TWISTED LOVE ((CHAPTER-5)

[Hriatpuiii Hauzel]

Previously:
In inngaizawng tak tak dawn nih chu" arawn ri khau a "Awih awmloh emai....Kei ang teh lul hi min duh iring ami" ka tih chuan "Mawliii.....a chhai a chhai dan che leh i number a dil aṭang che hian i ringhlel ve miah lo mi" atih lai tak chuan kan hnung aṭangin bike horn rawn in pe vak vang chuan kan phu zawk.




Sawi mek mek laiin Ethan-a lo ni in “Thlah in ngai em" a tih chuan lu kanlo thing rang hle reilote kan inbiak hnu chuan a kal ta a




School kan thleng chu Ms-a chuan min rawn kuah vatin “Happy Birthday" a rawn tih chuan ka bang bo hle




“Tu maw?" Kalo tih chuan “I birthday nilo mi" a rawn tih chuan a hnungah chuan lo beng in “Naktuk alawm,vawiin Friday" ka tih chuan a lu chu hiat neuh neuh in “Happy Birthday lehlo mai" a tih chuan kalo nui hak




Class ah bag chu dah in pawn a ṭhutna awm ah chuan kan ṭhian dangte nghah pahin kan ṭhu a




Ruathlui chuan “Hostel ah ka awm peih tawhlo e" a tih chuan “Keipawh" kalo ti ve nghal




Kum tawpah board exam awm hi kan huphurh tlang hlawm hle tihtak ah chuan naktuk hi ka birthday ania kan ṭhianho hian chaw kan ei khawm ngun sia ka nu hian a phal angem aw.



Ka ngaihtuahna kalo kawm mial mial lai chuan Ms-a chuan “Lo kal rawh bell a ri tawh" a tih chuan ka harh ve zawk... Ms-a hian min duh tih hi ka hriatna ala rei vaklo ka hriat tirh chuan keimah pawh hian mak ka ti hle,ka chungah a ṭha em em zel a mahse ṭhian ang bak a en tumna ka neilo..




Class ah chuan a ngaite bawkin Tluangi chuan eitur chu a rawn phawrh leh tawh tunah chuan in aṭang a theihai bawl alo ni nui vur vur a kan en chu kan sir chuan




“Eitur hmuh avang a nui ho kha ding rawh ule" a tih chuan kan lo hrelo der hmak inla fel tawkin kan in kuangkuah deuh than a




Sir bawk chuan “Tluangi khawi i thil rawn ken kha" a tih chuan Tluangi chuan “Engmah ka pailo ka chhungten pawisa min pe duhlo a eitur leina pawh ka neilo" alo ti nghal




“Ka hmu vek alawm le" atih chuan Tluangi vek chuan “Ka Tiffin anih kha" a ti leh a sir chuan “Theihai Tiffin ah i ring dawn tihna mi" a rawn ti leh Tluangi lah chu ape tawh dawn amaw tih laiin “Ka in diet a" alo ti sap





Kan insum zolo chu kan sir tiamin kan nui chhuak hawk sir chuan “I in diet chuan chhunah engmah ei angai lo khawi" tiin lak a tum chu “Korean ho tihdan alawm chhunah cher nan theihai an ei ṭhin" a ti chu sir chuan a Tiffin chu a lak sak a





“Ka class ah chuan in diet angai lo" tih pahin thil chu min zirtir chhunzawm leh ta a...Tluangi chu a luhlul ve hrim hrim chewing gum chu a rawn la phawrh hram a..




Lunch break ah chuan canteen lam chu panin thil chu kanva ei a,Muankimi chuan “Engtin nge i birthday chu lawm i tum" atih chuan ka dar chu san in “Ka hrelo zanah ka chhungte kalo zawt phawt ang" ka tih chuan anlo bu nghut a




Tlaiah chuan phur lutuk tak maiin inah ka haw a,in ka thlen chuan ka nu chuan “Puanpho han seng rawh" alo ti nghal inthlak in puanpho chu ka han seng nghal mark tihṭhat viau angai birthday ka lawm dawn chuan




Rawng chu bawlin ka bawl zawh chuan intifai turin inchungah ka chho a ka zuk chhuk chuan chaw ei anlo rawt a ka siam nghal



Chaw ei lai chuan ka chhungte bulah chuan “Naktuk ka birthday hi engtin Nge ka lawm dawn" ka tih chuan ka pa chuan “Aw lawm vak angai ami inah lawm mai ula cake te chu in order leh mai anga" a tih chuan kalo bu nghut.Ka nu chuan “Duhleh I ṭhiante nen in te hi chei ve ula" atih chuan kalo phur hle



Chaw eina ka tihfel hnuah chuan thleng chu ka sil a, naktuk ni vat se ka ti hle naktuk a ka awmdan tur te kalo ngaihtuah a




Kawngkhar chu rawn kik tu an awm avangin “Lo lut rawh" kalo ti a Ethan-a te bawk chu...Hemi te ṭhianho common zia hi zantin an rawn leng peih min rawn nuih sung chuan kalo nuih let ve a




Tihtur dang hi an nei velo amawni kan inah zantin an rawn tawm reng a




Ka u chu ko in inhnuai lamah chuan games chu an khel a,keipawh an bulah chuan reilote awmin inchungah chuan ka chho ve ta a



Roomah chuan lutin ka phone chu ka khawih vat a.Ka ṭhiante bulah chuan "Naktukah ka chhungte chuan lawm an phal a,ka nu in i duhleh inchhungte hi i chei ve ang a ati" ka tih chuan ka ṭhiante chu an phur ngang mai.


