CHHINGKHUAL D ALEX LIANSANGPUIA CHAPTER=27 BY:DREAM LOVER

[Dream lover]

CHHINGKHUAL D ALEX LIANSANGPUIA CHAPTER=27 BY:DREAM LOVER



ALEX LIANSANGPUIA P.O.V:




Ka ke ding lam delh rit tu awm avang chuan ka taksa pum pui chu nàin afana,ka bul hnaia mihring inbe nak nak ri pawh chu ka mang hriat deuh  ruai ruaia,an thusawi pawh ka hrechiang thei mailo.



"Mipa naupang kha dím deuhin hlàng rawh u,anu pawh kha ni khua ahre tawh lo.Kan hmanhmawh angai thisen an hloh hnem tawh lutuk.Tiang chuan mihring kan inchan lo mai ang" ti a àú lang lang chu ka hre rei ruaia,mang tha lo tak zawng ani.Harh chhuah vat ka duh bawk.




Ka ban rék rawn khawihtu chu ka taksa in ahria mahse mumang mai ala niin ka hria.

"Hei chu amar pawh apangai viau mai.Mahse motor in ake adelh.Tlangval ho kha chawi kàng lawk ang u" tih asawi chu ka hrechiang viaua,mumang mai atan chuan afiah mah mah ani.




"An thàwm ri zui nak nak ah chuan an tam hmel khawp mai.



Rei vak loah chuan"Ka taksa an rawn la kàng a tlém chuan ka harh ve rei ruaia.Ka mit bawr vel chu achhah mupin ka hria men tum chuan theih tawp ka chhuah a,mahse ka mit chu ain chàr.



"Ka pu inti harh hram hram rawh aw,damdawiin lam kan pan dawn" ti a min be zui mawlh mawlh tu chu,theih tàwp chhuah chuan ka ena ka la hmu fiah thei mai lo,arúam àng chiah chu ka hmu rei ruaia,





"Ambulance siren rí te chu ka hrefiah telh telh a,mumang mai chu ani thei tawh lo chuan ka hria.



Ka taksa che deuh dat ka hriat chuan ka ngaihtuahna afím nghala,ka harh chian chuan ambulance chhungah ka lo mu fel dér tih ka hre nghal a.Ka sira thute pahnih chu ka en a,an hmel ka hmuh chian chuan ka hriat ngai mi anni tlat lo.




An pahnih chuan "Inti harh lui hràm hram tur chuan min be zui char chara"an hmelah chuan min ngaihtuah hmel khawp mai.





"Khawnge ka fapa leh anu" ti a ka zawh chuan "min chhang lo chuan an mitmeng chu abuai zui deuh naka



"Tute nge innih,an awmna chu sawi vat teh u,an la dam tiraw" ka aw atang chuan ka inrintawk loh zia leh ka hlauhthawn zia chu ain pawlh zui nghal nawk nawk.






Tléma kum upa lam hmel pu deuh zawk chuan ka awm dan chu lo hrethiamin hlauthawng lo tur chuan min hrilh zui nghal a,"engkim atha leh vek dawn"tih chuan min thlamuan zui nghala,damdawiin thlen hma chu tawngtam vak rih lo tur chuan min khap zui nghal bawk.





Ka ngaihtuahna chu ka fapa leh anu ringawt chuan an luaha.Thil thlen hnu khan engtin nge an awm ve zel le tih mawlh mai chu ka ngaihtuah a,an la dam angem tihte chu ka ka in zawt zui mawlh mawlha,chàn mai tur chuan ka rilruah ka dah ngam lo.Nilo ateuh lo,ka chàn anih ngat chuan kei alex liansangpuia hi dam zo tur ka awm lo ang.Engkim hi atha leh vek dawn tiin tun lawk khan ka bul ami te hian  min hrilh ami khàh ni e engkim hi atha leh vek dawn tih chuan keimah leh keimah chu ka in hnem zui mawlh mawlh.







