TWISTED LOVE ( CHAPTER-6)

[Hriatpuiii Hauzel]

Previously:
Inhnuaiah chuan chhukin "Pa eng nge min pek ve dawn" ka tih rual chuan a wallet aṭang hian pawisa arawn phawrh chhuak a "Kha vawiinah i duh duh ilo lei dawn nia".Ka pawm nawlh lo chauh ani.A bianga chuk zeuh pah chuan ka lawm e ka ti a.





Ka phone ka en chuan ka ṭhiante chuan picnic ang u anlo ti a,chaw ei laiin ka chhungte bulah chuan ka hrilh a anlo remti ve ngei a mahse ka u ka hruai angai mahse pawi ka ti lemlo...Ka nu pawh chuan ka birthday a ni bawk sia pawisa te chu min pe a




Ka u bulah chuan “I duhleh i ṭhiante kha sawm ve la " ka tih chuan alo bu nghut a....





Inchungah chuan insiam turin ka chho a ka intihfai hnuah chuan kawrfual chu ka la chhuak a, ka inchei chhung pawh a rei hle...Ka ṭhiante bulah chuan ka u leh a ṭhiante anlo kal tur thu ka hrilh chuan anlo phur hle Ruathlui phei chu a za cheng




Kan inah innghah khawm tur kan tih avangin a mal mal chuan anlo thleng a...Ka insiam rei an ti nge min rawn au leh sek tawh ka sam chu thlah hnangin ka samah chuan bakilh te reuh te te ang chu ka tibet fur a




Inhnuai a ka chhuk chu ka lai dawn dawn Ethan-a ka en phei chuan ka lai lek lek midang pawn minlo en deuh ṭhup a ka nu lah chuan “Awi bawihte i mawi lutuk khawmaw i u nen hian thla la rawh u" a rawn tih chuan ka zak lutuk




Ka u nen chuan min din dun tirin thla chu min lak a,pawnah chuan chhuakin inphur dantur chu kan sawi a,ka u chuan min phur ang a ti zet na a Ruathlui phur rawh kalo tih tlat chuan a phur ta nge nge a




Ka u chuan “Tuin nge phur dawn che" a tih chuan Ms-a chuan “Kalo phur mai ang" alo ti nghal a lo bu nghut in a helmet min pek chu uluk tawk a khumin a bike hnungah chuan ka chuang ta a




Ka hnunglam kava hawi chuan Ethan-a hian minlo melh kur a bye bye zeuh in ka hawi phei leh nghal a




Kan picnic na tur hmun chu a hlat deuh avangin kan tlan rei hle,kan kal mek tih chuan putar te pakhat hian chawhmeh hi alo zuar a,kan khawngaih deuh chu haw lamah puih tumin kan tlanpel leh mai a




Ms-a nen hian a hnungber dawttu a tlan kan nia kan hnungah Tluangi leh Muankimi an rawn tlan veleh a kawi a kan kawi tur chu au ri kan hriat avangin kan hawi let vak a “Ms" ka tih chuan a tlanphei nghal a





Tluangi chuan Muankimi hi alo thlauh a, Muankimi lah chu a ṭe tuarh tuarh a Ruathlui te leh Ethan-a te pawh chu an rawn tlan let leh a kanva thlen chuan putarte pawh chuan alo hau nasa




Tluangi chu awm ngaihna pawh a hrelo “Chhuk ta che ngatinge ila beh a" a tih chuan Muankimi chuan “Heihi" a ti a Tluangi chu a kual dawn a,a kual rual chuan Muankimi chu a kual ve zel a,ka u chuan “Exhaust ah a ke pakhat a bet anih kha" a rawn ti a




Muankimi chuan “Nui renglo khan min rawn pui ta che u" a tih chuan kanva pui a,kan puizo chu inmelh hrek hrekin kan nui na vak vak a keiphei chu an hmel zawng zawng nen ka mittui a tla dawn hial




Tluangi chuan “Ms Muankimi hi phur mai teh kan pahnih chuan kan chawrche dun emai..Chubakah minti confi lo zual tumah ka phur rihlo mai ang" a tih chuan alo bu nghut a keipawh chhukin “Tunge min phur ang" ka tih chuan Ethan-a chuan “Lo Kal rawh" a ti a phur tawkin a bike ah chuan ka chuang a,putarte thil zawrh pawh kha kan lei sak ve nual a

.



