Malsawmsanga chapter 4

[Agatha thangen]

A chhuah hnu chuan keipawn guestion paper chu check a awlsam nan ka rem tha nghal mawlh mawlh a .



Ka rem tha zo exam hall atanga ka chhuah chuan ka ding chawt mai. Malsawmsanga chu school corridor ah chuan a lo vei kual sek a.



" Miss I..I phal chuan I phone ka lo hmang lawk " ka chhuak min hmuh chuan ka lam pan a rawn kal pah hian in thlahrung hmel deuh hian a rawn ti nghal vat a.



" A ka nu damdawi tur lei ka ngai a, a awmna dawr ka zawt dawn a mawle , midang ka hmu remchang mai bawk silo a " ka chhang mai tak loh avang chuan in thlahrung deuh hian a rawn ti leh nghal a .



" Min lo nghak lawk rawh, officeah ka phone ka dah , ka va la lawk ang"tih pah chuan office lam pan chuan ka kal San nghal a .A nute pawh chu va hmuh ve hrim hrim ka duh avangin ka bag chu ka la leh nghal a .




A hmun ka va thlen chuan bang ngheng hian kawisawi zen hian alo ding a min hmuh veleh a ding tha nghal sawk sawk a .



" Kha " tih pahin ka phone chu alamah ka ve lek phei nghal a " ka lawm e " tih pahin arawn ban nghal zat a, a hmeh nuap nuap hnuah



" Miss hmun dangah ka hmang lawk dawn I phal em " min ngaichang deuh hian a rawn ti zawi sup a " hmang rawh , hmang rawh " nui sanga ka tih hnuah ka piah deuh hlek ka hmuh phak diah chuan a kal phei nghal a .



A inthlahrung lutuk te mipa tih awm a mawi lo deuh a niin ka hria , a zum Dak reng a , mahse hei tak hian a nia a mah ti ngaihnat awm tu pakhat .




" Ka lawm lutuk aw miss " tip pahin phone chu ka lamah a rawn lek phei nghal va a .



" Imm , khawiah nge damdawi chu lei ngaia " ka lo ti vat thung .



" Hospital kal kawngah tho mawle , an mahni khan an kawl tawh lo alawm le , ka lei phei nghal mai ang " arawn ti leh nghal zung zung a .



" Khawi damdawiin ah nge in awm a " ka lo ti vat thung.



" Nazareth ah " zawi sup a arawn tih chuan " imm ka kalna lam tur anih chu lo kal rawh ka thlah phei ang che " tih pah in ka scooty dah na lam pan chuan ka phei nghal daih a.




In thlahrung duk chuan min rawn zui ve nghal mai .Kan tlan chhuah hnu chuan a ngawi kar reng a , a chang chuan min zah leh lutuk hi hreawm ka lo ti zawk thin .



" I nu che eng nat na nge a " ngawih reng ai Chuan tiin a tawng hmasaah ka tang zawk a , a upa zawk ka nihna avang pawh hian ka tih tur ve reng chu niin ka hria .



" A nat na em em a nei hran lo , malaria a nia , a Kum alo upa ve tawh bawk nen ka pan min thihsan hnu atang phei kha chuan a mah hi hrisel lo zual " arawn ti tha ve leh mai a biak hi chuan tha deuh hian min chhang ve mai zel , biak loh hi chuan min biak hmasak a tum ngai Chuang lem hlei lo a .




Nazareth hospital kawtah chuan ka ding nghal zat a " min lo nghak rawh , motor hi parking ah Kan dah lawk a nge " tih pah in min chhan HMA hma chuan parking lamah chuan ka tlan lut nghal a .



" I chhungte dam lo an awm ve em mi miss " a bula ka va ding rual chuan arawn ti nghal zat a . A nu ka hmuh ve dawn thu kha ka sawi si lo a , a hriat thiam loh hmel nasa.



" Awm hran lo , I nu chu ka rawn hmu ve zawk ang chu ka ti deuh a , chuan schoolah lo chuan miss min ti tawh Suh ka hmingin min ko mai rawh ka senior hmel tlat " nuih sen sen chunga ka tih chuan



" Mahse miss tih loh chu a har awm ee " naupang chhia zet hian a rawn ti nang nang chuan ka lo nuih hak hak thung .


" Kal rawh kal ang I nu chuan rei alo ti tawh ang che " tih pah in a banah chuan ka Vuan nghal zat a .A la Phu uih zui a ruk tak chuan ka nuih ati za ang reng khawp mai .



Hospital ah chuan Kan lut nghal mai a , mi an tam ang reng khawp mai , hospital hi chu a lun thei ang reng khawp mai, a chhunga lo awm te lah chuan Keini pahnih chu min en ang haw haw hlawm lehnghal .






A nu awm na ward Kan thlen chuan a nu pawh chu ka rin ai tak in tha , a lo lawm thiam em em mai lehnghal a , in chhir awm duh lo tak a ni .



Ka rin ai takin ka awm rei tawh a tawng duh bawk sia , ka haw dawn chuan dar 4 a ri dawn hnai thuak .