Damdawiin kawt kan thlen chuan male nurse pathumin min lo bawihsawm vata,emergency room lamah chuan min nawr lut zui nghala,min zui tu te pahnih erawh achhunga luh arem ve loh avangin room pawn lamah min lo nghak thunga,







Pindan chhung kan luh fel hnu chuan doctor chuan test hrang hrang chu min tih sak nghal zung zunga,ka hliam thúk zual laite chu nurse pahnihin min thui sak nghal zung zung bawka,ka ké an thui lai mek chuan doctor chu ka bul hnaihah chuan arawn dinga,ka àwm bàwr vel check pah chuan "itha i,pangai vek e,mahse iké lam khu tih pah chuan azuk melh zawka asawi zawm leh , ihliam athúk deuh avangin naktuk lamah x-ray angai ang" tih chuan min hrilh a,ka lo ngaihsak vak lem lo.Ka rilruah chuan ka fapa leh anu ringawt an awm.




"Ka fapa leh anu an tha em" ti a ka zawh chuan "min en vang vanga,ami chhanna ka lo chang ve ran thung.




Chutah hahdam tur chuan min hrilh hmasaa,ami chhan dan teh tawp avang chuan ka fapa leh anu chungah achhe ber athlen loh ngei ka beisei,.




"Engtin chiah nge an awm sawitlang rawh" ka tih leh na chu avin loa,achang ta fak.




Doctor chuan" engkim atha vek dawn.Tunah I.C.U ah naupang nu chu a awma,an buaipui mek. Chuan ti a sawi zawm leh mai atum chu ka lo pawt chat "Athi lo ang tiraw" hlauhthawnna nen a inpawlh deuh nawk chuan ka zawt leha,ami chhan dan tur mawlh chu ka lo ngaichang leh ran



"Chutah "alu ruh tlem akhi deuha,aharh chhuak har deuh maithei mahse lo hlauthawng lo la,chung lamin tih dam theihloh anei lo ti a min hrilh chuan "min ti hnual nghal rawiha.Awptu nei lo ang mai hian ka thlaraute chuan min chhuahsan vek nimai hian ka inhria,ka chakna neih chhunte pawh chu an beitham hle.




"Anih ka fapa atha em tih chuan ka zawt leha"ka fapa tal hi chu tha hràm se tih chu ka duh.


"Ani pawh kha alu lam tlém asawh tela,mahse pawi tham anilo.A harh chhuah hun lo nghah kha animai"ti a min chhanna chu "ka lo duh khawp lo viau"



"Achhip atanga aké thlengin engkim in enchhuak vek em" tih chuan ka zawt nawn leh kher.




"Hahdam rawh ka pu,naupang kha chu atha.Anu zawk kha ahliam anat ém avangin eng hunah nge aharh chhuah ang tih kan hrelo"zàng khai deuh tak chuan ati a,



Mahni lo maha rilru buai nen chàn ka hlauhna nen chuan ka chhungril chu ati tawt zual up up a,ka bula  ding chu ka melh rum viau.



"Ka pu" atih leh rual chuan,sawi tawh suh tih pah chuan akawr àwm ah chuan ka va thàm nghal thàwra,tawng leh mai atum chuan ka lo sawi khalh "thil thleng te hi in tih chawp vek.Rinsangi chu atha tunah pawh min ngaihtuah mek ang.Nangni ho hian in ti hlum dawn lo reng reng ka fapa pawh atha vek.thinrim zet chuan ka ti chang fak.





Chutah Nurse pahnih chuan ka kut chu rawn phih thlak tumin an lo chelh nghal vata,"insum rawh ka pu helai hmun hi damdawiin anih hi,engkim hi kan pu thuhnuai veka awm ani.Tiang zawnga buaina siam itum chuan atha lo vang" tih chuan min lo khap zui nghal a,chutah doctor chuan "keiman ka lo buaipui mai ang tih chuan ahrilh zuia,an pu thusawi chu zawmin min chelhna chu  thlahin nurse pahnih chu room pàwn lam pan chuan an chhuak zui nghala






Nurse pahnih an chhuah hnu chuan doctor chuan "le ikut hi la thla rawh le"dam thluam chuan ati a,ka thlah ve mai mahse amit ah tak chuan ka la en ngar.









