TWISTED LOVE (CHAPTER-3)

[Hriatpuiii Hauzel]

Previously:
Miss chhuah hnu chuan Ruathlui chuan Tluangi bulah "Lehkha kha i hmawm tak tak ami" ati a Tluangi chuan nui vur vur chung hian "Muankimi a ṭawng lai khan ka pheikhawk chhungah ka thun hman vek" atih chuan kan lo nuih dar dar a.


“Bathroom ah minlo kalpui teh u a hrehawm lutuk" atih chuan nui tet tet chungin kan inzui chhuak a...


Lunch break ah chuan kan ṭhianho chuan cafeteria lam chu kan pan a...Mipa ho pawh anlo awm tawh kan ṭhianho chuan min hui in kanva phei ve a


Kan ṭhianho hian class 2 kan nih lai aṭang tawh in kan inkawm a kan chhungte pawh an inkawm ngaih ve hle.... Ms-a bulah chuan ka ṭhu leh kuk a..Ka ṭhian mipa ho zingah chuan Ms-a nen hian kan inpawh ber awm e


Mizo class a Tluangi chet dan chu kan sawi a kan nui ho leh bawk bawk tawh...Bell a rawn rik hnu chuan class ah chuan kan ṭhu leh a


Maths class anih avangin mut a chhuak duh hlee..Tluangi bawk chuan chewing gum a rawn phawrh chhuak a,a ruk chuan kan ṭhial tuam tuam a...



Kan maths teacher chu a rawn hawi leh ṭhin a,a tawp a tawpah chuan “Nangni ṭhianho kha ding rawh ule" a rawn tih chuan hreh hmel tawkin kan ding


“Nangni ṭhianho hi ka hau duhlo mai mai cheu a kelchawl ang mai class ka neih apiang in thil ṭhial in nei reng " a tih chuan kanlo khi ṭhaw


“Sir engmah kan ṭhiallo" tih pah chuan a kâ a ang a


“I dawlh leh tawh niang chu..Tikhan ka class tluanin in ding ang" a tih chuan kanlo ner nasa hle


Banah chuan ka ṭhiante nen chuan inkai rialin kan haw a...Haw pah chuan pitarte pakhat mix zawrh hi kan lei sak ṭhin a vawiin pawh nidang ang tho in kan kal leh dawn


Pitarte chuan minlo belh ve nual a kan hlim tlang hle.Ṭhutna ah chuan ṭhuin ei pah chuan kan ti ti mial mial a


Banah chuan Ruathlui chuan kan inpeng thleng minlo thlah a “Zanah ka hman chuan note copy tur kha kalo la ang" a tih chuan kalo bu nghut


In ka thleng chu ka mut a chhuak hle,room ah chuan intifai in inhnuai lamah chuan ka nu chu rawng ka bawlpui a,ka mut chhuak chu ala reh theilo reng reng.Chaw ei khamah ka mu nghal ang ka ti rilru a


Thleng ka sil lai chuan kawngka chu an rawn kik a Ruathlui emaw ni dawn ka tia kalo chhawn ṭha duhlo a uang thuang deuhin “Lo lut suh" kalo ti vel a


Phun ri mer mer ka hriat chuan kawngka kava hawng a,Ethan-a te tho “Ehee" ka ti ringawt a



Harh chhuak leh vatin “Lo lut ru lo lut ru" ka ti leh hnuhnawh Ethan-a chuan “Inleng iva neih peihloh hmel ve a" tih chuan


“Ka ṭhiannu maw ka ti che a" ti in ka nui tawi tak.Thlengsil chu kava chhunzawm leh a ka lai nasa lutuk ringawt..Ka mut chhuak pawh a reh vekin ka hria


Thleng ka sil zo inchung a ka chho chu Ruathlui call ka dawng a “Rinpui ka rawn riak nghal dawn,eitur ei chak deuh I nei em" a rawn ti nghal


“I duh duh rawn lei rawh" ka tih chuan “Awle" rawn tiin phone chu a dah nghal a...Kan inkawm na a rei tawh bawk a,a duh duh hunah hian a rawn riak ṭhin


Phur tawkin khum chu kalo tifai a kan lehkha zir na turte pawh ka dah ve thlap...Naktuk hi holiday anih avangin a rawn riak nghal pawh chu a awmlo hranlo e


A rawn thlen chuan a rawn bawr phei hle eitur a rawn khai ṭeuh a...“Ka ril aṭam lutuk" tih pahin a thil rawn ken chu a bawl a


“Chaw i eilo mi keini chu kan eikham chiah" ka tih chuan alo bu nghut...


