" Tun lai chu ka chau thei reuh khawp mai " kan thusawi thlak tum deuh a ka tih chuan " uii kei tak zan ka mu te hi e , ka chatthla ngal hmak a ni mai , min kaitho thei tawh ngai reng reng lo " arawn ti leh nghal zung zung a.
" Tan hi a na em ani tiraw?" Ka tih chuan " na e , na e ka thin an ti rim thin Keini Kan tang em em laiin a exam tur zawk hi an thawveng em em ringawt tehian ka thin an tirim ngawih ngawih hrem pawp pawp hi ka chak thin" arawn ti leh duah a .
A sawi dik khawp mai , a zitirtu te zawk Kan tang thin em em laiin a exam tur zawk te thiam nei mumal nei silo a , an Han thawveng em em mai te hian thin an tirim thin khawp mai , zirlai naupang zawng zawng ka sawina a nilo , a thiam thei apiangte hi an tang em em reng laiin , class a a thiam vak lo te bawk ho hi thawveng ber ber te an ni leh thin hi chu zitirtu te tan hian a luhai thlak thin khawp mai .Test emaw exam Han nei ila a hreawm ti ber ber an ni leh thin bawk si .
( Ngai haw su aw keipawh zirlai naupang tho ka nia , a thiam thei lo pawl , a thawveng pawl ka ni ziah aw
)" Exam guestion kha in set vek tawh em " Kan principal in a rawn tih chuan kan set vek tawh thuin Kan chang hlawm a .
Naktuk mai hi exam hun a ni tawh a , felfai lo a awm a hlau a nih ka ring deuh .
Class 12 lam pan chuan ka kal nghal nal nal a nidang aiin ka phur tein ka hria , class room chhung ka luh chuan min lo wish leh nghal thap a , ka melh kual deuh a Malsawmsanga hmel hmuh tur reng reng a awm lo.
Ka rilru a nuam thei miah lo , naktuk mai exam hun a ni tawh a , ti nge a rawn kal loh le , a dam lo nge niang tan a na duh bawk si , ka class lak lai pawh ka rilruah a lut thei meuh lo chu a ni e .
Bell a rawn Rik te chuan hmanhmawh deuh In office lam pan chuan ka kal nghal hlawk hlawk a , office ah chuan lut In ka thutna ah chuan thuin ka thaw leh hak thin , ka rilruah a awm reng leh nghal tinge ka school naupang mai mai ka vei tlat le .
School Kan bang hnu chuan Jessica in min bazar pui rawh a tih tlat avangin , phur lo deuh in ka zui ve hna hna a , bazar lah chu a Bengchheng em em leh nghal a , mood fuh loh nen a in rem lo thin khawp mai .
" Lo kal rawh sawlai second hand saw thing leh lawk ang " tih pah in min kai phei nghal dawr dawr a .
Second hand thing chhungte chu a rei duh ang reng khawp mai , Jessica in a thing mawlh mawlh lai chuan kei chu Ning zet hian ka lo hawi kual reng thung chutia ka hawi kual lai chuan Malsawmsanga ang deuh mai hnathawh thawmhnaw ha chunga brick lo thiar chu ka hmu zuai a , a ni em ka Chiang lo na a , a mah a ang khawp mai .
Malsawmsanga a a nih ka ring avang chuan hmanhmawh deuh in chu pa kal liamna lam pan chuan ka phei ve nghal sawk sawk a , Jessica I pawh ka ngaihtuah thei tawh rih lo .
Bazarah chuan vei vak an tam ve bawk nen , ka hmu tawh mai lo leh nghal , in sakna hmun ka hmuh chuan tah chuan ka hmuh pa kha a kal ka ring ve deuh tawp , a inthuam dan leh brick a keng vang khan.
In an sakna hmunah chuan kal zel in chulai hmuna lo awm te chuan min en duh khawp mai .
" Nula enge I duh a " Kum upa lam deuh kuhve Eisen huam hian ka bula rawn din paha a tih chuan " a eng vak mah ka duh hran lo ka hmelhriat ni awm tak ka hmu a " ka lo ti vat thung .
" Tu nge a hming ni reng reng a " arawn tih leh chuan " A.. awm lo a niang ka let leh mai ang , ka hmu Chiang vak lo a , ka hmu sual pawh a ni thei tho " tih pah a kal mai ka tum lai chuan
" Sawmsang nang in eitur va lei mai ta che " ka bula ding pa chuan a ti lung lung a , ka kal tur pawh ka ding nghal chat a , chupa bulah chuan ka ding tha leh nghal zat a , mak tih hmel deuh in min en reng tih ka mitsir in ka hmu reng ka ngaipawimawh hran lo .
An lei leihna tanga rawn chhuak ka hmuh chuan a mah a nih ring tho mah ila a tak a ka hmuh chuan ka khawngaih khawp mai.
Malsawmsanga chu a kawra lei kai nuai chung hian an lei leihna tang chuan a rawn chhuak chho a , a hmaia chuan thlan hi a luang zawih zawih a ni ber , ka bula dingpa awmna lam a rawn hawi Chuan min rawn melh nghal chat a mak tih hmel deuh hian min rawn melh reng a .