Doctor chu rawn tawng zawm lehin"Inti Pachang rawh,hetianga i awm hian engmah ain thlak danglam phah dawn loa,ifapa leh anu an that chhuah leh vat theih nan,huaisen taka ihmachhawn angai.Theih tawp kan chhuah meka,kan theih tawp bàk chu chunglam kut ani tawh" ati dam leh thluam a,ahmel landan leh amitmeng ah chuan ain rintawk zia chu alang bawk.






"An that chhuah leh vat angai,theih tàwp min chhuah sak dawn nia" tih chuan ka ngen zui ta tawp.



"Sawi tur ber ka hre tlat lo ani.Engkim mai hi mumang mai nise ka ti a,mahse atak vek anni lawi bawk si,engtia hmachhawn tur nge tih chu ka ngaihtuah thiam lo.Ka hmangaihte nen hlim takin kan awm ve dawn chauh emaw tih laiin buaina dang bawk in min chím leha,hma hun hre làwk thei ni ila chuan tiang thil hi an chungah ka thlen tir miah lo ang. Tih chuan ka ngaihtuah zui mawlh mawlha,keimah leh keimah chu ka inhaw tel,





"Mai mai chuan ti hluk in" ka awmna room chhuah san tum chuan ka tho vuta,ka bàn a venflon an vuah chu phih thlak leh  mai ka tum chu " doctor chuan " min lo dang.



"Drip khai lai hi zo phawt rawh se" atih chuan"ka thaw deuh haka,aho" ka ti tawi tak.


Ka dara min  rawn chelh paha min nam thut mai atum leh chuan "min khawih suh tih pah chuan drip inkhai na lam chu ka melh chhoa"khi thil khi achak thei ang ber in kal tir rawh" tih chuan ka nawr a






"Apangai ai baka kal tir atheihloh" tih chuan atang ve tlat.



Ka mutna ah bawk chuan ka thu thla deuh chawrha,ka ngaihtuahna abuai em avang chuan engmah ka sawi zawm taloa,indawm kun ngal pah chuan hnuai lam ka en tlawk tlawk


Doctor bawk chuan"chanchin kan hrilh zel dawn che nia,rilru ti hah lola,an pahnih tan hrisel tak a i awm angai" tih chuan min fuih zuia,ngaihven pawh ka ngaih ven lo,ka awmna ward pindan achhuahsan hnu thleng pawh chuan chet sawn ka la tum chuanglo.Hnuai lam chu ka en mawl tawp.




Min chím buai tu an awm tàk loah chuan
Ka ngaihtuahna chuan hmun tin afang kuala,mahse angaiah bawk alet leh thin.Ka mithlaah chuan ka fapa leh anuin hlim taka min nuih sen sen te chu atak ang maiin an lo lang nghal zut zuta,ka khi leh suk thin.



Rinsangi lài hmel te ka fapa nena kan infiam lai te chu alo lang zut zut ani ber.
Ka àwm bawr chu atawt em avang in ka thaw chhuak leh hak thina,ka vel boruak te lah chu a ipika,zawi muanga ka híp luh leh rual chuan van va dak meuhin ka mit chu ka chhing zui vang vanga,ka tih ngaihna hrelo leh beidawng lutuk chu thiam lo chungin ka rilru chuan ka tawngtai zui ta tawp.



"Ka pa ihria tiraw,tunah hian ka fapa leh anu chu thi chhawngin an awm mek a,an harh chhuah leh vat theih nan min pui ve teh,an harh chhuah leh na tur anih dawn phawt chuan tunah hian keimah hi an tawrh ai min tawrh tir la,ka hmangaihte pahnih hi chhan him hram ang che.Engdang ka dil ngai lo che hei chiah hi nimai,aw khawngaihin please in" ti a dil chuan ka phun sep sepa,ka puitlin hnuah avawikhat na atan ka biangah mittui chu alo luang chhuak ve ngei nguai bawk.

Ka awmna pindan kawngkhar inhawng thawm chu ka hre chhunzawma,nurse annih ring chuan ka ngaihven loa,men pawh ka meng lo.

