chuan bun in kan ṭhianho chuan kan in pass kual a.Kan in pass leh dawn chiah tih chuan miss chuan arawn hmu ta chat a,"Nangni ṭhianho kha ding teh u" arawn tih chuan ṭi dak hian kan ding a "Eng nge in inpass kual kha" atih chuan tumah kan ṭawng chhuak lo "Min chhang ta che u" atih leh chuan Muankimi chuan "Miss,lehkha mai mai alawm kan inpass" arawn tih chuan "Khawmaw rawn la teh u" Miss chuan arawn ti a "Miss ka hmawm vek" Tluangin arawn ti leh a "Enga?" arawn ti vak a.Henu hi alo hmawm tak tak ani hrim hrim.Acid kengtu kha amah ania.


"Lehkha kha ka hmawm vek alawm.I awih loh chuanka pum chhung hi rawn check rawh" arawn ti a.Miss chuan beidawng hmel zet hian "Ṭhu phawt teh u" atih chuan kan ṭhu nghal a.


Miss chhuah hnu chuan Ruathlui chuan Tluangi bulah "Lehkha kha i hmawm tak tak ami" ati a Tluangi chuan nui vur vur chung hian "Muankimi a ṭawng lai khan ka pheikhawk chhungah ka thun hman vek" atih chuan kan lo nuih dar dar a.