Ethan-a chuan “Ms-a kha I bialpa mi" a rawn ti teh thawr “Ngatinge" tih a kalo chhan chu ka zawhna pawh chhanglo in “I bialpa mi" a rawn ti ṭha leh “Aih" kalo ti rang hle “A ṭhat chu" to deuh sup in a tlan chak belh a




Darkar hnih tlan anih avangin kan tlan rei ve hle...Kawng lakah chuan tui leiin kan tlan chhunzawm leh a... Ethan-a nen chuan kan inbe reng bawk biak a nuam em em leh nghal





Kan thlen hnu chuan kan pawr deuh fap a washroom ah chuan kalin kan insiamṭha vel a thla te chu kanla nasa hle





Vawiin atan tawp ka ṭhianten picnic spot min book sak avangin tumah zahpah tur chu an awmlo a,a nuam hle




Ethan-a pawh chu ka bulah rawn kalin “Thla la ang" a rawn ti a ka ṭhiante chuan phur tawkin minlo laksak





Ethan-a chuan ka dar a min kuah chuan ka hit chhuak vek in ka hria ka bengah chuan rawn phun supin “maw" ti a ka hawichho chu kan mit a tawng chat min rawn nuih sang a kalo nui ve ringawt





Ka ṭhiante chuan “A mawi lutuk ti khachuan inngaizawng te pawh in ang alawm le" an rawn ti a kalo lai lek lek a hnuah kan thlalak ka en chu a mawi tak tak




Kawrfual var chungah chuan cardigan hi ka ha a ka hak ang rawng chiah jacket chu a rawn ha veleh a kan thawmhnaw rawng zawng zawng nen inngaizawng kan ang tak tak




Kan thlalak chu amah kava thawn ve nghal a...Tui chu chengin tui chhungah chuan volleyball chu kan khel a kan khek nasa hle...Ethan-a pawlah chuan ṭangin ka u leh Ruathlui te an ṭang dun veleh thung a midang ho chu a pawnah hla play in anlo lam nasa hle





Ethan-a hi engkim a thiam in ka hria min chakpui char char a tawpah phei chuan ka u peih tawhlo chuan “Ka lam ve dawn" a ti a min chhuahsan daih “Ka kal ve duh" tih a ka kal chu ka pial zawk ka pil nghal daih ka inhai vak vak nghal midang ho chu an lam tui si a ṭhen eitur lei tur ten an kal a min hmulo aniang




Auh ka tum a ka pil zel tui ka hak ṭeuh tawh mahse vawileh khatah tui aṭang chuan min rawn pawt chhuak nghal





Ethan-a chuan “I ṭha em??? Pool hnaih tawh suh" tiin a sir a ṭhutna awm ah chuan min ṭhutpui a,ka khuh kharh kharh laiin ka hnungah chuan minlo chul hauh hauh a




"Tui chu cheng tawhlo mai rawh,takhan lo ṭhu la i inhruk hul na tur ka va la ang" tih leh thawh arual a,reiloteah chuan rawn let lehin a towel anih ngei ka ring rawn keng in min pe mai dawn emaw ti a ka lo ban chu min amah zawk chuan min rawn hru daih.



Kan sir aṭangin Thanpuii chuan "Nqngni pahnih kha in induat bik lutuk rawn lam ve ru" arawn ti lung lung a.Ethan-a chuan "I ṭha tawh em,kan va phei ve dawn ami" atih chuan ka lo hnial hran lem lo.



Lam pawh chu kan lam chuanglo lo.An bulah Ethan-a nen chuan kan lo ṭhu mai mai thung.Kan ngawi rauh rauh lai chuan "Haw lamah ka phur ang che aw" Ethan-a chuan arawn ti a.A pawi ka ti hranlo a ka lo bu zeuh.