Thàwm chu alo hnai zela,an ke pen rí ah chuan mi pahnih anni.Ka bul hnai an lo thlen chuan areh zui daiha.Ka la meng chuanglo.


"Eng nge isawi zawh chiah kha...bawiha" ti tu àw ka hriat rual chuan " ka meng nghala" chutah ka nu hmel chu ka hmuh chhunzawm nghal zata,abulah chuan ka pa chu  ading ve bawk.

Ka nu hmel landan chu ahlau thawng tih ka lo hmuthiam nghala,engmah sawi lo chuan ka lo en tawp,ka pa erawh chuan chík zetin min lo en thunga,ngaihtuahna thúk tak anei tel chuan ka hria.




Ka nu chuan ka taksa vel chu chik zeta en pahin akhawih kual dan dana,"iké tih loh hliam dang inei lo tiraw bawiha,imit lah chu avúng nasa sia,enkawl dam vat angai" min ngaihtuah zet chuan ati nghal zung zunga.




"Ka lo thaw chhuak zui deuh haka,kei chu ka tha ka fapa leh anu kha" ka tih chuan "rinsangi ní te nupa nen kan lo thleng ruala,rawn lut kawi ve tawh lo in ka tupa leh anu an dahna lam an pan tlang nghala"tih chu min hrilh zui nghala,



"Ka lo bu nghat"



Ka nu bawk chuan "doctor ka va ko leh teh ang ipa nena kan hmuh  lai hian check tha che sela ka duh" tih chuan asawi chhunzawm leha.



"Ka nu keichu ka tha ka tih tawh kha ka ké ah hliam chhe té a awm ve a animai" ka tih chuan ka ké intuam lúk lam chu amelha,


Chek zui tlak pah chuan" hliam chhe té iti a,chhe té anih loh hi,ipa ang mai palzam loh tur zawk hi in palzama,pawimawh loah inpalzam leh chuang silo" tih chuan asawi zui hlak hlaka,



"Naktuk lama min x-ray tur thu doctorin min hrilh te  chu ka hrilh chhunzawma,zanin chuan engmah atih theih chuang loh"ti a ka sawi leh chuan " anih chuan atih zia chu engmah ila ei awm siloa eng nge maw tal chu ei la" tih chuan asawi leha "engmah ka ei chak rih loh thu chuan ka chhang




"Anih chuan ipa hian ihnenah sawi duh aneia atih leh chuan ka pa lam chu ka  melh zawka, chutah sawi zawm lehin hun ka pe lawk ang che u,ka tupa leh anu pawh chu ka va ngaihven ve reng reng ang nge"  ati a,ka awmna pindan pawh chu achhuahsan nghal a








Ka pa ngawi renga alo ding chu enin ka sir thutna awmah chuan thu turin ka hrilha,athut fel hnu chuan alam chu ka  hawia, athusawi tur ngaichàng ran chung chuan ka lo insiamrem tha ve sauh sauha,






Chutah Engmah lah chu ala sawi mai lo,chík zet hian min la ena,ka pa hmelah chuan lainatna ka hmu tela,inthiamloh na nen.


Rei fé chu chutiang chuan inbe loin  kan ngawi dun reng a,



"Bawih-a engkim ah khan min ngaidam dawn nia" ati chhuak supa,a àw atang chuan ain thiam loh zia chu ka hre tel.




"In thiam lo duh suh.I thiam loh engmah a awm lo" ka tih chuan " abu nghata"

Chutah sawi chhunzawm lehin

"Hlim takin awm ang che u,in inneih tur atir kha chuan ka pawmpui viau lo che ua,tunah chuan lungdam takin chhungkua idin thei tawh ang" ati a,atawngkam ah chuan atih tak zia alang





"Ka lawm e ka pa" ka tih chuan "athutna atang athoa,min kuah zui nghal thaka,



"Tuna thil thleng mek a rilru ti hrehawm lo tur chuan min chah zui mawlh mawlha,
"Mipa inia ka fapa ini bawk,hringnun ah hian kan beisei angin thil athleng duak duak lo anih pawn pachang takin Gentle man takin ihmachhawn dawn nia" atih chuan "ka chhang loa, ka rilru pawh chuan ka pawm dam thei tlat lo.


