Malsawmsanga chapter 3

[Agatha thangen]

Tlaiah chawei Turin Ka nun min rawn au a , school banga ka mu kha ka harh leh chiah chu niin , min rawn kaitho lo se chu ka mutlang thei ang,ka thawmhnaw pawh a ngai ngai in ka la ha , chawei hma a in bual fai leh sawk sawk in , ka in bual zawh chuan chawei tur chuan in hnuai lamah ka chhuk thla ve nghal zat a .





" Tun lai zan I mengrim lutuk a , I tuar a nih kha " ka nu'n chawei laia a rawn tih chuan " Nia mambawih I taksain a tuar lutuk a nge , engpawh ti dawn ila Kan hriselna hi ngaih pawimawh ber thin tur "ka pa chuan a rawn ti ve leh nghal zat a.





Chawei kham chuan Kan awmpui te chu chaweina tih fel pui leh sawk sawk in ka zawh chuan sitting room Lama ka nu leh pa thu te chu ka va zawm ve nghal a .



Ka nu leh pa in chanchin thar tv a, an en lai chuan Keiin ka phone ah reel vel hi ka en ve mai mai a , nula senior lam ni tawh mah ila Korean nupa thil ei hi hmuhnawm hi Kan ti em em khawp a .





Door Bell a rawn rik ral ral chuan kawngka hawng tur in ka tho chhuak nghal vat a , kawngkhar bul ka thleng tawh tih ah chuan hmanhmawh deuh hian nu zovi chu kitchen atang chuan arawn kal nghal hlawk hlawk a .





"Nu zo keiman ka lo buaipui mai ang , I thil tih lai va chhunzawm leh daih rawh " ka tih leh chuan a ni pawh a let leh mai a .




" Ka call I chhang thei lo a " kawngka ka hawng rual rual chuan Nunmawia chuan a rawn ti nghal zat a .Keiman ka hawng dawn tih hre lawk awm tak Ani.





" Sorry tun lai chu ka chau ve thei khawp mai , Kan tang ve em a , rawn lut rawh " tih pah in arawn luhna tur kawngka chu ka Kian nghal zat a.





" A pawi lo a nih ka ring deuh hrim hrim a ,ka rawn leng khat em a , zanin chu ka rawn leng dawn a pawi em " arawn tih leh chuan" Pawi lo e " ka lo ti mawl tawp thung . Hei chu Nunmawia Zia ve hrim hrim a rawn leng dawn hian min dil hmasa ziah zel .




" Mambawih tu nge a I va rei tawh ve " ka nu chuan sitting room atang chuan a rawn ti Lang Lang a .





" Nunmawia mawle Kan rawn phei " tih pah in sitting room lam pan chuan ka kal nghal zat a , ke pen thawm awm ve zel avang chuan min rawn zui ve tih ka hre thei mai.



Rei pawh arawn leng pa chuan Nunmawia leh ka pa chu a in be thei viau , Nunmawia hi tunah bank manager hna thawk lai a ni a , ka pa pawh hian a makpa atan hian a iai lo tih ka hria .



Chubakah Nunmawia hian a ti ti pui thiam em a , politics lam a hre phian a , ka pa lawm zawng tak pawh a sawi thiam , hei tunah pawh politicsa lam bawk a nih hi an sawi ni .


Ka pa hi CM meuh ni mahse politics hi a mik a mak ka hre Miah lo thung , ka buai hran lo bawk , vote thlak a ngaih hunah vote ka thlak ve a ni mai.



" Nunmawi tun lai in dawr lam te enge a an ?" Ka nu chuan ka pa nen an in biak kar lakah chuan a zawt nghal zat a.



" A a tha a ni mai , dawr te chu a chang in kan in hralh tha a , a chang leh a man zat Kan hmu tawk a ni mai " ka nu chu thiam tak hian a chhang nghal zat a.



" Nia tiraw dawr neih chu a buaithlak ang ka ring , hlawk chang leh hlawk loh chang te hi a awm chawk a " ka pa chuan a rawn ti ve leh zat a . Ka tui zawng a nih ve lem loh avang chuan thingpui lum tur Chuan kitchen lamah chuan ka phei nghal zat a .