" Ka pu e nge ka lei ang " ka bula dingpa bulah chuan arawn ti nghal zat a , ka bula dingpa chuan eng eng emaw ni hi asawi teuh mai an boss ni awm tak Ani. A rawn chhuah chhoh tira mi melh bak kha mi melh nawn tawh Miah lo a inthlahrung a nih ka ring ta ber vawiinah school a rawn kal silo a .
" Malsawmsanga vawiinah tinge school I rawn kal loh ?" min biak a tum hmel loh em avang chuan a hnunga zui in ka ti nghal zat a .
Engtin mah mi chang lo chuan a kal ngai chuan a kal reng a nih chu , chu chuan ka thin a tirim tak zet .
" Malsawmsanga teacher te zahna chang I hre lo hle mai maw ?" Ka tih leh chuan a kal lai chu ding chawtin ka lam chu a rawn hawi nghal zat a hnunglam chu melh leh zeuh in.
" Miss ka zah loh vang che a nilo " arawn tih chuan lo nuih hak pah hian
" I Chiang maw ka zawhna kha chang rawh engvanga school kal lo a heta awm nge I nih , naktuk mai hi exam hun a ni tih I hre lo a mi ?" Ka lo ti hmawk hmawk thung
" Sorry miss ka nu damdawiin ah a awma ka naute school fee pek a ngai bawk si nen ka nu damdawi leina tur nen pawisa Kan Indaih lo lutuk a " in thlahrung hmel lutuk a a rawn tih chuan ka in thiam lo nghal rum rum , khatia lo tih vak loh tur kha nia , an chhungkaw din hmun ka hriatpui ve vek sia .
" A pawilo mahse naktukah chuan I rawn kal ngei ngei a ngai a nia , Science ah phei chuan I lakah beiseina ka neisang teh mai a nia " dam deuh zawk a ka tih leh chuan
" Tehreng mai miss ka thei tawp ka lo chhuah ang , kal kal tawh mai dawn asin Kan pu khan rei min lo tih tawh ang " nui ver ver chunga a rawn tih chuan
" I'mm kal tawh rawh keipawh kal pui nei ka nia a hriat loh in ka kalsan daih sia ka let leh nghal ang " ka tih hnu chuan restaurant awmna lam pan a kal nal nal chu ka en reng , a khawngaih thlak awm khawp mai
Mi tam tak in thil ho mai mai, Kan tan a tangkai nilo Kan awh vang mai a pawisa hek hek a Kan lei laiin , thenkhat erawh chuan damna atan an mahmawh ve ngawih ngawih laiin harsa tak chungin thlan tui lung zawih zawih chungin nikhatah Rs 500 chiah te an hlawh thin a , sawrkar hnathawk tam zawk hi chuan an awm hmunah an lo ei ru ve char char thunga , daily a in hlawh a chhungkaw chawm thin tan chuan a tha nat hlak dawm mang e ka ti thin.
" Khawiah nge I lo awm daih a ?" Jessica bul ka thlen chuan a rawn ti nghal zat a .
" Khawiah vak mah , an thil zawrh ho hi ka en kual mai mai " ka tih chuan " I Ning tawh em "a rawn tih leh daih thung
" Kan haw tawh mai dawn em mi ? Hei zawng hi ka lak tur ania " tih pah in kekawr tlawn panga tha deuh deuh hi a rawn khai chhuak a dawr neitu bulah chuan a man a pe ngal zat .
" Engmah I la ve lo a , I duh zawng I hmu veo ami ?" Pawisa kir lak paha a rawn tih chuan " hmu lo thawmhnaw te chu ka ngah a lawm " ka lo ti mai thung .
" Taxi chang mai ang aw" arawn tih leh chuan " a remchang chang Kan phar mai dawn nia , ke a taxi stand va thleng leh chu a paih awm loh " ka lo ti ve vat a .
Kawnpui sirah chuan taxi ruak chang chuan kan ding reng a , ni a sa bawk nen a hreawm duh ngar ngar khawp mai , taxi ruak lah chu a vang hrep leh nghal .
" Ni a sa si ka Ning mamawh veleh taxi ruak te hi a avang thei si " tiin Jessica ilah chu a phun hlak hlak reng a , ka nuih ringawt zel a lum khawp mai ni asa bawk nen thlan a chhuak tha duh khawp mai .
Beidawn hnu lamah taxi ruak pakhat a rawn tlan hlauh a , Kan lo phar rang teh asin .
In ka thlen chuan ka chau lutuk chu ka khumah chuan ka bawk thlawp mai, Nisa hnuaiah taxi Kan chang rei vang kha nge, ka lute hi a na ut ut leh ta nghal a .
Nizan khan ka net pack a zo daih a , story pahnih ka khawih avangin pakhat zawk kha ka post zawh a heihi ka types veleh chauh thin a , chhunah recap Kan lo en nasa ve bawk nen net pack a zo chak khawp mai . Min lo hrethiam hram hram mai teh u