Chutah sawi zawm lehin " awmzia nei chuang hauh lo turah chuan intih buai tir che ka duh loa,mahse tuna thil thleng mek te hian inunah awmzia ala nei ngei ang,tih hi ka ring tlat.tih chuan aphun zui sup a,tuna athusawi chuan tlém chuan min ti zia awma,tlém chuan ka hahdam phah ve deuh.







Ka pa thu min fuihna te chuan keimahah beiseina thar min pe a,ain phah hnuai zawka tanga ngaihdam min dil leh lek phei chu dawn sawn dan thiam ahar ka ti sawifiah thiam siloh hian chhungrilah ka hlima,ka fapa nu lo harh hunah kan inneihna ka pa'n min pawmpui thu mawlh chu ani ka hrilh chak tawh.








Kawngkhar rawn inhawng ri rak thàwm kan hriat rual  chuan ka pa nen chuan kan inla hrang  zui ve ve a,kan lam pana lo phei hlawk hlawk chu kan lo en renga,ka nu ani.A rawn hmanhmawh hmel khawp mai.



Kan bul alo thlen rual chuan "aharh tawh" tih chu asawi tawpa, ahmel ah chuan ahlim zia ka hmu tel.



Ka nu thil rawn sawi avang chuan beiseina ka lo nei ru nghala,

"Rinsangi maw" tih chuan ka lo zawt ta vat.


Chutah ka pa chu lo inrawlh ve in "ngawi reng lo khan sawi chiang teh tu zawk nge harh chu" tih chuan alo nawr zui ve a,ka pa nen chuan ka nu thusawi leh tur chu kan lo ngaichang ran a,ka nu lah chu angawi leh daih lawi si.Kan pahnih chuan min melh tawn zak zaka,chutah ka ban chu a rawn chelh chhunzawm zata,



Ka mit ah tak chuan min en leha,min khawngaih hmel te pawh apu in ka hria"Bawiha,ka tupa zawk aharha anu chuh" ti a sawi chhunzawm leh mai atum chu a àw alàwi zui ràt a,asawi chhunzawm thei miahlo.




A mittui tla chu ka hmuh hlau takin lehlam hawi zawk chuan ahru pah zeuha,ka nu thusawi chuan min tih làwm rual rualin ka fapa nu awmdan a sawi zawm thei mai lo chu ka ngaih ati thalo telh telh thunga,ka pa nen chuan min ti mang ang zo vek.




"I tap em ni" ka pa chuan a ti a, ka nu awmdan velah chuan ahlauthawng ve tih chu ahriat.



"Engthil nge ka tupa nu chungah chuan thlenga" tiin azawh chhunzawm leh a,chutah




Ka hlauthawng lutuk chu mí à ang maiin ka lo phun zui bul bula,"min kalsan dawn lo"tih thu ringawt chu ka hriat tham tàwk lek chuan  ka sawi nawn tluk tluka,





Chutah ka nu chuan rawn sawi chhunzawmin "bawiha  itha em atih leha,chhang lo chuan ka ngawi ran " rinsangi chu,athluak lam afel lo deuha,mahse hlauhthawng suh.A enkawltu khan aenkawl dam leh theih thu asawia" atih chuan "ka hlauhthawnna chu tlém chuan azia ta deuha,mahse athluak lam afel loh thu asawi tel chuan ka rilru ati buai nak mai.






Ka pa chuan "mi iti hlauthawng hman lek lek alawm"tih chuan alo sawi zui ve bawka





"Chutah keimah chu min enin asawi zawm leh "bawiha patling takin ka tih kha" atih chuan inrintawkna nei tur chuan min duh ani tih ka hrethiam nghal maia,



Ka nu chu lo inrawlh ve lehin"Ni e mama,ifapa leh anu tan nangmah kha iintih pachan luih hram hram angai dawn ania,rinsangi nu leh pa pawh aizawl lam panin an lo kal meka" tih asawi lai mek chuan pindan kawngkhar chu rawnin hawngin nurse pakhat té ve lampang hi arawn luh zawm zata.