Thingpui ka va keng phei chuan politics ah bawk an lut leh tawh , an bulah chuan ngawi rengin phone khawih Chung chuan ka thu ve reng ringawt a .



" Tun lai hi biak I har " ka bula rawn thut phei pah in Nunmawia chuan arawn ti zawi sap a . Ka nu leh pa te chu thingpui in zawh hnu lawk khan an mu tawh a , tunah chuan Kan pahnih chhiah in Kan meng tawh .




" Keima tawk ah ka buai ve em atin ni " ka lo ti vat thung .



" Imm , I thawk rim lutuk , tunlai phei chu ka hmu Cher che , in enkawl tha rawh aw " arawn tih leh chuan




" Exam a zo a nga ngai ka awh leh vat mai ang" ka lo ti mai thung.




" Ti nge hnathawh ve kher hi I duh tlat le , in nei tawh mai ila , ka chawm zo lutuk che " thaw ham ham chung chuan a rawn ti hap a .



* Nunmawi ka La in peih lo , min nghak leh hret rawh a rei tawh lo ang" ka lo tih chuan a ngaihdan a nih hmel vak loh .



" Kan upa tawh naupang chia zawk zawk ka ni tawh lo , hna lah Kan nei ve ve leh nghal " arawn tih leh chuan



" Nunmawi Kan inngaizawng tirh pawn ka sawi Chiang vek tawh kha " ka lo ti hmuk thung .



" Ka tihpalh dik tak chuan ka nu leh pa te fapa neih chhun ka ni ve a tu neih te an chak ve tawh a, an sawi an sawi ve tawh bawk nen , nanglah in ka la in peih lo I ti reng bawk sia ,min duh ve tak tak lo ni hian ka hria " min dem tawng kai deuh hian a rawn ti leh duah a .




" Ka hmangaih che chu ka ti thei lo , mahse ka duh Zia che chu I hriat ka ring , nangmah bak ngaihzawng tih tur ka la nei lo bawk " ka ti ve nghal zat a .Ka lungawi loh vanga sawi ka ni lo , Kan in ngaihzawng dawn khan pasal neih mai ka la duh loh thu ka sawipui nghal vek , a ni pawn a sawi buai lem lo a nih kha ,mahse tun hnai te hi in neih lam hi a sawi reng zel .




" Chan che ka duh lo , ka hmangaih lutuk che hre reng rawh aw " min kuah vang vang paha arawn tih chuan " imm " ka lo ti ringawt thung




Thil chi hrang hrang sawi a ti tiin Kan nui leh hak hak thin a hlimawm duh khawp mai.




" A tlai tawh khawp mai , ka va haw tawh a nge " tih pah chuan a ding chhuak nghal zat a , keipawh ding ve nghal zat a



Banga Sana in tar ka en chuan dar 10 leh chanve a lo ri tawh , a tlai chak khawp mai.



A haw tur chu pawn thleng ka zui chhuak ve a , a car dah na bulah chuan ding dun leh in min Han kuah leh vang vang phawt a .



" In ka thlen veleh ka rawn bia ang che " tih pah in ka hmuiah chuan duh thaw zet hian a rawn fawp ngawng ngawng a , rang zetin ka lo chhang let ve nghal zat .




" Muittui aw lut tawh rawh " min thlah hnu chuan thaw ham ham chung chuan a rawn ti a , chhang buai tawh lemlo chuan in herin Kan in lam pan chuan ka kal nghal hlawk hlawk a .





Khumah chuan mu in thil tam tak ka ngaihtuah , pasal pawh nei dawn ila ka nu leh pa te chuan phal loh chhan tur an nei lo , mahse tinge ka hre bik lo ka thinlung hian a pawm thei tlat lo atin ni .




Ka phone message tone a rawn Rik chuan ka en nghal vat a


" Ka thleng chhiah aw" Nunmawia hnen atang a ni , chhang tawh lemlo chuan ka phone chu ka hmet thim tawp a ,muthilh tumin ka mit ka chhing nghal chial bawk .