Tlaiah chuan haw tumin kan inbutsaih ṭan a.Ms-a chuan "Rinpuii ka phur ang che" arawn tih chuan "Ethan-a hian min phur dawn a,Muankimi kha lo phur zawk mai rawh" tih leh Ethan-a lamah phei ka rual a.



Min star tih ka hriat aṭang hian Ms-a hi ka hnaih vak duh tawhlo achan chu keichuan ṭhian anga inkawm reng hi ka duh zawk vang ani.



In kan thlen chuan ka nu chuan chanchin te minlo zawt ve luam a,kan vai chuan kan inah chaw kan ei nghal.Chaw ei na kan seng fel hnu chuan seating rooma Ethan-a ṭhu bulah chuan "Cake kha min va lampui la" ka ti ru sar sar a bu nghut chungin alotho ve mai.






Pawnah kan chhuak chu “Ka phone ka theihngilh" a tih chuan “Kava la ang" ka ti a ka phei nghal...A phone ka va lak chuan notification alo thleng a,a phone chu a rawn eng a wallpaper ka hmuh chuan kalo khi suk vawiin a kan thlalak dun kha alo hmang a,ka â dawnin ka hria



Ka nu bulah chuan "Nu cake kan va lam dawn ania aw" ka tih chuan "Kha pawisa" arawn tih chuan "A ngailo vawiina min pek pawh kha ka hmang vak hleinem a daih em em ang" tih leh chhuah ka rual a.


Ethan-a te ina kan lut chu anu chuan "Ehe monu hual chu iva chelo em em ve" alo ti hlut a."Chutia mi" lai zet chung hian ka lo ti ve a.Fridge aṭang hian ka cake tur ni awm tak hi a rawn la chhuak a "Hei aw,kan monu hual te ila ni dawn sia ka lo tlawm ang che" ati ta mai rang zet chuan "Angai lo ania" ka ti nghal vat a.



"La mai mai rawh" ati tlat a,hnial ve eng ang mah ila a duh tlat lo a "Ka lawm e" ka ti ta ringawt a.Pawnah chuan "A nuam lo e" ka ti chhuak sap a "Aho lutuk,birthday gift ve ani mai" atih hnu chuan inbe loin kan kal zui nghal a.



Inchhungah kan lut chiah chu ka ṭhiante chuan "Inva rei ve zai nghal ang u" anlo ti chul a.Kan zai hnu reilo teah chuan Ms-a te hi chu an haw a.Ka ṭhiante chuan rawn riah an tum thung.



Dar 9 bawr vel chuan Ethan-a message ka dawng nawlh a "Pawnah lo chhuak lawk teh" arawn ti a.Ka ṭhiante chu hmuh vatin kei ai ai hian anlo phur zawk a hmanhmawh deuh chuan keipawh chu ka chhuak a.


Kan inbul deuh a thingbuk hnuaiah chuan alo ding reng chu ka hmu a ka pan hnai vat."Eng nge a" ka va ti thawr a "Happy birthday....ka la wish ve hlei nem che" tih leh a kekawr ipte aṭang chuan ṭhi mawi zet mai hi a rawn phawrh chhuak a "I ta tur" tih leh min awrh tur arual a.



"Ve ngei chuan ti nge min pek ve teh mial a " ka tih chuan "Ka bialnu ini dawn sia" arawn ti sup a.Ring ve ang reng tak hian "Awihawmlo" ka lo ti vak a anui suk duh lek chauh.



"Heihi mi min koh chhuah chhan" ka tih chuan "Ni tho a mahse sawi tur ka nei" atih chuan ka ngaichang reng a."Ka bialnu ni rawh" arawn tih chuan "Awiiii" ka ti chhuak hluai a."Eng nge" nuih in sum lek lek hian arawn ti a "Zanah hian ni a awm amawni ava han lum ve" ka ti a.Ahnu ah chuan "Kei ang te chu eng tin nge min duh theih a" ka tih leh chuan"Ka duh tawp che ni mai" arawn ti chhuak sap a.



"Keichu midang ang ka nilo a,ka mawl si,ka ri phawng phawng zel sia,keimah ber hi insiamṭhat tawp ka ngai" ka tih chuan "I nihna ang ang a i lan vang hian alawm ka duh che bakah keipawh ka mawl ve tho a mawl dun couple kan ni mai lawm" arawn tih chuan kan nui hak hak a.