Kan bul alo thlen chuan "jason-a pà ka nih leh nih loh chu min zawta, ka lo bu nghat
"A lam reng chea,tih pah chuan ka drip khai lai chu  melh chhoin ahmet tawp zui a,
"Ti rawh kal ang le" atih chuan thawh mai ka tuma ka tho thei tlatlo.


Nurse leh ka nu chuan min lo pui nghal vata,"hmanhmawh lo tur chuan min hrilh zui nghala,min buaipui lai mek chuan ka pain ka vawn chhan tur chu min lo pe ve nghal thuaia,ka thawh rual chuan ka hnung lamah ka pa in min venga,ka hmalam sir ve ve ah nurse leh ka nu chuan min vuan pah bawk.








Ka fapa awmna pindan lam chu muangchàng chuan min pan puia,ka kal tha hlei theilo nen ka ke pén chu amuang khawp mai.Ka rilru erawh ahmanhmawh ru viau.






Ward hrang hrang leh pindan hrang hrang kan kal pelh lai te chuan dam lo kana lut chhuak an awm ve zuta,tap hawm hawm rí te nen chuan ain pawlh zui naka,nurse kawr ha a in sut pél suau suau te nen lam chuan an thahnem khawp mai.





Pén lí vel kan kal leh chuan room pakhat kan thlenga,tah chuan lutin ka fapa khuma lo mú vàng chu ka hmu a,abulah chuan rinsangi ní leh apasal chuan an lo thut chilh a,kan thàwm chu hriain kan lam chu an rawn hawi phei nghal zat.





Jason-a'n ka hmel ahmuh rual chuan " apa tih chuan min lo àu nghal vara,chutah rinsangi patea chuan thutna tur min lo kawhhmuh pah bawk.



Kan thut fel hnu chuan ka fapa chu alo pangchang thiam leh tawh khawp mai.Ana laite chu kawk kualin min hmuh nghal zat zata,ka nute leh rinsangi níte nupa chuan accident kan tawh dan te chu an sawi zui a,ka lo ngaithla pah ve reng.





"A that chu.Dàn in aphu tawk hremna pe sela atha ber rinsangi ní in atih chuan "midang awm ve ho chuan an lo pawm hmel khawp mai.



Ka nu te ho ti ti na karah chuan ka fapa in min lo biaa,"Apa khawnge anu" tih chuan min zawta,chhan dan tur mai ka hriat loh avangin hnuai lam chu ka en zui tlawk tlawk,amit ah tak pawh chuan ka en ngam lo.





"Màwh apa anu bulah kal ang"ka banah min sawi dat dat pah chuan min nawr zui tut tuta,ka fapa hmel ka en chuan ka chhungril hi anghing ani.Ka nu leh pate leh midang awm ve ho chuan ka chhanna nghak thup in min lo ngaichàng rana,an ti ti kallai pawh chu an chawlh zui duk.





"An za vai mai chuan ka en rei ngam loa,pindan chhung chhuahsan tum chuan thei leh theilo chuan ka thutna chu ka thawh san a,kawngkhar lam pan a ka kal lai mek chuan jasona tap thawm ri chuan azuia,kawngkhar ka pelh thleng pawh chuan anin thlém zui na pawh chu ka hre chang chang.






"Damdawiin corridoor sír a thutna lo awm  ah chuan ka thu thla nghal zata,pangai deuh zawk chuan thilthleng mek te chu ngaihtuah ka tuma, ka thei der lo.Ka mitthlaah ka fapa hmel mawlh chu alanga,anu hmel hmuh abeisei zia amitmenga lang chhuak mawlh khan ani min ti hrehawm zual chu.





Rei fé chu ngaihtuahna mumal pu thei lo chuan ka awma,ka in seh ruh ngawt ngawt.