" Han chho tawh rawh I nun rei a ti tawh ang che " parking thleng min rawn thlah Turin a nun a ti tlat a , a ngai lo ka tih pawn a ti lui tlat sia , Han hnial reng kha tiin ka in thlah tir tawp kha nia.



" Ka lawm lutuk aw miss" arawn tih chuan Alam ka hawi vat a, mahse min en lo hmundang chu hmuhnawm tih hmel deuh hian a en vang vang thung.


" Eng avangin " ka tih chuan ro deuh a lo nuih hak pah hian " ka nu damdawi in awm chhunga rawn Kan tu awm chhun I ni " rilru nat hmel deuh tak hian a rawn ti deuh ngut a , Han sawi mai tur pawh ka hre lo , ka hamhaih deuh , thil tamtak ka ngaihtuah naah arawn lut nghal zat a .



A nu chungte lam a nih loh pawn a pa chhungte lam tal pawn a tlawh Miah lo tih na mawn le .



" I ngaihtuah awm ang tur chu ka hrethiam mahse Keini chu Kan rethei a , mi rethei hi chu chhungte pawh hian min en San zel alawm " ka mitah tak en hian nui sang chung hian arawn ti dam leh nghal dap a , nui sang mahse a rilru natna chu a thup famkim thei ngang lo a ni



" Ka rawn tlawh ziah ang hun ka nghak alawm , chu bakah nula senior tih takah engmah keng sakna chang ka hre lo a , ka rawn Kan leh hunah chuan ka rawn keng tawh ngei ngei ang " nuih ver ver chunga ka tih chuan



" I rawn kal ringawt pawh kha kan lawm lutuk a nia aw, engmah rawn ken a ngai reng reng lo miss " arawn tih duah chuan " miss ti tawh Suh ka tih kha " ka lo tih hmuh chuan



" Tun lai chu nula senior bulah ka awm tam lutuk a , ka hriatna te hi a tha lo zo tawh a nih hi " nuih hak hak pah a a rawn tih chuan " I chhe mai e a " ka lo ti hlak thung , arawn nui chhuak ngak nghak mai .



A la nuih reng lai chuan " ka kal aw "tih pah in ka tlan chhuak nghal a .keimah in ka nui leh var var thin nula senior min tih kha midang chu ni se ka in hnial pui hrep duh ang ,mahse min ti tu kha Malsawmsanga a ni tlat a , ka nui var var reng mai , min fiam ve ngei chu a ni awm sia .



" Nu ka pa a awm em "? Ka tih ziah dan in ka zawt hmasa leh ber a " lawngtlai lamah an Han zin a nih kha an cham rei deuh ang " arawn ti ve leh mai.




In chungah chuan zai rat rat in ka lut nghal a , vawiin a ka hun hman dan chu nuam kaan ti em em khawp a , tleirawl star nei thar ni awm tak ka ni .



Ka nui ver ver rei lo khawp mai Nunmawia missed call ka hmuh chuan ka down nghal vek thei zah puiawm ka in ti ,bialpa nghet ka neih reng laiin mipa dang ka vei tlat mai a nia , mipa satlih mai pawh a ni lo , ka zirlai naupang a ni lehnghal rilru a buai map thei.



Phone chu ka ring ral tir thak a , ka mood tha lai zawng zawng a rawn ti chhe nghal vek . Arawn tih nawn leh pawn ka ring ral tir leh thak a arawn ti nawn reng dawn a ka hriat avangin in bual Turin bathroom ah chuan ka kuch San nghal daih a .



Zan dar 7 velah chuan ring ang ngei ngeiin Nunmawia arawn Lang leh tawh , a buai lai tih lohah chuan zan tin a rawn leng thin .Mahse zan dang ang in keimah hna a thawk lo hrim hrim , ka rilru chuan ka in thiam lo deuh reuh, mahse ka ngaihtuah na hi ka thunun thei a ni bawk si lo a tin ni .



Zan dang ang bawkin ka nu chuan dar 9 velah min mut San leh daih a , Kan pahnih chhiah in kan awm leh tawh




" Zan dang I ang lo , zan in hi " ka bula rawn thut pah chuan Nunmawia chuan arawn ti nghal sup a


" Ka ang loh pawh ka hre lo , tun lai chu ka sawi kha , naupang exam neih laite Ani sia ka chau deuh a niang " ka lo tih sak mai thung.



Ka awmdan in a zir loh vang nge dar 10 velah chuan haw a rawt reng a keipawn pawn thlen thlah loh chu tiin pawn thleng chu ka zui chhuak ve nghal a.



A car dahna bul Kan thlen chuan a tih dan ngai te chuan ka hmuiah chuan min rawn fawp nghal tawn tawn a , ka chhang let lo thung ka lo dawh mawl tawp ringawt , ka rilru ka pe thei lo , chu chu a hrethiam ve a nih ka ring rei pawh mi fawp lo .



" Muttui" tih pah in min chhan na pawh nghak lo chuan in lam pan chuan ka kal nghal hlawk hlawk a , tuna ka awmdan hi ka duh lo , Nunmawia hrilh hai dan tur te ka ngaihtuah in keimah leh keimah ka in hua.







Keima remchan dan in ka rawn post tawp zel aw , hun bik em em a nei hran lo mahse nitin chu rawn post ka tum ang ,