Nichin a ka chetchhiat dan ka hrilh chuan “Anla awm angem" phur tawk hian a rawn ti a “La awm ang" ka tih chuan


“Ka hmu ve chhin chak" a rawn ti teh thawr a “Ka ngamlo chu bakah ka u room ah an awm ang" ka tih chuan “A ho e chiang deuhin kala hmu ve hleinem" tih pah chuan min pawt chhuak lui tlat a


Ka u room kawt kanva thleng a kan en dawn tak chuan ka u chuan kawngka a rawn hawng a “Enge in tih" a rawn tih chuan chhan mai ngaihna ka hrelo Ruathlui chuan


“Maths saw kan thiamlo a auh che kan tum a" a rawn ti nghal ka lo thaw huai “Nakinah ka hman hunah kalo enpui ang che u" tih chuan bu nghut in kan phei leh nghal a


“Uii ka thin phu a tawp ṭep alawm" ka tih chuan “Tu ber kha nge Ethan-a chu" a rawn tih chuan “Hoodie dum ha khaa...A pa zia kha" tiin khumah chuan ka mu a


"A hmel pawh ka lo hmu hmanlo,i u chiah ka hmu hman" arawn rih chuan ka khawng fawk.Ka sawi theihngilh Ruathlui hian ka u hi a star."Ka u hi a hmelṭhat loh loh nen hian engtin nge iduh theih le"ka tih chuan "I u anih vang anih kha i hmuh ṭhat theihloh" a rawn ti a.


Ka roomah chuan lutin kan ti ti char char a,Ruathlui pawh chuan note pawh a copy chuanglo.Inhnuaia kan chhuk dawn chuan ka u te ṭhianho an rawn chhuak ve chiah a,Lalruathlui chuan min rawn sik vawt vawt.


"Maths chu hrilh inla ngai em" ka u in arawn tih a,chhan ka tum lai takin "Ngai e ahar lutuk" Ruathlui chuan alo ti hmanhmawh.


"Ka ṭhiante ka thlah anga ka hrilh ang che u" ati a Ruathlui chu ka va melh rum vak.Inhnuaiah chuan kan chhuk a Ethan-a chuan a chhuah dawnin alei min rawn chhuah zeuh a "Chhura" ka lo ti vat ding dat in arawn hawi let a "Chhimbuk tikhan min ko tei vet suh" arawn ti a.Ka u chuan "In ninawm" tih leh Ethan-a nem chhuah arual a.


Ka u arawn luh leh chuan "Khawi in lehkhabu rawn la rawh u" atih chuan Ruathlui chu rang deuh in inchungah a chho a ka zui chho vat.


"Imak thet thawt e,kan zir dawnlo pawh ka tihloh kha" ka tih chuan "Ka phur tawh alawm" ati then a.Lehkhabu nen chuan kan chhuk a.


Min hrilh zawh hnu chuan mu turin kan chho a.Rooma kan luh pawh chuan kan mu chuanglo kan ṭawng zankhua a chang leh kan ṭhiante kan va video call a.Muankimi chuan "Ti nge min sawm veloh a,fake friends never die" arawn ti a."Henu pawh hi note copy tura lo kal tur ka rawn riak dawn arawn ti nihkha,ka u bulah mark score ala tum zui" ka ti thawt thawt a.


"Henu hi chu thet thawt mai,i u hi a hmelchhe lem lo a mahse Ruathlui hi chu duh let ve reng reng suh se" Thanpuiin arawn tih chuan "Ka induh tir dawn tho tho,lo ngai reng ru nakinah kan ron ṭhawng thut dawn che u" te tivel a.


Zingah chuan ka nu in min rawn kai tho a.Buk tawka kan tho chhuak chu ka u nen kan intawk a.Ruathlui chu ka roomah atlan lut leh a.Inhnuaiah chuan ka chhuk san daih a.


Insiam fel at hian arawn chhuk thla a,chaw pawh rawn ei nghal atum.Chaw kan ei lai chuan ka u hma ah kher ka ṭhut tira,zak miahlo chuan a ei ṭeuh a.Kan ṭhianho hi chuan zah kan hre vaklo.


Chaw eikham chuan ka nu bulah "Nu Rin,kalo sil vek ang" te chu an tivel a,a sir aṭangin ka nuih char char.


A sil zawh pawh chuan a rawn la leng ve char char a.Kan ṭhian dangte pawh chu eng mah sawi loiin an rawn lut ve hlawl.


"Eng nge in rawn rih ve a" ka tihchuan "Kan rawn leng ve nimai lawm,rawn len chu iva phal loh hmel ve" Thanpuii chuan alo ti pawr hlara."Rawn ṭhu ta che u tinge in din reng a" ka pa in alo tih chuan "Pa Mawi i fanu hian ṭhu tura min sawm nachang pawh ahrelo,kan haw hunah lo vaw hrep rawh" Tluangi chuan a rawn tive leh a anva han ṭawngthei hlawm tak e aw.Ka ṭhiante chu nilo se ka pet hrep ang.


"Chaw kan rawn ei dawn nia" arawn ti leh ringawt tawh kan in hi chu an in pahnihna ani ringawt.


"Anih chuan chawhmeh va lei ang u" ka ti a kan tho suau.Ethan-a te in lam aṭangin kan kal a.An inkawtah chuan alo awm a."Chhimi khawnge in kal dawn?" arawn ti lauh a "Kan kezungpuiin a kawhna ah kan kal dawn" ka lo ti hmak a,a huat ka rin rin nen "I kezungpui chuan kan inlam a kawk tlat mai,rawn lawi itum tawh ami" arawn ti ham ham zu nia."Awiiii ka i zak theilo ham ham e.I zah theihlohna hi intheih se chuan ruih pui hnawk tham" ka lo ti a,nui sukin kan kalsan nal nal.