"Rinsangi an dahna I.C.U lam chu ka tiang hawllai rin chhan chuan muangchàngin ka pana,kawngkhar ka thlen rual chuan  nurse lo chhuak nen chuan kan intawk chawta,



"A luh theih em" ti a ka zawh chuan "aluh theih loh" tih chuan min chhanga,dil nawn leh chu ka tum lo.



"Akal na tur ka ken rual chuan kawngkhar chu ka nam hawnga,"ka pu chím buai arem rih lo ka tih kha" ka hnung lama mi chuan alo ti a,kal sawn mai lo chuan ka chet dan vel chu min lo en zui reng tih chu ka hrethiam nghal maia.



"A mi biakna pawh ngaihsak lo chuan ka kal tlang lui ta thoa,ka hnung lamah ke pén ri chuan azawm zata,nurse khan min lo zui lut ve ani tih chu ka hrethiam nghal bawk.




"Lut lo tura min biak zuina pawh chu ka hrelo der hmak.




Abul ka thlen rual chuan "bawih-i tiin ka phun chhuak supa,damlo khuma amu dang bal hmel te chuan min ti na tak zet.A hmel hmuh that theih loh khawp chuan alu lah chu an tuam a,boruak tlachham ngai miah lo kha akà a oxygen bur an híp luh tir ka hmuh te chuan min ti na zual tak zet ani.





Kun hnaih pah chuan abiang tawn tawnah ka vuana,"bawih-i duata nen kan nghak che nia,lo harh tawh rawh.Duata'n alam reng chea,chhan dan tur ka hrelo takzet" tih pah chuan ka kuah zui nghala,min chhang tu tur a awm lo,areh duk mai.




"Ka pu chhuak ang doctor in ahmuh hma chein "min vengthawng tak chuan ka hnunga ding nurse chuan alo ti leha,ka ngaihsak lo,ka hmangaih hi ka kalsan thei tlat lo ani





Ka kuahna ka thlah rual chuan abiang tawn tawn ah chuan ka vuan leha,"bawihi ka pa in chhungkua hlim tak nei turin duhsakna min hlan tawh ania,lo harh la ilo suangtuah thin chhungkua ka pe ang che"tih chuan abeng bulah ka phun sap sapa,ka mittui chu atla lo,mahse ka chhungril hi arúm vawng vawng ani.






Ka kut pahniha hmai hup chuan ka van va daka,thawk ka la zui hak.Ka beidawng tak zet.

Ka hmai hupna ka làk thlak leh rual chuan akut zung tang che deuh dat chu ka hmua,ka chhungril beidawnna in atúam mek chu beiseinain athlak nghal ti tih.





Ka hnung a nurse ding chu ka lehawia,"A ché ania,aharh dawn tiraw" tih chuan ka zawt vata,ani lah chuan min chhang mai lo.A hmel ah chuan beiseina aneih vak loh hmel riau lehnghal.



"Engmah ihrethiam ve lo a enkawltu doctor kha va ko rawh" thu pé àw deuh chuan ka ti chang bawl.




Ani lah chu kal mai atum hmel loh ala ding reng.Ka biakna pawh min chhang lo chuan min en ngawih ngawiha,a awm dan vel chu min khawngaih tel tlat ten ka hria.




"Mai mai che chuan"tih hluk paha kal mai ka tum chu "Beiseina ti sàng vak rih suh" tih chuan min chhanga,ka ke pen pawh atawp zui nghal.




Amit ah tak chuan rum zet chuan ka en a "Engmah ihrelo.A harh dawn anih hi" ka ti chang leh fak.




"Mi tamtak kan enkawl hnem tawh akut tang achét ringawt avang khan aharh dawn tih na anilo.Doctor pawh ko mah ila ka hrilh ang che hian ahrilh tho ang che" atih leh chuan ka lo inhúm ruh ngawt ngawta,mipa chu ni se chuan athal chiang viau ang.





Rum khum nghut pah chuan "Milem vek innih hi engmah hi atak a awm lo ve" ti zui fakin pindan chu ka chhuah san a,kawngkhar pawn lama thutna awm ah chuan ka thu thla leh nghal zat.