Group video call chu arawn awm vat a "Nuam e...naktuk chu in kan rawn cheipui ang che" an rawn ri chul a.Muankimi chuan "Eee....colour theme party ang type khan eitur keimahni colour chiah kha ken tur ti ila" arawn tih chuan kan lo pawmpui a.


"Muankimi chuan keichu blue ka theme" arawn ti vat a,Thanpuii chu a eng(yellow) ania,Ruathlui chuan adum athlang a,Tluangi ve thung chuan a sen a thlang bawk a.Keichuan "Ka thlang ve dawm em" ka ti vat a Muankimi chuan "Nangchu theme a ngailo chhelo deuhin inchei la hrem mahse eitur chu iduh duh lo lei ve tho rawh" arawn ti a.Ruathlui chuan "Cake a awm dawn em" arawn rih chuan ka hrechhuak zawk.


"Lawks aw" tih leh phone call chu dah ka rual a.Inhnuaiah chuan chhukin "Nu cake hi eng tin nge kan tih dawn" ka zuk ti lung lung a."Khawnge kan order ang" arawn ti vat.Chutih laiin Ethan-a chuan "Ka nu in a siam ṭhin asin" arawn ti a.Ka nu chuan "E...a ṭhat chu nakinah Ethan-a hi zui phei la i cake duh dan te chu iva sawi ang a" atih chuan Ethan-a rawn inrawlh leh in "Tunah kan va kal dawn ami" arawn ti nghal vat a pawi ka ti chuang miahlo.


Pawnah kan chhuak chiah chu "Naktuk i birthday ami" arawn tih chuan ka lo bu nghut nghut."Min sawm ve dawn em" alo tih chuan "Zanah lo kal la cake te irawn ei ve anga" ka tih chuan "Kal i phal tak tak maw,ka rawn kal tak tak dawn ania" atih chuan "Rawn kal mawlh mawlh rawh" ka lo ti vat.


An inah chuan kan lut a anu ni awm tak chuan "Kha khawilam nula nge i rawn hruai ve teh nawlh a" alo tih chuan ka lo lai ve takzet."Nu ka bialnu nilo ka ṭhianpa Zoa nau kha anih hi,mahse i monu ala ni vat ang" atih chuan Ethan-a chu ka melh hrak a.


Ka lai chhe nasa lutuk chu ka awmna hmun hi rawn kaw hawk se tlak thlak daih ka chak."Vel che hian a,eng nge i ṭhianpa nau chu i rawn hruai haw a" anu chuan alo tivat "Naktuk a birthday ania.Cake order aduh a" minlo tih sak a "E...chutia law i duh dan te lo sawi la,kan monu hual te ila ni dawn sia tui deuhin ka lo siam sak ang che" atih chuan lai zet hian ka phone a cake ka duh ang tak chu ka hmuh a."Ka number hi la la minlo thawn la" alo ti vat a.A number cuu sawiin cake thlalak chu ka thawn nghal vat a.


"Engtin nge ka save ang" atih chuan "Rinpuii tirawh" ka lo ti vat a "Naktukah a lam theih hunah ka rawn hrilh ang che" tiin min nuih vur vur a.Ethan-a chuan "Nu anih chuan an inah hian ka leng leh dawn ania" ati leh a anu chuan "Rawn haw tlai lo la" atih leh hnuah min zui chhuak a.


"Tinge monu hual mintih kher a ka zak asin,chubakah in monu hual tur pawh k nilo" ka ti nghal tawn tawn a."Ila ni maithei asin a hriat miahloh ania" arawn ti nghal a.Kan ngawi reng takah chuan "Inu kha avan fel em em,a hmelṭha ropui si,inu i chhun ani hrim hrim" ka rih chuan ka ṭawngsual tih ka hria ka hmui ka chip hmak.


"Chutia mi" arawn ti ringawt a ka bu nghut anih loh chuan ka ṭawng sual leh ang.In kan thlen hnu chuan ka roomah ka chho nghal a.Thil thleng kha ka ṭhiante ka la hrilh lo,naktuka hrilh turin ka khek rih a.Ka muhil nghal daih.


Zing ka thawh chuan ka phone ka en hmasa ber a ka ṭhiante chuan minlo wish nasa mai.Instagram ah nen whatsapp ah nen.Chuan thil pakhat Ethan-a pawn min rawn wish ve ngei a keimah chuan ka nui vur vur.


Inhnuaiah chuan chhukin "Pa eng nge min pek ve dawn" ka tih rual chuan a wallet aṭang hian pawisa arawn phawrh chhuak a "Kha vawiinah i duh duh ilo lei dawn nia".Ka pawm nawlh lo chauh ani.A bianga chuk zeuh pah chuan ka lawm e ka ti a.