Zingah chuan hma deuh tak a tho in , in hnuai lamah chuan ka chhuk thla nghal a



" Hei aw green tea" tih pah in nu zovi chuan ka lut min hmuh chuan a kuta a keng chu ka lamah arawn lek phei a



" Ka lawm e " tih pah in ka la nghal zat a.



" Ka nute hi an la tho lo mi " dining chair chu pawt chhuakin ka thu nghal zat a .


" Tho tawh e , pi puii chu Remi nen an bazar a Pu vana thung chu thil pawimawh a awm an tia an rawn phone a a kal chhuak ta a nih kha " arawn tih chuan ka lo bu ngat ngat ringawt .Remi an tih hi Kan awmpui pakhat zawk a nia , ala naupang khawp mai , Kum 20 vel awr chauh a nih ka ring .



Thingthlang tanga khawpui a in hlawhna zawnga rawn kal a ni nghe nghe , a felin a zuan a zang reuh a , ka nu leh pa te pawh hian an duat ve khawp mai



" Imm a nih chuan keipawh ka Han in en fel leh lawk a nge " tih pah a thawchhuak in tui dehna lamah chuan phei nghalin ka green tea in na chu ka sil nghal mawlh mawlh a.




" Tinge ilo sil a , lo dah mai mai tur che lawm " nu zovi chuan a rawn ti nghal thuai a ,


" Hei ka sil zo tawh , a har hleihnem " tih pahin ka no sil chu no dah naah ka ren nghal zat a .



" Ka nute an rawn haw chuan lo hril mai rawh aw" tih pahin kitchen atang chuan ka chhuak nghal a .




Ka room ka thlen chuan guestion paper te chu ka check leh nghal zung zunga, ka check zawh chuan inbual Turin bathroom ah chuan ka lut leh nghal zat a .



Ka in peih fel meuh chuan a lo tlai ang reng tawh khawp mai ,hmeichhia hi chu neuh neuh hi Kan nei a Kan HMA ve viau a maw Kan in tih pawh hian Kan Han inpeih ve meuh chuan alo tlai duai tawh zel.




Ka scooty na ni a ni hlauh a ka van nei ang reng khawp mai school lam pan chuan ka tlan nghal nal nal a, school ka thlen chuan school compound chungah chuan naupang ho chu lehkha bu chhiar chung an lo vei nuai nuai mai , an tang hlawm khawp mai .




Exam hall luh hmain an in line leh te te pawh a , pricipal in en tawn that loh Zia thu te , thahnem ngaih a pawimawh thu te leh answer ziah hmaa tawngtai hmasak a pawimawh tute in zirlai naupang te chu a Han fuih leh hmasa te te pawh a , a duh asawi zawh chuan exam hall ah chuan an lut nghal




Keipawh ka duty na hmun turah chuan ka lut nghal a , guestion Han han sem chhiah chu a then chuan an ziak nghal mawlh mawlh a , a then erawh chu an hawi nghal hu hu mai , tiang hi chu an awm ngei ngei zel pakhat tal chu



Malsawmsanga pawh a thiam hmel khawp mai , a ziak par par chuan ka hria ka nui sak ringawt .


Dar kar khat a ral meuh chuan chhuak an tam zawk tawh , a then chuan an la ziak mawlh mawlh thung , lo in hrilh tawk lah Bo lo .



" 5 minutes chiah a awm tawh aw" ka tih chuan Malsawmsanga a chu arawn hawi zawk a , a ziah chhunzawm leh nghal char char , tunah chuan a mah leh keimah chiah exam hallah hian Kan awm tawh thung.



"I thiam em ?" 1minutes la awm a arawn dah chuan nuih sen sen chung hian ka lo ti nghal vat a .


" Ka pass chu ka ring " min nuih leh var var chung hian a rawn ti ve nghal zat a .




Short story a ziah tum kha ka ni ka duh aiin a sei dawn a nih hlem khawp mai