Nurse bawk chu lo chhuak lehin ka ké dressing angaih thu chu min hrilha,ami biakna pawh chu ka ngaihsak lo,ka thutna bang nghéng àwn diai chung chuan ka hma a mi chu ka en mawl tawp ani ber.





Akal zui hnu thleng pawh chuan ka awmdan ngai chuan ka la awm reng.Rinsangi alo harh chhuah hma chu kal sawn ka tum lo bur.




A harh chhuah velah ka hming leh kan fapa hming alam hmasa ber anga,kan fapa lah che sawn thei ani rih siloa,kei talin tia ka lo nghah loh chuan amangang lutuk ang tih te chuan ka ngaihtuah zui roh roha,





"Ka ngaihtuah na chuan hun liam tawh hnu achhuikir a,kan intawn dan te kan inhmangaih chhoh dan te nen chuan hmun tin kil tin afang kual ani ber.Amitmeng dum kalh te,nui hmel ka hmuh tawh a zawnga mawi ber mai anui hmel te nen lam chuan ka mitthlaah achàm reng.


Engtikah nge ka hmuh leh ang tih chu beiseina nena lo nghah tawp ani rih si a,kan hun tawn te hi kan thu avan nilo tak.


Siamtu pawh hian kan chungah zah ngai sela,ka hmangaih hi harh chhuak leh turin min chelh din sak se tih hi ka duh ber.





"Mama" tia min rawn ko tu chu ka nu ani. ka ngaihtuahna atang chuan ka inthing harh vata,ka lam pana alo phei mek chu ka lo en renga,ahnung lamah rinsangi nuhrawn leh apa in an lo zui bawk.An lo thleng ve chiah anih hmel.




Ka bul an lo thlen chuan rinsangi pa chuan thil thlen dan te min zawt nghala,ka hriat chin zawng chu ka lo hrilha,uluk tak chuan an lo ngaithlaa,min sutu an man tawh thu te pawh chu ka hrilh bawk.




Rinsangi dinhmun min zawh leh chuan"chhan mai harsa ka ti a" ka ngawi zui ta daiha,anni pawh chuan ka awmdan te chu lo man thiam nghal maiin "tuar dan thiam tur leh beiseina nei a,pachang taka awm tur chuan min fuih zui mawlh mawlha,







********************************************

ka fapa nen chuan damdawiin kan chhuah san atang karkhat lai alo ni tawha,ka ké lam pawn dam lam apan ve bek beka,ka fapa pawh azia sàwt tawh khawp mai.Rinsangi erawh damdawiin ala chhuah san ve loa,ngai ala awh reng.Beiseina nen nitin aharh hun chu kan lo nghaka mahse ani chu areh tlawk tlawka,bei adawng ru viau tawh.





Damdawiin kan chhuah dawn khan doctor bulah phai lama in enkawl zui mai tur in ka dila,a remti chiah lo.A chhan ka zawh khan phai lamah pawh tiang thoa an enkawl tur thu min hrilh a,a aia hla foreign lam panpui ka sawi lahin amah khawih chét vak theih ani lo tiin min chhang leh zela,ka bei dawng takzet .




Mahse kan chhuah atanga chhiar nithum na velah amah enkawltu doctor chuan phone call atang min rawn bia in damdawiin lam pan tur chuan min rawn hrilha,ka office lam hna chawl meuh in damdawiin lam chu ka pan ding nghala,



Chuta athu lo sawi chu "international lam super specialist doctorin a enkawl dawn thu hi ania,asen lam erawh atam tham deuh dawn thu min hrilha,amah aharh chhuah leh theihna tur anih phawt chuan sum lamah buaina a awm loh thu chuan ka chhang zui anih kha.




Doctor in a athu min hrilh te chu ani la lain ka nu leh pa leh rinsangi nu leh pa,apatea te nupa te pawh chu ka hrilh nghala,an zavai mai chuan beiseina an nei sàng nghal khawp mai.



Keipawh chutiang tho chu ka ni.International super specialist meuhin a a enkawl tur chu ka lawma ka beisei pawh ka ti sàng viau bawk.







Tih thleng hi ni rih phawt teh se....