"Keichu ka la thutak dawn ania aw,ka thikthu hi chu chhe hran lo mahse a chhiat tawh vekvek chuan chhe tak ani mai" ka tih chuan alo nui hawk hawk."Eng nge" phawk hra a melh pah hian ka ti a "Kan ni ta em" arawn tih chuan "I thu thu" ka lo ti leh daih a ka zak ve em bawk ani.



Ka inrin hma chuan min rawn kuah thut a."Lut tawh rawh i chhungten anlo hau ang che" ati a "Naktuk ah inkhawm ila ka rawn sawm ang che aw" ka tih chuan alo bu ve nghut.A inkhawm awm hi ka la hmu lo reng reng.



Ka rooma ka lut chiah chu ka ṭhiante chuan min lo bawr nghal chiam a "Eng nge chanchin" antih chuan "Kan inngaizawng" ka ti a anlo au chel chul a ka lo khap leh ṭhin.



Ka phone ka en lai chuan a message hi a rawn thleng a "Ka bialnu" tih te mai hi ani."I mu tawh ami"ka tih chuan min chhang lawk lo.Min chhan hma chuan status ka lo en mai mai a Ethan-a status ka hmuh chuan ka en nghal vat.



Vawiina kan pahnih a kan thlalak kha alo hmang a happy birthday tiin white heart(🤍) kha adah ngei a.Ka lawm e tiin ka va reply a.Nichina ka zawhna kha "La mulo tiin min rawn chhang a".Ka lo nui leh vur vur ṭhin aniang ka ṭhiante chuan "Lawm loh a nui chu mi a" anlo ti ve chhen a.Rei fe kan inbiak hnuah chuan kan in mangṭha ve ta nge nge a.



Zing ka tho chu ka mood afuh ngang mai.Ka ṭhiante pawh chu thawh san in inhnuaiah ka chhuk a,eirawng ka bawl lai chuan ka lo zai rat rat aniang ka u chu rawn ṭawng thut in "Bialpa thar neih chu ava nuam awm ve" arawn ti a "I hmuh zawh ve loh kha" ka lo ti nghal a.Min chhiat khum zeuh ah a kal nal nal.



Ka ṭhiante chu chaw eilo in an haw a.Inkhawm an tlai an hlauh vang ani pakhat."Insiam rawh aw ka rawn sawm ang che"tih hi Ethan-a ka va thawn a,rawn chhang vatin "Aw....ka nu in monu neih achak tawh ania a khua ahar tawh" arawn tih chuan ka lai leh ringawt tawh



Ka insiam zawh chuan Ethan-a te inlam chu ka pan a.Doorbell ka hmeh chuan Ethan-a nu chuan minlo chhawn a."E...iva han nalh em em ve.Ethan-a chu a insiam mek a.Lo ṭhu rawh" ati sawk sawk a,a fel tak tak ani.



"Inkhawm turin rawn sawm ziah rawh aw" atih chuan "Tehrengmai" ka lo ti vat a.Ethan-a pawh chu inchung aṭang chuan arawn chhuk ve a,a chhelo lutuk hi ka sawi thiam lo.



"Kal ila" ka lo ti vat a,inaṭanga kan chhuah chuan biakin lam kan pan nghal a.Biakin kawtah chuan ka ṭhiante chuan minlo nghak a,ka u te pawh anlo awm ve bawk a."Ka ṭhiante chuan minlo chhaih zeuh a.Biakinah kan inzui lut nghal a.



Kan ban chuan kan ina thil eikhawm chu kan rawt leh a Ethan-a ka sawm chuan alo rem ti ve mai a.Dawrah chuan kan pahnih chiah in min han kal tir kher a.Kan leitur kan lei hnu chuan kan inzui chhuak leh a.



"Nang teh meuh in min duh ve mai hi amak ka la ti reng" ka tih chuan "Eng hi nge mak vak a" arawn ti zeuh a."Amak vel vek ani mai" ka tih chuan."Iva han duhawm tak" tih leh ka biangah piai a rual a.